October ni 22 tlai lam dar 6:30 khan Bangalore Mizo Association Hruaitu te chuan, tuna Bangalore-a cham mek Mizoram Assembly Deputy Speaker Pu John Rotluangliana kawmna an nei a. Hetah hian Bangalore-a Mizoram House kan mamawh dan te sawipui a ni a, hma pawh a theih anga la nghal turin Bangalore Mizo hruaitu te hian an ngen a ni.
Ani pawhin a theih anga bawhzui nghal tumin, Bangalore Mizo hruaitu te chu Mizoram Sorkar-ah ngenna (appeal) siam turin thurawn a pe a, hei hi bawhzui nghal niin, Bangalore Mizo hruaitu te hian beiseina sang tak pawh an nei a ni.
Pu John-a hi chhungkaw pawimawh avanga rawn zin ni mahse, hetiang hian Bangalore Mizo Hruaitu te nena inkawmna hun tha tak hi a neihpui thei a, a chungah Bangalore Mizo te an lawm hle a ni.
Pu John-a hian kalkhawmte hi politics ruih chilh lova, ram veina nena hun leh tha leh zung te pawh lo seng ve a, a tul chuan sorkar pawh thurawn pe turin a chah a. Bangalore hi mi thiam tak tak te leh ram vei tu tak tak awmna nia a hriat thu te leh beiseina pawh thui tak a neih thu a sawi. Sorkar thar hian nasa taka corruption a do mek thu leh a do zel tur thu te a sawi uar hle a. Mipui ten politician tha corruption-a fihlim min beisei ang chiah hian mipui/voter tha rinngam kan beisei ve a ni a ti.
Similar Posts:
- Ramri ah Assam Sorkar in In an sa..
- Mizoram Presbyterian Synod in WCC zawm dawn lo / Bangalore ah pastor dah rem ti
- Bangalore ah Mizoram House kan nei ve ta
- “Delhi Resident Commissioner in Mizo min hmusit”
- Mizo tlangval paruk bum in an awm leh.
