(chhunzawmna)
Maubawk: Aizawl tlâk lamah khuan tûn hma chuan mi tlémtëin bâwk an khawh a; an bâwk chu a chungah mau hnah an chih theuh va, chu vângin chu bâwk chu Maubawk hming an vuah.
Mission Veng: Tûn hma chuan Hriang thing a tam avângin Hriangmual an ti thîn. Zosap hmasa Saphluia kha a lo awm a, Sapthara’n a rawn fin leh a. Missionary awmna hmun a nih tâk avângin Mission Veng vuah a ni ta a. Veng lai, Dawrkai Veng leh Laltawnga Veng tiin hmun thumah an then a. Tûnah chuan a lo zau ta a. Laltawnga Veng tih chu Vengthlang (Mission Vengthlang) tih a lo ni ta zâwk a ni.
Macdonald Hill: Tûn hma chuan Thingpui huan tlang tih a ni thîn. He lai hmunah hian Aizawl leh a chhehvêla thingpui awmte chu an phun khâwm a, sipaiin an awmchilh a, an rin pui ber pakhat a ni. Kum 1930 khan Mizo chowkider pawh he huan enkawltu-ah an dah nghe nghe. Kumpinu sawrkar hnuaia bawrhsap hnuhnung ber Macdonald-a’n High School hmun atan he lai hi a pêk avângin a petu hming chawiin Macdonald Hill an vuah ta a ni. Tin, he lai hmun hi missionary hmasa berte Pu Buanga leh Sap Upa te lo awmna a ni.
Ramhlun: He vêng hi a hming phuahtuin hlaa ‘Aw ramhlun, ka ram ropui..’ tih atanga a phuah niin a lang.
Republic Veng: Lunglei Jeep road laih zawh hnua a chunga lamlian kal hi bawrhsap Barkataki hova laih tlang niin a kawng hmingah Republic Avenue vuah a ni a. Republic tih chu a vêngin hmingah a pu ta a ni.
Rangvamual: Aizawl chhehvêla rangva in awm hmasak berna a nih avângin a mual chuan Rangvamual hming a pu ta a ni. Vai chuan Paila Camp an ti thîn. Kum 1890-a Aizawl-ah fort (kulh) an siam hmain he Paila Camp hi awm tawhin an hria.
Saron Veng: He hming hi rambuai hnua an vuah thar a ni. Police Veng (tûn hnua Armed Veng kan tih hi a nih hmêl) leh Mirawng veng an kaikawp a, Saron Veng an vuah ta a ni. Hla thu-a ‘Isua sarawn pâr mawi vul lai a chul lo’ tiha sarawn hi an vuah chhan niin an sawi.
Tanhril: Tûn hmaa Palian lal nunräwng tak Tanhrila khua a nih avângin a hming chawiin ‘Tanhril’ an vuah hlen ta a ni.
Tlangnuam: A hming hmasa chu Lalchhinga (Lal Singh Thapa) Veng a ni. Hetah hian nula pakhat tlangval lêm thiam tak a awm a, a tláng a nuam fawm bawk a; tlangvalin nuam an ti a, a tláng chuan Tlangnuam hming a put phah ta hial a ni an ti.
Thakthing Veng: Aizawl-a vêng upa ber pâwl a ni. Rahsi leh Babuho, DC pisa chhuah lam, Venghlui ti-a an vuah tâk (Rahsi Veng) atanga an insuanin Thakthing tlángah hian an awm a; an awmna vêng chu Rahsi Veng tih a ni ta zâwk a. Thakthing Venga awm hmasa, kamding ni lo chu a hnuaiah an hnawt thla a, Rahsi Venghnuai an vuah a. Mahse, hun a lo rei a, rahsi thuneihna a lo dal ta deuh va, Thakthing Veng tih chu a lo lâr leh ta zâwk a ni.
Tuikual: A vêng thut lui chu Tuikual lui a nih avângin hmingah a pu mai a ni. Indopui pahnihna hma chuan ngawpui a la ni.
Venghlui: He hmun hi Rahsi lo awmna hmasa ber a ni. Mahse, Rahsi ho chu Thakthing lamah an sawn phei tâk avângin Rahsi Venghlui tiin an sawi ta a. Tûnah chuan Rahsi bànin Venghlui kan ti ta a ni.
Venghnuai: Thakthing Veng hnuaiah a awm. Rahsi ho Thakthing Venga an awm laiin, kamding lo an hnawhthlâk ho awmna a nih vângin Rahsi Venghnuai an vuah a. Tûnah chuan Venghnuai ti-a sawi a ni ta a ni.
