Vawksa hi Bible-in sa thiang lo a tih zinga mi, Leviticus 11-ah khan a chuang ve a ni. Chu bakah vawksa hi Isaia 65:3,4; 66:17 ah khan a sawi nawn leh ngat a ni. A thianghlim lo ei suh u a lo tih chhan hi science lam atang hian a dikin a awm hle niin a lang.
Dr.Rex Russella, Baylor School of Medicine, Houston, Texas a miin, “Bible-in Vawksa ei a lo khapna chhan hi a hrisel loh em vang a ni,” a ti. A sawi zelnaah, “Vawk hian an hmuh apiang bawlhhlawh tinreng, mihring ek leh anmahni ek ngei pawh ei duak duak mail eh englai pawha ei reng mai an ni. An thil ei tam em vangin , an thil eite hi an pumpui digestive juices te hi an eite khan an lo pawlh dal vek a, an thil bawlhhlawh tak tak eite, mihring ek leh anmahni ek lamin, pai tawih that mang loh kha an taksaah khan a tam bik a, tichuan, an thil ei bawlhhlawh tak tak khan natna hrik chi hrang hrang, bacteria, virus, rulhut, te hi an taksaah hian a tam bike m em a, chuvang chuan a hrisello bik chung chuang a ni,” a ti.
Vawksa atanga natna hrang hrang awm thei thenkhat te han tarlang ila:-
Influenza:
Vawk chuapah hian influenza virus te hi an tam a. Vawksa her sawm,(sausages) an tihah hian vawk chuap hi an telh thin. Heng sausages,influenza virus paite hi mihringin kan han ei hian, kan chuapah hmun an khuar thuai a, taksa chak loh deuh veleh hian an lo che ve vat thin an ti a ni. Heng ei ho zingah hian influenza hi vei an tam bik tih an hmu a ni. Indopui hmasa, kum 1918 vela America sipai tam tak, influenza vanga thi puk puk ho kha vawk atanga an kai a ni tih mi thiam ten an fiah a ni. Vawk chuap atanga influenza kai theih bakah hian tubercles,( TB hrik) hi a awm thei bawk a, heng hian mihringte TB a vei tir thei an ti bawk.
Rulhut chi khat an tih hi
Vawksaa rulhut awm tapeworm hi mak danglam leh rapthak ang reng tak an ni. Bung hrang hrang ( segments) an nei a, heng sements te hi anmahni tawka nun theihna,( complete sets of organ) an nei vek a ni. A hlawm te te (segments) an taksa atang khan a rawn tla hrang a, chu chu an tui/note (eggs) a lo ni reng mai a ni.
Tapeworm pakhat hian tui maktaduai khat vel siam theihna a nei an ti. Heng an tui te hi an lo keu hian awlsam takin thisen dawt atangte leh tisa hrang hrangah an hreuh lut zung zung a, taksa bung hrang hrangah an tai darh a, mit muah te pawh an awm theiin mitdelna hial a thlen thei a ni.
Thluak leh zang ruh chhung(spinal cord) an thlen tawh phei chuan tih dam an harsa taw hem em a, daktawr thenkhat chuan tih dam theih loh an ti hial a ni.
Heng rulhut hian thluak an thlen hian bu an khuar a, thil bawk te tak te cyst a lo awm a, khang bawk te tak te te kha a lo lianin a lo pun ta zel a, thluak natna neurocysticercosis an tih hi a thlen thei. He natna vei tawh te hi chu Mizovin kaih kan tih mai seizures an nei vak vak a, kaih damdawi hian a tihreh theih ve lova, thluak zai ngawt loh chuan tih ngaihna a awm ta thin lo a ni. Heng vanga thluak zai tawk te hi an awm chawk a ni. Mizovin phungzawl kan tih mai, kaih vanga tlu thin thenkhat te hi heng rulhut vanga awm a nih a rinawm hle a ni. Heng rulhutte hi thluak chhungah an bawrkhawm chiam thei a, thihpui te pawh an awm mek bawk.
