Tlai khat chu ka hnathawk zo hi ke-in zawimuangin ka haw a. Bazar Bungkawn kawngsîr hmun pakhata hmeichhe tleirâwl pakhat, kum 16 mi àwm vel lek leh tlangval pathum lo thu ka hmu a. An bulhnai ka thlen chuan an rim chu Chhandamna thu sawi rim a nam lo tih ka hre nghâl a. Hmeichhe tleirâwl kha, kum 16 mi vêl lek a nihna tak chuan ka thinlung a chhun ngaih mai.
Ka kal zêl a. Minute 15 vêl hnuah Zodin Square ka thleng a, brigde-ah ka lâwn a. A chungah chuan hmeichhe tawp deuh pathum vêl leh mipa, kum 18 mi vêl lek lo ding ka hmu a. An bul ka thlen chuan damdawi mûm eng emaw zât an lo hûm a, thup an tum viau nâa an bulah ka kal miau a. An hmêl atang ringawt pawhin Biakin kawngka an kân khât ang tih hriat sa. Mipa kha, kum 18 mi vêl lek a nihna tak chuan ka thinlung a chhun ngaih mai.
Treasury Square ka thleng a. Venghlui pêngah chawhmeh lei turin ka kawi a. Chutah chuan nutling pui pui kâra inthlahrun hmêl taka hmeichhe tleirâwl të lo thu ve chu ka pan a, a chawhmeh zawrh chu a chhiat êm avângin ka leisak duh ta lo va. Hmeichhe tleirâwl të leh a chawhmeh zawrh chhe zet chuan ka thinlung a chhun ngaih mai.
Sikulpuikawn ka thleng a. Mitdel kutdawh pakhat, mipa naupangin a rawn hruai chu ka hmu a, mak ka ti hle. He’ng lai vêlah hian kutdawh an vàn tehlul nen. Dâwr inhawngah an inkai lût zêl a. An lo chhuah apiangin hlim hmêl ka hmu a, dâwr danga an luh dâwn erawh chuan an hlim hmêl chu lungngai hmêlin a thlâk zêl tih ka hmu bawk a. Chu hun rei lo të-a an hmêl inthlâk danglamna chuan ka thinlung a chhun ngaih mai.
In ka thleng a. Haw kawnga ka thil tawnte avângin dem tur leh mawh tur ka zawng kual a, ka harh ta!
Engati nge hmeichhe tleirâwl kum 16 mi vêl lek leh mipa pathum lo awmte kha ka kalsan mai le? Keimahah hmangaih leh fuihna râwl an lo beisei reng thei si a! Engati nge mipa kum 18 mi vêl lek leh hmeichhe pathumte kha ka kalsan mai le? Keimahah hmangaihtu hmêl an lo beisei reng thei asin! Engati nge hmeichhe tleirâwl të chawhmeh zawrh chhe zet kha ka lei mai loh le? Ka lei a beisei àwm si a. Ka lei duh loh chu tu dangin nge lei duh chuang ang le? Engati nge kutdawh kha ka enliam tawp mai le? Ka pawisa them pakhat lek paw’n minute tlêmte dana an hmêl inthlâk reng tur chu a tidanglam thei àwm si a!
Kei hi thinlung kutdawh chu ka lo ni!
March 19th, 2011 at 9:01 pm
Tlai a ni tawh hrim hrim zawka(h). Chhun pachangah pawh khawlaiah rui chunga leng zak eih lo an tam ta hle mai. Heti chung hian khap tuma tan latute kan la sel ta laia. Ram thanmawhbawk a ni.
Chuan, i kutdawh sawite khi chu hmel an thlak hma theih danah puih chiah ka ngai lo.
March 19th, 2011 at 9:04 pm
chhiar ang lem
March 19th, 2011 at 9:22 pm
Breaking News: Bru-ah in 3000 a kâng. Thi an awm nual.
Buannel.com
March 19th, 2011 at 9:30 pm
Dâwn tisei thei tak thil an ni e.
@Tuaisiala : I breaking news chu a detail news hriat a va châkawm ve.
March 19th, 2011 at 9:36 pm
@mik3s: Ka lawm e. A hnuaia link-ah khian lut rawh.
March 19th, 2011 at 9:39 pm
I thinlung mawlh mawlh chu an va chhun nasa teh reng em..Good post (Y) Thu i thiam thin ngawt mai.
@4..i news chu a va hrehawm ve aw..
March 19th, 2011 at 9:39 pm
Vanlal TS, hmanni tlai kan intawh tuma i haw pheina lamah pawh khan thiltawn, han ziah chhuah leh mai tur te i nei mial lo maw??
March 19th, 2011 at 9:43 pm
TS #3 enge ‘Bru- ah’i tih khi aw? Tuikuk in akang chu ani phawt anga, a dik em?
