Sunday inkhawm ban veleh a ruala chhuah hman loh hlauvin Lal Tawngtaina te chu ka nuai liam ta mai mai a. Amen rual chuan ka va melh zawk a, ani pawn min lo melh ralh a. Nuam ve mai mai tak chu a ni. Paula zin kualna chanchin vel kan zir lai ai mahin ‘Halelui’ ka chak zawk hialin ka hria. Inkhawm banah chuan tawite kan kal dun a. Chawhnu inkhawm laia High Sikul tlanga inhmuh kan tiam a. Rilru a phawk lek duh ngang mai.
Khatih laia kan sawi thin dan takin, hmeichhia hrim hrim kha ‘chance’ ka la neih pui ngai miah lova. Inkhawm bana kan thiante ina Card kan den lai te chuan ka phur lutuk chu awm ngaihna ka hre mang lo hial a. Thiante’n video en an rawt a. Phur vak lo chungin Bruce Lee-a channa ‘Enter the Dragon’ ngei mai kha kan en a. Rin ai takin ka en tui leh pek a,chawhnu inkhawm dar rik rual chuan ka harh zawk a, a rang a rangin kan in lam panin ka tlan hawng a.
Choka-ah lutin ka ha ka nawt nghal bawrh bawrh a. Hetiang hunah hian ka hriatrengna hi a tha tlat zel! Hmanah nula fawh dan vel an sawi laiin, nula lama kan ngaihsan em em khan ‘chance neih dawn chuan ha nawh ngei ngei tur’ a tih kha ka la hre tlat!
High Sikul tlang lam panin ka chhuak ta a. Tihtur nei lo ang deuhva kal ka duh a. Hei, tei kual vel mai mai ang hi. Mahse, ka phur em avang leh ka helhhawlh deuh avang chuan ka lo kal chak leh thin a. Sikul tlang, kan intiamna hmun ka va thlen chuan High Sikul kan rah ve hma daiha kan u ten an lo phun, thelret kung nghengin a lo ding vang vang a. Vai film ang deuhva han pan ruak ruak a, han tlan pelh deuh hleka hawi let leh vel tur emaw ni chu aw te ka ti a. Mahse, chutiang thil nikhua lo lutuk engmah ka tih ngai lovin, a awmna ka thlen ve hma deuh chuan min lo hmu a. Lung awi lo hmel pu lek lek chung hian, “I lo van thleng har ve”, a lo ti a. Engtin chiah nge ka insawi fihlim vel tak pawh ka hre mumal tawh chiah lo. Dawt ka sawi ang ka ring!
Thelret kung hnuaia thutna an siamah chuan kan thu a. Ral hla takah chuan Aizawl khua a lang pe thut a. Sikul chawlh a ral teuh tawh zia te, Saitual Tournament-a Keifang goalie(?) Sama man ban theihzia tih vel te kan sawi a. St.Peter’s-a kan Math zirtirtu, Mawngdepa chanchin te ka hrilh bawk a. Sawitur a vang tan; khua lah a tlai tan deuh der bawk si. Ka kut a rawn chelh a. Ka kuah ang nge kuah hrih lovang tih vel ka ngaihtuah nasa. Mipa hi, hetiang huna kan ngawih vang vang hian ‘next move’ tur bak kan rilruah a awm vak ngai lo ni ta berin ka hria! Mahse, ka kuah miah lo. Kut invawn ringawt pawh kha ka tan chuan kaisanna nasa tak a ni tlat.
Ni a hniam fe tawh hnu chuan haw turin kan ding a. Tlai ni tla tur eng dul raih hnuaiah chuan kut invuanin kan ding a. Thin phu dup dup chungin, ngam leh ngam lovin tlemin ka han pawt hnai a. Ka kuah ta! Ngawi rengin kan ding vang vang a. Ni lah chu a hniam chak nasa mai si. “Kan kal dawn mi?”, a han ti sap a. “Ngawi rawh, a nuam hrih”. Ni a tla dawn ta tak ngial tihah chuan ngam leh ngam lovin ka han kuai dak a, a hmui lum thar tharah chuan dimte hian ka’n fawp a. Kei ai khan a lo timi nasa. Min fawp ta deuh zawk mah mah a. A nuam pawh ka ti ta meuh lo.
