Krismas boruakah hi chuan kan Lal leh chhandamtu a kan ngaih, Isua Krista piancham lawm turin Kristian tu mai pawh kan buaiin kan intih hlim hun tak a ni thin. Chhungkua leh kohran te pawn lawm hoin, ruai te kan theh a, thil pek te kan in hlan chhawng thin a nih hi maw.
A pianni dik tak a nilo tih chu kan hre tho a chulamah chuan buai lo ila, a lo pian chhan mawlh mai kha i hre tlang thin zawk ila, a pawimawh ber awm e.
Isua pian chanchinah hian Kristian leh Kristian lo te pawn zawhna an/kan ngah thin hle mai, chung zinga tlemte chu hetiang te hi an ni awm e!
1. Isua pian hunlai khan hmeichhia te kha second class citizen ( next to slave) ang leka en an ni. Chhiarpui ah khan Josefa bak kha a kal a ngaih loh hmel bakah, mel 90 (km 140) kha thla 9 mi pai Mari khan a tlin a rinawm loh. Bakah, Sabengtung chungah khan chuang ta se, a chhiat ngei2 ang tih chu medical lam zir ho tan chuan a hriat theih ka ring. A nih chuan, tih ngaihnawm nana ziak mai a ni thei ang em?
2. Khang hunlai khan khawvel (Rom khawvel) chhiarpui a awm chhinchhiah (record) a awm miahlo. Local census erawh chu Governor Quirinius khan 6 AD ah a la tih erawh chhinchhiah a ni thung. Chutah chuan Isua kha kum 10 vel ni tawh tur a ngaih a ni. Isua pian lai vel hian Quirinius kha governor pawh hemi ramah a la ni lo zui. Tin, kha chhiarpui kha Mathaia ziak ang lo takin Galili lamah (Josefa te khaw area) ni lovin, Judai ramah neih a ni zawk bawk. Enge a awmzia ni ta ang?
3. Marka 6:1 a an khua (Isua te khua/pianna) anga sawi kha Nazareth a ni a, Bethlehemah apiang kan ti bawk si!. A thu hrimah “Nazareth Lal Isua,” tih a ni a, Kristian hmasa te pawh “Nazarenes” tih an ni nghe nghe. Tinge “Bethlehem Lal Isua,” tiin a pianna anga sawi hi hmehbel a nih ngai loh?
4. Johana 7: 41-43 ah chuan, “Thenkhatin, “Hei hi Krista chu a ni,” an ti a. Thenkhat erawh chuan , “Khawnge Krista chu Galili rama a lo chhuah teh lul ang? Krista chu Davida thlahte zingah, Davida awmna khua Bethlehemah chhuak tur a ni tih Pathian Lehkhain a sawi lo vemni?” an ti a. … tih kan hmu a ni. Galili hi Josefa te awmna a ni, enge a awmzia ni ta?
NB: Heng zawhna te hi tu rinna mah her sawn tir tumna lampanga ngaih kawih loh hram ni thei se a tha hle awm e.
Similar Posts:
- Christmas hlathu diklo ka tih thenkhat
- ISUA KHA BAWNG IN AH A PIANG EM? (Luka 2:4-7)
- Bethlehem Kaihhnawih – Part 1 (I Lo Chhût Ve Țhin Em?)
- Lal Thar Lo Piang Chu!
- Albania sorkar in Mother Teresa ruang la let duh
December 11th, 2010 at 8:16 pm
December ni 25 ah a piang tih hi Orthodox hoin an ring bawk hleinem. Lal Isua thih hnua an ziah ania, chuvangin a danglam thei maithei – Hmanni lawk a mi Fiara tui awmna pawh kan inchuh ania. Buai buai lo khan ring mai teh..Hairehai…
December 11th, 2010 at 8:17 pm
PuHV ruat sawk sa vek lawm, zawlnei ten an sawisa vek tawh a, a chhe ber emaw, a harsa ber emaw pawn nise, a thleng tur ani khrim khrim 😀
Chuan belh lawk, ngatinge kan chhandam tu a kan ngaih Lal Isua tih deuh kher……just curious
December 11th, 2010 at 8:32 pm
Nia, kan ngaih tih tak khi
December 11th, 2010 at 8:45 pm
Pu HV hi hetiang lam deuh hi i lawm tlat.. 😆
Ring mai rawh..!!hehe!
‘Kross thu chu boral mekte tan chuan atna,
Chhandam fate tan Pathian thil tih theihna’ an tih kha.. 😆
December 11th, 2010 at 8:58 pm
Bible a inziak, Pathian thawk khum ngei hi ka pawm thlap. Khawvel mi te chhut dan nen lo inang lo pawh ni se, Bible ami hi ka pawm thlap e.
