( Kha le….Vaivawm lawm ho chhan na ka dawn dah e, a thui deuh a, mahse ka in sum zo lo a ni ber )
Vaivawm an khel hian India tan duh miah lo kan tam mai. India tan tura han sawm lah hian a fing zawk ang ziazang hian min han nuihsawh ve khang lang emaw ni. Han tawng thui deuh ila, hnam phatsan ang hial in kan puh ta emaw tih tur hian min khing let ta fo mai. Insawi fiah ve deuh hlek kan duh a. An zawhna leh sawi thin hi uar deuh deuh atangin in chhan let lawk teh ang.
Kan Mizo infiammite u, patling kan ang tui deuh hlek a, khawngaih takin in beng lo chhungawng te un. Inkhel ve thiamlo ho hian inhming hawh hian kan inhnial ziah mai si a, hrut tel loh theih in ni ta lo. In hming hawh hian ka chhang let dawn a, ram tan in theihna leh thiamna erawh ka ngaisang tak zet zet a ni tih lo hre hmasa teh un.
Vaivawmah hmun kan nei lo :
“Vaivawmah Mizo ten hmun kan nei lo. India ram te zawng keini ang chawnping, hnarbawng te tan hmun a awm hlawl lo” an ti fo thin. A dik khawp mai. Vaivawmah hian India ramah hian Sachin Tendulkar-a te ang kan nih loh chuan ram tana khelhna hmun hi kan nei ve ngai dawn lo.
Mahse, Mizo teah hian Sachin anga khel thiam pawh hi nei teh reng ila, a ni anga in vawng fel leh nun uluk hi kan hmu kher awm love. Kha… hmun kan nei lo reng a sin. A niha hnu kan chemkalna lam, hmun kan neihna lamah kal ila a ni mai a lawm le. Kan tel theihna chauh kan chawi lar dawn a nih chuan Sap pui infiamna tam tak kan ngaihsan em em ho hi kan paih a va ngai tam awm em. F1 en vel inti changkan nan a hman pawh a chi tawh miah lo a ni a. Kha… in ngam tak tak a mi.
A dang leh “Vai ho hian vaivawm an ngaisang lutuk a, game dang thang tur a dal vek” tih hi chu. Amah Pu A.Thanglura tawngkam takin “A teuh hian a hnai lo ve thangvan kaiah” tih a ni ringawt mai. Cricket hian game dang a ti buai lo. A en duh ten an en mai a. Infiamna dang nen Sport bazaarah an zuar chhuak vek a, vaivawm an lei duh avanga lo thinrim ngawt te chu(h). In duh leh infiamna in ngainat kha bazaarah hian rawn thutpui ve ta chu.
Kan chemkalna lam kan sulhnu pawh hi :
Mizo te hian Vaivawm lama beisei kan neih loh chuan enga ti nge kan theih ve na lamah kan kal mai loh ang le? Kan hmun neih ve theihna tur, vai ho uar loh tak tak a awm a ni lawm ni ? Pa lian leh pa tet awmzia a neih diat diatna Boxing leh a behbawm (contact sport) lamah te hi kan kalna tur awm kan han ti ve deuh a. A ni awm reng pawh a ni a. Chawnping leh ping lo, hnar bawng leh bawng lo ai a rih zawng in awmzia a neihna a ni ber a. Mahse, India tan a medal hi vai kan hmuhsit em em hian an hawn leh fo thin hi enge maw a awmzia le ?
Kan chemkalna lamah hian India ram aiawha Olympic-a tel kan awm tawh em le ? Khawi maw lai a World championship medal thleng pawh a la chu kan nei nual mai thei e. Mahse, sport khawvelah chuan Mizo ten foreign thilah rua rau pawh Kathmandu lam thawmhnaw ai a Bangkok lam kan ngaisang zawk ang hian World championship leh championship dang aiin Olympic an ngaisang zawk fe. India inkhelmi World championship leh World cup (shooting bikah) a medal la tawh, Olympic medal la nei lo kan ngah mai.
Tin, US a game an ngaihsan Basketball tih vel, feet nga leh a chanve vel lek lek in ka atchilh hi chuan ram ropui min thlen pui har hmel em e ka ti. US lama a khel tur hi kan nghah rei deuh a la ngaih hmel. Kan dinhmun leh mizia mil deuh hi kan thlang thiam a va ngai em.
Savun ham puar pet lawm te tan bik a sipisial in aw…. :
Savun ham puar pet ho hi vaivawm ngaina tute min duhsak a, min vei tu ber te an nih a vang hian a sipisial a tarlan an phu tlat.
Savun ham puar pet a Mizo sulhnu : A nih leh, Mizo te hian India ram savun ham puar petah hian hmun kan nei tha ve ngut a maw? Vaivawm ngaina tute min chung tlakna, in sawi vul em em hi kan lipse teh ang. India ram savun ham puar peta hming dai theih tawh lo tur chu Baichung Bhuttia a ni. A ni chuan india ramah hian mi chungchuang bik (legend) nihna a nei tlat. A nih leh, a mah ang a tlang, mi savun ham puar at chilh thak tuteah hian India team legend chu sawi loh tun hnaiah pakhat kan nei thar bak hi kut zung chala thliah belh tur kan va nei tam lo em.
A dik tak chuan kan savun ham puar lawm hum hum dan en hi chuan khel thuau thuau awm tak kan ni a. Kan inkhel thiamten India ram an dap ve a, a tha tlemte zingah lar khat zo lo te, lar hma a chuai zui ta te pawh kan awm nawk lo ang maw ? Hmanni lawk a Under-17 vel a India ram pakhatna/lar, vawiin ni a kan hriat tak loh hi eng zat tak awm ang i maw ? Promising player nei thei em em Mizo savun ham puar pet lawm tute u, in nau te kha kawiah nge an awm tak le ?
Savun ham puar pet kan hlawkpuina te : Mizo te hian a dik a dawk pawh thlu hlei lo hian thil kan in tih hmuh vak thin a. Cable TV in min run a, Korean film a lo thleng a, kan nunphung, kan incheina, kan ei leh in thleng in min thlak sak a. TV-ah Savun ham puar pet a en theih a, mi zawng zawngin tui kan tum emaw tih theih a ni. Sap pui savun ham puar pet te (EPL) hi sap pui ho nunphung leh hun a mila an khelh kha keini darkar nga leh a chanve (5:30) aia tlai a hun hmang hian en kim deuh vek kan han tum a.
Chawlhkar tawp an hahchawlh paha an en kha, chawm hlawm, engmah thiam nei lo ho hian nu leh pa thawh chhuah nen, ei tur intuituah chungin kan lo en ve a. Sap ho Club tha ber ber khel kan en a. Inti changkang tawkin kan thlir ve doh doh a, local tawkin kan sep rawtui leh vel nen… hui ha. Hei vang hian kan zan mut a buai a, kan zing thawh a buai a. Eng tin nge heti te chuan kan intodelh reng ang le? Mut nachang hre lo thawh na chang hre lo kan pung loh nakah le ?
