Kum 118 AD/CE vel chuan Rom lal chuan an pathian te hmingin Rom sawrkar ropui zia lantir nan, Pantheon (temple) chu a sa a. Hetih lai hian Rom sawrkar chakna chu cho (challenge) a lo ni ve mek bawk a. Rom sawrkar cho tu chu lalram dang ni lovin, Juda mi pakhat leh a thuihhruai te an ni.
A ni hi chu Isua ang lo takin sipai lama hnehna chan tum a ni nghe nghe. A thuihhruai te chuan, “Bar Kokhba” tiin an ko a, a awmzia chu, ‘Arsi fapa’ (son of the star) ‘Messia’ tihna a ni. Tunge hemi, Messia ti a an koh mek, Rom sawrkar thingthit tir tep tu hi?
Simon (Shimon) Ben Kosiba chuan Judai ramah nasa takin Rom sipai te chu a do ta a. An hun laia Rabbi lalber, Rabbi Akiva chuan an nghah Messia ngei ni a ringin hriak a thih a, Bar Kokhba (Son of the star) tiin koh a ni ta a ni.
Hetia, Bar Kokhba ti a koh a nihna chhan chu Number 24:17 a kan hmuh, “… Jakoba atangin arsi a lo chhuak ang a,” tih atanga irhchhuak a sawi a ni. Messia anga ngaih chu arsi nen inkungkaihna nei ngei tur a ni, Isua pian pawn mifing pathum ten Bethlehem arsi an zui kha! Hetih lai hian Kristian chu tlemte an lo awm ve tawh bawk.
Khatia kum tam tak Rom sipai ten an awpbeh hnu khan, an temple te chu tih chhiat sak an ni a. An temple awmna hmunah chuan Rom lal Hadrian chuan ringlo tu te temple sak a tum mek nghe nghe. Chutih laia Simona lo thawk chhuak chu an Rabbi sang ber chuan hriak a lo thih ve hmiah mai a nih chu. Bar Kokhba chuan Rom sawrkar chu hneh lovin Betar kulhah an inhnukdawk a. Jerusalem Talmud ziakah chuan, “Rom sipai ho chuan an hmelma (an Messia! pawl) te chu that zelin, a tawpah phei chuan an sakawr hnar thleng thisen tlinna hmun te pawh a awm a ni,” tiin. A inziah zel dan phei chuan Betar hmunah hian Rom sawrkar hian Juda mi te chu kum sarih chhung mitthi phum pawh an remti lo zui nghe nghe.
Chutia, an Messia a tlawm takah chuan Juda ho chuan an Messia, ‘Son of the Star’ an tih chu hming thar pe lehin, ‘Bar Kozeba” Dawheh fapa tiin an ko leh ta thung anih chu. Juda te hian an ram awptu te laka chhan chhuak tu tur hi an nghakin an thlahlel thin em em tih chu hai rual a ni lovang. Mahse an chan/nghah dan hi mihring duhdanin, a rikrum thil zawng a hawi tlat niin a hriat theih bawk.
Isua zuitu te ah hian Rom sipai tam tak an lo inphum ru tih hmuhchhuah thar a ni. Rom sipai Kristian a inlette hian sangha lem mai bakah Sator square chu an chhinchhiahnan an hmang tih hriatchhuah thar a ni. Rom sipai Kristian lo ni ru te awmna hmun apiang, Europe ram hrang hrangah Sator square hi hmuhchhuah niin, ringlo tu ten sawi danglam tum thin mahse, a chhan sawi tur tha reng an nei theilo.
An hmuh hlui ber chu Pompeii khua, tlangkangin a chhilh hnuah a ni nghe nghe. An hmuhna in neitu hi Middle east lam mi, Rom sipaia kum 20 chuang tan tawh vanga Rom citizen ni ta inah a ni. Ani chuan Pompeii khua chu anchhia a lawh a, a tawngkam banga inker te pawh hmuhchhuah belh zel a ni bawk.
Bangah chuan, “Mei leh Katin chhilh che u rawh se,” tiin anchhia a lo lawh a ni, amah chu Kristian a ni tih lannan, a bangah Kraws te leh Sator square te hi hmuh tel niin, Pompeii inchhung a milem bawlhhlawh tak tak awmna kara hetiang inker awmna in (house) awm chhun a ni nghe nghe. A thu hrimah Pompeii khua kha Sodom leh Gomora nena tehkhin alo ni thin reng a ni.
