Hmanni chu Lawrkhawm ah Hamlet drama Mizo tawnga an chan kha download theihin an rawn share a, lung a ti leng khawp mai. Kan naupan lai khan kan ngaithla ve thin a, hrechiang lem hlei lo khan. Hamlet kha Shakespeare ziah a ni tih pawh kan hriat hma, Shakespeare hi tunge a nih pawh kan hriat hma vel kha a ni. Han ngaihthlak nawn leh chuan tlem lai kha chu ka lo la hre riai ruai a.
Ka sawi tum ber chu, a scriptwriter kan ti dawn nge, a tawnglettu kan ti dawn, khami khan tawngkam kha a va thiam teh kher em! Tunge a nih in hre mial lo maw? A changtute khan an role kha an hnehsawh bawk a, mahniin ngaihnawm ti deuh nui vur chungin ka ngaithla zo leh vek a.
Hei a hnuaia ka rawn tarlan hi Act 3 Scene 4 a mi a ni a, hriat dikloh lai pawh awm zeuh zeuh mai thei. Ngaithla ve ru.
Hamlet: Ka nu enge i an?
Lalnu: Hamlet i pa i ti thinur em em a ni.
Hamlet: Ka nu ka pa i ti thinur em em a ni.
Lalnu: Chuti mai zawngin Hamlet min chhang teh suh. Eng kawngah nge i thlek kawih tak?
Hamlet: Englamah nge ni tehreng ang?
Lalnu: Hamlet, min hre ta nange?
Hamlet: Hre tehreng mai. Lalnu i ni a, i pasala unaupa nupui pawh i ni! Chuti chu ni lo se ka nu pawh i ni ve ngei ang!
Lalnu: Naupang, chuti mai maiin min chhang suh. Chuti lo zawngin be tawng turin midang ka ruai mai tur asin! Ka’n chhuahsan nghe nghe teh ang che.
Hamlet: Kal lo vang, i kal dawn chuang lo. I hmaah darthlalang diktak ka hung anga, chuta i hlimthla diktak i hmuh hunah chauh i kal ka phalsak dawn che a ni. I kal thei lovang.
Lalnu: Hamlet, engtia min tih nge i tum? Ka chungah kutthlak i tum emni? Awi min that dawn elaw? Min tanpui ru min tanpui ru!
Polonius : Hamlet…
Hamlet: Uai!! Khawilam sazu nge helaia lo chik ve ta mai chu? Lalnu pindan hi sazu tuallenna hmun a ni hleinem. Khawinge ka’n thil teh ang.
Polonius: Ahhhhh…
Lalnu: Awi Hamlet, a va pawi tak em… Eng pawi nge i khawih tak le?
Hamlet: Pawi ka khawih emni? Enge ni ta? Lalber em ni ta mai?
Lalnu: Hamlet, i va han tlaktlai lo sawt ta em…
Hamlet: Chu lalber thata a unaupa nupui nei ta mai anga tlaklai lo ka lo ni maw?
Lalnu: Eng lalber thah thu nge i sawi tak?
Hamlet: Thawnthu mai a ni lo. Thutak, lalber thah thu mawle. Mahse ngawi rawh ka nu, ahh Lalnu zahawm, puanzar phena ka sazu thah hi eng tiat chiah nge a ni ka’n en tehreng ang.
Uai!! Nang zawk i lo ni maw Pu Polonia? (Helaia a aw hi ka tan tawp) I awmhlei rah i seng ta anih hi.
Khai khai khai ka nu khatin pharin lo inthingkhur vel teh suh. Sawizawi theih leh tihdanglam theih te i nih ngai chuan keimah zawkin ka la thing dawn che nia.
Lalnu: Eng pawi nge ka khawih a, chutia zahpah nei leklo a fa zawkin min chhuahchhalh tak le?
Hamlet: I pawikhawih chu sawi pawh ka sawichhuak ngam dawn emni? Fa chuang ui chuang a min siamtu i nih khi! Pawi hnaisailo ber, hmangaihna diar khima, rose par phihthla a, a aia phungsahmim dahtu!
Lalnu: Hamlet, sawi tawh…
Hamlet: Suangtuahna maiah pawh Pathian a beidawngin Setana pawh a zak zawk ta ve ang!
Lalnu: Eng thu nge ni ta, chutia thuhmahruai ngawt pawhin a thawm rapthlak tak a neih tak chu?