Kan haw kawngah khan ka rilruah thil tam tak a awm. Ka thiante hrilh hlan ka nghakhlel a. Chutih rual chuan, ka ngaih kha a tha vak lo bawk. Ka first kiss atanga kar khat a tlin hma khan kan inthen ta daih nghe nghe a. Tun hnua ka ngaihtuah nawn leh hian, ka nuih a za deuh hlek thin.
Similar Posts:
- Hmeltha-i Kha
- Sunday Dress
- Iron maiden in Bangalore
- Sikul kan inkaltirna te hi an tha tawk em?
- TLEIRAWL HMANGAIHNA
January 19th, 2011 at 9:02 am
Ka first kiss kha aw..!
A ngaihnawm hle mai, ka nui khawp!
Zephenath ka’n khalh khiah chu! Ka hnuaia khu a bawk rûn mai!
January 19th, 2011 at 9:02 am
First (K) ai chuan 2nd (K) a nuam zawk…
January 19th, 2011 at 9:03 am
1st phot ila.ti ila 3rd ah kan awm daih chu le..a rei ta kher mai a, ka first kiss kha…ka hmuiin ka va nawr ve satliah..a tihdan kha ka la thiam lo tlat alom…hairehai 😀 😀 (Y)
January 19th, 2011 at 9:27 am
Tumah ka kiss pawh ka hrelo e a, pangpar pawh mawi tih reng reng neilo taa chuan.
January 19th, 2011 at 9:29 am
Ka first kiss kha thimthamah a ni hlauh va, ka lum pup, ka ling vek..a nuam pawh ka ti lo..mahse, thiante bula sawi chu a nuam..
January 19th, 2011 at 9:38 am
Ngaihnawm khawp mai. Mood a ti tha tlats . (Y)
Mahni star deuh te han Kiss hi chu a nuam kan tih thin kha male. (K)
January 19th, 2011 at 9:56 am
ka first kiss kha awwww thimtham ah thingbuk bul ah khan a niah… tiraw Jewel (K)
January 19th, 2011 at 10:08 am
Coolsoul chu ziak ngaihnawm hle mai! first kiss chu a innocent hle mai maw? Hetiang hi in nih tlangpui ka ring! Kei chu inpuang ve lo mai ang! a rei tawh em mai, ka theihnghilh tawh in ka hria! (K) (O) (Y)
January 19th, 2011 at 10:21 am
Ka 1st kiss ve kha….nula lam la ngaihtuah ngailo ta chu le min ban daih….khatiang em em a zeilo kha a lo tawng lo a niang (K) hi chu nuam ve tho mai a 😀
January 19th, 2011 at 10:22 am
Kei chu Hmeichhe Teranga, sahdah hmuam leh kuva ei chu, kiss loh tur list ah ka dah hmaks eng ang pawn hmel tha se , a bak chu ti thei ve mei zel lol (K) :-O
January 19th, 2011 at 10:29 am
Inpuan in tih takah chuan tum khat chu ka chaw ei kham, leng chak tawh si, hmanhmawh bawk si chuan uluk takin a rang thei ang berin ha ka nawt a. Tichuan ‘confi’ deuh chuan ka va leng ta a.
Mahse ka leng haw hnu, ka inthlak tur chuan ka kawr hma-ah toothpaste a kai luai tih ka hrechhuak chiah! (K) 😀
January 19th, 2011 at 10:32 am
Tumah ka la (K) lo leng leng. Kan nu pawh… :p
January 19th, 2011 at 10:34 am
Ka first kiss kha chu nuam pawh ka ti lo ve a! Chil ka chhâk hnem tlerh tluarh em mai.
January 19th, 2011 at 10:42 am
OT loks. Mi(sual) north India awm ho khan tukin 2 a.m. a lirnghing kha in lo hre ve em?
January 19th, 2011 at 10:50 am
a vawikhatna a tan ka Kiss hlawm dawn che u maw ni le… hahaha
January 19th, 2011 at 10:51 am
In first kiss pawh chu in lova hre rei hlawm ve a??
January 19th, 2011 at 10:52 am
Ka first (K) kha ka la hre chiang khop mai, ka thrianpa a tih dan ka zawt tete a, ka (K) pop ka zak lutuk a ka haw vang vang. Hmuh poh ka hmu ngam tawh lo.