Los Angeles, USA-a naupang kum 10 mi pawh a thluakah heng rulhut hi a lut a. A kaih(seizure)vak vaka, thawkna khawl (ventilator) hial hman ngaiin damdawiinah a awm a. Times Union Albany, New York August 1997 a an sawi dan chuan, he naupang hian rulhut tui ( eggs) a chawei atanga a ei tel, a kaw chhunga inthlah pung zelin a thluak a khawih khaw lo ta niin an sawi. Heng tapeworms te hi vawksa ah hian a tam bike m avang hian vawksa rulhut an ti deuh bik a ni. Sa dang ei atang pawhin a awm ve thei a, chuvangin sa reng reng hi hmin tha taka chum a pawimawh em em a ni. Chubakah mihring ek atang te pawhin a kai theih a, zun leh ek zawh apiangin kut hi sahbawn nen fai tawk taka sil hi a pawimawh hle a ni.
{Source: Women’s Ministry}
(Aw le, he article hi magazine pakhatah ka chhiar fuh hlauh mai a. Tun tum chu he article hi a ngai ang angin ka rawn paste tawp mai teh ang. Thenkhat te chuan kan lo chhiar tawh mai thei e. Chung mi te tan pawh chhiar leh chi tak a ni e. Mizo te hian sa ah chuan vawksa hi kan ngainat leh ei nasat ber niin ka hria a, chutiang anih mek laia hetiang article a lo awm si nen; kan comment te chhiar chakin ka lo thlir reng e. I han sawi ho ang u hmiang.
Similar Posts:
- Bawng Thin (Liver) A Tenawm?
- Dawidím
- Vawksa fakna
- Thluak dingkhawr nge veikhawr i nih le?
- Aizawlah Vawksa Kg 1 Rs 120, Bawngti Rs 140!
May 8th, 2011 at 3:01 pm
He post hi dawt. Khai mah aw:
Engvanginnge vawksa hi Zofate hian kan duh em em? A tui em vang emni? Hnai love!! A aia tui a tam lutuk. Anihleh engvangnge? A hrisel em vang mawle!!
Khai mahaw: Kan chaw eite chakna (energy) a chantir an nih theihna tura tangkai tak vitamin B, chi hrang hrang heng; B1 (thiamine), B2 (Riboflavin), B3 (Niacin) leh B5, (Pantothenic Acid) an tihte hi vawksaah hian an awm vek a ni.
Kan taksaa tui chi hrang hrang awm leh thil pawimawh tak tak awm, kan hriselna atana pawimawh em em thlentu hi vawka tam em em mineral avanga lo awm anni Vawksaa minerals pawimawh tak tak awmte chu; calcium, iron, magnesium, phosphorous, potassium leh sodium te an ni.
Tin, vawksaah hian thau(fat) tha mi 48g lai a awm ani.
Vawksa ei thatna dang leh chu mita lung awm (gall stone) tan a tha. Nitina ei phei chuan zai kher loh pawhin a dam thei a ni. Thisen dawt thalo tan a thaa; heng thisen sang, lungna leh lungphu chawlte hi nasa takin a pumpelh tir thei a ni. Mizorama BP sang leh cancer tamna em em te hi kan vawksa ei tlem vang te pawh a ni mahna
Tin, vawksaah hian fiber (dietary fiber) a awma; hei hian kan chaweia thau thalo, lapua-in tui a hip angin (sponge) a hip thei a ni. Kan thil eia thau thalo, cholesterol te kha a lo hipa, kan ek lamah a chhuak zawk ta thin a ni.
Mizote hi hnam mawlah kan inngai leh thin. Amaherawhchu heti khawpa sa tuilo vawksa, a hrisel em avanga ei nachang kan hria hi chu kan fin vang ka ti lo theilo.
Source https://misual.life/2009/11/19/vawksa-fakna/
NB: Fiamthu a nih khi. Hemi ka rawn post dawn pawh hian fiamthu huangah ka daha; admin-te’n an lo ti danglam daih alawm.