Hamlet: Lo ngaithla teh tunah hian. Unau pahnih an awm a, pakhat chu khawngaihna, zahngaihna leh malsawmna tinrenga vur emaw tih tur a hmel duhawm pu a ni a. Chu chu i pasal hmasa kha a ni. A pakhat zawk hi han thlir teh! He mihring, i pasal pawmlai, he pa kara fafu hmuar bawmtu lungphur hian, a unaupa pangti thalai bawr kha a khawh zawh tak vek hi (chiang lo.)
Lalnu: Hamlet, sawi tawh suh…
Hamlet: Khawilam ramhuai thlarau in nge heti taka lo thlem kawi ta che ni? Zahna chang i la hre ve ngai na nge?
Lalnu: Ka fapa…
Hamlet: Nang ai chuan zahtheihlohna pawh hi a la zak zawk ta ve ang. Hremhmun thlarau in hetia pitar a tih nulat thar leh theih ngai che chuan vur pawh hi a vawh luat avangin a alh leh thei ang a, kei pawhin zahna ka hmu tawh bik hlek lo vang. Zahna ka neih fo bikna tur ka hre ta lo.
Lalnu: Hamlet…Hamlet… sawi tawh teh suh. Ka thinlung zawng zawng i phawrh mualpho takngial dawn e.
A saptawnga chhiar duh tan.
https://shakespeare.mit.edu/Tragedy/hamlet/hamlet.3.4.html
January 9th, 2011 at 11:43 am
Ham1et thawnthu tak kha aw…
January 9th, 2011 at 11:49 am
LK ami kha keipawh ka lo download-in ka ngaithla zo dimdiam tawh e. Ka lawm khawp mai.
Mahse, ka thin a rim.
January 9th, 2011 at 11:54 am
Polonia ruang chu khawiah maw i dah a?
Ruaithehnaah… ama kil ve loh ruaithehnaah. Vanah zawng ula, in hmuh loh chuan hremhmunah zawng leh ula, in la hmuh loh cheu chuan tun atanga ni 3naah, kaiten hnuaiah in mit ni lo in hnarin in hmu ang…
tih vel te kha. Ka va chiang/chiang lo ta nuaih ve.
January 9th, 2011 at 12:04 pm
Hamlet hi pu JF-a lehlin a ni em kha?
January 9th, 2011 at 12:19 pm
Aw, Pu JF-a lehlin a ni a. Hun rei tak lei tur a awm loh hnuah tûn hnaiah Gilzom Offset neitu, Dr. R. Lalrawna’n a chhunawn leh a. Lehkhabu dawrah lei tur a awm ang.
A ngaihnawm. A ril lutuk hi a ril ang anga chhiarliam pawh ka ngah. A phuahtu chuan ama tawngin nalh unhlun lutukin a phuah chhuak mai a. A hlutna bo map si lovin a lettu hian a let thei a, a phuahtu ai mahin ropui ka ti zawk dawn dawn ka ti!
‘Thlarau rethei, châwl hahdam tawh rawh.
January 9th, 2011 at 12:50 pm
Inkhawm bang hlimah chua kawlhawk a phawi rang ber anih hi..a type zawh hian fb ah a lut daih ang chu..
@ aduhi..i thawh lunglen thlak reuh..”Ka pa thuba ka rawn ngaihven,” ti hlir hian kan tet lai chuan kan sawi ve thin.
January 9th, 2011 at 1:08 pm
Nungchang mawi leh Nunna hlu ber, a liam ta… mangtha ka lal duhawm!!!
January 9th, 2011 at 1:21 pm
Ka ngaihthlak ve thin tak kha mawle! ngaihnawm tak ani! (Y)
January 9th, 2011 at 1:42 pm
a lettu hian saptawng a thiam mai bakah zo tawng pawh a thiam ka ti….saptawnga awm lo mizotawng mal hmangin saptawng kha fiah takin a letling thei a nia….nun kawng sialtu…pu pl liandingan kum 1986 kuma a lehlin kha hmanni chu ka chhiar leh a..mizotawng a lo thiam zia hi ka ngaisang ltk bok…
January 9th, 2011 at 1:52 pm
Hamlet a ek chhuak lai molh kha
January 9th, 2011 at 2:02 pm
#9, a dik khawp mai. Saptawng Mizo tawng a nalh taka letling tur chuan a pahnih a thiam hle ve ve a ngai. Tawng lehlinah chuan Bible letling tute hi an ngaihsanawm ka ti. Sentence by sentence a lehlin ngai a ni si a, thawnthu lehlin te hi chuan sentence by sentence hi a ngai lo a…
January 9th, 2011 at 2:05 pm
tawngkam hman tur a va han thlang thiam tak em. (Y)
January 9th, 2011 at 2:09 pm
Aw van mi te u!!
