Kan ram hian chhiatna rapthlak tak kan la tawk lo hle a, a lawmawmin kan vannei hle a ni. Amaherawhchu, mithiam ten an sawi angin kan hma lawkah hian chhiat rupna thleng mai thei dinhmunah kan ding a ni tih kan inchhut nawn a tul hle a, Eng chhiat rupna nge kan tawh dawn tih erawh chu kan sawi lawk thei lo nain, hetiang chhiat rupna hi kawng hrang hrangin kan tawk thei a ni.
Lirnghing
Kan ram hi lirnghing kalkawng a ni an ti thin a, chuvang chuan he lama inzirtirna pawh hi tun aia kan inpek tam a tul hle a ni. Mizoram sawrkar chuan lirnghing lo thleng thut laka mipuite hamhaih lutuk lova inven dan inzirtirna hun an hmang a, hmanni lawkah pawh Mock Drill an buatsaih hial a nih kha.
Mipui pawhin lirnghing lo thleng thut laka inven dan hrang hrang an hriat theih nana mahni inzir a, midang zawh peih te pawh a ngai dawn niin a lang a ni.Chuti a nih loh chuan lirnghing rapthlak tak lo thleng sela mipui hian a lo dawnsawn dan kan thiam lovang tih a hlauhawm a ni.
Leimin
Kan ram leilung hi a la naupan avangin lei a nghet lova, lei a min deuh reng a, rapthlak khawpa min erawh chu Lawngtlaiah leh Hlimenah deuh chiah khan a la thleng a, kha tah khan mi eng emawzat an thi a, hliam eng emawzat an awm bawk a nih kha. Khami tum khan mipui lamin hetiang chhiatna lo thlen thut pawha inven dan kan la zir loh avangin an chiai hle a, chhanchhuah hna pawh duh angin an thawk thei lo-va, mipui kha an inchimbuai nasa hle a ni. Hemi kawngah hian inzirtirna inpek a tul khawp mai.
Thlipui
Kan chhehvelah hian thli kawng a tam hle a, Bangladesh lam han thlir ila, thli tleh a awm deuh reng a, a siper pawh Mizoramah chuan na tak a tling a, engtikah emaw chuan nasa lutuk hian a tleh lovang tih a sawi theih loh. Kum 1982 leh 1996-a Mizorama thlipui tleh avang khan in leh lo chan an tam hle a, thlipui tleh laia inchhunga awm dan tur te leh a lo dawnsawn dan tur kan hriat mumal loh avangin nasa takin kan tuar a, tunhai maiah Aizawl khawpuiah nasa lutukin a han tleh leh a, mipui an chiai a ni. Chuvang chuan hemi kawngah pawh hian inzirtirna tha kan mamawh takzet a ni tih i hre nawn ang u.
Aw le, heng zawng zawng hi lo thleng mai thei a nih avangin sorkar-in a tih tur a ti anga, mipui lamin kan tih tur theuh taima takin ti ila, chhiatrupna thleng thei lakah hian kan him ngeiin a rinawm.
Similar Posts:
- Breaking news!
- Mizo thli chi hrang hrang te
- Chile lirnghing nghawng!
- Khua-thlir
- Mizoramah lir a nghing
April 13th, 2009 at 11:17 pm
“Thil pakhat lawk, thil pakhat lawk …” ka ti a; ka kianga Pu Lalliana Mualchin trhu ve reng chu ka tur hmanhmawh hle a; “Engnge?” a ti ve bawk.
“Philippi Jail-a Tirhkoh Paula, Sila etc., tangte kutkawl kha a phawngthla hlawl mai a. Jail chhuat lungphumte lah kha satel intlansiak ang noh noh a ni ta mai bawk si! Philippi khua lah kha Lirnghing Kalkawng a ni ngai bawkin an sawi si lo! Kha lirnghing magnitude kha engzat nge nia i rin?” ka ti a.
A nui ve sawk ringawt a; a sawi chhunzawm bik lo. Miracle mak loh lek lekzia kan sawi dun zui ta ringawt zu nia!
Report this comment
April 13th, 2009 at 11:41 pm
A inven dan tur leh hriattur pawimawhho chu rawn ziak ta keuh zawk la a trangkai zawk ang aa..
Report this comment
April 13th, 2009 at 11:42 pm
Ka hlauhte
1)Lirnghing turu vak lo hi a nghing anga aizawl in ho hi a ko chhak lam chim khan a thlang lama mite kha a delh hlum nghek
2)Lungrem darawm lirnghing in a tihchim lum khan thlang lama in ho a hliam teuh
3)Kan tuichhe paihna mumal loh avanga ruhasur tuihawksiamin leimin a siam hi a tam a chhilh hlum zinga tel ve
4)Thlipui hi chu ka hlau lutuk lo mahse thliken tel ruahpui-vanawn in leimin leh lungrem chim a siam delh hi
A chung ami ho ka lhauh ho khi chhiar chiang ila inven theih – regulation neih thata enforce bur huai takin thuawih lo na taka hrem hmaks
Report this comment
April 14th, 2009 at 12:00 am
‘Lirnghing- Kan ram hi lirnghing kalkawng a ni an ti thin a, chuvang chuan he lama inzirtirna pawh hi tun aia kan inpek tam a tul hle a ni’
Kan hostel om laia kan warden in lirnghin thuta om dan tur a acting kha ka hrechhuak zok. amah pate kawi ngilngel… anuih loh theih loh.
