Kum tam lîam tawh mahse, Nany, he thu hi I tân ka ziak lo thêi lo a ni. Fa dûhawm tak I nei ta hi ka lawmpui che a,ka thinlung zâwng zâwngin a ni êm tih erâwh ka sâwi ngam hâuh lo, ka sawi chîan thêih awm chhun chu á¹angdang bela hlîm taka, I awm ta hi lawmpui hle che mah ila,ka rilru tak chu ka min tina tu a ni thîn tih chauh hi a ni.
Kan nunhlui zâwng zâwngte kha a liama, a lo kîr leh tawh hâuh lo ang tih ka hria, mahse kha hun tawi te, a hrîat reng hun chhung erawh chatuan daih hîal khan vawiin ni thlêng hian min la á¹ah tir thîn a nih bêr hi maw !
Ka hmangaih thu che ka hrilh hâuh lo chê a, min hmagaih thu I sawi pawh ka hre bawk hêk lo. Amaherâwh chu, chîang tak leh hnâi takah inkawm lo mah îla; I sikûl bâng leh ka sikûl bang kan inhmuh ringâwta kan chet zîaah leh kan mit mengah thûk taka inhriatthîam tawnna kan nêi tlat sî kha a ni, mak ka tih á¹hîn chu.
Nangmah vângin in vêng lamah kan lo haw kuala, in vêng kawngte kha chhukcho hlê mahse, kan hmaa zah hmêl deuha ngâwi renga, I kal kha chuan ka penna tur kha duh aiin a hnai mâh mâh thin a nih kha!
Sikûl in hnaih tâkah kumkhat chhûng kan lut dûn a, kumkhat chhûng sikûl khatah kan lût dun leh bawka, châk tâk chung sîin kan in hmu hreh êm êm thîn a, kei a upa zâwk leh mipa zâwk khan huaisênna tlêmtal chu lo nei îla, khumkhûa a ka in chhirna tur hi ka in siam chawp lo mai tur a nia le! Sikûl house competitiona I zâi te kha vawiin thlêng hian ka bengah a la châm reng thîn a sîn. Lal pîan zana ,an sâwi Angelte zâi ri âi khan ka bengah chuan a nep chûangin ka rîng bik hâuh lo nia!
Sikûl kan zo a, rêi tak kan inhmuh loh hnuah kawngah kan intawka, ka lawm zîa leh hlimna san zîa kha hringmi á¹awng hian sawi fiah thiam rûal a ni lo. Kum a vei zêl I chanchin ka hriat chhun chu pasal I nêi tâ tih zawng a ni! Hun a lîam zêl a, rin loh taka Airport-a kan in hmu hlâwl kha, vawiîn thlênga ka hmuh hnuhnûn bêr che a la ni ta rêng rih a nih hi.
Kha hun hlimawm tâwite kha mit khap kar âng chauhîn thamral mahsê, ka tân chuan a hluin ava chhînchhîah tlak teh lûl êm ! ka hmu chê a, mîn lo hmu ve a, hlim hmêl dêuhin I nui vêr vêra, á¹ul vâk loah ka lamah I lo hnaia, ka be mâi ngam ta chûang lo che a, hnaitêah inpa a awm ve bawk nen . Tûma hriatpui ve si loh khan ka rilru a hlim vêng vêng a sin.
Tlâwhna panna kâwngah khân nangmâh chauhin I kala, I kal muang hrêt hrêt a; ka lo ûm ru deuh bawk che a, i bûl ka lo thlenîn ka huaisenna zâwng zâwng sâwm khâwmin, “Nany, I dam mâw?” ka ti hrâm a nîh kha. Nang chuan êng dânga mîn chhâng ta lo khân “ mîn hre duh tawh lo êmaw ka ti a sîn” I ti daih a.
