Bawngkawn: He laiah hian kum 1917 lai khan sebawng nei Gurkha in hnih lek an awm a. An awmna kâwn chu sebawngpu awmna kâwn tih a ni a. Tûnah chuan Bawngkawn kan lo ti ta zâwk a ni.
Bungkawn: Khatla leh Maubawk inkâra awm a ni a. A kâwn lai taka bung awm chu hmingah chawiin Bungkawn hming an vuah a ni. Tûn hma chuan sipai ho nupui an awm thîn.
Bethlehem: Tûn hma chuan Midum emaw, Sawldar Thatvunga veng emaw tih a ni thîn.
Chanmari: Tûn hma chuan sipaiho chân kahna (silai kahna) hmunpuia an hman a nih avângin, an sawn hnu pawhin, vai hming vuah Chanmari hming hi an la pu ta zêl a ni.
Chaltlang: Tûn hmaa he lai hmuna Châl (mau) a tam avângin a hming hi vuah a ni.
Chawnpui: He vêng hi Hmuia Veng tih a ni thîn a. A awm thar hovin mimal hming an duh ta lo va, Chawnpui kung khat chauh awm chu hmingah chawiin Chawnpui an vuah ta mai a ni. Tûnah chuan Chawnpui-ah hian Chawnpui hmuh tur a awm tawh lo.
Chhinga Veng: Bazar pheiah vai tlémtë chauh an awm laiin he lai ngawpui kâr ni thînah hian Chhinga leh mi tlémtë chauh an awm a. An zînga vengva ber hming chawiin Chhinga Veng hming a pu ta a ni. A hming pum chu Chhingrawnga a ni a, Hnamte a ni. Mizo zînga tawng rang bera sawi a ni a. Ui ngul lêr atangin a tla a, thaw vawih, thaw vawih, thaw vawih a ti hman a ni an ti thîn.
Chite Lui: Aizawl khawpui bul chhak lama lui luang a ni. Kulikawn thlang atanga lo luang luite pakhat chuan Mualpui tláng thut takah a fin a. A finna lai tui chu a al a, bullut (sava chi khat)-in an tlàn thîn a, bullut sih an vuah nghe nghe a ni. Chu tui al chu a nêp e, tiin a zuk fin lui chuan Chite lui hming a put phah mai a ni.
Durtlang: Tûn hma chuan ngawpuiin a khuh vek a, ruah a sûr duhin khua a dur reng thîn a. Khua a dur reng e tiin Durtlang hming a pu ta a ni. Chu’ng hun lai chuan he tláng hi ramhuai leh phung tamna ber niin an sawi thîn.
Dinthar: A hming hmasa chu Keltawlh Veng a ni. Chu hming chu duh lovin vêng zau zâwk an siam tâk vângin, kan din thar e tiin Dinthar Veng an vuah ta zâwk a ni.
Electric Veng: Tûn hma chuan he laiah hian Tuitu a hrâm thîn avângin Tuitu Veng vuah a ni. Electric khâwlpui bunna hmun a nih tâk avângin a hming chawiin Electric Veng an ti ta a ni.
Kulikawn: Tûn hma chuan sipai te, sap te leh midang te puakphur tur apiang chu he laiah hian an innghâkkhâwm thîn a. Kuli ho innghahkhâwmna kâwn tiin a hmingah Kulikawn an vuah ta a ni.
Khatla: Gurkha tawng a ni a, kâwn emaw, ruam emaw an tihna mai a ni. Sipai kâwnghrèn nawhtlêtna hrui thûr he lai hmuna mi an lâk thin chu ‘khawia mi nge?’ tia an zawhin ‘khat tla’ khu mi kâwna mi khu,’ an ti thîn a, keini’n Khatla kan lo ti ta a ni.
Laipuitlang: Kumpinu sawrkarin Mizoram khawpuia Aizawl a hman tan lai khan mite’n Pathianni an hriat theih nan tiin Col. Lock Manding sapin Pathianni apiangin he tlángah hian laipui a han kâp thîn a. Kristian an lo awm hnu chuan a lo remchâng hle a. Kanghmun khua leh Sateek khua te pawhin an lo hre phâk a. Mizovin laipui an kahna tláng tiin Laipuitlang an lo vuah ta a ni.
Luangmual: Hmán laiin a mual hi luang hmunpui a ni a; a mual pumpuia luang awm chu Luangmual tiin hmingah a put phah a ni.
