Kan kawmchhak chiahah hian Pu Darthankima, Education Department-a an hotu lian thin khan in tha tak a sa a. Buai hma pawhin chutah chuan in tha fe a nei tawh a, mahse Aizawl bomb a nih khan a chhe tel ve a niang, ka naupan tet lai chuan a chhuat concrete deuh chauh hmuh tur a awm a.
Ka pain “Hei hi Pu Darthankima in a nia” tiin min hrilh thin a; vawi khat chu “Pu Darthankima chu taktak em ni?” ka tih ka la hria…thawnthu emaw ka lo ti ve char char a. Buai hnuah in thar, a aia tha a rawn sa leh a ni.
Chu in chu sumdawng khawsa thei takin an rawn luah a, an in chhawng hnuai zawkah chuan ice cream siamna khawl an bun a, an siam vut vut thin. Kay Kay Ice Cream an ti a, Aizawlah chuan a lar ve viau thin. Kay Kay Ice Cream chuan vurbawm pawl an siam a, ice cream zuar duhin a bawm chuan an ak chhuak a, pawisa pek lawk emaw, pek luh zat tur bituk emaw pawh awm chuang lo-in, a hralhna man atangin a enkawltu (a neitute nau) te’n an hlawh awm tawk an lo pe mai thin.
A chang chuan an vur siam fuh loh, hralh tlak loha an ngaih kha chawhtawlhin pawnah an rawn hung chhuak hnawk a, thenawm hnaiho-in kan la sup sup thin. Naupan laia ka thil tawnah chuan khang te kha a nuam pawl a tling ve.
Kum 10 mi ka ni a, sum ngainatnain ka rilru a luah khat ve ta tlat ni ngei tur a ni. Ka chhungte ka hrilh leh hrilh loh pawh ka hre tawh lo, ka hrilh lo a nih ka ring zawk (a hnuah min hau tlat).…vur siamnaah chuan ka han kal a, vur zawrh ve ka duh tih ka han sawi a. Vur bawm pakhat an thun khat a, min ahtir a, ka chhuak ve ta par par a.
Mi tamna lai hnaivai ber Sikulpuikawn lam panin ka inak hnak hnak a. Mahse ka va thlen nak chuan vur zuar dang an lo awm tawh! Tun lai angin mihring an la tam lo a, vur bawm hnih lei zo tur Sikulpuikawnah an awm dawn lo tih kha ka hrethiam ve ni tur a ni, Khatla kawn lam panin ka chhuk thla leh a. Chutah zawng vur zuar dang an lo awm ta lo hlauh. Phur takin ka innghat a, ka vurbawm chu ka dinpui ve ta tau mai. Mi veng a nih vang erawh chuan ka tlangnel lo hle.
Mi kan la tam lo ka tih kha. Vur bawm khat hralh chhung pawh a rei hle, ka la naupan vang khan rei lehzualin ka hria pawh a niang. Khua a lum avang leh vurbawm kha a that vak loh bawk avangin ka vur zawrh lai chu a tui zel a, a tawp lamah phei chuan a te zo vek a, hralh tlak a ni ta lo. Ka tih ngaihna hre lo chuan pahnih vel chu ka ei ngei tih ka la hria.
Ka dawr chu kharin ka inak haw leh ta hnak hnak a, vurbawm kha a lian tham ve viau a, a ruak pawh naupang tan chuan chai fe tham a tling. Ka hah khawp mai a, ka koki pawh a thip ngang mai. Ka pawisa leichhuah zawng zawng chu a-bo-a-bang awm lovin a enkawltute hnenah ka submit ve ta rap a, ani’n awm tawka an ngaih, Re. 1 (Rupee One only) chu ka hlawh atan min lo pe a! Hei hi keima pual liau liaua ka pawisa thawhchhuah hmasak ber a ni. Ka hah viau naa lawm tak ka ni! Tun thlengin mahni kutkawih ngeia thawhchhuah hlut bikzia mi hriat chiantirtu a la ni reng.
Tun hnuah, thlalai dam tha hmel tak tak, engmah thawh tum mang si lo ka hmuh hian kha lai hun kha ka la ngaihtuah chhuak fo thin.