Sator square ah hian, Mizo tawnga ‘Ramar’ lehlam lehlama a chhiar theih ang hian a laia mi TENET tih loh chu chhiar let theih an ni hlawm. Tenet tih hi a dung leh vang hawiin a awm ve ve a “kraws” angin. Tin, a thu inziak, Sator, areto, tenet, opera leh rotaz te hi an han ching darh a, Paternoster “Kan Pa” tih a in kawkalh ‘Kraws’ angin a rem theih tih hmuhchhuah a ni. Tin, “Kan Pa” tih hi thumal pali chuang an chhipah theuh han dahin A leh O “Alfa leh Omega” a ni chiah bawk.
Isua khan Juda te hmelma kha tharum a hneh lovin, Pa thu hmangin, an thinlung lamah a lo hneh a ni tih a chiang hle mai. Isua Krista kan Messia, Juda te Messia, kan tan ilo pianni kan hriatrengna a lo thleng dawn ta, kan lawm e. Dawhtheihna leh hmangaihna ropui zia, Isua Krista atang hian i zir theuh ang u.
Source: Early Christians art and architecture (Signs and Symbols), Naked Archeologist (History channel)leh lehkhabu dang te behchhana ziak ka ni.
Similar Posts:
- Coffee Nite: Event of the Advent.
- Che Khir!
- Anti-Christ hi Juda pachal a nih duh hmel
- Isua hi Pathian a ni
- Mak ve mai mai
December 24th, 2010 at 1:35 am
khai a!!
Report this comment
December 24th, 2010 at 1:39 am
A va thui ve !!
Report this comment
December 24th, 2010 at 1:41 am
Hanc: niang chu mawle, a thui khawp mai hairehai. Lehkhabu hrang2 leh thil dang atanga lak khawm ania, a tawi thei ang ber ang tur chuan kan ziak chu ania hairehai
A ninawm nep deuh nan, para pawh ka siam nasa reng a ni 
Khawngaihin min chhiar chhuah sak aniang chu
Report this comment
December 24th, 2010 at 1:43 am
Bengvarthlak hle mai
Report this comment
December 24th, 2010 at 1:52 am
sisen, Tun thlenga an Rabbi ngaihsan Akiva in hriak athih Simon khi, Jordan khuaa piang ala ni zui tih an hrechhuak deuh2 asin. A sei dawn lutuk a, ka ziak tel loh zingah ka telh ta mai a ni.
Report this comment
December 24th, 2010 at 2:03 am
E ava ngaihnawm ve. Mah se ka chhiar that leh a ngai. :happy:
Report this comment
December 24th, 2010 at 2:11 am
Kan rinna min ti puitling tu atan hmanrua ni tak em. A lawmawm e. :happy:
Report this comment
December 24th, 2010 at 2:14 am
Khawnge kan chhiar tak tak teh ang.. Count of Monte Cristo ang deuh ani, vawikhat chhiarah chuan a fiah tlatlo…
Report this comment
December 24th, 2010 at 2:14 am
Sator Square hi Rom sipai ho infiamna emaw, an magic thil emaw an ti fo thin. Mahse zir chianna atangin Kristian tangru, Rom sipai te chhiahchhiahna ziak a ni tih an hmuchhuak ta a ni. (Naked Archeology)
https://img64.imageshack.us/img.....rnoste.png
Report this comment
December 24th, 2010 at 2:16 am
Sator square atanga paternoster an remchhuah dan hi sawifiah ava tha ve post tu
Report this comment
December 24th, 2010 at 2:21 am
E, ka hre ta, crossword puzzle ani maw? A har ka ti eeee
Report this comment
December 24th, 2010 at 2:30 am
Asteric, A laia tanga intan TENET khi a lehlam lehlamin han rin tlangin Kraws a ni phawt.
A awlsam zawngin ka link hmuh atangin ka rawn paste mai ang e:
It is possible to write a horizontal and a vertical ‘Pater Noster’ (Pater Noster stands for “Our Father” The most important prayer to christians) with the letters of the sator square, forming a Greek cross. The two As and two Os which remain are then taken as Alpha and Omega. Another claim is that the words are a list of the “mystical names” for the nails pulled from Christ’s body. The associations indicate the square may have been a safe, hidden way for early Christians to signal their presence to each other in a city without exposing themselves to persecution. The Sator Square uncovered in Manchester has been interpreted as early evidence for the arrival of Christianity in Britain.
