Hmanni lawkah Aizawla hausa ber zinga mi pakhat fapa chu, tihpalh nge tum renga thleng tih lam chu sawi lo ila, hnamdang thihna chungchangah news ah a hming a lo lang a. A enga mah hmain chanchinbu lamah dan leh thupek kengkawhtuten tihpalh a nih thu an sawi nghal ringawt a.
Chu mai bakah man anih loh theih dan tur an zawng ngar ngar emaw tih turin hma an la ni berin a lang. Mirethei, thingtlangpa ni ta se hetianga hmalakna hi a awm angem le tih hi zawhna lian tak a ni. Hman deuhah Aizawl tlaklama pa pakhat in an ina luh tum misual a lo kap a, rei fe a tang a nih kha.
Hemi bakah hian rinhlelh thua rei fe fe tang mek tam tak an awm bawk a ni. Tun dinhmunah hian he thubuai ah hian investigation tih zawh pawh a la ni lova, hetianga dan kengkawhtuten an thil chhui poh zawh hmaa tawngkam an nei ta mai hi a mak khawp mai. Thingtlangpa thiltih nise hetiang hian an tawngchhuak kher angem le??
Sapel intipalh tam tak an awm, thian inkawm ngeih tak tak te pawh a ni thinm. Mahse an intihpalh chungchangah dan kengkawhtu te lam atangin thu leh hla hriat tur a awm ngai lo ti ila kan tisual tam lo ang. Tun thilthlenga a silai neitu leh a tuartu te hi Mizo tak tak ni lo ve ve an ni. Vanduai vanga thleng pawh a ni thei bawk.
Mahse tun thil thlengah hian dan kengkawhtu lam hian a tan an hlau hrim hrim anga lang thei turin thil an ti niin a lang tlat a ni. Hmanni lawkah Serchhip District ah Lo hal vang nia langah in a kang palh a, chuta lo hal tu zinga mi pakhat Police ten an man chu Mizo pa, kum lamah pawh upa tawh lam, Kohhran Upa leh khawtlanga zah kai tak a ni.
Mahse tihpalh a nih leh nih loh ala hriat theih mai loh a, investigation la tih mek anih avangin an rawn man nghal a, Jail lama thawn tura tih nghal mai a ni. He Mizo pa hi Aizawla mi hausa tak ni ve ta sela hetiang hian dan kengkawhtute hian an ti ve angem le?? Hei tak hi zawhna lian tak chu a ni. Dan hmaah chuan kan intluktlang vek tih nisi hian kan lo intluktlang lo fo thei ani mai lo maw???
Pu PP John-a fapa, Paul Zothanpuia John-in ulhbun silaiin an company rawih, engineer pakhat, Nitin Nayak nizan khan a kap hlum. Sialsuk Police Station atanga kan Corr. thu dawn danin, Paul Zothanpuia John leh an company a hnathawktute hian nimin khan Maicham Hydel Project an tlawh a, hemi hnu hian Aizawl lam panin an lo let leh a. Sailam tlang hnuaia Chalkhan rama Tinbiaka Hotel-ah nizan dar 8 leh dar 9 inkar vela an chawlh laiin Paul Zothanpuia John-a ulhbun silai puak chuan engineer pakhat, Nitin Nayak chalah a kap a, a thi nghal a ni.
Police-te zawhna chhangin Paul Zothanpuia John chuan, an chawlhna hotela a silai tun tlu palh chu a puak a, chu chuan an engineer hruai chu a kap ta niin a sawi a, Police-te chuan Paul Zothanpuia John hi manin thubuai an siamsak mek a, Police Station-a kawl lovin a tul huna koh turin PR Bond-in an chhuah rih a ni. Engineer thi ta, Nitin Nayak-a ruang chungchangah hian thil tihfel ngaite tihfel a nih hnuah vawiin chawhnu khan a ruang hi endik turin Aizawlah rawn thawn a ni.
Similar Posts:
- MPCY-in MNF sawrkar zawhna an zawt
- Ka tihpalh, a va pawi em!
- Live: 1987 Princes Trust Concert
- Bangalore Mizo hruaitu ten Dy. Speaker an kawm
- Chief Minister hi maw???
