Hnam nunphung leh Society a zirin kan duhzawng leh inchei dan te, ei leh in thlengin a inang lo nuk hlawm a. Uisa hi Mizote chuan kan duh hlawm viau mai a, a bik takin mipa rual phei chuan uisa han eikhawm dar dar hi nuam kan tihzawng nite pawhin a lang a. Hmun thenkhatah phei chuan Kohhran Upa rual chaw eikhawm pawh hian uisa ngat an siam thin tihte pawh ka hria.
Ui leh Zawhte hi mihring zingah lo chuan khawsa thei miah lo leh mihringte min chenchilh hnai bertu an nih avangin ‘Pet animal’ tih an ni bik kher kher a. A bik takin Ui phei hi chu India ramah chuan a bik taka humhalh a ni. The Prevention of Cruelty to Animals Act, 1960 (PCA Act, 1960) phei chuan tih nat, chhaih nawmnah, ei tur tha pek loh, etc. te a khap bur a, a sa ei phei chu phal loh hulhual a ni. Hei hian neitu pawh nei lo Uicho (Stray Dogs) kan tih thlengin a huam nghe nghe. PCA Act mai ni lo, IPC Section 428 & 429 te hian a humhalh viau bawk.
Hetiang a nih lai hian kan ramah chuan Uisa Dawr hial kan nei a, a sa kan ei nasa hle bawk. A humhalh lam chu sawi loh vengtin leh khawtin mai hian kan thupui ber pakhat leh vantlang mike-a kan puan tam pawl chu ‘Ui khuahkhirh’ hi a ni. Duat tak leh hmangaih taka enkawl thin tam tak pawh hi kan ramah chuan an chep zawk lek lek niin a ngaih theih.
Uisa ei lo hnamah chuan engtik khawtikah mah kan inlet chuan a rinawm lo va, inkhap hleih theih pawh a ni lo vang. Amaherawhchu “UISA DAWR” em em hi chu awm lo thei se a duhawm hle chuan ka hre thin a, mi dangte hmuhah pawh hnam mualphona chi khat a ni thei ang em? tih hi ka ngaihtuah mai mai thin.
Dan pawhin a humhalh bik ui kher kherah hi chuan kan nun hi thlak danglam hlek thei ila, uisa kher ni lo sa dang ei tur a tam tho bawk a, uisa ei kher lo hian awm thei ila chu a tha mang e.
(Y)
July 12th, 2011 at 5:41 am
:-O
July 12th, 2011 at 5:49 am
Zodin Hall chunga UISA DAWR saw, tlan paha ka chhiar apiang hian USA DAWR tiin ka chhiar ziah maw le.
Tuk khat chu hmeichhe pakhat hian scootie a rawn khalh tar tar a. Ui pathum, talhsa hi a phur tel bawk a. Hmeichhe thahnemngai tak, sum la lut, UISA supplier a nih ngei ka ring.
Kanhmun lam atanga Sumo rawn chho chu a chungah leh a pang velah te ui an hawi thup zel an ti, bosta chhunga khung an ni a, an lu leng tawka reh-pawhah an dak fur e, an ti.
Hmuh ve ka chak, XaiA hian a la hmu fuh bik lo a niang, thlalak a la rawn contri lo em mai!
July 12th, 2011 at 5:52 am
Tlangnuam Patan veng (Block veng) atang sawn uisa a eizawng hian Kulikawn dam phei (Hmunthar) lam saw Aizawl lam pan nan a hmang thin. Uisa kenga a kal loh pawhin sawlai kawngphei vela ui ho chuan an bauh chuah chuah zel. A zak ve thin deuh aniang, nui deuh put put hian a kal sawk sawk mai thin.
July 12th, 2011 at 5:53 am
Mi tam tak tan eizawnna a lo siam ve a a tha mai lawmi! 😀 Tin, ui hi kan lainat dan a inchen vek lo bawk. A duhin ei se, duh lovin ei lo mai se 😛 sa dang aia a hrisel loh bikna tur a awm lo.
Kan ui a thih khan kar khat vel chu ka mu tha thei lo :-$ ui vulh ka sim hmaks 😛
July 12th, 2011 at 6:10 am
Hei zet chu ka pawm lo bur 100%. Vai ram ah hei leh chen ka awm a vai ho chunga ka sawi tam ber pakhat chu Ui an hmangaih thei lo hi a ni. Street Dog an tam em em a, i sawi ang khian Ui te hi mihring ngaina em em tute an ni. Tumah in an chenpui peih lova, khawlai ah an awm a an tawp em em mai bawk a, vun natna chi hrang hrang an kaia an bawl sen in an pan khir nasa thei em2 a. Ruah a sur in mi bathlar tawm hulna tur an zawng a an lo hnawt darh a, chaw ei tur tha mumal an nei lova nakruk lang vek in an vak an vak a, mi tam zawk in mihring hnaih a an khawsak an duh lova an hnawt darh fo thin. Hei tluka ran chunga ngilneihlohna hi ka la hmu lo ka ti ve tlat a ni. A sa ei ai pawhin a nunrawng thlak zawk in ka hria.
