Mizoram hi kan vannei a, kan ram hi tlangram a nih avangin tuilian nasa em em kan la tuar lova, chubakah lirnghing nasa tak kan la tuar lo bawk a, hei hi Pathian min venna pawh niin a lang a, thil lawmawm tawpkhawk a ni.
Kan ram leilung kan humhalh that loh avang leh kopang awmze nei lem lova kan laih hek hemhuam avang erawh chuan leimin kan tuar nasa hle. Leimin hian chhiatna chi hrang hrang a thlen thei a, Motor accident thlengin a thlen thei a ni. Chuvang chuan ruahmanna fel tak neiin kan kopang neih te leh kan in sakna tur kan laih hi kan himna tur pakhat niin a lang.
Ram changkangah chuan sawrkar hriatpuinain an ram leilungte an laiin tui kawngte an siam a, chumi avang chuan leimin nasa lutuk leh tuilian nasa lutuk lakah an him phah thin a ni. Mizote erawh chuan kan duhna hmun leh kan duh ang angin kan kopang neih leh kan insakna turte kan lai a, hei hian leimin a siam a, chu leimin chuan thihna a thlen mai bakah inkalpawhna kawngpui a tiping a, Economics lamah kan tlakhniamphah thin a ni. Chuvang chuan ram changkangte tih anga sawrkar phalna anga hetiang thil hi kan tih a hun ve tawh hle a ni.
Mithiam ten an chhut danin Mizorama leiminin thlai a tichhiat hi cheng tam tak man a ni tawh a, chu chu kum tam taka thawhchhuah ngai a ni a, chuvang chuan leiminin kan thlai a tihchhiat fo tawh loh nan kawng kan laihna kawngah te kawng kan sialna kawngah te ruahmanna fel tak i siam teh ang u.
Kum 2004 khan Mizoramah leimin avangin lirthei (Scooter 1, Bike 1 leh Maruti Car 1) leiminin a delh a, cheithat fe a ngai hial a ni. Chuvang chuan leiminin min khawih pawi nasatzia hi kan hriat nawn a tul hle.
Rilru siam thar ila, kan ram leilung te hi mithiam zawkte rawna kan laiha kan sial loh chuan kan hmalam hunah hian leimin hi a tam tulh tulh ang tih a hlauhawm a ni. Chuvang chuan mitinin ngaihtuahna thar sengin kan rama kawng ko leh leimin hlauhawm tak tak venhim hna hi i thawk uar zel teh ang u. Tichuan chhiatna nasa tak hi kan pumpelh thei ngeiin a rinawm tlat a ni.
Similar Posts:
- I hre thar ang u
- Ruah sur nasat avanging harsatna namenlo
- Kan ram leilung hi
- Chhiatna avangin Cabinet meeting koh a ni
- Hmasawnna ken tel.
October 17th, 2008 at 3:08 am
Kham panga kan la bawk firfer ngam chhung chuan hetiang in zirtirna hian awmzia a neih ka ring lo.
Report this comment
October 17th, 2008 at 4:19 am
Dik khawp mai,khampangah kan bet fur hlawm mai a.Kan insak dan leh insak na tura kan leilaih dan te lah hi a neitupa duh dan dan ani tawp zel a….
Report this comment
October 17th, 2008 at 4:54 am
Lirnghing kalkawng ah Mizoram hi a awm a, thuthang diklo…eg: lir chumi khami ah a nghing dawn tih vel kha awm thinin, minti ralkhel thin. Kan hriat theuh ngai chu, Mizoram angah lirnghing tur hi warning a in pek hman ka ring hrih lo (kan hmanrua in a la pha lovang). Mahse, lirnghing kawng ah kan awm tih hria ilang, dawih ngam ila…ram te hi duh thawh hiam huam lo ila (thei ta hlawm ilang chuan!) ralkhel lovin, ralti zawk ilang ka ti ngawt mai.
Report this comment
October 17th, 2008 at 5:59 am
Pu HV chu engtik nge maw i mut thin le???
Dik khawp mai,lirnghing te hi na tak kan la tuarloh vang nge ni,a hlauhawm zia hi kan ngaihtuah peihlo zawk ni,a tumah hian ‘inhmun tan a remlo em mai ka sa lo mai ang’ tih kan tum bawk silo.
Report this comment
October 17th, 2008 at 6:03 am
Aizawl ah hian health and safety reason vanga chen tlaklohna in ti a condemn tur hi a van tam tak. Transport that loh vangah ka ngai deuh. Mumal taka bazar/hospital leh facilities (office) tih vel access zung zung theih tura transport tha tawk siam ta se tlang pang rem leh rem lova in ek beng ai chuan a rem deuh aizawl tlak lampang ah te khuan mi an in zar thla darh duai duh ang. Lengpui a tanga thlir hian Luangmual Thlang lampang hi a zawl awn thla duai ni in ka hria.
Report this comment
October 17th, 2008 at 6:17 am
Vangchhia chu “always on” a lawm
Kei pawh Sydney Motor Show ah kan kal dawn, VIP pass kan neih phei chuan Ferrari leh Bentley close up pic rawn lak ka tum ang.
Report this comment
October 17th, 2008 at 7:51 am
Weekend ah lo chuan darkar 1 leh a chanve ka mu deuh ber…fact
Report this comment
October 17th, 2008 at 10:08 am
A dik lutuk. Harh a hun. Kan insak hmanrua te pawh hi, phaizawl insak danin concrete rit pui puiin kan sa ve ringawt a. Kan mau neih thrat te hi hmangin ‘Assam type’ tih ang deuh hian, zangkhai leh senso tam lo deuh, nuam tak si a sak dan a awm hmel asin mawle.
Report this comment
October 17th, 2008 at 11:49 am
Ka theih tawkin ka sawi ve fo thin. Kan rilru puthmang ang bawkin kan IN pawh khi kan sa hlawm a. Nghet taka sak ai chuan mawi hnai tak leh a rang thei ang bera sak zawh kan thlang zawk a ni chek ang. Kum khat chhung lekin building lian pui pui kan han sa zo luah mai thei khi a mak ve khawp mai. Hmun thenkhata a bankhur leh foundation tam tak phei khi chu hun rei tak han diar chi pawh niin a lang lo va. Chutih laiin a chung lam erawh an chher chhuan nasa hle mai si a. Chhawngkhat pawh sak ngam lohna tur bankhurah khian chhawng nga te kan han sa mai thin a..
Kan leilung leh mihring a la upat loh ang bawkin kan rilru pawh a hmanhmawh a. Tin, awlsam taka sum lak luh vang te pawh a ni mahna.. awlsam tak takin kan sa thuai thuai mai a nih ber khi. Kum 50 lo awm leh turah hian chenna atana hlauhawm leh tlak lo tur khi a ding fur mai niin alang a. Ram dang mithiamte phei chuan hahipin an sawi thin a. In enfiah kan ngai hle mai. Tum lawk loh taka Thlanmual a nih thut loh nana inrinlawk leh inhmakhua lawk hi a finthlak ang a, fimkhur hle pawh a hun ta e.
Report this comment