Similar Posts:
- Investment basic: Hriat thiam loh ka nei
- “I âw-ah a âw ka hre thei asin!”
- Pawngeklira
- Halpuah khapna thupek
- Zu man thawhlawm a thawh hi.
March 10th, 2011 at 8:21 pm
Hei chu “Hlate_khua” post ni lovin “hlatekhua” post ani maw ?
March 10th, 2011 at 8:21 pm
i ti ropui hle mai a…
March 10th, 2011 at 8:26 pm
Ka tih ngaihna hre lo chuan pahnih vel chu ka ei ngei tih ka la hria. lolzz
he post chu chhiar a va nuam ve ooo… :thums up:
March 10th, 2011 at 8:32 pm
I Story chu (Angrezi kan lo hmang lawk) a “INNOCENT” in a “SWEET” bawk (Y)
Mahni thawh chhuah dik tak hi chu a hmanna lamahte pawh hian Mal a Sawm bikin ka hre thrin.
March 10th, 2011 at 8:36 pm
#2,3,4…ka lawm lutuk e.
Para tawp berah khian sipel dik lo a lo awm a nih khi….’thalai’ tih tur ‘thlalai’ ka lo ti palh tlat mai. Administrator lam khan khawngaihin min lo siamthatsak thei em le?
March 10th, 2011 at 8:39 pm
Nui sang chunga kan chhiar chu le…..
Rawra chhu a kar khat(lung mahni put chop) ka in hloh ve ngei na lhoh a. t-shirt Israel market mi ka lei ve te poh min hriat chhuah tir e…
March 10th, 2011 at 8:47 pm
Post chhinchhiahtlak tak anih hi. I sawi ang khian thangtharte hi an harhchhuah thuai loh chuan zoram tan khua a la tlai ngei ang le.
Krismas sikul chawlh a pocket money tuak nan dap kan chik ve thin lai te kha mitthlaah a rawn lang zuai zuai mai.
…khrum
March 10th, 2011 at 8:57 pm
A ngaihnawmin lung atileng hle mai i thusawi khian. A ropui ka ti thlawt (Y)
Sawi ve ta ngawt ila :
Kan naupan lai khan pocket money tur inhlawhin, Kulikawn a Vur siam (Pres biakin chhak) hnen atangin a bawm nawr chhuakin kan inhlawh thin. Mary Mount School ka luhlai anih avangin pawl 4 ka nih hma a ni ngei ang le. Ngaizelah quarry ah te khan jean kekawr man tur tuakin rawra kan va chhu thin a, Tukri/tin khat kha siki3 emaw zel kha ania, jean man chhut khawl ahar thin ngei mai.
March 10th, 2011 at 9:00 pm
Hmanah kan nuapan laia thingtlanga kan awm laiin buh phurin kan inhlawh tawh.KM 5 vel atangin buh kan phur a,RS 5 ka hlawh a,nuam ka va han ti tak. (H)
March 10th, 2011 at 9:02 pm
I vur zawrh kha pawisa i duh vang ai mahin, a experience i thlahlel a ang zawk. Naupang kum 10 vel nihlai chuan puitling tih ang: sumdawn, office kal, ramvah tihvel kan chak ve thin. I huai ve hrim² bawk. Veng danga vurbawm ak a han chhuah ngat chu kum 10 tan chuan a sang ve reng² 🙂 Tunah pawh mi hlawhtling tak leh zakzum lo ( a chhe zawng ni lovin) i nih ka ring 🙂 ….dik em???
March 10th, 2011 at 9:06 pm
Bilaat lung/lung me chhu dipin balu atan kan hralh thin, rawra chhut kan ching khawp mai. Tumkhat pawh ka u nen kan rawra chhut kha kan hralh dawn a, a tehna tina ka uin a chhun lai chuan ka lo sawi muk vel! Min kuk fawk mawle!!!
Post tha lutuk a ni, chhiar a nuam e. Thali hnathawk peih lo, sorkar hna chauh hnaa ngai, sorkar tel lova thawh tur hre lo, incheina leh ei tur duhtui tawk chauha lehkha zir, zahna tur hmu tam em emte hian Zoram khua an vartir thei mawlh lo a nih hi.
