Tun tum chu ka Laptop-a mizo hmanrua/thil thenkhat thlalak ka neih, nikuma ka thianpa Computer atanga ka lak ho hi ka’n vawmkai ve mai mai teh ang. Mi pawi ka lo sawi anih chuan ngaihdam ka dil nghal bawk e. Heng thlalak nei tawh hi in lo awm maithei bawk:-
1. Mizo Ar chhiar.
2. Artuibawm.
3. Banglâi.
4. Bem.
5. Chaweithleng.
6. Chepthang.
7. Chhuanchhan
8. Chingalthlawrbur.
9. Fian.
10. Herâwt.
Ka misual.commer puite lung lên ve tak maw???
Chhunzawm leh tur…
Similar Posts:
- Mizo Hmanrua/ thil thenkhat Part-2
- Aizawl ah Paintball khelhna
- Family Album…
- Tawng chungchang
- Sorry!
July 11th, 2011 at 9:01 pm
😛
July 11th, 2011 at 9:05 pm
(Y)
July 11th, 2011 at 9:06 pm
La hmulo an awm nual maithei ani, tha lutuk (Y)
Chepthang i tih khi “Thangchep” kan ti mai thin.
July 11th, 2011 at 9:09 pm
:-[ 3 khi ka ring mai
July 11th, 2011 at 9:10 pm
Bem khi ka hre ngailo re re. Engatan nge an hman le..??
July 11th, 2011 at 9:10 pm
keini pawh “thangchep” kan ti, mak ka lo ti deuh a
July 11th, 2011 at 9:13 pm
:-[ A vawihnih nan Artui bawm khi ARDER heti lam ah chuan kan ti mai thin.
July 11th, 2011 at 9:17 pm
:-[ A vawihnih nan Artui bawm khi ARDER heti lam ah chuan kan ti mai thin..
July 11th, 2011 at 9:18 pm
Post hlu leh tha tak nih hi, save keuh keuh teh ang, a tha em mai. A taka ka hmuh hnu a ni nual a, mahse a thlalak erawh ka nei hauh lo, a van tha tehreng em!
July 11th, 2011 at 9:21 pm
hmuhnawm khawp mai.. Mahse a taka la hmuh ngailoh ka nei tlat mai. Kan la naupang deuh te pawh ani ang..
July 11th, 2011 at 9:50 pm
5na khi belval tiin ka hria, (chhuat a belmang a kai loh nan a bel hun chhan) tlangval ve satliah sawinan pawh ‘belval val a val’ an ti thin. Chhuanchhan chu thirphek a lai a kua meialh/khu in bel a hliau un/mang loh nan a an chhuanchhan. 7na khi thlengpui tiin ka hria, ‘thlengpui khup hnu thal leh thei lo kei ka tiam dai dek dai leh dek’ kan ti thin. Bem erawh khi chu ka bo map mai.
July 11th, 2011 at 9:51 pm
chhuanchhan itih khi zotawng chuan belval an ti.. 😛
July 11th, 2011 at 9:57 pm
chhuanchhan tih hi belval an tih nen hian a inang em le, a inang lo a nih chuan enge a danglamna le?
July 11th, 2011 at 10:00 pm
‘Bem’ i tih khi paiper niin ka hria, buh chi thlak tur an ah na thin a ni
July 11th, 2011 at 10:01 pm
(Y)
July 11th, 2011 at 10:03 pm
ka jawh chhungin min lo chhan khalh a ni mo, #7 kei pawhin ka hriat dan chuan belval a ni, chuan chhuanchhan tih khi kan khua ah chuan chhuandan kan ti.
July 11th, 2011 at 10:10 pm
#11 belval tih hi a dik. Bem hi buh chi thlaknaah, buh chi ah nan an hmang thin a. Ipte a ah aiin zuk zen a awlsam zawk a, kawngah an vawng mai zel. Lo/leipui hmun zim te sawi nan ‘bem hmun’ tiin an sawi thin.
July 11th, 2011 at 10:12 pm
bem khi ka vawikhat hriatna..eng atan nge an hman? (Y)
July 11th, 2011 at 10:13 pm
Chhuanchham khi Kawlaw bel nen enge a danglamna?
Bem tihloh khi chu ataka ka tawn hmuh ve phak deuh vek anni ve 🙂
July 11th, 2011 at 10:18 pm
E khaia, ka awm loh chhungin post a lo chhuak a nih hi.
