Mi tu pawh hian mi ngaihsan, mi huaisen leh fuihtu tha anga ngaih (hero) kan nei theuh awm e. Kei a tan chuan, fuihtu tha, ka ngaihsan ka hero chu ka pa leh pu Lalneihsanga (fam) Adventure Organiser, Sports & Youth Services, Mizoram, te an ni awm e.
Kapa hi thim kawr ruam lam pana ka kal lai pawn ka chunga beidawng lo, thian anga min kawm thin, a tul hun a fuihna thu tha tak tak min pe thin tu a ni phawt mai. A retired hma a hnathawh ah khan batch hmasa a mi a ni ve a, a aia junior thenkhat chuan in leh lo ropui tak tak an nei fur mai. A ni erawh chuan pawisa thianghlim a a sak ngei maiah chuan min enkawl lian thung. Mahni private motor a neih ve thin chu a papuia tupa in a Jeep recondition pek kha a ni.
Keini tleirawl rualawh hunlai alo ni bawk nen, tum khat chu ka pa hnenah chuan, mi neih ang neih ve ka chak thu ka hrilh roh pek a. A ni chuan, duh chuan kan neih ve theih vek thu a min chhangin, “mahse, biakin ah kan inkhawm leh ngam dawn em ni?” a tih kha ka theihnghilh ngai lovang. Eirukna avanga zahpui awm taka min hausak pui ve lovin, a hlawh neih chhun khan Pathian hlau takin min enkawl. Amah avang hian eng hna mah thawh ka hreh loh phah a, thianghlim (honest) taka ka lakluh a nih chuan lawmna chang min hriattir tu zirtirtu tha a ni. Hlawh lak a lawmthu sawi chingmi a ni. Mi, tu mai pawh hi an pian leh murna aiin mimal a en ka zir phah bawk.
Pu Lalneihsanga (fam), Sports & Youth Services office, Aizawl, Mizoram a Adventure Organiser thin kha awm lo ta se, hmelhriat ta lo ilang, harsatna ka sut tlang tam tak te hi su tlang lovin ka beidawng fo thinin ka ring. A ni khan adventure sports hmangin, tum hram hramna (determination) neih min zirtir a, adventure sports hmangin huaisen (insual lam nilo) tak tak min zirtir thin. Discipline tha leh leadership neih min zirtir a, insum theih leh mahni inrintawkna min zirtir tu a ni. A man sikul kal anga class min la a ni chuang lo, adventure sports thil tih ho na reng reng ah khan, a nun ah zirtur a lo tam em em ani tih hi ka hre zual tulh tulh mai. A thi hma ta lutuk hi chu Mizoram thalai ten mi ropui tak kan chan tak meuh a ni. Thu leh hla thiam a nilo, a nun ah tumruhna (luhlulna tha) a alang a ni.
Thanksgiving ni te a ni a (November 25th, 2009), Pathian hnena lawmthu sawinan a ni serh hran, tanpui ngaite tanpui ni, kan mi huaisen tih te chawimawina ni a ni. Hemi ni denchhen hian ka hero te ka han chawimawi a ni e. Mi chhuan bik te kan nei theuh ang, i han sawi ho ang u hmiang.
Similar Posts:
- 16th Adventure Course, 2016 at Vaipuanpho
- Pu Lalneihsanga hriatreng nan
- Biking
- Adventure Festival
- Hmangaih thu!
November 28th, 2009 at 8:18 pm
ngaihnawm, kei chu ka NU
Report this comment
November 28th, 2009 at 8:25 pm
Ni e!Ngaihnawm!
Report this comment
November 28th, 2009 at 8:47 pm
Pu Dominic-a hi chu a ngaihsanawm alawm!
Keipawh ka nu leh pa hi ka ‘Unsung heroes’ an ni tawp mai! Ka pa hi judgemental lo tawp ka awm ang anga min accept tu a nia, chutih rualin ka nu erawh min judge reng avanga hmasawn duhna rilru min neihtirtu a ni ve leh thung si.
Report this comment
November 28th, 2009 at 8:56 pm
pu hv,i pa ang vek hi nihlwm se kawrapson antih fo hi a wmlo tawp ang…k lo hero ve top e.
Report this comment
November 28th, 2009 at 9:02 pm
Thu dang alai chuan, ege, mizo idol top 10 2007 isaac chanchin kimchang, hreciag chuan khogaihin rn soi teh u
Report this comment
November 28th, 2009 at 9:48 pm
Ka unaupa, Evening Post a i artikul ka chhiar e. Ipa irawn sawi takah chuan hmanlai deuh BDO anih laiin ka pa kha VCP ania an inkawm rengmai thin a, alunglen thlak hle mai, kapa kha la damve nise i thil min pekte hi hmuh tirve ka chak thin.
Vawikhat chu Gauhati a ka zing leng hi, ipa kha Ambassador Car var hian alo tlan a, ka bulah hian alo ding a”Tlangval lo chuangve ta che” min ti a ihe lovin ka chuangve mai a.Kan in sawi chhuak a;kan hlim dun zia kha.. chuan Forest Department a thawk DFO hnenah min kal pui Thingtiak kanla a,tun a Mizoram House kawt a Sasaw thing nalh taka dingtlar phei khu kan phun dun anih khu.Khami tum khan ipa khan a thulo ber ang mai khan khur a cho a leikha a kut lawngin a tham bawrh bawrh mai a, ka mitthlaah hian ala cham reng mai.
