Sakhua hi ţawngkam pahnih, ‘Sa,’ leh ‘Khua,’ tih aţanga lokal a ni a. Hnam bil leh chhungkaw enkawltu leh kaihruaitu chu, ‘Sa,’ a ni a, khaw pum leh a chhunga awm zawng zawng hualhimtu, mihring leh mihring inkara thu sawitu chu, ‘Khua,’ a ni a, chu chu lam finin, ‘Sakhua,’ a lo ni ta a ni.
Hmanlai aţangin Mizote chuan thil engkim siamtu leh enkawltu, malsâwm ţhintu, ‘Chung Khuanu,’ chu a awm ngei tih hriain an be ţhin a, Chung Khuanu chu zaidam tak, mi ţha leh leh dikte chu kawng tinrënga malsâwm ţhintu, thil diklo titu chungah erawh chuan vanduaina thlentîrtu a ni an ti. Chuvangin, siamtu Chung Khuanu duh loh zâwng ni a an hriatte chu an ti duh ngai lo. Chhungkuaah bul an ţan a, khawtlângah, ram leh hnamah a pâr chhuak ţhin.
Mizo sakhua ropui leh danglam bik riauna chu khawvêl sakhaw lian dangte hnuhma niawm a lang lo hi a ni. Kan thawnthu(folktale) ţhenkhatah, ‘vai’ tihte lo lang bawk mah se Hindu sakhaw rawngkai âwm a tel chuang lo a, kan lo chhuk thlâkna lam Budhist sakhaw ziarang pawh a tel chuang lo.
Mimal hmuhchhuah leh zirtirna aţanga lo chawr chhuak ni lo, an nunphung, an nitin khawsak dan leh an khawtlâng nunphung mila pipute’n sakhua an lo nei a, mirethei leh chhiava te zarzo theih chi thil tamtak tihtur nei a sakhaw kawngkal an lo nei hi a ropui a ni. Tichuan Mizo sakhaw laimu, lairil ber chu khawvêla an nunkhawchhuah theihna tura mi huaisen leh tlâwmngaite chawimawi leh mi tamtakin an zâr an zo theihna tura thil ţha tih hi a ni. Thih hnua awm dan tur an kawhhmuh bakah an damlai ngei a thil ţha tih a keng tlat a.
Chuti chuan dam chhunga mihring nun a vawng a, chênna tlâk leh engthawl taka khawsakna hmun nuamah Zoram hi a siam a ni. Mizo sakhaw kawngkal pumpuiah hian vangtlang tana thil ţha tih, zu leh sa leh, thlum leh al ţha pawh mahni a ei pha ve lo mi chhumchhiate buatsaih sak te, an nun khawchhuah ve theihna tura thil pawimawh tak khawtlang mipui chhan nana lu chhum, bân chhum huama mi kawlh, sa kawlh hmaa zám hauh lo a ring rawlh a mahni nun hial pawh chân ngamna nun a ni.
Mi nun ngil leh pawi sawi ngai lo mi, midangte phûtna pawh nei lo a kawng hnawk ilo fahran pawh thian mawlh mawlh mai mi nih hi Khuanu duhzawng anih avangin chuti ang mi chu an dam rei a, an thih pawhin thih dan tluangtlam takin an thi ţhin tih a ni. Chuti ang mi chuan malsâwmna leh vanneihna pawh an khum bik a, an vankai zârzo turin vanduai chhungte pawhin an belin an suakah te an lut hin.
Tin, mite tana hnawksak, mi awm eu, vantlang kawng tihnawka, ek mai mai chîng te, Chung Khuanu pawisa lo, mi sual chungchuangte chuan mi ânchhia leh chil chhak an tuar(pumpelh) ngai lo, dam pawh an dam rei lo. An thih pawhin hrehawm takin an thi ţhin an ti. Heng thil zawng zawngte hi chhungkua aţanga ţanin khawtlângah, ram leh hnamah a pâr chhuak ţhin.
