- C. Rokhuma
(Zofate zinga Indigenious Scientist kan tih mai thin C. Rokhuma thu ziak hi han chhiar ve hrim hrim ila. Vanglaini ah a lo chhuak a. Phone hmangin ka han dil a. A lo phal viau mai a. Ka lo post e. Thil chhinchiah lama mi entawn tlak. Thil chik mi leh ngaihtuah peih mi a ni. A thu ziak a piang hi a tha a a zahawm em em bawk. Upa tak ni chuang hian kan hmakhua hi a ngai em em a ni. Colege leh University naupang in an pan nasa thin. Upa tak ni chung hian ala fit khawp mai)
Kum 100 kal tawh hma lamah kha chuan Mizoram hi sai leh samak leh tumpang, sa lian tinreng chenna ram a ni a, ram pumpui luipui leh a fintu lui te dung zawng zawng hi mau chi tinrengin a bawh dum dur a; chung mau tlan tur chuan kil tinah sai rual an tla duah duah thin. Chutiang ram chu a nih avangin kan khua leh hmun tam tak pawhin hmingah an chawi nghe nghe a nih hi:- Saisih, Saitual, Saichal, Sailulak, Saidan, Saitlaw, Saihum, Sairang, Saibual a dang pawh a la tam mai.
Tunah chuan mihring kan pung a, ram kan ren lem lo bawk a, mautam hmasak, 1959-ah te kha chuan, Mission Veng atanga lang phakah mau hmun pangngai zau tak tak hmuh tur a la tam mai a, khua atanga mel khat lekah pawh chhuah lam leh tlak lamah ram mau put tur a la tam mai.
Mi an fing telh telh a, mau tangkaizia leh a hmanna a tam sizia te an hria a, tunlai khawvel finna (scientific development) thuk zawk thiamna nei ram te phei chuan lehkha siam nan pawh an hmang phal tawh mang lo hial a; keini erawh chuan tihmang vek tum ang hrimin a tuai chawr tir atangin zawrhsumah kan hmang a, kan pho chhuak tiar tuar a, kan la hlim thei fu tho si a, kan la mawl em a ni.
Ngun taka ngaihtuah chuan, tuna mau tuai zuar lo thei lova inngai, thiamna hranpa nei lo kuthnathawktute ngei hi, mau hmanga eizawng thei sa reng an ni tih hi inhria sela ka duh ngawt mai. Kan mautak hi hmanna a tam ber a, a deh vel a awlsam a, thil hlu laihchhuah, hautak zeta hnam fingten harsa taka an phawrh, rangkachak leh lunghlu leh oil phawrh ve thei lo mah ila pa mawl ber pawhin a tapchhak zawlah, nupui te laichawngdit phakah chhungkaw chawmna, mei vil chung pawhin mahni tawka Industry a din ve theih reng a ni.
Tuna kan hmuh theih leh thawh theih maiah pawh, vai rimtui halna kuang, mau phel sin, ek ther thiarna atan pawha hman tham loh, India rama mi tluklehdingawn aia tamin tuk leh zana an hman tur Mizoram atang ngawt pawhin thla tin motor engemaw zat phur an lei duh ngawih ngawih a. A lakhawmtute pawh an awm nghe nghe a, hengte pawh hi i ngaihven tha teh ang u, pisa babu nih emaw, contractor nih emaw kher hi sum lakna awm chhun a ni lo a nia. Tuna mi hausa kan tihte bultan dante hi zawt teh u, a sang lo hlawm teh a nia; chaw an khawn em lo chauh a ni.
Israel rama ka zin lo haw khan, mi thenkhat chuan eng emaw an thil siam leh tihdan paw chhuak turah min ngai a, zawhna tam tak min zawh chu – engnge kan tih ve theih tur rawn puak haw i nei em? min ti thin a. Kei chuan, “Keini han tih ve mai theih tur puak chhuah engmah ka nei lo, ka puak chhuah chhun chu ‘taihmak hi hlawhtlinna bul a ni,’ tih hi a ni mai,” ka ti thin. Thil engkim a nih tur ang, kan beisei ai daihin a tha vek a, an thawk suau suau hmuh awm tak a ni a; tumah kan hmu si lova, tha lutuk duhthusam aia thain an thawk si a; thiamna leh taihmak tang dun ni berin ka hria, tih hi tun thleng pawha ka chhanna a ni.