In comment a ngaihnawmin ka pawm zawng tak a ni hlawm e. Khita an hming khi chu thlalaka awmsa anga ka rawn dah mai an ni e. Ka lung an tilêng teh a nia.
July 11th, 2011 at 10:19 pm
Archhiar hi sumhmun a an dah ka hre ve phak. Tuna mi khi chu bang pawn lamah an dah daih thung!!
July 11th, 2011 at 10:21 pm
Kypoh chhuanchhan itih khi ka hriat dan chuan belval ani.. Kan tetlai chuan kan hmang thin.. Bem tih trawngkam hi ka van hrelo ve.. Hmingdang anei em le o?
July 11th, 2011 at 10:22 pm
Asteric, chhuanchhan zawk a lawm, bel hun na zawk khi, belval kan tih chu. Bel khi chu hlumbel a nih hmel. Tin, chhuanchham chu eitur nei tawh lo sawi na (chhuan kan chham ta der mai! Pathian zarah Chhuanchham in kan la awm bik lo ve)
July 11th, 2011 at 10:25 pm
Asteric a bel a nilo in a hun chhan ajok khi lom chhuanchhan(belval) an tih chu.. I comment hian min ti nui…
July 11th, 2011 at 10:31 pm
An in ban ah chuan Thil an hmang ber a ni maw, an sah na a la rei vak hmel lo bok a..In ban ah hi chuan Thingsia ril suih ngei mai hi a tlo..Di thli farfem chuan lung a ti leng hle mai…Fian khi ‘Khelawk’ lianchi ni ringot lom le…Ar chhiar i dah theih chuan Arbawm te poh han ti tel la a kim deuh ang te ka tia..An dap tah dan khi bawhtah an ti,mal kalh leh thumbawh hi chu In bang pin nan an hmang meuh lo..Thangchep hi kawihthuang leh tlaizawng ah ka kam tam ve viau a,mahse pakhatmah ka la awk miah lo thung…chingal thlawrbur khi an tah nalh hle mai,ka vawikhat hmuh,khi poh khi bawhtah a ni maw,chingal chu Rangva phek a mam chi kha kan khawr a kan thlawr mai thin…
thlalak a hlu hlom hle mai,khi2 an luah a nih hmel loh a,khitia dah that top a tan a hranpa liau2 a an sak a mi le??
July 11th, 2011 at 10:36 pm
Bem i tih khi ka hre ngai lova, thenkhat in paihper ti in an rawn hrilhfiaha, paihper atan chuan a tah khi a chhah deuh mah mah lo maw, anih duh hmel viau na in,
July 11th, 2011 at 10:37 pm
@25 true mizo, nia, khi in khi luahlai ni lovin mizo hmanrua leh thildang thenkhat tarlan nan maia sak leh buatsaih satliah mai a nih ka ring.
July 11th, 2011 at 10:42 pm
#CFL (Y)
July 11th, 2011 at 10:48 pm
Thangchep ang a kan sawi khi thangthleng (sava awh nan a hman) a ni zawk lo maw? Ka kam hrat ve thin khawp mai, a siam nan nihliap tang kan hmang thin. Thangchep chu sazu awh na chi a ngul pawh a mah a awm sa ang kha a ni lawm ni? He post chu lung a ti lengin lenrual hlui ngaih a va ti zual em ve awww.
July 11th, 2011 at 10:52 pm
belval khi ka lo hmang nasa ve tawh thin a, chhuanchhan nen chuan a in ang lo nasa khawp mai. Thilte kual deuh kher kan hmang thin. Chhuanchhan kan tih erawh thuk a bel chhuan chhan sawi nan kan hmang thin thung.
Thangchep leh chepthang hi chu ang khat rengin kan hmang thin.
herawta la kan her ri rut rut leh, mau fian kan suih ruk ruk thin laite kha la rei lo hle mahse hmanlai an chang ta…
July 11th, 2011 at 10:55 pm
Hahaha….ka va chhiar sual nasa ve awwww…. 😀
Ka thil hriat thar emaw ka lo ti mai asin, a bel a khi lian em a 😉
July 11th, 2011 at 10:55 pm
@chhuaklinga, thangchep leh thangthleng a in ang hlei nem. Sazu awhna chi a ngul pawh neisa i rawn tih khi chu Vaithang kan ti.. ‘vai vai mai a’ tih a, vai lam dan ang a lam tur a ni…
July 11th, 2011 at 10:57 pm
#31 Asteric 😛 😀 😛
@32 mizo, i ti dik i bungbu thei 🙂
July 11th, 2011 at 10:59 pm
‘hmanrua’ i tih khi hnial theih tak a ni phawt.