Savun ham puar pet Club kan tan te lah chu khawvel a tha ber hlir kan tan a. Kan player hriatte lah a lar ber chi hlir mai. An thawh chhuah tam zia kan sawi ulh ulh a, mahse, thawhchhuah tam erawh kan tum der lova. Kan sawi vul ve em em hi hlawk pui tawk mi tlem te awm mahse, a nawlpui ang hian kan hlawk pui teh vak lo. A khel thiam thenkhat ten zing an thawh hma phah a, hna thulh in an practice a, khawtlangin sum thawhkhawmin tournament-ah an tir a, jersey, boot leh hah/rawl in tih hliam an hlep a.
Keini ai chuan savun ham puar pet hi Burma sumdawng ho hian an hlawk pui zawk daih. Kekawrteah te Manchester United tih te, Arsenal tin te, duplicate tawkin an rawn chhu kai a. Keini lah chuan a elastic rul vek khawp in kan lo ha hluai hluai vei rawl nen.
Hlawkna um in an sponsor mai mai a lawm : “Vaivawm te chu miin hlawkna um in an sponsor mai mai lawm” in ti maw? Ni e…hlawkna awm lo hian tu fa hian nge thil sponsor thin a. Mizoram kan savun ham puar pet inkhel hi sorkar lam mi thenkhat hian tlawmgaih chhuah min sponsore sak a ang ka ti. (a tak tak ka hre hran lova, a ang ka ti chauh a nia). State dangah hian sorkar lam hian a tlawngaih sponsor ve ngai lo em ni ? Lo sponsor ta se chu, Malaria Control tih te, Aids Control Society tih vel hi intar hi kan hmu ve fo awm tak. Inkhel hi ka en tam lem lo bawk a, ka la hmu vak lova, ka hmuh chhun hi chu company lian leh corporate an ni tlang pui sia…te ka ti vel mai mai a.
Tlangkam a ka lo hriat dan in India rama savun ham puar pet team neitu thenkhat hian an team neih hi chhiah awl (tax exemption) nan an ti e an tih chu (a va Thangkura sawt ve aw…”Ka pu, min awmpui duh an ti, an tia maw ka ti che u a” kha) Mahse, la lungrun vak suh u. Tlangkam mai mai a ni e, tlangkam mai mai. IPL team chuan chhiah an pe a, a pe tha duh loh vangin an rikrap pawh kan hriat kha….Khawvel a tournament upa ber dawttu kan neih thu te, IFA shield upa zia te sawi sawi a hun ta lo. Savun ham puar pet hmel hi nawt thle ula, lei chakawm in siam ula (Sponsor tu tha zawng ula), Sports bazaarah hian savun ham puar hi rawn zuar chhuak ve teh u.
Kan thikthu a chhe mah mah lo maw:
Mi thenkhat chuan vai hlim mai mai te hi kan haw hlur a. Vai ho vaivawm chak lawma hlim hmel hua a, an au bengchheng titu te hian Mizorama savun ham puar pet a kan chak kan au tluk zet in anmahni state ah na na na chuan an au ve a ni mai tih re ve se ka va ti em. Kan rama vai ho hian kan chak lawm hi an phun pui an phun pui kher awm lo a sin. An duh leh lawm avang hian lam ang hmiang, keini pawh chak kan lawm zan zet chuan Local zu ah sap tawng kan in tel nawk nawk a, a tuitling nu deuh phet phut nen kan zahawmna kan hralh fo thin a nih kha. India chaklo hun a vai nur hmel hmuh chaka lo changtu te hi, India an chak hian an thil hmuh tum an hmuh tak lo avang hian vai ho nur an hmuh chak tluk zet hian an nur ve ang em le?
Ka ning ka ning :
“Vai hian cricket atanga hlawkna an hmuh hi a chhe te pawh kan ei ve lo, mi hausa hlir in a lawm hlawk pui” in ti pang pang a. Dam deuh a India vaivawm thuneitu (BCCI) hian chhiah a pe ve a, chhiah pe thei khawpa pawl hlawk a ni a. Vai ho chhiah pek hi a kal a kal a Mizoram budget-ah an rawn dah leh thina nia, BCCI hian hran a hrai in Mizoram budget pe e ka ti hauh lo, pawh ti thlap mah ila, in che nawi leh dawn chiang. In tan hmuna phet ang a, BCCI tax Mizoram a direct a pe a sawi ang in min chhuah leh dawn chiang sa. In dinhmun a nawi a piangin min puh chhe leh dawn si a. Ka sawi peih vel lo ve.
Vaivawm leh ram hmangaih a inzawm em ?:
Vaivam leh ram hmangaihna hi a in zawm pawh ka hre lo. A inzawm leh zawm lohna chhiar zau tur teh vak pawh ka hre hran pa bawk hek lo. Vaivawm ngaina tute hian ram kan hmangaih zawk e pawh kan tilo. India ram sawi apianga an sawi ve ziah, Crown colony politics kan sawi peih lova, kum 1966 a buai lai pawh kan hre ve phak hek lo. Kan duh emaw duh lo emaw India hi kan ram a ni ve miau a. A chhiat leh kan van a duai deuh a, a nawm leh kan vannei a. India teamte an nawi deuh leh kan rilru a hah mai a, an that deuh leh vai karah kan lawm ve a ni mai a.
India mi kan ni ve tek tek si a, India hi kan tan ve tlat a. Vaivawm entute hian vaivawm ngaina lo hi hnam phatsan tuah kan ngai hran lo bawk. Mahse, India chu ka ram a nia, ka team a nilo tih hi vel hi chu “ka pu chu ka pi a ni daih mai a” tih aiin a nawi lohna a awm chuang em ni le? Mahni ram aia ram dang tan zawk te tluk a hnam bo, Pu L Keivom “bo dawbawl a bo” a tih ai khan an bo ti ila, ka lim te reu reu in hal duh ang e. A nih loh vek chuan hnam phatsantu tih an duh loh em a, chian lohna chu awm a ni ti ila an haw tho ang em le? Chuvangin, Vaivawm pawh nise, Kabaddi pawh nise, Intengtere mu pen pawh ni se, mahni ram tan lova ram dang tan tur khawp hi chuan i tawng vai fo tawh lo teh ang u kan ti a ni zawk e.
Similar Posts:
- In Kan Nei ( Vaivawm lawmtu ten)
- Vaivawm : Ka thinrimna leh tawh.
- Vaivawm President’s Cup ka en ve a….
- Zin kawng thui: Kum 40 chhung zalenna sualna zin kawng chu
- Hei mah mah kan vei lam lenghal..
April 2nd, 2011 at 9:10 am
In va comment har ve Vaivawm post chu. India champion turin duhsakna ka hlan e.
April 2nd, 2011 at 9:29 am
Criket world cup ka ngaihsan lohna chhan chu sport thei tak tak ram an tamlo e mai. Europe, America ram te khuan han uar ve tak tak se chu India, Srilanka tihvel te chu khu tah khu tah. Sawi pawh ka sawipeih lo. Mahse, kan champion chuan, khawvel champion kan ni dawn. Ve tlat mai a. (N)
April 2nd, 2011 at 9:30 am
Post tupa ngaisang ber pawn vaivawm ati tlat mai. A sei hle mai,kan chhiar ve chhin teh ang.