Mau hi Mizote tan kan rangkachak hlu tak a ni tih hi, kan tihrem zawh hma hian kan sorkar apiangin an hriat a, an thanharh a ngai. MNF sawrkar hun hmasa lam khan mau lamah an bengvar hle a, mau tha chi, tâm lo, lian si ram dang atangin an la lut a, a chi siamna hmun (seedling) pawh hmun engemaw zatah an siam kha a ni a. Tun ang hun, khawvelin mau hmanga thil hlu tak tak an siam chhuah ur ur tawh hunah hi chuan hman tur chu awm ve tawh awm tak a ni a, theireh takin a reh ta vang vang mai si a. A tangkai leh au ring ber zawk chu kan ram mila Pathianin kan chai tawk vela lian, hmantlak em em si min pek te hi an ni a, tipung tur leh humhalh turin kan sawrkar neih apiang thangharh sela a tha berin ka hria. Nungchate humhalh aia nasa zawka mau, a tuai atanga kan humhalh a tul hmasa ber a ni.
Sawrkar hian, mau sawngbawl thiam sawrkar dang ramah an thiamna chaw chhuak turin emaw, min zirtir turin emaw anmahni chawk luh emaw zawnga hma a lak a pawimawh a ni.
Mau hmanga eizawnna nghet, sawrkar hna thawh aia thlan chakawm khawpa ram rawngbawl thiam sawrkar nei zel thei ila, hna hmu lo pun khawm a tul reng reng lo vang.
Kan mau bung paih mai mai ang te, kan chheh tawih tak mai mai ang te hi phai ramah an ti phal ve lo. Tun atanga kum 10-ah khi chuan, mautak tha pangngai tlawn sei zenzawn chu cheng 100/- in an la hralh ngei ngei dawn. I ringhlel em?
Kan maute hi buh bar thei tawh phawt chuan an ei hmuhna sum hnar, Mizo hnam ‘rangkachak’ a nih hi. I humhalh ang u. I hmang thiam ang u. Industry department che chhuak teh u. Kaihhruaina leh thiamthute vawrh darh chak teh u.
Similar Posts:
- ZOO hi ransa te tan Jail chikhat a ni
- Elevated Road kan siam ang maw?
- Uisa dawr hi…
- Anthurium Festival Vrs Grape Festival
- Zu Hi Engvanga Do Nge Kan Nih ?
.a lawm...
Haokholal Thanzom sawidan...
December 9th, 2010 at 9:31 pm
Bai zo ringawt love chi nang,awmze nei a kan ram chhungah ngei kan sawngbawl ve ang chule.
Report this comment
December 9th, 2010 at 9:39 pm
voi 2 ka chhiarna. vanglainiah a chhuak tawh!
Report this comment
December 9th, 2010 at 9:41 pm
mau hmangin lengpui lamah pawisa bawkte an khawh ve kha,an bai zo hmanlo niang.
Report this comment
December 9th, 2010 at 9:43 pm
login ve thei ta hram e
nia mau kn hman tangkai thiam a hun ta khop mai…
Report this comment
December 9th, 2010 at 9:51 pm
Bai aiin thil dangah hman tangkaina a tam zawk.
Report this comment
December 9th, 2010 at 10:00 pm
Hman deuh khan agarbati stick siam kha an uar viau nilomni, thingtlang velah? Khatiang ang project tihtlak v deuh kha siamsak reg an ngai reg ani., sorkar lamin. A nihloh cuan rawtuai mautuai hralhna man a buhfai leh zirlaibu lei ve thei trong2 chhungkua tam tak an om si..nature in a provide sak hmagin ei an zon mai zel a ngai si a ni..
Report this comment
December 9th, 2010 at 10:03 pm
Vawiin chu hetih tur ni maw mautuia tin Thailand chhuak kan lei teh tlat chu.
Israelis ho ai in Mizo kan taima fe zawk.
