Karbi ram a ka awm lai in tumkhat chu Pastor hian a bial chhung kohhran pakhat a Biakin hawng a innei tur an awm a “lo kal ve ta che” tiin min sawm a . Missonary nula pakhat nen scooter in kan kal ta a.Biakin kan han thlen chuan Kohhran hnatlang an lo nei a , Innei tur awm hmel pawh an awm lo. Hna an lo thawk sup sup mai a.
Pastor chuan “khawnge innei tur te chu” a han tia,” an lo la kal lo kan zuk ko ang e” . An zuk koh chuan monu leh mopa tur chauh chu an lo kal teh lawng a. Pastor chuan “khawnge monu thian tur,mopa thian tur pawh” a han tih chuan,tleirawl pakhat chu monu thian tur in an rawn hruai a. Pastor in an zawh chian chuan chu nula tleirawl chu danzawhkim ala ni lo zui,” nang chu dan zawhkim i ni lo monu thian ah i tang thei lo” a ti a. Kan nula hruai chu monu thian tur in ka man chawp ta ringawt a.
Mopa thian tur pawh Tlangval hnathawk lai chu an zuk ko chhuak a ,a rawn in tuai thuak thuak a,Pastor Scooter sideglass ah chuan a va in chhiatkhum thuak thuak a , a hnathawhkawr nen chuan a in peih der ta mai a.”Dar vaw ru” Inneih dar vuak dan an la thiam lo zui.
Pastor chuan engemaw chen an zirtir leh phawt a,an thiam ta.”Deng..Deng…Deng…”Inneih inkhawm hmang tur chuan Hnatlang ho zawng zawng nen chuan kan lut fai ta diak a.Eng tin tin emaw kan zo thei ta hram a. Inneih inkhawm ban chuan mitin in mahni hna ngai an thawk leh ta sup sup a. A lawmna hran pawh a awm chuang hlei lo a. Kei ni pawh Upa in ah chawlmuang in thingpui te kan in zawh chuan kan haw ve ta a. Kan haw kawng ah chuan khua kan pelh hma in Mopa pawh chu cycle nen a lo leng leh ziai ziai tawh ani.
He thu ka sawi duh na chhan chu Karbi ho te hi ropui tak in an innei lem lo a, Thuam ropui tak tak te pawh an chhawm lem lo. Mahse Inthen leh hi an awm ngai lo an ti. Kei ni Mizo te hian zirtur kan nei in ka hria.Ropui tak tak in kan innei a , thuam ropui tak tak te kan chhawm kur ngei nguai a, mahse reilo te a inthen leh ta mai hi an tam em em ani.Kan inneihna hi a ropui emaw ropui lo emaw pawh ni se Pathian hma a kan thutiam hian kan damchhung tal hi daih thin se ka ti ngawt mai
Similar Posts:
- Mopa nge Mo neitu?
- Mo Leh Monu Nge Mo Neitu Leh Mopa?
- Mapeka’n khiang a awi ve ta
- You’re my best friend (You placed Gold on my finger).
- Inneih thlalâk ka en ve a
September 15th, 2010 at 7:59 am
Chhiar phawt teh ang..
An bei awlsam phian tak a nih khi maw le….
Inneih hautak leh ropui hi Inneih nghehna ber a ni chuang lo va.. a pawimawh ber Pathian hminga kan inneihna kha Kohhran (mahni Kohhran) te hriatpuina kha a tawk leh mai a,.. eng ang pawhin kan inneih programme hi hmang ila, kan inneihna khan kan dam chhung a daih chuan a tha e.
Mahni phak tawka inneih sawngbawl hi Mizoten kan uar zel a pawimawh a ni. Kan inkhawhhmuh bawk tur a ni e.
Report this comment
September 15th, 2010 at 8:02 am
An inneih dan chu ava han ril deuh ve leeee… Han sawi teh u, nakin deuhah ka rawn lut leh dawn nia…
Report this comment
September 15th, 2010 at 8:05 am
dangdai reuh ve
Report this comment
September 15th, 2010 at 8:09 am
A bengvarthlak chiang. Adama leh Evi te kha asin, thian tur an nei lo ve ve a, chunglam atanga anmahni Siamtu khan malsawm zui lo phei se, tumah he thu chhiar tur leh Karbi inneih hi a thleng lek lo’ng e!