March 10th, 2011 at 9:15 pm
Naupan lai kha chuan sikul ah duli/cheng khat kha kan pai tawk a ni mai a, Pi Vungi emaw Pi Ringi Alu leh papawr man kanneih kha chuan kan lawm tawk em em thin. A bak kan duh kha chuan Vur zuarin emaw, Ngaizel quarry vela rawra chhu emaw a inhlawh kha a ni mai. Khatiang kha tun thleng hian ka chhawr em aw, tih min ngaihtuah tir tel ta tlat mai.
Chhungte neih zat leh harsatna hriatpui miah lova kan lo dil lui ngawng ngawng thin lo kha ka lawm. Pa han nih chiah hian chhungte dinhmun hriat a awl ta sawt mai.
Ka ngaihtuah chhuah tel mai mai chu, ka pi khan Lunglehkha (slate) ah khan A, Aw, B ziahdan min zirtir thin. Ani kha sikul kal miahlo, mahni a inzir, Hindi leh Mizo tawng ziak a chhiar thiam a ni ve tlat.
March 10th, 2011 at 9:19 pm
‘kay kay ice cream’ kha chu ka hre ve ngat mai… Lung i va ti leng em… I thawkrim bawk a ‘hlatekhuaah’ i awm ta a ni ber lo maw? I fakawm e. (‘Hlatekhuaa awm’ tih khi ka fakna rilru zawkah lo ngai la… (Y) )
March 10th, 2011 at 9:21 pm
Keichu ka hnuk ti ulh deuh tlat..ka mitthla a, k lainat aniang.. Post tam zok hi dim lo ve takin k criticise ve thrin a, hei chuan min hneh ve top ani e.. (Y)
March 10th, 2011 at 9:23 pm
He post chuan kum 14 vel ka nih laia bati zuara Thuampui, Zuangtui etc vela ka tei ve lauh lauh lai min ti hrechhuak.
Chhiar a nuam hle mai.
March 10th, 2011 at 9:27 pm
A va thra ve he paws hi, hna thawh hreh/zah chin nei tlat ho hian, anthawh peihloh/zah hna thawk tute hlawh hi puk andil duk2 duh ngawt a sin !
kan naupanlai khan Doordarshan kawng lai khian kan inhlawhve zan tawh, Pu K Sangthruama khan Electric veng tleirawl/naupang lian/putar/nu thleng khan hlawhfa tur kha min phurchho treuh thrin a,tlaiah min phur haw thla leh a, hlawh kan han la a, meihawl bag leh vawksa kan lei zan a.. nuam ve mai mai deuh a ni, Pa te han chhawk thren ve kha nuam ve fu..
March 10th, 2011 at 9:32 pm
Hei zet chu mi puitling, rilru fim awmkhawm titi a nih hi.
…khrum
March 10th, 2011 at 9:39 pm
Ka naupanlaia ka sumdawnna hmasa ber chu kan fridge ami serthlum leh cheese ka zuar risk ve tawp. Kan kawtah ( leiah) puan ka phah a, thutpui ve hmiah. Kan serthlum lian pui² tam deuh² a chheh, duli man lek kha vai CRP hovin an rawn lei vek 😀 Ka nu a sa rap!!
March 10th, 2011 at 9:43 pm
Sikul chawlh lai chuan rawra chhu khan kan inhlawh thin a, tin 1 kha engzat in nge kan hralh thin kha le? siki (25 paise) nge 15 paise tih kha ka chiang ta lo.
Fapa upa ber (duat tak) kha kan lo ni ve a. Zoram buai laiin, buhfai kha a vang si. Chawah khan vaimim fang nuai sa nen a chhumpawlh kha a ngai a. Tun hnu a ka nu in a sawi zawk, vawi khat chiah, ka rilru a la cham reng chu-‘Vaimim chhum pawlh chaw ka ei duh lo, a tih kha chuh…’ tih hi a ni… Nu leh Pa te rilru a lo hah thin awm mang e…
March 10th, 2011 at 9:44 pm
@bmw #18 chu leh! Che chhe ve mai mai!!! Kei pawh kawngpui sirah saihlum ka zuar tawh…hralh a kal lo mai mai!!! Naupang zawng zawngin an hrual thiam vek tlat a!!!