March 15th, 2011 at 8:07 am
Chaw an han ei a, an titi tui viauva, chutihlai chuan silai intung(ral laka inven nana an tih, a mu pawh thunsa, rikrum thila hman mai theih) chu a tlu palh ta. Engineer khian a pu thil tlu mek chu ngai ngam lovin a lo dawm ding a. Hmanhmawh a leiah kun paha zu man kha a ni sia, a cheng a zu khawih fuh palha, silai ngul chuan a chaldar ah tak a chhun palh si a. Ani inring hman ta si lo chuan a tipuak palh ta hlauh mai a nih duh hmel.
Chutiang chu lo ni tase, paul johna hian a kaplo, thi taa kha,’ mahni intihlum ‘ a nih daih dawn chu!
Report this comment
March 15th, 2011 at 10:31 am
Karei
A inpuang ta an tia mi? News ka la chhiar chiah lova, a kut atanga silai chu puak ngei a ni an ti leh tlat!!!
Report this comment
March 15th, 2011 at 12:32 pm
Nunna chan a ni ta hi a pawi hle mai………..hmanah Kawlkulh restaurant pakhatah tuna mite kaihhnawih hian silai a puak a…………nunna chan an awm lo hlauh……..sometimes weathy people considered themselves so rich that they showed EGO, flaunted and floundered……..
Report this comment
March 15th, 2011 at 2:15 pm
Chulam chu ka hre hauh lo mai vangchhia.
Report this comment
March 15th, 2011 at 2:21 pm
Ama kah ngei a nih thu chu a puang e. Zu an in ho va, pahnih kha an bengchheng lutuk a, silaia vuak a tumna lamah a hmetper palh niin a sawi.
Report this comment
March 15th, 2011 at 2:45 pm
UPDATE…………….
Zirtawp zana Sailam rama silai puaka thi, Nithin D’Nayak chu silai neitu, Paul Zothanpuia John chuan a silai hmeh puah avanga thi a ni tih a sawi. Aizawl SP, Pu Lalbiakthanga Khiangte hnen atanga thu dawn danin, he thihna chhui tur hian Addl. SP, Pu C. Lalruaia chu a hmunah a kal a, Paul Zothanpuia John chuan police hnenah an Engineer hi a silai hmeh puah avanga thi a ni tih a hrilh a, mahse tihluih vanga kap ni lovin, a puak palhin a fuh niin a sawi a ni. Aizawl SP-in Paul Zothanpuia John thusawi chin a sawi chhawn danin, Zirtawp zan dar 8:50 vel khan Sailam Rama Chalkhan kawna Tinbiaka Hotel-ah chaw an ei a, he Hotel-ah hian hnam dang pahnih an lo awm ve a, heng mi pahnihte hi an bengchhen avangin a hau a, an pawisak loh avangin Paul Zothanpuia John hian a ulhbun kawma chhut a tum a, mahse a thiante’n an lo dang a, heta an innawr buai lai hian silai chu a puak palh ta a, an Engineer, Nithin D’Nayak, kum 24 chu a chalah a fuh a, a thi nghal a ni. Aizawl SP chuan, Paul Zothanpuia John hian hei bak hi engmah a la sawi belh lo tih a sawi a, a tira silai tlu puakin a fuh palh tih chu thu dik lo niin a sawi. Puan tawh angin Paul Zothanpuia John leh an Engineer-te hian North Vanlaiphaia Maicham Mini Hydel Project an tlawh haw chu he Hotel-ah hian chaw an ei a, hetah hian silai a puak a, an engineer chu a hmunah a thi nghal a ni. He thil thleng hi an hriat veleh Thenzawl Police-te leh a bialtu, Sialsuk Police-te chu an OC, Pu Romalsawma hovin an kal nghal a, anni bakah hian Sailam leh Sialsuk YMA hruaitute pawh an kal a, mahse Paul Zothanpuia John chuan an Engineer chu banga an silai tun tlu puak palhin a fuh niin a lo hrilh a ni. Paul Zothanpuia John-in ama silai hmeh puah a ni tih a sawi leh tak avang hian Sialsuk Police-te chuan an man nghal a, IPC Section 304 hmangin thubuai a siamsak a, mahse hei hi bail theih a nih avangin vawiin tlai khan bail-in a chhuak leh nghal a ni.
source: zonet
Report this comment
March 15th, 2011 at 6:43 pm
Covenanter@ a thawnthu chiang deuh zawka i rawn post thei hi lawmawm e.
