‘Lucifer’ tih hi Bible-ah vawikhat chauh a lang nain kan buaipui hle a ni awm e. NIV ( Nearly Inspirational Version ??) – ah phei chuan i zawng hmu zo kher lovang. Isaia 14:12 ah khan kan hmu a, “Aw ‘Varparh’, zing lam fapa engtizia nge van ata i tlak tak chu le…..” tiha a ‘varparh’ lai kha a ‘Lucifer’ lai chu a ni.
He lai thu hi Babulon lal tlawm tur thu sawina anih rualin Setana sawinaah ngaih a ni a, Ezek 28 chhova Tura lal sunna hla ‘Pathian huan Eden-ah i cheng, vengtu cherub hriak thih i ni…..” tih velte pawh Setana nihnaah hmehbel a ni bawk. “Tichuan, ‘Lucifera’ tia kan hriat tak Setana (Setana tiin sawi zel mai ang) chu a mawina avanga lo chapovin Pathian tluk a tum ta a, van indona a lo awm a, leiah hian paihthlakin a awm ta’ tiin kan in zirtir thin a ni.
‘Varparh’ tih hi Setana sawina anih si chuan Isuan, “ Davida bulpui leh a thlah, arsi eng tak, Varparh chu ka ni,” (Thup 22:16)-ah a lo ti bawk si nen, Varparh (Lucifer) chu tunge ni ta ang le ? Isua nge Setana tih hi zawhna a awm ta a ni. An intawm tih ngawt chi chu a ni si lovang.
Pathian thu thiam leh kohhran puipa hmasate’n an lo khel fe tawh tih hre chungin thu mum fel deuh kan neih theih nan ngaihtuahna i han seng ve ang u hmiang. Lucifer (varparh) tih hi tawng hrang hranga dah kual anih dan tlangpui chu :
- Hebrai : Halal / Heylal / Helil / Heeyleel
- Latin : Lucifer ( Planet Venus ) / Luciferos
- Greek : Foosforos / Phosphoros / asteer / astera
- English : Morning star / Day star / Shining One
- Mizo : Chawngmawii / Varparh / Arsi
A awmzia chu ‘ Eng tak / Enna petu / Ti engtu’ tihna a ni. Mizo rilruah leh khawvel kristian tam takte ngaihtuahnaah chuan Lucifera tih chu Setana sawina bulpuiah kan dah hmiah a, Diabola / Setana han tihte ai chuan a ril hmelin a sual hmel phian bawk a! Chuvangin Bible-a Lucifer tih a lanna awmchhun hi kan phak tawka chhui chian deuh chu a sual lovang.
Kan hriat chian hle tur chu ‘Lucifer’ tih lo lang hi hming (proper noun) a ni lo tih hi a ni phawt a. Tertullian leh Gregory te chuan a chunga kan tarlan tak Isaia 14:12 thu hi Babulon lal sawina anih rualin a phena thuril awm chu Setana Pathianin a paih thlakna thu niin an pawm nghet tlat a. ‘Setana dinhmun chu sang tak, mawinaa famkim, lunghlu tinreng inbel anih avangin a tunhma dinhmun (original state)ah chuan van angel rual, arsite zinga eng ber, zing lam fapa, varparh a ni e, chuvangin Setana hming pakhat (hming hmasa) chu Lucifera a ni’ an ti.
Dr. Henderson-a te ve thung chuan ‘Babulon lal tlawmna thu a ni a, a thuken (plain text) ang hian pawm tur a ni. Entirna dang neih tir tum tur a ni lo, Pathian thu chang dang nen a inmil thei lova, Canaanite Myth angin Babulon lal tlawm tur hi lal ropui tak lo chuai ta anih avangin Venus/ Lucifer/ morning star nen tehkhinin he thu hi Isaia hian a sawi mai a ni’ tiin mei kawhin an tang thung a, Lucifer tih hming ropui tak chu Hmelmapa hming atan an phal thei lo a ni.
