- Dr. Zokhuma (Vety)
Pi Darnghini hi a chak vak loh hnu Chawngpui Venga a lo awm ngheh hnu khan hmanlai titi sawi pui tur a duh hle a, vawi khat a fanute hnen a a lo riak chho chu ka va kawm a. A han titi kal phungah a chanchin dik tak hi tun emaw bul deuhin hria se tih a duh ni ngeiin ka ring thei a.
Hetiang hi chhungkuaah an lo zep hle nge ni an lo inkhap hle emaw tih hre chiang lo chuan han phur pui teh hlut pawh ka inthlahrung ru ve deuh va. Mahse, Lali te ngei pawhin min khap teh vakna ti lang lova ka hriat avangin ngampa deuhin ka ti ti pui ta a.
“Tunge Lungleh SDO 1910-12 velah tih i hriat theih chuan chu chu ka pa ani,” a ti a. List in-ah ka va en a, Lungleh SDO R.W.Vonmorde, Eastern Bengal & Assam Provincial since 4.5.1910-18.4.1912 a lo ni ngei a.
A sawi danin heng hun lai hian a nu-te hi hmeithai fa anni a. Mautam tam (1911) lai a ni a, mi tam tak Mission chawmin an awm a, chung zingah chuan a tel ve a. SDO sap chuan ama bungalow-ah a awmpui ta a, tleirawl hmeltha deuh a ni ta ve ang, an lo induh ta a ni.
He Sap hian neih tak tak ngei pawh a duh a, mahse Missionary te khan Sap-in Mizo nupui a neih chu an rem ti lovin pumpelh tir dan an dap nasa hle in a rin theih a. Chuti chung chuan transfer-a a kal dawn pawhin, “Tlabungah ka lo nghak ang che a, min rawn zui dawn nia” tiin a la chah ta zel a.
Hetih lai hian, “Nang nen kan inneih loh chuan tumah dang ka nei lovang a, fa pawh ka nei lovang” a ti ani awm e! A nu kha hmeithai rethei tak a ni a, a fate zinga eitling ber tur hetia hmuh phak lohvah, ramdanga kal bosan tur chu ngai ngam lovin a phal ta lo a ni awm e.
Chutih laia Missionary-te bula khawsa Pu Khawnghinga nen chuan an inneih tir ta ani. Missionary te hian Sap laka Mizovin fa an neih hi pumpelh dan an dap hle ani kan ti thei awm e. A lo pian hian Mizo fa anih loh hi tumahin hai chi a ni si lova, mahni fa tak lo te pawm a har si nen a pa hian fa tak chiahin a pawm ta hmiah niin a lang a. Missionary te influence a tel chu a rinawm hle a ni.
Hetia Pi Darnghingi a lo seilian lung fing ve chho zel hian thu tam tak a lo hre chho ve zel a. Kum 15 mi vel anih lai hian Sapram Bristol atangin Miss Glover, Baptist Secretary chuan Serkawn Mission a rawn tlawh a. A rual hian Miss Mansen a lo tel ve a. Chu Sap-nu chuan Pi Darngingi vei vak vel chu min la sawn lo lek hian ngun em em hian a lo thlir thin a ni awm e.
Present te pawh eng eng emaw chu a pein kawm te pawh a kawm ani awm e. Mahse an relationship lam hawi thu engmah a sawi chuang lo.Chutih laia an hotunu “Miss Chapman”, Pi Zirtiri chuan, chung Sap khualte an hawn leh hnu daihah “Ka vahnu (niece) a ni” tih thu a sawi chu a hrilh chauh a ni. Saprama a haw hnu pawhin lehkha pawh a rawn thawn awm e. Heng hian a rilru a ti buai deuh ani ang, amah tleirawl a lo ni ve ta bawk a, vawikhat chu a Nu chu a zawt ta chawt mai a ni awm e. Tichuan a pian dan tobul chu a hrechiang ta chauh a ni.
Serkawn School a zir zawh hnu hian Shillongah High School a kal ta a. Nula hleitling tak leh hmeltha tak a lo ni tawh a. Cherra kal tlangin Sillong kal angai a. Lui kanna (river crossing)ah Kuli (Daju) hian passengerte an phur kai thin a ni awm a. Pi Darnghingi hi a sei si a, an han phur tur chu a lu lamah a buk thla ta thin a ni awm a.