A pawimawh ka tih ber leh comment ka post nachhan ber chu Police lamin Bailable Section a an chhuah theih reng si, a then an chhuah a athen an chhuah duhlo thin hi a thalo e ka tihna lam zawkah min ngaihsak ka duh khawp mai.
Vanduai vangin tupohin danin sual a tih ang kan ti palh thei. Heng kan chunga a thlen changa dan kengkawhtute lamin mi hausa leh thiltithei deuh leh mirethei leh chanhai zawk treatment an pek dan hi a inang lo em mai thin a. Chu chu a pawi em em a ni. Chuvang tak chuan hmundang leh hundangah intluktlang thei thin lo mah ila “Dan hmaah tal hi chuan intluktlang thei hram ila” tih hi Kristian ramah hian thleng hram teh se….
Ngaihtuah zui atan:
Kan nupui fanaute chhan nan tualthah hial lo tul palh ta se, 304 IPC hian Police lam hian min charge nghal angem le?? 302 IPC min pe te te anga, Court lamah evidence a zirin charge chu alter zawkin 304 IPC ah a tla thla chauhin kei chu ka ring tlat. Chu chu tihdan awm tur reng pawh a ni. Accused te thusawi Police lamin an awih that ber tum a ni hial awm e a…. tum khat chu an ring sual toh pang mai a, kei chu rinngam har ka ti tawh khawp ang. Mahse Police ka ni ve miau lova leh…..
Report this comment
March 15th, 2011 at 7:18 pm
Tuna kan sawi mek chungchanga IPC in a sawi dan leh thildang kaihhnawih awm te han tarlang lawk :
304. Punishment for culpable homicide not amounting to murder.—Whoever commits culpable homicide not amounting to murder, shall be punished with imprisonment for life, or imprisonment of either description for a term which may extend to ten years, and shall also be liable to fine, if the act by which the death is caused is done with intention of causing death, or of causing such bodily injury as is likely to cause death ;
or with imprisonment of either description for a term which may extend to ten years, or with fine, or with both, if the act is done with the knowledge that it is likely to cause death, but without any intention to cause death, or to cause such bodily injury as is likely to cause death.
304-A. Causing death by negligence.—Whoever causes the death of any person by doing any rash or negligent act not amounting to culpable homicide, shall be punished with imprisonment of either description for a term which may extend to two years, or with fine, or with both.
203. Giving false information respecting an offence committed.— Whoever, knowing or having reason to believe that an offence has been committed, gives any information respecting that offence which he knows or believes to be false, shall be punished with imprisonment of either description for a term which may extend to two years, or with fine, or with both.
A chunga mi te zinga an rawn puhna nia lang hrih chu 304A IPC chauh khi a ni
Report this comment
March 15th, 2011 at 7:47 pm
Vai ho rak peih lutuk , midang mitmei veng maleka ar zing chhuah tlai ang deuh a kak chuah chuah hi chu an ninawm ve bawk ani. An tawng rin poh leh midnag in min ngaisang dawn ani ti niawm taka phone vela an rak vak vak te hi a thing uih.
Hman deuh a Melbourne a vai ho kutthlak an chin deuh laia sap hovin vai ho an sawiselna chu rel/bus a phone a tawng lung lung an ching, an zakkha rim a chhe lutuk, masala curry rim an nam (an rimchhia anih ber chu) tih vel ani. An perfume ve lah hi a rimchhe thei em em mai bawksi.
Mahse khitianga chhungte nghahfak ve ber tur engineer fapa kahhlum ringawt khi chu a chhungte tan pawh tawrh thiam a har ve viau ang.
Report this comment
March 16th, 2011 at 8:14 am
#29
,Sialsuk YMA branch secretary hi tunge a hming leh nihna chiangtak a sawithei anawm em aw?? ka va han chhuang tak em!! hetiang mi, pawisa tel chhah deuh hmuh a phi ve ruailo mi YMA hruaitu anlola awm hi kava han lawm tak em!! 
Report this comment