(chhunzawm tur)
Thulâkna: Tobul by K. Zawla.
First Edition – 1981.
Similar Posts:
- Aizawl vêng hrang hrang hming vuah chhan-II
- Vawih Thawnthu
- Thawnga lei vir chanchin
- Mawng chhuichianna
- Talent Hunt ka en ve
May 18th, 2011 at 11:04 pm
Bengvar thlak h1e mai..
May 18th, 2011 at 11:05 pm
Aizawl veng hrang hrang hla kha ka hrechhuak zawk… Ka di aia hmeltha an lo awm lo
May 18th, 2011 at 11:09 pm
Durtlang: …. ruah a sûr duhin khua a dur…tih hi ruah a sûr deuhin khua a dur..tih tur a niang a
a tha lutuk…kawi atang nge maw thil hi i hriat thin bik le? (Y)
May 18th, 2011 at 11:12 pm
@Sialte: Gurkha ho chuan sebawng kher kher nge Bawng an vulh le? 🙂
May 18th, 2011 at 11:27 pm
@darkhuanga: ‘Ruah a sur duhin..’ tih khi a dik e. ‘Ruah a sur duh em em a, khua a dur…’ tihna tluk a ni.
@Ozima: A ni viau! Sebawng tih kha a ziaktu ziak ang angin ka ziak a nih kha. A hun lai tawngkam leh tun lai tawngkam inmil lo a awm nual a, tlem tlem chu ka ziak danglam.
May 18th, 2011 at 11:31 pm
@Ts: ka chhiar dik chiah e…zai thiam bawk si loh hi chuan kan thluk sual reng mai a nih hi (Y)
next ah kan veng a awm ve tawh ang a ..hehe…
May 18th, 2011 at 11:33 pm
Liandova nau, i van han thiam ve, a beng var thlak e…like like (Y) kan veng pawh rawn telh teh
May 18th, 2011 at 11:34 pm
A tha hle maia, ka hriatngailoh deuh vek a ni. (Y)
May 18th, 2011 at 11:55 pm
A bengvarthlak khawp mai.. Rawn ti zel rawh.. Hetiang hi hriat tam a thra khawp mai.. Eng emaw changin hnamdangten min zawt leh nulh thin.
May 19th, 2011 at 12:53 am
Durtlang te i sawi tel bawk a, Tanhril sawi ve law2 ang aw. Tanhril hi an lal Tanhril hming chawi a ni. Tanhril hi Lusei ten Rêng lal an tih ang chi kha niin a lal ropui zia tih lanna pakhat atan a bang zawng2 chu Chinrang (sava) changa thiah khah tir a tum a, a nun a rawng em em mai bawk. A rawn em avangin Tripura lam atangin a chipui (Miuam) ho lo kalin an tihlum ta a ni. Tanhril hi Miuam thlah, Chunthanga unau Saivatea thlah kal zel a ni nghe nghe. Chunthanga thlah te chu Vangchhia te Khawlhring te etc. Saivate fa/thlahte chu Lersia te Singaia te etc.
Khatla hi a hming hmasa chu Vai hmeichhe veng a ni.
Chawnpui area ah tho hian Vietnam Veng a awm a, chumi chu Vietnam war laia tuikhur an hiah vang a ni awm e. Kulikawn area a Khasi veng a awm ang deuh anih chu.
Tunhma Kuli hunlai khan Kulikawnah hian TB vei an tam thei khawp a veng dang atangin len hreh phah an tam thin viau awm e.
May 19th, 2011 at 12:56 am
Republic veng hi enge a hming lo put chhan ve niang le?
May 19th, 2011 at 1:00 am
Khaw dang ho veng hming phuah chhan hi ziak ve sela Aizawl veng copy tih atam ngawtin ka ring. Lunglei ah pawh sawn a awm nual lomaw 🙂
May 19th, 2011 at 1:10 am
A bengvarthlak hle mai. Good post. (I)
May 19th, 2011 at 1:17 am
Part-II an schedule tawh e. Chutah chuan Republic Veng hming put chhan pawh a awm ang@Ozima.
Tanhril pawh a awm tho va, mahse, Pu Hva’n a rawn ziah tawh khi.