Ui sa hi ka duh em em a, chutiang bawkin Ui hi ka ran ngainat ber a ni bawk. Chaw kan ei na hmun rem chang ah te vai ho sa ruh nawi paih hi an hmuh loh hlanin ka khawm ru hram2a kawt laia Ui vak te hnen ah ka theh darh thin. Chaw pawh pe lo hian thil nung ve satliah mai mai ah hian an ngai a ni ber, ka lainat em em thin. Ui hi an hmangaih vang nilovin an ten vang in a sa an ei lova, khawih en ah pawh an en lo, an ngaihsak lo tawp, an ten avangin a sa ei mi pawh an ten vek. Hei hi keini Mizo ui sa ei te aia an nunrawngna ka ti ve tlat a ni.
July 12th, 2011 at 6:17 am
a dik viau mai, dan in aphal loh bazara lo zawrh chiam mai hi chu..!
Mahse mizo te hi Uisa duh tak kan lo ni ve bawk si, a buaithlak zawng anih hi.. A tui ve em bok ani!
Uisa hi keipoh ka duh thin khop mai a tunhma chuan mahse Gwahati, Kolkata velah street dog, chawmtu neilo tih hriat ngawih2, trawp fe fe an tam ltk a,,, ka eitui lo zo vek!!
July 12th, 2011 at 6:18 am
Tin, ka sawi leh duh chu Ui hi a sa ei lo ila tu vakmahin kan vulh peih lovanga kan vulh seng bawk lovang. An inthlahpung chak em em a, pakhat in no 4/5 vel tal an nei thin. Vai ram ang mai hian khawlai ah kan tlat darh tir ve anga tumahin ka ui an ti peihlo ang a, a chunga vai ram in an ensan ang mai khian kan en san ve zawk ka ring. Kan ei duhna tak hi kan rama an hlutna leh kan duatna chhan hi a ni ka ti ve tlat mai.
I research khi a fail tlat mai ka ngaihdan ah chuan.
July 12th, 2011 at 6:48 am
Chapter III,sec-11(3) (e)Nothing in this section shall apply to : the commission or omission of any act in the course of the destruction or the preparation for destruction of any animal as food for mankind unless such destruction or preparation was accompanied by the infliction of unnecessary pain or suffering.
Mihring in kan ei a tan chuan a phal ani tlat!
July 12th, 2011 at 6:54 am
Uisa ei phalloh tih inziahna PCA Act, 1960 ah dan ka hmu lova, i dan rawn tlawhchhan IPC section 428&429 ah pawh rawng taka tih hlum te, kuthlei(mischief) avanga thah te, tura hrai te khap a nih thu chiah ka hmu.
Kan hmangaih tur chu a ni, mahse ei avanga hmangaihlo tihna a ni kher lo, vai ho pawhin Kel(bagri) chu an duat hleuh2 em hi. An ei duhloh ui chung ah chuan rilru chhe tak anni thung. Kan ei (duh) loh chuan an nun hi a chep tulh2 zawk ang
(ka mut a chhuak tawh sia min chhan hma in ka mut hma ka han sawi luam a ni kha. Im going 2 sleep now) 🙂
July 12th, 2011 at 6:54 am
South Indian writer pakhatin Mizoram chanchin Novelette deuhva a ziak ka chhiar tawh a, chutah chuan, Zoram nawmzia bakah, thu raipuar deuh —”No stray dogs in Mizoram” a ti tel kher a, ui tang rang ei faitu-ah min dah deuh emaw ni chu le, min tihtir rauh rauh!
July 12th, 2011 at 7:14 am
hei chu full support! Uisa hi ei a pawh engtik lai mahin ka it ngai lo…tin, i rawn sawi ang khian Ui leh mihringte inlaichin phei hi chu ran dang te ai in kan in hnaih leh zual a..ka lainat em em vang pawh niang Uisa ei hi ka tum chhin ngai lo..kei mah mai ni lovin ka chhungte pawh in Uisa an ei duh lo..kan chhungkua chu Uisa ah chuan kan filhim 🙂
Tin, Ui humhalh lam i rawn sawi khi, hman ata tawh ka rilru ah awm ve reng thin ani a, engtin nge Mizo thalaite zingah hian Ran te chungah ngilneih na lantir hi kan hrilh hriat theih ang? ti in ka lo ngaihtuah ve thin, FB ah te mithenkhatte`n Ui talh tawh..foto an rawn upload te hi ka hmuh hre awm ka ti em em thin a, chuvangin FB kaltlang te hian Mizo thalaite zingah keimaha ang a Ui ngaina tu an awm ve tho ag chu tiin Ui humhalh duh group siam te thlengin ka lo rilruk ha..mahse vawiin thleng chuan ka lo siam ta lo a….
Ramsa/Ran te chungah ngilneihna lantir hi Mihring kan nih piah a Kristian kan nih avanga ti ngei2 tur kan ni si..good post!! rawn ziak zelrawh
July 12th, 2011 at 7:22 am
Ui lainat vanga uisa dawr tih tawp rawt em i nih? Nge vaiho uisa ei duh lo/uisa ten ho mitmei ven vang? Kan tih dan a ni a, ei ve duh lo chuan kil ve lo mai rawh se. Thianghlim kawngah chuan hmasawn zel ila.
