Keini Zohnahthlak te chuan unau hmelhai naa kan buai zel mai bakah, kan politician thenkhat ten Takam eh Tuikuk pawh Mizo nih tir tumna an nei mek bawk niin a hriat. Citizenship in Mizo min nih tir lova, thisen sakhua leh ze put hmang etc. zawkin min ti Mizo ani tih hi theihnghilh ngaihloh a tha. Mizo te hi Assamese kan ni theilo hrim hrim, chutiang chiah chu a ni e. Tin, Mizo ni tur chuan min thlahtu “Ka pa” chu Mizo ani ngei tur a ni, nu chauh Mizo pa Mizo nilo Mizo a ni heklo. Hrilhfiah (interpret) dikloh hi pawi thui tak nei thei anih hi i hre tlang ila ka duh khawp mai.
Chutiang thudik awmsa karah chuan, British hunlai atang tawhin hnam ral thei mai kan nih an hailo. Chiahpiah vakloh kan nih theihna tur, kan lo invenna/indanna ILP leh Mizoram in a bika immigration lam dan kan neih pawh sawi hnawn tum an awm mek laiin state dang leh ramdang te chuan an ram leh hnam hmangaihin hmasawnna tha nei zel turin tan an la zel thung a! Bakthak (Khasi) meuh pawhin tlaikhawhnuah an ram huamhauh an ti nat tak em hi. Mizo awm kumhlun te ngei pawhin an bualin pawh an siamtha ngam meuh tawhlo anih khu. Tripura phei chu Takam ho lo chhuahna Bangladeshi hoin an chimral raih a ni ta ber. Hnam thil anih tawh chuan ngaihsam leh chhuanlam fahrah neih hi a pawi thei viau a ni. Chhuanlam a awm tawh chin hi chuan thil felhlel a awm tawh thin reng bawk a!
Engpawh nise, tunah chuan ngaihtuahna fim hmang hoin thlawhna thar awm dan tur an sawi hi i thlir ang aw, pui rim rem tak a ni.
He thlawhna hi tun atanga kum 39 chho vel a peih fel tura ngaih niin, a bang leh chung vel te chu a langtlang riai ruai dawn niin Airbus neitu te chuan an sawi. Langtlang riai ruai han tih hian khaw awmdan, chhun leh zan awm angin a bang leh chung te chuan an rawng an thlak anga, pawn thlir a nuam viau dawn niin an sawi. He thlawhna ah hian first class, business leh economy tih vel a awm tawh dawn lo. Duh leh an infiam thei dawn a, an thuthleng te chu mihring malis thei (massage) an nih mai bakah TV leh thildang te pawh mahni taksa chakna (current) hmanga tihnun (powered) anni dawn a ni. Lei lam pawh duh angin an inbe pawp theiin nuamsa takin a awm theih tawh dawn a nih hmel.
Kan dam thleng em ang chu maw!:
A chhungah infiamna chi hrang hrang te pawh a awm dawn a ni:
Sahaw vak nan a itawm dawn mange:
The revitalizing zone offers large panoramic views of the world above and below, and seats that form to your body, can massage, and can provide drinks or vitamins as required. “Seats would be morphable, so that you could have a work space or a sleeping space or a visiting space, depending on what you wanted,” McConnell told FoxNews.com.
The “interaction zone” of the plane involves a lot of virtual technology. Passengers will be able to shop in a way like never before, with the clothes projected onto them. This interaction is going to involve interaction between passenger and technology and also passenger to passenger.
Read more:
https://www.foxnews.com/scitech/2011/06/13/invisible-plane-now-see-it-now-dont/#ixzz1PIbdIJpo
Similar Posts:
- So who gets the armrest?
- Khawpui chhung SRS thiah
- Khawi lam ‘Mizo’ nge?
- Thlawhna Hijack!
- A lerh dan chu high school level
June 15th, 2011 at 7:36 pm
An thlawhna thar tur chu va ropui dawn em!!!
June 15th, 2011 at 7:36 pm
bengvarthlak e
June 15th, 2011 at 7:43 pm
Tlar thumna a, “citizenship” tih hma khian, “Indian” tih tel tur. Ka rilru ah a tel a, kalo ziak tello anih khi hairehai 😛 😉
June 15th, 2011 at 7:49 pm
HV ..ka pa hi mizo nilo ta se chuan ka nu hi mizo , mahse ka pa hi nupui hlau thaiboy deuh ni ta se Mizo ka ni angem 😀
June 15th, 2011 at 7:51 pm
Post pui rep rep ve. Aniasin, ram khata chengte pawh hi hnamkhat chu kan nilo.