April 2nd, 2011 at 9:31 am
Hetiang em em a vaivawm hmangaih an lo awm ve tawh ani maw ?? 😛 😛
April 2nd, 2011 at 9:31 am
Haha…va tang (ulh) ve.. 😀
– Mahni ram tran lam i soi hi chu ka pawm reng..mahse, soi fo angin kawng engkimah, cricket chauh anilo, anti-indian feeling hi mizo tam tak rilru ah a la thi lo a, kan thiamloh poh a ni biklo. Chuvangin cricket hi vai ho in an atchilh zawh poh leh lo chhang kham kn tam ni maiin a lang. Engkim political effect a ni chiag alom.
– EPL te anga atchilh ve tura intih ngot theih a nilo bok. Sports hi a lo thlir tawp tu (3rd person), egmah involvement leh profit neilo te tan cuan ‘mere entertainment’ mai a nia, entertnment ah duh tur inthlan sak emo in nawr na chi a nilo. Tamil film (kollywood) hi mizorama lar turin a tih ngot theihlo a, en tam tur leh ngaisang tura innawr ngot chi anilo bok a, amahin lar tur chi cu alo lar ve top mai..eg..emo trend, korean..etc
-cricket khelh tam leh tournament te siam tam nise, association mumal leh chak tak te awm se, ( om toh em k se naw)…kan ngaina chho ve tial2 ang…hihi
April 2nd, 2011 at 9:39 am
Va ang thiam ve! Vawiin chu tv hmaah thu leh char char ila ani mai alawm. India chu ka tan thin thova mahse vairam kum sawm vel ka awm tawh chung hian vawi khatmah sari leh sawar suit ka la ha lo…hrethiam mai em..
April 2nd, 2011 at 9:55 am
He post hi ka duh lutuka ka hnuk a ulh! Vawiin chu kan vai in India tan ang aw, ram dang kan neih chuan loh hi. Thianpa tihdan takah India tan lo chu BALMA! 🙂 NOI
April 2nd, 2011 at 9:57 am
India in final an luh tuk khan times of India chu cricket hlang ani ringawt 😀 😀
April 2nd, 2011 at 9:57 am
@5 “political effect ” ni love, a holam em bawk alawm mawle. Ka naupan lai pawh khan kan sikulah an uar hle, tui thei nganglo ka ni.
Chunglai chuan Mizoramah chuan hockey alar thin hle a, ka haw chang pawhin Lungleng lamah ka cousin Ruata ten ka hockeys stick tur mau bul min tuk sak ngat thin. Ball ah pawh Lungleng lal kawmchar lama thelret hnai kan sawk a, chumi chu buara nen kan hrual belhbawma hockey ball atan kan hmang mai thin.
Tlangval rilru ka hriat hma, Cricket uarna hmuna ka awm lai atanga ka tui theih loh hi tui thar chu ahar khawp mai. Kan sikulah lah kum hnih emaw hnuah Mizo 1 alo lut ve chauh zawk ania, Mizo dangin an duhloh vanga duhlo ka ni miahlo bawk.
Vaivawm tihawm reng pawh alo nih hi mawle. A phuah chhuak tu hi a phuah inhmeh ka ti thlawt a ni.
India world champion nih lehna dang:
KABADI World cup 2007: Jan 26th, World champions India retained their crown beating Iran 29-19 in a bitterly contested encounter in the second edition of the World Cup Championships that concluded at the Karnala Sports Academy
hairehai 😉 Post tu NOI aw… ngaihtuahna hi inang sela chuan kan invuakhlum zawh vek loh vek leh kan in ngeih lutuk anga awm ngaihna kan hre hauhlo tur ania. A tawk chauha awm thei tura kan thluak design tu hi ropui deuh ania. Lehlam lehlam a a lutuk lo turin a lo design thlap mai 🙂
April 2nd, 2011 at 9:59 am
A va hahthlak e awwww !! thrahnem rawn ngai ve bawk si a.
Comment tam peih lo mai teh ang. Mahse thil pahnih khat chauh India football players hoah hian NE leh tlang mi ho in a kan contribute zat hi a percentage in lo chhut ve mai mai teh.
India ram Brahminism thih theih lohna ah hian kan ropui thei vak lovang. Player selection chungchang hrim hrim ah pawh hian India team hi lo bih chiang ve mai mai teh.
April 2nd, 2011 at 10:19 am
Diktak sawi chuan..
April 2nd, 2011 at 10:26 am
ka engahmah a thawk lo…
April 2nd, 2011 at 10:27 am
Pu Chhing, JNU lama i thiante i hmin zawh loh hnuah misual lamah tan ila a ni mo… 😉
Tun tum chu Aizawl lamah pawh India tanin kan phar nasa ve tho e, patling nileng hna a ni mai pawh a.
April 2nd, 2011 at 10:28 am
2011 leh 1983 hi a calendar a inang chiah a, chuan, ’83 kum khan India an champ.! Saturday a ni ve tho bok..
Mahse,
Final host (thleng) tu team chak an la om lo.
April 2nd, 2011 at 10:46 am
Time pass nan Para te te in kan chhang thla mai mai teh ang.. Time pass nan hetiang thui lutuk ka chhiar chhuak ta sa sa
1st – India tan duhlo annih pawh ka hre lo, an en peihlo ve hrim hrim, India tana tanlo thei dinhmunah pawh an ding theiin ka hre lo. Mi en peihlo chung sawm sawm hi mi fing zia a ni ber lo, Nang pawh football en tura sawm chuan i phun tlawrh dep dup zia hi. Miin i chunga an tiha i duh tur ang bawkin mi chungah pawh ti ve rawh!!
3rd & 4th – Cricket a hmun chang tur hian thiamna a pawimawh tluk zetin politics a pawimawh. BCCI a tlatlum hmelhriat angai. Mizote tan chuan hla tak ala ni.
5th – Game dang thang tur a dal vek antihna chhan te chu maw, bazara sports gear zawrh lamah ani lo. Budget lamah leh infrastructure lamah ani zawk. Cricket a world champion nih a olympic, CWG, etc a gold medal 10 pawh la tling theilo kannih chhung chuan games dang ah hma anlak loh zia hi sawi loha lum ani. Hnial che ngai ka ti love.
6th – Vai ho hian an hawn fo thin em em pawh ka hre hran lo, hawn ve chang chu an nei mahse a khat khawp mai.
7th – Cricket dawta india thiam ve em em na Hockey ah tun olympic khan mizo nula in india tan a khel ve ran ania. I hrelo leh pek em? 🙂
8th – Basketball khelh nawm zia hi ila hre lo maithei. Mizo cricketter tuna cricket khel thinte zingah hian India team a tel phak inring (rilru tak tak in) engzat nge awm? An game tui zawng ania, an khel ve ani mai lo mo? Basketball ah chuan India senior team ah mizo pawhin a khel tawh asin.
10th – Football ah india legend anih na chhan chu football a India ram chuan chhuah dan kan hriat hmaa a lo hriat bik vang mai mai anih kha. Tunah chuan mizo ten kan hre fuh laklawh tawh a, India under 23 team ah hian first 11 thah mizo 4 kannei ania o. Kum tlemte lola nghak lehla India football i tan anga, mizo tan ngei ila au ang
11th – pathiv patel kha politics avanga india team a lut a tih loh theihloh, ani pawh kha (vai ho zingah pawh) lar tak tak hmaa tlachhia tho anih hmel hle.