July 12th, 2011 at 7:29 am
Zo ui, tualchhung mi ngeiin duat tak a an vulh, thian ten network chhiat vangin a talh/puah laiin min han hrilh thei lova, a ei hun a min han call tlang hlauh mai hi chuh, he lei a kan dam chhung a thil lawm awm tak pakhat chu a ni ve maw le. Uisa ka ei vanga min ten tu chuan min lo ten mai2 teh se, kei chuan a rim a tang pawh a a thihna rei tawh hmel lutuk mai nghapih an ei duh avang in an mahni chu ka ten phah chuang lem lo.
July 12th, 2011 at 7:36 am
Ui sa te chu, Korea bazarah leitur a awm reng bakah, sa man to ber pawl a nia, a sa pawh an ti thianghlim.
Ui sa ei hi thilmak leh thalo lam a ngaih tur a ni lem lo ve.
Ui sa ai chuan vawksa te hi a hrisel lo zawk daih mai thei 😀
July 12th, 2011 at 7:42 am
Zo ui diktak, thau tha tak hian ek hi tui ti takin an ei thin. Ek ei pawh ni raw sek sek, a battery hian a tui loh phah miah lo.
July 12th, 2011 at 7:45 am
Uisa duh I: Khawvela ka sa tui tih ber chu Uisa ania a dawt ah A thring…
Uisa duh II: Eee ila duh tak2 lo anih chu. Keichu a thring chu sawiloh a kehniak ka hmuh te hian chawtlang hi ka nawr sawk2 a a kehniakah tak mai khan,ka chawei atui em2 mai zel…
Uisa duh III: In duhdan ala nep e.., kei techu chawhmeh nei miahlo a chaw ka ei po’n Ui bauh ri ka hriat toh chuan dul hmul khat pharh khawpin ka eithei asin…
Duh ve hmel hlawm tak chu an ni.
July 12th, 2011 at 8:04 am
Ui sa ka ei ngai lo. Mahse ram changkang deuh deuh, Japan, Korea, China, Thailand ramah khian an ei ve tlat. Chu vangin Indian dang leh khawthlang mi ngaihdan anga uisa ei lo sawisel ka tum teuh lo mai.
July 12th, 2011 at 8:10 am
Keini ve hi, a rammite mitmei kan veng a, kan talh/ei ngam lova, a hrehawm ang reng. Tunah hian Argentina vrs Costa rica an inkhel mek. Arg. Te hi an game hmasa 2 ah beisei an phak lova, tunah hian tla thei dinhmunah an ding a, mahse Messi thiam zawng berin, Barcelona style dik takin an khel a, pui tak anni. (3 – 0 in an chak mek)
July 12th, 2011 at 8:15 am
Kan brite leh ta hret e. 🙂
July 12th, 2011 at 8:35 am
#5
Asteric Says:
Chaw kan ei na hmun rem chang ah te vai ho sa ruh nawi paih hi an hmuh loh hlanin ka khawm ru hram2a kawt laia Ui vak te hnen ah ka theh darh thin
A tha ka va tih tehreng em ..! Hmangaihna tak chu ‘tiang hi a ni reng a ni. Thiltih-in a zui thin. Tawngkaa khawngaih leh lainat ringawt hi a tha ve tho nain kori a tu lem lo fo. Uisa duh tak tak, a ei ve ngailo te aia ui ngaina leh hmangaih hi ka hre nual.
July 12th, 2011 at 8:39 am
Ei ang Ei ang, UISA atui ber a, adawtah ATHING. Kan ram hruaitute pawn’n TLANGCHIL hial an ngaihtuah chuan, IPC, Prevention tihlam ka ngaihtuah dawn leu(h). Vairamah pawh an duat ka hre chuanglo. UI chu EITUR, A bauh lai tak.
July 12th, 2011 at 8:41 am
Leitan kawng a kan kallai takin mi 1 in chain a thlung chungin iu hi iron rod sei takin thi hnuang khop in alo hlap a, ui ala thi silo a, a mangang lutuk kha a tre tuar2 a, ka mit thla ah ala cham reng thin, kha lainatna tello a vaw tupa kha rapthlak takin a thi tawh lehnghala mak ve tak ani..
tin sumo hnuang ah lainat awm tak leh chau tih hriat ngawih2 a an han tingmit te hi rilru ava tina duh tak em? Ui hralh leh dawr siam hi sawrkar lam hian tih top chi mawle.
July 12th, 2011 at 9:02 am
mizo te hian ui hi kan duat em avangin ei tlakah kan chhuah. Ui duat loh stray dog te chu ei chi ni lo reng reng.
Ui duat loh tih vel ai chuan, pawisa thap a AR INSUAL TIR ka haw fe zawk.