Adam Clarke phei chuan ‘Heeyleel’ (Lucifer tia dah) hi Yaalal, Yell, howl, shriek tih atanga lo kal a ni a, “O’ Lucifer, son of the morning” ti lovin “ Howl, son of the morning” tia lehlin tur a ni,’ a ti mauh mai.
Khua a var dawn hian arsi eng tak a lang thin a. ‘Jakoba atangin Arsi a lo chhuak ang a’ (Num 24:17) Chu Arsi chuan khawvel thimah enna a rawn thlen a, eng tak mitin ti engtu tur a ni. “Tin, hrilhlawkna thu nghet leh zual kan nei a ni, khua a lo var a, Varparh arsi (foosforos / Day Star) chu in thinlunga a lo chhuah hma loh zawng chu chu thima khawnvar an ngaihsak anga in ngaihsak chuan in titha ang.” (2 Pet 1:19).
Setana ngaihsaktu chuan an tifuh a rinawm lova, Isua ngaihsaktute erawh chuan an tifuhin an titha ngei tur a ni.. “Kei Isua hian kohhran ho pawlte tan heng thu hi in hnena hriattir turin, ka vantirhkoh ka rawn tir a ni, Davida bulpui, arsi eng tak, Varparh (astera / Morning Star) chu ka ni” ( Thup 22.16). Fiah kek kawk tur chuan ziah chipchiar deuh fe a ngai dawn si a, tawi fel fai deuh kan duh hlawm thin si:
Tichuan, ka unau, Lucifer tih chu ____tu title (proper noun ni lovin) nge ni ta ang le________??
Similar Posts:
- “Leilung pian hmaa talh tawh Beramno” tih hi enge a awmzia??
- Zodiac sign thar!
- Pathian hian mihringte hi a hmangaih tak tak em? PART-I
- MISUAL Physicist & Astronomer chhan(Answer) atan…
- Christmas hlathu diklo ka tih thenkhat
June 21st, 2011 at 8:32 pm
1st-ah Misual !
* sorry nick/comment test 🙂
June 21st, 2011 at 8:35 pm
Chair ang…
June 21st, 2011 at 8:35 pm
Chiar ang…
June 21st, 2011 at 8:36 pm
Zeph chu ti lunglen thlak ve, i vawikhat 1st ve na a ni lo maw? OT tiah tiah
June 21st, 2011 at 8:42 pm
Ka va hre mai lo e..Zoho’an a han sawi takah chuan! Dumde an enna chhan enzyme hi luciferase an tiin ka hria.
Eng, enna etc,. lam hi chu Pathian lam sawina ani mai thei ani. Zirve ta chiam ila, Dr. Hendersona lamah khian ka tang mai awm e a.
June 21st, 2011 at 8:44 pm
Lucifer, Zing nichhuah ruala Planet venus lo lang eng sat sat hi Lucifer 😉
June 21st, 2011 at 9:07 pm
Zeph… hmana Zephenath kha ila ni em? 😀
chhiar ve tan ang
June 21st, 2011 at 9:14 pm
@lrp, min hai tlat 😀
June 21st, 2011 at 9:23 pm
zoho, lrp chuan lucifer emaw a ti che em ni? hairehai 😛
lrp Azl nuam ti lutk hi a thau vak ang tih a hlauhawm 🙂
June 21st, 2011 at 9:26 pm
Camping/crusade na vela sual thu han sawi/ngaihthlak hian sualpa han sawia Setana/Diabola tih ai chuan LUCIFERA han tih deuh ngei hian sualna hi a sual hmel bik kan ti em? 😛
Hming mawi tak a nih teh lul nen Setana kan pe daih mai hi chu Jerome leh Origen te ho kha ‘pakaak’ mai tur em ni dawn!!
