Kan ram leilung hi a nghet lo tih mithiam ten an sawi thin a, a ngheh lohna chhan ber pawh a ram hi a la naupan em vang niin an sawi. Mahse, chuti chung chuan kan ram leilung dinhmun ngaihtuah lek lovin In lian tak tak kan sa a, kham pang awih che tak takah pawh In chhete a len phawt chuan Concrete Building kan sa ta zel mai si a, eng anga chhiatna nasa nge kan la tawh ang tih pawh ngaihtuah ngam a ni mang lo a ni
Tun anga kan kal chhoh zel chuan kan ram leilung nghet loh avang hian In chim leh lei min hi a la tam tawlh tawlh dawn a ni. Aizawl khawpuiah phei chuan Pialtlep chungah Concrete Building lian pui pui an la sa chho mek zel a, lirnghing kalkawng a ni si a, an la inchhir ngei ang le.
Khawpui pawnah hlei hlei Insakna hmun an thlang fimkhur lova, chuvang chuan in chim avang leh lei min avanga thihna a thleng zeuh zeuh reng a ni. Chuvang chuan harhchhuak ila,kan ram leilung milin kan chenna In te sa tur leh a foundation pawh awmze neia siam turin In la sa tur leh sa mek ten ngaihtuahna thar kan siam a tul takzet a ni.
Similar Posts:
- Lungrem chimin naupang 2 delh hlum
- Chhiatna pumpelh nan
- Haiti ah lirnghing rapthlak!
- Mizoram SSA hi
- 5/11 Laipuitlang leimin chungchang a Magisterial Inquiry Report
December 12th, 2007 at 5:16 pm
Kan ram hi a naupang hi an ti teh mawlh a, kei chu ka hrethiam ve lo. Ram dangte ang bawkin leilung pian tirh ata he lai ram hi chu lo awm sa tawh turah ka lo ngai mai a…a leilung a ngheh lohna chhan pawh hi tlang ram, awih chhengchhe tak ram a nih avang mai a ni lo maw?? Ruah tui tlak tamna ram a lo ni bawk nen…Vai ramte anga phai zawl chu ni se ‘ a ram a naupang’ an tih fo pawh ka ring lo ve…(mi mawl ngaihdan ka han puah chhuah pui ve mai mai a ni..)
Report this comment
December 12th, 2007 at 6:20 pm
Hei hi chu Lenglung lam zirbing mite chhut dan a ni a. A lei leh lung awmdan atanga chhut a ni tlangpui a. Tunhma kum maktaduaih 15 vel te kha chuan tuirinriat chhungah a la awm nia ngaih a ni a. India khawmualpui dang te khawmual an nih tawh laiin MIzoram leh a chhehvel erawh tuiin a la khuh nia hriat a ni thin. Paleozoic Era te, Mesozoic Era an tih te leh Cerozoic Era an tih mai thin kum leh hun an kohdan term atanga chhut a ni mai thei.
Tin, Mizoram thenawm Chin hills pawh khi MIzoram ai chuan tlemin khawmualah a chhuak hmasa deuh niin an sawi thin a, a leilung awmdan atanga chhutin an ni chuan sailungvar chang tha tak tak an nei a, leimin leh lei tlahniam an nei nep hle niin an sawi thin. Mizoram hi India khawmualpui nen a inzawm lo va, Burma khawmualpui nena in zawm zawk nia sawi thin a ni a. Mithiamte sawidanin..
Tin, Khawvel history zirbingmite kum chhiatdan pakhat Stone Age vel atanga chhut hi an tam ber a. Chutiang zawnga chhut chuan Mizoram leilung hi tuifinriat atangin a lang chhuak tlai deuh a ni mai thei e. Far east asia leilung upat lam nen hian an sawi zawm thinin ka hria. Kan mithiam, pu myself leh pu adelfos te hian an hre ngei ang..
Report this comment
December 12th, 2007 at 6:27 pm
Oh, a technical term kha ka han dah ve duah a, pu te pahnih myself leh adelfos ten min zawt buai leh a nih chuan chhan ngaihna reng ka hre tawh chuang lovang..tih ka han puang lawk e..:)
Report this comment
December 12th, 2007 at 6:52 pm
E khai, mai2 thin a… keini Mizote chu hnam huaisen, sa leh ral hmaa zam ngai lo, leimin leh lirnghing hmaa zam ngailo kan nia lawm le… Khawvela in sa huai ber hnam tiin Guiness record-ah chuang kher lo mah ila, keini aia in sa huai reng2 hi an awm chuang lo vang, tih ngaihdan dawrawm te hi ka rawn puang chhuak ve a ni e. Hemi chung changah hi chuan ‘mihring chauh lo chu zirtir an ngai lo’ tih hla hian min kawk bik deuh runin ka hre tlat pek bawk a…
Eh eh eh! pu zorun, i thusawi hi a bengvarthlak hle mai, han ti dawn i la, ka varpawh pha ngang lo a ni e. A ‘technical term’ i tih te pawh hi, a eng ber hi nge a technical term chu, tih pwh ka hre chuang lo re re. Bo map2 tak ka ni…
Report this comment
December 12th, 2007 at 10:12 pm
hei chu, town and country planning hnuai ah, fel fai tak a ruahman fel vek hnu ah, regulation mu mal tak nen a kal pui a pum pelh theih chauh anih tawh hmel e. kan aizawl khawpui awmsa ah khi chuan han ti dawn pawh nise la , har tak tur ani tawh ang!
aizawl thar kan din zawk mai dawn em ni.. a ‘rau’ zawk deuh hming kan duh leh ‘jerusalem thar’ te kan ti mai anga
Report this comment
December 12th, 2007 at 10:47 pm
Mi ramah pawh hian an khawpui hi an sawn ve chawk a. Hmun remchang zawk leh mipui mimir him zawkna a nih dawn chuan tun an hnial kher lo mai thei a. Aizawl khawpui laili lai khi chu a hlauhawm tawh khawpin ka hria. Lei a nghet si lo, a tlang chheng chhe ropui si a, tin building lian pui pui an sak ho hi a foundation a nghet tha lutuk hlawm si lo va. Ngaihtuah a tithui thei khawp mai.
