Aizawl pa tawm-im tak, thingtlang lam zin vak lo hian, mikhual ti ti atrangin ni 100 inhlawhna hi kan kalpui dan a fuh loh kan hlau ve ringawt maia. Ka zawhna te -
1) Kan hnathawh tur thlan te hi, khawtlang tana RO tling an ni ang em?
2) Inhlawhna sum lokal kan manage dan hi guideline mumal tak awm mahse, kan practice dan ah hian fello lai a awm thei ang em?
3) He ni 100 inhlawhna a awm avang hian A Vur Kum ah pawh khawtin deuh thaw ah lonei an tlem phah an tih hi a dik em?
4) Lo neih bansan titih si, thralai nula tlangval te’n hna hram thawh an hreh phah deuh an tih te hi a dik ang em? Dik ta se kan khawtlang nun leh intodelhna atana hmalakna a va tithruanawp mai awm ve?
5) He ni 100 inhlawhna enkawltute VC ho hian hnathawh hlawk tumna lamah khawl (earth moving machineries) JCB etc hi an hmang nasa tih te hi a dik em? Lo dik se sawrkar JCB nge private JCB an hman ang le? NREGA hian khawl hman te hi a phal reng em? Nge kan thatchhe lutuka VC ho hian hnatlang tha atan 60% hi dah ila khawl hire nan 40% hi cut ila, khawl inhlawhtir ila an ti jeih? He ka rinthu hi lo dik se, kan rilru a va khawih chhe nasa dawn ve?
6) Tlachawp rorel deuhin ni 100 inhlawhna them lokal hian lam hnai ah, hna tur kan dapchawp lutuk te hi a lo ni palh ange :!: Plan mumal leh estimate leh design mumal tak neiin, ni 100 inhlawhna a hnathawh tur te hi ruahman an ni em le ?
7) A chunga point (6) ho hi a dik lo nasa, ni 100 inhlawhna ah hian khawl hman ani lo reng reng, taima takin mahni hna ang chiahin mipui an inhlawh tluk tluk maia, kawnglaih dan pawh thralai ten an thiam phaha, education practical thratak ani. Mipui mimir an taihmak phah a, intodelhna rilru thralaite ah a tuh nasa hle mai, ti ang zawnga trang khawi khua-ah tak awm ang maw ?
Teuh nang an zawm-thawt hlawh an la a, mobile top-up leh thawmhnaw lei nan an hmang mai mai lo ti tawk te hi an tam hle ang em le?
He thu hi kan chhawpchhuah bak pawh sawi tur tamtak a awm thei ang. Uluk takin beng sikin kan hnam boral loh nan, hmalak a trul tak zet in ka hria. I sawi ho teh ang u.
Similar Posts:
- Ni 100 inhlawhna in thatchhiatna a hring
- Chhungkaw inenkawlna
- MGNREGS (Engvangin nge kan hotu te hian…..)
- Chapchar Kut 2010
- Hauruang Development-ah an hrek dawn em ni?
November 10th, 2009 at 6:51 pm
Kan sawi tawh thin ang khan ‘LU BER-TE’ atanga a dik thlak par par phawt loh chuan hnuailam a mi te chu dik tura beisei pawh a ni lo.
[Report abuse]
November 10th, 2009 at 6:54 pm
Tum khat chu kan chhungte hman loh avangin vawikhat chu ni za inhlawhna ah hian ka tel ve tawh.
Kawng laia inhlawh kan ni a. VC ten pek an lo kheng sa vek a, chumi pek huama thawk tur kha min han sem thlap a. Zawh hma loh hlau khan kan han thawk ta tak2 hlawm mai chu chawfak hma khan pawl thenkhat chuan an zo hman a. Chawhnu lamah mahni chhungkaw hna thawk tur te khan an tha an seng leh hman a..nihlawh an inti kher asin.
Tin, a nuam ve duh khawp mai..a veng/khaw nawta mahni feh kawng han laih mup mup mai chu…
[Report abuse]
November 10th, 2009 at 7:03 pm
Sawrkarin kut hnathawktute tan a inhlawhna a siamsak hi a lawmawm ka ti a, ka chhungte pawhin an dawn ve ka ring ringawt a.
Mahse pawisa sem hian moral a tichhe thei khawp mai a, a hnu kum hnihkhat ah hian mi thatchhia, mi beidawng, thinrim leh lungngai hi kan ramah hian buaipui tham hi kan nei ang tih ka hlau hle a ni.