He hming mawi tak hi hming mawi ber Isua nen hian a inrem lohna sawi tur ka hre lo e kei chuan (tradition hi sira hnawl theih chu nise) 🙂
June 21st, 2011 at 9:27 pm
Kan Theologian ho hi, hetiang chi leh Denomination hrang hrang inhnial theihna ang chi. (etn. Baptisma, Trinitry, Lungpui, Sabbath, adt.) hi rawn vawrh chhuak fo teh suh u. Kan zingah Kristian nilo an awm nual tih kan hre theuh a, a exclusive bakah an rawn deu sawhin kan rilru ana leh si ang e. Mizote zingah chuan Lucifer tih hming hi ‘Phakar’ tìh ang deuh a, thil tha lo lam kawk ani tawh a, “Isua hi Lucifer ani e” ti reng reng suh u. Hming dang kohna tur a ngah em mai.
June 21st, 2011 at 9:30 pm
Ka ti ngam teuh lo kei chu.. zoho hian a ngam maithei (@)
Mizo te’n Lalengmawia tia hming kan phuah hi Lucifera nen hian inhmeh ka ti riau..
June 21st, 2011 at 9:34 pm
van ho hem2 ve,hming dang hi ti vak2 lo ila,kan buai tlem don nih hi..Setana chu setana, Isua chu Isua ti top2 ila,hmun dang a hming/tittle lo lang nen tehkual vel duah zel lo ila kan tan a tha xok ang,kan rinna hi a dawrawm fo thin si a…..
@zoho, i ron post leh tur xok kha kan lo chang khiau a nia o,inlarna kha ka oih tehchiam lo a,han post thut toh teh 😛
June 21st, 2011 at 9:38 pm
Khawnge a postupa zovel re re pawh hi, thu ho deuh a post a, bo daih sheee .. :-[
June 21st, 2011 at 9:40 pm
@PK, i ngaihdan hi ka hriatthiampui lutuk che, kan theologiante hian a zir a zir ral ah chuan kan doctrine dikloh nasat zia hi an hailo,mahse hlauh an nei a, rin thilthu in for the sake of the church’ inity and the people, an ngawi mai mai zawk. A tha emaw an ti a, laymen ho hi an fing tawh lutuk. Lal Isua ang khan NI chu NI, NILO chu NILO tih hun ah kan lut tan mek tawh zawk a ni e.
Roman Catholic leh Khawthlang Kohhran hruaitute tihsual hi inzir nan hmang ila(why they leave the church) inthuah fai leh insufai tur ang ang chu inthuah fai leh insukfai hi kan mamawh tan ta pawh a nih chhoh hmel e. I hriatthiam ka ring.
Doubt movie kha i en tawh em? “Its better to lie a little than to tell the truth for the sake of the church” an tih kha. Kha kha a dikthei tawhlo a ni.
June 21st, 2011 at 9:41 pm
#6 @HV soi khi an refer dan tlangpui chu ni in ka hria hre sual maithei bawk. Mahse rig veda ah chuan thil pianchhuah na bulpui Aditya/aditi (Pathiante/deities) ni ta in ka hria. Sakhaw dang soisel na te poh a ni thei awm e kan rindan atang chuan.
June 21st, 2011 at 9:47 pm
What is your name? hi sawifiah ang u … hebrew… latin etc.. ten la kawp kual duah ila… UIRE tihna te ani mial lo maw… MI(SUAL) HO HI SCHOLAR KAN NI KHER LO… Bible sawifiah/hrilhfiah thiam hi van kai na ni se.. Bible sikul ah kan kal sup sup mai tur… Rin dik vang leh hriatfiah avang nilovin MAWLTE A RINNA avangin VAN ah kan in hmu ang…. hetiang topic rawn thawh ho hi chu Salvation/Khawngaihna ah an chiang tawk lo an ni tih in hre rawh se
June 21st, 2011 at 9:47 pm
zep miahlo ah chuan RILRU SEN NAN A HO ka ti
June 21st, 2011 at 9:48 pm
Elija chawmtu kha Choak ani lo, mi dum zawk a lawm kan ti, “Our Mother” kan ti, “Kum sang rorel pawh sawi bo lek lek mai. Mosia te unau thil mak tih te, Isua thil mak tih te, a mak loh dan chhui vak vak mai te. adt.. Kohhran Mipui thlarau nun chawm nana tangkai lo, Theological college a Debate neihna chi a awm a, Pathian chan chintha tluang tlam, mipui nawlpui zirtir chi a awm ngai e. In awih loh leh chanchin buah han vawrh darh chiah ula. In lar khawp ang.