Inven dan chu awarness angai khop mai. I ti tha e Mahminga.
inven dan ka hriat te: Bawkvak a awmnghal tur
Kawngka a rang aranga pan nghal tur
chi ai loh tur, in chilhlum miah loh bawk tur.
maimitchhin hi invenna chi khat ve ani (source: kan warden hlui)
Report this comment
April 14th, 2009 at 12:25 am
mzvision; zorama engineer thiam tak, kan thenawmpa khan a sawi tawh, (structural engineer anih angin) a structure design hrim hrim pawh uluk takin ti mahse, a sa tu ten, a hautak tiin an duhdan in a sum hekloh dan in an modify leh zel tho, ti in min hrilh. lir hi chu han nghing na se chuan kan chelo viau in ka ring.
lirnghing sawi tak ah chuan, hmanni ah ka thianpa mizoram university a geology ti lai mek in Lalliana mualchin kha a retire a ziramah a awma kan department a rawn tlawh a, mizorama lirnghing kawng chungchangah map siam a tum ni awmin a sawi tlatmai…
Report this comment
April 14th, 2009 at 12:27 am
Dr. Lalliana Mualchin is now at Aizawl as Seismic Consultant to the Government of Mizoram https://tinyurl.com/d5423m
Report this comment
April 14th, 2009 at 12:48 am
Disaster mitigation tih vel lampang va ngaih tan hmel ve a
Report this comment
April 14th, 2009 at 1:03 am
Indo-Australian Plate leh Eurasian plate in rin na lai tak ah, Mizoram a awm avangin a hlawhawm an ti a. Indo-Australian plate in a rawn la nawr chho zel si a.
“Kan ram leilung hi a la naupan avangin lei a nghet lova” He statement hi a dik em aw??? Leilung a naupan leh naupan loh thu ai mah in kan ram a awih vang leh kan lei in bedrock a hlat hrim hrim vang a ni zawk lo maw? Deforestation in lei a ti nghet lo leh zual a.
Chuan mast wasting history en te hi a tha a, Mizoram ah mast wasting history a awm nual… in the form of leimin. Warning sign lian tak a ni.
A hlawhawm ber a ka hriat chu lirnghing timing hi a ni. Ruah a sur hrep hnu, ah lirnghing ta se a hlawhawm leh zual.
Report this comment
April 14th, 2009 at 7:07 am
Friction Dampers for Earthquake Resistance new technology building thar leh hlui retrofit nan India ramah hman ve tan a ni. A construct dan hi steel plate inthuah teuh abik tura siam danglam khan friction sang tak rintlak a load lo len china (predetermined) slip zeuh thei tur a ni.Hei hian earthquake force lo awm thut force lian takah buiding kha a chhan thei a ni. Base Isolation hi chu a to em em a friction damper erawh hi chu a to ziawm avangin kan la hmang ve ngei ang. Aw ka nghakhlel Mizorama kan hman ve hun tur.
Report this comment
April 14th, 2009 at 9:30 am
@funny Design anga sak loh tih vel hi chu regulation hi zawm sitrik over ila a tha ber mai. Building plan leh design ADA sanction tir vek nise zawm tha lo hi chu an building leh land pass kha cancel hmak zel se MANGKHAWNG mi tamtak delh hlum thei a tlem mai ang.
Lirnghing hi a trigger tu ber a ngaih chu geological fault hi a ni a hetiang fault lian thuk thui tak hian Mizoram a paltlang lo hlauh (Earthquake epicentre an study chian atang leh fault lian in a hneih lutuk loh bawk nen Mizoram bik hi Zone IV a dah rawtna poh a awm mek). A hnaih deuh te chu hmar lamah Dawki fault te hmar chhak lamah Naga thrust te Central low land leh high land te Manipur leh Burma lamah; thlang lamah Arakan Yoma te an ni. India ram hian Himalaya tlang su in khawchhak lamah Asia ram dang nger a hmar chhak nekin a che hret hret renga ngaih a ni a. Heng avang hian fault lian kan sawi ho hian siper tamtak an nei. Lirnghing thlen theih dan zirna https://www.seismo.ethz.ch/gshap/ict/india.html hi tui mi tan chhiar chi
Heng fault lian leh te chetdan zir-enfiah-chian nan hian Seismic Observatory Agartala-ah Tripura leh Mizoram endik tur dah a ni. Manipur ah Manipur leh Nagaland vel endik tur. Heng hmunah hian GPS khawl changkang tak plate movement mm hmun za a then detect thei an dah T Silchar hian microzonation lamah hma nasa tak in an la mek faculty an nei tha bawn top.
Heng bakah hian local area Aizawl khawpui ang hlawk te ang atan hian micorzonation map an siam thin. Chung map chu Mizoram tan hian siam a la ni lo. Hengah pawh hian khawi laiah nge leikhi chat a awm, chung chu tesep nge fault lian zawkin a ken tel tih enfiah a ngai. Hemi lama hma lak hi a pawiamwh hle. A liantham ho hi chu India sawrkar hian hma lian tham takin a la reng. Pu Lalliana Mualchin pawh hian Microzonation lam hi buaipui se a that ka ring. A dang chu mimala buaipui chi a ni lo. Mithiam sang tel intel khawm in buaipui a ngai.
Lirnghing hi a dan theih loh a mahse a nghawng chhiat lutuk lakah a inven theih a ni. Hemi mitigation leh chhiatrupna a lo thlen a insawngbawl dan tur management plan hi Disaster management lamin hma an la mek. Mitigation leh Hazard safety lama poimoh deuh chu City/Town Development plan te Regualtion khirh zawk te an ni. Armed Veng lei tlahniam te hi non-residential zone ah siam ila Aizawl mamawh em em Park nuam ngaw hring dup ah te han chantir ila. A sei lutuk dawn he presentation hi lo chhiar ve ru https://www.scj.go.jp/en/sca/pdf/7th_gupta.pdf
Report this comment
April 14th, 2009 at 9:40 am
Ka lirnghing mah mah naa heihi stats tha https://www.sristi.org/dmis/facts
Report this comment