12th – Cricket en tur pawhin nileng leng a tihtur thulh/ti tha hleitheilo a tv hmaa thut angai ve tho a. Tho tlai nen an tihtur thulh hun a inanglo ani mailawm
13th – Local taka sep rawtui thing i tih si chuan national takte, international tak te a sep rawtui dan kan la ngaihtuah dawn nia.
14th – Cricketter te hlawh tam zia i sawi ngai miahlo anih chuan mi dangdai tak, mi pakhat chu i ni ve reng ang. Khawtlangin an tirhchhuah te hi an fit tlangpui an rawl vak ngailo.
15th – MBA Marketting zirlai i ni lo mo? te ka ti vel mai mai a
16th – Mizoram a sport hmasawnna atana sawrkar deptt ten inphal taka an chetchhuahna te i deu ah ka ngai lek lek mai. Vai ram angin company lian kan neilo tih i hre ve lo zawk nge? Cricket khi sawrkar sponsor ani lo bik ami? Tuten nge sponsor kava hre chak chutia cricket lover berin sawrkar sponsor i ngaihnep viau chuan thildang innei bik anni chek anga.
17th – Tax a awlnan a tihtheih chuan ava tha ve, tax awl theihdan chu zir chiang la rawn sawi leh la, mizoramah pawh football club din a awlsam sawt thei asin
kava chhang thui ta em!! (C) tea break, ka rin aiin ka peih mai mai zek mai a
18th – ka nuih aza, india chakloh huna vai lungngai hmel lo chan tak khi, vai ho zinga thut ve kur angai. 🙂
19th – Chhiah te chu kan pe vek ang chu, kan chhiah pek sum pawh sachin a hian a lo kawl ve ran maithei asin. Mizoram chhiah pek i ngai hlu sawt em? 😀
20th – a rilru putu duhdan mai ani e
21st – Game ania duh duh antan ve bawk ang chu mawle, An tan leh tanloh a i buai zel te chuan i indaih lo ang
Va thui kher ve le eeee (D) 😀 (G)
April 2nd, 2011 at 10:57 am
Khawvel ram ropui pahnih India leh Sri Lanka inkhel turah hian Sri Lanka ka tan e. Last Over chu miss ka tum miahlo, hmuhnawm ve tlat.
April 2nd, 2011 at 11:01 am
Thui mai mai, post sei ber of the month ah ka puang e 😛
Tun tum WC chu hmuhnawm ti deuh in ka en ta fo mai, a bikin kan ram (Bharat) in an khelhin. Vawin pawh en leh te’ng (Y)
April 2nd, 2011 at 11:09 am
#15, E khai i chhiar chhuak tha dap dap hle mai. Mahse e Sangte( kan ti ve ngawt che a) A thu awmzia hi i man thlat lo. Misual.com cricket debate ah i la tel ve lo nge mi comment i chhiar chiang ngai lo aw ka ti……para 15 na khi e.Sport gear zawrh lam a ni lo. India ramaah hian kan sport ngaihnat hi theh lar i tum ang u tihna a. inrinni bazaar lamah va thut pui lam a nilo. Tin, i sawi tur hi i chiang lo deuh tlat. India boxer, vaiah pawh Haryani kan tih phunglung em em kan ngaih ten Olympic te CWG ah medal an hawn a……CWG-a india gold medal lak zat khi e 38 lai a ni bawk….Olympic nen sawi pawlh suh Olympic ah khan pakhat chauh bawk, rawn round off tawh suh….para 18 lai khi maw….Ka thiante tam zawk beisei a nih khi. I lo chhiar chhuak tha a, Ka lawm khawp mai. Mahse ei comment hma in chiang tak a thil hriat chauh hi sawi a tha. A nih loh chuan FOnz a ten i lim an hal anga, a vap pawhan khawm tir lo mai ang che
April 2nd, 2011 at 11:10 am
Ka tan ber England an tla ta tlat alawm le aw!!
Football tluka hmuhnawm game dang a lo awm lo a ni ka tan chuan.
April 2nd, 2011 at 11:24 am
Ngenna ka va siam duh ve aw…Kan admin lam hian a theme hi khi aia hot leh mawi zawk khi a dah theih em le……India leh Pakistan inkhel ni ang te kha a mawi zawk daih a sin le…..a thiam te u han che teh u. Vawiin ni chu final a ni si a.
April 2nd, 2011 at 11:27 am
Pu Chhing..a tawk mai lo ami? I vaivawm leh green grass chiang takin a lang tho alom.
April 2nd, 2011 at 11:31 am
Aug, Tawk lo, Savun ham puar pet ah pawh a in khel tur te a a chart nen lam an tar a. Goal lem leh mipui te pawha a awm vek…..a dik tak kan ram telna pawh ni hlei lo. a tel ram kan hnai ber pawh South Korea tih vel ah pawh an chei vul a, Kan ram in final kan luhna ah chuan pui takin le pui takin le……
April 2nd, 2011 at 11:32 am
Para 15 na
Game vawrh lar lampang i rawn sawi reng reng hi, marketing lampang a i rawn thlir zel vang mai mai ani e
CWG India in a thlen ve chhun ah a la tam ve mai mai a, abak ah te chuan la tam ngai lo. Kum khat te stat sawi loin kum tamtak stat sawi dawn chuan round up mai loh te chuan. Cricket chungchanga inhnialna mai mai ah research ka bei peih vel lo e
Bakah cricket chungchanga in hnialna hi chu ka chhiar ve fo, hriat zui tlakah ka dah lem lo. nui nui
April 2nd, 2011 at 11:35 am
13 Buizoa 😉
A ho ka ti. Comment hmasa lama an lo sawi tawh ang khian keini level (3rd person) ah chuan entertainment mai ania. Alo tui fal an awm anih pawhin a thra. Mahse, entirnan Heavy Metal lampanga tui deuh BoyBand in tui tir tum ang velah ka tehkhin tlat. Midang tuina va sawisel sak kher kha a tul ka ti hranlo. Mahni tuina leh Politics leh a dangte kan thlun zawm thiam pawh a thra e, mahse midang va beih kher hi a tul ka ti hran lo.
April 2nd, 2011 at 11:36 am
sachin a bat thar hmang tur pawh kha, a lek kual vut vut a, a kid te ho a that leh that lo en turin a hrilh a, football ava khelh san daih, a hnu darkar chanve ah a bat thar that leh thatloh ava zawt leh awt awt. ho ve asin
April 2nd, 2011 at 11:37 am
#23,A thu khi marketing lam a ni ngawt lo. Kan hlawkpui loh zia ka sawina a nih khi…..Savun ham puar pet ho hian an ti ti hian vaivawm kan hlawk pui loh zia an sawi ve teh chawk a, kan hlawkpui ni awm tak savun ham puar kan hlawk pui si loh zia tarlanna a ni e. Cricket mai nilovin in hnial hrim hrim hian a dik hriat a tha a lawm. CWG te phei chu hman ni lawka nia,India in kan thleng medal 38 kan la thei a kan lawm nak a lai a, 10 pawh tling lo tih te chu a…..