Kan ti ti chhûnzâwm ta zêl a nih kha, thlâwhna kan thlen hmâ loh kha chuan. Ka lakah I uirê ka ti hâuh lo a. I tana uirê tih á¹awngkâm hman pâwh hi I in hmêh ka ti bawk hêk lo, mâhsê khatîh lâi kha chuan nagmâh leh nagmâh I inphatsân tih ka hrîa. Thlâwhna kan thlênga ka bûla á¹hu thei I ni lo a, kan iná¹hên a hûn ta , ngai hlê che mah îla, kan in hmu leh tâwh khêr lo mai thei, a tâwpna atân ka thaw rî khan “Nany, ka hmangâih che a sîn” keima hriat tawk lêk khan ka tî sâp a,kan iná¹hên ta.
He lêiah hi chuan khûanu samsûih ni lo mah ila, khawvel pawmpui dan angin innei lo mah ila, kan thinlûng erâwh kha chuan kan innêi chîang si a,kumkhûain kan intheihnghilh tawh dâwn si lo.
Nany, khawvêl lo awm leh turah tal ka beisêina ka la nghât tlât a,sîamtu hian hlîm taka kan awm dûn mîn phâlsâk tawh mahnâ. He khawvêlah hi chuan kan inhmu leh tawh khêr tawh lo ang, Nany,dâm takin,kumkhâa atân mângtha âw !!!!
August 23rd, 2011 at 8:30 am
A nga1hnawm hmel khawp mai, chh1ar tan ang
August 23rd, 2011 at 8:55 am
no comment
(kan tih khalh keuh teh ang 😀 )
August 23rd, 2011 at 9:07 am
ngaihnawm phian mai..post tupa hetiang i tawn ang tawng ve hi an tam ka ring..kan duh deuh leh hmangaih deuh bulah hi cuan chet chukchu te hi a awl duh khop mai..nangpon nupui tha tak cu ila hmuh ngei k beisei.. (Y)
August 23rd, 2011 at 9:11 am
No Comment.
August 23rd, 2011 at 9:14 am
Ka O.T Zuai, Kan ram “, Canada”, Opposition Leader Jack Layton, Vawin a thih hma August 20th a message hian ka rilru mi a hneh tlat “,My friends, love is better than anger. Hope is better than fear. Optimism is better than despair. So let us be loving, hopeful and optimistic. And we’ll change the world.”.
All my very best,
Jack Layton
August 23rd, 2011 at 9:15 am
A va pawi kher kher ve, pu hv-a te ang a man chu han ni la, khawvel a mi vannei ber i ni mai dawn si a leh. (H)
August 23rd, 2011 at 9:16 am
LOlzzzzzzzzzzz……….
August 23rd, 2011 at 9:19 am
kumkhaa atan mangtha aw..:D
August 23rd, 2011 at 9:19 am
zing zingah lunglenna thlarau hnathawh kan chang mai dawm lawm le. Ngaihnawm hle mai
August 23rd, 2011 at 9:25 am
No comment chuan alo NO comment leh hman ta haha
August 23rd, 2011 at 10:17 am
Ngaihthlaknawm, lungchhiatthlak, nunhlui min hriatchhuahtir..
August 23rd, 2011 at 10:36 am
Post tu pa.. Ka hrethiam tawp che.. Kei pawh khiang min awih san tawh a e.. Uire zeuh zeuh chang hi chu awm lo thei lo a ni 😉
Rilru ah chauh pawh ni mah se… I ziak ngaihnawm hle mai
August 23rd, 2011 at 10:42 am
A va ngaihnawm…ka mitthlain tu emaw ka hmu..
August 23rd, 2011 at 10:46 am
Thil engemaw min hriat chhuah tir,zing zingah ngaihtuah loh loh tur min ngaihtuah tir ta tlat mai le.Kan tleirawl ve laia ka Bawihtei kha tunah chuan lengdang tanglai belin midang duatlai chunnu a chan tawh tak kha mawle..E khai aa!! Ngaihtuah miah tawh loh tum pawha hetiang lam hawi in rawn post leh zauh thin a nih chuan kum sawm tal koh kir leh theih a van chakawm ve le…chutin.. (W)
August 23rd, 2011 at 10:47 am
Ziak thiam raih raih hle mai, lung a tileng ve thei mai dawn lom le….hehe
Thlukna chhinchhiahna erawh chu trul lovah i dah hnem mange aw…..te ke tia (F)
August 23rd, 2011 at 11:12 am
I chan ang hi a hrehawm…..ngawt ang..hihi
Lung hlui te pawh i ti thar leh alawm mawlieee..lol
NGaihnawm hle mai.