:lol: :lol:
:? :kiss: :undecided:
Report this comment
December 9th, 2010 at 10:04 pm
Smileys paruk…mmmm… :rolleyes: :lol:
Report this comment
December 9th, 2010 at 10:11 pm
A eng mai pawh hi sawrkar ang hi chuan a chingpen a nih hi.. Kan chingpen, in chinpen :lol:
Report this comment
December 9th, 2010 at 10:15 pm
Kan ram hruaitute hian vision an nei lo nge? an vision hi kawrapsawn hian a nih tur ang hian anih tir thei lo zawk aw..
Lengpui a industry pawh kha sawrkar kut a a awmlai khan an chawibelh a, mimal kut a a awm hnu hian hlawk na a awm chauh an ti ani law mi?
Report this comment
December 9th, 2010 at 10:18 pm
Pathian hian a rama cheng te khawsak phung mil zel tur hian thing leh mau te hi a awm tir thin a, chutiang tur chuan mihring pawh kan resources neih ang mil zelin kan in adapt ve mai thin tih hi ka rin dan a ni. Chuvang chuan ramdang hmun dang atanga mau chi tha tih angreng hi chu ka pawm ve thei lo tawp mai. Tin kan lakluh ve ang te hi, chhawr tham leh tlak a puitling hmuh tur a va vang em!.
A thuziak sawi tum leh thupui erawh a tha, import lai te mai khi ka comment ve duh a ni e.
Ka lawm e.
…khrum
Report this comment
December 9th, 2010 at 10:19 pm
@vl chinzah, vision an nei lova, coruption ah an buai bawk vang alawm hma kan sawn theihloh.
Report this comment
December 9th, 2010 at 10:20 pm
‘Tun atanga kum 10-ah khi chuan, mautak tha pangngai tlawn sei zenzawn chu cheng 100/- in an la hralh ngei ngei dawn. I ringhlel em?’
Ringhlel lo.
Kan awmna ah mizo ho cheraw kan turin min sawm ve thin a,mau pum khat Rs 70 in kan lei thin…lam man a to thei khawp mai.
Ka inluah bul park ah mau hungkhat a awm a ka thianten zanah an khawrh ru thin :lol:
Report this comment
December 9th, 2010 at 10:23 pm
development chungchang kn soi ta sa2….hmasawnna lian tak cu a ni tho naa keicu electric power kan intodelh hma chuan stadium sak te hi tul poh k t lauu…..ngaihdan k rn soi ve mai2 nih cu…..
Report this comment
December 9th, 2010 at 10:25 pm
Bai zo vek love. A thenin an kang a, a thenin an chhum hang a, thenin an um. Hnam vir tak kan ni ve khanglang a, sai te chu kan hma na a rei tawh. Mau hmang tangkai lo ber chu kan ni lem lo. Mahse industrial use atan chuan kan thiam thlawt lo ani e.
Report this comment
December 9th, 2010 at 10:25 pm
#14: Ka like tep. Concurrently in an kal thei tho a lawm!
…khrum
Report this comment
December 9th, 2010 at 10:36 pm
kan bai zawh hma in vai ho in an la zo dawn tho anih hmel!! vai ho in an lei zo vek tur hi kawng danga hman tangkai dan ngaihtuah a tha zawk ang a!!!
Report this comment
December 9th, 2010 at 10:52 pm
Kan ram hi hmangaihna tak tak nen a kan en loh chuan kan ram tia kan chhal MIZORAM hi kan society chawp hian ala ral ngei dawn.
Kan ram hruaitute hian an mahni tanghma chauh hai lo hian khua kan tlai hma hian POLICY (SUM SIAMNAN CHAUH NILO)mumal nen kan ram an hruai ahun tak zet ta, Chutiang bawkin mipui te pawh hian kan ram rohlu te hi mahni tanghma chauh hai lo hian kan duat thiama a kan humhalh a pawi mawh tak zet ta.
Report this comment
December 9th, 2010 at 11:12 pm
Tangkai zawka kan la hman ve ngei han beisei ve phawt mai teh ang.