June 15th, 2011 at 7:53 pm
ka pa khasi nitase ka nu mizo nita se, eng hnam nge ka nih angle? 😛
39yrs. huiihammms, Pathian zarah kan damthleng a nih chuan ka tu leh fate’n minla chuanpui ve em ang chu maw…
June 15th, 2011 at 7:54 pm
J Lo …bakthak kan ti ang che 😛
June 15th, 2011 at 7:56 pm
ka va chuang chak tawh e thlawhna thar turah chuan
June 15th, 2011 at 7:57 pm
zualbonez, nangnin bakthak minti ta ula, bakthak ho chuan NU lam hnam i nitur a lawm minti bawksi sela BRU-MA a mi ka nih mai angle..
June 15th, 2011 at 7:58 pm
Citizenship ah hian pate hnam kan chhawm, nausen hming an nute passport ah ziah tel ni mah se.
Ethnic issue hi hriat thiam a ngai. Ram danga awm Hindu, ethnic Indian hian keini NE lama mi, Kristian te ai hian Indian zawk emaw inti an awm. A sawt chuang lo.
Mizoram chhunga poltician te hian state chhunga awmte vote an mamawh a. Mizo, Chakma, Bru vote an beisei thei a, Manipura Mizote vote an mamawh lo. Myanmar ami phei chu foreigner anni a, engti pawn Mizo mahse Mizoram ah an awm loh avangin Mizoram politician tan an tan an pawimawh ve lo.
June 15th, 2011 at 8:01 pm
Jennifer Lo , Bakthak 😛
June 15th, 2011 at 8:04 pm
HV, kanlam inilo mintih ve ve chuan vaingalsin ah ka inlet daih mai ang 😀
June 15th, 2011 at 8:07 pm
A va tha dawn ve. Chuan ve a chakawm hle mai.
June 15th, 2011 at 8:09 pm
Jennifer Lo, Bakthak Mizo tawng thiam tak i ni mai a, a tha ve alawm hairehai 😉
June 15th, 2011 at 8:15 pm
Kawng hrang hranga Mizoten hamthatna (ST Quota) kan neih beitham tak mai, Mizo dik tak pawhin kan indaih loh laia, intiMizo ve tho (ST ni si lo, care of ah pawh nu te hming hmang) laka kan ui lo lutuk pawh hi ngaihtuah chian a hun i ti ve tawh lo maw, Pu HV?
June 15th, 2011 at 8:19 pm
vivia, a dik lutuk (Y) Hnam thil anih chuan huamhauh a duhtui a, mahni hmasial viau hi a pawi hauhlo ania. Tlaikhawhnu mah nise, Khasi ho tan lak dan tam tak te khu an khawngaihthlak letling viau nangin tul tak niin ka hriat pui.
June 15th, 2011 at 8:26 pm
Thlawhna a chuan let in Mizo Mizo-na khi Ţha ka ti in pawimawh ka va ti ve aw..
June 15th, 2011 at 8:30 pm
HV khasi ho chu kan khawngaihphak anni tawhlo letling a sin, keini aiin an trangrual thei a,tun a trang a tumah non khasi in leh lo hmun ram nei an awm theihloh chuan next generation chu anhnam fir deuhthaw anni mai ang, tun a anhnawhchhuah mai theihloh ho khu chu an thi bo emaw an in leh lo a tlukchhiat hun2 kha a ni mai a generation 1 bak a ngai nang, keini hi kan thim fe zawk, engmah kan tih ve chhin aih loh hi, a ti chhun te lah kan chuk rawn a,a lehlingin hnamdang tran zawk pawl kan awm zel a, “dan angin…kan kristianna…nangmahni chanah indahchhin ula… blah ..blah..” tireng pawl hi FING PUI PUI SI(hnamthil a mawltlat) kan nei treuh va buaithlak em mai…
June 15th, 2011 at 8:45 pm
Kan la chhiat hmaa inhmuhchhuah hi nge tha ang Khasi ho anga a tlai hma hreta inhmuhchhuah?
Tunah hi chuan inlungrual tur khawpin kan la chhe rih lo a ni mai em?
June 15th, 2011 at 8:49 pm
A pa mizo a nih loh chuan Mizo nilo mai awm tak kha, anu Mizo anih avangin, hetiang ho hi Mizo an inti deuh vek zawk mai ani.
Chhan tha tak a awm.
1. Mizoramah seilianin, an Mother tongue chu Mizo ani a, Nute leh nu te chhungte bula awm in (a majority chu) Mizo culture leh nute Kristianna a vuan anni. Hei vang hian ‘Mizo anni love’ tih chi rual ani lo.
2. On the contrary, a opposite ang khan mi ram ah, mi culture vuanin Mizo pa, chu mi ram mi nupui neiin, fanau te neiin lo awm ta sela, a fate Mizo anni ta lo tihna ni lovin, an Mizo na khan eng awmzia leh lukhawng nge a neih tih chhut tham tak ani.