Scientist te leh mithiam tak tak te hian quran a thu inziak te, buddha zirtirna lehkhabu te, leh sakha hrang hrang lehkhabu te an kher an kherin, a ziak fuh lo deuh lai an chhui sak vak vak lo. Kan Bible erawh hi chuan nasa taka beih a tawk thin. Bible a Pathian thu aiim Charles Darwina rin dan pawh an awih zawk.
Bible a thu inziak hi chu, ka tan chuan Thudik a ni a, ka pawm vek e. A mak deuh anih pawhin, a mak a ni mai. Kei chuan history nena a inmil kher ka phut lo ve.
December 11th, 2010 at 9:01 pm
Point no 3- Marka 6:1 ‘Tin, chutata chu an chhuak a; a awmna khaw lam chu a thleng ta a; a zirtirte chuan an zui zel a.’
I thu leh Bible thu hi a va inmil chiah lo em.
A thuhrimah hetiang ngaihtuah vak vak chu buaina mai mai. Chuvangin, rin tawp mai hi a fuh ber.
December 11th, 2010 at 9:23 pm
Lal leh Chhandamtu a kan ngaih, Isua Krista …….. tih lai tak khi??!!
December 11th, 2010 at 9:28 pm
A ni lamah hi chuan buai a tulna lam vek ka hre ve lem lo.. Isua kha khawvelah hian a lo piang ngei a chumi chu kan lawm a ni ve mai..
Bible in a ti anih chuan a dik a ni mai.. 🙂
Mahse i zirchin peihna hrim hrimah hi chuan i fakawm khawp mai..
December 11th, 2010 at 9:30 pm
Tha ve reng. Khawvel hi RINNA a an tluk thuk tawh zia a rawn finfiah a lawm le.(a post tu ka sawina ani lo). He post hma a kawlhawk post “kan chhe lo e” tih a mizote kan la chhiatvek lohzia, a bikin BIBLE RINNA ah Bible kan tan zia hi a mak ka ti fo thin, chaklohna chu kan nei tehmeuh mai… ti duah teh ang…
December 11th, 2010 at 9:44 pm
Heti zawnga Curious tak chhui hi a tha ve khawp mai. Kan rinna erawh ti nghing lo se.
December 11th, 2010 at 10:00 pm
Hmulo a ringte chu an eng a thawl e 😀
December 11th, 2010 at 10:15 pm
Channa:
1.Pathian a ni tlat a.
2.Pathian a ni tlat a.
3.Pathian a ni tlat a.
4.Pathian a ni tlat a.
.
.
100.Pathian a ni tlat a. 😀 😀 😀
December 11th, 2010 at 10:19 pm
Kraws thu chu Boral mek te tan chuan âtna a ni rêng a ni.
A thu hrimah, Ama siam ten min Siamtu chungchangah ka dilchhut e lo tih vel hi chu thil âtthlak tak a ni.
December 11th, 2010 at 10:28 pm
December 25 hi chuan piang lah lo ve … December 25 atanga Passion Week inkar chhung pawh kum chanve a tling pha chia hlei nem … December thlaah beramputen an beramte pawnah an veng thei tawh bawk hek lo! ANOTHER JESUS ST PAUL never ever advocated and preached of Him!
December 11th, 2010 at 10:28 pm
Isua meuh paitu te chuan sakawr ah pawh khawvel helchhuah pui mahse a chhiat mai mai ka han ringlo khawp ah 😆
December 11th, 2010 at 10:41 pm
@20, clap clap. Thumps up.
Pathian ropui zia leh thiltihtheihzia kan hriat dan te pawh hi a lo inchen lo khawp a nih hi tiraw.
December 11th, 2010 at 11:01 pm
Lâisuih, cotdarz, Soberboy, te atang ngawt pawh hian misual ho hi kan va Pathian thu em
December 11th, 2010 at 11:06 pm
1. Khawwvel mithiam ten ni thei lo tura an ngaih ni leh ta hi a awm teuh reng a nia.
2. Rome hun laia record zawng zawng hi a la awm kim vek em le.tih sual palh te, hmaih palh te leh bothlau tate pawh a awm ve nuk mai lovang maw?
3. Hei hi chu #17 Shylo sawi khi ring mai ila.
4. hei hi chu ka hre lo le… 😆
December 11th, 2010 at 11:46 pm
Mak ve mai mai chu kan nu nau thla9 mi a pai lai khan nau awl nan kan tia. Bike in kawng khuar sawrh lai apiang ka dai pui a. Nau a chhiat lem lo.