Chutih lai chuan Booth Sap (EAC) tlangval chuan a lo thlir reng a, a lo ngaizawng hle hi a ni awm e. Mizo zirlai leh Mizo Police-hote bulah a ngaihzawn thu hi a lo sawi thin ani awm e. Nupuia neih a duh thu te a lo sawi fo ni tur a ni!
A kum leh Shillongah a Pa nen an kal a, Pu Buchhawna Shillonga a thawk ve tan chu a IN-ah an zuk thleng a. A hma chuan Booth Sap hi Pu Buchhawna inah hian a chanchin zawtin a lo lang fo awm a, mahse an zuk thlen chinah chuan an intawng fuh leh ta hauh si lo. Booth-a lah chuan Mizo a hmuh apiang hnenah a ngaihzawn thu leh nupuia neih hial a duh thu chu a sawi a ni ang, an hre huai hlawm si. Mahse vawi khat mah an intawng fuh si lo.
Pi Darnghingi chuan zir zo lovin Mizoramah a lo hawng a, an khaw lamah awmin rei vak lovah pasal a nei ta a ni. Hetih lai hian Booth Sap pawh chuan a la zawng zel a, Aizawlah Pi Darnghingi ngaihven chuan a lo zin chho va, Aizawl a lo thlen chuan pasal a neih tawh thu an lo hrilh a, beidawngin a hawng leh ta a ni.
Chutiang chuan Samthang Lalnu leh Zirtirtu nih chu kawpin, a hun lai leh hmun atan chuan dinhmun awhawm tak nen a hun a hmang liam a, Pathian malsawmna pawh dawng hlein fanau lamah pawh an tluang chho hle nghe nghe a ni.
Hetia a pasalin a boral san hnuah mahni a khawhar deuhva a awm hnu hian a hun liam tawh te hi a ngaihtuah chhuakin a lung a leng thin ni awmin ka hria. Tiang hun lai taka a ni beng thleng nge ka hre lova, kum 1958 lai khan Kotagiri, South India-ah Pi Zirtiri leh a hote an awm zuina ah tumkhat chu Sap Putar pakhat hian chenna In-ruak a rawn zawng a.
Pi Zirtiri Mizo awmpuite nen an inbia a, amah mai a nih thu leh Mizoram mi an nih thu an sawi atang chuan ani pawh chu lamah chuan SDO a nih tawh thin thu a sawi an ti a. Heng thu te Pi Darin a hriat hian a Pa kha ni ngeiin a chhui a, a nu a lo tiam ang khan nupui leh fate pawh tumah ka nei lovang a tih te kha a lo hlen chhuak ta ngei a ni ang tiin a rilruin a chhui ta zelin a lung a leng thei em em niin ka hria.
A thu hrimin Pi Darnghingi chanchin hriat hian sawi thiam har tak hian min vilh thei a. Hriat loh law law ni si lo, a tak hmuh tur awm si lo! Mumang ang deuh ruai vekin a tham ral leh si thin a. Kan sawi tawh ang khan a thatlai hun te chu hlim takin hmang liam mahse, a tar chak loh khawhar hnu khan ‘Mumang’ ang deuh ruai thil awm thin te kha a rilru ngaihtuahna a lo la peng nasa hle thin dawn tih kan hriatthiam pui awm e. Chuvangin a chanchin ziktluak dik tak hi tute tal sawi pui kha a lo thlahlel ni ta in ka hre thin! 
;-(
July 24th, 2011 at 8:26 pm
comment lo in close palh! sorry!
Report this comment
July 24th, 2011 at 8:32 pm
A ngaihnawmin a lunglenthlak hle mai..
Report this comment
July 24th, 2011 at 8:37 pm
A ngaihnawm khawp mai. Duh aiin comment a in-close rei a, post dangin a chhuah hnan hman lehnghal a, a zia lo khawp mai.
Report this comment
July 24th, 2011 at 8:40 pm
ngaihnawm hle mai . .(Y) .