January 9th, 2011 at 2:12 pm
Boss Aduhi chu van let thiam hlap² ve! Chhiar a nuam zaih mai…a dang pawh rawn ti zel rawh 🙂
oops..i lehlin emaw ka lo ti hman a!!! Ka lo chhiar chiang lo a ni e…sorrie 🙂 TV en paha misual hi chu kan chhiar puat² a, a thra lo!
January 9th, 2011 at 2:14 pm
bmw ka leh a ni loh khi! JF-a leh a ni e, tawngleh hi ka thiam lo chai
January 9th, 2011 at 2:16 pm
ee i lo siamtha leh hman elaw … (*) (*) (*) (*) (*)
January 9th, 2011 at 2:17 pm
aduh, trawngleh thiamlo mahla…thuziah i thiam thung alawm. i blog ka chhiar ve thin a, ka hre vek! (H)
January 9th, 2011 at 2:19 pm
ka lawm e, kha free gift hi nei nghal rawh (G)
January 9th, 2011 at 2:22 pm
Bible mizotawnga lehlin anih khan pu Jf-a te ang hi tel ve se ka van ti em.
January 9th, 2011 at 2:26 pm
#7 saitawka sawi khi ka sawi ni ve mai teh se…
“…van Angelten thla khawngin lo hmuak che rawh se”.
January 9th, 2011 at 2:31 pm
Nastycool, Mizo Bible sawi takah chuan, keipawh a chang chuan chhiar a sak ka ti ve deuh thin ( esp. for people like me who are literary challenged!!). Tirhkoh Paula lehkhathawn te hi, sentence khat hi a thui thei lutuk a, complicated bawk sia..a tawp lamah hian ka bo trep thin. A changchuan english Bible te ka en leh phah thin ( ve khanglang in!!).
January 9th, 2011 at 2:39 pm
Hamlet i pa phuba ka nih hi ! 😛
January 9th, 2011 at 2:42 pm
PU JF hi a lar ngot mai….. net ah chauh hian a lar ang tih a hlauhom mai khop [ka key thenkhat a chhia}
January 9th, 2011 at 2:53 pm
Pu JF-a khan kan Bible lehlin dan hi a sawisel fo thin an ti…
Nungchang mawi leh nunna hlu ber a liam ta.. mangtha ka lal duhawm.
I kalna ramah chuan van Angel ten thla khawngin lo hmuak che rawh se.
Aw, ka pu duhtak Hamlet..
January 9th, 2011 at 2:56 pm
at the rate aduh, ophelia khan thihna kha “romantic” ati deuh tlat in ka hria a
January 9th, 2011 at 2:59 pm
at the rate Fonz, you mean she was emo? eng vang khan nge romantic a ti ni a i hriat?
January 9th, 2011 at 3:00 pm
Fonzie, Ophelia khan ‘thihna’ kha romantic a tih deuh chuan, a lo gothic ve viau a nih dawn chu! Mr Gothica a khan, gothic culture ah chuan death hi feeling/emotion a ni, a tih deuh duah kha!
January 9th, 2011 at 3:03 pm
was there incest in Hamlet? Ophelia leh Laertes?
January 9th, 2011 at 3:11 pm
“Another factor tormenting Hamlet is the incest between Claudius and Gertrude”
hei hi chu incest pawh a ni chiahin ka hre lo
January 9th, 2011 at 3:12 pm
Shakespeare ah chuan julius ceasar act 3 ami “cry havoc, and let slip the dogs of war” leh henry vi ami ni in ka hria” once more into the great goodnight” …
‘once more into the great goodnight, cry havoc, and let slip the dogs of war eh
January 9th, 2011 at 3:16 pm
kei aiin i la hre zawk anih chu. ka’n google chhin
January 9th, 2011 at 3:18 pm
a thil ngaihtuah dan leh omdan kha thihna kha romantic a tih duh hmel … emo hmaa ber alo ni der a nge 😀 ….gothica lom ang chu …. and ophelia leh laerte chu i ron type takah chuan very very intereting ….
ka pc chhia a, mi laptop ka hmang a
s,w leh number pahnihna a chhia a
January 9th, 2011 at 3:20 pm
s aiah z hmang mai rawh
Ophelia kha chu a character kha a vanduai ve hrim hrim in ka hria. Hamlet lah khan pasal i hmu zolo ang Nun ah inpe mai rawh, a lo ti bawk, a unaupa zinbo hlanin a pa an that leh bawk. Tuia a tlak pawh kha accident nge suicide?