May 8th, 2011 at 3:18 pm
YMA in an KHAP dawn an ti. Nia, vawksa hi sa hrisel lo ber ani hial ang. Ei pawn khat tawk, tlem te te chu thudang.
May 8th, 2011 at 3:22 pm
In sawi zawhmawh em mai. Ka nghei dawn chuang lo…
May 8th, 2011 at 3:26 pm
Hei leh chen hi ka ei tawh …. Ka ei zel dawn….
May 8th, 2011 at 3:32 pm
Vawksa hi chu sa hrisel a nilo hrim hrim, mahse a tui em a ni. A thau tel lo deuh a ei hi a zia deuh.
Dr.Rex Russella sawi khi chu mizoramah chuan a relevant tawh lo. Vawk kan ei ho hi vulh vek an ni a, a chaw tur bika siam kan pek bak an ei lo
May 8th, 2011 at 3:45 pm
LUAK puat puat lai milem ka va duh tak.
May 8th, 2011 at 3:48 pm
Vawksa leh zu hi a in ang reng ka tih thin kha!!
vawksa tha, vawksa hrisel a tawk lek a ei hi a pawina a awm lem lo ang!
Mizote hian vawksa hi kan duh si a, meat quality control mumal awm si lo, vairam vawkte, burma vawkte kan ei duak duak mai a. Sa ser ho lah in vawk thisawn pawh an ser duh zel tho mai bawk si. Natna tam tak hi kan vawksa ei nasat vang te pawh alo nih dawn tak hi.
A hrim hrimah a to leh lutuk, mi ramah pawh heti em em hian sa a to lo!
May 8th, 2011 at 3:50 pm
in eihlum law law ang…….ti ta sa sa, duhna thihpui hi thihna zawng zawng a manhla ber asin. Sawi sawi mahula ka nghei dawn chuanglo, Phai vawksa hi sawi tel lovin……
May 8th, 2011 at 3:50 pm
Good post
Pu CFL, tha na (saitika) lam te rawn post teh a. A lo awm tanna leh a tihdam theih leh theih loh lam pangte.
May 8th, 2011 at 4:05 pm
Bawngsa a tui ber a, a dawt ah chuan Vawksa rep, Zoar pumchum luah nen, ka va ei chak ve.
May 8th, 2011 at 4:05 pm
Vawksa te chu a tui tui nen, a thing hi a tui lehzual, engkim hi han sel chuan selna tur a awm vek alawm, vawksa chauh a nilo,.. Meizial te pawh a that lohzia kan hre vek mahse hei kan la zu tlat si ani, chutiang bawkin Thil Sual a ni tih hre reng chung pawhin kan la tisual lui zel duh chu ani a,.. Eden huana lal Evi vang er awr a nih kha, kan hetih zo ta ni,..
May 8th, 2011 at 4:06 pm
Vawksa thau = kuhvahring = Zial ….
May 8th, 2011 at 4:07 pm
Tunlai kan Aizawl vela vawk vulh chuan ration buhfai leh favai pawlh a ni lawm ni an ei deuh ber? Stray dog ei ai chuan a hrisel zawk ang.
‘an thil eite hi an pumpui digestive juices te hi an eite khan an lo pawlh dal vek a’ digestive juice in alo pawlh dal vek chuan acid and enzymatic digestion a chak zawk daih ang chu! Tapeworm hi chu pressure cookerah phit ila, an thi mai ang.
Sa thau ei hi chu a tha lo tlangpui.
May 8th, 2011 at 4:09 pm
#2 Sony tak2 maw?? Vawksa hi sa hrisel lo ber chu a ni hauh lo ang, ei dan tawk thiam a thu a ni mai,
THil thau hrim2 ei te chu eng thau pawh nise a hrisello a lawm, vawksa thau kherlo pawh
May 8th, 2011 at 4:10 pm
Post tha tak a ni e.