Chhuanchhan ni lovin belval zawk.
Chepthang- thangchep.
Bem- paiper ti kan tam zawk ka ring(tuichangral chhuak, aizawla seilian ka ni a, ‘bem’ ka hre ngai tlat lo) chingalthlawrbur-vuttuithlawrbel ti an awm bawk te ka’n ti ve mai2 a ni e. kei mithianghlim hian. ka lawm e.
July 11th, 2011 at 10:59 pm
@true^mizo^boy, thangchep chu kawihthuangah chuan i kam ka va ring chiah lo e… lol…
July 11th, 2011 at 10:59 pm
@32 mizo, i sawi dik thei thlap thlap kher mai.
July 11th, 2011 at 11:06 pm
Mizo, ni tak, ni tak, vaithang. ka var hawk mai. Thangthleng ka kam thiam ve ber ka lo hre lar lutuk a ni. Khuarei an chang zo ta, sazu hi chu awk chi ka nilo ka hlau tlat pek a..
July 11th, 2011 at 11:06 pm
@35 mizo, thangchep leh thangthleng te hi a kual awmdan a inan avang hian chhuaklinga hian a hriatpawlh ta mai niin a lang e tiraw…
@ Ka pa hi thluak tha tih takah thang hi a siam chhuak hnem khawp a. Mizo ten thang kan neihsa ho hi hmang ve duh lovin ama phuah chhuah ngei a hmang ngat zel. Awh a awl zawk a ti ve tlat thin. Khaw thenawm thlengin a thang siam dan hi an copy a, tun thlenga la hmang pawh an la awm ve. Sazu thang, Vahrit thang, sakhi thang, etc a siam te mawlh hi aw…..
July 11th, 2011 at 11:07 pm
true^mizo^boy hi ka tan khawp mai… i hre thelh ve nil nial hlawm a nih khi.. lolzzz..
Saum suahna khelawk leh mau fian i la hriat pawlh bawk nen… 🙂
July 11th, 2011 at 11:08 pm
@35 #37 mizo, inhnial i duh ve hrim2 a mi 😛 (Y)
July 11th, 2011 at 11:10 pm
hriat ve mai mai-ah true^mizo^boy, ban atan chuan thingsia chu a nget duh, rei a daih tak tak lo, Vawngthla leh Thingri pui chang tawh ril ngat han hem hi chuan a mawihin a nget ve mai mai lo.
July 11th, 2011 at 11:14 pm
Ava tha ve aw.
Thangthleng atan thangchep ang hi hman a ni chauh zawk a ni, mizo. A danglam vak lem lo. Tum khat chu Sahdal kan kam dawn a,ka pu hian dai min theu tir a. Mahse a kam niah chuan chepthang ang hi a kam daih. A kar kha a tizau deuh a, Chepa leh Thehlei awhna atana kan hman thin ai lian hian a herh thung a. Vahritte phei chu awk nghet tak a ni…. mahse hmun dangah chuan Sahdal pangai ang chiin hrui a valh keuh.
Chepthang khi a versatile teh ania. Tumkhat pawh rawnal kurah chepthang tereuhte kan kam a mahse Ramar pachal a lo awk daih. Mak ve tak a ni. A ninhleiin a lu a rawlh ni ngei tur a ni.
July 11th, 2011 at 11:16 pm
comment han chhiar hian ‘kan la naupan hmel hlawm hle mai’ thinglera thangchep kam te, zu bel (ngan bel) chhuanchham emaw lo ti tawk te.. nuam reuh ee..
July 11th, 2011 at 11:20 pm
Engatinge ka laptop itih kher le kalo ti ve mai2 kei misual hian, ka pic neih ti ta then la, kan mit a mimlo tur ania, mase a post tupa thu2 le,
tin thudang alai chuan misual.com hi user name leh pasword chhut fuhloh in a in block hma ltk a, profile pahnih ka siam phah ringawt a, buaithlak duh khawp mai,
July 11th, 2011 at 11:20 pm
@39 mizo, hei chu a mar i ron dek dik khop mai, Thingri hi ka lo phun ve tlauh2 toh,put poh in a rit xek a…Thing han lak a Hlai tar pa pom zet zot han kih thluk don a an han au ruai2 zel te hi chu nuam ve deuh a ni…kangvar nisa nawmxia te hi han soi ve xok teh 😀
July 11th, 2011 at 11:22 pm
1. Mizo Ar chhiar.???
ar chhuar mo ka lo tia!!! 😀 😀 😀
July 11th, 2011 at 11:28 pm
@Ignatia, thangchep/chepthang leh thangthleng te chu a kalhmang a dang daih a lawm. A kam dan pawh a dang daih, thangchepin dawhthleng a nei ngai em ni? 🙂
I hriatsual zawk a nih hmel.