3. Thisen a kan inchhut dawn chuan Mi zawng zawng Adama thlah kan ni a. Mi hang, British ram a Pi leh pu te atanga awm tawh kha, (Citizenship chu lo dah hrang ta ila) English thlah anih loh rual in, chhut chhut a, an lo chawr chhuahna (Kenya te lo n i ta ang se) ram hriat hnu pawh in, chu mi ram nena inkungkaihna(Cultural, language, attitude, religion,) an neih si loh chuan Kenya mi a hmingin ti ve ngawt mah ila, lukhawng a nei lem lo mai thei.
4. Tin, Mizoram ah hian vai kan hmuhsit dan te han en hian, naupang lo thang chho (a pa vai, a chunga kan sawi ang kha) ama thiam loh ni miah lo vah, Mizo ini lo, Vai i nia, kan lo ti lui tlat ang maw. Kan Mizo hnam dinchhuahna laimu leh mal min sawm tu Krista duh dan anih ka ring lo. A pa vai anih vanga ‘Mizo i ni lo’ tih kan duh anih chuan, vai te hi i hmusit lo hmasa phawt ang u. Naupangin ngampa taka, ‘Ka pa chu Bengali/Nepali ania’ a tih ve theih nan.
A then te chu a lan dan ah an pa te an an loh theih loh avangin, Sikul ah te leh khawtlangah pawh nuihzat leh sideline an tawk fova. An pa te hnen lama awm dan option awm lo te anih phei chuan an nun a hrehawm viau ve thei ani. Mi tam tak an nu te hnam hming tawm ve ta mai ka hre teuh mai.
Kan duhthusam chu a ni lo na a, A nu/ a pa Mizo(Mizo thisen pu)a nih a, Mizo tawng a hmana, Mizo inchhung khurah Mizo nun dan anga a nuna, Kristianna vuan a, lawm tak a Mizo ni te hi chu MIZO TIH LOH CHI AH KA RUAT LO HRIM HRIM.
5. Mizo in ti si, mahni hnam chawrchhuah tir thei lo khawp a eiru, hlawh zat leh inchhawng/ motor etc. neih zat inphu si lo te hi HNAM RAWK TU, MIZO NI TLAKLO ah kei chuan ka ngai zawk e. 😉 😉
June 15th, 2011 at 8:54 pm
#20, No 4. last para (Y)
June 15th, 2011 at 9:02 pm
Kan tawng leh kan awmna in min ti Mizo lova, kan hnam vangin Mizo kan ni zawk. Kan hnam chu kan pa, min thlahtu hnen atanga kan chhawm a ni.
Mizoram development pawisa eiru ho hi dam tlakah pawh ka ngai niai love. Hmanlaia < "Tuikhur hnara e chuan dam a ning a ni," an lo tih thin ang vel kha niin ka hria.
June 15th, 2011 at 9:15 pm
thawnthu:Siami chu fahrah,sawn a ni,midum kawnglai nen an innei a fa 3 lai a nei a,mahse a pasal chuan a tlanbosan daih a,fate la te si chhungte belhtur nei silo,hnathawk thei dinhmunah ding silova, mizo hnahthlak tlangval pa 1 nen an innei leh a,a fa hmasa te chu an pahrawn chuan a ti duhdah hle, PA hnen tlanna tur anhre silo,an nu pawh chu vanlaia tla angmai unau pawh nei mumal lo a lo ni,an nu chhungte pawh belh tur an awm chuanglo,anhmelin anhringtu pa hmel a chhun vangin anhmusit bawksi, vai vai antia,vaitrawng kawi 1 pawh anhre bawksilo…an khawngaihthlak teh a sin, MIZO NIIN AN INHRE VE TLAT A SIN
June 15th, 2011 at 9:15 pm
Mr. Vangchhia, i point chu ka hrethiam alawm. Hnam hi kan pate hnen atanga chhawm ni mahse, ” A nu/ a pa Mizo(Mizo thisen pu)a nih a, Mizo tawng a hmana, Mizo inchhung khurah Mizo nun dan anga a nuna, Kristianna vuan a, lawm tak a Mizo ni te” hi engtianga tih nge i duh?
June 15th, 2011 at 9:27 pm
(@) Thu ho mai mai lo sawi ve teh ang. Thawka phita juda ti reng mai min tih pawhin ka tuar na lo mai ang e !
Juda te chuan an hnamah an pa hnam chhawm mahse,,,juda nuin juda ni lo laka fa a neih chuan a fa kha juda-ah an chhiar, sawi buai theih a ni lo, ram leilung fa nihna a nei nghal thlap. A chhan nia an sawi chu pain naute siam nana a tha thawh chu darkar chanve emaw chauh a ni a, nu chuan thla kua lai a pai miau a ni. Mizo pa rilrem zawng chu a ni kher lo ang le. Chutiang bawkin juda pain juda ni lo laka fa a neih chuan a fa kha juda a ni lo, juda nih a duh chuan conversation paltlang a ngai tlat !
June 15th, 2011 at 9:32 pm
Mit leh beng a tlai e. Huamhauh tih hi mi duham/mi verther sawina emaw ka lo ti thin a!!!!?