Ka lehkhabu tarlanah khian Mizoram khaw hming hrang hrang phuahchhan a inziak a. A tam tham avangin Aizawl veng hming lang ho chauh ka rawn la chhuak a ni e@Asteric.
May 19th, 2011 at 1:31 am
LalTuaia mai mai chu.. Iva post tuai nalh zek zawk ve mawle. A bengvar thlak thei khawp mai. (Y)
May 19th, 2011 at 2:41 am
Khatla khi sekhupthur, vaiho hian an sawi thiam loh vanga “khata” atanga lo chhuak a ni e. Khatla anih hma hian kohdan pakhat a awm bawk.
Bungkawn hi Dokhama Veng an ti thin. Sipai ramah an rin luh avangin Tlawng phai kuamah insawn turin an ti a, mahse a hrisel loh an rin avangin a thlang tlangah awm an dil a. Phal sak ni mahse thingrila sak an awih lova, mauin bawk an khawh a, Maubawk an ti ta a ni.
Mission Veng hi “Hriang mual” an ti thin bawk. Mission hmunpuiah an hman avanga Mission Veng tih a ni.
May 19th, 2011 at 2:41 am
Bawngkawn hi Bawngpu Kawn an ti thin.
May 19th, 2011 at 2:51 am
@lushai: a nih leh chawnpui veng hming vuah chhan i hria em?
May 19th, 2011 at 2:55 am
Khatla chu #10 ah ka ziak 😉
May 19th, 2011 at 2:57 am
HV, ka fiam vel mai² lawm…a ex te veng a nia! lolzz
May 19th, 2011 at 2:58 am
BMW, Chawnpui vengah pawh Vietnam veng anilo maw? 😛
May 19th, 2011 at 3:03 am
@bmw: Pu Hmuia hi Manipur lamah a pem chho daih a, amah ber a awm tawh si loh chuan an ti a, Kawn (Pu PBA in bulah) thlado (chawnpui) kung chawiin Chawnpui an tia lawm !
Nia, Benji-a ang deuh hian Ex te’n pasal an han nei hi chu lung hlui a leng veng veng duh 😛
May 19th, 2011 at 3:03 am
HV, Chawnpui kha Hmuia veng an tih nachhan chu Pu Hmui-a inhmun/ram deuhvek a ni thian an tia. Amah Pu Hmui-a fanu ( Mrs H.T.Sangliana) min hrilh a nia. Chuan, a hralh deuh veka, CCpur ah an pem a ni awm e.
May 19th, 2011 at 3:06 am
lushai, comment kan submit rual chiah! comment kan in copy lo ve ve tihna 🙂
May 19th, 2011 at 3:08 am
‘Pa nuamsa’ veng hi engvanga phuah nge an nih ve ang le 😀
May 19th, 2011 at 3:13 am
#25 : An nuamsakna a la rei lo, kan naupan lai chuan a veng uih hian a uih…..Mirawnghovin ek an paih thin a. Tin, kangthai hi a tam em em bawk. Sangha pawh kan man duh ngai lo!
May 19th, 2011 at 3:15 am
Kan naupan lai chuan upper bazar hi atta lane, J.L cinema hall phei vel kha maida-lane ( ni ta in ka hria), MG road = upper khatla….
May 19th, 2011 at 3:17 am
lushai_er, Mirawng veng thlang maw Pa Nuamsa veng chu. Betlehem area em ni, kavan hre ngailo vele. :-S
BMW Maida lane/Atta lane ah chuan saidawium atang ngata la thli chhuakin tingtang kan perh a kan zai veng2 thin mawle 🙂 Ngaihawm letling mange.
May 19th, 2011 at 3:18 am
Armed Veng hi past tense hming awm chhun a niang a? A mawi hran lo khawp mai, kan naupan lai chuan ‘Armed Police Veng’ an ti thin.
May 19th, 2011 at 3:21 am
#29 ani maw? Arm veng bakin ka hre ngailo 😉
May 19th, 2011 at 3:22 am
#28, Tuithiang lu lam khu ‘Panuamsa Veng’ an ti a. April Kungah sign board a an tar ka hmu ve tawh.
