By KL Biakchungnunga, Delhi.
Hlum Bêl hi kan hmu tawhin a rinawm. Hluma siam a ni a, tui dah vawhna tha tak a ni. Keh thei a nih avângin, tuboha han chhut keuh pawhin a keh mai thin a, lei châra a tlâk palh pawhin a keh awl hle. 2 Korinth 4:7-12 kan en chuan, hlum bêl chungchâng tirhkoh Paulan a sawi tih kan hmu.
Helaia ‘hlum bêl’ a tih hi eng dang ni lovin—nang leh kei—mihringte hi kan ni. Hlum bêl ber kher min han tehkhin hi kan pawm em? Rangkachak bêl emaw tangkaraw bêl emaw nên min tehkhin se la chuan pawm a nuam deuh ngei ang. Tirhkoh Paula hian Rom 9:20-21 kan en chuan mihringte hi hlum bêl nên bawk min tehkhin.
Hlum atanga siam, vaivuta kir leh tûr kan ni tih Paula hian a hre chiang hle a ni. Mihring taksaah hian iron, cobalt, copper, zinc, iodine, magnesium, sodium, calcium, nitrogen, oxygen, sulphur, chlorine, nickel, chromium, adt. a awm a. Hêng thil chi hrang hrang mihring taksaa awm hi sumah chantir ta ila, Rs 30 man vêl chauh a awmin an sawi thin!!!
Hlum bêl chhûnga Ro: A chunga Bible châng kan târlanah khian Paulan ‘hlum bêl chhûnga ro’ chungchâng a sawi a. Mizo Bible-a ‘ro’ tia kan dah hi, Greek Bible-ah chuan ‘thesauron’ a ni a, Sâptawnga ‘treasure’ tih tobul hi a ni. ‘Treasure’ tih hian—fortune, wealth, gold, jewels, gems, adt. a huam thei vek.
Millionaire nih theihna khawp ro hlû a nih mai chu. Chutiang khawpa ro hlu lutuk chu nei ta la, hlum bêlah i dah phal ang em? A ni lo berah, silver bêlah emaw, thîr bêlah emaw i dah ngei ngei ang. A hmeh pawh a inhmeh zâwk daih.
Pathianin nang leh kei nunna Chanchin tha—kraws thû—min pêk hi ‘treasure’ hlu tâwpkhâwk, multi-millionaire aia hausa zâwka min siam theitu ro hlû a ni. Bungrua zawng zawnga hlu lo ber, hluma siam, he kan lei taksa chhûnga ro hlu ber min kawltir phal tlat mai hi a va mak êm!
Delhi Slum area-a chêng vâi pa rethei bak berh êm êm mai hian khawvêla car man to ber ber—US Dollar 1.7 million man chauh(!)—Bugatti Veyron emaw Dollar 1 million vêl leka lei theih—Ferrari Enzo emaw hi a kawtah hung ta ruau mai se! Ama tâ ni tlat bawk si se! Thil inhmeh lo leh âwm lo ber zinga chhiar tel tlâk a ni hrim hrim!
Chu vâi pa chan chuan nang leh keia chan kan sawi mêk hi—a nê pawh a ek lo!! Hlum atanga siam, nang leh keiin, chatuan ro hlu ber, kraws thurûk—Pathian thiltihtheihna—kan han kawl tlat mai hi ennge a chhan leh vâng mihring finna hian a chhui chhuak ngai dawn lo!! Lalpa chu fakin awm mawlh rawh se!
Hei hi erawh kan hriat a ngâi—kraws thiltihtheihna hian kan pianpui mihring nun hi a thuai tliak dawn ani—tih hi. “Krista hnênah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zâwk a niâ€(Galatia 2:20) tih hi kan testimony a nih ve theih nân Krista khenbeh a nihna hmunah chiah hian ‘khenbeh’ kan lo ni ve reng tih hi thlarauva kan hmuh fiah a ngâi.
Hlum bêl chu a keh tûr a ni: Ro hlu leh lunghlu awmna hlum bêl hi Pathianin tihkehsawm vek a duh a ni. Chu tihkehsawm vekna chu a ni kraws thiltihtheihnain a tin-zâwn ber chu. Hlum bêl a keh loh chuan a chhûnga lunghlu êng mâwi tak chu miin an hmu thei lo.
