HNAM SAKHUA TE PIAN HMA A FRANCE RAM KAL HO CHANCHIN…………. 
Chutia France ram an pan hma a, lammual a sipai lam an han zir chu, mi 2000 lai a ni ve a. Khatiang a, mi a khawma awm an la hmungai lo bawk nen, mipui, an lam lai lo thlirtu te chuan tam an han ti khawp a…..khuti zat zat an thawh thlak chuan German ho chu an va han rethei dawn rua em aww….an lo ti ve nasa mai a.
Chutia lam an han zir chu…Right turn (a chhinchhiah nan Chite lui lam) Left Turn (laipui tlang lam) About turn (Sikulpuikawn lam) ti khan an chhinchhiah ve thlap a, a dek rual tha thap thap hle. Tichuan, an bialnu te vaihlo zialsak leh raw-mawl pek te ak tat chung chuan mittui tla purin, Sichar lamah an liamthlak pui ta a.
Silchar ah an han Parade leh ta a. An hotu pa chuan Right turn a han ti leh tan a …(anlo chhinchhiahna ber chite lui lam an hriat dan a in ang ta lo, left turn …khawilam nge Laipuitlang lam an hre tawh bawk silo..an hawi thelh ta suau suau mai a.
Silchar an han thlen chuan Mizo chauh an ni ta biklo, Naga te leh hnamdang sipai atan a an lak te an rawn thleng khawm ve ta a.
Mahni hnam/ group tan a chawchhum tur bik te an inruat fel a ta thlap a. Mahse, vanduaithlak takin, Mizopa chawchhum tumna ah tak Naga pa-in, chaw chhum tumin a bel a lo chhuan khalh a. Mizopa ngaihdan ni vaklo, tawng inhriat tawnloh avanga inbe thei bawk silo chuan, tukkhum hiat nuap nuap pah chuan..hmmm tiin, Naga pa bel chhuan chu dahsawn pah-in, a ma bel chu a chhuang ta a. Naga-pa ngaihdan ni biklo chuan, Mizopa bel chu dahsawn a, ama bel bawk chu a chhuang ve leh a. Mizopa ngaihdan ni biklo chuan, Naga pa bel dahsawn in, a ma bel bawk chu a chhuang ve leh a, Naga pa thinrim chuan, an ‘hnam insual dan’ Arpa insual ang deuhin, a kut hnunglam a suih-in, a awm a rawn pho/poh chhuak a…a ke dinglam khaiin a rawn bai phei a, Mizo pa chu a rawn charge ta a. Mizo pa thin-thawk chuan, buhtlei a la lawk a, Naga pa rawn vung phei hnarkawnah a la khawn sak ta a, Naga pa chu hnar thi zawih zawih a tlan chhe ta a, Mizo chu Naga ho chuan anlo ngamlo deuh a ni. 
Chutia anlo thut nghuk lai chuan, Balhla zuar alo kal a, chutia Mizo tlangval rual, bumro tak tak, riltam hmel tak tak a hmuh chuan, a vanneih ni tura ngaiin, lei tir ngei tumin a rawn chhawp it awm vel a, chutia rawn ti na na chu Mizo ho lah khan pawisa pawh pe chuanglo in an ei ta hmiah hmiah hlawm mai a, an tam bawk si –an hmel lah a bumro hlawm bawk si – chutia ‘hnam’ a la hmuh ngailoh ‘ze maktak’ mai-in, an ei ta mur mur a han hmuh chuan, a nei tupa pawh chuan, pawisa hmu dawn chuang in a inhre lo a niang chu, chutia a thlawna eiral tir ai chuan tiin a ei ve ta sawk sawk a. A tui an ti tlang bawk a, a neitu-pa chuan a dang a va lak belh leh a……………….. 
Bombay atang chuan Kumpinu lawnglianin German ral run tur chuan a chhuak ta vu vu a. Chutih lai pawh chuan Mizo zia, thingkung ah te hming kher thang an nih na a la bo thei chuang lo. Kumpinu lawng lian rawng hnawih nalh tak bang velah chuan ‘ Thanglianchhunga’ ‘Chhuahkhama’ Hmartawna’ etc. tih vel anlo kher leh hman pek a…
Similar Posts:
- A.Z. Phizo, Nagaland independence sualtu
- Thamna hrim hrim
- Thei tak maw ?