March 10th, 2011 at 9:47 pm
Ka post min lo chhiarsakin min lo comment-sak ve duh hlawm a, ka lawm hle mai. Duh angin ka la vil hman rih lo deuh tlat. Nakinah tihtakzetin ka lo en ang, comment hi a ngaihnawm hlawm ka ti.
March 10th, 2011 at 9:52 pm
muante, mahni balu hralh tur sawh muk duh chuan, saihlum hralh theih i inring chu ka surprise lo ve! I naupan lai chuan i fox lutuk lo ve hle mai 🙂
March 10th, 2011 at 9:53 pm
Kay kay Ice cream chu ka hre ve phaklo tawpmai. 😀
Naupanlai hi chuan hetiang vela han inhlawh emaw ang hi a nuam ve thei riau. Ka nu hian a phal ngailova, ka chak ve thei thin khawpmai. Han tihve zawk zawk hi chu ka nei nuala, a hlimawm lamah a kal mahin ka hria. Rora chhut, lung thiara inhlawh tihvel. Serthlum rah hunlai hian inrinni zingah kan huan serthlum te kan zuar thin bawka. A rah hunlai chuan zing khatah em khat te kan hralh zo ve thak thin. Tumkau dawn hian kan huana tumkau hnah hi kan thlaka kan zuar thin bawka.
Mahse a, pawl 7 ka nih vel atang kha chuan chhas deuh reuh tekha ka’n nei ve a, hetiang lampang hi ka peih zui talo re re. 😀
pawl 4,5,6 laivela ka tih bak chu tun thleng hian ka inhlawh ka hre zui ta miahlo. Mahni inah pawh tho tlai thei tawh rap. Lolz
March 10th, 2011 at 10:06 pm
Bmw, hahaha, nangmah ang deuhin foxy lo ve thin tak ka nia 🙂
Posttupa @hlatekhua hian a nick hi han sawifiah nghal law law se ka va ti em! Post khat daih chu a ni hrim hrim ang.
March 10th, 2011 at 10:08 pm
He Post chu a interesting khawp mai. Mi hlawhtling ten anmahni theuh hna lo thawh tawh, zahthlaka mite ngaih inpuang sap sap hi hriat a nuam khawp mai. Inhlawhtlinna bul ber anih hlawm ka ring.
Kum 15 vel bawr ka nih hian Chite, Salem veng, Ngaizel, Chaltlang tih velah ka pu te Bawng kaiin ka inhlawh ve thin. Chite lui reh taka bawng chaw pe a lui kama nileng hun ka hman thin lai te pawh min ti hre chhuak rum rum mai. Lui a nula inbual leh insu ten min han ngaizawng ve thin lai te min ti hre chhuaka, a lunglen thlak hle mai. Thiante chhaih ka hlauh avangin zan thimah hian ka kai tlangpui thin.
March 10th, 2011 at 10:19 pm
Mi veng a nih vang erawh chuan ka tlangnel lo hle. Ka duh lutuk.
Naupan laia rawra chhut min tihrechhuak zawk mai.
Vawi khat pawh kan khawbul a kang hluah mai a., chutah chuan ka u nen ‘lo te’ kan nei ve ngei tawh. Primary School kan kal laiin..lung i ti leng lutuk.
Primary Sikul Sipot a infiam ve hman lo lek a vur zuar a ka buai ka mitthlaah a lo lang…
Kan thian zaho a kan thirchhe zawng min tihre chhuak bawk. Ka nunhlui i kai tho a ni ber e. Hlatekhua chu a tha ngei mai.
March 10th, 2011 at 10:22 pm
Faten a sum hlut zia an hriatna atan leh hnathawh zahna an neih loh nan Bazarah engemaw (Dawrak in)zuar ve ta zeuh zeuh sela tih ka lo ngaihtuah fo thin a ni a, kum 8/9 vel bawr tan a tha a ngem le tih ka lo ngaihtuah fo thin a ni a, in exp. min han share ve teh u, post tupa hlei hlei hian sawi tur a ngah in ka ring.