Mizo sakhaw kalphung diktak, mimal leh chhungkua, hnam leh khawtlang sakhua kan hmang tawh ang a, hnam dang saphun kan nihna chu hlip thlain chhungkaw thar din chuan Sâkung phunin bul kan ţan tawh ang a, Lapa laka kan rochan fanau lo piangte chu chatuan mi nihna famkima lo piang, Mizo hnam sakhaw kengtu an nih zia tarlanna leh hmuingilna kawng zawh turin ‘Nau lai hrilh’ kan hmang ţhin ang a, khawtlang, ram leh hnamin ei leh bar zawnna kawnga hmuingilna leh Khuanu malsawmna kan dawn nan kum tin, ‘Fano dawi,’ leh, ‘Kawngpui siam,’ te kan hmang tawh ang a.
Min thlahtu kan kan pi leh pu leh chhungkhat laina, kan hmangaih mual min liamsan tawh te kan ngaihhlut zia leh zahna lantir nan kum tin, ‘Mîm Kût,’ kan kan hmang ang a, kan eizawnna kawngah te, hriselna kawngah te kumtluana Khuanu venhimna kan dawn avanga lawmthu sawi nan, ‘Pawl Kut leh Chapchar Kut te kum tin kan hmang ţhin ang.
Chumi hunah chuan Mizo sakhua Chatuan Pathian chu kan ram leh hnam nen ţhen theih loh, pumkhat anih zia kan chiang tawh ang a, kan eizawnna leh nitin kan khawsakphungte nen inzawm tlat, ţhen hran theih loh a ni tih a takin kan nunpui tawh ang. Serh leh sang, puithuna hmanga kaihhruai niin, hnam huaisen leh tlâwmngaih, hnam nun nghet leh sakhaw mi kan nihna chu a takin a pârchhuak ang a, khawvêl entawn leh zir tling kan ni tawh ang. Tichuan..
‘Mizoram tan ka lo piang a,
Mizoram tan ka nung ang a,
Mizoram tan ka thi ang,’
tiin hlapui kan rem tawh ang…!!
Similar Posts:
- Zo Sakhaw Zepui (chhunzawmna)
- ZO SAKHAW ZEPUI
- MIZO LEH SAKHUA
- Kristian sakhua leh Mizo hnam sakhua danglamna
- Ram leh, hnam leh sakhua
June 15th, 2011 at 9:34 pm
Report this comment
June 15th, 2011 at 9:36 pm
Welcome! Kan ngai tawh lutuk che.
Report this comment
June 15th, 2011 at 9:37 pm
AWle….comments ngaihnawm leh dawn mange..hepa hi lo kap vak vak tawh suh u…post tur kan vai tlat,tunlai chu..
Report this comment
June 15th, 2011 at 9:41 pm
Ka net a muang hni hne lutuka, nakinah ka la chhiar ang…
Report this comment
June 15th, 2011 at 9:43 pm
eng lehkhabu nge kha aw…?? hmaan a kawmen a ropui awm deuhva tu sawi emawni kha.. ‘Hnam Bu’ emni khah?? kha lehkhabu kha post tupa te thuvawn bu hi a ni em le
Report this comment
June 15th, 2011 at 10:03 pm
Report this comment
June 15th, 2011 at 10:06 pm
Zam reng reng suh…rawn post melh melh rawh, an ngaih hlawm em che khi…!
Report this comment
June 15th, 2011 at 10:06 pm
A bengvarthlak e…….
Report this comment
June 15th, 2011 at 10:16 pm
Hnam Sakhua-a hian Mizo concept of super natural being-ah hian Khuanu a ngai tlat hi a fuh lo deuh chuan ka hria, ‘pathian’ tih a ni. ‘chunga pathianin ka zel tluang lo chhang ang che’ tihte a nih kha.
Mizo sakhua kha chuti taka thuk a ni lo khawp a, ‘hlauhna’-in a ngul zem chiat a ni ber a, Kristian Sakhua lo lut lo phei se chu Manipur ho ang chiah khian Hindu puithiam an lo lut ang a, kan Primal religion kha Hindu in ni e an rawn ti ang-indegenisation hmangin min lem zo ve vek a rinawm.