May 8th, 2011 at 4:12 pm
Ti ve khang lang ila, Hman kum hnathawk kan riak a, inrinni tlai ah vawksa lei chu a chhiat loh nan a so trawkIn chhuma, tukah tuman chhuan zui awm tawh hek lo. A thau pawh keih fe a ngai..
May 8th, 2011 at 4:20 pm
Vawksa ei tam lutuk chuan Pneumonoultramicroscopicsilicovolcanoconiosis te pawh a vei theih awm asin…
May 8th, 2011 at 4:27 pm
a ziak tu hian vawksa a ei duh lo a ni hrim
May 8th, 2011 at 4:31 pm
A tha khawp mai, mahse i post ah hian a hlauhawm loh dan han zep tel la tha tur…..
Influenza i tih hi Swine flu a nih hmel a, Swine flu hi influenza (Awmna/tlang hrileng) dangte ang thovin boruak leh kan vel a natna hrik hip luh atangin kan kai a, vawk atanga mihring a inkai phei hi chu thil thleng zen2 lo, vang tak a ni bawk. Vawksa ei atanga kai phei chu ka lo la hre miah lo mai. Influenza virus te hi temperature 75 – 100 celcius degree ah chuan an thi vek a, tin Neurocysticercosis thlentu rulhut, Taenia solium poh hi boiling temperature ah chuan a thi bawk. He parasite hi sa chhum hmin loh ei vanga kai theih a ni.
Chuvangin heng i rawn sawi natna pahnihte hi vawksa kan chhum hmin tha a nih chuan an thi zan a, vawksa ei atang chuan kai hlauhawm an ni lo.
TB hi Chaw leh kan ei leh in atanga inkaichhawn a ni lo tih kan hriat a tha bawk awm e.
Swine flu leh Cysticercosis te hi natna hlauhawm tak chu an nia mahse an hlauhawmna kan sawi rual hian an hlauhawm loh dan inhrilh hriatte pawh hi zirtirna kan inpek dan tur a ni awm e…
May 8th, 2011 at 4:31 pm
A tui em a ni, eng sa pawh ei ila, a tuizia sawi nan “a va tui em!! vawksa ang mai lah ni!” kan ti zel mai a nih hi.
May 8th, 2011 at 4:41 pm
Farm vel a chaw pangngai, mihring ek etc ei lo a vulh te pawh hi an hrisel lo tihna em ni ni don?
Dik tak chuan zo vawk dik tak mai ( Tuikuk ho in, ‘Tuikuk vawk a ni hlei nem, Mizo vawk a lawm’ an ti ve fan), dul in lei hrut det det, hnungzang er tarh mai, khawlai a tla, hmawm hnawk nawr a mihring ek ei ngei mai nge nge hi chu, an sa a va han hmui tui tak em…
May 8th, 2011 at 4:42 pm
Ka hnathawhpui pa pakhat inla Pure Vegetarian lutuk, Artui pawh a ei duh lo kha, kei chu Anytarian ka nia ka tih kha a nui nasa ve khawp mai, mahse in pathian sa pawh ka ei tho kan ti chu, a nui tawi tak mai
a thinrim chuang hlei law,… kan inkawmngaih viau vang ania, ka han sawi tak kher nachhan pawh
May 8th, 2011 at 5:04 pm
Kan sa duh ber a ni chungin ei tam loh kan zir a, thlakhatah vawikhat te kan ei thin. Vawksa hi chu a tui chiang alawm!
May 8th, 2011 at 5:05 pm
I article source khi ka rin dan chuan Vawksa ei ngai lo hrim hrim hote an ni lo maw??
Vawksa hi chu a tui chiang em a ni! A hrisel lohna bera ka ngaih ve zawk chu a thau ei tam lutuk hi a ni mai. Mahse, a thau hlei hlei hi a lo tui bawk sia!!