January 9th, 2011 at 3:21 pm
shakepeare a complete works ka nei ve trot a … sw hi copy pate a ngaizel …ala
January 9th, 2011 at 3:25 pm
ka tui laklawh…
The story of Ophelia’s death is striking in a number of ways. First, her death seems to be passive: rather than straight-up committing suicide, as Gertrude tells us, she accidentally falls in the water and then simply neglects to save herself from sinking. This seems to be a metaphor for the way Ophelia lives her life toward the end of the play – going with the flow, doing what her father tells her to do, rather making decisions for herself.
http://www.shmoop.com/hamlet/ophelia.html
January 9th, 2011 at 3:25 pm
at the rate aduh ..thih kha suicide anih ka ring…with her being all emo and shit {pardon my french} 😀
mizo mipa tamzaok hi kan/an “melancholic” in ka hria 😀 :D… zb pa phei hi chu melancholic tak ani 😀 😀
chaun zmileyz ah hian milk no khat leh bob dylan zai lai leh teak tum dah tel ula 😀
January 9th, 2011 at 3:30 pm
Eh.. engtin nge in lo awm a in melancholic chuan? Everything is sad, dark & cloudy? Lung a leng ruih reng?
Teak jokes hi ka man ve lo :luhiat:
January 9th, 2011 at 3:31 pm
zzzzzlolzzzzz
January 9th, 2011 at 3:34 pm
i nuih dan teh tuar chu a va melancholic lo si em
January 9th, 2011 at 3:34 pm
JF-a khan Mizo Bible lehlin dan sawisel chiang a, Mizo tawng dik tawk tam lo lutuk a vei a, a ziak teuh alawm. Chu’ng a ziahte chu a buin an chhuah a, ‘Bible Thlirna’ tih ni tain ka hria. Kristian hlabu-a an hla dah a ngaihmawh zual, an hlaphuah dan kalhmang dik lo zual ang chi pawh a vei khawp mai. A Mizo tawng dik famkim tawk lo lai chu a thaichhia/kualkhung a, a dik zawk nia a hriat chu a ziak mai zel a. A kutziak ngatin ka chhiar tawh.
JF-a hi net-ah chauh a lar lo, net-ah a lar lo zawk mah! Agri lama a hmingthanna te, a tawng thiamna te, a thu thiamna te etc. a tam lutuk. A hre lo nih chu a zahthlak zawk ang @fonz. Thahnemngai taka dictionary min siamsaktu a ni.
Pu Buanga Dictionary-ah khan Mizo a kim lutuk an tih a hria a, chuta awm lo Mizo tawng thumal an lakhawm tak tak mai chuh! A buin a chhuah hial.
January 9th, 2011 at 3:38 pm
Mi taima tak a nih chu. Chuan JF-a dictionary a tel ve lo New Mizo Dictionary ami tur thumal la khawm ve ila?
Gohtroh, CK, Chhas, bon etc etc
January 9th, 2011 at 3:46 pm
Aduh, ‘Gohtroh’ tih hi ka hrelo nghal pang. Dictionary of new mizo words chu siam thuai² rawh ..k mamawh lutuk!
January 9th, 2011 at 3:48 pm
Haha.. A awm nual mai thei ni!
‘Chuan, JF-a Love letter kha i chhiar tawh em Pi Aduh? A ‘bon’ teh mai nia. 😀
January 9th, 2011 at 3:53 pm
bmw – gohtroh i hre lo maw? Hei ni deuh troh ho hi an ni mai.. a bik takin mipa inchei deuh trawh nuihzatthlak lampanga kal si hi
TS- Zari a thawnna kha maw? A bu kha chhiar tawh e hmaaaanah 2003 vel khan ni in ka hria. Hawh tur i nei mial lo maw?