Sahdal dai theu te chuan kan duh leh sahdal kan kam a, kan duh leh Chepthang, Ramar, Vahrit leh Varung i lo a tam phei chuan Behai pawh kam chang kan nei thin.
July 11th, 2011 at 11:30 pm
@ig: thangthleng leh thangchep chu dang tak a ni. thangthlengah chuan a zangsi dal tu hmawlh kha a sirah sava lo trum nan a tlang phei a, tah chuan a valh pawh kan bang uai hnap thin. ve tlat mai a, ka kam ve hman tlats…
July 11th, 2011 at 11:32 pm
Thangthleng etc. :
😉
http://i53.tinypic.com/123a98p.jpg
July 11th, 2011 at 11:35 pm
#46 Zochianga_Dreath,tha ve re2 e 😛 😀
Ar tui bawm ah hian katchat hnah ro vel hi kan hmang nasa tlangpui thin…ni 22 vel an awp tlangpui a,artui lai a tui om leh om loh hriat nan a an mawng kawm hi a tui tihkeh palh chuan a pawi tui a ni mai 😀
July 11th, 2011 at 11:36 pm
Thangchep-ah chuan a lo cheptu lai takah hian Thangtung fip relrawl kan hmang a, a hrui-ah erawh hruikhau hrual kan hmang thin thung. Kan kamna hmun a zirin thangtung hmang kher lo a, hruikhau hrual fip tak hman chang pawh kan nei thin tho.
July 11th, 2011 at 11:36 pm
nope
July 11th, 2011 at 11:38 pm
Samoo: Zahmawh sawi suh aw….
Ka lo hriatpawlh zawk a ni. Thangthleng thar kan siamchhuah kha ka lo ngaihtuah daih alawm. Mak thei ngei mai. A in ang lo tak dawn e kan thangthleng sawi pangai nen chuan.
mizo, inti hre reuh mange. Sahdal dai i theu hnuah Beai i kam daih ang maw????
July 11th, 2011 at 11:42 pm
@49 pu Hv, ‘tion’s imposed over the’ tih chiah khi ka chhiar thei,a chhumbung hle mai (fiamthu)
Thang i rawn illustrate tha khop mai
July 11th, 2011 at 11:43 pm
@Ignatia, Kam fo e, a dai kan theuna hmun a zir a ni mai. ramchang hmun thelh sava tamna hmunah phei chuan dai theu ila, kam thlakthleng chuk mai ila a tihchi duh lutuk.
Ram palailenga behaithang va kam ngawt ai chuan, sava tamna hmunah chuan a tih chi teh a nia. Favang lovah chho-ah dai han theu ila, kangvar tantir atangin han kam tan ila, awk tha duh thei mai mai… hnuhma a lo thing vek tawh a, Zuva lamin engmah hre hrang tawh hek suh… A chang phei chuan kan kawh haw teuh loh leh, ippui ang hawk khawpin kan ak haw thin mawle..
July 11th, 2011 at 11:47 pm
@mizo: beai kam dawnin dai i theu ka ring chiah lo. a tawktarh(zehtet?) langchiang thei turin a bul vel kan tifai deuh zawk thin. keini chuan.
July 11th, 2011 at 11:47 pm
@mizo, i kam ve xeuh2 toh a nih ka ring ta riau, Thang rilru i man tlat
July 11th, 2011 at 11:49 pm
E khai mizo, ransa suat dan lamah chuan i lo hratkhawkheng dawn hle mai a. Dai theu chungin Beai i kam a nih chuan Sava fing deuh chu i awk thei miah lovang. Kangvar hunlaiin Beai kan kam ve ngai lo reng reng. Missionary Day thlen hnu chawkar khatah hian kan sut leh vek tlang pui. Tin, kam pawlh hi kan ti ngai lo hrim hrim bawk. Sava riahna zawnte hi inlo ching ve reng ange an rem duh teh mai ania…. A lutuk ang zawnga suat kha ka pu khan a remti ngai lo hrim hrim. Pit fal kan chan paw’n hawn tir zat limit a siam thlap thin. Tam tak hawn chuan KEUH a ni mai…..
