Nipui lai a ni a. Khua a thiangin van boruak zau takah chuan chhum hmuh tur reng reng a awm lo. Khua chu a reh tlawk tlawk a, a khat tawka thlifim rawn thaw heuh heuh thin chuan khaw nawmna a belhchhahin lung a tileng kher mai. Ral khatah ar a khuang thliai thliai a, hmeichhe naupang tuichawi tur ri le lu pawh an kal liam tawh avangin hriat tur a awm tawh lo.
Vanlaizawlah muvanlai a dir cher cher a, thli thawt zawngin ral lehlamah pangpar mawi taka vul chuk rim a rawn nam chem chem bawk a. Hawi velna lam apiang chuan rilru a tih hlim sarh vek avangin he hun hi hun tha a ni a tih loh theih loh.
Chu Nipui nuam em em maiah chuan tlai khat chu ka vahvelna ah hmun pakhat ka thleng a. Chu hmuna Theihai kung hnuaiah chuan Zorama chu mu in ka hmu a. A hmai chu a lukhum pawr tawh taka a khuh avangin a hmuh theih lova. En mai chuan a muhil niin a lang. A thawmhnaw te chu rei tak suk tawh loh a ni tih hriat takin a bal em em a. A pheikhawk chuan nawhfai a mamawh a ni tih chu hai rual a ni lo.
A taksa chuan chawtha a mamawh tih a hriat ngawih ngawih a, a tisa chuan thau tlem azawng chu a mamawh a ni. A bul velah te chuan a tu leh fate an zi nuai nuai a, mahse tumah a mamawh phuhruk tuma che eih hmuh tur an awm lo. Ani, pakhat te mah an awm lo.
Chutia a mut reng lai thli a rawn thaw chuan lukhum a rawn chhem thla a, a hmel pawh chiang takin a hmuh theih ta. A hmel ka hmu chiah chu…… “Karei!!! Engtizia nge ni ta ngai? Heti em em a tar tur a la ni lo asin!” ka ti rilru vawng vawng a. A hmel ka hmu chu ka lainat kher mai.
A kum phu lohvin a lang tar a, a cher zia chu sawiin a siak lo. A hmelah chuan lungngai hmel ka hmu a, hmana Zorama kha hmuh tur a awm tawh lo. Chutih lai chuan ka bulah Awze-a a rawn kal a, ka thil en lai chu rei tak min enpui hnu ah ka lam hawiin, “Zorama hi hetiang reng hi a ni ngai lo asin.” a ti a. Kei chuan, “Eng thil nge thleng ta? Engin nge khuti taka nghaisa ta mai?” ka ti thuai a. Ani chuan uluk takin min en vang vang a, Zorama chanchin chu tihian min hrilh ta a ni.
“Zorama hi pa tha tak leh hrisel tak a ni thin a. A chakin a huaisen a, a taihmak bawk em avangin ei leh barah pawh an intodelhin tu chhungkua mah an awt ngai lo. Amaherawhchu, a kum te a lo tam ve tial tial a, tunhma angin ram hna a khawih tha thei meuh ta lova, a tu leh faten a tih ai tih an tum si loh avangin an tlaran zo ta a ni.
“Duat taka a chawm seilen Mizo-a te unau chuan a pa leh an chhungkaw thatna tur aiin anmahni tisa chakna an ngai pawimawh zawk a, ruihtheih thil chi tinreng tlanin hlemhletna leh rinawm lohna an zir chhova. An pa Zoraman duat taka a zilhhauna te chu mausamin ‘I thing lutuk, I tunlai lo lutuk’ an tihsan a. An huan thlai leh ranvulhte chu chintawk awm lo lekin an tlan a, tunah chuan neih a lawi pawh an nei tawh hleinem.
“An pa Zorama zirtirna, heng tlawmngaihna, rinawmna, thuawihna leh a dang tam takte chu an thinlungah an hre na a; zawm an tum chuang hauh lo. An hnathawhna hmanrua, Zoraman hlawhtlin nana alo hman tangkai em em thinte pawh an dah chhe zova, an rula raw neih vel mai mai tawh zawng a ni e.