Ram leh hnam hmangaihna_(patriotism), leh hnam voh bikna rilru(nationalism) hi sakhua(religion) nena kaihkawp a fu kher lo. Kan sakhua(Kristianna) leh kan culture hi kan inkawp fuhtir lo mah mah tih ni se thu hran daih a ni.
Report this comment
June 15th, 2011 at 10:21 pm
I piangthar tan dawn e.
Report this comment
June 15th, 2011 at 10:23 pm
Hnam Sakhua. Va reh rei ve, a ngaite bawkin hei te hi aw
Report this comment
June 15th, 2011 at 10:27 pm
Chhiar ve phot ila….,,
Report this comment
June 15th, 2011 at 10:30 pm
Hnam sakhuaa,, i hming hi i inhmeh a nih mai chu a..
Report this comment
June 15th, 2011 at 10:30 pm
awi!! lalmate hnamsakhua reh zia hi, i ngaihawm tawp!!
Report this comment
June 15th, 2011 at 10:31 pm
Hnam Sakhua hian an thurin bu (an bible) tur a buat saih mek a, keini ho hian kan lo Edit sak thin te pawh a ang e. Tihian han ti han ti zel la, mithiam rual awmkhawm hian an lo edit sak zel ang che ang a, kum 2/3 hnuah chuan Thurin bu pawm naawm tak i puitlin ruau mai thei a nia. Wel Come back.
Report this comment
June 15th, 2011 at 10:46 pm
Khaile khuate u lo ral lu lam a hun e. Hnam Sakhua-a te khua hi va run ang aw.Kristianna theihnghilh thakin in che teh ang, a rawn ti ngun ta bawk a.Khaile pasaltha te u, in ring ru, ral lu lam turin. Hnam Sakhua luvun hi hikin mualah i lam pui ang aw..In run ila, a rem rem ral ah ngaiin rawlralin in chimih leh thak thak ila ni mai lawm, Pu hnam sakhua-a duhthusam ang hian.Thangchhuah khawp in in kap leh in in do leh ang u aw
Report this comment
June 15th, 2011 at 10:51 pm
@chemtatrawta,
Trawta, lo in ring rawh u, inkhua ka rawn run dawn e,ral hma a zam ngai lo kan ni a lawm, khawnge chemsen leh lailung nen,pawisawi lo nunau chenin thisen in chhuah sak leh zuai zuai mai ang aw. kan hnam sakhua in pialral min kai tir dawn tho a lawm.. akekekekekekekeke
Report this comment
June 15th, 2011 at 11:04 pm
Hnam Sakhua hi kan lo ngai tawh hlawm che anih hi maw….. hahhahahaha
Chhiar phawt ang.
Report this comment
June 15th, 2011 at 11:05 pm
A thupui ka hmu a, ka nui put put mai.. chhiar hma a kawmen pawh ka inthlahrunglo zo vek! A sek leh pek ang chu aw!
Report this comment
June 15th, 2011 at 11:11 pm
Ku saitawk, inkhua pawh kan rawn run dawn. Lo in ring ru.Ral that te chu pawla`n min sai ve dawn hleinem.Hahahaha
Report this comment
June 15th, 2011 at 11:26 pm
hahahaaaaa…..hnam sakhua chu kan ngai hlom liam2 mang e oo,i ron post loh deuh leh post dang kawmen na ah kan soi tel hram xel che a,ron reggular deuh teh,i reh thei riau..
Report this comment
June 15th, 2011 at 11:27 pm
HS- i post hnuhnung ber ah ka sawi tawh, sakhuana(Spirituality) hi i tuina ber pawh a ni lo, social sciences lam a ni i ngaihtuahna kai hruaitu ber zawk chu niin ka hria.
