Tunlai Aizawl leh Mizoram mipui zawhna tam ber chu “I Phone an ti thi ve dawn em?” tih hi a ni. Mizoram ah Mobile Phone a lo luhna ala reiloh tehreng nen kan nun tibuai bertu a lo nita hi amak tilo tu ai chuan titu an tam zawk awm e. He zawhna tam tak an inzawh nachhan hi kawng tam tak a awm ngei ang I han chhui chiang dawn teh ang.
1. Department of Telecommunication thu chhuah a ni.
Hei hi a chhan ber chu, Sawrkar laipui Department of Telecom-in thuchhuah a siam angin Mobile Service Provider zawng zawng te hnenah an Subscribers te Re-Verification nei vek turin a hriattira. Hemi avangin Service provider hrang hrang te chuan an subscriber zawng zawng te hnenah an service hmanlai atawp loh nan 19th January,2011 hma ngeiin passport thlalak 4, address proof leh photo identity proof thehlut turin a hriattir a ni.
2. Mipuiten thu I awih ang u.
Hemi chungchangah hian mipuiin buaina an pumpelh theih nan he thuchhuah hi mipui ten kan zawm hram hram ava tha em. A chhan chu kan awmna State leh a chhehvel ah hian ‘Hel pawl’ an tam em avangin heng Hel pawl te hian suahsual chhuah nan a biktak in Pre-paid SIM Card hi an hmang nasa em em a, hemi vang hian engemaw investigation neih a awm in harsatna a thlen ta thin a ni.
3. Engtinnge harsatna a thlen?
Pre-paid SIM card hi mahni hming ngeia in register hmang hi a tlem zawk an ni hial mai thei a ni. Heimi vang hian tu hming a in register nge tih han zawng chhuak ta se a hmangtu lo daih hming khan a lo in register thin a, hei hian harsatna tamtak a thlen ta thin a ni. I hminga register SIM Card kha misualin lo hmang ta se nangmah kha an man hmasak ber tur chu ini.
4. Media lampang hi ka dem.
He thil ah hian harsatna tamtak thleng thei a ni tih kan hre theuh awm e, he lampang awareness hi a awmlo lutuk hi mak ka ti hle a ni. Tin, media lam pang pawh hian thu an neilo lutuk leh an ngaihven lo lutuk hi mak ka ti a ni, kan ram la changkan loh vang zawk nge? Media lampang hian mipuite pawh hi kan hrilhfiah ava pawimawh tak em.
A tawp berah chuan mipuite ka ngen duh che u a ni, I SIM Card hman kha I hming ngeiin neih tum rawh tun hi chance tha lutuk a ni. Ilo neihsa tawh kha I hming a in register a nihloh pawh in tun hi hun lawmawm leh hun tha lutuk a ni tih hria in I hming ngeiin register ve rawh le.
Source : www.marvinic.com
Similar Posts:
- Ka computer monitor hi
- Aizawl leh Shillong/Guwahati inkara Maxi Cab Service chungchanga Joint Statement
- Mizo Freelancer te tan Paypal hi
- MZP in sikul naupang inchei dan ngaimawh
- Film lehlin/ Media – Tawng uluk a ngai.
:-P
January 15th, 2011 at 12:17 am
Hetianga tih ve deuh hi chu a ngai a ni..kan ram thenaawmte hi an ralmuang lo ve sia…mizorama kan sim hman an hmang ve thei tho bok si..engmah hre lo hian police hian min man vve luau ang tih hlauhawm tlat
[Report abuse]
January 15th, 2011 at 1:21 am
Keini ang kum khat a thlakhat vel lek Mizorama haw thin pawn kan hming lo chuan kan la duhlo ania.. Mi hi kan lova in chingpen hleih ve! Delhi a ka thiannu pakhat pawh a Sim a tibo a adang ala leh mai a, mahse a Sim lo chhar tu khan mi vau nan kha number kha alo hmang thin a. Police ho in thu an zawhfiah fe hnuah a Sim bo avanga report a pekloh avangin ka thiannu chu an hau hrep a an chhuah ta hram anih kha. Kha daih kha sin! Aleh! Zawngchhang chi miah leuh!
[Report abuse]
January 15th, 2011 at 1:29 am
[Report abuse]
January 15th, 2011 at 1:31 am
Subscriber’s Identity Module hi tih chingpen loh hram a tha! Tlat mai a…
[Report abuse]
January 15th, 2011 at 10:46 am
a hrim hrimah engmah hre lo Mizote min tichiai hmasatu chu provider an ni ka ti ve tlat… Min thrawng thut a, kan bawr huk a, min leitir a, khawn ve rawh se… ka submit nguar ang… A bikin Mizoram Airtel hi an thiam lo… Lei mai theih a tam lutuk, hming ziah pawh a ngai ngai lo…
[Report abuse]