Report this comment
July 24th, 2011 at 8:44 pm
Ka khawngaih reuh.
Report this comment
July 24th, 2011 at 8:45 pm
Comment theih ta hairehai…mahse comment mood a ti bo zo vek tawh aaaa
Report this comment
July 24th, 2011 at 8:50 pm
Zosapi a lo ni reng a nih chu
Report this comment
July 24th, 2011 at 8:51 pm
A lainatawm hle mai…Pi Zirtiri hian “Ka nice” a ti ve mai mai ni maw?
Report this comment
July 24th, 2011 at 8:53 pm
Thang khiu ! He post hi a hmasain mi tih mualpho tumna lam a ni lo tih min lo hriat sak ka duh a. A chanchin hi a ngaihnawm em avangin ka rawn share ve duh che u a ni.
Tin, Sap zingah hian rilru te/lian (?) pu an awm thin niin a lang. Pu Thangliana kha an transferna chhan kha Mizo nula vang a ni a, Pu Zosapthara lah Mizo nula vangin an hnawt chhuak bawk a, Pu Vonmorde pawh hetiang vang hian transfer a ni bawk. Midang kan hriat loh hi an la awm ka la ring tlat….i thawh khawm zel ang u.
Report this comment
July 24th, 2011 at 8:54 pm
Rilru leh thinlung zawng zawnga in hmangaih, eng eng emaw avanga innei thei ta lo chanchin hian Lung a ti zìng thin. Mahse, khawvela Love story leh Love song tha ber ber pian tirtu ani si. Ka fate hi chu, an thinlung zawng zawnga hmangaih leh duh an nei tih ka hriat chuan, an neih ngei theih nan theih tawp ka chhuah pui ngei ang.
Report this comment
July 24th, 2011 at 8:54 pm
lushai_er, kei chuan ka hrethiam ania hairehai
Report this comment
July 24th, 2011 at 8:55 pm
Comment an hawng har e…
Report this comment
July 24th, 2011 at 8:57 pm
Comment theih ta….. Mahse han comment dan vak phei chu ka hre chuang law..
Report this comment
July 24th, 2011 at 8:58 pm
Pu Vonmorde khi a Lèng tùl ta chiah em? Tih khi ka hriat chian chäk lai tak a ni.
Report this comment
July 24th, 2011 at 9:01 pm
A ngaihnawm khawp mai. Pi Darnghingi chu ka la lo hre ve hauh lo mai a, tunah chuan tlem ka lo hre ve ta!
Report this comment
July 24th, 2011 at 9:13 pm
Comment an khar rei lutuk a nih hi! A ngaihnawm hle mai a. Kan thawnthu chhiar mai mai ang tih chu ka hlau deuh nge Mizo a ni lo kan ti ang tih hi ka rilru ah a lo lut a
Report this comment
July 24th, 2011 at 9:21 pm
Ka hriat ngai loh ka hriat belh leh ta, a ngaihnawm e. Tu huatthu lovah, han awmrei deuh chuan khawi hmunah pawh phuloh hmuh tur an awm zel mai emaw ni…
Report this comment
July 24th, 2011 at 9:36 pm
ngati nge zanin hi page a in lawh har theih em em le misual bik hi!!!???chhan hria kan awm em?
Report this comment
July 24th, 2011 at 9:44 pm
Admin ho hian an hria ang. An khawih te pawh a niang. Tin, chhiartu kan thahnem deuh pawh a ni thei ang.
Report this comment
July 24th, 2011 at 9:45 pm
Aizawlah tun mai khan Invit an awm em ni. Chanchin kan va hre thawi ve!
Report this comment
July 24th, 2011 at 9:45 pm
He khawvel ah hian hmangaihna a hlu ber. Bible ah pawh chiang takin a in ziak.Rinna te, beiseina te hmangaihte hi a awm zel ang,heng zingah hian hmangaihna a hlu ber ani.
Report this comment
July 24th, 2011 at 9:49 pm
Ringlo mi chungchangah pawh ‘ Ringlo mite nen inremlo takin nghawngkawl bat dun suh u’ a ti mai a ni.Inrem taka nghawngkawl kan bah duna kristiana kan siam theih phei chuan, hmangaihna a min zawng chhuaktu Isua hnung zuiin hmangaihna in chanchintha kan hril tihna alo ni mai a ni.