Mizo khawtlang nun i thlir vang vang a, kan kristianna kan nunpui loh zia i hmuthiam a, a chhan i zawng a, kristian sakhua hi i hling ta ringawt a, a tak ram pawh i hmuh phak tawh loh, i pu pawh in a hmuhphak thathum tawh loh, Mizo sakhua chu i zuk bel bul ta ringawt mai a, lunglenna zawng ta na na na chuan i lunglenna tawk chu i zuk haichhuak ta mai a(a pangkhing lehlam erawh i zirching duh derlo thung).
I duhthusam khawtlang nun hi chu sakhuana tel miahlo pawh in Japanese, Korean leh Europe ram ten an chen mek asin. Ni in i hre miau mai si a, kal zel mai teh.
Report this comment
June 15th, 2011 at 11:29 pm
Kei zawng Mizoram tana thih ai chuan Lal Isua tana thih ka thlang zawk fê e.
Report this comment
June 15th, 2011 at 11:31 pm
lol @zoho post tupa chu in va ko duat sawt ve a
Report this comment
June 15th, 2011 at 11:47 pm
@24—– Ku Aduh,…i hmu maksak thei e… like
Report this comment
June 16th, 2011 at 12:23 am
Lal Mate Hnam Sakhua..dangdai hrim hrim chak i ang roh…
I sawi peih ve sia…Lolzzzz
Report this comment
June 16th, 2011 at 12:24 am
He pa hi mi in sawi ve ziah chu??
Report this comment
June 16th, 2011 at 12:29 am
@24 Aduh, :ka nui let tawp tawp: (ROTFL an ti emaw ni). HS-i ka ti hleinem, HS- you ka ti zawk alawm. hahaha…kei ni chu kan inko duat thei a nia, Bawngtlaia pawh Bawnga, D_aua pawh ‘D’ kan ti hnap mai dawn? lol
Report this comment
June 16th, 2011 at 12:32 am
Taka, Pi Aduh, saw lam a nui let awp tawp chi saw kan va it ve ve, lo dah teh u a, ka va lawm dawn tak em. (:nui let tawp tawp:) A thiam in awm chuan min lo hrilh, comment tih DUM dan nen.
(hei ringawt chu a ho e)
I rintlak,
HOZO
Report this comment
June 16th, 2011 at 12:35 am
hnam sakhua zam hlek suh …tang zel rawh. Post mawlh mawlh teh.
Report this comment
June 16th, 2011 at 12:40 am
Kei chu Hnam Sakhua hi a pawng atakin ka hnial ve ngai loa ka deu ve ngai lo bawk. A paws hi uluk takin ka chhiar a, eng emaw thu tha leh ril, dawn tisei thei tak2 te hi ka lo chhinchhiah keuh2 bik mawle… Hehe… :inlafel:
Report this comment
June 16th, 2011 at 1:04 am
Keipawh HS-a hi ka deu ve ngailo, a diklohna ni a ka hriat ah erawh chuan ka khak hreh reng reng lo, a thatna duh vang zawk ah ka inngai bawk. Mi thenkhat in Kristianna tan luat avanga point nei miahlo a an deu hian ka lo ip thin, mahse social forum hi chu zau halh loh chuan mahni kan inhrem mai mai. HS-a hi a tuang a chhah a, a ngaihtuahawm lo ang, heti lam ah hi chuan, a future zawk erawh a ngaihtuahawm thung (hei in deu lam nilovin, ka hmuhdan diktak,tui pawlh loh)
Report this comment
June 16th, 2011 at 6:12 am
Tunlai chu ka net a muang tek tuk lutuk a, nghah fe a ngai zel a, A chhut lamah tan ka han la leh deuh a lawm maw le, lo lungngai suh u, a seia sei mangkheng a lo chhuak dawn e. Rev. Chuauthuama chuan,’Pathian hian hnam hrang hrang hi inang loin min siam a ni tih pawm mai ila,’ a ti a, Evi leh Adama thlah ni vekah chuan a ngai bik lo a ni ang.