[Report abuse]
November 10th, 2009 at 7:13 pm
kan ram hi kan buai nek nek chhung chuan kan fel lo vang
inlarna ka hmuh danin.
[Report abuse]
November 10th, 2009 at 7:40 pm
Inhlawhna awm ngang lo ai chuan a hlawhchhuaktuten an nihlawhpui tho chuan a rinawm; mahse, an hna va thawh kha ramin a chhawrbàwk zui theih thil ni sela.
Indopui I-na hnu lamah khàn …. ramah tàm a tla nasa hle a, inhlawhna hrim hrim sorkârin a mipuite a siamsak a, râwlthar pakhat va inhlawhfa ve chuan, “We constructed a road that leads to no-where,” a ti tlat thung.
A hun laia ei-bàr atân hrim hrima inhlawhna tangkai tak pawh, a hnua chhawr zui tlàk thlan thiam a tùl ang! Sorkar rilru fim leh fing kan mamawh a ni e. Tunhmaa kan lo Sorkar tawh dan ang zawng zawng kha chu thu-hnu ni se, tunah chuan hma thar tak tak lak a ngai ta! Mi kan la tlem a, hruaitu ngai kan inhman chhawk rih mai mai si a —an tihdan pangngai aia hma an sawn hi i duhsakpui theuh ang u.
[Report abuse]
November 10th, 2009 at 8:01 pm
@mzvision: He thil hi ka veina a rei tawh mai! Amaherawhchu, ka pa, ka lo ngaihsan ve em em hmaah i rawn sawi zinga point 5-na hi ka sawi pui a. Tum dang ang lo tak mai in, “An kal pui dan hi sawisel bo chu a ni lo a. Amaherawhchu, hetiang thil te nau leh zel sawisel chu mikhirh awm dan, mi thil tih a piang sawisel leh khawtlang tana mi hnemhnan pui an ni ngai lo” min tih teh hrep chu a!
I rawn sawi point 5-na khi a dik tlat mai a ka hriat ve na ah chuan. Thla tin vawikhat hi ni 14 hlawh hi VC ten an sem ngawt mai thin a. Ni 10 hlawh lain ni 4 hlawh erawh chu an cut thung. Mipui lah an hlim a. Central zem zen an in ti deuh ngat hlawm nghe nghe a sin!
VC te hian JCB in khawtlang tana thil tha tak mai, mipui te tan a han thawh mai rual loh chu awlsam takin an thawh tir mai thin a. Khawtlang tan pawh a tha na ngiang mai! Mi harsa te tan hlei hlei hian a tha a. An hna thawh leh eizawnna kawngah buai map loin thlakhatah zing khat hlawh lain an kal ve mai a. An mamawh chak khai chu a phuhru teh meuh mai.
Sawi leh thin i la, NREGA hian a thiltum chu a ni hauh thung si lo a. Kan kalpui danah hian ennawn ngai chu a awm in ka hria. A chhawr tur tak te tan chuan thil hlu tak leh tha tak a nih rualin leh an ni tan a lo sawisel tu ka ang dawn viau na in ka hlauh ber erawh chu kan rilru sukthlek dan a kai sual ang tih hi a ni fo. Rim taka hnathawh chhuah tluka hlu a awm si lo. Han sawi zel phawt teh u!
[Report abuse]
November 10th, 2009 at 8:35 pm
Man or Machine? Retheite eichawp hmu tura inhlawhfakna chu MAN POWER-a tih a ni ngei dawn lawm ni? MACHINE a inrawlh tawh chuan —retheite inhlawhnaah MI HAUSA a inrawlh tawh tih a chiang!
Man Power-in a khawih theih ngang loh thilah Machine chu rawtna thara inlungrualnaa remtih ni chauh sela maw le! Kan ram contractor hausaten Rough-truck, bulldozer leh Tripper an hman tak zel avangin retheite inhlawhna tur a awm ta lo. Mi-hausaten darkar rei loteah retheite inhlawhfakna tur zawng zawng an vaihma zo vek tawh a … rethei leh hausa inkar chu teh phak rual lohva inkar-hlat a ni ta … retheite REVOLUTION a hun ta takzet!
[Report abuse]
November 10th, 2009 at 8:47 pm
Taikheri chu ava rau ve ta ve, inlarna te alo hmuh ve tak chu.
Mizo te tan hian athalo tawp ani tih hi ka ngaihdan dinglai ala ni reng mai.