March 10th, 2011 at 10:29 pm
shailendra #19 nu leh pa te rilru tur tun hnu hian ka hrethiam tawlh2 mai.
bmw fridge chu godown, supplier i nu a nih ber chu a hairehai 😀
March 10th, 2011 at 10:31 pm
ngente, i ‘idea’ chu ka man thiam a, mahse, tunlai hian/tun hnai hian ‘child labor’ an sawi an sawi a, chumi chu a kangkai mai lawng maw tih ka va hlau em…
March 10th, 2011 at 10:34 pm
Thirchhe zawn sawi takah chuan, kan la naupan zual deuh lai hian keini aia kum 5 dawna upa, sual ve thei deuh mai hian thirchhe zawng turin zingkarah min rawn sawm a. Tlan tur ang in kan chhuak ta a.
Chaltlang Ruam Venga in sak lai pakhata an rangva phek dah chu, ” ka pu te ta a nih hi. Ka dil vek tawh. Zawn rawh u” a tia. Paruk vel lai kan nia. Kan zawn ta a.
DC Workshop kan tih mai thin, Transport Dept Workshop zawn kan thlen chuan Home Guard pakhat hian ding turin min lo tia, kan kal tlang ; min rawn um. Kan va han tlanchak kher e aw! Ka chhungte ka hrilh a min hau hrep. Khata chin kha chu thirchhia ka zawng leh ta lo reng reng. Zia lo tak tak a ni.
March 10th, 2011 at 10:45 pm
‘Kum 10 mi i nih atanga i sumdawn tan tawh chuan i hausa tawh ngawt ang’ ka lo ti dawn ngawt a, a ni hauh lo mai. A ngaihnawm ka ti khawp mai, i entawntlak ka ti a, hetiang thuziak hi keini ang tan chuan a hlu a, infuih thar lehna zel a ni. Rawn ziak zel rawh.
Kum 8 mi ka ni laiin lo-ah mi buh phurin ka inhlawh tawh. (sumdawng ni lovin) Tin chanve ka phur a, cheng khat ka hlawh a, ka hlim ve khawp mai.
March 10th, 2011 at 10:51 pm
He post chu a tha in ka lung a ti leng!. Mahni hlawh chhuah ve ngat hi chu siki pawh ni se a hlu em asin!. Ka naupan deuh laiin thlai thar ka zuar ve tawh ngat. “Chawlhni kawr” tur chu ka hlawh chhuak ve tep ani!
Nu leh Pa tibuai lo a mahni thawhchhuah ngeia in enkawl theih hi tum vek ila, kut hnathawh te hi zahpuilo ang u…
March 10th, 2011 at 10:54 pm
hlatekhua, a va han ngaihnawm lungkuai hlimawm ve!
I lo chutih vang a nih chu tunah dinhmun sang taka i awm tak ni! A ropui e.
Ka thawhchhuah hmasakber, zanah chakai meichher chhitin ka thiante 3 nen kan kal a. Buara ip chanve aia tam hret kan man a, a tukah kan hralh a, ka awh em em thin second hand jacket a chhunglam hmul thap mai ka lei nghal. Ka va han hlim tak em khatihlai khan(hei hi pawl 3 ka zir kum a ni).
March 10th, 2011 at 10:57 pm
keipawh ka naupan lai min tihrechhuak ve tho… 😀
March 10th, 2011 at 11:10 pm
Pu shai: Thil man (rate) atang chuan kan vanglai a in hlat hlemai. 😀
Kan naupanlai khan rawra tin khat hi cheng 8 ani. Cheng 8 hi ka hrechianga, mahse khami hma khan cheng 5 ani tlatin ka hria, quarry a va chhut khan in lam aiin a tlawm deuh bika, in lama cheng 8 anih khan quarry ah chuan cheng 5 ni in ka hria. Hemi nen hian ka hriatpawlh ta ani maithei. In lama lo chhut ve kha chu ka nu in a sawisel lemlo a, quarry a kal meuha nilenga va chhut chu kanu in a phal thaklo. Lui ami lung kan pu a, chumi chu kan han chhu leh a, chumi anih loh chuan luiah kan chhu a, chhut sa in saiip ah kan hawn thin.