April 2nd, 2011 at 11:39 am
RosangaD #25 khi khi Aljazeera ah an rawn tilang. Ka news en tuilai channel ka thlak phah 😉
April 2nd, 2011 at 11:44 am
BUite, in tui tir ka tum lo, ka tum reng rmg lo. Vaivawm hmusit taka diriam tu te lakah ka in sawi fiah a, ka ang tui e a nih khi…..i duh leh intengteru mu pen pawh ngaisang daih rawh…a pawi lo. Vaivawm te chu Gentleman game a nia, mi nazawng tui ve tur pawha ni lo……
April 2nd, 2011 at 11:46 am
Ziak tha khawp Mai. Mahse, I tawngkam (punctuation) chhiar har a awm zeuh zeuh. Engpawhnise, mahni club (india mi kan NIH miau avangin) aia club dang tan daih Te chu a! Mahse, ka en chuang lovang.
April 2nd, 2011 at 11:49 am
Football leh Cricket ka en peih ve ve. Football ka atchilh zawk a, Cricket pawh India an khelh chuan ka tang ve thei lutuk. Game pakhat ngainat vanga game dang va sawisel teh duah hi thil tul lo tak, mahni intihhrehawm na mai a ni e.
Tin, Mizote hian Cricket aiin Football kan hlawkpui zawk. Football ah chuan India senior team ah pawh khel kan nei nual tawh. Jeje-a phei hi chu Indian football star thar tur ah ka ngai. I League team ah Mizo khel an awm nual a, Robert-a phei chu Churchill Brothers ah captain a ni mek. Lajong FC pawh Mizo team tih theih deuhthawin Mizo an khel tha thin. U-23 ah pawh an sawi tawh angin hmabak a eng khawp mai.
Kan harhchhuak tlai deuh a, kan la ropui lo mai mai a ni. Hun han kal deuh se, Rindika,Sawmfela te ho pawh hi India senior team-a an khelh loh a tik ah..
Cricket ah chuan Mizo tan chance a awm miah lo tluk a ni. Mahse vawiinah kan champ dawn he2..
April 2nd, 2011 at 11:49 am
#26, ka hlawkpuiloh hi in hlawkpui biklo tih vang mai a sawisel khian ram ropui min thlen lo eee. Thil tha phawkchhuah tumlo post ah chuan hre chiang lemlo mah ila pawi ka ti talo mai nih kha, Inhnialna hmasawnna awm thei deuhah te chuan kanla chhuichiang ang chu.
India in CWG vawi 15 a tel tawh naah vawi 4 chiah gold 10 aia tam ala la e. ka lawm e.
http://www.thecgf.com/countries/tally.asp
April 2nd, 2011 at 11:53 am
#29 Chhante (Vawiin ni chu final ni a nia, ka tangkam a tha tlat) Nia ka edit mumal hman lo. Vawiini final ni a dah hman ka duh si a, mi tih ang te te a in line( a chhuah turin) a ngai ve bawk si a, a tawngkam pawh a phuai tih ka hria…….
April 2nd, 2011 at 11:53 am
#29 Ka en chuang lovang tih lai tak khi (Y)
April 2nd, 2011 at 11:55 am
RS, phawts aw… (Y) 🙂
April 2nd, 2011 at 11:58 am
#30, Nia…kan champ beisei ang aw…midang hi ka hmusit satliah a ni lo. Cricket kan sawi ahmel ner tam zia hi i la hre velo a nih kha.Ram dang mi hmuh te hian min hmu lo chauh a lawm.Ka chhan ve a ni ber e.#31, Sangte, thil tha phawkchhuah tum e le…Vaivawm hmusit tu ten an hmuh sit em em hi hmuhsit tur a nilo e….Vai ho hlim pawh hi huat ngawt loh tur tihna lama nia….a tha teh asin. Tumah Vailawm lawm a lam lam turin kan ti lo, mahs mahni ram khel te hi chuan tan ve ila, hmusit bik suh u tihna lama ni ber… chu mi tan chuan kan ang thui deuh a nih khi
April 2nd, 2011 at 12:00 pm
En rawh u kan ti lo mahse in en loh pawhin Vai ho hlim te hi sawisel lo ula, India ram hmusit suh u……Gentleman chin in kan en anga, kan hlim pui bawk ang.Vawiin chu Misual ,com lamah comment leh chur chur ila a ni mai a lawm. Hmani pawhin 500 kan kai kha maw
April 2nd, 2011 at 12:00 pm
nuih in ti za ngei mai a.. 😛 cricket chu boyband ania, football chu heavy metal tihna ang deuh ni maw comment #24. :-$ Football chu ka ngaina fe zok tih kan sawi tel ve hram teng’ Soi zel ru a ngaihnawm a nia.
April 2nd, 2011 at 12:04 pm
USA te Europe ram hrang2 te hian engatinge cricket ah hian hnuhma an va nei lo ve? Mizo te angin an ngaisanglo ve tho a ni lo maw?
April 2nd, 2011 at 12:06 pm
@Buizova 13 dik lutuk i sawi kha.
April 2nd, 2011 at 12:09 pm
@39 Buite a comment i duh lai tak chu patling nileng hna a a tih khi maw…..patling nileng hna mai nilovin zai khawtai rek kan thlen pui leh ang chu le……..Nuam leh dawn mang e. Keini ang hrisel vak lo chuan a nuam lutuk hi kan kua a puar leh mai ang
April 2nd, 2011 at 12:10 pm
Ka article chhiar zawh chiah chuan – Cricket hi chu India ramah tihluihna (ang deuhin) in english ho in an rawn tuh lui a. Min chhuahsan hnu ah pawh kan khelh chhun zawm zel a, an mahni ramah chuan football min khelhsan leh daih a. An khelhthat duhloh hi kan lo tuipui ve em em a. a ti anih chu
April 2nd, 2011 at 12:12 pm
#41 An ti reng ang chu ngam hek lo i. Cricket chauh lo pawh min tih luih tir treuh a lawm…..
April 2nd, 2011 at 12:12 pm
#41 yess (Y) a dik hmel fuuuu mai 😉
April 2nd, 2011 at 12:14 pm
Cricket tuipui tak2 tur hi chuan a game arei thei lutuk a,ninawm lamah a kal 😀 batting lama substitute ho hi an awl rei thei khop mai (N) 😀
April 2nd, 2011 at 12:16 pm
England te chu engah mah an tha tak tak hleinem..Cricket an hmuchhuak a, an empire ah an tilar a, tunah chuan an ram awp thin ten an sawp nek zel tawh mai mawle. Football ah lah tha ve lek lek an nia, team tha an tum chuan an nawi leh niai zel.
April 2nd, 2011 at 12:16 pm
#15 (Y) (Y) (Y) (Y) (Y) 😀
April 2nd, 2011 at 12:17 pm
As a game chuan khelh pawh a nuam en pawh a nuam , mahse vaiho hmel champ lutuk hmuh ai chuan an suffer hmel hmuh hi anuam ka tia , sri lanka ka tan ngai miah loh hmaaaannnn atang vawin chu tan ve mai teh ang.. 😉 😀
April 2nd, 2011 at 12:17 pm
India chu kan tihdan pangia bawkin kan Champion leh dawn tihna a ni mai lawm ni? Cricket na na na chu India game alawm.
