Ka fanu sikul luhna, Trinity School ah chuan an pawl, Pre-K ho chu uluk taka an thil tih tur leh an tihin enge awmzia a neih, enge a tangkaina leh theih hun huna tih nachang hre thin tura fuihna thu an hrilh a. Chung an thil hrilh te chu mi tanpui tu nih a pawimawh zia te, mihring chu in mamawh tawn theuh kan nih avangin tumah in hawisan a thatloh thu te a ni a. Tanpui ngaite tanpui thin chu Pathian duhzawng anih te chu uluk takin an zirtir a ni.
Tichuan, an hre tlang ta viau ang tih turah chuan, naupang cancer veite an enkawlna hmun, St.Jude children research center tanpui nan tiin Bikeathon an buatsaih sak ta a ni. Heta an pawisa hmuh zawng zawng hi naupang cancer veite tana hman turin pek a ni dawn. Nimin March ni 17 chhun khan an sikul indoor games khelhna hmunah minute 10 theuh an thirsakawr te chu an khalhkual tir a, an hmuhnawm hle mai. Naupang thenkhat te chuan an khawlbawm ami te an rawn thawh belh nghe nghe a ni. Naupang te hi an tet te atanga hetiang inzirtir hi sikul atanga tan alo pawimawh ngawtin ka hre ta tulh tulh mai.
Engpawh nise, thlalak fahrah te te leh video pakhat kan phawrh ve ang e.
Ka fanu inpuahchah ve lai:
A khalh ve tar tar ania:
A tel ho zawng:
Video fahrah ve tak chu:
[youtube]http://www.youtube.com/watch?v=0PXu65pGwSU[/youtube]
March 19th, 2011 at 11:03 pm
Kei pawh chu chu ka ngaihdan
…khrum
March 19th, 2011 at 11:17 pm
that viau chu a rinawm khawp
March 19th, 2011 at 11:20 pm
Pu HV chu fanu i nei hmeltha hle mai……hmeichhia chuan an nute an chhun tlangpuia,mipain an pate,ngei ngei ni hran lovin.Camera awrh mingo thauve deuh kha in nu chu a ni mial em? (H) (Y)
March 19th, 2011 at 11:29 pm
Nopang ho hi ka piai let tawp tawp chak! 😛
March 19th, 2011 at 11:30 pm
that’s my girl… 🙂 i ngaihdan hi keipawh ka ngaihdan. (Y)
March 19th, 2011 at 11:30 pm
Mizo te hi naupang kaih hruai kawngah hian kan hnu fum thin hle. Hman a changkang tulh2 a in zirtirna pawh ka pe tha tial tial, mahse duh tawk mai loin an len hnu a thar thawh leh ai chuan naupang te an nih lai tang a in zirtir uar hi kan tih tur pawinawh tak ani awm e.
Huaisen, Tlawmngaih, Tuarchhel, Midang tanpuina etc te hi in zirtir uar a pawimawh khop in ka hria. An kum mil a tangkai tura zirtirna pek zel te hi NU leh Pa mawh lian tak ani.
Nupui ka hmu ve a, fa te ka nei nih chuan ka sawi ho khi ka ti ve ngei ang 😀
March 19th, 2011 at 11:34 pm
dik khawp mai (Y)
March 19th, 2011 at 11:53 pm
100% support. (Y) Tupawh engang pawn hlawhtling mahse, parenthood(ka rilru a awm zawk tak chu fatherhood ania)a a hlawhchham chuan ka dahsang lo khawp mai, a hnam ang pawn.Faneilo te erawh tello in. Pathian pawi sawina liantak ni zawk hial in ka hria.
March 20th, 2011 at 12:13 am
Tul tak a ni. A pawimawh lutuk. Pic ho chu an cute lutuk. An bula awm ve a, kawm ve ka chak hle mai.
March 20th, 2011 at 12:20 am
Mizoram ang atan chuan apply a har leh teh ang chu..
March 20th, 2011 at 12:31 am
CyberThug #10 an tih ang chiah ang khera tih ve tur ani chuang nang. Chidang pawhin midang tana tangkai dan, midang tana malsawmna nih hi a inzirtir theih teh meuh mai. (Y) 🙂
March 20th, 2011 at 12:33 am
Fanai Murmu #3, mahni fate’n, Mizo tawng an hre lovang tih hlaua, inlamah ngat phei chuan Mizo tawng lo hman kan remtih loh lai2 a, a zialo em mai a hairehai 😀
March 20th, 2011 at 12:40 am
Pu hv, helamah chuan sorkar school hian vocational leh CCA lam chu an ngaihthah khawp mai. Private school ho lah a neitute lam hian an hlawkpuina tur chi ah lo chuan an buai peih miah bawklo. An tihve pawh in naupang hip na lam rilru pu ranin an ti zel
March 20th, 2011 at 12:48 am
Pu Hv..fanu nei duhawm hle mai..good post..