Thil zawrh ah pawh, kan huan vel ami eng eng emaw kan han zawrh hi a ngai pawimawh lemlo a, bazar vela thil zawrh chu a phal thaklo, ka thianpa pakhat hian bazar-ah hmarcha a zuar thina, pawisa a nei thei sia ka’n zuar ve chak mai mai khawpah. Lolz
Mahse kalo ti velo kha ka vannei, lo tive ila chuan ruihtheih thil man emaw, sual phah nan emaw ka hmang awmsia. Sual natur pawisa ka neilo chung pawh khan thiante zarah ka duh ang chu ka hmu leh keuh zel. Lolz 😀 Pawisa lo thawkchhuak phei ila chuan ka lak tlakloh khawp ang.
March 10th, 2011 at 11:44 pm
Ka lo lut hman ta e…Dentist-ah ka kal lawk a, dentistry zir that leh tak ka nap….min enkawlna tura an estimate chu Rs. nuai 9 chuang a ni! Hman deuh tawhah khan ka fapa naupang ha a rualin 7 an phawi a, pakhat phawi man kha Rs. singhnih sangli zel an ti tawh bawk!
Kei aia experience ropui nei deuh hlir in nih hi. In lo insum mai mai hlawm a.
#10 bmw, i sawi khi a ni zawk maithei. Tunah pawh ka la zakzum, mahse zahzum sawi hleithei lo dinhmunah ka ding ta fo mai. Tin, ka mamawh tawk (duh tawk ni lovin) Pathian zarah ka thawk chhuak ve thei a, hlepruk ngai lovin mi pangngai awmin ka awm ve thei a, nuam pawh ka ti.
ReMpY_ScisSoR comment (#14) chuan mi va’n tilawm em!
muantea, #24, ka nick hi maw…ka awmna hi a hla thei riau a. Mahse Mizoram atanga ka teh thin vang mai phei chu a nia, a bul lawk atang chuan a hla chuang miah lo. Tunah tak phei hi chuan a hla lutuk lo.
TuaiSialA…kan hlawh a inzat!
Benny (#33) ka lawm e. Mahse dinhmun sang takah ka awm hleinem. Mahniin ka inenkawl ve thei rih erawh hi chu ka lawm.
March 10th, 2011 at 11:55 pm
H.Vangchhia hian phawrh tur ngaihnawm deuh deuh a neih ka ring reng a…ka ring dik chiah a nih hi!
March 11th, 2011 at 12:10 am
Insawitaimak siak zel ila… 😀
Ka naupan lai deuh chuan thirchhe zawn kha ka ti ve zeuh2. Fa tlum ber nihna azârah erawh chhûngte duat ka hlawh bikin ka hria a, ka inhlawh nasa lêm lo 🙂
Ka tleirawl/tlangval chhoh hnuah erawh ka inhlawh zing ve fu- rawra chhut (rei lo tê) leh thingzai thiarin, a bikin college vacation laiin. Thingzai size chi hrang hrang, Diu-tîn (dui-tîn tih zawk tur ni awm tak!), châr-tîn, tîn-tîn, êk-tîn, dui-châr, êk-ât (thingphek hlai chhah tak!), nga-nga-mu (Kawl trawng, thingphek, êk-ât aia tê leh pan), pati, êk-dui, etc. hi ‘thrêla’ (hand-cart) in kan thiar tluk tluk thin, bazar lûn laia han innawr pâng2 erawh a nuam lem lova, zak chung chungin kan thawk thin. Truck khat han thiara han load leh bawk chu a hahthlak thei hle a, hlawh erawh a tha thung a 😀 Private sikula rei lo tê tê substitute teacher anga inhlawh pawh a tihchi ve tho mai 😀
March 11th, 2011 at 12:10 am
Insawitaimak siak zel ila… 😀
Ka naupan lai deuh chuan thirchhe zawn kha ka ti ve zeuh2. Fa tlum ber nihna azârah erawh chhûngte duat ka hlawh bikin ka hria a, ka inhlawh nasa lêm lo 🙂