June 15th, 2011 at 9:33 pm
Ngaihnawm e
June 15th, 2011 at 9:34 pm
A post tupa sawi tum ‘Pa te zohnahthlak nilo mizo a nilo..’ tih hi chu Nu mizo Pa hnamdang, remchanna(advantage) neih vang a inti mizo,ramdang a mizo inti leh silo,mizote mawilohna leh chhiatnate deusawh tak2 a tarlang thrin,hlawkpuina(tribal quota etc) tur awm veleh a inti mizo leh si ho hi MIZO AN NILO, a ti berin ka hria, mahse #23 a ka sawi ang chi,Mizote pawhin rilruna miahlova an mizona kan pawmthlap ho hi anawm ve leh a, mizo customs&practices,beliefs etc zawm ve vek,mizo tan a thrahnem ngaitak an awm a, mizo thisen kai miahlo pawh chhungkua2 a mizo ang thlap a kan inrelbawlna generation engemawzat lo zawm ve anawm fo bawk a, chung mite chu a hria zz te pawn mizoah kan pawmthlap a, heta MIZO ANNILO kan han tih thrin zing a mi annilo a kan tih chhante annilo tih hi anmahni pawn an inhrethiam ngei ang tih ka hria…hmmm :deuh duah chuan:
June 15th, 2011 at 9:50 pm
komen 30 emaw lekah pawh kan inlungrual lo a nih hmel a, kan la chhe lutuk lo a ni ang e!!!
June 15th, 2011 at 9:53 pm
Kum 2003 khan Seminar-naah ‘Powered Flight- a century of innovation and future of aviation’ tih hmangin kan intihsiak a, hahthlak ka ti khawp mai. Thiamna kha a beitham lutuk a. Future of aviation phei chu a content tur kan zawng nasa.
Tuna future Aeroplane inziakna site pawh hi duh aiin a scientific content a tlem. Hmun dangah ka zawng ngial a ka hmu lo tlat. A bengvarthlak khawp mai.
June 15th, 2011 at 9:53 pm
A nawlpui chuan a dik khawp mai,’mizo an ni lo’ tih hi. Mahse mimalah hian a tua pawh hian rin luh kan lo nei duh khawp mai.
June 15th, 2011 at 9:57 pm
jesuslovesme #24, ngaihdan neih angai hleinem, thu diksa a awm reng alawm, entirna ka pe ang che aw:
London ah khuan Mizo pa in fa a nei ta a ni. A fa chuan a tet te atangin London ah a awm avang leh a awmna hmunin a zir em avangin English ang chiahin a khawsain tawng pawh a hmang. Chumi avang chuan Mizo a nih loh phah miah lova, English anih phah hauhlo bawk.
Zohnahthlak nilo inti Mizo chu an che Mizo ani mai a, Mizo annih phah miahlo. Chutiang bawkin inti vai tingtang deuh emaw, inti sap vau pawh ni ila, Lusei, Hmar, Mara, Lai, Paite etc. kan nih chhung chuan sap kan ni ngai hek lovang. Chumi chu min thlahtu, kan pa te hnam a zir a ni tawh mai.
June 15th, 2011 at 10:11 pm
Heng te hi chu tlang hriat alom le..chutia tawt lutuka thuthar sawia han sawi leh zur2 chuu..lolz..tha reng2 e.. 😀
June 15th, 2011 at 10:15 pm
Hemi lo paste tur hian ka lo in log lut leh thuai mai… 😀 😀
http://www.youtube.com/watch?v=ENOSk4EdK6s
A topic nen a inhmeh thoin ka hria lo en ve r’u.
June 15th, 2011 at 10:23 pm
Mizo hnamdana saphun a sawidan : Miin an hnam kalsan a, hnamdang biak sa biak zawm tur leh an hnam vuan tura a va intulut hi “Saphun” a ni. A pa vai emaw a nu sap emaw pawh nise, nu leh pa mizo ni lo ve ve pawh nise; a chunga mi ang a nih chuan “Mizo saphun” ah kan ngai mai thei lawm mi?
Tin, Mizo hnam danah tho hian “saphun hi tu lam lam pawhin an tichat thei a,” tih a awm leh a. Miin mahni hnam leh sakhua kalsanin mizo ka ni e, a tih chuan Mizoten kan pawm leh pawm loh a zirin a Mizovin a Mizo lo mai dawn a ang riau.
June 15th, 2011 at 10:26 pm
Post tha khop mai ! AirBus khi kan chuang ve hman meuh ang em aw….turu dawn tiah tiah hle mai…. (Y) (D) (D) (D)
June 15th, 2011 at 10:28 pm
ReMpY_ScisSoR #33 a ni khawp mai tiraw, mahse hmanni khan tuikuk tih vel Mizo a telh tum kan awm tlatin ka hriatna khan min deng na deng deng em a ni e, kei MIZO PA hi.