August 23rd, 2011 at 11:16 am
i tawn ang tawng kan awm nual a nia. Chuan.. Hawrawp inang, Chhiar sual leh hriat sual palh theih thil a nih lem loh chuan thlukna ka dah zen ngai lo. tul ka ti bawk hek lo.
August 23rd, 2011 at 11:26 am
I va ziak tha kher ve le. Hnuk te pawh i ti ulh mai dawn a lawm. Mahse, i dawih dei dui em a nih hi.
August 23rd, 2011 at 11:58 am
“A tlai zo ta” a ni maw. @6 Chhuaklinga, Pu Hv a pawh hi a Rawlthar First Love lakah chuan, eng ruai a ni bik dawn a mawni le? a sawi tlang nghal phawr phawr chu ka ring bik hauh lo mai.Har deuh mai asin.
August 23rd, 2011 at 12:09 pm
I luangliam, thlûknaah pawh i luangliam.
August 23rd, 2011 at 12:19 pm
ka lawm ee.. thlukna dahna ru ang chi hi ka la hre thiam tawk lo a nih hiiii…. ka la thiam ve mai mahnaa
August 23rd, 2011 at 12:20 pm
19 PKfanai@ ka lo ral rin ve tlut mai a sin. First love hi pathum vel te hi a lo nei reng mai lawng maw. 😀
a nin a ngam loh pawn 18 awmawmpuia@ khi chuan a ngam mai ka ring, a komen dan atang khian. 😛
August 23rd, 2011 at 12:24 pm
i chan hi ka hrethiam e..
August 23rd, 2011 at 1:06 pm
a ngaihnawm hle mai..
pawst tu hi ka risk chhin..tun sunday khan pu bena pawlah kn awm????
August 23rd, 2011 at 1:07 pm
a ngaihnawm hle mai (Y)
pawst tu hi ka risk chhin..tun sunday khan pu bena pawlah kn awm???? :-S
August 23rd, 2011 at 1:32 pm
i ring dik m oooo..lollzzzz dik mial thei asinnn
August 23rd, 2011 at 1:36 pm
Hetiang hun hi chu tupawh hian kan tawng vek a nih dawn hi maw le!
I ziak thiam hle mai. Nunhlui min chhui tir e.
August 23rd, 2011 at 1:47 pm
Thlûkna a tam tawps… Ngaihnawm
August 23rd, 2011 at 1:55 pm
nani chu inkhelh a thiam ang bawk in lung pawh alo ti chhe thiam nih hi… ;-( 😛
August 23rd, 2011 at 2:19 pm
@26..ziak thiam hle mai,a dang pawh kan lom beisei zel e 😀
August 23rd, 2011 at 2:30 pm
A ngaihnawm,i dawihzep vang liau2 in i chan ani maw,ka khawngaih che
August 23rd, 2011 at 3:22 pm
I ziakthiam, i ziak uluk. Thlûkna pawh i uluk khawp mai. Min ti lungleng hial dawn a lawm le. I ziakthiam lutuk e, han ziak zel teh .(Y)
August 23rd, 2011 at 3:32 pm
he post ka hmuh hian ka phu zawk. Hmehbel tur alawiin ka nau hmeichhia hi Nany ania, (a hming tak nilo mahse frens n family) in kan kohdan ania, tunah hian fapa kumkhat vel mi anei a, a ziaktu hian tunge a ziahchhan chu sawi lo mahse, a thuzik leh a thilsawi atang te khian ka nau ni tlatin ka hria, a inmil vek tlat haihjish~¡¡ … Mahse ani kherlo thei bok.
August 23rd, 2011 at 3:47 pm
eu eu X_MAN a’n a man chhuak e. 😀
In ngaihzawnna lamah hi chuan mi nupui/pasal nei tawh hi chu an chungchang kan sawi dawn anih pawhin tawng fimkhur angai a sin. Hriat ve mai mai ah.