May 8th, 2011 at 5:12 pm
@keimah.. u mean to say #th-day??
vawksa oo vawksa.. zoram vawk ang hian phai vawk thin hi a “mur” ve mang miahlo a.. tui poh ka ti lo.. zo vawk thin “Mur” deuh sung hi a tui eee.. thithun te hlei2.. slurp2
May 8th, 2011 at 5:18 pm
Spanish ho hi vawksa ei nasa pawl tak anni in ka hria. An ei lar deuh chu Jamon (hamon ti a lam tur) ani a. Vawk bawp an hlep thla a,a vun an paih a, chi an chulh vaka, kar hnih hnu velah an sil a, tichuan hmun ro (tlangchhipah te) ah an khai a, kum 2 dawnte an khai a. Tichuan, a eitheih..vawk ke khat hi 70-150 euro te ani. A hel anih deuh ber chu, pan te te in an zai lep a, spanish in ah chuan Jamon zailepna tur bik chemte leh a hunna (a dahna) a awm tlang pui!
An ei lar leh chu Chorizo an ti a, vawksa kha an herdip a, sausage ang em em a dip nilo in, chuan spice an telh a. Vawk thithun ang deuh hian an thun a, a ril kher an hmang lo. Hei pawh hi an khairo leh tho. A hel ei chi leh tho. Ei ngun chuan a tui ve tho!
Pu Hlatekhua pawn a duh ve viau thin mai thei e..
May 8th, 2011 at 5:19 pm
Nimin khan Kan chhungkua (Kan nu leh fanu) in vawksa tlem a zawng kan REP chawp ve e kan tia, a nuam phian. Tih fo tlak a ni.
May 8th, 2011 at 5:49 pm
post tha khawp mai…khawnge vawk sa chu?
May 8th, 2011 at 5:50 pm
lrpa@26…i ring dik riau mai!
Ram changkang thenkhatah chuan an vawksa zawrh te hi “kan vawksa a tha….a thau a tlem” tiin an advertise thin. Keini’n a thau thau kan duh si.
Vawksa chauh lo, sa dang pawh hi a thau te nen tam tak ei chiam chiam chuan a hrisel bik lo. Chaw ringawt pawh hi tam lutuk ei chuan taksa tan a tha chuang lo.
Sa hrisel tha, vawksa tiamin, a tawk leka ei thiam erawh chuan taksa pawhin a ngeih.
May 8th, 2011 at 5:52 pm
natna hrik leh rulhut te mai mai chu kan chhum hlum vek zel tho alom….ka ril i ti tram e….
May 8th, 2011 at 5:57 pm
mizo vawk hi chuan thil tenawm vak an ei maw ni le? Aizawl vawk te ngat phei chuan.
May 8th, 2011 at 5:58 pm
Zanin chu sangha ka zuk lei keuh teh ang.
Vawksa hi ka ei khat khawpmai, vawksa ei thang ho aia ka hrisel bik na pheichu ka hre chuang lova
May 8th, 2011 at 6:05 pm
Uisa ei a piang hi cancer rapthlak deuh vei sela thi zel se ka ti.
May 8th, 2011 at 6:13 pm
Women’s Ministry hi Seventhday nu ho pawl a ni lo maw…? Vawksa ei hi chuan mahni ngei pawhin taksa ah nghawng a neih dan chu kan hre vek thovin ka ring. Khawlum laia zinga han ei te hian chhun lamah chuan mut te hi a chhuak ngawih ngawih thei alawm. Mahse ka ngaihdan ah chuan ‘a tui tho tho!’
May 8th, 2011 at 6:13 pm
‘pera’ ka ei chak
May 8th, 2011 at 6:23 pm
Women’s Ministry hi SDA nu ho niin ka hria. Ei leh in lamah hi chuan SDA ho hi ka ngaisang ve tlat! Chuti chung chung chuan vawksa hi chu tui ka la ti tho!
Vawksa ei zawha mut chhuak thin hi chu kan ei tam lutuk vang mai mai maw le! A hrisel a nih ka rinna chu Vai ho vawksa ei ngai lo ai chuan Mizo pa vawksa heh tak hi mahni weight puiah na na na chuan thahrui kan nei zawk! Kan huai zawk! Kan hmel a tha zawk! ….kha daih kha a sin!