July 12th, 2011 at 9:02 am
He post hi ka pawm lo. Uisa hi ka ei ngai lo mahse a ei duh chuan ei se la a pawina awm lo. Vawksa te ai in a hrisel zawk lehnghal. Mizo thenkhat te hian Uisa kan ei hi hmandang te bul ah hian an zahpui thin a, hei hi chu ho tak ani. Food habit hi zahpui tur a ni lo. Khawvel ah hian hman tin te hi kan ei leh in a in ang lova, exotic food thenkhat te phei hi chu a ei ngai lo tan chuan tenawm tak tur a ni,mahse a ei duh tan chuan delicacy a ni thung. Chukchu,fanghmir,rul,sazu,octopus,etc te hi a ei duh lo tan chuan a itawm lem loh ang,mahse a duh tan chuan tui tan a ni thung. Japanese ho ei thin FUGU sangha phei hi tur nei ania, a siam tur chef te pawh certified a nih a ngai. Heti chung hian a demand a sang em em a, a man pawh to tak ani.
Eng pawh ei ila,zahpui tur hi a awm lo e.Chuvangin Uisa dawr pawh thianghlim leh changlang deuh hlek in siam se la,nakin ah chuan tourist thenkhat uisa ei duh te pawh an la awm ang. European, Asian, American etc te hi gastronomy lam ah adventurous tak tak an tam a, an zin na vel a an delicacy ang te hi an ei ve duh zel ani. Cordon blue Chef velin Michelin star restaurant ah uisa hi siam sela chuan kan perception pawh hi a dang daih ang.
July 12th, 2011 at 9:06 am
Post tha tak leh inhnial zui hrepna tham a ni e. (Y) (Y)
Ka subject leh nitin ka eizawnna lam in sawi hawng tlat mai a, comment a thui viau a nih paw’n ka inthlahrung lem dawn lo 😀 😀
Bangalore-a ka zir tirh in, Aizawl (CVSc) atang a kan Professor pakhat in Mizorama Ui natna (Parasitic diseases) presentation a pekna ah, Uisa dawr leh; uisa, Mizo in an sawngbawl dan a tarlang teuh mai a. A tuk ah kan senior pakhatin (Texas-ah PhD a ti mek), “Mizo chuan Uisa te in ei a, Mihring pawh in ei lo maw??” min ti fiamthu a. “Mihring em chu ei bik lo e” tiin, hnam leh ram dinhmun a zir kan thil ei hrethiam turin ka zilh hrep. Tin, heitiang deuh bawk hian, hospital kawtah, vai pitar pakhatin, Mizo Uisa ei a vei thu leh, “Kristian in ni, in zaithiam bawk si a, Uisa chu ei tawh lo hram teh u” min ti ngawt tawh bawk :-O :-O
Englekhawle, Kei chuan Companion animal Clinician ka nih angin Uisa hi ka ei duh lo a, a ei te erawh ka thiam lo hek lo; mahse, ei lo thei a an awm erawh ka duh pui. In sawi tak angin, sa ei tur dang a tam tho ee mai.. 😉 😉
Comment a sei lutuk dawn, hei hian kan tlip phawt ang e 😀 😀 (ka thianpa min hrilh a nia..)
United Theological College-a pastor zir pakhat in a fanu a zilh dan hi a lawmawm dangdai tlat. A fanu kha, a school kalpui te’n, “Mizo chu Uisa te in ei” tiin hmusit takin an lo fiam a. A fanu thinrim bawk si chuan, “Pa, ka thian te’n hmusit tawkin Mizo chuan Uisa te in ei min ti” a ti a. A pa thung chuan, “E, mami, naktukah ti hian i thiante chu i hrilh dawn nia. “Mizo in Uisa kan ei a, nangni paw’n IDLI in ei ve tho a lawm!!!” i ti dawn nia a ti 😛 😛 (IDLI a ngaina lo viau ni tur a ni)
July 12th, 2011 at 9:29 am
Uisa ei vanga Mizo hmusit tu chu outlook zim tak ani ngei ang (N)
July 12th, 2011 at 3:11 pm
Uisa hi zawng… a bauh theih tawh phawt chu ei vek hial a nia ka duh..
July 12th, 2011 at 3:18 pm
Uisa ei ho hi chu ka hmuhdan a dang tlat..abik takin hmeichhe uisa ei…NOI …ei ka tum ve thin fo mahse ka thei thlawt lo (N)
July 12th, 2011 at 3:31 pm
Uisa ei thei hi chu kei pawh ka hmuh dan a dang tlat. Sa pangngai, ei chi ah, kan chhung hi chuan kan ngai lo hrim hrim. Uisa dawr te pawh kan naupan lai chuan awm ngailo ani.
Mihringte thian an nihna leh an fin em avang te, an sawi tak, Mihring tel lova khawsa thei lo an nihna te hian (zawhte nen) dinhmun special takah a din tir ani.
Kristian te tan phei chuan sa duh lutuk hi thil dik ah ka ngai lo. Thil chi hrang hrang khawvel hmun hrang hrang ah ei ani. Mihring sa tui ti tlat te pawh sawi a awm leh nawk anih hi. Chuvangin sa lamah hi chuan kan hmuh pangngai leh, kan vela mi te ei pangngai kan ei bak hi chu a tul chuan uisa pawh i eilo ngam mai ang u.