Report this comment
December 9th, 2010 at 11:26 pm
He post chu ram hnuk khawih pha te zing a tlem a zawng ka ngaihtuahna pho chhuah ve theihna a ni tlat mai. Tlem kan sawi ve.
Mau hi ‘grass’ anni. Phaitual hnim te nen hian an in ang. Mahse phaitualhnim te nen an pianphung a dang chauh zawk. Chu ta tang chuan an to chak dan tur chu in chhut zawm atan. 1959 khan mau hmun zau zawng tur awm ang chu a postah khian a rawn tar tawh khi. Chuta ka rawn sawi duh chu hei hi a ni.
1. Mautam kan tuar zo chiah a. Kan mau te an thi vek a, an rah tla atangin mau an rawn indin leh dawn chiah. Mau hi a rah atanga rawn to chhuak hmantlak tur chuan kum 3 an mamawh. Chuvang chuan tun kum 3/4 chhung hian, tuaiterek leh mautuai i khawrh lo ngam ang u. Sawrkarin kaihhruaina khawng tak keng rawh se.
2. Mautam atanga kum 5 hnuah erawh hi chuan duh leh kan bai ang a, duh leh kan tlak ang. A chhan chu, a tuai kan khawrh hian an rem tawh dawn lo. Leihnuaia, an zung in zam pharh zel atangin an rawn to zel tawh dawn.
3. Ararbatti/paper mill, etc etc a kan hmang tangkai dawn a nih chuan, kut hnathawktute thleng pha in, a market fel rawh se. Tu te comission a, kthnathawktute interest thleng pha lo hlawkna telna tur mai mai ni lo in. Tin, a market a fel loh chuan kan thut thawih tho tho dawn.
4. Mau ka tih hian ‘mau’ chungchang ka rawn sawi a ni e. ‘Rua/raw’ chungchang ka sawi tel lo. Tin, ‘mautak’ tih hi engnge ka hre lo.
Report this comment
December 9th, 2010 at 11:37 pm
Mau kan tih hian ‘rua’ ho poh hi a huam vek sia ngati nge rawthing tuai te, rawnal tuai te hi mautuai ka tih hian ani lo rawtuai ti a min lo correct thin ka hre thiam lo
Report this comment
December 10th, 2010 at 12:12 am
“Tun atanga kum 10-ah khi chuan, mautak tha pangngai tlawn sei zenzawn chu cheng 100/- in an la hralh ngei ngei dawn. I ringhlel em?” Ka ringhlel lo khawp mai. Kan awmnaah pawh hian hmanni deuh pawh khan mau tlawn khat cheng 120 a kan lei chu le..”Kan ram chu nise aw…”kan ti vawng vawng mai alawm.
Hetiang ang thuziak tha leh ram tan a tangkai hi kan sawkar hruaitute hian chhiar thin se la, chhiarah duhtawk mai lovin ram tan a tangkai tur zawngin hmala thin se la ka va’n ti thin em..
Kan ram hian nakin hnu a hnam boralna tur kawng kan zawh mek te hi a ang ka ti thin. Nge Pathian zawnchhuah ram kan inti thin a, min thlang a in zawng chhuaktu Pathian hian thil min zirtir a tum zawk..!
Mizoramah Mizote kan pung chaklo ngaihtuahin kan ram a hnamdang awmte an pung tual tual bawk si. Mi tam zawkin kan ram hausakna thing leh mau, nungchate hi duat nachang kan hre bawk si lo. Kawrapsawn lah a puk telh telh, rethei an rethei tual tual, thalai tamtak nun natna tihbaiawm takin a tibuai bawk..aaa atam mai.Hei ha hui ha…
Mahse kan la tlai chuang lo ve. thangharh a siamthatna hun kan la neih lai hian i tang zel ang u..
Report this comment
December 10th, 2010 at 12:35 am
‘mau’ leh ‘rua’ a danglam. An ‘tuai’ pawh a danglam…
Report this comment
December 10th, 2010 at 12:46 am
rua poh mau in a huam tho alawm, keichuan mautuai kan tih hian mautak tuai chauh ni lovin a colletive name ah ka ngai.