Lianchhungi Book Store chung velah khan i tal ve hrep tawh a ni maw? A luah thin LCHHA lah kha Pu Biaksiama khan a hnial hneh mang si lova 🙂
May 19th, 2011 at 3:24 am
lushai_er #31 🙂 Ka lawm e (Y)
Kal ve thin e mawle hahaha khang hunlai kha alo nuam ve thin phian mai. Lenglut hmasa te kha, “Enge a an awm a,” han ti ila, “Han lem chhin teh..” an tia kan in tem tir liam2 zel maia, phakar rilru kha a awm meuhlo. A thuhrimah alo nuam thin khawp mai. 🙂
Khalam hnaihah chuan Zion street atanga Chhingaveng kal thlakna eng building nge mawni ta kha le… Zonunsang handlooms neitu (KVI hotu emawni) te in chhuk dawn dinglam a concrete inchung pawh kha kan zai tui thei thin khawp mai. Aaaa ka kal ve thin nual mai hahaha
May 19th, 2011 at 3:33 am
“Keltawlh” hming lam rik khi an phallo thin viau asin 😉
post hit roh fu mai (Y)
May 19th, 2011 at 3:36 am
maimailova #33 thiante chu ka ko lui fiamthu ngat thin asin. Rahsi Veng (Azl) pawh Thangthing tlang tiin an thlak ngawt a, Thakthingah tlang a awm hranpa leh chuan ngai ka hrelo, kala ti Rahsi Veng lui hram… kan inngamtlak bawk a, an ngai pawimawh lemlo aniang (emaw ni). 😛
May 19th, 2011 at 3:47 am
Dinthar veng hi Keltawlh veng a nihlai chuan zu a tam ve thei hle an ti. Gorkhali ho an pem lut hmasaa, kel an vulh treuh zel ani awm e. Kan naupan lai hla kan sak lar deuh mai pakhat
“Keltawlh veng ah Lalrema’n zu a in, a kal na ah ke a bai….”
tih hla kha hria in awm ve mial lomaw, khimi chhunzawm chiah khi hria ila chu ka zawm leh thei vek in ka ring 😀 He hla an phuah chhan hi Lalrema zu rui in suamhmang pathum a tawk a an vit hlum a ni awme.
#26 Pa nuamsa veng chu pa ho intih thu vang amaw ka ti maia 😉
May 19th, 2011 at 3:53 am
Asteric, Keltawlh veng anih loh hnu pawhin ala tam thin teh asin. Tun hnu mai hian alawm a reh tak.. Tuikual leh Dinthar naupang te chu sikulah an zirtirtu in, “Enge special awmzia?” a tia, naupang ho chuan, “Tuipawlh loh,” an ti e an tifiam thin. 😉
May 19th, 2011 at 3:58 am
Pu HV ka pa pawh he veng ah hian ketli te in ka khaisak nel nel thin alwm….hahaha 😀 😀
Chutihlai chuan um 1 Rs.5 in ka lei sak thin…lolzzz
May 19th, 2011 at 4:06 am
Asteric, U Saliana pawh a leng hawlam, ruah asur ta sia, Dinthar ho bawng talh tur thlunna phelhin, bawng hnuaiah a kun lut a. A meiah herh zelin tichuan nihliap angin a hmang a. Tuikual D mual athlen chuan a kawng leh ke kham lutuk mi inhnuai te takteah chuan alut ta a. A bawng kaih pawh chu leng leh leng lo vin a nawrlut ta pek anih kha. Chu mite inleng, ruahsur vanga chambang leh inleng pangai rik mur mur lai chuan bawng nen an ding dir dun ta tluah2 mai anih chu. An reh ta thap… ani chuan bawng chu a kawk veng vawng a, “Roast chiah ila,” a ti 😛 😉
May 19th, 2011 at 4:19 am
#34 hairehai 🙂 koh fiam hian an pekhi lo thei lutuk thin a .. aaaaa tak2 a fiamthu hi nuam beeeer mai 😀 um a an dah ngei mai kha mo ?
May 19th, 2011 at 4:30 am
A bengvarthlak leh ta kher mai.
May 19th, 2011 at 5:48 am
Bengvarthlak hle tak mai a.
Chawnpui vengah hian chawnpui kung a tam khawp a sin ka hmu fo mai 🙂
May 19th, 2011 at 5:56 am
#43, triple* : Chawnpui kung chu i hmu tawh tak tak maw ? Thlado lerah chawnpui a par thin zawk lo maw?