‘Thil engkim tih ka tan a thianga,mahse thil engkim tih ka tan a tha vek kher lo’ tih ah hian leh, ‘i engloi eiin mi a tih tluk chuan..’ tih kha sawi mai tu nilovin, zawmtu nih i tum zawk ang u.
Hmun dangah pawh ‘ka tlang thianghlim ah chuan an ti na tawh ngai lovanga, chinghnia leh beramno…’ tih te pawh a awm kha.
July 12th, 2011 at 3:40 pm
Keini chauh lo pawh hi uisa ei thin chu an lo awm ve tho lawm le, tunhma khan ka ei thin mahse tunah chuan chil a haw tlat tawh, arsa ka thlang zawk 🙂
http://news.asiantown.net/r/19841/Food-festival-in-China-celebrates-canine-culinary-culture—with-15-000-dogs-on-the-menu
July 12th, 2011 at 3:44 pm
Ka comment hmasa sei lutuk ka hlau a, ka senior ka zilh dan khi ka la sawi kim lo… 😛 😛
“Keini Mizo chauh nilo, Chinese, Korean, etc, Indian aia changkang tam tak paw’n uisa hi an ei. Nangni thil ei tam tak hi keini paw’n ei en ah kan en vek bik hlei nem” ka ti a. Ka sawifiah tawk a ni ang e, kan research tih chhung zawngin,vawi khat te mah Mizo leh uisa chungchang a sawi chhuak lo.. 😉
Kan thawhpui (Export Manager)Haryana-mi erawh chuan, “Eat everything” a ti ve leh tlat :-O :-O. Tin, Brahmin pakhat erawh, vawksa a duh em em bawk.
A tawi zawngin, Kan ei leh in duh a in ang silo a, indem thei kan awm lo. Insum theih erawh a tluk a awm lo e.
July 12th, 2011 at 3:51 pm
a uisa tak niloin, a lifestyle leh frame of mind behbawm vel hi ani zawk …
July 12th, 2011 at 3:51 pm
Sumo hnung ah buara a an phur lawp lawp mai hi chu ka lainat ve khawp mai. Mahse…
Uisa hi ei lo ila Ui hi kan lainat in kan duat lovang tih hi ring mai rawh u.
#5&7 ka comment khi ngun thluk taka ka thlir dan a ni. 🙂
July 12th, 2011 at 3:56 pm
Kei chu vawk hi ka ngaina a, vawksa ei ho hi chu mi pangngaiah ka ruat lo 😛 (fiamthur)
July 12th, 2011 at 4:02 pm
Zuala: Comment number 32-na ami i sawi khi niawmin a langa mahse a tui em a ni. Mihring tih lohah chuan Ui hi ka hmangaih ber. Ka tet lai leh tlangval lai khan kan Ui avangin vawi tam mi ka CHU- KHA tawh. Ka awm laiin ka ui talh ka remti ngai lo. Mi ui talh lai pawh ka en duh ngai lo hrim hrim.
Mahse a sa hi a tui a ni.
July 12th, 2011 at 4:16 pm
Ignatia, mihring sa pawh hi a tui ber anti asin.
July 12th, 2011 at 4:20 pm
jsme 36 mihring sa chu a kha (bitter) an ti
July 12th, 2011 at 4:25 pm
@36 & 37 chu in va han sawi den rem rem :-[
July 12th, 2011 at 4:26 pm
chhangte val i lo zin hunah mihring sa ka hmeh pui an che
July 12th, 2011 at 4:31 pm
roseparvul…naaawww bawngsa pawh ka rap a nia(h) 😀
July 12th, 2011 at 4:36 pm
31. kei pawh ka thawhpui thin Brahmin bawngsa tui ti tak te an awm a. Muslim vawksa ei duh, an in a ei thei lo, ka flat a rawn ei thin te pawh an awm. Ka roomie vaipa phei chuan ngapih pawh a ei duh mawle. 😛 (Y)
July 12th, 2011 at 4:42 pm
42,ka thian pakhat pawn seventh day mahse vawksa chu heh tak a ni heh tak.a ding mai mai lai hi keih bawrh bawrh a duh hial ang tih vel a ni!.
July 12th, 2011 at 4:47 pm
Hehe in sawi ho mai mai. Keichu in sa in sawiho zawng zawng ai khan ka sas hmui tui ka ti zawk. A thlum dep dep mai ani.Sas te an tih tauh hi chuan eng sa pawh hmeh ila chaw ei a tui tak tak lo 😉
July 12th, 2011 at 4:55 pm
@lovesme(#36): Uisa tuzia experience sawi thei kan awm laia, ‘Mihringsa pawh hi a tui ber AN TI’ lo tih te chu a. ‘An ti’ tih fo hi a vague em mai. Tin, i thuken hi ka RAP deuh tlat. Mihring sa ei chu dangdai em mai….. 😛
Mizo, ramsa thata ei thin tan hian UISA hi a tui chuang ngei e.
July 12th, 2011 at 5:03 pm
misual.com thiante zingah, ran hmangaih tak tak in thahnem hi a lawmawm e.