Hlum bêl a kehna lai zêlah a chhûnga lunghlu chu a lo êng chhuak dawn a ni. Kan mihring hlui thihna tûrin a thawk ang a, kan mihring hlui hnuk a chah tam poh leh, midangten keimahniah nunna an hmu dâwn a lo ni (2 Kor 4:12).
Kan mihring hlui khenbehna: 2 Korinth 4:8-9 hi ngun takin han chhiar la, kraws hna thawh dân i hmu ang? Engtin? Lehlam lehlama nêksâwrin kan awm a, kan thâw a ipik si lo; mangangin kan awm a, kan bei a dawng si lo; tihduhdahin kan awm a, kalsanin kan awm si lo; vuakthlûkin kan awm a, tihboralin kan awm si lo. Helaia—nêksâwr, mangang, tihduhdah—tih zawng zawng hi kan mihring hlui chan tûr vek a ni.
Kan mihring hlui chinralna, tihchhiatna leh khenbehna vek a ni. Chutiang chu kan mihring hlui chan a nih mêk laiin—kan thâw a ipik si lo; kan bei a dawng si lo; tihboralin kan awm si lo—tih zawng zawng hi keimahnia nung Isua Krista zârah kan chhûngril nun testimony a ni hlauh dâwn si a ni. I mihring hlui thihna zêlah Thlarau Thianghlimin a tinung dâwn che a ni.
Weekdays hman nuam ule!
July 24th, 2011 at 8:34 pm
Tha hle mai,
July 24th, 2011 at 8:34 pm
A tha khawp mai.
July 24th, 2011 at 8:41 pm
Pathian thu hi chu sawi lo vin nunpui tur a ni. Mahse ka thei si lo.
July 24th, 2011 at 8:54 pm
A tha khawp mai
July 24th, 2011 at 8:57 pm
Hlum-bel keh har tak ka nih ka ring!
July 24th, 2011 at 9:01 pm
Thuziak tha tak leh nunpui tur chi a nih hi. A ziaktupa hi kan mi(sual) member ve tho thin a nia.
July 24th, 2011 at 9:05 pm
A chhiar a hahdam hle mai (Y)
It’s Sunday dude 😛
July 24th, 2011 at 9:06 pm
Mìhring hlui sualna khenbeh saka awmna chin hi chu a pawm a nuamin a awlsam viau a. Mahse, khenbeh nun a nun tak a hi a awl ai lo a ni. Mahse kan tih tur ani miau si. Sual lamah chuan thi tawhah in ruat/ngaih hmiah a ngaih laiin, Felna lamah chuan, mi nung, thil tha ti thei nìh zel a ngai si.
July 24th, 2011 at 9:07 pm
Va sawr chhuak tha angreng ve a (Y)
July 24th, 2011 at 9:12 pm
Tha hle mai.Serkawna i student hlui k ni asin.I thusawi live ngeia ngaihthlak a khat ta vawng2 hle mai…lunglen thlak hle mai a.
July 24th, 2011 at 9:13 pm
Amen
July 24th, 2011 at 10:02 pm
Ka like e. Sir Maa Thumbs Up
July 24th, 2011 at 11:20 pm
Ziak tha hle mai.. (Y)
A ziak tu pa hi, Delhi a, Durdarshan programe a music video ah model ah ka hmang toh lolzzzz 😀
July 25th, 2011 at 7:26 am
Pu Biakchungnunga thu leh hla hi a fing ka ti thei khawp mai. Philosopher tih takah. Pu Muantea te nen chuan an thu leh hla a inhmu viau ang chu.
@ Good post.
July 25th, 2011 at 8:06 am
a tha phian mai a, (Y)
July 25th, 2011 at 2:18 pm
post tha tak a ni e. Universe Atlast bu han keu hian kan chenna khawvel lo tet zia hi a hmuh theih a, chuta cheng misual tak tak min hmangaih avanga A FAPA mal neih chhun min rawn pek duhna rilru kha a hlu ka ti thin.
July 25th, 2011 at 2:21 pm
*Atlas
July 25th, 2011 at 2:58 pm
A ziaktu pa: Many times i wonder how you can bring a very complex idea about life so that even me can comprehend it…. if Christ were not there you could have been like clanging cymbal; but you are not because He lives in you!