January 19th, 2011 at 11:06 am
In ‘First Kiss’ laia irh hi a fuh vak ka ring lo…ve mai mai a. 😛
January 19th, 2011 at 11:18 am
#18 shailendra chu experience atanga sawi chu i ni em lo maw? (K) 😀
January 19th, 2011 at 11:18 am
Coolsoul09 chu voi khat na ah chuan i zei hle mai mahse,i kiss nu kha nang aiin a zei hmel zok riau in ka hria. I kut a rawn vawn khan,i tan chauh i tan kum tluangin tih a ngiat a,i lakah in nghahna a zawng a. Vuan let ringot lo khan,mipa i nih ang ngei khan i trangah bei tirin,in nghahna tlak i nih zia lan tir la,ani pon chu em bak engdang a beisei ka ring lo. Mahse voi khat na ah hian zawng pheikhai hi a zang duh jan lo zawng anih hi!
January 19th, 2011 at 11:21 am
#14,james,kan sawi nasa hlarh2 ngei mai… 😀
kiss hming chi hrang hrangte-infawp, in-ox,muah,.adt.. (K)
January 19th, 2011 at 11:39 am
@Tetea #19, mi min hrilh a nia. 😛
January 19th, 2011 at 11:39 am
hahahaha. A va za tak em! A tha ka ti ltk. Vai film ang deuh chuan han ti vel tak tak la. In in (K) a a hmeichhia zawk lo zei ta lutuk si te khi. 😛 good post (Y) pumna ur in ka nui. :-$ . @ james bond # 14, hei Kanpur-ah ka awm a, lirnghing chu ka va hre ve lo ve. :-S kan awmna lam chu ni lo niang. 😉
January 19th, 2011 at 11:52 am
ka first kiss kha min ruksak a ni (K)
January 19th, 2011 at 12:06 pm
Kawlthei kan lova, min duh ve niin ka ring deuhva; mahse, ka chiang ngam lo. Tichuan a rem em a, ka First (K) ta a. A kum lehah pasal a nei :-[
January 19th, 2011 at 12:06 pm
Kei chu ka first (K) ah kha chuan Meatloaf-a hla pakhat ka hrechhuak zawk:
And then you took the words right out of my mouth
Oh it must have been while you were kissing me
You took the words right out of my mouth
Oh I swear it’s true
I was just about to say I love you
(H)
January 19th, 2011 at 12:26 pm
1st kiss chu a al deuhin ka hria (K)
January 19th, 2011 at 12:31 pm
Hmm, first kiss chu nuam bawk si, zahtlak bawk si, a nula kha kei ai a u leh tawnhriat ngah zawk a ni hlauh a!! Thlawhna chuan lai in muah hi tih ve chhin ka chak, motor leh rel tlanlai a muah ai chuan a nuam zawk mahna:)
January 19th, 2011 at 12:35 pm
first kiss kha chu a.. chil kan in fah hi a ni ringawt.. hmui vel te kha a huh hluam zel in ka hria (K) 😀
January 19th, 2011 at 12:41 pm
first kiss ai chuan last kiss hi a melancholic zawks (Y) chuan a pa zawk tlatin ka hria (H)
January 19th, 2011 at 12:45 pm
a kiss is still a kiss in Casablanca
January 19th, 2011 at 12:51 pm
29, (Y)
January 19th, 2011 at 12:53 pm
A real life kiss is not to be discussed but to be cherished (but you can write stories ’bout fictional kisses) 🙂 :
soundtrack
http://www.youtube.com/watch?v=ByCIsHtFAj0
January 19th, 2011 at 12:54 pm
Zualbon chu last kiss nei tawh bik mi? Haha, tu nge in kiss hmasa ber ang aw..Adam leh Eve te kha ni mai ang ngem..
January 19th, 2011 at 1:01 pm
First kiss zan kha chuan lukham khan a tuar nasa awm ngawt a sin…. (U)
January 19th, 2011 at 1:02 pm
nastycool…..zawngtah mum 10 vel ei la chumi hnua kiss chu last kiss ani mai :-O
Adam and eve shared a kiss
God saw they were at bliss
And the snake gave a loud hiss
January 19th, 2011 at 1:48 pm
@coolsoul09 i ziak tha khawp mai a, In sikul tlang kha chu nula leh tlangval tan a nuam em a ni. thli a tamin a hmun a thengthaw nuam khawp mai. Tin, Goal keeper Sama pawh zirtirtu ah a tang ve daih tawh aw, kei chu Socil-a kha thiamlo zawk mahse a goal veng chu a hmuhnawm zawk ka ti(a ât huai deuh thin mawlh mai kha!!) 😀 in zirtirtu ah Miss. Dâr-i (Darhmingliani)kha a tang hman em aw?