“Chutiang anih avang chuan an chhungkua hi an tlachhe em em a, nitin ei chawp tur takngial pawh thenawm khawveng ten kan pek khawm a ngai ta hial a ni. An huan leh lo tha tak takte chu miin an rawn chuhpui a, an enkawl mumal loh avangin chuh ngam hek suh. Tunah chuan an ram neih ve te pawh ar hmai tiat lek tak tak a ni ta.
“Chutiang teh hrep chu an nih avangin Zorama hi a na a; a thinlung na avangin chaw a ei thei lova, a eng tih tha mah a tho lova, a nitelin a chak lo tial tial mai a ni. Khutiang reng a nih chuan reilote ah Zorama hi a boral ang a, a in leh lo, huan leh ram leh engkim hi keini ho hian kan la neihsak vek mai dawn a ni.” a ti a. Awze-a chu a kal liam ta a.
A kalliam hnu chuan a thusawi chu ka ngaihtuah let leh a. Mak ka tiin ka rilru a na em em a, Awze-a kuta a thil neih zawng zawng lut turte chu ka ngaingam ngang lo. Ka puanven ka sawi chhing a, ka theihtawpa ringa….
“Aw Zoram, lo lungphang suh. Nangmah chhanchhuak turin ka lokal e, I riltamna te tireh tur leh I chakna te siam tha leh turin ka inpeih e.” ti chungin ka pan phei ta hlawk hlawk a.
I inpeih ve em?
Similar Posts:
- Zorama chirhdumah a tla
- Rukru hnam kan ni lo
- Chief Minister thlalak chungchang (response to CM Zahawm kan thleng!!)
- Ngaihtuah a ngai e
- Ka lo nghak reng ang che
July 15th, 2011 at 6:02 pm
comment ka hawng e 😀
July 15th, 2011 at 6:03 pm
ngaihnawm ve khawp mai 😀
July 15th, 2011 at 6:06 pm
Tha reuh eee.
July 15th, 2011 at 6:08 pm
cute reuh ltkk
July 15th, 2011 at 6:14 pm
Avan gaihnawm tehlul ve….zirtir nei tha tak a ni e. Adang pawh kan la nghak zel ania.. (Y)
July 15th, 2011 at 6:18 pm
A tha hle mai. I thuziakah hian double adverb leh adjectival adverb ang chi hi a tam thin a. A ngaihnawm DAP DAP khawp mai.
July 15th, 2011 at 6:32 pm
Mizo-a te unau kha a zilh ta em aw?
July 15th, 2011 at 6:36 pm
Thu tha tak, ngaihnawm takin i ziak a, ka chhiarchhuak dap e.. (Y)
July 15th, 2011 at 6:37 pm
a engti zaizia nge mawni , i thu ziak chuan SUDDEN MUANGA min hriat chhuah tir daih mai aaaa
July 15th, 2011 at 6:47 pm
Mizo a te unau chu khai lop la, theihai kung ah cuan tar nolh ta che! Nep e mai 😛
July 15th, 2011 at 6:57 pm
😀 Zorama damna dawi ti tepawhin rawn chhunzawm la, pos tha tak ani
July 15th, 2011 at 7:01 pm
Misual.com hi mobile version siam anih atang hian comment te, read more te a muangin thil a buaithlak twh khawp mai,, comment page 1,2 te hi a en theih mang tawhloh a, an siam tha hi tu emaw kut hlei deuh in a siam chhia ani mailovang maw? Flag dum tar mai chi nge ni anga black day kan hmang mai dan,
July 15th, 2011 at 7:04 pm
#12 i huaisen e, iti tha khop mai, nangmah ang hi mizo tlangval nita vek selang kan ram hi a nuam got ang, hmalam hun eng tak i nei e, full support kan pe a che
July 15th, 2011 at 7:10 pm
(Y) tha khawp mai
July 15th, 2011 at 7:11 pm
Sawi tur ka va vai(adj.) ve.! (~) (n) (y) (n) (y) (n) (y) (n) (y) (n) (y) (n) (y) (n) (y) (n) (y) (n) (y) (n) (y) (n) (y) (n) (y) (n) (y) !