Report this comment
June 16th, 2011 at 7:57 am
Mizo thil a sawi mai mai hi ka ngaimawh dan a nep a. ka rin Isua a sawi nep ngam a; ka deu ngam. inhnial a cho a nih chuan kan inhnial bawk mai turah ka ngai. Ngam lo nge rawn lang duh thlawt bawk si lo; hriat loh vanga Isua hnawl leh hre renga sawisel hi ka ngaihdan an dang daih. Pawm zet tawh hnawl a nih ngei ka ring bawk.
Report this comment
June 16th, 2011 at 8:06 am
Engtik lai mah hian kristian ka la ni ngai lo a, Isua pawh hi ka la zui ngai lo. Amaherawhchu, a sual e ka tihna erawh a ni loo e.
Report this comment
June 16th, 2011 at 8:34 am
Hnamtin hian kan chunga roreltu, min dintu leh min enkawltu hia an awm kan ring vek a. Chu kan rin supreme being chu mizote khan ‘pathian ‘ an ti mai thin a. Chu Pathian chu kan hre ngai lo; awmin kan ring si. Chu chu Tuna Kristian-te Pathian hi a ni a lawm. Amah avangin kan nung kan che kan awm a ni zawk.
Report this comment
June 16th, 2011 at 8:47 am
Hnam sakhua helam i postah lo kal rawh. i sawi lut duh zel teh ang. i Mizo theology pawh ka hre chiang ve chak reng reng.
Report this comment
June 16th, 2011 at 8:51 am
Lal HS, i ngaihdan hi engemaw chen chu ka hrethiamin ka hria, chuvangin ka khawngaih tak zet che a, i tan ka tawngtai fo ang.
Report this comment
June 16th, 2011 at 10:51 am
@33 HS, in unau khan Pathianin in ang vekin a siam bik che u a mi? In hmel, rilru, pianzia, vunrawng, sam, khawilai emaw berah indanglam vek ang. Chuvangin i Pa thlah i ni veklo tihna a ni chuang lo.
Hnamdang Mizotawng thiam ve tak i nih duh hmel. Hindu, nge i nih Muslim.
Report this comment
June 16th, 2011 at 11:11 am
HS hi, atir kha chuan kawng dika hruai kir leh theih rinna ka nei a, thahnem pawh ka ngai em em thin. Tunah erawh chuan, ka ngaihdan a dang ta; Lal Isua Krista lokal leh dawn hnaih a mithen khat awm dan tur Bible in a sawi ti thleng dik tu a ni dawn tlatin ka hria.”Mi fel lo chu, tih fel lohin awm reng sela, mi bawlh hlawh chu tihbawlh hlawhin awm reng rawh se” (Thupuan 22:11). Amaherawhchu, Kristianna leh Kan Lalpa Isua Krista asawt erawh chuan, Thir linga deh ang zar ka ni thin. Chutiang chu tun tum post-ah hi chuan a awm lo hlauh.
Report this comment
June 16th, 2011 at 12:26 pm
I ‘fan’ la ni mai thei
Bawngtlaia
Report this comment
June 16th, 2011 at 1:01 pm
HS-a hi a post hi a hit thei rem2 sia,amah lah hi a biru daih xel a…mahse angai te bok in hei hi oo
Report this comment
June 16th, 2011 at 3:38 pm
@Hnam Sakhua. A tawp a tawp-ah chuan mizo zing-ah sensible leh thluak hman ngaihna hria pakhat ka hmu ta che, a va lomom em!! Enge i zir a, i tih ka hre lova, mahse Anthropology lampang zir atan ka va han awt che em, US leh European Universities-ah khuan scholarship an pe nasa lehnghal a..i thil ngaihtuahdan hi i soi chhuak kim thei lova,mahse i kaltumna ka hriat thiampui khop mai che..i email id han nei thei ila aw!!
Report this comment
June 16th, 2011 at 3:39 pm
just4da record..
Report this comment
June 16th, 2011 at 3:47 pm
Hnam sakhua hi patriotic ve tak niin ka hre ve thuai
Report this comment
June 16th, 2011 at 5:26 pm
Satanic alawm a nih a.
Report this comment
June 16th, 2011 at 7:42 pm
@Zoho32,
Report this comment