January 19th, 2011 at 1:51 pm
@LErsia, Sama chu Rulchawmah a thawk a lawm. Sasil-a kha chu a ngeiawm thei em lawm..time delay tih vel kha..hahaha.
Miss Dari chu tang hman teh reng mai. Kan chhuah hnuah pasal a nei ve ta nghe nghe a..
January 19th, 2011 at 2:12 pm
Ka thianpa 1st kiss chungchang kan hriatchhuah zawk chu le. A tia lawm, 1980’s tir lam te kha chuan rilru kha an la thianghlim veng veng khawp a, chance kan han nei ve ngei a sawi tur hriat tawhloh lamah thih leh thih tiin kan kiss ve ngei mai a. Chutah inthiamlo em em in ‘tih chhiat che ka tum vang ani miahlo ania’ kan ti khur dar dar a, tun hnua kan ngaihtuah let pawh hian ka nui leh huk thin ati.
January 19th, 2011 at 2:53 pm
@coolsoul09, i va han young em em ve aw.
Dâr i chuan khawilam ami nge maw an hmuh ve reng reng le. leng tar law law ang a ti a mawni ka tia. 😀
January 19th, 2011 at 4:38 pm
kei chu tiranga a lo ei hman pek ka zun hlanin..hitlo mai mai khawp mai…..kan inban nghal hmaksss 😉
January 19th, 2011 at 5:04 pm
First (K) ka tum a, ka lo tlai alom le!! 😛
@badboy #7 ania mi khah?? I ruiin police kuttum i (K) kha ni jok lo mo? 😀
@chemtatrawta Kiss chi hrang2 te chu i va hre zot2 ve..i inhmeh lo eee… 😉
January 19th, 2011 at 6:52 pm
Kan thian 1 Bengali nula ngaizawng pawhin ka chance hmuh chhunah khan kuhva ka hmuam pung mai si a, ka chhak hman tawh si lova, kan (K) mai chuh….thok ka la, ka han enchiang mai chu kuhva kai kha a hru mawlh2 mai a, kei pawn ka hruk pui mawlh2 mai ani ati….. 😀 (Y) (U) (Y)
January 19th, 2011 at 8:02 pm
#42JEWEL,a dang pawh hmanniah facebookah mn rn hrilh jot2 kha,,,
chuan Pu Zualbon hi ka tran tlat..tige in chuk rawn luai2 jel, a to vet2 teh mai nia.. 😛
Princess mapuii kha (K) ,fb ah ck jiah tawh suh,i naute rual lek2 bulah.. 😉
January 19th, 2011 at 8:07 pm
kan nervous dun lutuk kha kan in kiss lo ang vel ani … 😀 pehla chuma ah chuan 😛
January 19th, 2011 at 8:16 pm
@ 44 chemtatrawta…. ha ha ha (Y)
January 19th, 2011 at 8:20 pm
An hrechiang lo mah2 che ni tiro..Pu zualte..nula ho phei chuan U Mazualte an tiiii. . . . .
January 19th, 2011 at 8:23 pm
@ chemchem… min tlawn suh, (B) (D) khilai tur che ka neilo 😀
January 19th, 2011 at 8:26 pm
Mazualte hi ti bik a..kinah chuan i rawn nawi leh phut bik anga..”a zo bek a” i rawn ti leh bui2 si anga. . .
January 19th, 2011 at 8:29 pm
@ chemchem ….huizzz :-S
January 19th, 2011 at 8:31 pm
geee…@majualte… (&)phek thar hawng pahin..:P
January 19th, 2011 at 9:39 pm
Kum engzat kan nihin nge 1st French kiss kan dawn hlawm aw?
January 19th, 2011 at 11:17 pm
Ziak tha lutuk..ka hlimpui khawp mai..(Y)
“Mipa hi, hetiang huna kan ngawih vang vang hian ‘next move’ tur bak kan rilruah a awm vak ngai lo ni ta berin ka hria!”
A dik khawp ang…
January 20th, 2011 at 4:39 am
Van Ngaihnawm. Hetiang hi chhiar anuam eeee… Hetiang chet chukchu deuh2 na hi chhiar a nuam in min ti nui nasa khawp mai…. nia mipa kan ngawih vang2 toh hi chuan ‘next move’ chu kan ngaihtuah tlangpui in ka hria..keipoh ka ngawi vang2 thrin:-D
Good post cheers(Y)