Ilo la chhiarlo anih palh takin, kan phawrh hnawk leh ang e:
http://www.misual.com/2011/06/09/mzp-press-release/
The Biz #35 Ngai thei mai love a, Zohnahthlak inkarah chauh Saphun thin a ni e. Kan culture leh tradition tha lai ang ang hi vawn nun zel tur, hei hi kan hnam dan a ni. Ka sawi tawh angin HNAM THIL anih chuan fimkhur leh selfish tak a pawilo; chu2 hnam damna tur a ni zawk.
June 15th, 2011 at 10:36 pm
The Biz, hei Mizo hnam dan (customary law)Saphun awmzia pawh a awm e:
http://mizosocietyofamerica.org/index.php?option=com_content&view=article&id=55&Itemid=53
Saphun awmzia:
http://www.misual.com/2010/04/19/saphun/
Saphun hi Zohnahthlak te inkarah chauh a ni e. Ralte in Luseiah Saphun sela, a inhnuk dawk leh thei. Vai emaw, Sap emaw angin Mizo ah Saphun a theih loh, Mizo hnam engemaw ber anih phawt loh chuan. Interpret dikloh hi sual lian takah ka ngai. Pathian thu mahni mimal ngaihdan a sawifiah tum ho hian alawm mi tamtak kawngboa siam thin.
Mizo tumah Bengali emaw Assamese emaw kan ni theilo, chutianga kan pian loh avangin. Anni pawh chutiang tho chu an dinhmun a ni.
June 15th, 2011 at 10:36 pm
@HV, chhiar toh alom, nang te, CFL te in comment a tha khop mai..
June 15th, 2011 at 10:42 pm
ReMpY_ScisSoR 🙂 i reh reng reng tunlai hi hairehai. Khawnge ka fanu kan lenchhuah pui lawk ange. 🙂
June 15th, 2011 at 10:52 pm
Nia, a dik viau mai. Mahse, khang hunlai hnam hrang hrangte kha an biak “sa” a hrang vek a, an culture pawh a inang lem lo. An awm khawm pet pet a, an circle pawh a zim reng a ni. An bul hnaia awmte leh an chenpuite an ni tlangupi. Tunlai angin vai, sap leh hnamdangte nen inchiahpiah deuh se, i ngaih ang chu a ni lo mai thei asin. Israel te pawh khu hmanlai atang tawhin an bulhnaia hnamte nen inthlahpawlh nuai tawh asin. “Saphun” an tam tawh zia mai chu “Mizo” te thleng thleng a duh tan “Israel Hnam” ah min lo pawm tawh a. An ropui telh telh emaw tih tur an ni asin.
June 15th, 2011 at 10:56 pm
HV, a technicality ah i kal thui lutuk ani. I example rawn pek nena in ang – thlahtute atanga Mizorama awm Nepali ho dinhmunah ka chianglo love.
Hnam nihnaah hian kan pa te gene kan carry ve na kha (Mizo hmeichhia leh vaipa fa, mizo inchhunga seilian leh anu tawng, culture leh sakhaw tawm ah ngat phei hi chuan) a ‘single deciding factor’ ani theilo tih hriat a hun ania. Sociology mi thiam te chuan i thlir dan ringawt hi an pawm hauh lovang.
I dinhmun atangin comfortable tak leh ‘with no direct personal involvement whatsoever’ takin he thu ‘Paternity based ethnicity’ hi i sawi a, Mahse a taka hmangtute (a chunga ka example pek te ang khi, Mizoram ah an tam ania aw) tan chuan i ngaih ang ngawt a simple ani lo. :-O
June 15th, 2011 at 11:01 pm
#20, jesuslovesme, sawi tha khop mai. (Y)
Conservative taka thil thlir a that rual hian inhumane lutuk chuan rilru i pu lo ang u.
A pa vai, a nu mizo chu hnam dan angah chuan vai thlap a ni, sawisel theih loh. Mahse, chumi avang ngot chuan a nu hnen atanga genetically a a inherit zong2, a mizo zia, a mizo hmel, a mizo rilru leh thisen zong2 kha vai ah puh vek chi a ni don em ni?
A duhthlan dan in a lo piang lo a, tin, mizo nih kha a chak in a chhuang zek zek bik kher lo ang, mahse, a thisen ah a awm ve miau sia, a seilenna culture chu amah ah a intuhnghet ve tlat a ni thei toh bok si a.
Poimawh ber chu mizo i ni, vai i ni tih kha midang lo hrilh chhen a ngai lemlo, a lo seilian ang a, a hrethiam ve mai ang a, a in adjust ve mai ang.
Hnamdang laka mizo nula te inpe thin dang tha hleithei silo in a an fate lo classify lama lo bengchhen em em poh a ni chuang lo a. Hnam a rinawm hmeichhia an pawimawh ber a, chumi tur chuan a hnam chu a chhuanawmin a belhtlak a ngai a, harsat leh retheih ngawih2 na te, factor lian ber la ni mek zel te hi paihthlak hmasak a ngai ani.