The Mithraic origin and meanings of the rotas-sator square By Walter O. Moeller ah i hrethiam ang ka ring.
Kristian hmasa te khan Sangha lem pawh an chhinchhiah nan an hmang tih i hriat ka beisei
Report this comment
December 24th, 2010 at 2:40 am
Ka link hmuh ah chuan Anticlock-wise in vawihnih rem angai atia, ka han try ve chhin a ka la buai mek :lol: … interesting tak a ni.
1. “sator” means “sower” or “planter”
2. “tenet” means “he holds”
3. “opera” means “works” (or “cares” or “efforts”)
4. “rotas” means “wheels”
A thlir/chhiar tute chu an bum ve chiang a ni
Sangha chu Jews Kristian ho atanga chhuak niin a Arabic zawkin ka lo ring ve a. :lol:
Report this comment
December 24th, 2010 at 2:48 am
Kan Fanai pa chu aw :lol:
Report this comment
December 24th, 2010 at 4:33 am
Isua Juda ten an khenbeh kha Mesisia ngei ah ka pawm keuh mai ka Xtian pui ho pawh hi an nih vek ka ring.Thil dang zawng aiin kan Bible-a inziak ang hi ka pawm tawp mai kei mi(sual) hian
Report this comment
December 24th, 2010 at 4:38 am
Nakinah uluklyin ka la chhiar ang
Report this comment
December 24th, 2010 at 4:41 am
Nizan ka mumang chuh!! ka hre vek tawh lo…eng bung 9: chang 4 tih chu ka la hria…hman ni youtube a kan kohhran hnialna lam te nen ka mumang chawhpawlh nuaih a..engpawhnise..he khawvel leh a chhunga chengte hi by chance ni loin siamchawp kan ni tih hi ka chiangthar khawp mai!!!
Report this comment
December 24th, 2010 at 7:42 am
A va mak ve a!
Report this comment
December 24th, 2010 at 8:16 am
A ngaihnawmin a bengvar thlak e, H.V nge nge, a ropui lutuk.
Kan Lal Isuan mi a hnehna chakna hi zawm ve har tak, mahse mite hnehna tha ber nisi a ni.
Report this comment
December 24th, 2010 at 8:19 am
A va’n ngaihnawm em! Pu HV hi Mizorama i awm lai khân Sande Sikul zirtirtu i ni ngei ngei ang :? I thu khel dan aṭang hian i phawrh chipchiar thiam thlat!
Report this comment
December 24th, 2010 at 8:52 am
ngaihnawm dup dup hle mai…kristmass chibai vek u le ..
Report this comment
December 24th, 2010 at 9:01 am
OT lawks!!! Han comment chhun zawm zel a chakawm viau na a, current a awm lo leh tlat mai. CPI Power Dept ho khân Pi pu Chhuahtlâng lam hi han ti êng leh teh u. Hetiang te chuan kan Misual thei nâng.
Report this comment
December 24th, 2010 at 4:01 pm
Pu HVa hi. .a chang leh Isua pian ringhlel zawng ni awm tak2 ten, a chang leh Isua ngei hi Messia a nih zia ang zawng ten I rawn ziak a! Ngaituahna a ti thui thei khawp mai :lol:
Report this comment
December 24th, 2010 at 7:27 pm
Chhangteval digging for the truth alawm
Isua pian ka ringhlel ngailo, Mathaia thukhawchang an ziakchhawn dan hi rinhlelh theih tur a awm nual tlat alawm. Isua chanchinah chuan Paula leh Luka hi belhchian an dawlin ka hria.
Report this comment
December 25th, 2010 at 2:02 am
messia hi bibleah chuan judate laltur tih a ni in ka hresia,lal a ni ta bawksi lo a,bakah bible hian messia lo kal huan ah chuan judate hamthatna tur hlir a sawi sia,
judate chuan Isua hi eng a tan mah an hmang lehta si lo a,
A chhawr pawh an chhawr heklo,chu ti a lo nih chuan Isua hi messia a nih chuan bible hi a daw dawn tihna a vang ang mai awm ve,
Report this comment
December 25th, 2010 at 7:53 am
Daju chuh… phawrh ril ang reng ve !! Great.
Report this comment