April 2nd, 2011 at 12:18 pm
#38.US leh Europe te chuan traditional hran an nei a. A nih leh tinge Baseball leh American football hi india ram ah kan ngaihsan ve loh le…..Khawvel hi US a nilo. Europe pawh a nilo ti vak ila i thin a tim viau ang em???hahahha. Cricket hi e Europe atang khelh tan a nia.mahse an uar zui lem lo ni awm tak a ni, Polo hi e Persia(Iran) ramah an khel hmasa ber an ti a, mahse Iran chu an khel thiam ram pakua zingah an lang tawh lo. Brazil world no 1 a ni daih a nih, chu ram dang sport zawt lo in kan ram a lar hi ngaihnat mai hi a hahdam thlaw a ni lawm ni….te ka ti mai mai
April 2nd, 2011 at 12:20 pm
#42, Mahse england te chu game dangah an sang hlawm e. India chu cricket bak thatna pawh kan nei lo.
http://www.thecgf.com/countries/tally.asp
CWG leh Olympic leh game danga trophy leh medal zawng zawng te sacrifice chuan khel ve se chu India hian kan ngam leh chuang teuh lo mai. 🙂
April 2nd, 2011 at 12:21 pm
Zualbonez an Sri Lanka a tran chuan alawmawm e. Pak pawh atran in ka hria…..chak na chance kan nei tlats
April 2nd, 2011 at 12:22 pm
#48
April 2nd, 2011 at 12:23 pm
En hrim2………..Vai vawm pawh nise inrinni a en theih hi tha chawhnu lam chu en chiah i la………..EPL (an tih lar duh vanga broadcast na tur an tih tlawm vak) ai chuan hmuhnawm zawk ang, champions league pakhat kha ni ve leh mai a Lolzzzzzzzzzzz
…….. 
April 2nd, 2011 at 12:26 pm
A thu hrimin English ho leh a kaihhnawih ho hi ka millo tulh tulh in ka hria, Cricket chu thuhran. An film te hi English accent hmanna, English accent hmangho channa hi hmuhnawm a awm ve pheuh pheuh. An tawng te lah khu khasi ho accent ang mai, sehchilh nuai mai. hehe. ho nep deuh ka rawn OT anih hi.
April 2nd, 2011 at 12:27 pm
#53, Nia en hrim hrim. EPL chu a zing a lawm. Vawiin chu ZOOZOO ho pawh kan hmu zing leh dan mang e.
April 2nd, 2011 at 12:27 pm
@ chhinga: cricket i ngaihsan vang khan i hahdam em?.. Post te i submit phah a (i tan ulh vangin)
vil reng angai bok awm sia. 
chuan #50 :thumbs up: 
April 2nd, 2011 at 12:31 pm
E Sangte, in sum rawh….i duh bawr bawrh lutuk…EPL ngaina te an tam a nia. I lim an hal ang e. Savun ham puar pet ngaina ho pawi te riau riau i sai ang e….Vawiin chu tih tur i neih vak loh chuan VAivawm chu lo thlir ve mai mai ta che…..hmuhnawm ve deuh a nia..An fakna te a hmuhnawm theih lutk.sec 10 a nuai sawm dawn chawi a, an rawn tih te a ni ve sia……
April 2nd, 2011 at 12:35 pm
Dengbuai, hah dam e, En tur a tam em a lawm. IPL a la awm zui.Post vil chu hahthla deuh e. FONZ an i post vil rawh a ti thin a, kan vil ve a, rin aiina hahthlak mahse a pawi lo. in lo chhiar ve duh te chuan kan hahdeuh mai ta lawng…..in chhiar loh chuan a ho zawk a,
April 2nd, 2011 at 12:35 pm
EPL chu a hmuhnawm, England national team khel chu a hmuhnawm lo hehe.
April 2nd, 2011 at 12:41 pm
Zan in chu EPL match awm lai tak Vaivawm an khel tur chu aw….Vairam a EPL ngaisang tu te ( a bikin Hostel a awm ho)an va khawngaihthlak dawn ve aw……
April 2nd, 2011 at 12:51 pm
Hahai.. Ka pu chuan “Cricket chu ‘Perpawng’ aug-sep thla ah a awm thin” a ti. Ngaisang lo ang reng a sin, keipawh ka tui lo rapthlak. Mahse, kan hna kan ban hma pha bawk sia vawiin chawhnu lam chu vaivawm final boruakah leng vel mai2 teng..
April 2nd, 2011 at 1:00 pm
Chhingdailova hi tungemoni le, Cricket a ngaihsan danah hian Vai chhia ho hi a ngaisang hle a nih k ring……
April 2nd, 2011 at 1:01 pm
#61, perhpawng aiin vawmpawng, hlappawng kan ni dawn a lawm le…..Tui vak angai lo. En ve la i hriat thiam loh chuan e….ban pa thum ve ve phun in kar a tlan tam zawk zawk an chak. A changchuan ball kha a thlawk a rin ( boundary) a pel khan vawi ruk tlan tluk.A lira a pelhin vawi li tlang tluk..awl lutk awl lutuk….number i hre thei vak lo a nih pawhin 300 bak an pel mang lo. An fakna amawi thei tawp. ball ruk vuak zawh a piangin fakna awm a, fakna chang ringawt pawhin thut chilh tlak mawle…….
April 2nd, 2011 at 1:09 pm
Iva han ziak tha em. Miin anlo counterna thin che i chhang a ni deuh ber mai a. Sawifiah tha khawp mai. Mizo hnam phunchiar tak nih hi hahhthlak mah mah thin khawi hmunah pawh hian sawisel duhna hi a leng zel si a…
Thupui tawp ber a i ziak khi ka helh deuh a nipui chawlh hunah ka remchan chuan post kalo tum ang..
Good Post
India India
April 2nd, 2011 at 1:13 pm
Krist-a, min ti nasa em a, ka tuar dai thei lo a ni ber a. Tin, WC a zawh chuan awmzia a nei dawn lovin ka hria a, ka ang chhuak a ni ber hi. I helh chu bo dawbawl khi a mi? hahhahaha
Vawiin chu India tan chak ang aw
April 2nd, 2011 at 1:21 pm
Chhinga a ni viau ang. Keipawh hian ka tuar nasa thin alawm. Mahse cricket dangdai zia muang changa ka han sawi hi chuan an in hlan thei deuh tlang pui….. Min hnial reng peih vak lo. I ziak tha khawp mai. Keipawn sawi tur ka ngah. A remchan chuan kalo vil pui dawn che nia.
‘Vaivawm leh ram hmangaih a inzawm em ?’ tih i chhanna hi mawle….hehehe.
Chak ang chu le. An spinner chhuanvawr hi kan hlau ve ngai lo. A last match ah run a pe nghek dawn a ni mai…
Dhak Dhak Go
India Go
April 2nd, 2011 at 1:28 pm
India is my country, But Mizoram in my motherland te ti ila a fiah thei ange maw? India ram chhim leh hmar, chhak leh thlang ka kal tawh naah hian A ram mi tak tak anga min pawm tute chenna chu mizoram chauh hi alo ni. India ramah chuan Indian ka ni ti eng ang mah ila khawi hmunah pawh Nepali indian ami i nih? Engtin nge indian i ni i tih ve theih? Mizoram chu Nepal state pakhat nge thingtlang khaw pakhat. bleh bleh bleh…. In tih Indian theih tak tak loh ani e. He India ram zauah hian. Chuvangin Indian ka ni lo a, Mizo ka nia ti ila, zawhna dang annei lo, an pawm ve mai a, kan dam tlang ani ber mai.