Ka rilru ah a awm reng reng ani…kan tu leh fate tan Mizoram hi ram tha, chenna tlak kan siam duh chuan ‘tun’ hi a pawimawh zia hi ka sawi ve hnem viau ta mai…
Thil the tereuhte tih hian thil tha dang a hring zel thin..
(Y) (Y)
March 20th, 2011 at 12:53 am
CyberThug #13 thil tha leh ngaihtuahna tha te hi chingchhuak hmasa tu an awm angai fo reng asin. Nangin lo chhing chhuak la aniang chu mawle.
Inlam leh sikul lamah midang tana malsawmna kan nih theih dan hi inzirtir fo a tul ka ti takzet. Chumai a nilo, Mizoramah chuan hnaa rinawmna te, bawlhhlawh paih mai2 loh thlengin inah leh sikulah tan kan lak angai.
Mi ram chuan an ram an hmangaiha, hlawh lakna anih vang mai ni lovin, mi entawn tlakin hna an thawk thin. Chuvang te pawh aniang e, ram changkangah hian thatchhiat a harsat em em na chhan te pawh hi. Engpawh nise, tum chuan kan theihloh na tur a awmlo, mihring theuh theuh. Thil tih dan phung dang mahse, thil tha tih dan kawng dang a awm ve zel thin.
March 20th, 2011 at 1:02 am
Tun hmaa ka nun dan kan ngaihtuah hian hun kohkir leh theih nise ka fel dan tur zia hi aw ka ti thin. Nu leh pa rilru lo hah theih thin dan tur zia leh ngaihtuahna kan tana an lo sen nasat thin dan tur zia kha aw… kan an khum a, kan phunchiar khum a, kan la titau thin kha theih nise thaibo vek (expunged) vek a chakawm mange.
March 20th, 2011 at 1:11 am
Sex education hi KG atangin helam ah chuan kan mamawh hmasa filawr lak… kan hre hlawm thrum na in a la hlawhtling chuanglo.
March 20th, 2011 at 1:14 am
Saitawk, sex education kan mamawh lutuk anih hi safe sex pawh kan ngai pawimawh hleinem tiraw. A rawlh theih tih kan hriaa kan rawlh chawt zel a, a hrisel theih dan leh a nawm dan etc etc kan ngaihtuah tak2 tawh meuhlo niin ka hria :-S
March 20th, 2011 at 1:23 am
Tlai luat a awm lo, zir hma leh zir tlai a ni ngawt lo. Bul tan that ai chuan, hmawrbawkna hlawhtling a pawimawh ber.
March 20th, 2011 at 1:23 am
@HV, Mizoram ah hi chuan Sex Education a class teacher ni ngam an awm vak hrihlo a ni mai thei!! 😀
March 20th, 2011 at 1:41 am
#19 zir loh ngat phei chu… hria a zawm loh te pawh 😉
March 20th, 2011 at 2:59 am
Advice tha tak a ni e he post chu, chhiar a hahdam phian bawk a… (Y)
thutha leh ngil hi chu ren hauhlova puanchhuah bawrh bawrh zel mai tur, a aia hlu mihringin ka nei chuanglo…. (H)
March 20th, 2011 at 6:12 am
A ni ngawt mai..Naupan tet atang a kan seilenpui hi chuan Nun kil khat hi a luah reng a.Education System tha hi pawimawh tak a ni.
@ HV..i fanu pic. hi i post hnem tawh a, hlim hmel seng hlir hi a ni a, in Nupa kar boruak tur thlengin a langin ka hria. Sawi thuilo ila, engpawh nise ka piai chak hrim hrim…
March 20th, 2011 at 6:19 am
Dam han hauh ve ngawt zel ila, rokhawlhna dang a awmloh chuan i piai vat tur ania 🙂
March 20th, 2011 at 6:34 am
Primary/middle vel a mizo thufing leh tlawmngaihna etc kan zirthrin kha a trangkaiin nun a hruai hle a ni reng a, tunlai naupang zirlaiah pawh hian nundan mawi leh nungchang siam/vawng thra thei chi thawnthu awmzenei te hi zir ta se, zirtirtu naupang hriatthiam tur zawng a sawithiamtak annaih phei chuan an nun kal zelah a kaihruai hrim hrim ang..