- Mizo ho tak hi chu aw….
- Tunge Mizo ni ber ang?
May 8th, 2011 at 5:03 pm
chhiar teh ang …
Report this comment
May 8th, 2011 at 5:11 pm
Mizo tak hi chu aw…!!!! haha
A tawi lutuk, a khamawm loh e mai.
Report this comment
May 8th, 2011 at 5:17 pm
Khatia Silchara an han Parade hawi sual vel kha a lawm, Mizo pa ho chu, “A hawina lam tur pawh sawi lo va Right Turn tih mawl leh tawp thin!” tiin a phun nang nang!
Dawrah an va lut a, mihring lem an thawmhnaw fak nana an lo dintir zar mai chu an zinga pakhat chuan a va be mawlh mawlh a. A thianpa chuan, “I va mawl! Milem a nih kha. A mit pawh kha khawih la a khap miah lo vang!”.
Dawr dangah a va lut leh. Milem biak sual kha a tum tawh lo hrim hrim. Kal ding nal nal a, Vai dawr nghaktu mitah a va khawi siah mai chu Vai pa chu a te nasa mai..!! an ti
Report this comment
May 8th, 2011 at 5:21 pm
Kan veng pa Feren kal ve pawh a lo hawin Feren ram chan chin an lo zawt. Sawi tur hre tlem ve lutuk: “ih ..ih..ih…an sipai Boot lenzia lenzia chuh…” tih chiah a sawi thei!!
Report this comment
May 8th, 2011 at 5:30 pm
kan con ve nge..
Sipai Boot an dawng an han bun dek dek a, min 5 hnu vel ah ‘Ke thaw a sa’ an tia, Pheikhawk chunglam hmawr lawk chin kha an lo tan vek a. An ke zawngtang a lang thiau zel.
Report this comment
May 8th, 2011 at 5:35 pm
Balhla zuar tupa balhla ei hmawk hmawk lai tur mawlh mai khi………
Report this comment
May 8th, 2011 at 5:36 pm
Pa pakhat ve thung: “Feren ho laipui han lenzia mai chuh…a fuk hian a fuk ngoh mai a ni! An han kap a le… a rawn ri teng phei dul hniang mai maw le! “.
Report this comment
May 8th, 2011 at 5:55 pm
Pa Pakhat Delhi kal pawh, ‘a foreign kal haw’ awm ve muah muah maw le !
Report this comment
May 8th, 2011 at 6:09 pm
Feren ram thleng thlenga sipaia zuk kala German ral zuk do ta chu an lo haw chuan chanchin an lo zawt a:
Zawhna:”German ho chu in zuk sawp rethei em?”
Chhanna: “Rethei e! An ram thleng rawkin kan um haw maw le!”
Zawhna: “Engnge in zuk tih ber a?”
Chhanna:”Hmun phiah leh bel nawh!”
Report this comment
May 8th, 2011 at 6:12 pm
Khatia an parade vel kha tam an inti bawk a. German ho kha thingfak a vuak darh vek theih an inring a. A hmun a an han hmuh meuh chuan vuak darh te chu sawiloh,’A tih a tih chi a ni lo. An kawng chen vel ah kan kal ve tarh tarh e an tih chu.
Report this comment
May 8th, 2011 at 6:13 pm
Rumliana pawh kha! (sawi tui laklawh tlat!)
“Tum khat chu Japan sipai hovin min hual bet tlat a, ka thiante zawng zawng an kap hlum vek tawh bawk a..”
“Engtinnge i rawn tlan chhuah theih si?”
“E le, ka rawn thihchilh thak!”