Zemabawk: A hming hmasa chu Seling a ni. Se pûl phûm a tam avângin Seling hi vuah a ni. Darlawng tláng Seling-ah an pêm zawh hnuin Zema hovin melveng in tlémtë an awm a, bâwk tiin an invuah a. An hotu chu Zema a nih avângin Zema bâwk tiin an sawi kher thîn a, Zemabawk tih hming hi a lo pu hlen ta a ni. Zema hi palian tak, thau tak a ni. Zanlawn-ah a pêmthla a, kum 1940 vêl pawh khan a la dam.
Zarkawt: He lai kâwn hi Vaki liam kâwn a nih avângin Ki len an zâr thîn a, Zarkawn an ti thîn. Tûnah chuan ‘Zarkawt’ tih a lo ni ta a ni.
Similar Posts:
- Aizawl vêng hrang hrang hming vuah chhan
- Municipal Council Inthlan Results!
- Laltanpuia Awmna Veng Nih Duh Lo
- Hmanlai Hian Maw(m)…
- Rahsi: Enge a awmzia?
lo chhiar dik ve...
May 19th, 2011 at 9:05 am
tha hle ma1
Report this comment
May 19th, 2011 at 9:12 am
Tha khawp mai..ngaihnawm e..gud post
Report this comment
May 19th, 2011 at 9:16 am
Republic venga chhungkuaa chenna in nei hmasa ber chu ka nu pa a ni, a hmingchawiin Governor South Gate atanga Town Baptist Church panna lamlian hi puttir a ni ta. Tin, Rangvamual hi Lungleng lal Khamliana in tur rangva an chhek chhohna hmun a nih avanga Rangvamual tih a nih chhan upa lam zawkten min hrilh thin thung. Dinthar veng hi Keltawlh veng an ti thin a, Matu an cheng thin, heti chin phawt hi ni se.
Report this comment
May 19th, 2011 at 9:19 am
Rangvamual khi chu tunah chuan Airport road anti daih tawh
Report this comment
May 19th, 2011 at 9:22 am
Sawi belh ve tur hre miah lo mah ila, a bengvarthlak khawp mai.
Report this comment
May 19th, 2011 at 9:23 am
Rangvamual hi chu Badboy-a tlùk mual an ti tawh.
Report this comment
May 19th, 2011 at 9:24 am
@badboy, Rangvamual chu RV an ti daih tawh zawk a lawm
Report this comment
May 19th, 2011 at 9:25 am
Tuitu, Mirawng, Vaihmeichheveng, Keltawlh veng hming put lai i hre hlawm em?
Report this comment
May 19th, 2011 at 9:32 am
Kolasib hming hi a mak e. An phuah chhan hria kan awm em le?
Report this comment
May 19th, 2011 at 9:45 am
Kolasib hming put chhan kan hriat ve dan chu Kawla Chief awmna anih vang tih hi
Report this comment
May 19th, 2011 at 9:52 am
Khaw hming phuah chhan hriat duh bîk in neih chuan comment-ah hian sawi ula, lo tih leh ka tum dawn nia.
Report this comment
May 19th, 2011 at 9:54 am
Nih leh Piler hi…
Report this comment
May 19th, 2011 at 10:02 am
10@Goihkham Kawla Chief maw. Ka lawm e
Report this comment
May 19th, 2011 at 10:21 am
Zarkawt hming put chhan khi, Middle School/High School vel a Mizo zirlai bu a kan zir thin in a sawi nen a inang lo tlat mai. Ka lo hriat ve dan chuan Mizo leh British ten inremna saui an tan dawn khan Mizo lal ten (an hming ka hrechhuak zo tawh lo)an pasaltha theuh te an rawn hruai a, tuna zarkawt kan tih ah khian an hriamhrei leh ralthuam kim a inthuam buai chungin an inzar phei a, khatih laia mingo bawrhsap kha amah chauh a rawn chhuak a, a thutna tur an siam sak ah ngei khan thu a inremna chu siam an duh a. Mahse a rawn chhuak ngam lo a. A hnuah bawrhsap dang (hei pawh a hming ka chiang tawh chuang lo)a rawn awm leh khan an tih ngai ang bawk chuan inremna chu siam an tum a. Tuna Zarkawt kan tih laiah khian Mizo pasaltha te kha kawng lehlam lehlamah, an ralthuam kim nen an ding phei thup mai a. Khatih laia bawrhsap kha mi huaisen tak a ni ngei ang, amah in a rawn chhuak a, a thutna tur en ran chung in, ngil tak in a kal phei ngau ngau mai a ni an ti. Hetah hian inremna saui pawh an tan ta a ni awm e. Mizo pasaltha, a tul hun a che thut a, ram leh hnam tana nun hlan ngam te in zar phei na anih avangin Zarkawt tih hming a pu a, Mizoram khua/veng hming ah chuan hming put chhan nei tha ber a ni awm e tih lam deuh in kan zir thin.