Hnam inpumkhat hnam rinawm ni tur chuan a bul atanga beih angai, nilova a tawp a a rahchhia lo chhuak ensan a, hua a, beih bur2 hi awmzia awm lous..hahai 😀
June 15th, 2011 at 11:13 pm
mahni hnam phatsan a hnamdang pasal ah nei a,an fate mizo hnam hming puttir tum leh mizo ang a cheibol tum an om ve pheet zel hi ka hua a ni…an pa te mizo,an nu te hnamdang poh ni se kei chuan mizo ah pom an har ka ti..hnam ah hian kan chian angai,kan fir angai a,kan fimkhur a hun toh takxet…kan politician,officer etc eiru te poh mizo an nih chuan mizo an ni mai,mizo ni tlak lo an ni lo a,mizo hlemhle/depde tak an ni mai,100% a that diak2 theih loh,hnam thil ah chuan thiangzau a chi loh,nut deuh but zawk tur..hei hi ka ngaihdan diktak a ni bur mai. :-O
June 15th, 2011 at 11:19 pm
#43, Bakcheh….. (Y) (B) (B)
June 15th, 2011 at 11:20 pm
@ReMpY_ScisSoR, hnamdang lak a mizo nula inpe thin te hi kan dang theilo a ni hleinem,dan an duh lo mai zawk alom,i hriatthiam ka ring,dan an duh chuan hetiang thil ah chuan anmahni an poimoh ber,..hnam a chiang a hnam rilru pu hmasa lo chuan a inpumkhat theih loh,silchar vai leh mizo nula fa hian mizo hnam rilru a put ngoih2 ka ring eih lo….
June 15th, 2011 at 11:22 pm
Post tha khwp mai.
June 15th, 2011 at 11:37 pm
@true^mizo^boy, i thlirdan ah hian pawmpui loh tawp che ka nei chuang lo e, thlirdan a inang lo mai ani e.
Engmah hi generalised takin a soi theih loh a ni..
Mizo hmeichhe hnamdang nei zingah pawh a chhan tam tak a awm dul ang..loh theih loh te pawh an awm, ka hria.
Tin, silchar vai leh mizo fa ah poh mizo rilru pu hliah2 an awm eih lo ang, tih hi nang leh keia sawi theih ani loe, unau pianghmun poh rilru put a inang lo.
Chuan, Heng ka sawi zong2 ah hian hnam inneih pawlh te hi ka support a ni miahlo a nia…sawi tur a tam, hemi site ah pawh kan sawi ngun tawh..peih tawhlo.
June 15th, 2011 at 11:41 pm
engma sawi angai lo,Bai fa chu Vai,zohnathlak fa chu MIZO :-S
June 15th, 2011 at 11:44 pm
true ^mizo^Boy
I chiang hle mai. A lomom.
Mahse, ngaihtuah teh; nang hian i Nu leh i Pa Mizo an nihna ah hian i sawi theih leh i tih reng a awm em? Ngun deuhvin ngaihtuah rawh. I naupan lai atangin tuna i awmdan ang chiah, thil danglam pakhat chiah – ‘Mama, i pa hi vai ania’- awm ta sela, tuna i ngaihdan rum ret rut hi chu i nei lovang.
Kan hnam hi kan humhalh tur ani. Humhalh dan tur diktak in. Nula te pawhin hnam dang lakah fa an nei tur ani hlei nem. Tlangval te pawh hi tang deuh ang u. Tlema neih tlak deuh awma lang chu nula hian an chhungkuain neih loh hlauvin an buaipui ta hut hut chu anih hi. Hei hian kan mizo society dinhmun chu a sawi chiang thawkhat hle lo maw? Tuna kan kal dan ang renga kan kal a, Kan ram leh hnam Ruihtheihthil, hlemhletna, tunlaina leh a thar apiang duhna, in kan thalaite moral a eiral hunah zawngin VAI NENA KAN DANGLAMNA CHU KAN HMING TAWPA – I LEH A – TIH LEH KAN HNAR BEK LEH MIT ZIMAH BAK HIAN ANI LO THUAI MAI ANG.
Hawh u, Kan ram siam that zelna hna hi Pathian nen i bei zel ang u.
June 15th, 2011 at 11:46 pm
Mizo hmeichhe humhalh tlat dan tur te:
1. Chhungkua leh khawtlang atanga hnam ngaihsan leh rinawm pawimawhzia inzirtir.
2. Mizo nula vai biak awih loh. Mizoram pawn a kal awih loh.
3. Hnamdang ngaizawng chu vantlang ah ‘hang by the neck until death’ turr..
4. Mizo mipate’n nep lutuk sim tur..
Fyemthews…
June 15th, 2011 at 11:51 pm
ReMpY_ScisSoR, sawi zel rawh.
I sawi zel ang u. Radicalist lutuk a thil lak hian siam that aiin tih chhiat a ngah zawk.