Report this comment
December 10th, 2010 at 1:21 am
@mach3,anih PHAR hi mau ah i chhiar tel em? Mau leh rua chu an danglama hriatpawlhloh a tha sin
Report this comment
December 10th, 2010 at 1:25 am
Babutea==== Banboo
Babutea mau kha kawtlai tih mawi nan a tawk chauh an tri.
Mizoramah mau kan hmang tangkai ber.Atuai kan ei a,a kung ban,bang,chhuat,tuidawn,bangrel.Ahnah inchung,thlam chung.
Tiangkawm.chemfawng,tuthlah ha.hmarcha rawt fawng,buhtlei,fian,tul,em,fawng arbawm,pal,vawk/ui rawh nan,meichher :lol:
Report this comment
December 10th, 2010 at 1:35 am
One smiley.
Report this comment
December 10th, 2010 at 2:50 am
https://misual.life/2009/04/.....boo-ratan/ hi ka lo post ve keuh tawh.
Bamboo & Ratan atang hian eizawnna ngelhnghet Asia ram thenkhat hian an va siam nasa em. A chhawr ber ber tu chu mipui rethei te te an ni eizawnna ngelnghet an neih phah.
Kan vir em avangin kan RO hrui-hnag te hi a zik kan eizo zel anih hi le.
Report this comment
December 10th, 2010 at 7:36 am
A dik khawp mai. Mahse tuna kan mau, vai ho tawlh thlak zawng zawngte hi dang thei(ngam) ila’ chuan, a tuai khawrha eizawn nana hmang ho ringawt hi chuan an ti rem hauh lovang.
Report this comment
December 10th, 2010 at 7:42 am
A khawrhtu Matu,
A bai ilo eitu lah keini …
Kawmthlang lawkah mau a kur suau suau va,
Dap bang awng em em thawlengah kan cheng peih reng lawi si!
Kan that hi zawng a chhe fuh em mai!
Report this comment
December 10th, 2010 at 7:59 am
#20 shailendra, i comment zawng zawng zinga a sei ber a ni lo maw?
Aw le, Bamboo Development Agency a awm tih i hria ang u. An hnathawh te, an hmalakna te hriat a chakawm hle mai. Bamboo processing plant (?) dinna tur loan te an pek ve kha maw. Ka hrechiang bik lo.
Report this comment
December 10th, 2010 at 8:09 am
ZerO, tinge ka titi kal laia post a rawn chhuah vei… :lol:
Report this comment
December 10th, 2010 at 8:24 am
Inrinni khan kan huanah ka zuk kal a, Vai Mau satin min dil miah lovin kan mau an lo sat anih chu. Ka thin an tirim khawp mai…. Kan huan chhak chu Forest Deptt.ram a ni a, tuna bialtu nilo, bialtu hmasa RO chuan Vai Mau sat ho hnenah a ma mimalin a lo sahtir ve ringawt a. Pawisa a lo dawng hmiah lehnghal tih ka hre zui mai chu. RO hming tarlan a, hotute hnena hek tak mai ka nap mai..
Report this comment
December 10th, 2010 at 8:36 am
Mau policy tha tak neih chu a tul khawp mai…
Khawvel hmun hrang hrang a mau awmna a piangah erawh chuan a tuai hi chu an ei ve thin vek an ti.
Report this comment
December 10th, 2010 at 8:59 am
ruatruatapa, report hmiah rawh… I ipte chhung a i pawisa a rawn zen ve ringawt a nih chu…. grrrrr…
Report this comment
December 10th, 2010 at 9:08 am
Xaia, helamah pawh mautuai/rawtuai chu an zuar alawm, a to phian lehnghal a.
https://img602.imageshack.us/im.....pwhtyy.jpg
ruaruatapa #33 report zel a tha ka ti kei chuan.