Englekhawle, mihring kan thuhmun thei lo kan tih thin angin; vai ram ah pawh hian, mi thenkhat, ui lainat miah lo awm mah se, thenkhat erawh, an in bula street dogs 15-20 vel, nitin chaw pe thin te an awm bawk. Tin, park ah te kal kual in, sum nei deuh phei chuan, kar tawp apiang in chicken biryani an khilai thin!!!
NGO hospital-a ka thawh ve lai phei chuan, street dogs damlo admit a, sum sen zawng zawng pek inhuam te an awm nawk thin.
July 12th, 2011 at 5:12 pm
@44, Mihring sa ei chu a rap awm reng ani. I rap ang chiaha UISA ei rap an tam mai. Ringtu inih chuan chung ho hriatah/avang chuan eilo mai thei la chu felna kawng khat i zawh ni mai tur a.
Mizo Pi Pu ten Uisa an ei thin lova, ramsa ani hek lo. TTLH (= Then Tlawk tlawk Lu hiat) or 😉
July 12th, 2011 at 5:30 pm
lovesme: Ringtu nih leh Uisa ei inhmeh lo angin i lo hmu ve pek a ni maw??? A pharisai mah mah, ngawi hmak rawh. (fiamthur) Uisa ei leh Isua Krista chhandamna hi a inkungkaih hran love.
Kan Pi leh Pute’n an ei leh ei lohah buai a ngai lo.
Mihring sa ei leh Uisa ei compare chi pawh a ni ngai love, I che RAPAWM hrim hrim. 😛 (fiamthur)
Uisa kan hmeh leh dawn hunah ka SAWM dawn che…. 😀 😀
July 12th, 2011 at 5:39 pm
Ignatia, A va thur ve… 😀 , thur tel lova infiam a tha ang a NCHCH (Nui Chun Chun)
“Uisa ei leh Isua Krista chhandamna hi a inkungkaih hran love.”
A dik rualin, ‘Thil engkim tih ka tan a thianga,mahse thil engkim tih ka tan a tha vek kher lo’ tih ah hian leh, ‘i engloi eiin i unau a tih tluk chuan..’ tih kha sawi mai tu nilovin, zawmtu nih i tum zawk ang u.
Ka ui ka rawn hruai anga, a seh che chuan min dem suh.
July 12th, 2011 at 7:08 pm
I ui chu MI leh hunah lo hruai la, battery siam ka lo zirtir dawn che nia. I ei anga i zawng chhang mai ang. Uisa tuizia thuruk hretute zingah kan lawm lut nghal dawn che nia.
Tin, Uisa ei hi kan tam zawk tawh ang. Chuvang chuan eiloh hi a kristian lo tih ang zawng chuan Thalaite hi lo hrilh lo MAI TEH.(fiamthur) 😀 😀
Rawngbawltu Thlaraubo vei em em, mahse mi kawmnel tum mang hlei lova an sualna lai hrilh thawt thawt ang chi lo ni ve reng ang che. Hmangaihtu leh lainattu an mamawh ania. Tin, hriatthiamna an mamawh em em bawk.
July 12th, 2011 at 7:24 pm
I thu rawn chhuah chu uisa ei thin leh tui ti tak nila uisa dawr awmlo se i tih ka ring lo,Adventist hoin vawk sa dawr awmlo se ti ve ta se….vegetarian te pawh hian sa dawr zawng zawng awm lo se ti ta se,an sa eiloh hre kar chungin.Uisa dawr a awm vang hian thianhoa uisa han eiho te hi a awlsam phah ka lo ti phian zawk asin
July 12th, 2011 at 7:25 pm
Uisa hi chu mizoram pawnah chuan ka ei ngailo, mahse a tui ve thiam taka an han bai phei hi chi, mahse an talh lai vel chu ka hmu duh hauh lo thung, hmelhriat deih ten talh se, thianghlim leh hrisel sa ka eichak
#28 hmeichhe uisa ei chu enge a pawina??? Ram dangah mi ui kan va talh a kan ei tih pawhnilo, mahni rama duh ang taka bai ei chu chakawm ve reng
Zualbonga thrin hi lolz
July 12th, 2011 at 7:28 pm
Ka thil ziah niah nuaih chu a, lol ka edit thei tawh der si lo
July 12th, 2011 at 8:26 pm
Kan thianpa pakhat pawh an ui vulh lai duat em em kan talha, a ui ltk a tum buuur. A hnu deuha siamsa erawh chu tui ti deuhin a ei leh hluam2 tho
Hnar a har ani. Uisa dawr awm lo se ka tihna chhan ber chu Ui rate anti sang chak ltk
July 12th, 2011 at 8:28 pm
ui hi chu ka ngaina khawp mai, stray dog pawh ka thil ei lai ka pe fo mai, mahse thenawmte ui khuah khirh loh kan kawta lo e reng ang chi hi chu ka ngaina thei miah lo….ui hi eng ui pawh ni se ka dawih vang ni lovin an talh lai hi chuan awm loh ih ka duh thin, mahni ui vulh lai sa phei chu …ka ei ngai lo tih sawi lo mai ang …
ka duh thusamah chuan ui hi chu lian deuh kawlh hmel deuh sual hmel deuh nei ila ka duh…ui dang min lo um thintu te seh sawm vek thei tur hi ka duh thei rap…
mak ve deuh chu ka u hmeichhia hi ui ngaina miah lo a ni a, mahse keimahniin a ui kan kawl ve chiah (a tet lai atanga kan enkawl ni lo pawh) a ngaina ve khawp mai…chenpui hi chua lo dang a ni
chuan kan zawhte pawh BSI ah life member a ni ve ta e
July 12th, 2011 at 8:31 pm
kan thianpa hna hmu thar hlawh lakni tlaiah zodin uisa dawrah uisa a ei a, a tui a ti lutuk a niang, ui pum khat a lei a, a kai haw…a pa a lo sa rap..