Khawvel a ethnicity based violence hnar pawh hi heng MI TUANG CHHAH ho vang hi alawm.
Tin, hetiang mi hi hnam thatna tura thahnemngai taka, a bul thuta, an thiamna leh finna, an tha leh zung hmangtu te an ni duh lo fo ania.
June 15th, 2011 at 11:56 pm
Hming tawpa i/a dah tha duh ta lo tepawh kan tam ta anih hi maw. Huuuuui ha.
June 15th, 2011 at 11:56 pm
That fu awm hi a
June 15th, 2011 at 11:57 pm
@51_____ lolzzzzzzzzz
June 16th, 2011 at 12:02 am
Rempy hi chu bright chu bright mawle. Zindabad!
June 16th, 2011 at 12:07 am
jesuslovesme #42, technical leh cal lo lampang maw? Hnam thilah chuan Ni chu ni, nilo chu nilo (YES is YES, NO is No) a ni; chu chu technical a nih chu. Apa Zohnahthlak anih a a nu hnamdang anih chuan apa zarah Mizo a ni. Apa hnamdang anih a a nu Mizo anih chuan Mizo anilo. Khasi, Jaintia leh Garo dan kan zawm anih erawh chuan anu Khasi anih a, apa Mizo anih pawhin Khasi ho chuan Khasi ang pawhin an pawm mahna. Mizo ah leh hnamdangah ani ngai love. An intih Mizo chuan a lawmawm lutuk.
Mizo inthlahchhawn dan hi han en la, Ropuilala’n Thanga a hring, Lianhrima’n Hminga a hring etc. tih a ni thin. Hei hi Mizo dan a ni e. Chu chu Zohnahthlak te sociology (function of Mizo society) chu a ni e. I saptawng telh aiah, “That is how we the Mizo society functioned or in simpler English, “That is how we the Mizo society operate in a proper or particular way”. Amen
Sawi tel a tul kherlo nangin chutiang chiah chu Bible a kan hmuh dan pawh a ni ve tho mai.
“A” leh “I” hming tawpa hmang hi thlangtla chin emaw Duhlian tawng hmang ho chauh kan ni. Chupawh tun hnu lawk atanga dah chawp anih ka ring. Kan hmanlai hlaah reng mai “A” a tel ngailo hming an telh naah hian.
June 16th, 2011 at 12:19 am
Pu HV a chawhchawrawi post chu va in tuha fahran lo ve aw, a rual in thil pahnih ngaih pawimawh a nei nge, a hmanhmawh ru riau zawk, post 2 a siam mai awm.
Tun atan chuan Pu HV a ka support e. Hnam ralmaithei (endangered species..haha) kan la ni ah ka ngai a, Juda saphun dan a lo inhawn zau chu ka ngam hrihlo. Tam a ral/dazat ai chuan tlem a tak hi kan damdawi a la ni hrih zawk ang. Min rawn bel tute lah in kan hnam an rawn ngaihsan em vang nilo, ram(land) leh economic issue vang ala ni lek si a. Nakin ah, Sapho leh Juda ho ang a min rawn ngaihsan avanga lo lut duh an awm leh saphunte chuan kan la pawm ve ang chu.
Khi thlawhna khi kum 39 kan nghah a ngaih ka ring lemlo, technology than dan speed han en hian kum 10/15 ah a tak kan hmu ka ring tawh e,an siam duh tak tak ngai te a nih chuan, rindan mai mai. Lengpui ah erawh a tum har deuh maithei. Khi ai chuan direct flight x6 mach te siam ta zawk se, darkar khat ah NY thleng ta mai zawk ila…. US ah te lehlang vel mai mai ta zawk ila…
June 16th, 2011 at 12:27 am
HV, I leh A dah chungchang: Duhlian tawng hmang lo hovah ka sawi lo. Paihte hovina an dah loh te hi ka sawi tel reng2 lo.
Intih sap nan, Rosy Sailo, Rebecca chuti khati, John Hauhnar etc. tihte hi a ni ka sawizawk ni.
Sap tawng ka telh khi(ka nuih a za tlat mai
) a chiang zawk a hriat avang leh i hriatfiah thiam zokna tura ka tih vang mai mai ani e. Zahngai zahngai. 
June 16th, 2011 at 12:28 am
hming tawpa ‘a’ leh ‘i’ tel lo chu mizo/zohnahthlak anga ngaih lohna hi hnam bo zia a ni.
kan fingin kan fel tawh khawp a, dan palzam nasa ber leh engah maha ngai lo viau e ti lo hian, hnam issue-ah chuan kan inla fir viau lawi a! dan kan inti ngaipawimawh viau lawi bawk a! india danin a phal lo… chi khat/ hnam khat mah ni ila kan cheng za thei lo… ramdang mi chu ramdang mi… dan lo anga rawn lut anni a, um chhuah emaw, man hmiah2 tur… etc, te kan tia. kei zawng, kan rilru put hmang hi ka hrethiam nek lo e!
keini aia mawl zawk nia kan ngaih – naga ho mahin greater nagaland te tia hma an lak lai leh Israel hovin sum tam tak senga khawvel hmun hrang2a an mi leh sa, an chipuite seng khawm hna an thawh laiin, keini kan rilru put hmang hi min hre hlawm ta se, mawl ti a min nuih sawh loh a lek a(h)! Hmmm… huihamz… keia ngaihdanah zawng – TUI AIIN THISEN A TAK ZAWK SI A!!!