[Report abuse]
November 10th, 2009 at 9:24 pm
‘Ni 100 inhlawhna’ hian hmeichhiate hi a ngaih pawimawh ve tlatin a lang. worker 1/3 chu hmeichhia an ni tur niin ka hria a. Workers ten tih takzet a hna kan thawh a ,hemi hnuaia kan rights hi ka hriat ve zeuh2 pawh trul hle.
He Act of 2005 ah hian work site tinah health worker awm vek tur, medical aid pe turin tih angte hi implement a ni em? hnathawhna hmunah accident lo tawk palhte chu first aid pek bakah free medical treatment an dawng thei bawk a. Hospitala dah hial ngai a nih phei chuan , hn thawk theilo a hospital a awm chhunga a hlawh tur 50% a la thei bawk tih a ni ta in ka hria.
Tin, job card hi hman dikloh a awl em avangin job card nei mi 50-ah clerk pakhat appoint zel tur, chutah chuan a hnathawh leh a wages fel taka ziah vek tur. A act a hrim2 hi chu tha tawk ve tak niin a lang, a hlawhtlinna chu a hmangtute leh chawrtute ah a inghat ve tlat.
[Report abuse]
November 10th, 2009 at 9:34 pm
ni e, plen fel tak neih a tha viauin ka ring.Mipui in hlawhna ni bawk khawtlang tana chhenfak awm leh hun lo la awm zel tur a tana tangkai thawh nan hman ngeise a duhawm khawp mai.
[Report abuse]
November 10th, 2009 at 9:37 pm
Tin, a thawk tur pawh hi khawtlanga miharsa zualte hi duhsak bik ni theise a tha leh zualin ka ring.
[Report abuse]
November 10th, 2009 at 10:31 pm
VC dik leh rinawmten khawtlang hmasawn nan tak tak an hmanpuia, VC hlemhle deuhten VC nih chak an tipung. Thawk mang bar lova hlawhlak theih nia ngai tam tak an awm a,heng mi ho ngaihtuah chunga NREGA thlir hi chuan moral a tichhe nasa a ni. Rethei lehzualte tan erawh an ration quota lakve theih phahna a ni hlauh thung.
Thil tha ni lose hetiang hian buaipui a ni lovang. Amaherawhchu, thiltha pawh hi kan hman dik loh chuan chhiatna min thlentu a ni thei.
[Report abuse]
November 10th, 2009 at 10:57 pm
NREGS hna thawh anih hnu hian hlawhfa chhawr a hrehawm khawp mai. Ka experience anih hi.
[Report abuse]
November 10th, 2009 at 11:20 pm
Job Card to Top-up to Dospati to Watching EPL thingtlangah pawh tho hma an tlem pharh mai. Nu leh pa te thlan fim nen hah-thi-kulin an feh, a chak zawk leh thralai te’n hnathawh an tum silo.
Chumai ani lo, mi-awlthawng thatchhiatna a hring; ram thran-mawh-bawk a la tling ngeiin a rinawm. Thingtlang sumdawng ten ni 100 inhlawhna an sem hlimin eng hralh nge kal ber tih hriat a chakawm rualin, ngaihtuah a tithui hle ang le.
He thil hian chhiat deuhna thlen mahse insiamthratna khur thuka min luhpui tu anih chuan a thra tho tho.Mahse kan insiamthra zo ngut ang em tih hi zawhna lian tak awm thei chu ani
[Report abuse]
November 10th, 2009 at 11:44 pm
Ni za inhlawhna hi sawisel kai lo chu a ni hauh lo-
Dawt job card,awlsam te in mipuiin pawisa an la,khawl an ruai etc Mahse kan ti teh ang a tangkaina awmve nual-
Thingtlang ah hian electric bill te hi a khua khua a pek theih loh vanga power supply mumal nei tawh lo ten ba an rul a an neih leh phah….P&E nunrawn dan hi chuh !!!!!!!!
Inkhawmpui, thalai intlawhtawn etc te a thleng tuin a thlen awlsam phah a a chhimtu an kal awlsam phah bawk.
Malaria season ah phei chuan insurance hreve lo tan health insurance a ni mai.
Football tournament neih a awl a chak lawm pawh a ti awlsam
PHE hian thingtlangah tuikhur bualin nen a awmsa thlap hi ka hmuhchin ah an lo siam re re lo a(Pu.Mzvisionan min lo hrethiam se) NREGS hnuai a tuikhur leh bualin kan siam hian nutling hnute uai duah duah chung a inbual phur phur hmuh tur a ti tlem sawt a…hnamdang lak ah an zahawm sawt.