June 21st, 2011 at 9:48 pm
Donald @ 12, i va phakar ve a, nangmah kha hrereng si a tlanchhe zuk i nih mai chu a. 😀 post tupa nen min ngaihpawlh lehnghal. Lawrkhawm virus ka kai emaw te i lo ti a nge. 😉
@ true mizo, ka la rawn post hmanlo, ziah pawh ka la ziak hman biklo.
Ka chhuak leh hrih dawn.
June 21st, 2011 at 9:50 pm
@zovel… mahni post pawh vil ngam lo tur chuan eng subject mah lo post ve tawh suh..
June 21st, 2011 at 10:07 pm
@zoho, act fast thei bok a han super fast teh 😀
@21 : dik chiah,khonge @zovel hi a om, a post hi vil roh se…Hnam Sakhua ang chauh mai.hahahaaaa
June 21st, 2011 at 10:09 pm
‘Lucifer’ tih hi Bible-ah vawikhat chauh a lang nain kan buaipui hle a ni awm e……. Isaia 14:12 ah khan kan hmu a, “Aw ‘Varparh’, zing lam fapa engtizia nge van ata i tlak tak chu le…..” tiha a ‘varparh’ lai kha a ‘Lucifer’ lai chu a ni.
He lai thu hi Babulon lal tlawm tur thu sawina anih rualin Setana sawinaah ngaih a ni a, Ezek 28 chhova Tura lal sunna hla ‘Pathian huan Eden-ah i cheng, vengtu cherub hriak thih i ni…..” tih velte pawh Setana nihnaah hmehbel a ni bawk. “Tichuan, ‘Lucifera’ tia kan hriat tak Setana (Setana tiin sawi zel mai ang) chu a mawina avanga lo chapovin Pathian tluk a tum ta a, van indona a lo awm a, leiah hian paihthlakin a awm ta’ tiin kan in zirtir thin a ni.
Helai tak hi ka van hrethiam lo ve. Hmehbel/ ngaih tih vel hi ka duhtawk lo khawp mai. Hman a ni, a ni lo i ti chat chat thei lawm ni POST TU.
June 21st, 2011 at 10:11 pm
Sandman hi lucifera chu lo ni trut maise, zia awm lo 😀
June 21st, 2011 at 10:14 pm
Tunlai cu Lucifera kan rui tlang a ni e….:D
June 21st, 2011 at 10:17 pm
hawh u,ruih don rau2 chuan zu ka rui lam post ah hian in son chi mai zok lo mo,post tupa hian vil bok si lo.he2….
June 21st, 2011 at 10:19 pm
Pathian thu pawh hi awmzia leh kawh tir neih ngah kan tum lutuk thin hi ania Zoram Kristiante kan buaina chu. Bible hian enge min zirtir a tum tih lam ai chuan a cahng mal te te lachhuak a in sawifiah siak a kawh hrang hrang neih tir kan tum thin. Hei hi chu sim a hun tawh khawp mai.
June 21st, 2011 at 10:25 pm
Sorry..Zoho..
Zovel tih kha chu ka hmu reng a, mahse engemaw vangin nangmah tho anih ka ring ngawt pek a lawm le..
June 21st, 2011 at 10:37 pm
Bible hi a context atanga hrilhfiah a tarlang chiang viau alawm. Hmun dangah chuan Varparh/eng lam pang chu Isua title ah hman pawh lo ni se la, he lai thu a Lucifera hi chu Isua sawina ah ka ngai thei love. Mi dum theologian ho pawhin God is Black an tih ve tho kha.