Ka tleirawl/tlangval chhoh hnuah erawh ka inhlawh zing ve fu- rawra chhut (rei lo tê) leh thingzai thiarin, a bikin college vacation laiin. Thingzai size chi hrang hrang, Diu-tîn (dui-tîn tih zawk tur ni awm tak!), châr-tîn, tîn-tîn, êk-tîn, dui-châr, êk-ât (thingphek hlai chhah tak!), nga-nga-mu (Kawl trawng, thingphek, êk-ât aia tê leh pan), pati, êk-dui, etc. hi ‘thrêla’ (hand-cart) in kan thiar tluk tluk thin, kawngpui lûn laia han innawr pâng2 erawh a nuam lem lova, zak chung chungin kan thawk thin. Truck khat han thiara han load leh bawk chu a hahthlak thei hle a, hlawh erawh a tha thung a 😀 Private sikula rei lo tê tê substitute teacher anga inhlawh pawh a tihchi ve tho mai 😀
March 11th, 2011 at 12:16 am
Aizawl DC office luh dawn, lungrem vel chinai hnawiha kan inhlawhfa chiah mai kha chu nula thenkhat kalo fawr pui ve fo te pawh kha min hmulo der vel chu anih kha mawle. Anni min hmuhloh der kha engmah ka ngai der silo. Khatiang te te angte khan ani mahna tum ruhna min neih tir thin tu hi…. hrelo le. :-S
March 11th, 2011 at 12:43 am
#40. ” nula thenkhat kalo fawr pui ve fo te pawh kha min hmulo der vel….Anni min hmuhloh der kha engmah ka ngai der silo ” I va han tranawm thrin em aw a !!! A hunlai boruak awm angah chuan thil awlai lo tak tur niin ka hria I thil tih hi.
March 11th, 2011 at 12:43 am
Boys school kan kal lai vel khan republic veng..Pu Malsawma kawlni (?) te inhnuaiah khan vur siamna a awm thin.. a..hlatekhua-a pawh hi naupangte anih ka ring deuh ta e..
Sikulpui kawna vur leh hairep chawhpawlh kan ei thinte kha..!! vaipa mix-a kan tih khan mix a zuar thin a, leina tur nei lem lo khan kan kil bial laih thin..Pu Lawma khan thir kg khat siki in a lei thin a..lo rei ve ta hle mai a…
Sikulpuikawn a dawrte (hawker) nei hlun Numawii te kha la dam tak maw ?..
Aizawl college awmna te khi kan sam nasa ve thin!
March 11th, 2011 at 12:47 am
#42 Pu Lawma kha ami kha thil neih lo nei duh miah lo Dawrkai kha. A neih miah loh pawh hi han zawt ila, ” Ka nei lo ” tih ai chuan ” Kan chah thleng trep” ti lam zawng khan a lo chhang thrinin ka hria.
March 11th, 2011 at 12:55 am
@43 virthli..dik chiah..Model school kal ho, tlema saptawng thiam ho khan an fiam thin a..Pu Lawm..’hairy comb i nei em? an tih khan a lo thleng tep e a ti an ti thin’..pa fel tak chu a va ni em..zaidam, tawng nem..aaa..ka mitthla thiam chiah ta lo e…sikulpuikawn ti sikulpuikawn tu chu ani hrim hrim e..
March 11th, 2011 at 1:01 am
Virthli, ni e, mi sawi ka hre ve tawh tlat! Pu Lawm, plugging i nei em? wiring i nei em? te an va ti vel thin a ni awm e. Chuan, ”a zo chiah (or) kan chah a la thleng lo” te a lo ti thin an ti. Khati chung khan sumdawn a thiam viau a niang, a hlawhtling ve tlats.
March 11th, 2011 at 1:15 am
ngente #27, i thil zawh chu chhan thiam har ka va ti ve le…a thatna lai chu awm ngeiin ka ring a, mahse naupang tam tak tan, tunlaiah chuan, a rough lutuk deuh maithei. Kawng dang tha zawk a awm ang.
lrpa #42, kei aia upa te chuan naupang te chu min ti ve thin tho! Republic lama vur siamna awm thin kha maw…ka hriat dan chuan Dr. H.L. Malsawma te ta a nia, Kay Kay Ice Cream an tawp tak khan an khawl hlui an leisak niin ka hria. A hnu-ah anmahniin khawl thar an nei leh maithei bawk.