Report this comment
May 8th, 2011 at 6:16 pm
Sipai bang pakhat pawh a in ngaihtuah vung vung, a chal a beng leh thuk thuk thin a, a bula mi chuan, “E nge maw i ngaihtuah vung vung reng le?” ti in a han zawt a. “A indopui pahnihna lai a, kan zatsawm (dawl) in chuh tum a, Tial king ka deng hmasa ta lo kha – tun thleng hian ka la ui em a ni. Han deng hmasa ila an kawt chian dawn vei nen….a pawi tak tak a ni….. ” zu ti vawng vawng a.
Report this comment
May 8th, 2011 at 6:19 pm
Khatih hunlai khan mizo india sipai a tang a awm a. Huaisen lawmman kha Kumpinu khan a pe a. A duh ber an thlan tir a.’Pawisa thingrem khat,’ a ti a. Sap ho lah phakar tak an lo ni si. Pawisa thir kha thingrem khat an pe a. An haw lam kha an chuanna lawng kha thlipui in a nuai ta si.’Mahni bungraw neih rit ber tui ah paih tur,’ an tia. Mizo pa chuan a chuan a thingrem pawisa khat tlat chu a paih leh ta a.
Report this comment
May 8th, 2011 at 6:19 pm
6
Pakak # Pakaka chu i dam maw….va rawn lang khat ve.
Report this comment
May 8th, 2011 at 6:20 pm
sawi zel ruka lo chhiar ang..keipawh vaipa ei lai ka mitthla..
Report this comment
May 8th, 2011 at 6:20 pm
“ Indopui lai a German laipui kah han nat zia mai chu…tlang phena awm te chu an na ting mai a…chuvangin a hau a tuar kha a zia awm zawk..” zu ti luam a.
Report this comment
May 8th, 2011 at 6:42 pm
@duhlova, dam a lawm, misual ho zing a awm tlak pawh ka ni ve lo, …ka sual lutuk a:-P
kha pa feren kal tho kha a lawm zawhna an zawt leh a..
zawhna: ka pu feren ramah chuan enge in ei thin?
chhanna: e le feren antam bai ngat maw le..
Report this comment
May 8th, 2011 at 6:54 pm
17
Pakak ##
Report this comment
May 8th, 2011 at 7:25 pm
intro khi ka duh zual
Report this comment
May 8th, 2011 at 7:39 pm
‘Ngaihban’ tlang tih an phuah chhan khu ‘Maiban’ tih atanga lo kal ni angem aw te ka ti mai mai thin. Hre deuh te in awm emaw chu le?
Report this comment
May 8th, 2011 at 8:26 pm
Ka nui nasa lutuk, thawh tha hle mai
Report this comment
May 8th, 2011 at 9:10 pm
ngaihnawm lutuk
Report this comment
May 8th, 2011 at 9:14 pm
darthlalang te kha hre hrang hek lo, an tuibur hmuam te poh kha an chhak khum per chuai chuai mai maw le
Report this comment
May 8th, 2011 at 9:32 pm
Sipai ka tan chak tak tak lai kha chuan ka tling thei lo kha ka thin a rim thin ngawt mai.
Report this comment
May 8th, 2011 at 9:44 pm
Mizo in, ‘mizo ho tak hi chu aw’ kan han ti hi chu aw……
Report this comment
May 8th, 2011 at 9:47 pm
sipai sawi hi chuan kan thianpa sipai in tlar ve mawlh mai kha a sin, long jump kha a zuang ve a, a char laiah a tla thum tuk…
(true story)
Pakhat ve thung kha chu a lo tlan dik lo a, an tlan ni khan forest dept. in forester an lo la ve dawn chiah a, world bank road ah forester ho tlan na ah a lo tlan ve char char.
Report this comment
May 8th, 2011 at 10:15 pm
#25 keipawh ka lo helh ve deuh a..!!
Report this comment
May 8th, 2011 at 10:54 pm
25
Rumtea #
25
Rumtea # Hnamah i va han chian hmel ta ve aw…………..
Engtia han tih nge in duh deuh a ? Keini Mizo ho tak hi chu aw…kan ti dawn nge……Hnam dang ni ve lo ho hi kan ti dawn nge……..
Report this comment
May 9th, 2011 at 1:12 am
An parade na hmun khi in sawi danglam nual hlawm mai.