January 9th, 2011 at 4:04 pm
@Aduh, kei pawh ‘ngohtroh’ chu ka lo la hre hleinem le..! Zari kha ni e, kei paw’n a bu kha ka lo la nei lo pek! Library velah ka chhiar a. Zari nih kha hmeichhe tan chuan châkawm tham a ni. 😀
January 9th, 2011 at 4:09 pm
JF a chu thingtlang velah poh a lar chuan a tha lom …kan mizo chanchinbu te hian an lo choi sang lo ang tih ka hlau a mole…net hmang thin hi chuan a ropui zia kan hria a, net access nei lo te poh hian a ropui zia hria se tih hi ka duh dan ani
all round the fields of Anfield Road
Where once we watched the King Kenny play (and could he play!)
and noW that he is back to walk the Fields of Anfield Road We can dream again
and once again sings song about the glory of anfield road
shanks and paisley must be singing in heaven
coz THE KING Is BACK
January 9th, 2011 at 4:11 pm
Hamlet kha vawi eng zat tak ngaithla chhuak i maw! Tui chawi hlawhin kan ngai thla thin a, aww! kan vachawi na sa thin em tak ?! 😀
Ka lung in ti leng hlawm lutuk
January 9th, 2011 at 4:12 pm
@TuaiSialA : JF-a thlarau ka nih hi…. :-[ 😀
‘Bible thlirna’ JF-a ziah kha engtia neih theih nge niang.
Pi.aduh, Lemchang pawl lo thlen laia tirchhiah pakhat leh Hamleta in chhang chho vel tawngkam kha han belh leh keuh teh a….
January 9th, 2011 at 4:14 pm
@shylo chu chu khawilaiah khan nge a awm? a tir, tawp, lai?
January 9th, 2011 at 4:58 pm
Keipaw’n ka ngaithla fo tawh thin..;-)
January 9th, 2011 at 5:02 pm
@Shylo: I hriat pawlh a niang! I sawi kha chu ‘The Merchant of Venice’ zawk ami a ni em aw..?
‘Bible Thlirna’ kha dawrah lei tur a awm tawh lovin ka hria. Mafaa bepawp la, ani’n a ngaihtuahsak thei ang che.
@Fonz: Chu chu a hlauhthawnawm lem loh. A dictionary siam atang ringawt paw’n hre lo aram pawh an awm lo vang. Keini te lai lai paw’n internet a awm a ni tih kan hriat hma atang tawhin kan hre daih tawh.
January 9th, 2011 at 5:11 pm
(‘aw’ thúm tak, khâwk rum rumin…) “…tualthih thu ni e, tualthih thu-ah pawh a tenawm thei ang bera tihhlum ka nia sin…”
January 9th, 2011 at 5:22 pm
Shakespeare-a hi chu alo peare em ani.
Han sawi vak tur pheichu ka hre lem hleilova.
me tum hara bahut ‘peare’ karta hu. lolz
January 9th, 2011 at 5:54 pm
Shakespeare-a pianna khua, Stratford-upon-Avon thlalak tlem en duh tan
https://sekibuhchhuak.wordpress.....upon-avon/
January 9th, 2011 at 5:59 pm
funny shakespeare ai in Britneyspear sexy jokes daih
January 9th, 2011 at 6:55 pm
tuaisial, tunlai thangthar hian a dictionary an en tak meuh ang maw? … next generation hian an hrelo ang tih a hlauhawm
January 9th, 2011 at 7:11 pm
drake: Britney te hi chu a peare (or pyar) zawng nilovin, a spear zawng ania… You wanna spear britney?? hehehe
January 9th, 2011 at 7:45 pm
@Fonz: En tehreng mai. Thingtlang lamah hlei hlei a tangkai. English/Mizo tawng chungchanga inhnial nikhua hian a dictionary thuhretu leh thulairemtu atana hman a ni fo. Next generation chu….ka hre lo le. Thangthar lo awm zel turte hian an rawn hlutin an rawn ngaisang hluai dawn nge, an theihnghilh zawk dawn? Ka hre hauh lo mai!