Post tupa hi thlukna a hmang thiam leh lutuk anih hi. 😛
August 23rd, 2011 at 3:53 pm
@ 33 a ni lo mai thei a ni…. Tlem i sawi a tlem a inkalh,,/…. sorryy.. i ring dik lo…. @ 34 Thlukna hi ni ee, k duh aiin a lutuk hret ka thiam tawk lo a ni ee… ka la in zir zel ang chu maw…..!!! thiam ve ni awm mahnaa..!!! 😀
August 23rd, 2011 at 3:56 pm
@ Funny #34 chu……….bei tha hle mai a, tawng fimkhur chu ngaih duh khop ang, thenkhat phei chu inneih hnu hian a soi chu soi loh a then phei chuan an nupui/pasal te nulat/tlangval lai thlalak an halral thin an ti…………dik em phei chu ka hre lo 😛 😛
August 23rd, 2011 at 4:11 pm
@ malsta27 #36 a hming hi hming lem,tuma khoh ve ngai lohna hming keima phuahchop liau2 ani eee.. tuman amah ngei pon k ni e, a th fak ngam k ring lo… a inngaih bel thei chang chang chauh ang… midang phei chuan tuman an ring dik lo ang th ka hriaa… 🙂
August 23rd, 2011 at 4:35 pm
@huxley#37: i tih chhan kan ti lova, khitiang khi awm ta se, a nupui/pasal emaw ngaihzawng te tan khan a hrehawm duh dawn em a kan ti chauh a lawm…….. 😛 😛 .
August 23rd, 2011 at 4:39 pm
@ malsta27 #38 a dik khawp maiiii.. khawvel hi chu hriatthiam a har a ni ang ngeee… eng poh nise k lawm eeee….
August 23rd, 2011 at 4:43 pm
@huxley#39: lomthu han soina tham tur vak poh awm loh khi mawle……..no sorry no thank you an ti thin mi khah hnam upa zok ten?………. 🙂 (H)
August 23rd, 2011 at 4:54 pm
malsta27: X_MAN a nau pasal chuan annu lo hmeh bel ta se a vaw awk duh maithei ani tiro. (U)
“Kan ti ti chhûnzâwm ta zêl a nih kha, thlâwhna kan thlen hmâ loh kha chuan. Ka lakah I uirê ka ti hâuh lo a. I tana uirê tih á¹awngkâm hman pâwh hi I in hmêh ka ti bawk hêk lo, mâhsê khatîh lâi kha chuan nagmâh leh nagmâh I inphatsân tih ka hrîa.” Te a ti vei bawksia. 😛
nany tih pheichu a common lo ropui mai sia leh. Le le le le. muhaha (K)
August 23rd, 2011 at 4:56 pm
@funny#41: Vuak chu chakom duh ang chu aw 😀 😀
Nangpon i soi chhuak duh lo mai2 tih ka hre ren…..inthen phah tur an tam don lutuk a hahahahah (fiamthu)
August 23rd, 2011 at 8:06 pm
E i tawn ang hi tawng kan tam mai… a aia nasa a tuar te poh kan ni mahna…!! zahzum luat veng te leh zei loh luat vang kan ti don nge..hmangaihte hi rilru natakte hian kan chan vawng vawng mai anih hi mo…
August 23rd, 2011 at 10:15 pm
Dawihzep deuh hi chu kan heti thin…. 😛
August 23rd, 2011 at 10:34 pm
huxleyback, i van khawngaihthlak hnuang² ve mawle! Pawi ti duh suh….”it is better to have loved and lost, than never to have loved at all” an tih kha! What is love? ti hu ho ai chuan i thleng sang reng reng e 🙂
August 23rd, 2011 at 11:08 pm
Ngaihnawm hle mai . . (Y)
August 26th, 2011 at 7:03 am
He post hi rei deuh toh mahse ka comment a ngai tlat-:
A post tupa hian, a school bang a zui hnak hnak lai kha ka mitthla hian ala lang! a thianpa pawh kha kalo zeilo ve bawk em ani.. Keimah tal kha chu lo huai deuh ila chuan, tiang mai hian kan chhuah hmel loh a sin..
Mahse, Khuanu samsuih loh hi chu tih tak tak theih chuang loh!