Lengpui leh Luangmual lam thleng khuan aizawl city ni se. Sawrkar bulding lian tak tak hlui zet zet ho khi thiatin hmun tharah sawn chhuak ni ta se. Entirnan sawrkar office tam tak khawpui pawn deuha sawn chhuah a nih chuan, rei lo teah kalkawng a lo tha nghal thuai ang a, chutihrual chuan bus service lam pawh a tha ang a. Reilo teah workshop te, ei leh in dawr te, hotel etc.. in a bawm thuai ang a. Reilo teah chenna in pawh an sa thuai dawn a ni. Chutianga khawpui zauh a nih phawt chuan, tuna tawt lutuk hi a ziaawm ang a. Rikrum thilah pawh a him phah viau dawn a ni.
Police leh Fire lam erawh Khawpui pawn leh Khawpui Laili ah awm ngei se. Hei hi khawpui him nan a pawimawh em em a. Tin, Indoor leh outdoor stadium hi chu khawpui lailaiah dah miah lo tur a ni. Parking leh rikruk thilah trafic a buai phah nasa si a, pum belh a tha viau ang. Tichuan, thingtlang lam tan pawh aizawl khawpuia awmna chance a awm tawh ang a, kalkawng pawh hleitheih loh leh In tlem te tea khawsa thingtlang khaw tam tak chu khawpuiah an insawn thei dawn a ni.
Tin, ka vei ve pakhat leh chu, tuihawk luanna hi a ni a, hei hi a mumal lo em em mai a, a rem chang changah tui luanna a a awm fur mai a. He ti lo deuh hian ruahmanna fel takin Pipe line phum vek se, tui chhia leh motor silna etc..vel khaw khaw laia a luan ral mai mai khi a hlauhawm a, hei hian lei a ti nghet lo ve thei bawk a ni. Khua a tlai hmaa ngaihtuah vat atan a tha ngawt mai.
Report this comment
December 12th, 2007 at 11:21 pm
Tunlai ram changkanga an tihdan angin GIS leh remote sensing hmangin town planning ti sela kan him tlang viau ang. Sawrkar pawh khauh deuh takin che sela dan zawm lo chungah action la ngam sela kan him karing.
Hmanlai kan pi leh pu te in ang (Di/dap in) kha kan ram tan chuan a him ber, cement quality chhe deuh hmanga concrete building sak ai chuan.
Kum maktaduai 90 bawr vel khan India plate hi Madagascar bul atang in a rawn tawlh chhova, tichuan kum maktaduai 55-50 vel khan Eurasian plate nen hian a insu ta a, Mizoram leh Himalaya tlang ho hi alo pian phah ta a. Mizoram ah chuan khawchhak lam khi khawthlang lam aiin a upa deuh zawk a Geologist ho chuan khaw chhak lam(Champhai etc )
vel khi Barail series antia khaw thlang lam khu Surma series anti thung. Khawvel a oil leh gas zawng zawng deuh thaw hi kan ram leilung ang atanga lakchhuah ani!!! chuvangin miin(a bikin Vai hovin) ram leilung naupang leh ram thalo tih angreng ten sawi hnawm tum mahse awih duh suh u, kan ram aia tha khawvelah ah a awm chuanglo.
Report this comment
December 13th, 2007 at 4:28 am
Ramhuai nisi lo Khamhuai kan tam khawp maw le!! Mahse ram dang aiin a nuam zawk tho, phai zawl a awm ten an tawrh ang tam tak kan tuar ve lo pawh hi a nuam a sin… kan ram leilungin a zir/ zirlo em a, tun ami ai bak hi chuan kal ngaihna a awm lo a nih hi…
Report this comment
December 13th, 2007 at 8:26 am
@myself : “aizawl thar kan din zawk mai dawn em ni.. a ‘rau’ zawk deuh hming kan duh leh ‘jerusalem thar’ te kan ti mai anga” Ha ha ha.
Full support to @zorun;”ka vei ve pakhat leh chu, tuihawk luanna hi a ni a”. Kan kawng leh ram hmel tichhetu ti ila kan uar mah mah a ngem?
@clliana: “Khawvel a oil leh gas zawng zawng deuh thaw hi kan ram leilung ang atanga lakchhuah ani”…. kan ram leilung a tih lai te khi leichhung ril lam “sub-surface structure” a tihna a niang a..? Kan ram ang ngau ngau oil thar chhuahna chu Venezuala leh Indonesia deuh chauh niin an sawi!
Nia, engang pawn sawichhia se, Mizoram lo ram dang kan nei chuang lova, kan duat tur a ni, a tan hian enge tihtheih kan neih i ti theuh ang u.
Report this comment
December 13th, 2007 at 10:47 am
@kanidari: tertiary period
Report this comment
December 13th, 2007 at 12:17 pm
A va han bengvar thlak hlawm teh reng em! @Zorun-a, i tih that duh chuan ‘englo’ thenna chi hrang hrang i ngah hle tih a hriat. Khawpui planning leh tuihawk luan dan i sawite hi a dikin a ril hle mai. Pute ho hian zawm se tha tur. @kanidari, hei @clliana a lo lang leh e…in pahniha in han contri meuh chuan kan ‘knowledge’ pawh hnar kua aiin a zau ta hawk hawk mai!!! Han sawi thui zel teh u..!
Report this comment