ui talh hian in tih buai a awl lutuk an ti zu a tam chuan haha
July 12th, 2011 at 8:38 pm
Tawangah va zinchho hlawm ula, khawlai ui that apiangin DC hnenah tangka an dawn dawn kha. Buddhist ho tawmkuk ah pawh ui vuakhlum/kahhlum bakah sa free leh sum a dawn theih anih chu
July 12th, 2011 at 8:42 pm
AN CUTE NEN NEN..UISA LO E TE CHU A REAL MAN LOH THLAK E MAI
July 12th, 2011 at 8:45 pm
@Zualbonez, ani maithei. Korean mipate hi an pherh hmel hlawm em mai, French leh Mongols mipate anga pa tak tak turin Sakawr sa i ei theuh tawh ang u
July 12th, 2011 at 8:51 pm
@ 58 sangte II…dik lutuk
July 12th, 2011 at 8:55 pm
Ku zualbon a hi uisa a kal pel thei lo re re
tiang nena hmeh ah a it a ni hrim hrim 
July 12th, 2011 at 9:04 pm
zualbona chu vai vegetarian sek kan tih ang hi i nih duh hmel
NOI
July 12th, 2011 at 9:19 pm
To all the gentlemen and ladies who are against eating dog meat: -Chibai nawn awn awn-
Tak tak a…to each his own. In thu thu le….kei chuan silai a min tin te nih ngawt loh chuan ka ei lovang.
July 12th, 2011 at 9:24 pm
Paws ho ber awf da week! Bleeeh!
Eng danah mah – ei atana ui talh/ a sa zawrh/ ei khapna dan a awm leuh! Rawng taka sawisak leh tihnawmnah erawh phal a ni lo. Vai ho aia ka indah chungnunna 1 chu : sa a zawnga sa hrisel ber pawl ui sa an ten, keiin ka ngaina hle thung… Hehe… Keuh mai a!
Zualbz lah hi Ui sa sawi rik dek2 tawh chuan thotle riltam ang mai, thleng tlangah a lo fu hman zel mawle… Akekeke
July 12th, 2011 at 9:32 pm
Tun ang hun vela ka fanu muhil lai bauh harh ziah tu kan In bula UI hi chu aw!!!!! Han khing chiam dawn ila thenawm khawveng in chukha nan a ho tham bawk si.
July 12th, 2011 at 9:44 pm
Uisa dawr mai ni lo, uisa restaurant ka rawn post dawn em ni ?
July 12th, 2011 at 9:50 pm
A post tu hi Maneka Gandhi-i a ni lo maw?
Uisa ei hnam kan nihna hi i vawng zel ang u…
July 12th, 2011 at 9:59 pm
Ka thianpa chhass (Naga) Bangalore-a awm a thian 5 te nena in inluahtawm ho pawhin an venga stray dog pakhat an man a an chawm thau sauh sauh a an talh daih! A vawhlumtu tur erawh an inhnawn ve fe. Hmeichhe rual chuan an talh ta a, an puah vek bawk a… A sa thenkhat an kangro a min rawn thawn ve a kan tlai hle
July 12th, 2011 at 10:04 pm
Ho emai, uisa ei leh ei lo tih vel a patling zahmawh thakin tawh lo in hnial luai luai. a zah pawh in zak lawm maw ni le.Zoram hnuk a khawih pha lo lutuk
July 12th, 2011 at 10:29 pm
Rin loh tak a uibuk sa. Rin phak loh vanneih na. Mizo ve tak chu a ni e.
July 13th, 2011 at 12:05 am
Mizo ho inlak changkanna ka ti mai, [nep tak a ni].Thailand ho hian an lo ei thin a niang chu Zawhte sa nen hian a hnam ang pawn ngaihnep ber pawl an niang.Helai ah chuan an bauh khum vel thin maw le. Aravim ho phei chuan zah lo tak anni.Inlak changkan tum na mawl ber a ni.Tuikuk nen danglamna a awm tawh lo ei leh in ah chuan Mizoram ah.
July 13th, 2011 at 1:18 am
Ui hi ka ngaina-in ka duh em em a. Ka thiantha leh ka hnungzuitu tha tak pawh a ni thin…
Uluk tak mai a uisa sawngbawl thiamin an han sawngbawl hi chuan a tui leh em em lawi si.
Ar pawh hi mahni arpa hlui sen vulh lai ngei mai leh arpui chuam a tuilai ngei mai talh a tul miau chuan rilru a na ve duh… A sa erawh a tui ve leh viau thin.