May 8th, 2011 at 6:28 pm
vawk chirh ah chengte hi ka thrianpa 1 chuan an hrisel a ti, chirhdiak khan bacteria a that a, a ti ve tlats
May 8th, 2011 at 6:31 pm
@32 Funny awih re re suh lolz, vawksa hi a hrisel loh hran ka ringlo, a ei dan leh siam dan a thuin a hrisel in a hrisel lo vek thil ei chi hi chu
May 8th, 2011 at 6:58 pm
Ni e vawksa hi ei ei loh tur….he mi te pawh hi a tirah vawksa an heh lutuk a….a tawpah chuan……a lem hi click ula en ve mai rawh u…
https://i54.tinypic.com/2rzdger.jpg
May 8th, 2011 at 7:03 pm
AR-sen-nal.. an chak don lo e.. lelelelele
May 8th, 2011 at 7:13 pm
Arsenal chu a!!! Mahse, an champ hmel tawh chuang lova; chuvangin, Chelsea lamah rilru ka sawrbing zawk mai.
Vawksa tin kha an siam tawh em? Min rawn thawn t’uuu…
May 8th, 2011 at 7:21 pm
Post tha tak a nih rual in la ei zel phawt teh ang!
May 8th, 2011 at 8:13 pm
Hman zanah Kan prayer group in chaw kan eikhawm in Naga siam in an siam a, a thak teh hlir hler khawp mai. Ka ei hnem deuh nge ka khua in a zo tlat lo….a hrisel loh vang aimah chuan hmar cha thak kha a nih ka ring zawk mah a. Tin,vawksa te kan ei loh chuan miin hah takin an vulh ve sia, mi eizawnna lo tih chhiat sak ngawt te chu a…….
May 8th, 2011 at 8:14 pm
Engtin nge Vawksa kan ei theih ang tiin kan thluak kan sawr bing a,a hriselna kan chhiar daih mai a……..
Chhum hmin that chuan a hlauhawmna chhan vak tur ka hre lem lo. Chu ai chuan a thau hi ei chintawk hre deuh ila a tha ber….
May 8th, 2011 at 8:16 pm
He Post Ziaktu Hi Veterinarian cu a nh loh hmel…..Tapeworm leh an digestive system rn ziah danah khian …la chhiar zo lo mahse
May 8th, 2011 at 8:17 pm
Zu an khap, ka la ngaithiam.
Meizial/vaihlo an khuahkhir chutah ‘um e’ ka la ti lo.
Vawksa hi chu han khap na se chuan e!!!! khampat-ah ka pem nghal ang…..
May 8th, 2011 at 8:25 pm
Post tha hle mai, vai ram ah phei hi chuan bawlhlawh leh ek an ei hmuh phei hi chuan a tenawm leh zual.
May 8th, 2011 at 9:24 pm
Pathianin kan taksa hrisel min duhsak a, ei lo turin min kawhhmuh a. A hrisel lohna emaw a tui riauna lam ka thluk pha lo. Tun hma chuan ka ei thin. 1967 atang khan ka ei ta mang lo va, a hnuah ka ei ta lo hmak a. Pathian remtih loh a nih vangin. Chaw tha ka ei phak lo, mahse ka rualpui vawksa eite nena tehkhin chi ka ni lo. Pathian zarah ka rualpuite hi chu ka pu rual ni awmin an lang vek tawh. Ei ka neih that lam ni lovin, ei loh ka neih zawk vang a ni tih hai rual a ni lo. Sport-ah pawh vanglai chuan thahrui a tamin, zuan a zang duh deuh a ang. Cigarette leh kuhva ei leh ei ve lo pawh an inthlau hret zel ang hian. Daniela leh a thiante pathum pawh kha an zirpuite nen ni sawm chhung leka an indanglam hleìhzia kan chhiar fur lo maw?