Report this comment
December 10th, 2010 at 9:08 am
35 @ Shailendra : Keipawhin ka hmuh tirh chuan ka ti dawn em mawni aw… ka ti deuh va; mahse, a hnuah ka ngaihtuah leh a, Krismas te a hnai tawh a, hlimna ni hi mi thenkhat tana lungngaihna niah kan chantir palh ang tih ka hlau deuh va, ka ti ta lo mai anih kha… Chunglam action lak hun nghak tawh mai ang! :lol:
Report this comment
December 10th, 2010 at 9:16 am
Report duhlo mahla cc hria ilang chuan ka rawn report chak reuh mange
Report this comment
December 10th, 2010 at 10:08 am
Post tupa, I ziah a ni lo a mahse hetiang thu tha lutuk lo chhawp chhuah nachang I hriat avangin I fakawm e. A ziak tupa Pu C.Rokuma a thu ziah tha ka tih em avangin lawmthu min lo hrilh sak dawn nia.
Report this comment
December 10th, 2010 at 10:21 am
MAU, MAU RANGKACHAK KAN BAI ZO DAWN EM NI ?
Keini chuan kan bai ve tlat lo. Sorkar hnathok tluk deuh thaw a hlawh hmuh that nan a hmang an awm mek e. Mahse anni hi chu tlemte ani.
Serchhip thlen phei hma Chhingchhip ah khian RADP Office a awm a, chutah chuan tunah pawh hian training an pe mek a, chuta an training pek ah chuan Mau hmangin Eiffel Tower leh London Bride siam an zir thin. A ropui khawp mai.
Heng an thil siam te hi World Bamboo Day, Kisama @ Kohima a an neih tum khan expo nei ve turin Eiffel Tower leh London Bridge chu kengin an siamtu pahnih ka han hruai ve a. Ropui tak a ni. Northeast ah hian rin phak bak a mawi leh nalh mi hian mau atang hian thil an lo siam a, mahse chung zingah chuan he an thil siam ang hi a awm ve lo. Ngaihhlut a hlawh hle.
Heng an thilsiamte hi Mizoram chhungah hlut an hlawh sak dan ber ah pawh “a va mawi ve, min lo pe” tih te a nih mai mai avangin Mizoram chhungah an pe chhuak meuh lo. Eiffel Tower hi Rs 8000/-, London bridge Rs 10,000/- ang zelin tunah hian ram pawnah an pe a, demand poh an supply hneh lo chu anih hi.
(A thui lutuk dawn) Hre chiang duh in awm chuan radp777@gmail.com ah zawt chiang ve mai rawh u.
Report this comment
December 10th, 2010 at 3:20 pm
He post leh comment ho chu van ngaihnawm ve ! K a’like’ e. …. :lol:
Report this comment
December 10th, 2010 at 7:46 pm
@Comment tu zawng zawng te Pu Rokuma(Padma Shree) aiiawhin lawmthu ka lo sawi e. Ka awm danin a zir lo deuh a kalo vil ve hman miah lo a pawi hle mai.Amah hi 90+ a upa a ni tawh a,a dam rei tawh lo mai thei mah se Mizo te hmakhua hi a ngai em em a a zahawm thin em a chuvangin kalo post a ni e.
Cooment pawh ngaihnawm e.
@William Ralte ka rem chan hmasak berah lo hrilh ka tum ang.
Report this comment
December 10th, 2010 at 7:53 pm
‘Indigenious” tih hi dictionary a a awm pawh kalo hre lem hleinem
Report this comment
December 10th, 2010 at 7:55 pm
‘Chilim’ tih pawh dictionary ah a awm ka hrelo
NOI fiamthu mai mai 
Report this comment
December 11th, 2010 at 3:20 pm
@Funny thin hi chu aw…ka lawm e. A hlimawm thin e. Thiltih sual hi awl ve em a. INDIGENOUS a ni zawk e. Mizoram ah te i hawn chhoh hunah han leng ngei rawh. Physics term te pawh eng eng emaw chu Mizo tawng a dah a nei nual a nia.
Report this comment
December 11th, 2010 at 4:15 pm
Vaipaden siam nan a tha eee.. eng ang pawhin mautuai hi chu bai, kang, pumchhum pawhin ka like vek. Mizo chawhmeh (sa tihloh) ah chuan ka duh ber…. :lol: :lol:
Industrial development lam chu hlat hmel tiah tiah, Digestion Industry lamah ah luangral vek :lol: NOI
Post leh comment zawng zawng ka chhiar atangin ka upa leh sawt e. like :lol:
Report this comment