July 15th, 2011 at 7:29 pm
Ka inkhelh hlana alo chhuah chu le. A lawmawm e, in lo chhiar ve liam liamin in lo comment liam liam a.
@lal rascal, i nuih dan khi ka hua. 🙂
@ restored leh troxx, :-S
@ empy, ka lawm e. Ka hun neih danin a zir lo lutuk a duhang pawn post a buatsaih ve theih loh a lawm maw le. Kha hei hi (D)
@ Ignatia, nang hi post engpawh uluk takin i chhiarchhuakin i analyse thlap thlap thin a, nangni ang hian thiam lo chung chunga post ve hram hram thin keini ho hi min tiphurin min tihlim thin. Chuvangin, hei te hi (C)
July 15th, 2011 at 7:29 pm
I phuah thiam hle mai…mahse tehkhinna hmanga thusawi hi hmehbel thiam a har em a tlema duhthusam lo lai ka sawi ve duh. Zorama rawk tu tur leh a ro chuhpuia neihsak tum tu in engkim a hrilhfiaha a fuihtu zawka a tang khi a inhmeh lo, diriam tu leh a thih chang tu ni zawk se la, chuan a Awze-pa in a diriam na atanga a withness khi harh chhuak/fing var zawk tur anga ziah awm tak…. ka’n ti vel anih chu 😉
Parable valid deuh siam hi har deuh ania, siam thiam chuan tawngkam tluangtlam pangai ai pawhin mi thinlung a hneh zawk in a fiah zawk thin. Hei vang tak hian a ni Isua pawh kha Best Professor an lo tih thin. 🙂
July 15th, 2011 at 7:32 pm
@ zero leh rempy, nangni thu thiam leh mi un comment hi chhiar a nuam thin teh e.kha (F) hei chauh hi ka theih tawk.
@ troxx, SUDDEN MUANGA fan ruh lutuk thil ziah ah chuan ngaihruat theih a mual mual chu a awm ang chu. (H)
July 15th, 2011 at 7:34 pm
Awmze ril tak a nei e…i phuah thiam khawp mai. (Y) Zoram hi tundin a ngai, chhanchhuah a ngai….mipui te hian kawngdik kan zawh a ngai hle a nih hi………. (C) hei hi lo in ve teh.
July 15th, 2011 at 7:36 pm
@ ArnieB, chhunzawm lam pawh ka lo ngaihtuah chuang hleinem.
@Ngaidan tha a, i in (Y) vel ni maw? 😛
@ keimah mimawl, thankiuzzz
@ Leavi Pcresn, i comment ka chhiar a ka awmdan chu :-S
July 15th, 2011 at 7:39 pm
@ Asteric, ka lawm e. Hetiang comment hi ka mamawh zawng tak a ni. Hetia a awm ang lo lai, a felhlel lai, leh a dang dang in rawn sawi hi ka tan chuan thil tha tak a ni. Lehpek ah chuan a aia tha a rawn tih ka tum ang. Kha maaza ka khilai ang che, (B)
July 15th, 2011 at 7:41 pm
@ mr.Duhlova, i ti lawmawm e. I thingpui pawh a thlum tha. Kha, in awmna ram i rawn lak leh nan model thar ber chi, (P)
July 15th, 2011 at 8:11 pm
Rooney Opa, Nangma ir awm chhuak dik tak anih chuan i la lar hat thei ang. Ka ringhlel rum rum mai ka ti. A ruh lang rawt rawta sawi hi chuan, mi kan ti thinur tam mai mai a, hetiang chi hi chuan rilruah Inspiration a siam hma bik tlat.
July 15th, 2011 at 8:17 pm
(Y) Ngaihtuah lo in i rilru a thu awmsa kha rawn bun chhuak mai la.