July 11th, 2011 at 11:50 pm
@saint sammoo, dai theu thin teh reng mai. zehtet ni lo-in a tawktarhah sentet leh behai hman thin a ni. Varung ho hian sentet hi an lawm riau a, Varihaw, Vahrit tih ho vel hian Behaimu zeh pangai hi an lawm zawk bawk.
Krismas chaw hmeh zawn emaw, thal va ek char laia, chawhmeh zawn chuan rampalaileng-ah kan kam ve tho, mahse, tum sa ranin a kum hma lamin lo vah laiin kan lo ruahman lawk chawk bawk. Chutiang a nih chuan Behai, chepthang leh sahdal kan kam kar thlak chuk zel a lawm.
Off topic:
Mak deuh mai chu Ralleng hnam pakhat Lotha ho hian Vahrit kan tih hi vahret tiin an lam ve tlat,..
July 11th, 2011 at 11:53 pm
@mizo chuh, lung i ti leng hle mai,thang kam i hrat hmel foo roh hi a…Puilo leh Chhawrtui inkar a zan thla eng hnuai a Chemtum nen chauh va Sihal ka veh lai te poh kha min ti ngai e a,,i contribution tha khop mai, mahse #saint sammoo hian i soi ho hi oih har a tih hmel
July 11th, 2011 at 11:58 pm
@Ignatia: Krismas chawhmeh zawn emaw, favang awllen a nih loh leh thalva ek char chho chawhmeh van lai bakin kan kam ngai lo. :).. La rei lo hle mahse, khang hunte kha hmanlai an chang zo tawh…
July 12th, 2011 at 12:01 am
true^mizo^boy: chu kan tuanna lam a van in an hmel ve, tuichang dung, tuvawl, tawihtlang, lungtlanghing leh phaisen dung nen lam khing lai ram chu kal loh a hleih a awm lo.. hahaha… chhawr tui vel phei chu kal tlang ngun lutuk.
Chhawrtui khaw ho hi 90s chho vel thleng khan Ui fing nena sazuk hual an la ching… Tuichang hnar lam sazuk chu an kap rem deuh vekin ka hria…
July 12th, 2011 at 12:05 am
A tha e mizo, i nick hi ethnic issue keng tel ka lo ti reng ah, i rilru a lo zo em a nih dawn hi…
Keipaw’n ka sava veh hunlai leh thangkam lai khawvel kha ka ngai thin lutukkkk. Tum khat kan vau lui chunga thing zawh lai Sazaw ka man a, khang hunte kha a ngaihawm mange. Tunah zawng tar chaklo, mi zinga khawsak pawh inthlahrung dum ka ni ta si ale…
July 12th, 2011 at 12:06 am
true ^mizo^Boy#54
#49 https://i53.tinypic.com/123a98p.jpg ami kha
“The Washington Post” Monday, July 11, 2011
Iranian shipping hit by sanctions tih ami anih kha…” imposed over the past year have slowly underminded Iran’s ability to conduct trade by targeting…” tih vel a ni.
July 12th, 2011 at 12:15 am
Thangchep leh Thangthleng kamah hi chuan ka mikhual bik lo khawp mai. Hrat ve tak thin ka ni.
Tum khat chu Thangthlengah hian Sazu lian zet hi a lo awk teh tlat a, kha Sazu kha chu a ninhleiin a vanduai ve khawp mai.
July 12th, 2011 at 12:19 am
@ignatia, engdang vang mah a la ni lo. i inssawi dan ang a nih chuan, Ka pa rual daih i ni mai thei zawk. Ka zah khawp mai che. Thingtlang atanga seilian leh kum 7 vel nih atanga mahni a rama riak tan tawh ka nia, ka lo tawn tawh thilte a nih avang leh ramhnuaia ka chet tlat tam thin em avangin ka lung a tileng lutuk a, ka rawn sawi ve ta vak a nih hi.
Nghalpui thinga awm chi kan lakte kha aw, a la rei loh nen hmanlai ang mai a ni tawh si a. Kg 25 zet hi a nia. Kan hal hnu-ah ka han lawn chilh a, thingah a pui la thi lo an bet chho fur mai a, silipar-in ka vaw hlum chho zel a, a thlar lian ber mai a hnuai ber a mi ka zai chhum a lo rit lutuk, a tla darh vek mai chu uihawm duh mai mai. Chutah kan halna mau tlawn hmawrah a thlar vit pawpin ka thlak thla zela. A note kha 25 Kg zet a la tling mawle. Thingkunga atanga ka chhuk thla lam, a pui pakhat ka vuak hlum hmaihin min lo zuk, vir ngar ngar khawpin min lo zuk chu, tun thlengin a la ser. Kha mi zan kha ka khua a sik char char a, ka hnamsaia ka taksa a la bawl chhuak vek zui. Mahse, upa-in an lo sawi thin a dik zia ka hriat phah, zing arkhuan vawihnihna zawhah ka khawsik a reh a, ka hnamsai bawl zawng zawng pawh a reh vek bawk. Tun thlengin mak ka la ti.