‘Aw Lal Isua ang turin’ tih hla kan sak te pawh a takin kan nun pui tihna a lo ni tawh zawk ang.
Report this comment
July 24th, 2011 at 10:03 pm
OT BREAKING NEWS:
Dinthar ah minute 15 vel liamta khan mi 1 in mi 2 a vit.
Marka Pa Ralte atanga thu dawn danin:
“Ka hriat theih chin ah a vittu Lalfinga, Dinthar a vih te hi mi pahnih ni in Sangliana, Dinthar leh Biaka, Dinthar te an ni e”
Report this comment
July 24th, 2011 at 10:09 pm
bmw hi avan reh ve a……! Morantic deuh chu post tawh miah lovang
Report this comment
July 24th, 2011 at 10:19 pm
Ngaihnawm hle mai. Hmanah Rev C Pazawna
khan zosap missionary te khan mizo leh sap inneih pawlh kha an dang tlat thin tih a sawi a. ‘Thakthing velah hian Sipai tlangval pakhat Billy Boy an tih mai thin a awm a, nula kha a rim kual ve thin a,ani pawh chuan nupui neih a tum deuh an ti… Zosap te’n an lo hriat khan hekin Mizoram atangin an thawnchhuak hmak mai.’ tih thu a sawi. Anlo khatih avang khan Sap ho mision kha India ram hmundangah phei chuan ahlawhtling teh chiam lo, thingpui huan enkawltu mi chhe te te tih loh chu Kristiana siam annei mang lo ani.
Report this comment
July 24th, 2011 at 10:40 pm
@loneeagle : Kei pawh an sawi khawiah emaw hriat tawhna chu ka nei thin, midang pawh an la awm nual chuan ka ring deuh tho ! Contri tha kawp mai
Report this comment
July 24th, 2011 at 10:47 pm
Khai aw, kan sign mai2 chuh.. L tih kha bracket in ka chhu a, LOve sign a awm hem mai …RIP lo tih zel zawk tur anih khi…ka edit thei tawh si lo… @lushai_er, kei pawh an awm nual ka ring asin, hmar lamah pawh an awm chuan Lunglei lamah pawh an awm hrim2 ang ka ring…
Report this comment
July 24th, 2011 at 10:49 pm
25@ Tunlaia kan Missonary te pawn hnamhnung a lawm an vei ber.
Report this comment
July 24th, 2011 at 11:12 pm
News July 24: Pu Laldenga Thenzawl PWD IB Chowkider tupa, Lalrammawipuia Kum 4 S/o Malsawmtluanga Thenzawl Venghlun chu zanin dar 7:45 vel khan 1109 Tata Truck in a su a, zanin dar 8:30 khan a hliam tuar lovin a thi. Naupang su tu truck MZ O1 G 2437 Driver hi Zonunsanga Kum 19 S/o Pazawna Thenzawl a ni a, Motor neitu hi Document-a a lan dan chuan Lalnunmawia Pudaite Aizawl Dinthar 2 a ni. Lalrammawipuia a sut hian Truck hi a tlan tlanga, Thenzawl NEC Farm-ah in turn in Thenzawl khawchhungah a tlan lut leh chu Police ten an lo man ta a ni.
Lalrammawipuia hi a bek vei lam leh a tukkhumah thuk takin a kak niin thu dawnna chuan a sawi.
source : Pu Vanneihthanga via FB
Report this comment
July 24th, 2011 at 11:17 pm
A ngaihnawm a,a lainatawm hle mai, hmangaihna hi chuan hnam hrang a thliar si lo,hmangaih ber te nei thei hi khawvel a mi vannei ber te an ni in k hria
Report this comment
July 25th, 2011 at 12:15 am
@lushai: ka reh lo asin, Matre! Ka comment lo mai mai…a rukin in vaiin ka observe reng che u lawm! hauh ngai in awm leh velah ka rawn che leh tharh mai ang…fak tlak in awm hunah ka rawn fak leh luam che u ang a. Chu chu kei, misual.com grandmother hna a nia
hei i post hi nakin ah ka chhiar ang..chuan, ka rawn comment dawn nia. vui hma thei lutuk mai!