Vawk pawh duat takin chaw kan pe a, ka duat that theih poh leh a sa a tui a ni mai.
Bawng pawh hi a chaw ber hnim pet turin kan thlah fo a, A sa erawh a tui hle.
Khawvel hnam chitin hian eiduh zawng leh tui tih zawng kan nei theuh a, tin kan awmna hmun a zirin lawm zawng leh duh zawng kan nei bawk. Kan duh zawng mi duh zawng a nih loh a vangte, mi ei duh zawng kan ei duh zawng a nih loh avang a sawisel ngawt hi a fuh chiah lem lo.
Pu James Dokhuma khan engtin nge a tih kha, Ui-ah chuan ui behlawi, a mawng duli tia han ni ngei se, luhka bulah han thlung sauh sauh ila, thil thing atanga suih sukte mum tel tawlin han vaw ngawi dak mai ila. Chutah bahkhawr leh purun leh pardi te nen tihpawlhin, dar bel upa lam tawhah fahthing ai alh duh tawk chiahin han ur ila, Pu Vunga te Phuihnam hnah chang tawh lamin han chung khar duar mai bawk ila, a khat tawka a hmin leh hmin loh en pahin han tem deuh chhen bawk ila, tlai thim hlimah thiante leh thiante vak lo nen han eikhawm ila, a batari hlir hi a ni ringawt tawh mai a. Ei sen loh pawhin a tuk zing a tangin a thing hlei hlei kha a tui zual zel mai bawk si a. Tih chi deuh a ni….
July 13th, 2011 at 1:27 am
Tha ber mai chu sa lam ai chuan thlai hnah lampang ei tam zawk hi a ni.
Good Post
July 13th, 2011 at 1:43 am
Uisa tui na ka pawh thlawt lo, a nem ang nuak a, a dum ang hul a..
Uisa leh zupawl/sazu sa ei chuan thu a awl bik tih lehkha bu ah ka chhiar fuh hlauh bawk nen..
Khawlaia ui tla, kawnga/mahni inkawta a e lai hmuh hi chuan han hlap hi chu ka chak thrin a sin ma le. A neitute hmuh lai ngei ni bawk se,
July 13th, 2011 at 1:45 am
Uisa tui i tih loh vang a nih chu hlap i chak ni.. hahaha :). Keini chuan kan duat teh a nia…
July 13th, 2011 at 1:55 am
Hehe…Chak tlat, kan vengah ui a in tleirawl a seh a, kum 1na velah chiah a thi nia..!
Kawng dal taka ui bawk te hi ka vaw chak tlat he2…! An hnawk loh chuan kutthlak chakna ka nei hran lo..!!
July 13th, 2011 at 2:44 am
O my goodness…uisa in ei thin maw
July 13th, 2011 at 3:00 am
Uisa ro ro ah chuan phuihnam hi a tui ber mai-
July 13th, 2011 at 3:10 am
‘ro ro’ tih hi eng in sawi tumna nge ni le?
Uisa chu ka ei thin, mahse ‘Uisa kan nei reng e’ tih ziak intar ka hmuh hian ka lo tim deuh thin.
July 13th, 2011 at 3:34 am
@muante, misual member ‘ro ro’ ah chuan i strict ber
‘mawle’ tih ai a male tih hi ka ngei ber….a pherh eee!
July 13th, 2011 at 12:37 pm
Hmun danga awm chuan uisa ei nih hi in sawitheih nan hmang vak chi ani lo, an ten tlangpui.Tih lang vak loh atha ber. Mahni aia hnam backward ve zok, chakma te, tuikuk, tlanglau vel ten an ei tawp deuh pawn kan ten theih em hi.
July 13th, 2011 at 8:16 pm
Uisa ka ei lo a, ei ka tum hek lo. Mahse a duh in an ei hi lo sawisel kher erawh a tul ka ti lo bawk.
Uisa leh uisa ei en danglamna mi thenkhatin an nei hi tunhma deuh a zu nen kher a ei tur a ngaihna kal zel kha a ni thei ang em?
Uisa hi mi tam takin heti khawp a an duh a nih vang hian ui chiangkuang manglo phai a mi phurhluh reng ai chuan UI FARM lampang buaipui a, thianghlim taka vulh law law mai hi a hun viau lo maw? Eizawnna tha tak a ni dawnin alang tlat, phuihnam hmun siam nghal bawk ila…
Uisa ei tur erawh chuan sawm chi ka ni hauh lo, min sawm lui talh a nih chuan aikal ah Shailendra ka rawn tir zel ang.
July 13th, 2011 at 8:23 pm
Khawnge, han ti leh nghal law law teh ang, ran reng reng, talh tur pawh nise, tih duhdah emaw, hrehawm tuartir hi khap a ni. Chuvangin kan rantalh tur kan enkawl leh sawngbawl dan hi chu tun aia tha zawk a tih dan kan dap a hun tawh khawp mai.
June 29th, 2012 at 11:51 pm
nia..uisa ei hi chu awwwwww ti khawpa ran ngynat awm hi chu an awmlo asin le.. an rinawm em2 reng my bok sia… ei hi chu an awm reng don a nia a dawr hi chu awmlo hram se…