May 8th, 2011 at 10:16 pm
Vawksa hi han ei ila, chutah thawh pah hian lu hi han hai deuh chawih mai sela… A thau te hlei hlei hi…keini ha tha vak lo tan hi chuan hakher hi an ngai lo zui a, a va han nuam tak emmmm… hahahaha…
May 8th, 2011 at 10:31 pm
a hrisel lo tih hi cu en pon a hriat nghal… pro(voksa) ho phei te hi cu han en i la, a hriat nghal alom.. tak tak inah vawksa hi cu ei lo i la thra ka ti, in ci ne an han hmeh let ngat phei hi cuan chhe le zual..
May 8th, 2011 at 10:42 pm
kei chu tui ka la ti em a ni e
May 9th, 2011 at 12:16 am
Post bengvar thlak tak ani. Mithiam hetiang ang post nachang misualin kan nei hi kan van vannei em.(Y)
@CFL, cancer mizo ten kan vei tam nachhan te hi vawksa kan duh luat vang te ni thei angem?
May 9th, 2011 at 12:27 am
thra hle mai…, mahse tui bawk cia.., chaw ei hma in hlan uluk deuh i la ni mai
May 9th, 2011 at 12:36 am
Tui bawk si tha vak bawk silo, ei insum ngai si har bawk si!
May 9th, 2011 at 12:54 am
Vawksa that zia
Fact file:
“Hmanlai ngaihtuahna hmanga vawksa a thalo, cardiovascular tan… tih leh chhuanlam dang an sawi sek hi awih suh u. Vawksa ah chakna/mihring tana tha engmah a awm lova, a tichhe thei hlir a awm a ni titu te chuan an hrechiang lo a ni,” tih hi tunlai zirmi te tawngkam a ni.
1. Vawksa thatna pakhat chu protein a pai hnem em em. Vawksa hian protein an ngah zia mai chu gram 100 hian nikhat mamawh chanve anei tling tep a ni.
2. Anemia (red blood cell nei tlem) natna nei te tan Vawksa hi iron pai chaw tha ber a ni. Vawksa gram 100 hian nitin kan protein mamawh 15 % a nei. A that zualna bik chu vawksa a protein hi mihring taksa in rang taka a lakluh theih chi a ni hlauh bawk.
3. Vawksa hian vitamin B12 a keng hnem em em bawk a, heihi vawksa sawisel hoin an hriat hmaih (lui) fo thin. Vawksa gram 100 lek hian nikhat a i vitamin B12 mamawh zat 70% a nei tih hriat a pawimawh.
4. Vawksa ah hian zinc a tam hle. Vawksa a zinc te hi chawtha hremi (nutritionists) ten an duh ber fo. A chhan chu mihring taksa in a sengluh awlsam bik avangin.
A dang hre duh tan link:
https://www.easyfoodanddrink.co.....ting-pork/
Vawksa tha ka tih ve na chu, sa tui tak, engtia siam pawh a a tui zel avang hian chawei tui vak loh pawhin, vawksa hian chaw tha dang tam tak min ei tir phah thei fo.
May 9th, 2011 at 1:23 am
Ka ziak belh vak nanga
May 9th, 2011 at 2:06 am
thratna a neia thrat lohna poh anei,,,A sa ti ai mah chuan a thau hi a thralo zual in ka hria…mhse voksa rep hi khawvelah ka sa duhber ala ni thau2..
May 9th, 2011 at 8:25 am
Khai a….ka lo va hmu har em…ka ziah tur tak asin le….
Pu CFL, a thupui hi i vuah fuh lo deuh a nih hi mawle…vawksa that lohzia ti lovin “Vawk hrisel lo sa a that lohzia” ti ta la a fuh zawk ang a.
Natna leh rulhut lam i tarlan pawh khi thil dik chu a ni na meuh mai. Amaherawh chu bawng, ar, kel, beram, lawi, etc. te pawh an hrisel loh chuan khitiang ai aia natna hlauhawm kai theihna khi an ni vek tho mai.