A lo rei ve ta em a, ka ziak ngaihnawm thiam lo zawk a ni. Ka dik lo maithei bawk.
Report this comment
May 19th, 2011 at 10:33 am
Veng hming hrang hrang phuah chhan chu a hriat ta nual mai..a tha e.
Report this comment
May 19th, 2011 at 10:35 am
@alchemist: Kei pawh khatiang kha ka zir dan a nia. K. Zawla hriat dan a inang hauh lo.
Report this comment
May 19th, 2011 at 10:47 am
#14 alchemist : i hriat dan hi ka lo hriat thin dan kha a ni. Naupan laia kan zir dan ang chiah i rawn sawi hi
Report this comment
May 19th, 2011 at 10:49 am
#13 Cmawia : Ka hriat dan mai kha ania, a dik e chu ka ti lo. Chief Kawla hming atanga an phuah tih hi ka hriat dan.
Report this comment
May 19th, 2011 at 10:50 am
A nih leh Goihkhama hming phuah chhan hi???
Report this comment
May 19th, 2011 at 10:52 am
1st te’ng..lolz..Aizawl guide map ka duh e..!! Mobile a ena zuum mai theih tur.. Phn a changkang pha lo law law sia..
Aizawl ka zin hian kan leng chhuak ve a, call kan dawng a, khawi ah nge i awm tih hian ka awmna laitak veng hming ka hre ngai lo.. Ka duhna hmun chu ka thleng ve tho…lolzz
Report this comment
May 19th, 2011 at 10:56 am
Thil dang zawng ai chuan Aizawl khawchhung a Taxi man to lutuk khi ka ngaimawh. Mumal deuh hlek inchhiar teh se.
Report this comment
May 19th, 2011 at 10:59 am
@Leavi, Aizawlah chuan signboard chi hrang hrang a tam mai. Guide map a ni nghal mai.
Report this comment
May 19th, 2011 at 11:02 am
#19 Goihkhama tih hming phuah chhan nge Kolasib hming phuah chhan?
Report this comment
May 19th, 2011 at 11:09 am
Goihkhama tih hming phuah chhan..
Report this comment
May 19th, 2011 at 11:18 am
Bethlehem, Kanan, Zion Street, etc., te hi chu HLIMSANG varnaw hratte phuah pawh a ni mah na!
Saron saw Metor Veng tih a ni thin, ek paiha inhlawhte chen khawmna.
Report this comment
May 19th, 2011 at 11:55 am
#14 alchemist_Bawrhsap i sawi khi a Mizo hming chu Hmaichera, a sap hming ka hre lo
keini pawhin kan zir.
Report this comment
May 19th, 2011 at 11:58 am
#24 Goihkhama tih hi phuahchhan pawh awm chuang lo, online nick hi an uar sia, siam ve a ngai ani ka tia 2003 khan Goihkhama tih hi a lo thleng nawlh a ni ber
eng thlarau pawl in nge ka awm pawh ka hre lo 
Report this comment
May 19th, 2011 at 12:07 pm
Chhinga veng pawh hi Pu chhinga vanga chhinga veng tih a ni
Report this comment
May 19th, 2011 at 12:17 pm
McDonald Hill/Babu Tlang tih thin a ni e.
Report this comment
May 19th, 2011 at 12:21 pm
badboy tih hi engthlarau in nge min pawl lai a ka phuah pawh ka hre nek tawh lo e a.. a dik tak chuan goodboy tih zawk tur a nia
Report this comment
May 19th, 2011 at 12:49 pm
#3 Chawnghilh Rangvamual rawn sawi dan khi keipawh kalo hriat dan ani.
A reng rengah TuaiSial
Report this comment
May 19th, 2011 at 1:46 pm
A tha
. #14Alchemist khian a sawi dikin ka hria.
Ka hriat duhte:
1)Khatla
2)Ruantlang
3)Dultë
4) a tam mai, khua zawng zawng deuhthaw hi!
Report this comment
May 19th, 2011 at 1:47 pm
“Macdonald Hill: Tûn hma chuan Thingpui huan tlang tih a ni thîn.”
@TS : Thingpui huan an siam hma hian ‘Bawlhmun’ an lo ti daih tawh. An inthawina hmun thin a nih vang a ni.
Report this comment
May 19th, 2011 at 2:19 pm
Rangvamual hi chawnghilh nen kan hriat dan a inang tlat lo.
Kum 1890-a Sap hovin Changsil leh Aizawla hmun nghet an din khan lamlian an siam nghal a. An lamlian sial chhuah hmasak ber chu Sairang atangin Sakawrtuichhunah, Luangmualah lo kaiin tuna Govt. Complex bulah, Chawngpui Veng mawngah vai lui kanin Khatla lamah Aizawl a lut a ni.