Report this comment
November 28th, 2009 at 10:32 pm
Hero neih hi kan nun kalsiam ah hian a tul teh asin.
Report this comment
November 28th, 2009 at 11:25 pm
Ka nu leh pate hi ka hero chu anni e. Ka pa erawh khawvelah awm tawh lo mahse keimahah chuan a awm reng.A hmangaihnate, ka thiltih te thamte pawh fak lova a chhuah ngai lohnate, ka pa a nihnate avang khan Pathian hnenah lawmthu ka sawi a ni.
Report this comment
November 28th, 2009 at 11:34 pm
muante, nu leh pa te hi chu an lo hlu ngawt mai tiraw.
Report this comment
November 28th, 2009 at 11:46 pm
HV, kan lei pathian an ni alawm!
Report this comment
November 29th, 2009 at 12:56 am
HV, ka dam huai mai, vawiin thleng hian mi threnkhat hian “Motor lei ve tawh rawh” min tih thrin hian a chang leh ka nuih a za a, a chang leh ka thinrim lek2 a, a chang leh ka zak deuh a, Kan Hero te hian min liamsan tawh mah se an thi theilo a nih hi.
Thil thalo titute avangin inti lungngai duh suh la, fello taka tite chu awt hek suh.. tih hi dam chhung tawite thupui a neih ka tum ve trang trang a la ni.
Report this comment
November 29th, 2009 at 1:48 am
hero chhuan tur thra tak tak in nei hlawm bik a in awh awm ngawt mai…keimahah chuan harsatna ka tawh tawh zawng zawng te hi ka hero chu an ni maiin ka hria.khang ka thi tawn te khan chhelnate dawh theihnate min pe a.min ti puitling tute an ni.
Report this comment
November 29th, 2009 at 3:04 am
Mahatma Gandhi!! George Bush!! Laldenga!! thank you
Report this comment
November 29th, 2009 at 3:09 am
@Sandman leh @Goldie Gibbon pawh….
Report this comment
November 29th, 2009 at 3:21 am
Ka pa hi mi dangte hmuh dan chuan pa zawng zawnga nep ber pawl a ni ang em aw ka ti thin. Pa lian lo tak, rethei ve em em, thiam han sawi tur em em nei lo, thingtlang pa mawl ve mai a ni. Zoram buai lai khan naupang te kan la ni a, thingtlang khuaa Tam pui mitthi tak meuh kan tawh laia ni tin bahra lai tura a chhuak thin kha ka mitthlaah a la lang reng thin. Chutah harsa chung chungin lehkha min zir tir hram hram a, amahin sum nei lo mahse ka zir zawm theihna tur ngaihtuahin theih tawp a chhuahna a zarah tun dinhmun hi ka lo thlenbg ve a ni.
Tichuan ka pa chuan hman ni lawk khan mual min liamsan ve ta. Mite tan mi ropuia chhiar tur ni lo mah se kha tiang pa ka nei kha kei chuan ropui ka ti a, Pathian hnenah lawmthu ka sawi a ni.
Report this comment
November 29th, 2009 at 6:05 am
keimah, nu leh pa te hi an lo ropui ngawt mai. An nun atang hian zirtur hi a tam ngawt asin, tiraw.
Report this comment
November 29th, 2009 at 6:57 am
ThanksHAVING ni 365-ah Thanksgiving ni 1! Tu hnenah nge LAWM tur, Pathian hnenah bak! :cry:
A danga kan lawmna chu Pathian malsawmna peng vek a ni tawh e. Thanksgiving HERO is our Lord Almighty God.
Report this comment
November 29th, 2009 at 7:23 am
Pathian hnenah lawmthu nitin/zantin kan sawi tur a ni. Mahse, a ma hnena lawmthu sawina tura ram pum tan sawrkar in, ni a han serh hrang thei chu a ropui ka ti thlawt.
Pathian hnen ah lawmthu kan sawi a, lei a kan inspiration te pawh kan chhuang tur a ni. “I nu leh i pa chawimawi rawh,” Bible a inziak a ni emaw nilo emaw lam ni lovin, nundan mawi leh hawihawm tak a niin ka hria.
Report this comment
November 30th, 2009 at 3:53 am
Nu leh pa hlutna hi kan han upat ve telh2 hian a chiang zual zel ,min han awm loh san (boral san) phei chuan a chiang leh zual a,tih thei hi a vang em2 tawh a,nu in min han boral san meuh chuan in chhung zawng2 hi a ruak vek mai!kan dam tlan lai second-tin pawh hi a lo hlu in a lo ngaih awm tak zet a ni.ka nu dam lai a thil enge maw,ka hming a, a duhzawng ka tihsak/leisak hman lo kha vawiin ni thleng a ka rilru ti hreawm tu a ni.Nu/pa la nei chuan duat viau mai teh u.
Report this comment
November 30th, 2009 at 4:20 am
zrthara, i sawi dik khawp mai. Nu leh pa rilru hreawm ten kan lo siam thin a nih ngai chuan an damlai te hian ngaihdam dil a tha ka ti, hun kal daih tawh pawh ni mahse.
Report this comment
November 27th, 2010 at 8:15 pm
Lung avan leng vele
Report this comment