July 15th, 2011 at 8:26 pm
@ PKfanai, ka lawm e. Keima irawm liau liau a ni e. Mahse, lar lam chu…, misual.com leh ka blog hi ka thuziah vehna platform chu a ni ve mai. Chupawh ka hman loh vangin ka la ziak khat em em zui. (*)
July 15th, 2011 at 8:35 pm
@ ArnieB, hehe, ka sawi awmzia zawk chu a chhunzawmna ziah ka lo tum vak hleinem ka tihna a ni e. Mahse, phur thut hunah ka la ngaihtuah ang chu. Kei chu phur thut huna che chi ka nia, (I)
ka phur a chhuah chuan zan rei pawh sawi lovin ka ziak leh ngut ngut mai thin a, phur a chhuah loh erawh chuan ka thluakah hian bawngek khawro hlir a awm emaw tih tur khawpin ziah tur ka bo leh thung thin.
Hei pawh hi nizan/tukin (?) dar 3 vela ka phur thutin ka ziah a ni
July 15th, 2011 at 8:47 pm
E khai…hei chu ka ziah emaw kan tih chu 😀
Tak tak in , kan vei a inang a nih hi. Hetiang a ralkhat thlir hian thil fiahlo hi a fiah duh fo thin em em reng a ni. (Y)
Nizan Pu Zorama te chhungkaw budget pharh pawh kha an thawhchhuah miahloh, an thenawmte chhungkaw thawhkhawm an khaw VCP hnen a a dil a an dil chhuah lek a ni tih hriat chuan fapa diktak tan chuan hnar a lian duh thin ngawt mai.
Kei chu ni i la, Pu Zorama te in ah khian ka lenglut ang a, a mah ngei tapchhak zawl ah ka titi tir koh koh ang.
Nia, a damdawi lam han ngaihtuah chhunzawm zat teh, an na em mai.
July 15th, 2011 at 8:54 pm
Ekhai, pu zoho, nangni ang miril te chuan hei aia ropui leh nalh zawkin in ziak thei ang chu maw le. Nangin han chhunzawm zawk ta che, a ngaihnawm viau ang.
July 15th, 2011 at 9:25 pm
va rapthlak ve aw?
July 15th, 2011 at 9:30 pm
Hmmm..ka ril emaw kan intih tak deuh tlat chu… ril deuh in thil ho deuh sawi tur kan ngaihtuah teh ang. 😛
“Bat tam chu changkanna” .. eh….
Khawvel hi Mizoram a veng/khaw te pakhat ang in ngaihtuah ila,ram pakhat te te hi chhungkaw pakhat ang te te in, International relation hi inthenawm khaw vennna, International trade hi thlai thar leh thil eng eng emaw inthlengkualna, pawisa in puksak vel.
Pu Indi-a te chhung pawh hian an ba tam ve khawp mai, saw mual veng a Pu US-a te chhungkua pawh hian bat an huai mai mai,kawmchhakpa Pu Chin-a te khi an pa rual a, tunlai chu an thlaithar te pawh an hralh tlawm thei kawp a nia, an maian tel khat leiin tel 2 te an free vel mawle, thenawm Pa Pakis-a te chung lah saw,an fapa te saw an huaibak lutuk a,an pal pin sawn min rawn nek ran reng mai a,hmanni ah pawh kan nauvi te sikul kal tur kut a lo thlak leh tawh pek a…..
Khawvel hi a ho duh rap. 😀
July 15th, 2011 at 9:50 pm
Ka hul e..Mahse a thu leh tum chu ka chiang in a tha hle mai tiin ka han comment mai ange … (Y)
July 15th, 2011 at 9:58 pm
haha. #30, (Y) .
July 15th, 2011 at 10:40 pm
post-ah post tupa a trawng tam ber. tha tho ve.
July 15th, 2011 at 10:47 pm
# 33, hetiang hi maw, POST VIL an ti. Post siam ve a vil leh ngam lo/vil tha lo, comment pawh respond ngai lo ai chuan a tha fe zawkin ka hria.