Mathusela pawh khan a kum 969-na kha candle chhem hlumin lawm ta ngat se, a inchhem chau bur mai thei bawk!
“We are Exactly what we are,” dinhmun hi a lo fel fai ber mai! Scooter side glass-a inchhiatkhum thuak thuak pawh a la complicate mah mah e! Fanau mal-tluan chawiin hraileng malsawmna sur chhunzawm mawlh rawh se!
Delhi-a nimina Pu Hawla thusawiin mi tilawm hle. Eng ang pawhin ruiin, rui lo rawh se, a sawi chiang tha khawp mai! Ka lawmpui e.
Report this comment
September 15th, 2010 at 8:13 am
@chawnghilh: Pu Hawla chuan eng tin nge a sawi a?
Report this comment
September 15th, 2010 at 8:44 am
An va ti awlsam tak ve le. Lawm pui tum sateh mah ila Dan khatna a nih loh hi chuan a ropui famkim thei tak tak chuang lo.
Report this comment
September 15th, 2010 at 8:52 am
Mizote tan darthlalang tha tak ani.Mizote a heti taka nupa inthen atam na chhan hi enge ni ang le?.Inngaihzawn laia mizia kan thup nasa lutuk te hi a chhan pakhat ani mai lawng maw?
Report this comment
September 15th, 2010 at 9:38 am
Thawnthu tawi inziahsiak result chu.. Puang thuai teh u
Report this comment
September 15th, 2010 at 9:44 am
Ka la tel ve chiah lo na in a tel ve tawh te sawi atangin ka hria. I vannei kher mai. i putar hunah i kal leh a nih chuan thil a lo danglam ve leh vek tawh mai ang.
Report this comment
September 15th, 2010 at 9:46 am
@7 makim, in ngaihzawnlai te chuan mizia thup angai sia lawm le..he he
aw, #8 a ka kawmen chu ka lo submit sual ani maw..
Report this comment
September 15th, 2010 at 9:56 am
Ka room bulah hian ka karbi thianpa a awm a, hriat chian lehzual ka’n tum teh ang.
Report this comment
September 15th, 2010 at 10:24 am
A ni tak asin, Karbi hnam hi nupa inthen an vang khawp mai an ti. An in hmangaih vang nge, inthenin a nghawng a na zawk aw..tih min ngaihtuah tir.
Mizo nupa inthen kan awlsam riau hi hnam thenkhat chuan min awt ve viau an ti. Inthen duh ngawih2 inthen harsa si hi khawvel ah hiam hnam tam tak an awm.
Report this comment
September 15th, 2010 at 10:27 am
Hmn… Sa free a awm dawn lo tih na ania…
Report this comment
September 15th, 2010 at 10:31 am
Hrangkhawl in nei turin Hriattirna Biakin bangah an lo tar va a, ” Kar leh zirtawp niah he Biakin ah hian ” Neka leh Khupa an in nei dawn a” tiin. Tu zawk khi nge mipa, tum zawk nge hmeichhia in hre thei em?
Report this comment
September 15th, 2010 at 10:56 am
An ti awlsam lutuk mah2 zawk a nih khi male…..kei chu ka neih in a tlin chuan inneihna hi chu ropui taka tih ka duh…
vawikhat pian ve manah te chuan ropui takin le….
Report this comment
September 15th, 2010 at 11:08 am
An bei awlsam hle mai :neutral:
Report this comment
September 15th, 2010 at 11:39 am
OT lutuk-
Nizan khan UEFA Champions League 201o tan a ni ta.
Twente 2 – 2 Internazionale
Werder Bremen 2 – 2 Tottenham
Olympique Lyon 1 – 0 Schalke 04
Benfica 2 – 0 Hapoel Tel Aviv
Manchester United 0 – 0 Rangers
Bursaspor 0 – 4 Valencia
Barcelona 5 – 1 Panathinaikos
København 1 – 0 Rubin Kazan
Zanin inkhel turte-
Bayern München vs Roma
CFR Cluj vs Basel
Olympique Marseille vs Spartak Moskva Žilina vs Chelsea
Milan vs Auxerre
Real Madrid vs Ajax
Arsenal vs Sporting Braga
Shakhtar Donetsk vs Partizan
Report this comment
September 15th, 2010 at 12:44 pm
Bei awlsam tak ve, ….. Karbi hnam hi ka lo la hre ngai miah lo nia,…. an awmna lai awm pawh rindan ka nei thiam miah lo, hairehai……!!!! :mrgreen:
Report this comment
September 15th, 2010 at 1:33 pm
Ka naupan laiin Karbi ramah chuan ka kal ve tawh.. Ka pi, ka nu nu Sister Lianchhungi hi hmeichhe Missionary-a awm hmasa ber a ni, kum 1969-1986 thleng a awm.