Lung lova lak awih lovah:
Kapu Laldailova kha Lushai Labour Corp. ah khan Head Clerk cum Interpreter niin, France kha a kal ve. A diary kan la kawl tha nghe nghe. Keiman ka awmna lamah ka kawl lo tlat mai a, ka chhiar tawh leh a sawi ka ngaihtuah kir atang chuan tiang deuh hi niin ka hria.
Lunglei lamah khan Gorkhali sibudarin parade alo zirtir thin a. “Lep tan (left turn) ka tih chuan Serkawn lam in hawi anga, Raih tan (Right turn) ka tih chuan… lam in hawi dawn nia,” a ti thin a, an thiam ve ta viau mai. Tichuan Aizawl lammualah an rawn intlar khawm ta a le an buai zota anih awm kha.
An hotu in “Left turn” an tih khan khan khawilam nge Serkawn lam hre tawh heklo, an hawih thelh sung mai a ni awm e.
Hei an in line that lai thlalak:
http://i53.tinypic.com/28v4xw1.jpg
Report this comment
May 9th, 2011 at 1:18 am
kawlhawk #24 i van fit awmlo em em hairehai
Tak taka ka makpa thianpa pawh MPS physical an test tumin feet 3 vel a kar pha a mahse a zuan khum zolo
Report this comment
May 9th, 2011 at 7:09 am
Pu Hva chu thlalak i va la kawl tha rei em aw !, Aizawl pawh a hmanlai raih raih hle mai a, Laipuitlang te chu In ala awm meuh hleinem maw le….Lunglen thlak hle mai
Report this comment
May 9th, 2011 at 7:20 am
Pu Hva # Kan hriat dan a va dang teh nuaih tak ve…..
Report this comment
May 9th, 2011 at 7:30 am
24
kawlhawk # Kan u pakhat pawh, a Sipai tan chak lutuk kha a va intlar ve a, san lamah a tlinglo/an chhawk a, an la endiklohna lam ah arukin a va intlar tha leh ta, san zawngah bawl a tla leh a, anla endik lohna ah a ruk in a va intlar leh a, an la ta chuang lo….
Report this comment
May 9th, 2011 at 8:38 am
mr.Duhlova u khian a sawi a lawm…
“Sipai tan tum kan han intlar a, kei aia sa tha pui pui leh sang pui pui kha an rawn chhawk hmiah hmiah mai a, kei a pa te ber, a fit lo ber mai chu rin loh takin…min han chhawk ve nawlh mai a!”
Report this comment
May 9th, 2011 at 11:32 am
Vawiin hi indopui II na a,Russia in German an lo hnehna ni champha kha a nia,Russia ah chuan an lawm mup mup mai.
Report this comment
May 9th, 2011 at 12:45 pm
34
keimah #
Report this comment
May 9th, 2011 at 12:55 pm
Sipai boot an dawng ve a,pheikhawk hrim hrim pawh la bun ngai hek lo,a inkhinglo te,a letling ten an bun fur mai a,”Aattention tih khan ke chip tur tih chu kan hre ve a,kan pheikhawk bun danin zir hek lo,kan chip kak fer fur mai ni” an tih pek chu
Report this comment
May 9th, 2011 at 1:35 pm
37
Jacka Pi # An boot dawn kha, a vei lam kha dinglamah an bun a, dinglam kha vei lamah, an kal kak hah hah…..
Report this comment
May 9th, 2011 at 3:07 pm
@jack-a pi: ”kan chip kak fer fur mai ni” ….lolzzz
Report this comment
May 9th, 2011 at 3:13 pm
bmw, i lo va la fuh ve..
aw ngawiteh.. he chu TAR ho taawm khawmna a ni tlat. An phunchiar hlawm e mai tel ve lo mai ang.
Report this comment
May 9th, 2011 at 3:18 pm
@Mr Sangte: sipai boot lawk leh chhah tak, a nilo zawnga buna, ke han chip kha a nalhlo dawn em a lawm
A kak tlat! lolzz
Report this comment