Chuvangin a ram leh hnam anga India ka tan na tur hi ka hre lo ani ber mai e. ka ram leh hnam tak tak chu Mizo alo ni si. India team te chu kan club hriat hnaih ber leh hriatchian ber ang lekah ka ngai a. Club tan te chu a thlak theih a, duh leh a huat em em theih bawk alawm…
April 2nd, 2011 at 1:29 pm
E….. Vaivawm tui pui in awm hian a thlamuan thlak thin. Hei kum 1999 atang khan ka tui ve ngar ngar a, thian tha tur hi an vang khawp mai. Mahse hnunglam ka la hawi chhin eih lo.Emau kawng dai reh ah pawh hian thiantur hi an lo an zel a nih hi
April 2nd, 2011 at 1:40 pm
Vai nin tawh naklaiah vai leh vai inkhel lo ente chu nep em mai! He post poh hi ka chhiar peihlo. Australia velah lo vel zel rawhse, vai bengchheng ho hi. A remna apiang vai hi chu i hmusit zel ang u.
April 2nd, 2011 at 1:40 pm
Sangte, India ram kan nilo kan nilo vawi sawm tam pawh ti la e.thlan tur hi a chhe ve em a sin BALMA ram nge i duh a.BANGLADESH.chu chu a ni mai. Mizo te hi e khawvela ram rethei ber te zinga miin min chep bet a, India ram a kan awm aih mai hi kan thenawm te hian min awh dan tur hi ngaituah teh. Bangla mi india ram a lo pem lut tam zia te, Burma mi lo chhuak tam zia te hi. Lawm la nui vur vur teh.
India mi hmuh in min hmu lo i ti hi a dik vawiini thleng hian min la hmu lo. Keini pawh hian vai hi vawiin ni thleng hian kan ramah kan ti duhdah a sin…..min pawm emaw pawm lo emaw kan chhuak thei chuang lo.India tha ve hle hle la. Vawiini te chu india tran hian han au ve vak teh, nang mah pawhin mak i ti ang. a nih loh chuan kuhva hirng pawh lei dawn la india mi ka nilo tih eng ang mahla dollar ai chuan india rupee zawr te kha a ni i phawrh leh dawn ni.Mizo kan ni kan hmel a that kha
April 2nd, 2011 at 1:42 pm
Autralia ho pawh min vel min vel awr awr a, kan khua ah chuan an hawi khup khawp kha maw….Vaihmusit suh. Hnam dang hmusit mai lovin thianah i siam zawk ang tih a nih kha…….
April 2nd, 2011 at 1:44 pm
a thren in tui a,a thren in tuilo a..a thren in tui fal bok..NI BERIN A LANG!!
April 2nd, 2011 at 1:59 pm
India in pakistan an hneh chak i room a an lawm zan in an hnial rawn che mi, post te hial i rawn siam…..
. I siam duh mai mai ka ti tu rilru mah a hneh theih loh misual.com leh lawrkhawm tih velah, tuman rilru an sawhsawn duh ngai lo, Kristian kan lo ni lo hlawm ang tihte hi a hlauhawm ngawt asin, tupawn rawn sawi se kan hnial in kan rinna kan awih bur tlat zel dawn sia 
April 2nd, 2011 at 2:01 pm
15
Post ai khian i comments hi chhiar a nuam zawk.
April 2nd, 2011 at 2:02 pm
India khua leh tui kan nihna hi abo dawn lo engtin pawn nilo min ti mahse… Engkim hi ti awm tawk te te hi an awm a India ram ah hian mi chi tinreng kan awm a chuvang chuan tuar tur chu kan nei a ni…… Professor leh mifing chinin kan Indian lovang tih hi an hlau em!!!
April 2nd, 2011 at 2:02 pm
Mizo kan ni Indian ka ni lo, India rama mi kanni Indian kanni lo. India in dh takin min enkawl a, a rama khawizu leh hnute tui te ka tlan chuan ka duh tawk viau, anni pawh in Mizoram hi an rama a awm ve hi an duhtawk a, kan resources an lak theih theih an lakah te an lungawi tawk a, kan in draw viau.
India ram atanga mizoram a chhuah hi mizo te aiin India hian a hlau zawk! Chuvangin ka theih ang tawkin India rama cheng kan nihna hi ka hmang tangkai tawh a, Mahse India mi ka nihna leh ka ram leh hnam, rilru tak tak a ka hmangaihna chhan tur kala hre lo. A thalaiah in lawm tawn ila, Mizoram tan chuan theihtawk chhuah ve ila awm tawk viau ka ti
April 2nd, 2011 at 2:05 pm
Zanin EPL en va chakawm twh ve :),exam lai nimahse 90mins. chauh lwm,cricket test match en ai cuan hun a khawhral lo deuh
April 2nd, 2011 at 2:13 pm
RosangaD:#75 ami khi ilo en em? I harsatna hi khawi hmunah pawh a awm deuh vek. rilru chu ana deuh thin. Mahse a ti awm tawk te te bakin an tilo a nia..
Dhak Dhak Go
India Go
April 2nd, 2011 at 2:23 pm
Vaiho hi ka hnek zing tawh, ka vawm khat.
April 2nd, 2011 at 2:23 pm
vaivawm han tih a Lawrkhawm sityle em mai..
Tak takah a hming atang ringawt pawh khian ngainalotu an tam phah ang vai ta bik a ang riau Vaivawm tih hian…vaivawm tih hian a inhmeh ber lem pawh ka ti lo.He game hi chu a batting lai chiah nuam ka ti 
April 2nd, 2011 at 2:30 pm
80, kawlnicolney , a ni asin, vairam khawlum nisa hnuaiah fielding hi ninawm tak ani, mahni lam a ball a rawn kal loh phei chuan. pitch a mat an phah ang ah ka khelh hmasak ber hian eng sikul emaw ni kan tum a, off-stump lineah min va beat nasa tak, batting min open tir khanglang a..sala
April 2nd, 2011 at 3:15 pm
#54 Het English Football ngaina an tam hi sawi vak suh.
April 2nd, 2011 at 3:32 pm
Krista #78, i comment leh i ngaihdan te chu fing i ti tawk hle mai. Ka ngai sang khawp mai che
#82, football chu ka sawi tel duh miahloh khi.
April 2nd, 2011 at 3:38 pm
Vaivawmah hian ka tui ve pha lo. Mahse mizo ten Vai sport ti a kan lo ngaihnep ve ringawt ang hian mi ram te hian an ngainep ve ringawt lo tih ka han sawi ve mai mai e. Hmanni a Pakistan nen an khelh ngat phei kha chuan keini awmna europe ram tetakah te pawh radio leh tv-ah te a puang reng asin, an khel en zo thak pawh an awm ve nual, a khelhdan rules chhiar phah tluk tluk te pawh an awm
He post ka duh zual em emna chu kan nunphung diktak Vaivawm thupui hmang a post tupa hian a rawn ziak chhuak thiam hi a ni. A bikin football chungchang leh Korean film vel te khi
Hmanni Korean film chungchang a postah te khan mi thil uar apiang sawisel chin that loh zia comment a awm nual. Mahse maw, mizote tluk a khawvel a thil uar, uar over thei hi an awm angem le? Mi ramah te pawh ( Asia ram dangah) Korean film a lar em em tho, mahse keini mizo te tluk a a nawlpui takmeuh va buaipui hi an awm ka va ring lo em!