January 9th, 2011 at 8:41 pm
Va han lunglenthlak em em..!!!! Apa a han inlar mai kha chu…hlauhawm vet vet thei e…!!!! Ka theihnghilh theih loh pakhat…” Zangkhua pawhin bungbut hun ala nei anga, zawhte pawhin ngiau hun ala nei ta ve ang” tih vel ani ta in ka hria a..!! Anyway, good post
January 9th, 2011 at 8:50 pm
he post hmang hian tunlai lehkhabu letling thin ho hian mizotawng thluaithlum hi uluk deuh hlek phah se ka ti khawp mai.. Entirnan….Ben hur lehkhabu kha ngaih nawm takin mi pakhatin tunhma deuh khan a letling a..a tha ltk..gainawm tak a ni..a hnuah a lem nen synod publication board hian upa…tungemawni lehlin kha a chhuah leh a…a hma a bu chhah deuh kha lehlin tharah chuan bu tereuhte pan hling hleng a ni ta…A ngaihnawmna a bo vek..a hlutna nen…
January 9th, 2011 at 9:00 pm
hamlet…hamlet…ngun…ngunhnam ah khan ek….ek an tat a nia aw…..
Hamlet : thei leh thei lo in……ngun..ngun..ngunhnam ah hian ek an tat a maw…….a uih ka ti reng a ni…….he he he
January 9th, 2011 at 9:11 pm
@Hehe: C. Laizawna a ni em? Kohhran Upa a nih ka hre miah lo. A lehkhabu ziak pahnih ngawt, ‘Anita’ leh ‘Hmangaihzuali’ tih chu MAL chuan Book of the Year-ah a thlang ve ve tawh a. Tun hnaiah love story lampang chu chawlhsanin naupang thawnthu a ziak/letling chur chur mai. ‘Count of Monte Cristo’ pawh bu tereuhtè, pan tèin a chhuah thei!
January 9th, 2011 at 9:15 pm
c laizawna chu a ni lo…a hming kha ka hre chiah tawh lo a..kan chhiar chiah mai chu vawm bur ka chak….he he….a lem ang lo zet zet te an telh vel..he he…a hma ami lo ciar twh cuan thinrim thlak m a lawm…he he
January 9th, 2011 at 9:21 pm
c laizawna ziah ah chuan ..hmangaihzuali.. kha tha ka ti khawp mai…anita kha cu tha ka ti ve lem lo…chuan tah a tul leh thin tih emawni..a changtupa biakmawia leh a changtunu thanpuii a nihna kha…tha ka ti hle bbawk…thawnthu phuah chu a thiam ka ti khawp mai a ni hi…
January 9th, 2011 at 9:29 pm
Hamlet (Mizo version) kha belhchian a lo dawl phian mai.
January 9th, 2011 at 9:34 pm
61
hehe Says:
January 9th, 2011 at 9:00 pm
hamlet…hamlet…ngun…ngunhnam ah khan ek….ek an tat a nia aw…..
Hamlet : thei leh thei lo in……ngun..ngun..ngunhnam ah hian ek an tat a maw…….a uih ka ti reng a ni…….he he he
ka nui nasa lutuk! I sawi ang chiah hian fiamthu thawhnan kan hmang thin tak e. “…ngunhnam-ah hian tûr an tat a maw? Tûr chu tûr bawma dah tur alawm. Khawnge, ka pa thattu lal hura chu ka’n vit teh ang che(h)!”
aaah!!
“Min chhan r’u, min chhan r’u, min hliam choh a la ni e”
January 9th, 2011 at 10:14 pm
heroda leh salomi vel an chan kha lo upload ula, nei in om chuan.
January 9th, 2011 at 10:20 pm
Kei chu ka in thiam lo lem lo,An duh a an cho a,an cho thlu ta ah ka ngai
(tia mi kha aw chiang chiah lo….
January 9th, 2011 at 10:58 pm
ha hahahah
Hamlet i pa phuba ka nih hi</b.
January 9th, 2011 at 11:03 pm
@hmingte hawrawp dum lian a ziah dan min lo hrilh ve teh..
January 9th, 2011 at 11:04 pm
@TuaiSialA : Ka hriat pawlh em ni dawn tak le…? Hamleta’n a tim tak hrep kha Tirhchhiah ni ta chuan ka hria,ka hriat duh tak chu….phenglawng tum tura ti luiin, anin ‘ka thiam thlawtlo…’ ti khan a tang a, Hamleta’n.’Nunna neilo mah i khap rik theihloh chuan, kei…mi pakhat, chuti khati… hi i khaprik theih i ring em ni…? vel ani.Aaaa ka chianglo chiang e.