December 11th, 2010 at 11:56 pm
Pu HVa post chu, mama_B in chhanna post a rawn tichhuak leh tep tawh maithei a ni. Zan a rei a a vawt lo tial tial maiin ka hria.
…khrum
December 11th, 2010 at 11:59 pm
Tunlai misual uar ber chu …khrum
December 12th, 2010 at 12:06 am
Hotupa carib, va meng rei ve? Aiguptaah an khrumbo pui, ka tihpalh an tlanbo pui a lawm.
…khrum
December 12th, 2010 at 1:01 am
A va ngaihnawm hlawm ve…..Pu HV. I lo hetih vang a nih hi i lo hetih Hairehai.
December 12th, 2010 at 1:13 am
Interesting! Mizo thenkhat te hi chuan sakhuana hi kan la thutak tiah tiah khawp mai.:-D
December 12th, 2010 at 1:28 am
drake #3 leh Pa_khata #8, chhandamtu ni lovah kan ngai si lova hairehai 😀
caribou, Johana 7:41-43 khi Bible a inziak thlap a nih ve si khi maw 😀
evergreen #11 i sawi khi ka ngaihdan chiah a ni. Dik tak chuan “Pathian thawk khum,” tih tawngkam pawh hi mihring phuah/sawi tho a ni a, Pathianin engmah a rawn sawifiah tawh silo. Kan chatuan thlarau chantur hi tawngpawng rin tawp lam ni lovin, chian hle hi a tha zawk lawm ni, ka ti ve fo mai. Nupui/pasal tur pawh kan uluk ania, chatuan a chatuan kan chantur lam phei chu uluk hle thain ka hria. Welsh hoin zu hi sual a ni an rawn ti ngawt a, lo pawm ngawt ang a ni hauhlo ania. 🙂
bawmrang #24, Rom sawrkar lian khirh tak leh invawng fel tak, tribal lo tak khan record an vawn that chu i ring phawt ila a tha lawm ni le 😀 NOI
December 12th, 2010 at 2:06 am
caribou #30 😆
December 12th, 2010 at 2:58 am
@caribou, i ti dik e. Nazareth ah a seilian tih sawi ka tumna ania. Khrum
December 12th, 2010 at 3:51 am
bethlehem ah a piang a nazareth ah a sei lian ka hriat ve dan chuan, chuan in Isua hi kabalis turu deuh a ni a mahse a kabalis na hi a ni lo zawngin a hmang ni awm tak a ni, ti chuan JUDA kulmut a ni bawk, Isua hnung in zui dawn tak tak a nih chuan in serh in tan vek a ngai a nia aw,tin, eng tik kum kha nge ka hre tawh lova sunday school zir lai ah khan` Isua chuan tawng chi 3 chauh a thiam` tih a nih kha hre pha lo te in lo awm tak in, rin hi tih mai mai a ni lo a nia, a zirtir na in zawm dawn tak tak a nih chuan mitmu kher chhuah te a ngaih kha aw.
December 12th, 2010 at 3:55 am
caribou, Johana 7:41-43 thu an khawmi te sawi hi dawt tihna aniang maw?
zodin, chhana khian a rawn hau ang che hairehai 😀
December 12th, 2010 at 4:03 am
chhang se ka hlau lo nasa e mai 🙂
December 12th, 2010 at 4:07 am
Samuel-a khi a chianglo. 😆 😆
Zodin kher chhuak la, kawmthlangah hla lo te ah paih teh a. 😀
December 12th, 2010 at 4:12 am
cotdarz a zirtirna hnuai ah ka awm lo tlat mai 🙂
December 12th, 2010 at 4:16 am
zodin, a huai hmel thin viau ania, a vel mai tur che asin hairehai 😀
December 12th, 2010 at 4:18 am
hahaha ka lo chhip thlak dawn a mi 🙂 ka hlau lo nasa 🙂
December 12th, 2010 at 4:20 am
a bo vek
😆 😆 😆 😆 😆
December 12th, 2010 at 4:25 am
#43 Pu HV an zodini/zodina chu a lo pam char char a ni maw… 😆 😆
cho loh a nei mai mai tawp nang zodini/zodina te chu.