March 11th, 2011 at 1:24 am
@46..hlatekhua..a dik ang..
vur zawrh sawitakah chuan eng chemical nge ka hre ta chiah lo..electrolyte a hman tur..thlum em em mai..fian khat pawn bucket khat thlum vek thei kha an hmang thin a..non-edible tih chuang kuau kha..kei pawn ka ei teuh ka ring!!
March 11th, 2011 at 2:23 am
Thirchhe zawn (hralh) leh rora chhut tih vel hi chu naupan lai chuan a hluar tlangpui. Naupan lai kha chuan thawh hreh leh zah kha kan nei lo, kan upa telh telh a hreh leh zah kan ngah telh telh niin ka hria.
March 11th, 2011 at 2:33 am
kan naupan lai in kan thianpa (classmate) pakhat hi a pa in lehkha zir tha tur a an unau a duh avang hian kum tirah a sawi lawk thin a, kum tawp exam a ti tha lo chuan bazarah plythene an zuar ang a ti thin…lehkha an thiam thei khawp mai
March 11th, 2011 at 2:37 am
Kum 10 ka nih hma pawhin sum lo pawh ka lo dawng fo tawh. hahaahahahah :-O 😀 🙂 (W)
March 11th, 2011 at 2:58 am
ka piin a bekang um min zawrh tir a…ka u nen ka cousin pakhat nen..fun khat chu zuar kual pahin kan pir zo thak…
KNP kan nih lai kha chuan mi chhuat nawh te..kawt sam ten kan inhlawh ve thrin…a mimal ang a inhlawh sawi tur em em ka nei hrei hran lo..
Kum 9 vel nihlai niin ka hria..huantelem siam hi kan uar viau maia..kan thian ho hian agriculture office ah kan kal a..thlai chi kan han dil ve thawr mai a…bekang,antam,bean leh thil dang dang chi min lo pe teuh mai…kan lo kawlhrawng ve reuh ngawt mai ngaihtuah let hian…
March 11th, 2011 at 5:05 am
Hlatekhua i ziak ngaihnawmin lung i ti leng hle mai ka ti..in in chhohna bula vur siamna a mi ngei kha tum hnih chu ka zuar ve tawh,kan zawrh hunlai hi chuan kal hmasa apiang khan zawrhna hmun tha an changa inzawrhthuah kha an phal lo,tin, hralh taht dan a zirin hlawh pek kan ni.
Ka thianpa nen a inzawrh tawm kan ni a,kan zawrh tum hnihnaah khan khua a lum bawk a kan hralhtha phian a,tlai submit dawnah chuan ka thianpa chuan vur kuang kha a zawngkhawm a a hmuh ang ang chu kan vur bawmah a khung a, return hunah a tuiral tih theih nan vur awmsa kha a chhu sawm bawk a,a kuang a thunluh zah man kha kan hralhna pawisa a tanga lachhuakin a corrupt ta a nih kha.Hemi tum a tang hian ka vur sumdawnna chu tun thlengin ka lo tawp san ta a ni.
March 11th, 2011 at 6:06 am
Pu Hlatekhua a chu i ziak tha hle mai, ilo hetih vang hi anih dawn hi hladeuh ah i khawsak bik. Naupan lai thil tih thin hian nun ah kawng thui tak a sawi in ka hria. Tet deuh lai atanga sum lam ngaihtuah riau hi chuan sum hi an nei deuh nge nge em te ka ti
March 12th, 2011 at 12:19 am
K.C. Ice cream pawh a awm ve thin. Pemthar naupang pakhat K.C Ice cream vanga tun thleng a chhinchhiah nan KC-a kha maw ka la ti thin!
Mak deuh chu he post-ah hian OT leh uang an awm miah lo hi !!!!
March 12th, 2011 at 12:25 am
Kulikawn presbyterian biakin bul, Pu. Ruata te ice cream ka zawrh sak thin hming kan hriat chhuah ve tak chu… Pari Ice tih a ni hairehai