Khaw tlan tui source mihausa ten sangha dil a an lak pen (PHE in e nge thil awmdan an ti duh silova) vanga thlasik leh nipuia tui indaih lo te augmentation te an tih sak a chhawr tak an ni.
PWD kawng sidedrain mumal awmlo leh Pioneer ho kawng enkawl chhe lutuk hi a tul apiang NREGS hian phak tawkin a bitum ve a Thingtlang lam pawh kawngpui leh drain tha neih chu khawpui ang bawk in nuam an ti.
Feh kawng tam tak te chu Aizawl pa ke a kal peih lo tan pawh motor in an tlan par par tawh ang chu.
Khua sawn har teh lul nen khaw pakhat chu NREGS hnuai ah hian ,rehabilitation plan mumal awmlo in ,khaw thar ah an in sawn ve thei nia mole
coffee khur te ..grep khur te an lai a VC ho pawh Hnahlan hial kal in grep chi te an va lak kha mole .
MIPUI pawh hian tan chu an la ve nasa a nia……mahse an hna hi misual a luh ang ngawt chuan a harlo.
Plan & estimate…survey….buaipui man sum thahnem zawk ….Politician hnathawhna en peih deuh……chu la mamawh tur ni in a lang.
NIGERIA pawn an rawn zir a ni lawmni NREGS chungchang hi.
[Report abuse]
November 11th, 2009 at 12:46 am
NREGS hi chu Mizo mipuite a bikin rural area te tana sawrkar scheme tha ber a ni.Direct a miretheiin sum an hmuh ve na awm chhun a ni awm e.
NREGS ah hian tuikhur siam, tuizem siam, tuikawng laih for ST family, teraccing for ST, contour bunding for ST,moon tarracing etc hi a tih theih a.Kan uar em em Rural Connectivity te hi a ni bawk a.Vantlang inkhawmah hian khawi khua mah hian rural connectivity bak zu thun duh miah lo a…(except Saiha Dist)
NREGS hi sawisel kai lo a ni lo a.A tirah Mizoram a Saiha leh Lawngtlai Dist chauhin an thawh lai kha chuan ngaih sak a hlawh tawk lo a.Tunah chuan state zawng zawngah thawh a ni a, RD scheme lian ber pawl a ni bawk a, kan Mizoram pawhin attention a pe tha tawh hle.
NREGS hnuaia hnathawh hi, ni e, min ti thatchhe tu a ni thei tho ka ti.Peg system hian a tha ber NREGS hna chu.Kawng km 3 laih turah chhungkaw 300 vel tan in chan sem theuh se, ni 20 vel thawk turah.Chu chu a tha ber.
Chhim a ka awm lai chuan PWD kawng maintain that loh leh maintain tawh loh te hi clearance kan ti reng.Kan tih loh chuan buhfai supply a theih dawn si loh a.Audit Objection pawh a tam phah thin.
Electric hrui, ram hnuaia kal hi, thing leh hnim ten a tih buai thin avangin a sam fai hna kan tihsak bawk thin.
Sawisel ang zawng chuan mipui hian RD Deptt scheme te hi an sawisel ngam ber.An sawisel nasa ber bawk.Mahse Deptt lian dang hi chu kan sawisel ngam lem lo niin ka hmu ve tlat.
[Report abuse]
November 11th, 2009 at 6:53 am
@burger, RD Dept. hi mipui zawng zawng deuh thaw hian kan luhchilh tlat alawm. Dept. dang aiin selna tur kan hre zawk ang le.
Thingtlang mirethei, hna neilo te inhlawhna tur Scheme a nia. JCB kan hmang hi a dik lo. “Hna dang kan thawk thei a, bakah khawlin a thawk hlawk zawk” te an ti mai mai.
Kohhran centenary lawm nan ni 1 inhlawhna sum an divert pawh ka hria.
[Report abuse]
November 11th, 2009 at 7:01 am
@Zero, aw khai a aw, kohhran pawh chuan ngun taka an ngaihtuah hnua chutiang sum divert chu anni a, a thra lam ah i ngai teh ang u….chhan thra tawk tak neilo chuan kohhran committee leh VC/Yma te chuan an ti lo turah han ngai phawt mai ila..pawm a harsa viau em?