July 15th, 2011 at 11:00 pm
I thu kamkeuna hlawm hnih khi a mawi ka ti khawp mai. Ram hmangaihna lamah luhpui lovin eng eng emaw han ziak kual vel mai mai la a ngaihnawm awm e, te ka ti mai mai. Thu ho mai mai mawi deuha phuah khawm thiam mi nih hi a hlu riau ka ti thin;
Ram hmangaihna chungchangah hi chuan a chang chuan ka beidawg deuh hi “not that i loved Caeser less, but that i love Rome more-i slew him” ideology kha ka support lek lek mai thin.
July 15th, 2011 at 11:14 pm
i vil hneh mah mah. I post an hnial emaw an fak emaw, inhnial an awm a nih chuan, threlh/ ‘moderate’ la a tawk viau lo maw? Ka’n ti ve mai2 a nia, chutia lung lohva i lak pawh ka lo ring lem lova..!
July 15th, 2011 at 11:22 pm
😀 nangni pahnih kha ka nuih in su zaa. 🙂 Mitthi lumen lai kan nih hi….
July 15th, 2011 at 11:31 pm
saint sammoo: I tawng chuangtlai hret. Hneh taka post vil hi tihdan pangngai a ni e. 😛
July 15th, 2011 at 11:31 pm
zanin chu doc_lib ai ka awh dawn… ka pawr viau ang.. Week end a nih hi..haha..
July 15th, 2011 at 11:39 pm
(Y) (Y)
July 15th, 2011 at 11:50 pm
A Post tupa comment zawng zawng khi la khawm ta ila, article pakhat a chhuah leh theih ang! SOI VE MAI MAI-
July 15th, 2011 at 11:54 pm
@post tu pa leh ‘ik’- ka’n fiamthu hlut a nih kha.. Ka rui deuh a, ka mu daih dawn..! Mangtha u.
July 15th, 2011 at 11:57 pm
Thu ngaihnawm, awmze nei, zirtir nei tha chu….. Gud post…kutzungpui ap.
July 16th, 2011 at 12:12 am
Saint Sammoo, mu lovang. i ngaihdan i sawi ani mai alom. 😛 Duh leh i ngaihdan chu rawn hnial se 😀
July 16th, 2011 at 12:13 am
Laizzez faire – kan Taliban deuh thin. Duh duh sawina forum a ni a, admin ten an duhloh chin chu an delete mai, pressure kan lo pe na mah mah thin, Hnam Sakhua atang te khan. Pawr duh chu pawr se, ho duh chu ho se, thutak duh chu thutak mai se, guardian angel kan ni lo ve, tumah mifel kan awm lo, misual vek kan nih hi.
This is misual.kom (D)
July 16th, 2011 at 12:16 am
ni e, tumah kha mu suh u. In thu leh hla a ngaihnawm a lawm le. Han sawi zel teh u. Nia, ka vil hneh e mai ka lo ngawi mai mai tawh ang e. In ngaihdan chu han tlangau pui bawrh bawrh teh u.
July 16th, 2011 at 12:18 am
Hnial hrat ho an lo lang mu daih ang,;ka hlau :-O
July 16th, 2011 at 12:20 am
saint sammoo: Mangtha le! Week End hman nuam bawk le!
doc_lib: Mi pangai chu an hriat deuh a ni. saint samoo-a comment number 42na khi en rawh(fiamthur). Tak takin i reh lutuk. 😀
zoho: Week end ni bawk a, mut i mamawh ve aniang nge. 😀 (fiamthur)
July 16th, 2011 at 12:25 am
Post tha tak a ni.
Ka hnuk a tiulh hial mai a.
July 16th, 2011 at 12:28 am
vakul khian hnialhrat min ti a nih vaih chuan escapist ka ti ve ngat mai ang. a le.. 😀
Ignatia – teuhlo mai, reilo te ka awm ang a, post ka ziak daih dawn. 🙂
July 16th, 2011 at 1:30 am
Phek thar
July 17th, 2011 at 1:24 am
Zirtir a nei tha in, chhiar a nawm mai bakah a ril in, rilru hneh thei tak ani e. Hetiang ang thuziak hian lairil a fan zawk chang te a awmin ka hria, mahni theuh in en tha ila, kan ZORAM tan hian eng nge ka tih theih ve ti turin kan puanven sawichhin a hun tawh takzet a ni.