March 20th, 2011 at 6:40 am
Je Lo sawileh sawihnu, thawk tha peihlo ban zung2 theihna dan siam sela, hlawh vang ngawr2 a thawk ho hi kick out zung2 zel maise tha tur. Thawk lova thawk anga awm ho te thleng hian Mizoram hmelma anni ka ti ve tlat. A khat mawitawkin explanation an call a, an insawi fela, mi hna neilo tamtak hna nei mai tur an dang tlat bawk si, a rilru chhiat thlakin a vervek thlak ka ti khawp mai.
Lut leh ta ila, zirtirtu te ni nu leh pa te aiawhtu an nih ang chiah hian chutiang beisei ngam/theih tur te choh hi thawk sela tichuan kan ram hmalam khua pawh avar deuh mahna.
March 20th, 2011 at 7:09 am
@H.V.:
Fanu i nei hmeltha khawp mai. Patha chuan fanu tha an nei thin tihna a lo nih dawn hi.
Naupangte an nih lai atanga zirna thaa lut naupang chu, an lo than len meuh chuan an thimna a ril raih raih khawp ang. Naupang hi homework pek ngheng ngheng a, nasa theihtawpa zirtirna pek lampang hi education ina a tum a ni lova, an kum mil tawk lek leka an zir tur buatsaih sak te, anmahni tana tangkai tur chin leh, nakina an lo zir san zel hun atana tangkai tur, tlem tlem lo zirtir lawk hi a tum ber chu a niin ka hria. An chhia leh tha hriatna zawi zawia thang chho zel mila mil tawk lek leka zirtirna pek te, a tam thei ang ber infiamna lam atana hun pek te hi tha hle tura ngaih a ni. I fate sikul chu a that hle dawn hi. Kan rama private sikul tam takah hi chuan Kindergarten School level ah pawh homework a tam thei tiar tiar khawp mai.
March 20th, 2011 at 7:13 am
Caribou mai mai thin hi a, i ti mah mah lo maw. Kan nun erawh a tihlim phian ania. Chhung inkhawm neih te hian, “Keimah ka tawngtai dawn,” tih te hi a ching reuh a, rilru ala ti hahdam hrih phian mai. Pathian zarah keini nupa hian kan enkawl chho thiam ve em ang chu maw!
March 20th, 2011 at 7:23 am
He post hi ka support khawp mai. Mizoram Zirtirtu te hian zilaibu piahlamah hian mawhphurhna thui tak an nei tih an inhriatnawn fo a tul khawp bawk.
March 20th, 2011 at 7:44 am
Book piah lamah hian naupang te hian zir tur an ngah khawp mai. Note laka vawn tir tlut tlut te, homework pek ngheng ngheng te, ipte rit lutuk an ak thin te hi a pawi a, naupang tan phurrit leh hrehawm a tling thin. Naupang tam tak chuan sikul kal an hreh phah a, sikul nuam an tih loh phah fo thin.
March 20th, 2011 at 8:32 am
Zirtirna an pe phawt a, an hriatthiam tawh hnua a taka an tihtir chauh hi a va tha em! Entawntlak a ni. Thawh tur a ni tia thawh leh ngawt hi a tha tawk lo. Hetiang tur hi a ni
March 20th, 2011 at 9:45 am
Pu Hva fanu chu a duhawm reuh hle mai a! A rawn nula chho vat ang chu maw..! Hairehaiii!!
March 20th, 2011 at 9:45 am
Pu Hva fanu chu a duhawm reuh hle mai a! A rawn nula chho vat ang chu maw..! Hairehaiii!!
March 20th, 2011 at 10:32 am
TS hairehai 😛 (B)
March 20th, 2011 at 10:34 am
Nia, nei duhawm reuh khawp mai…a nu leh pa a chhun loh pawhin..thenawm pa tal a chhun a niang.. (Y) 😛
March 20th, 2011 at 10:39 am
mr.Duhlova, engtik maw i lo thlen thlak hun tur kha?
March 20th, 2011 at 10:44 am
Sports lam hi chu catch ’em young hi policy hi a fuh ka ti khawp mai!
Mahse, zirna(education) lam erawh hi chu kum mil tawk zel ni thei se !
Fanu hmeltha leh huan tha deuh neih hi ven sen an har duh an ti.
March 20th, 2011 at 10:58 am
36
Pu HV # June/July vel a niang…mahse hei Bangkok – Asia Leader Summit – March 29-31(3 days) ah ka han tel ve zuai (Juai)a nga – tah chuan kan fix fel thei tawh in ka ring.