December 12th, 2010 at 5:22 am
Galatia 3:13, Paula’n a sawi a, “Dan anchhe lak ata Krista’n min tlan ta a, ani chu kan aia anchhedawng lo niin; thinga khaikan apiang chu anchhedawng an ni, tih ziak a ni si a” tiin. Isua thihna mualpho tak a tawrhna chu tlang kawmna mak ber a ni ta a, chu chu dan anchhe hnuaia luh loh nan, hmasang Pathian dana an beisei tlatna ata amah zuitute chu chhuah zalen an ni ta tihna angin awmzia an neihtir ta a ni. Chutiang takin dana intukluhna leh dan hawisan lohna hi infuihna leh thurawn pawimawh ber a ni lo thei lo zawk.
December 12th, 2010 at 5:40 am
#47 leh #48 chu, e khaiii i van duh thawh bawrh2 ve aw 🙁
December 12th, 2010 at 5:56 am
a lang tlats
December 12th, 2010 at 6:58 am
va thui veee
December 12th, 2010 at 7:02 am
eee a reh leh daih sia chhiar chhuak hman hei nen maw le
ngati nge a chhiar chak teh reng nen
December 12th, 2010 at 7:06 am
@chanhima5, #47: Sei ṭiah ṭiah ve. Post hran siam chi anih hi a… a bengvarthlak e.
Hei hi hre reng ila a hahdamthlak mai – “…a lo pian chhan mawlh mai kha i hre tlang thin zawk ila, a pawimawh ber awm e.”
December 12th, 2010 at 9:40 am
Pu HV azawng, USA tleirawlho (Tyndale OT Commentary, Cambridge Theology Tripos Part I tih vêlin a convinced) ngaihdan i tawmpui deuh riauvin ka hria. 2011 kum tawp lamah chuan ‘Thih hnu piah lam a awm lo, a tawp tawp a ni mai’te hi i rawn ti mai ang ah
Tak takah, confusing deuh deuh i chu a tam alâwm. ‘Mihring finna hianin a ngaihtuah chhuak zo love, thlarauva hriat fiah chi a ni’ tih hmanga pawh zuih leh mai ngai hi a awm zut asin.
December 12th, 2010 at 9:41 am
47 & 48 Kru i ti hah e…Messiah a nihna lai rem changah rawn ti lang leh la a tha ang a…..messiah ngei a nih proof na pawh Bible-ah ngei a tam tho si a…i hre kuhtul tho ta ve ang :lol: :lol:
December 12th, 2010 at 9:47 am
Pu HV nge nge, i rawn chhawp chhuak bengvar thlak thin hle mai. Zawhna huaisen leh tha tak an ni e.
1) Mari chhiarpui naa a kal ve hi ‘tih ngaihnawm nana ziak mai’ a nih a rinawm loh. Pathian ropui zia, a remruatna fel zia leh Bible thu sawi dik zia tih lanna niin ka hria. A chhan chu Mari kha kal ve ta lo sela chu Isua kha Bethlehem-ah piang lovin Nazareth-ah a piang dawn tihna a ni a, chuti a nih chuan Pathianin zawlnei Mika hmanga a thu lo hrilhlawk kha a thleng dik thei dawn lova ni. “Nimahsela nang Bethlehem Ephratha, Juda ram sâng tamtak zînga telah tê hlê mah la, nangma lak atang hian Israelho rorêltu tûr chu ka tân a lo chhuak ang a; a lo chhuahna chu hmasâng ata, chatuan atangin a ni – Mika 5:2”
2) He chhiarpui hi a danglamna riau chu: February ni 5, 2 BC khan Kaisara Augusta kha ‘pater patriae’ (father of the country) title pek a ni a, hemi denchhen hian Rom khua leh tui zawng zawng leh a ram awp mipui zawng zawng te chu Rom lalram leh Kaisara tana rinawmna hming ziak vek tura tih an ni a. Rom lalram pumpui huap a nih avangin ni hnih-khata zawh mai chi a ni lo tih pawh a hriat mai awm e. Chuvang chuan he chhiarpui hian hun rei tak a awh dawn tih a hriat a, 5 BC daih tawh atangin chhiarpui hi an lo nei tan tawh tih record thenkhatah pawh a lang reng a ni. Jewish historian Josephus a paw’n Farisai 6000 chuang laiin hming an ziah duh loh thu a tarlang nghe nghe a ni. Paphlagonia-a (North Central Asia Minor) inscription an hmuhchhuah-ah pawh he thutiam an ziak copy hi a lang bawk. Tin, Armenian historian, Moses of Khorene a pawhin, 3 BC khan Armenia ramah chhiarpui nei tura Rom sipai te an lo kal thu a tarlang. Hemi tum hian Kaisara lim temple tinah an hung nghe nghe a ni awm e!