May 19th, 2011 at 6:12 am
#lushai_er deuh kher che hian 🙂 a rah hi birichuk an la ti lehzel am ni kha 😉
May 19th, 2011 at 6:17 am
ka beng a var leh ta sawt mai! (Y)
May 19th, 2011 at 8:12 am
‘Falkland Veng’ lo in tih ve ngawt saw a hoh viau ka ring. :-S
May 19th, 2011 at 8:47 am
Comment a ngaihnawmin a bengvarthlak hlawm kher mai.
May 19th, 2011 at 8:57 am
A bengvarthlak hle mai. Aizawl veng hming hrang hrang hi miin an sawi ka hriatin emaw khawi emaw laia inziak ka hmuh emaw hian Lalramnghinglova’n ‘Tu zun zam nge?’ tih a sak kha ka hre chhuak ve ziah thin. Tleirawl tha zat lai min ngaihtuah chhuah tir e @TS…. 😀 😀 😀 😀
May 19th, 2011 at 9:09 am
Anih sakawrhmuituai tlang khi ahming put chhan min hrilhthei in awm em?
May 19th, 2011 at 9:14 am
Bungkawn hi kan veng a nih manah kan sawi ve ang e.
Hmanlai chuan a kawnlai velah hian Bung lianpui mai, zar nuam tak mai a awm thin a. Kum 1954 khan chu Bung awmna venga paho inhmukhawm chuan Pu Vanlalthanga(L) luhkapuiah rorelin chu Bungpui, mi tam tak tan chawlh hahdamna a nih ang ngei chuan veng pawh chu mi tam takte inhmangaih leh lungrual a, thlamuang taka an chen theih nan a hmingah Bungkawn tih a lo ni ta a ni.
YMA pawh March 21, 1954-a Pu Thanga ina nula leh tlangval, nu leh pa kalkhawmte chuan YMA din zai an rel a. March 26, 1954 khan YMA a lo ding ta a ni.
Kum 1954-a Bungkawn YMA a din hnu hian Khatla veng atangin member an lo tel ve thin avangin kum 1963 thleng kha chuan Branch hming pawh “Bungkawn Khatla Branch YMA” tih a ni thin. 1964 atangin Bungkawn Branch YMA tih a lo ni leh ta a ni. Bungkawn atanga Khatla Branch indan hi a ni leh thla chiangin hriat theih a ni lo. Kum 1997 October ni 30 khan Chawngbawla Section leh Saizahawla Section zawngte chu Nursery Branch YMA tih hming pua indan an dil angin indantir an ni leh a. Tin, 2002 November ni 22 khan Khuangchera Section leh Zampuimanga Section huam chhung chu Bungkawn Vengthar Branch tih hming puin din a ni leh ta a ni.
Kohhran lamah chuan a tir chuan Presbyterian Kohhran chiah hi a awm a. Khawi kohhran atang maha indang ni lovin, kum 1955-a amaha lo ding chhuak ngat a ni. A din tirh lai vel hian Khatla atang pawhin mi thenkhat chu an lo inkhawm ve thin a. A tir chuan Mission Veng Pastor Bialah awmin, 1978 January khan Bungkawn Pastor Bial thar chu hawn a ni ta a. He Bialah hian Bungkawn, Khatla, Maubawk, Khatla South, 1st Assam Rifles leh Lawipu te an awm thin. Kum 1993 khan Bungkawn Kohhran atangin Nursery Veng Kohhran an indang a. Kum 1997 atang khan Bungkawn Pastor Bial atangin Khatla Bial a indang ve leh a. Tin, kum 1998-ah Bungkawn Kohhran atangin Bungkawn Vengthar an indang ve leh a. Kum 2008 khan Bungkawn Pastor Bial atangin Maubawk Pastor Bial an indang leh bawk.
Chuvangin, engti kawng zawng mahin Khatla Bungkawn emaw Maubawk Bungkawn tih emawa lam sual mai chi a ni lo. BUNGKAWN tih tawp tur a ni e. A hming hi lamsual a nih fo avangin ka’n ziak ta deuh duah a ni e.
May 19th, 2011 at 10:08 am
Haf century kan siam a nge… a bengvarthlak e (Y)
May 19th, 2011 at 3:35 pm
Phek thar kan hawng ange
July 15th, 2012 at 12:53 pm
He post hi facebook Thu Ngaihnawm Huang-ah Bigdaddy Hmahmatea inti-in ama thuziak ang takin a post mek!