Report this comment
July 25th, 2011 at 1:36 am
Mizovin sap ngaihsan pa tawkin kan ngaihsan laiin an nin min hmusit em em mai hi a huathla la awm ka ti.
ngaihnawm khawp mai Zosapthar chanchin te ne poh a in iang ve tho mai
Report this comment
July 25th, 2011 at 1:38 am
Kan news hriat te hi aw.. Biaka khi thianpa kha a ni em lo’ng chu maw..
Pi BMW pawh LMSP a rawn lang ngai tawh lo va, khawhar a inti tawh riau.
Report this comment
July 25th, 2011 at 1:45 am
Lal TS, heta hi ka awm e! nia, keini zanlai group kha kan kehdarh zo ta. khawnge LMSP hi a awm reng? a thlalak a release zan te kha ngaihawm mai ma a sin mawle
Report this comment
July 25th, 2011 at 2:01 am
Ngaihawm khawp mai. Ka lung a leng! Ani hi a phone no a thlak a ni ang, ka inbe fo thin asin le.. Facebook lamah pawh a reh hmak. Zonunzemawia te, Melody te, ui…ka lung a leng.. :mrgreen:
Report this comment
July 25th, 2011 at 5:52 am
Thâm ràl àchhâ —her lum nawn leh hràm a ni ber mai maw! A rilin lung a kuai raih mai! Vets Doc Zokhuma tan tak pawh thu ngaihnawm a nih dawn hi le.
Lalruata Sailo te-ho hi an buang vuah lah tak a, Ngurthangi tak te pawh saw, nula vun tam tak aiin a pitar vun saw a la nung nalh zawk asin!
Report this comment
July 25th, 2011 at 8:33 am
Kan Missonry te hian, chakma, tuikuk te hi rawn nei haw nawlh nawlh mai se, mawi chu kan ti vaklo ang a. Inhmuhsit vang pawh ni chuanglovin.
Report this comment
July 25th, 2011 at 8:39 am
A ngaihnawm hle mai. Missionary te standpoint kha ka hriat thiampui khawp mai, complication awm thei an hmu tlang lutuk.
Report this comment
July 25th, 2011 at 9:07 am
khang hunali a mizo dinhmun ngaihtuah ringawt pohin anni nena han inneih polh chu a hnampui te tan chuan phal chu har viau ang. Anni ram nitla seng lo a rorel tu an nia,mizo dinhmun chu sawi lo mai ang. Mahse chenho reng nana na chuan phu loh an tawng ve ta ni mai. Tehkhinana tuikuk ho zingah cheng ta ila,a rei meuh hunah chuan phu loh i tawng nual ang…noi.
Hmael hi chu a tirah chuan hanin hmu chhe viau mah ila,a rei a,khuarel nanana mipa leh hmeichhia in nek innek chu an lo in hmu tawka thuai mai thin. Nangaia hmeltha mipa/hmeichhia i hnaih ah antam hrih vang mai2 a nih kha i chhance a la thlaen lo…lol
Report this comment
July 25th, 2011 at 9:08 am
Pc a leh As khiangte, thil in thlir thiam hle mai. In ngaihdan ka tawmpui che u. Self style missionary, Luh mai mai theih lohna hmuna mahnia thawk, kir leh pawh tum tawh lem lote tan chuan, arammi neih hi a pawi lutuk lem lo maithei. Sap missionary ho khan, political officer ho leh sipai ho kha, an buaipui ve thin ngawt ang.
Report this comment
July 25th, 2011 at 9:17 am
Ngaihnawm hle – ui-awm hle…………han in tawng leh hram se……
Report this comment
July 25th, 2011 at 9:23 am
Mizo te hian sap ho hi chu kan lo ngaisang khawp mai
NOI
Report this comment
August 22nd, 2011 at 1:08 pm
Pi Darnghingi hi 15th April, 1990 khan a fapa V. Malsawma In, Chawnpui ah a boral a ni. @lushai_er Ka van hre chak che ve. Pi Darnghingi hi ka Pi a nia.
Report this comment