Ka hma lamah The_Chhamanator khan alo thehchhuak tawh nangin, tlemte ka rawn belh leh hram ang e!
Chanchinthar kan chhiarin kan thlir vek tho chuan ka ring. Mahse, a nawlpuia laka Japanese tlawmngaih theih zia leh zahawmna, mi dik nihna an ngaihsan zia chu ka rinphak bakin alo lang tlat mai. Anni hi zawng an ngaihtuahna an hmanga, hawihhawmna leh dikna chu huamhauhnain an chhiatber lai pawhin an vawng nung reng thei tlat.
Chanchinthar lakhawmtu ten an sawi uar em em pakhat chu chhiattawktu te an va tlawhkual te khan an lo hawihhawm zia leh an mahni tanpui tura an lo kal hriain an neih ang ang, eitur tlemte an neih te chu ihe lovin an lo sem ve zel mai te kha a ni. Mak leh deuh mai chu petrol pump pakhat chauh inhawnna hmunah te khan za tel (100+) an intlar put mai a, tumah horn inpein emaw, in nawr an awm miahlo. Tlawmngai takin an mahni hun, phunnawi lovin an lo nghak mai a ni.
Kawlphetha an ren avangin dawr a inkhar hmaa, mahse dawrah inchuhbuai an awm lova, zan khawthim chuha inrawkna a awm heklo. Chuti mai ani hleinem, mahni chhungte la hmu zolo te pawhin midang lusun te an inhnem tawn a, an intawrh pui hlawm. Avan ropui tak em vele.
Japanese (Nihonjin) ho tlawmngaih zia ka hriat ve chhun ang ang chu hahipin thiante kalo hrilh ve tawh thin. Hmun/mi zawn/hmuh duh nei ila, min hmuhpui hma chuan min kalpui char char mai thin. Keini erawh chuan kawng kawi dan leh engemaw chhinchhiah theih deuh an mitthla theih tur kan hrilh a, kan kalsan mai thin niin ka hria. Japanese in lawmthu sawi nana an han bu hnap mai thin te hi lawmthu sawi nan chuan hawihhawm tak niin ka hria; lawma inphahhniam, hawihhawm entirna te pawh a ni ngei ang.
Engpawh nise, khawthlang nunphung entawn (Movie ilo) ai chuan hetiang ngei mai hi kei chuan ka ngaihsan a ni a, ropui ka ti a, Mizo zia nive thei sela ka ti ber thin. Kan zia ihan thlir let teh ang u khai!!
Rather fail with honor than succeed by fraud.
Watashi no utsukushii Akiko, hajimemashite 
Similar Posts:
- Thiante u, enge in ngaih ve dan?
- Kum 10 ka nihin ka sumdawng a! (True story)
- Thanksgiving heroes
- Khawvela a thil duh ber a nei ta
- MVI Road TAX pekna counter a changkang!
la kal ve hlawm...
March 16th, 2011 at 7:38 am
#50. Ram dangah an tam viau asin NOI
Peru ah phei chuan, Alberto Ken’ya Fujimori kha an president te pawh an ni tawh nghe nghe. Tunah an president hlui fanu Keiko Fujimori pawh president leh tura beisei awm tak ani leh tawh nghe nghe.
https://latimesblogs.latimes.co.....ident.html
Report this comment
March 16th, 2011 at 7:50 am
#51.Compare to Indian,Burmese,Chinese,Russian,Spanish,…..
Report this comment
March 16th, 2011 at 8:15 am
Keini chhung chuan Japanese cartoon hi kan en nasa khawp mai. Sinchan-a te,Doremon-a te,Yashu-a te hmuhnawm kan ti. Lirnghing pawh Nobeta-a te khuaah a nghing kan ti hmaks
Report this comment
March 16th, 2011 at 8:30 am
#52 I dik tih palh
Report this comment
March 16th, 2011 at 10:31 am
Tlawmngai an inti ve angem le
Report this comment
March 16th, 2011 at 2:47 pm
Hnam tlawmngai,Hnam rinawm an ni tih hi tuna chhiatna an tawh atang hian khawvelin a hrechiang ta hle mai.BBC leh Cnnah te pawh special report chhung a khungin an puang dum dum mai a ni.Ram tam takah chhiatna Lirnghing leh tuilian avangin miin an lo tawk tawh a,chuta thil duhawm lo thleng fo chu RUK RUK (Looting) a ni.Japanah erawh chuan hetiang lam reng reng hmuh tur a awm miah lo niin an mahni tanpui tura ramdang atang a lutte leh chan-chinthar lakhawmtuten an sawi.Chu bakah an tlawmngaihna thuk zia hi Redcross society palaite atangin an sawi bawk.###### Mizote hian, Japan rama chhiatna nasa tak an tawh lai pawh a an rinawmzia leh tlawmngaihzia atang hian zirtur kan van ngah tak em. Hmingthat duh vanga inti tlawmngai lui nilovin thinlung chhungril atanga tlawmngaihna leh midangte hmuh lohva rinawm si lova rinawm ber ziazang a kan nun kan lantirte hi sim a hun ta khawp mai.Keini Kristian inti te ai chuan Japanese Buddhist/Santoismte
rilru leh nihna hi a ropui zawk fe a ni.Japanese ho hi ka chhuang tak meuh meuh a ni.
Report this comment
March 16th, 2011 at 3:49 pm
Khawvela a Electric Guitar tha ber te pawh Japan siam an ni. Ibanez Made in Japan (MIJ) guitar ngat hi chu Les Paul, Stratocaster…etc… tih vel chuan tluk lo tak ani.. (ka hriat ve zawng ania ka comment ve mai mai)
Report this comment
March 16th, 2011 at 6:42 pm
Nizan khan CNN ah Piers Morgan in mi pakhat (A hming ka hre tawhlo)a kawm chuan, “Japanese ho chu a tlangpuiin an ‘cool’, Kobe lirnghing ah khan bycicle pahnih rukbo a awm ve. Chumi chu mak tiin kan zawt chianga, a rutu te chu tourist (foreigner) an lo ni reng zui a,” a ti.
Ti daih ila, ka thian (Japanese) pakhat chuan, “Japanese hi mi fel leh rinawm vek ang hian sawi kan ni a, mi tam tak nun diklo an awm ve tho asin mawle. Chumi te chuan khawvel min hmuhdan hi advantage ah lak an ching fo bawk,” a ti ve nuah nuah mai.
Report this comment