Tichuan he chhiarpui hi 5 BC atanga 2 BC inkara neih niin a lang. Isua pian hun pawh kha hemi hun inkar vel hi chhut dang tlangpui pawh a ni.
‘Isua pian lai vel hian Quirinius kha governor a la ni lo’ tih pawh hi a dik chiah bawk. AD 6 ah chauh Quirinius hian governor nihna a chelh tih hi historical record-a a lan dan a ni reng a. Mahse Isua pian hun lai vel khan khatih laia governor treng hneng zet mai Publius Quintilius Varus kha Rom khawpui lama koh haw thut a ni a, chutih laiin Quirinius hi Syria ram velah sipai hotu lal ber hna a chelh lai a ni a, governor ber a awm tak lohah chuan governor hna a hmui tel a nih hi thil awm tak a ni.
3) Nazareth Isua tih a nihna chhhan hi chu Nazareth-a seilian a nih vang a ni. Bethlehem-ah kha chuan hrin a ni mai chauh a, hun rei lo te chauh an awm a ni. Chhiarpui naa kal mai anni a, Isua kha Pathian thuin a lo hrilhlawk angin Bethlehem-ah a piang ta a ni. A seilenna leh a khua chu Nazareth a ni.
4) Isua pawm lo tute khan Isua kha Josefa fapa, Galili rama Nazareth khua atanga lo [piang] chhuak emaw an ti tlat a, Davida thlah dik tak, Davida khua Bethlehem atanga lo [piang] chhuak a nih zia kha a hre lova ni.
December 12th, 2010 at 11:48 am
Isua Krista hi hmangaihna nen, zawldawhna nen, lainatna nen, khawngaihna nen, tlawm taka lo piangin a lo lang hmasa a, a hmangaih Juda te’n an duh lova, sirah an hnawl. Hmusit takin chil an chhak a, an Lal atan an pawm lo. Chu chu keini tan vanneihna a lo ni. Khawvel sualna zawng zawng phurin chu a sual rit tak phurh chuan a thlan pawh thisen angin a luantir hial ani lawm ni? Juda te’n an hmuhsita kha kei atan chuan ‘sual ata min tlan chhuaktu’ a ni a, thihna hneha a thawhlehna kha ka tan NUNNA a lo ni. Tlawm takin a lo piang a, Van Lal Fapa meuh a intitlawm a, mirethei, hmeithai, pachhia te hnen thleng phak Chanchintha a hril a, a hmangaih ami te’n kross ah an khengbet ta. A rapthlak thei ang bera thihna tuar mahse nakinah a ropuina zawng zawng nen, Messiah nihna diktak nen a lo lang leh dawn.
December 12th, 2010 at 2:18 pm
@47 & 48 : Sei viau naa tha ve pang ngai…
11 kor 11:4 a Paula’n ‘Paulan chanchin tha dang in pawm duh zel mai maw…’ a tih te pawh hi ngaihtuah ngun chu a ngai khawp.
Rom 1:2-3 “…Ani (Isua Krista) chu tisa lam thuah chuan Davida thlaha paing a ni…” tiin Paula meuh pawhin a lo nem nghet a, keini leh tunlai chhuan tam tak ai hi chuan Paula hian a hmuchiangin a hnaih zawk bawk a,’Davida thlah’ chungchangah pawh hian Paula sawi hi pawm mai ila a dik mai lo maw?
Messia a nihna proff a awmlo, davida thlah a mi a nilo… tih lama ngaihtuahna sen vak ai chuan anihna lam hmuhfiah tum mai hi a that mai ka ring e kei mimawl hian.
December 12th, 2010 at 4:03 pm
Ka sual tlan turin a lo piang a, ka sual phurbovin Kross-ah a thi a, Van hmunahte khian min sawisak tih ka hria a, chu chu ka lawmna a ni.
Thildang a ngai em ni??
December 12th, 2010 at 10:43 pm
@56 hi ka va han duh chiang em…!!! Kei erawh zawngin tihian kan sawi teh ang. Belhchian dawl lo deuh leh awihawm loh deuh deuh te chu lo awm bawk mahse Rama leh Sita, Hanumana, Ramayana tih vel ai chuan awihawm fe ka ti..
December 12th, 2010 at 10:50 pm
#56: Chhiar a va nuam ve le, bengvarthlak hle mai.
In zavaiin mangtha muttui zing zun nuam theuh u le.
…khrum
December 26th, 2010 at 11:37 pm
56
I comment hi awm ta lo se, hre zau lo leh inkhawm tam lo na2 chu ka lo buai viau hman dawn a lawm le. I t thra e