Lunglen thlak mai mai.
July 12th, 2011 at 12:29 am
Krismas dawn a tlangsam pik bawn hnuai ah buk kan sa a, thang en haw kan inbailem chhuan nghal a. Tlai a lo nih in fenthlir ah chingal tlem nen lamhnai tuikhur lam ah kan chiar thla leh chelchul a, haw pah in zirtirtupa huan ah thei kan lo ru ho lehnghal a. Lungthil in min rawn vawm, bakleng in kan tlanchhe haw leh a, in kan thlen meuh chuan a hma ai a kan fai bikna pawh a awm leh tawh chuang law… A mangan thlak thin khawp mai. Khang hun te kha aw… Hmana lenrual hlui zawng te khan ngai ve che u maw…?
July 12th, 2011 at 4:53 am
Pi Romawii, Serchhip titi ka ngaithla a, ka nui nasa mai a.
Tum khat chu Sailam daia an kal laiin, aifiar hi kawnglaiah a rawn vak tlat mai a. A man ta a, a thlir vat vat a, kawng thlang lawkah chuan thing zara thangthleng inkam hi a zu hmu fuh a. A zuk awhtir ta a.
Pi Romawii chuan, “Thang kamtu khan aifiar a awk kha, mak a ti ve ngawt ang,” a ti.
July 12th, 2011 at 4:54 am
Chhuanchhan khi belval kan ti.
July 12th, 2011 at 5:16 am
Herhawt hi, pinion system ngata kan pi puten an lo rem khawm thiam hi ka fak.
July 12th, 2011 at 5:56 am
Chhuanchhan tih hi keipawh ka vawikhat hriatna, belval tihin ka ka ko va, bel a ung loh nan a a khu daltu barrel cheh phek kual hi “chhuandam”, kan ti.
July 12th, 2011 at 6:01 am
@68…. ka nui nasa lutaaawk!!!
July 12th, 2011 at 5:33 pm
Pic 1 : Ar-chhiar hi hmanlai mizo inah chuan Sumhmun chhungah a awm thin. Bang pawnah an dah ngai lo
July 12th, 2011 at 5:35 pm
Pic 2 : Artuibawmah hian a phah-ah hian katchat emaw phuai emaw a remchang chang kan hmang mai thin, Di hi kan hmang ve ngai miah lo !
July 12th, 2011 at 5:38 pm
Pic 4 : Paihper pangai chu a ni lo, Paihper-te an tih nen a inang khawp mai. BEM chu ka hriat vawikhatna a ni tlat mai!
July 12th, 2011 at 5:38 pm
lushai_er #74 ni e tiraw, remchang2 hman mai anih hmel. Ka pi kha chuan buhpawl a hmang tlangpui awm e.
July 12th, 2011 at 5:45 pm
Pic 5 : Thleng khi chhungrual thleng chu a ni lo tawp mai. Hmanlai kan thleng hman thin kha chuan ke a nei thin
July 12th, 2011 at 7:35 pm
Banglai tih a rua tuk kuak khi em ni i sawi banglai chu.
A nih chuan keini chuan tungchaw kan ti mai.Khum luah te an dah a thil dah khawm nan.
Bem tih ka hrelo thung tin paiper an tih ka hria.
Mizo thang ho hi kam thiam loh ka neih ka hre lo.
Thangthleng
Thangchep
Beai
sahdal
vaithang
fal
mangkhawng
sakhithang
sanghal thang
vawmtlak
kar.
thirthang
zawng khar
aiawt
ngawi
nghakuai
len
ngalhem
tlakhawlh
July 12th, 2011 at 9:30 pm
Artuibawm chu tunlaia tah that vak loh Paikawng ang chi an hmang daih ani maw.
July 12th, 2011 at 9:50 pm
Artuibawm hi kei ni chuan a hran in kan tah thin a, paikawng chhia ni lovin. Ne.. Khiang hnah hi kan hmang tlangpui, a hmul thiap a alum khawp a nia.