English football te hi mipangngai in ti chin chuan zui vek tur emaw kan ti ni in alang. Tuina neih chu a tha e, mahse a nawlpui hian kan bei chiam zel a. Kan nunphung leh dinhmun nen a inmil mawlh lo. Mi ramah te pawh football a tui tak tak an tam, mahse midang tui avang ringawt a a nawlpui a tuive tum ringawt an ni lo. Post tupa sawi ang khian player te, a khelh hun tur.. etc etc.. kan hre em em a, hei ai a pawimawh hi khawvelah hian a tam asin. Politics, economics chungchang sawi pui dawn a sawi tur hre miah lo, mahni ram in relbawl dan leh khawvel kalphung hriat pakhatmah nei si lo va kuhva ei sen huam chung a English Football chungchang hre em em
a sawi zut zut ringawt hi changkanna a ni lo.
Ram changkang zawk in kumtamtak an hman hnuah Mobile phone a rawn lar a. Uar chintawk kan hre lo leh a. Sms chhass an tih sek te hi min hrilhfiah hma khan ka lo hrethiam lova. Hetiang khawp a thil uar, uar uchuak hnam hi an awm awm ka hre lo. Hmanni lawk a post pakhat a mipakhatin tawngkam mawi lo tak tak hmang a mi sms thawn a chin thu te, a number thleng a lang reng chung a a neitu kan hre thei lo te khan ngaihtuahna a ti thui. Hnamdang zingah pawh mi maksak leh hetiang thil ti duh an awm tho. Mahse mi ramah te chuan a number i hmuh theih chhung chuan a neitu hming leh address 1min chhungin a hriat chuah theih a, a number a thup a nih pawhin police leh telephone company te tangrual in an manchhuak nghal ang. Khatiang a controlna mumal te kha kan nei pha leh chuang si lova, kan nunphung leh dinhmun mil lo hian kan khawsa tih hi a lang chiang em a ni.
Football chungchang ka sawi khi Football ngaina tu hrim hrim ka sawiselnaah in lo ngai palh ange. Ka sawi tum zawk tak chu mahni dinhmun leh remchanna ngaihtuah hmasa miah lo va mipui mimir a mi tuina leh tih ang kan zui ve huam huam zel hi ka sawina a ni.
April 2nd, 2011 at 3:45 pm
#84
April 2nd, 2011 at 4:06 pm
Cricket hi ka tuipui leh tuipui loh lam ai mahin kan ram, India inkhela kut ka lo ben ve theihna a nih avangin ka tuipui lui a ni. A kalphung ka hrethiam a, tun dinhmunah chuan ka en tui khawp mai.
@chhingdailova, i post leh hun chuan uluk takin i punctuation leh tawngkam hman dan i ennawn leh dawn nia. Tun a mi hi chu chhiar a hahthlak mah mah a ni.
April 2nd, 2011 at 5:12 pm
India ah hian Indian ah min pawm anih chuan kum 1966 a a mipui te bomb hmanga a beihna ah khan ngaihdam a dil tur ani.MNF nen an in do a, mizo mipui, civilian, pawisawi lo kha ‘ a ram mipui kan duh lo, a ram a lawm kan duh, crush them’ tih hmang meuhin bomb nen an bei ani lawm ni. Amaherawh chu khandaih hmang tu chu khandaih vekin tih bible in a sawi ang khan, kha mi hunlai thupe tu te chhungkua chungah poh a hunte ah rorel sak an ni ve tho. Kei chuan engtik lai mahin civilian bomb hi ka sopprt dawn ngai loh avangin thinlung taka inti Indian tur chuan India hian mizoram mipui te chungah ngaihdam a dil tur ani.
April 2nd, 2011 at 7:58 pm
Mizo football khel ho chuan an ning zek awm e…football aiin a lar zawk fe si a,India ramah chuan
April 2nd, 2011 at 8:09 pm
doc_lib keini aia lungoilo tur hi an tam ani. rilru natna avang in khtaing khan ngaihdan i siam ang bawk khan a hunlai pawh khan hotute khan an siam ve ani mai. i dam leh khosak theih chhan chu india khua leh tui inih vang anih kha aw. vai buhfai kha ei tawk tawk la. i hna kha thatkain thawk la.vui lo la.mi hlim lai hmu thei la an lawmin lawmpui rawh.
April 3rd, 2011 at 12:22 am
Tang ulh teuh leh hnukulh tunin i rawn ziaka athu pawh a ulh narawh e. Debate natur angchi a ziak i nih chuan thu thluaithlum vak lovin i tumah chiang la chu chauh chu sawi fak fak rawh (hun a uihawm). I thuziah hi kan hnial dawn chhina hnialna tur ka hmu tam ta lutuka hnial tlakah ka ngai talo a ni ber e. Debate na ah ila ding tamlo anih ka ring. . NOI.
Nikum khan mipakhat chu Mizoram chanchinbu lar berah mahni hming tak tarlang in inhnial puiah ka lo sawm tawh a, kan ti ta rêng a. Ti taka tang nangam i awm hi cho tlak tak inih ka ringa ka lawm hle bawk ani. Ti teh nuaih lo hian lo siam tha lehla sawi hawngtu ah lo tang ta che. Ka lo nghak ange.
April 3rd, 2011 at 2:09 am
Awle thian duh tak te u….Inkhel ka en avangin ka post ka vil tha hman lo. Ka post chhe te min chhiar sak duh a, Ka lawm hle mai. Patling anna a nih avang khian tawngkam fei ki bar tak tak a tam ang. Tin,ka hmanhawm ve em avangin ka edit tha hma lova( punctution vel hi ka thian lo ve hrim hrim bawk a) min hre thiam dawn nia….In comment a tha a. Ka lawm tak zet zet a ni. Hei le..kan champion ta bawk a. In hnialna lam zawng ti zui zel lo mai teh ang u.Khi tawk mai teh se. Pu Lersia a chona pawh khi han tih puitlin a chakawm hle mai.Mahse, kan champion tawh ber a….duh tawk mai teh ang.Thupui dang tha zawk leh midangte pawhin an hlawk pui zawkna tur lamah a tul tak leh kan la in um zui zawk dawn nia………
April 4th, 2011 at 8:19 am
Post tupa hi taima,Va post peih mai2 e….
Ti daih ila Cricket hi en man(ticket man) a awm ve anem le a hmun ah hian?
EPL style IPL, UCL style Airtel Champions League nep e….
Cricket en tur chuan hman a ngai, a reilo ber pawh onday te ania.(20-20 chu hmanni lawka piang).Engtin nge nileng leng a TV hma a thrut te chuan hna kan thawh hman ang?
Zanlai UCL en nen enge danglam na?Football te chu minute 90 vel chauh asin.
Sawi mawi chawp ngai hi chu…Ngaihkhatah ngai ang.