Kum 1910-ah tuna Sairang lamlian Rangvamual kal tlanga Vaivakawn lo chhuak kha hawngin Bawngtawlailir (Bullock Cart) an lo hmang tan ta a. Chumi hma zawng chuan Sairang bungraw lo thleng chu mihringin Aizawlah an phur chho thin. Bullock Cart te hian bungrua 8 maund (4 Qtl) a phur thei.
Rangva mual hi PWD Labour camp leh Kudam hmun a ni a, Bawngtawlailir-pu ho pawh hi an awm nghal a. Kudam chung chu Rangva a sak a ni a, Bungrua chi hrang hrang an chhekna hmun a ni bawk a. Hei vang hian Rangvamual hi pu chho ta zawk niin ka hria.
Khamliana in chak a lakte hi lawnglengin an phur chho zel a, Lungleng kaiah an unload zawk a sawi ka hriat tlat chu ?
Report this comment
May 19th, 2011 at 2:55 pm
#28, Pu Hawk : Chhinga Veng hi Lal Singh (Lalchhinga)-a hming vanga phuah an tih kha! Lal Singh hi Changsila atanga tawnglettu (interpreter) a an hman thin niawm a ni. Chhinga Veng atang hian Tlangnuam lamah a insawn phei a, Tlangnuam atang hian Mamit lamah a insawn thla zel an ti. A thlahte Luangpawl-ah an la awm an ti lo maw?
Report this comment
May 19th, 2011 at 3:07 pm
Babutlang leh MacDonald Hill hi hi tlang hran, inthenawm a ni. Khatla hming put chhan hre chiang an awm lo. Sipai dar nawh tlet nana taw-ham, sekhupthur (khatta) an lakna nia rin a ni ta ber, tlaikhawhnuah an sawi Khatla ta nia ngai an awm.
Report this comment
May 19th, 2011 at 3:46 pm
Saron Veng leh Armed Veng chungchang hi confusion a awm thei tlat mai. Assam hnuaia Distict Council (1950 vel)kan nih lai khan Assam Police hi DSP pakhat hnuaiah awm ve a. Chi hnihin an inthen a, Armed Branch leh Unarmed Branch. Civilian hovin an koh dan chu an lukhum atangin ‘Khum sen’ leh ‘Khum uk’ an ti mai thin.
Khum sen ho hi Saron Veng “Police Run” velah khian an awm a, Khum uk ho hi Armed Police Vengah. 1st Bn MAP hi kum 1974 kuma din chauh a niin ka hria.
Report this comment
May 19th, 2011 at 3:58 pm
lushai_er sawi #34 khi kan lo inhrilh thin dan a ni. Rahsi Veng (Azl) pawh khi her rem chawp awm deuh tlatin ka hriat chu.
Ni e, Pu Khamliana in sakna bungrua te kha Kulkhut atangin lawnglenga rawn thlen vek anni. Mahse Rangvamual leh mual lova (?) an dah lam chu ka chiang ve ngamlo.
Report this comment
May 19th, 2011 at 4:14 pm
Hriatdan a va tam ve…Adik ber chu a awm ang ma le..ting2..
Report this comment
May 19th, 2011 at 5:00 pm
Vai riah bi pawh, BAIRABI.
Report this comment
May 19th, 2011 at 8:53 pm
Zarkaw hming khi ka hriat dan leh Alchemist hriat dan a in ang.
Saron veng khi kan nuapan lai chuan Mirawng veng chawnghilh sawi Metor veng tih ten ka hre thin.Tun a Tuithiang Veng khi ek paihna khur awmna thin a ni.Bethehem veng kan kal chang hian ka ten thei raps.
Kolasib hi sawi dan 2 a awm Kawlachief tih a tang a lak tih leh.
Vai pathian lin mum kawla bel ang deuh kolsi an tih mai tun thleng khian gorkhali mandirah khian chu lung chu a la awm chawi a sak an ti.
Bairabi Vai rah bi.
Report this comment
May 19th, 2011 at 9:31 pm
part-3 ala om don em? Z i thleng toh bok sia.. Kan veng hming ka hmu ve lo reng reng– T ah khian kalo zawng ve a —
Report this comment
May 19th, 2011 at 9:33 pm
tha leh fu mai
ala bang ho hi eng tikah nge?
Report this comment
May 19th, 2011 at 11:10 pm
@Zephyruss & Darkhuang: Khi zawng khi ka lehkhabua inziak chu a nia. Kum 1981 kuma chhuah a nia, a hnu lama veng piang ho chu a lang ve lo a ni.
Report this comment
May 20th, 2011 at 12:44 am
A bengvarthlakin a va han tha em!
Report this comment