[Report abuse]
November 11th, 2009 at 9:10 am
@zero…chu tak reng chu alawm..khawtlang /kohhran etc hian RD pawisa hi duh duhin kan ching ngam….khaw pakhatah pawh nregs atanga an laih kawng chu lung hmun a awm a, duhthu a sam meuh lo..mipuiin an sawisel nasa..mahse pmgsy atanga pwd in contractor an laih pawh kum 5 hnu ah pawh an zo thei lo a,mipui chu an phun ngam lo.
[Report abuse]
November 11th, 2009 at 9:49 am
Pu MZvision view point leh question chu tha hle mai. Hetiang ang ngaithuah nachang Mi(sual) zing a kan lo awm hi ka ngaisang hle a ni.
He scheme hi central lam scheme siam ania. State dangah te engtin nge an kalpui dan te pawh hriat zau a chakawm hle mai.
[Report abuse]
November 11th, 2009 at 10:35 am
Chinchang hria ten in han sawi zau a a ngaihnawm hle mai. NREGS hi rethei tak2 ten an chhawr tangkai ngei niin a lang a, a lawmawm e. Tangkai pui tawk kan awm laiin a nghawng a chhe hle thei a ni.. kan thatchhiat lehxual phah dawn a ni mai lo mo
[Report abuse]
November 11th, 2009 at 11:34 am
NREGS ah hian ST ram chhunga thawh theih tih kha tha ka ti a, hmanlai inlawm ang deuh khan , hlo thlawh leh, tuikawnglak te hi tise, an inlawma, thahnem an ngai a nga, tin, pawisa an la hlawhzui dawn bawk si a, thahnem ngai manglo a, khawtlang kawng laia vei sup sup ai chuan, a group khan siam se, inlawm khawm tir se, thlai an thar hnem bawk a nga, hlawh an nei bawk a nga Thaphian lo ang mo.?
[Report abuse]
November 11th, 2009 at 2:54 pm
NREGS hi thil thra tak a ni a, India sorkar pawhin sum a seng hnem. Thratna leh thratlohna erawh thil dang ang bawkin a nei. Sawiho fe tham a awm
[Report abuse]
November 12th, 2009 at 1:21 am
RD Deptt hi sawisel tur tam ber mipui chhawr ber chu a la nih hi…….BAFFACOS Deptt in beidawnthlak khawp a an kal pui tawh hnu pawh mipui hnen thlengphak a chhawpchhuah sak tu leh mautam tampui tuarchhuak thei a siam tu chu RD bawk
[Report abuse]
November 12th, 2009 at 3:54 am
EGS/MNP/NREGS hming hran hei lo pawh hi a awm, mirethei te chhanchhuah policy thra tak mahse mirethei te rethei zelna tur programme em ni aw tih awl tak asin Mahse burgerstud2005 leh Ditto te thu han hriat hi chuan a thlamuan thlak trep chu ani
Global ani emaw national programme ani emaw, anih dan tur tak hian hmang thei ila chu chu kan ram leh hnam tan a poimoh.
Vai inleng pakhat ka neih chuan “Mizo te hi Xtian mi rinawm lutuk India ram state dang te entawn tlak ni turah kan lo ralkhat hriata; a hmuna in awm dan diktak han hmuh hi chuan keini Vai ho ai mah hian in lo ***** anih hi” tiin example an sawi treuh mai chu, a dik hlawm bawk sia
[Report abuse]
November 12th, 2009 at 4:02 am
Pu MZ, Hmanni Oct’25th liamta ah khan, puitling Sunday sikul zirlai a, sawi ho tur zing ah khan,” Mizo te hi hnam rinawm kan ni em,?” tih kha a tel a. Hreh tak chungin kan ni lova ka hriat thu ka lo sawi tawh reng asin.
He thil hi pawm har tak nisi mahse, hreh tak chunga admit ngai a ni miau mai si a, a pawi ngawtin ka hria. Ka Kohran member pui pakhat chuan..”pu H khan a sawi tawh a, a dik e ka ti hreh hle mai mahse…,” a ti ve nuah nuah mai.
[Report abuse]
November 12th, 2009 at 5:01 am
He brand/image hi kan change a trul tak zet
[Report abuse]
November 12th, 2009 at 5:03 am
It is sad
[Report abuse]
November 12th, 2009 at 5:07 am
@HV
chawnghilh hi min lo phone tir teh biak ka duh teh mai ania
[Report abuse]
November 12th, 2009 at 5:34 am
MZ, affirmative
[Report abuse]