March 19th, 2011 at 9:46 pm
@Pu Hv, ni e. Tuikuk a nia, link-a a inziah ang angin ka rawn ziak tawp a nih khi.. A rapthlak tham khawp mai.
@CFL, em em che chuan! Khatah khan nangmahni ka tawn bak chu ziah tur ka neih pawh ka hre lo. 🙂
@Ainawn, ka lawm over!
March 19th, 2011 at 10:00 pm
A va rapthlak em
March 19th, 2011 at 10:05 pm
I tawpna chu ka ngaihtuah ka ngaihtuah a, ka man lo ani ber e. Thinlung kutdawh chu hausa eiru hi alawm maw ni le? I ngaihtuahna vak kir leh erawh (Y)
Bru ‘camp’ ah tih ani e… Bruno vrs Elvis ani lo maw? Ka hre ril lemlo nang a, mizo te hi min puh leh pek tawh lo maw?
March 19th, 2011 at 10:09 pm
tichuan he post ka chhiar chiah chuan ka thinlung a chhun ngaih mai.ekhai Liandova nau,hla kungpuimualah chuan hmun i chang ve thei dawn lawmni le,i ziak ngaihnawm thiam khop mai.han ti zel teh khai! (B)
March 19th, 2011 at 10:10 pm
Comment in tih dan hi ka hrethiam ve lo. Ka comment hmasak edit ka tum a, a edt theih loh min tihsak a. Comment dang ka ziak leh a, ka comment chu a lo b leh daih si! Hei hi ka comment duh dan tak – (H)
Tun lai chu TS-a hian misual a tuai sil nasa hle mai 🙂 A post that thei si (Y)
Bru Camp kangah chuan, naupang telin mi 19 an thi tawh a ni awm e. Zialo tak a ni. Hei hi chhiar ve r’u : http://www.zeenews.com/news694366.html
March 19th, 2011 at 10:17 pm
@zoho: Tanpui ngaite tanpui tura ka penchhuak lo te, ka neih thil an tana ka thehchhuak ui te, anmahnia hmangaihna ka lantir lo te avangin ka thinlung hi a rethei a…tichuan…A.. chutiang vel chu a ni! Ka lawm e.
@swiftymcvay: Em em che chuan! Ka lawm e.
@lianchhiara: Nichin khan i comment lo lang zuai kha ka hmu a, chhiar ka tum a, a lo bo hman daih a. Chu chu a nih dawn chu. Ka lawm e.
March 19th, 2011 at 10:43 pm
Kutdawh ah hi chuan pek tur chi leh pekloh tur chi hi ka own word hian ka lo thliar hmiah hmiah tawh zel. Chakma Pafa kar khat a vawikhat tal Office a lokal ziah te hi chu ka chikat chiangkuang tawp.
March 19th, 2011 at 11:01 pm
Pu TuaiSialA cu post tha thei khawps.I thinlung chhuntu erawh a tam lutuka i dam khaw chhuak lo mai ang tih a hlauhawm riauin ka hria……..Misual zingah hian doctor emaw nurse pawh an awm ka ringa rawn la a tha ang.(Y)
March 19th, 2011 at 11:17 pm
(Y) (Y) (Y) (Y)
March 20th, 2011 at 12:26 am
An va chhun nasa ngaih ngaih hlawm tak che ve.
Chuan, a tharil hle mai.
March 20th, 2011 at 1:02 am
@Saitawk: Kei pawh kutdawh hi ka tanpui khât angreng. Kan neih theih loh neih an ngah em mai ka ti mai a. Thenkhat chu an inchhung khawsak pawh a phuisui viau a ni.
@Murmu: I ho reuh em mai a!
@Chhangteval & Benny: Ka lawm e. Chhun nasa ngaih ngaih tak a ni! 😀
March 20th, 2011 at 1:51 am
Tuaisiala chu i hmuhte hi an khawbaw, mifel i hmu zo thlawt lo em ni? Kei chu mifel hlir ka hmu thin.
March 20th, 2011 at 6:52 am
@Chawnghilh: Mi felin siamthat an ngai hleinem. 😉
March 20th, 2011 at 10:37 am
Ngaihtuahna ti thui tak chu a va han ni em, hengho hian hrilhtu/ sawmtu, kawng kawhhmuhtu tha(an mahni hrethiamtu) hi an awm chuan a nun dan hi kalsan a’n hreh ka ring thinlo. (Y)
March 20th, 2011 at 10:40 am
(Y)
March 20th, 2011 at 11:30 am
ngaihtuahna a va hruai nasa em! good post
March 20th, 2011 at 2:15 pm
Langlo phena lang tura i thuziak chu tha thlawt e…. Ngaihdan ropui tak i nei ngei chu a ni e….