June 16th, 2011 at 12:32 am
haha
June 16th, 2011 at 12:35 am
zoho, hmanni chu khawvel airliner lianber Air France Airbus 380 Washington Dulles airport ah alo tum tan a, pui an ti hem hem khawp mai. A chuang te’n TV ah hahipin an sawi.
Israel te chu an ram tana thi tur an mamawh teuh alawm. Mi ram an awp luih luah khat tur an mamawh bawk si. Mizoramah chuan Mizoram tan a nung tur Mizo ngei ani kan mamawh ni.
Kan pi leh pu te khan an theih ang tawkin kan ram chin an lo sat ve. Keini ram hruaitu te chuan ramri pawh min hriat sak loh tawp hi, hetiang te hi pawi lutuk. Tunah Mizo tih awmzia a dal zawnga sawi tum an rawn awm leh hnam thanmawh bawk anni e. Hetiang vang hian alawm ka fate hi theih tawpin Zohnahthlak ngei nupui pasal nei turin ka fuih tang tang chhan ni. Mizo deuh reuh, rel ngam loh kan ngah lutuk hi ka hlau hle. Chumi dawt leh chu Mizoramah Mizo nilo ten ro an rel hun a ni tawh mai.
#59 e
June 16th, 2011 at 12:39 am
#60- Zika chu va tawt up up ve, kha
inbengdai rawh. 
June 16th, 2011 at 12:43 am
kawlhawk #60 chhiarsen loh light year chhiarsen loh thlenga thuiin
June 16th, 2011 at 12:44 am
zoho, haha… mutchhuak lo luangliam au thawm…
June 16th, 2011 at 12:44 am
HV @ 62.
Ngai tehlul e: “Zohnahthlak ngei nupui pasal nei turin ka fuih tang tang”. Kan tihtur ani.
‘Kan hnam thanmawhbawk’ erawh hi chu eng chiah hi nge puh hmasak ber tur ni ang le?
Kei chuan engkim chhan bulpui ber chu kan THATCHHIATNA, Hlemhletna leh kut tlinglova lakluh/thil hmuh tumna ah ka ngai fel thlap e.
June 16th, 2011 at 12:50 am
Thlawhna chhuak thar tur chu lei chhin ve tur a nih chu…tunge Aizawl ah agent ni ang aw, book nghal tengssss
June 16th, 2011 at 12:50 am
#66, thatchhiatna chuan ngaihsamna a hring a, ngaihsamna chuan a hring chhuak teuh tawh mai thin a ni.
bauhbauh, ZG in a book tawh maithei
June 16th, 2011 at 12:12 pm
Thlawhna a accident dawn reng reng chuan a mei kuah beh a fuh ber..a chhe mawh bik..ha..ha
June 16th, 2011 at 12:55 pm
kan ram thranmohbok hi chu kan THATCHHIAT vang a ni mai..mahse kan hnam eroh kan humhalh that angai..@pu HV soi ang in,kan pi leh pu ten a min lo sah zau sak a an lo humhalh hram2 kan ram hi,kan hruaituten an han hrechiang (Ngam)lo hi chu rilru a na thin e…mizo nula tlangval kan nih chuan,eng ang poh a loh theih loh poh nise,mizo ngei hi kan neih a ngai ani,in hrilh mawlh2 kan mamawh e.
June 16th, 2011 at 3:33 pm
British hunlai atang tawhin hnam ral thei mai kan nih an hailo. Chiahpiah vakloh kan nih theihna tur, kan lo invenna/indanna ILP leh Mizoram in a bika immigration lam dan kan neih pawh sawi hnawn tum an awm mek laiin state dang leh ramdang te chuan an ram leh hnam hmangaihin hmasawnna tha nei zel turin tan an la zel thung a! Bakthak (Khasi) meuh pawhin tlaikhawhnuah an ram huamhauh an ti nat tak em hi. Mizo awm kumhlun te ngei pawhin an bualin pawh an siamtha ngam meuh tawhlo anih khu. Tripura phei chu Takam ho lo chhuahna Bangladeshi hoin an chimral raih a ni ta ber. Hnam thil anih tawh chuan ngaihsam leh chhuanlam fahrah neih hi a pawi thei viau a ni. Chhuanlam a awm tawh chin hi chuan thil felhlel a awm tawh thin reng bawk a!
Good Post