Report this comment
September 15th, 2010 at 1:46 pm
A va awlsam tak ve. Film pakhat a Indian nula leh American tlangval inhnialna pawh hian ngaituah a tithui thei asin.
American tv : You and your arrange marriage!!
Indian nl : You and your love marriage and divorce rate!!
(love marriage leh a a lawmna ropui hi a lo ropui ber lemlo)
Report this comment
September 15th, 2010 at 2:00 pm
Enge OT lampum hi?
Report this comment
September 15th, 2010 at 2:03 pm
OT = Off Topic…
Report this comment
September 15th, 2010 at 2:12 pm
Inneih ni bak hlim ta em em lo hi tamtak an awm ang maw le…
Report this comment
September 15th, 2010 at 3:56 pm
Mizo inti SAP hovin zirtur ivan ngah veee! MANEITU te hi chhungkhat laina pawh nilo; mihausa an hmelhriatte an ruat vak vak zel. Maieitutan PHURRIT anih tawh zawkkk! Mizoram ah chuan….Ngaihnawm latuk, MamiPa
Ka lawm e
–LVK
Report this comment
September 15th, 2010 at 4:13 pm
Va ropui em em ve aw..
Mizo kan tunlai inneih dan hi thlak thar teh meuh meuh a ngai a ni. Kan ‘materialistic’ tawh lutuka, hnamdang ‘dowry’ ai pawn kan la nasa zawk. Tinge? Monu te chhungkua mo neitu ten direct in demand an siam loa (siam pawh an awm maitheia mahse ka la hre loa sawi) MAHSE mo chhungkhat nih hi a retheihthlak ber mai. ‘Mi’ an rawn kala, nu emaw te nen, kan han in hmelhriat chawpa, ‘Hei pasal a nei dawn a..Mattress/’Steel’ wardrobe/’Foreign’ blanket min lo..’
Mipa nih vanga sawisel ka ni loa, Nula ka nia, keichu ka neih neih ka chhawm mai ang.
Report this comment
September 15th, 2010 at 4:48 pm
D-auchhawngtu,Karbi ho chu tunhma a mizoin MIKIR kan tih thin kha an ni.an ram hi Assam ram a district pakhat ani a.a ram chhim lam chu North Cachar hills in a ri a,khawthlanglam ah Meghalaya in a ri,khawchhak lam ah Nagaland in a ri,hmarlam ah Nogong district in a ri bawk.Tin a ram laitak deuh thaw ah Nogong district hian a tan chhum hmawk bawk.chumi awmzia chu,khawchhak leh khawthlang in kal pawh tur chuan nogong district pal tlang ngei ngei a ngai.Tin an khawpui chu Diphu.
Report this comment
September 15th, 2010 at 8:42 pm
Karbi ramah kum 20 ka awm tling mek a, khita inneih dan khi chu Presbyterian Kohhran(Synod) inneih dan introduce thar a nia. An dan pangngai chu Bru ho mak kai ang deuh kha a ni phawt a. An hnam leh sakhaw dan kherkhiap ang reng taka inneih ngei ngei erawh a ngai. Tar hnuah pawh an dana innei an la awm lawp lawp reng. Tun kum 20 chhung hian sawi tur ting chuan tuak hnih inthen ka hria. Nupa kar buai an nei manglo.
Report this comment
September 15th, 2010 at 11:28 pm
@D-au, Karbi ho hi Mizote nen kan inang khawp mai. Mahse hindu sakhua vuan anni in ka hria. Kan pu fanu pakhat nen hian Karbi nula hi an inkawm ve thin a, Assamese ka lo ti palh chu a thin a lo rim hle a ni awm e, an inti Assamese lo viau a ni awm e.
Inneih ni leh Mitthi vui-ni hian kan phuah chawp dan anga rei tak kan hman ngaimawh awm deuh deuh hi atam mai.
#27, Missionary em ni?
Report this comment