Tunlai ran kan vulh danah, a bikin Vawkah chuan confined system a ni deuh vek a, chaw pawh kan pe uluk a, hmanlai hun nen chuan khaikhin chi a ni vak lo.
Vawksa that lohna ber pakhat chu a thau hian cholesterol a pai tam avangin a thau ei nasat leh lutuk hi a tha lo deuh hlek tih mai loh chu vawk hrisel pangngai sa chuan that lohna a nei vak hauh bik lo a nia, kei zawngin vawksa ei turin ka suggest a che u. Sawi duah a va chakawm ve.
Khaikhawm nan chuan vawk, bawng, kel, ar, lawi, beram, etc te hi an hrisel loha natna vei an nih chuan an sa sawngbawl lai atangin fimkhur a ngai hle. Amaherawhchu sa hrisel pangngai an niha kan chhum hmin that chuan ei loh aiin ei hi tha ka ti zawk hle mai kei chuan.
A thupui khi “Vawksa ei that lohna” ni lovin “Vawk hrisel lo Sa that lohna” tih emaw tal nise a dik ang. Sa hrisel lovah chuan khi’ng aia natna hlauhawm ran dang atanga kan kai theih khi a la tam lutuk tlats
May 9th, 2011 at 8:37 am
Tin, parasitic infestation chungchang leh digestive system chungchang khi a nawiin a dik kim lo em em bawk.
Kei zawng ka ei zel dawn Vawksa, nizanah pawh ka chhungte min thawn Zoram vawksa rep ngat kan ei….a va tui em
May 9th, 2011 at 9:30 am
Mak ve ang reng tak chu: sa leh thlai lam te pawh hi mithiam ten an han sawi tak tak hi chuan, thatna lai an neih rualin a thatlohna, taksa tana thatlohna nei ei ngamawm manglo hi an lo ni deuh vek zu nia!
Chintawk neia ei leh in a pawimawh a ni ber mai.
May 9th, 2011 at 10:47 am
vawksa hi ka ngaihtuah chian chuan thla 3/4 te ka ten a, ka ei duhlo a.. Mahse a rei deuh a ka ei leh tuarh zel tho..
Tui em a lom ..
May 9th, 2011 at 11:23 am
A tui tlat si a ei zel tho ang. Kum 40 te han pelh tawh hnu hi chuan sa hrim hrim hi ei tlem chu a tha hrim hrim, vawksa thau ngat phei chu.
May 9th, 2011 at 11:33 am
Tha ti chuan in ei thisen sang leh vak zel mai teh u.
Kei zawng ei lo mai teng.
A tui chu a tui phian ang.Pathian phalloh thil hi tih chak awm tak vek zuk ni tlat zel a maw le.
Vawksa ei pawh phal loh.hahahah
May 9th, 2011 at 1:23 pm
Hmm… vawksa bak chu sa dang ka ei tawh lo ve mauh mai,chuan seventh day adventist te leh kohhran dang vawksa ei khap ho hi an khawngaihthlak,vawksa tuizia hre miahloin an thi ang a,vanramah vawksa ei tur a awm dawn tawh der si lo a …hehehhhe just jokin’
May 9th, 2011 at 1:36 pm
a tui em a ni
May 18th, 2011 at 1:36 am
Rei toh deuh nain kn aoi ve tho2 teh ang..Vawk sa poh nise bawng sa poh nise a thalo bik a tih ngot theih love..Mizote hian a tlangpuiin vawk hi kn vulh rei deuh a, a thau kher hi kan it hlom a, ramdangah chuan 7 to 8 months an tlin chuan marketing age an tling toh a, mizoramah hi chuan a thau inchhekkhom (fat deposition) tam deuh hlek hunah kan talh tlangpui a, entirnan: kum khat tal an tlin hnuah te. Thau (fat) kan ei tok2 chuan kn ngeih thei lo hrm2 phot. a bikin animal fat…