I program nen a insu buai lovang chu maw?
(Thil sawi sual ka hlau tawh rap) 😀
March 20th, 2011 at 11:08 am
lushai_er Ni e, an rilru phak tawk ang zelin zirtir ni sela 🙂
Ka fanu min fak sak niin ka hria a, ka lawm e 🙂
mr.Duhlova, tha mai ang 😀
March 20th, 2011 at 2:18 pm
Khawtlang, hnam ram siamthatna tur chuan naupang atanga siamthat hi a fuh ber. Puitling chawlawl tawh thu hrilh chu an ngaihdan hi an sawhsawn duh mai mai tawh lova, a sawt lo, naupang atang a, thiltha leh an titurawm & kalna turawm a kan inzirtir chuan an lo puitlin thlengin an nunpui duh ngei ngei.
Tin, Jenis hi ka piai chak. 😀
March 20th, 2011 at 2:57 pm
Jenis chuan piai nuam a ti viau maithei, a fanu hi chu Janis ania 😀 😉 :fiamthu:
Hriat ve mai2 ah: Mipa kan neih chuan Bruce Lee atangin Bruce ka sa anga, hmeichhia anih chuan aw tham mawi ka tih em em Janis Joplin atangin Janis ka sa ang ka lo tih thin atanga Janis hming ka sak tak ania.
Sual tangrang thin tak, chhungte tawngtaina chhangtu avanga hetia fa tha tak maia mal min la sawma, nunna min la zuahsak tu zarah Malsawmtluangi kan sa ta bawk a ni. Malsawmna ka dawn nasat zia hi ahming atang hian ka hre nawn fo thin reng a ni.
Vangchhia erawh hi chu Berhvatea fapa, Saivate pianpui Chunthang hrin Khualhrin (Khawlhring) u, Vangshi (Vangchhia) thlah zel anih angin, thlahtu hmingin kan tlip ta a ni.
Teh duah chuan 😉
March 20th, 2011 at 3:15 pm
Bible ah pawh ‘Naupang chu a kalna awm kawngah chuan zirtir la, a puitlin hnu ah pawh a thlah lo ang’ tih lampang chu a awm ngei kha mawle. Good post. (Y)
Naupang hetiang rual ka hmuh hian ka ti an ti za tlat zel, ka piai hrep chak thin. (H)
March 20th, 2011 at 3:47 pm
Naupan lai atanga in zirtir thar a pawimawh zia hi vawihnih vel chu ka post ve tawh..’Hmangaihna’ tih lam hawi in. Mizoram hi kan lehkha inzirtir dan a dik lo nasa khawp mai..
Hindi hi kan hun lai khan Class V-VIII chhungin kan zir a, a tam zawk chuan hindi kawi khat pawh kan tawng theih phah lo!!
A mak khawp mai! Kum li chhung hi chuan dak zawt zawt thei lem lo mah ila..thiam tur chu kan ni!
Entirna dang, sawi leh sawi hnu..Holland naupang tui put hup chungchang kha..kan zirchhuak chu holland kha sea level aiin thenkhat a hniam a, naupang kha a huaisen a, a ram tuiin a chim ai chuan thih pawh a huam ta ani…hei hi he thawnthu tum ani lo..a thawnthu tum chu kan ram tan enge kan tih ve theih, enge kan tih loh tur, enge ram tan a hlauhawm etc..in zirtir zawk kha ani, naupangte thinlung hruai dik zawk tum kha ani..a threlh hian kan threlh duai duai thin ani e..
March 20th, 2011 at 3:51 pm
#43 (Y) bravo
March 20th, 2011 at 3:53 pm
janis hi a patea chhun in a zai thiam ang nge a pa chhun in adventure club lam a awn ang? 😀
March 20th, 2011 at 4:00 pm
Fonz, tunlai chu Princess a buaipui a, lehkha a chep a lallukhum lem a char khawm a, a buai thei khawp mai. TV ah hian anni ang rual chhiar zirna etc station a awma a en tui thei khawp mai. A zirtirtu ah cartoon an hmang jaih a, naupang en duh leh ngaihsak duh turin an duang thiam viau a ni.
Lian deuh se tar vuai hmain sky diving tihpui ka chak tawh.
March 20th, 2011 at 6:17 pm
An Hmuhnawm hle mai a, ka fapa chu lemziah leh football pet a buaipui a, football chu ka tihpui thei a, lemziah chu pa lu a hai duh khawp mai. Tom & Jerry te ziah a duh thin sia.