Ti ve leh tawp mai teh ang 🙂
June 21st, 2011 at 10:42 pm
Zovel leh zoho tih pawh hi a inhnaih em a nih hi.
June 21st, 2011 at 10:49 pm
Theology lama inhnial theihna leh Biblical incredibility hawi zawnga mi dangte cho chhuah hi kan theologian-tena kan spiritual an develope tum dan a nih chuan kei chu mawl ka thlang e. chutiang chu post duh ila enge maw chen daih chu ka kawlin ka hria.
Pathian thu kan hriat hi kan spirituality hian a dominate turah ka ngai a. Kan phak tawk theuha Pathian ropuina hmu theuh kha mi dangte phak loh barh a hlauhawm khawp mai.
Subject reng reng hian scope a nei a; syllabus a nei bawk. tin, prospectus a awm. First aid bu leh medical lam ziahna ka chhiar vak vak avang hian MBBS chetin che ta mai ila a dik ngai lovang. zirna A AW B hian rilru put dan thlengin min duansak a; chutiang nei lem lo theology kan hel barh vak thin hi a pawi thei ka ti.
He post ka sawi chhan em em chuang lo; kan sawi tumna rilru chu Pathianin a hria. Commentator-te pawn ‘a ni ang’ an tih ve fo avang hian Kohhran rin dan tawk zela kal hi a him.
June 21st, 2011 at 11:20 pm
Zoho @ 15, theologian i tih zingah khian pastor ni mek te pawh an tel i tihna a nih chuan, i ring sual awm mang e. Doctrine ring lo chu an chhuak deuh mai zel chu a nih zawk hi a
June 21st, 2011 at 11:34 pm
Mihring in a pre-judge mind kan neih nasat zia hi comment thenkhat atang hian a chiang khawp mai. Chutih laiin thenkhat in a in venthawn hi keipawn ka tawmpui khawp mai che u, post duh leh sawi duh, a ngaithlatu te leh a chhiartute a zir a sawiloh leh ngawih tur pawh hi a awm khawp mai. Hman ah Piantharna chungchang(misual ah pawh dim deuh a ka rawn post tawh kha)ka sawi a, Kohhran upa pakhat missionary pension tawh in khur dawt dawt in ka hmai ah min kawk a, “Taite, i pian hma daih in ka piangthar tawh e aw…” min ti mai chu ka hawi heu heu mai mawle. 😀 Cancer pawh hi zai lova tha zawk tawh tur a awm an tia lawm.
Mah reng reng se……….. 😛
June 21st, 2011 at 11:40 pm
#31 hi a dik khawp mai. Tui lutuk leh thahnemngaih lutuk na lamah hian midangte sawtna tur ni silo leh an phak loh barh a hlauhawm khawp mai. Thudik ni reng si pawh hi kan zawh tlan tawk tur anga kan puanzar hi a tul tlat a ni.
Hei hi Pathian pawhin mihring hmasa ber te atang khan tun thleng pawha a inpuan dan a ni tlat a ni. Lal Isua ngei pawh khan a zirtirte hnenah ‘tunah chuan in la dawl hrih lovang’ a ti a nih kha. Amaherawhchu hetih rual hian subject controversial deuhte pawh hi sawi miah loh tawp tur tihnaah erawh chuan ka ngai lem lo. A sawi tur chi, a sawina hun leh hmun, sawi tur chin leh a dawngsawng tu tur azirtea, tawngtaina nena judgement fel tak neih thiam a tulin ka hria. Tradition ang ringawta a him zawk ang tih rinthu avanga thudik zawk hup beh tlat erawh chu a dik bik chuangin ka hre lo. Hup beh pawh tum ila Pathian zawk hian a puanchhuah dan kawng a nei tho tho dawn.
Hei hi chu Church History atang hian a chiang em mai. Roman kohhranin Bible mipui nawlpui te chhiar a that loh zawk ringin hun engemaw chen a hup beh kha, Pathianin a rawn phelh tho. Hriatna hi a la pung chho zel dawna, Pathian thu hi a nihna anga kan sawi ngam loh chuan a sawi ngam an rawn chhuak tho tho dawn. Tunah pawh hian a ni chho mek tawh reng zawk a ni.
