Hauruang Development-ah an hrek dawn em ni?

August 10th, 2009 4:46 am by Diktea_Pa

Material Component sum an hmuh atangin sawrkar hnathawk ten pawisa an dawng ve.

Hauruang VC ten NREGS hnuaia Material Component hmanga hna an thawh mi 11 in an complaint-ah Official lamin an enfiah dan leh hmalak danah a complaint tute lung a awi lova, an zinga mi pathum H. Laltlankima, Thanchhunga leh C. Manliana te chuan nimin khan tualchhung chanchinbu mi thenkhatte kawmin enfiah tura tih CA thiltih danah kan lawm lo, an ti.

CA lokal tur thu hi VC ten a hma niin an rawn sawi a, dar 11am velah alo thleng ang an ti a, dar 9-10am inkarah a lo thleng a, kan in auhkhawm laiin VCP inah a awm a, kan kalkhawm hnuah CA chuan, VC te hi kan naute an ni a, kan inzawm a, kan tan tlat a, chuvangin in inrem thei lo a nih a dissolved a nih chuan in khawtlang hian inhlawhna in nei thei lovang, a ti a.

VC Vice President Engzauva pawhin, nangmahni avangin development kan hmu dawn lo a nih chu a ti a, kan thianpa Tlankima hian chhangin, Development kan hmu lo a nih pawhin a mawh phurtu chu VC te an ni zawk. An thiltih sual vang a ni a, keini mawh a awm lo, a ti. CA thiltih dana an lungawi loh dan sawiin VC dik leh dikloh pawh sawi lova keimahni development break tu anga min sawi hi kan rilru a ni, an ti a. VC account book en a ni lova, an thil leina leh sum a in buk tawk em tih pawh en a ni lo. Hemi ni hian VC Treasurer leh Secretary te an awm lova, Account bu hi thingremah kalh hnan a ni, an ti.

Mipuiin anmahni thlawp lo anga sawi chungchangah NREGS inhlawh dawnah a hma niin VC member te an fehchhuak a, VC memberte kal kualin naktukah hnathawh hmain lokal rawh u, an ti a, hnathawk tura mipui pungkhawm hmaah,Mizoram dung leh vangah kan hmingchhia a; heng mite thiltih hi khawtlang aiawhah kan pawm thei lo an ti a, ban an phar tir, Mipui tam takin an phar chhan pawh an hrelo a ni, an ti.

Hauruang VC te hnena NREGS hnuaia material component atanga sum pek hi Rs. 3,44,000 a ni a, 31.7.09 Social Audit-a a hmanralna an tarlan dan chuan Bungrua leina Rs. 1,60,000, Thingpui senso Rs. 2,750, hlawhfa pek Rs. 16,400, Technical Asst (JE) pek Rs. 30,000, BDO pek Rs. 10,000, VC leh VMC te insem Rs. 90,000. Sum la bang Rs. 14,000 a ni, an ti.

Source : Chhawkhlei

8 Responses to “Hauruang Development-ah an hrek dawn em ni?”

1
bawmrang Says:
August 10th, 2009 at 5:53 am
Hauruang VC te leh CA thil tih dan chu a va tenawm hmel ve.
Min hruaitu te hian a nia ram hi ti nget chhe zo ni.

Report this comment
2
ZerO Says:
August 10th, 2009 at 6:51 am
JE hian share a va nei tha ve :-)Heihi thil dik a nih chuan ACB te, PRISM te hnena report mai tur alawm.

Report this comment
3
burgerstud2005 Says:
August 10th, 2009 at 8:45 am
VC te hi an thatchhe thin a.Account leh record mumal tak hi an vawng thiam reng si a,an vawng peih lo a ni.Dawt deuh pawhin lo thawk se,account fel fai tak a an vawn chuan a la in ven theih a.A dik tak chuan VC dissolve na chhan poh hi VC te in thlahdah vang a ni chawk.

Report this comment
4
Borat Says:
August 10th, 2009 at 8:48 am
An diklo vek zawk aniin a lang. MNF lallai ang mai maiin thil a kal dawn emaw anti aniang. Hrem vek tlak anni. Sorkar hnathawkte phei chu suspend nghal tur. Tenawm.

Report this comment
5
awzoram Says:
August 10th, 2009 at 11:19 am
China ram chu nise an khai hlum dawn chiang mai le

Report this comment
6
Ditto Says:
August 11th, 2009 at 11:13 pm
Development hmuh loh thu ngawt va om suh …..

VC te hi an dik vek chu ka ti lo , mipui a in ti fing thenkhat hi chu an ninom ve em a ni.

Material component ah poh chuan JE/BDO ten an thohdan an hrilh mai tur a nia …

An hlep chu an hlep a ni mai …. NREGS Guuidelines ah hlep nei suh u …. hlep mipui sem roh u … etc a awm lo reng reng .

Report this comment
7
Ditto Says:
August 11th, 2009 at 11:15 pm
Hauruang hi eng block hnuai nge ni reng reng le, an va buai om em em ve mole poisa ah hian

Report this comment
8
mkima Says:
August 11th, 2009 at 11:19 pm
Hauruang sawitaka chuan ka tet lai buhtuh in kahliam palh laiah min puitu Nula kha a hming pawh ka hre lo, ka hre reng thin, lalpa zarah Mizo ka thleng leh anih chuan hmuh ka tum ang,

Hauruang khua misual zingah kan awm anih chuan min hrilh rawh u plzz, zawh tur ka nei ee. hmmm

Report this comment