Mafaa pui hi ka la be miah lo….tumchhin ange.
” I mal chungah ka lo zal…..”ophela nena an lemchan thlirdunte kha…lung a a van tileng tak em!!
January 9th, 2011 at 11:27 pm
Hriat ve mai mai atana tha chu, Synod ina a lem nena bu pan hling hlenga an tih ho hi chu teenage pawh la ni phalo, naupang chum chiap te tana an tih ani berin ka hria…
Puitling chuan mi lehlin mai kan duh tawkloh pawhin, a original kan chhiar thei renga, naupang chhiar tur atana an simplified tawh hnu puitling level-a lo judge techu a… “Naupang fiamthu ah puitling a thinrim e.” tih tawngkam tlanglawn nen pawh a inhmeh deuh e a.
January 9th, 2011 at 11:28 pm
“Hamlet, BTS-a ka hmu” an tia mi kha? hairehai
January 9th, 2011 at 11:36 pm
Hamlet-a chang tu fapa nen khan kan inkawm tawh asin mawle, tunah chuan nupui a nei tawhin ka hria. Guitar a thiam rap. Kan inhmuh leh hun chu a free in guitar ka in zirtir ang mawle. hehe
January 9th, 2011 at 11:44 pm
Thlarau kal rawh ka zui a che…..tualthi thu a, eng tual thi thu nge….a rapthlak thei ang ber a ….ka bengah tur chu….. benga tur phul a thih mai theihna tur hi eng tur nge ni ang aw… sazu tur mai2 chu a ni lo chiang
January 9th, 2011 at 11:53 pm
Hamlet-a hi a tak takin kei chu ka hmu tawh a(insawithei) Amah hi a la dam,he he …. amah chu amah chu Serkawn Lungleiah a awm…dah mai a.
“I awm hlei rah i seng ta anih hi, Pu Kolonia…” te kan ti ve thin nasa. Taka, Mizo a changtute kha Rosanga etc ni tlata ka hriat chu. Ka’n van ngaisang tak.
January 10th, 2011 at 12:36 am
lolzzzzz…..a va rei toh ve hei chu……
January 10th, 2011 at 1:11 am
Archery World Cup 2010 – STAGE 2 – Antalya – TV Magazine…
I found your entry interesting thus I’ve added a Trackback to it on my weblog :)…
January 10th, 2011 at 1:17 am
Changtute zinga pakhat chu Pu Rawna, Arm veng, Social Welfare Officer pakhat hi a ni ta lo maw?
January 10th, 2011 at 10:05 am
#72, @funny…. pan hling hleng ka rawn tih khi thuthlungthar bu phel phawk, a chhah lam pawh chutiang vel..a kawm pawh nalh tak mai..a chhunga phek sawm dan emaw vela a lem ang lo deuh deuh a awm ka sawina a nia..Bible Milem (comics), naupang tana siam kha ka sawina emaw i lo ti palh amaw ni aw ka ti deuh…pan hling hleng ka tihna chhan pawh a lehlin hmasa zawk nena khaikhin a a pan leh tet em vang mai a ni e…Ben hur lehlin hnuhnung zawk hi naupang chumchiap tan chuan chhiar a har deuh chu ka ring..
January 10th, 2011 at 2:09 pm
JF a lehlin a ni a,scriptwriter an awm pawn ka hre lo,a lehlin ang angin an hmang ni maiin ka lo hria a
January 10th, 2011 at 2:17 pm
hehe #80: alo nih chu mawle. hehe
ka rin thu ka rawn sawi ve tawp anih kha, hmuh pawh kala hmu velo kei pheichuan.
January 10th, 2011 at 3:01 pm
He thil hi keima convert ani a. alexxfender hian khawi atangin nge a neih ka hrelo a. Ka download hma chuan amahin a convert ve mai emaw ka ti a. Mahse ka download a, ka ngaithlak chiah hian keima convert ngei ani tih ka chiang. A chhan chu a cassette hi hmuhtur a awm tohloh avangin Aizawl atangin Rulchawm ah a casette nei hmelhriat ka neia, chumi te chuan mi rawn thawn vang vanga ka convert kha ani a. A Cassette reel chhelai leh ka zawmchawp lai thlengin a in ang vek. Lawrkhawm.com emaw alexxfender pawh hian ‘courtesy’ min pe miah lo hi chu a mak khawp mai.