Pathian rawn miah loa a thu duh ang ang, hriat ang ang duh dan dana sawi leh Amah rawn chuang lova, a thu hup beh hi a danglam vak kherin ka ring lo. Finna dila Amah hnaih tlat hi a pawimawh ber mai. Kan thinlung leh motive hi min tehna ber tur a nih avangin chhia leh tha hriatna thiang tak nena a rawngbawl hi a tul a ni.
June 21st, 2011 at 11:43 pm
Benny- ka ring hleinem, ka hriat ka sawi zawk alawm. Theologian, Adam a awm tak tak ringlo nen pawh kan inhnial hrep tawh mawle.. (H) Tunah bial neiin Pastor puitling in a awm mek. Eden bawhchhiatna kha ring heklo, Isua lokal chhan leh a thih chhan ka zawt a, min chhang thiam lo. Ka lo generalised a nih chuan ka thiamloh a ni e, fel tak tak pawh an awm teuh, ka sawi bik hi a fello ka tihna pawh a ni leh chuanglo,ka thiantha deuh a ni lehnghal. Rindan a inang diak diak lo a, a inchen lemlo bawk a ni ber e.
June 21st, 2011 at 11:48 pm
Theology tangkai lo.
June 21st, 2011 at 11:51 pm
#35 zoho a va mak ve; i ti fiam si lo maw? I thianpa chuan Thlarau lam fa a hrin nual dawn loh chu.
June 21st, 2011 at 11:53 pm
zoho, i sawi khi tak tak a nih chuan ava rapthlak ve le !! Engtin nge khitiang pastor puitling a nih theih awww ??(Pres. pastor ni turah kan ngai ngawt a)
June 21st, 2011 at 11:59 pm
Khawi veng KTP Group ah nge kha aw Lucifer-a Group awm an tih awm kha…,, 😀
June 22nd, 2011 at 12:04 am
ekhai ooo.. 😀
June 22nd, 2011 at 12:25 am
Zoho @ 35, i beisei leh i hmuh dan leh i rin dan milin a chhang lo che a ni zawk lo maw?
Eden huan bawhchhiatna chungchang khi, hmana i rawn post ang( rulin evi a pawl…) thuar tham kha a ring lo a nih chuan, a dik ka tihpui khawp ang rin chi ni hek lo chuan
June 22nd, 2011 at 12:40 am
satana hming Isua pek tum tlat hi ka helh khawp mai.. ;-(
June 22nd, 2011 at 12:41 am
satana hming Isua pek tlat tum hi ka helh khawp mai.. ;-(
June 22nd, 2011 at 12:41 am
satana hming Isua pek tum tlat hi ka helh khawp mai.. ;-(
June 22nd, 2011 at 12:43 am
lolzzzz @Benny #41
June 22nd, 2011 at 1:02 am
41@Benny – Jude 10 “chung mite chuan thil an hriat(thiam)loh apiang an sawichhe thin.” ultra-logic a herh kual loh tur. 😉
June 22nd, 2011 at 1:09 am
Engpawh ni se, #34 a Donald Duck sawi ang khian,
Pathian mihringte hnena a inpuanna hi, a dawngsawngtute phak tawk ang zel tura in puang ani.
Mosia hun lai chuan, a ni khat ni in…… a ni hnih ni in… a siam a….. tih mai kha a tawk. Tun hunah darkar 24 chhung kha ni khat ni zel tura rinna neih kha a fel tawh lo.
June 22nd, 2011 at 1:14 am
‘Varparh’ tih hi Setana sawina anih si chuan Isuan, “ Davida bulpui leh a thlah, arsi eng tak, Varparh chu ka ni,” (Thup 22:16)-ah a lo ti bawk si nen, Varparh (Lucifer) chu tunge ni ta ang le ? Isua nge Setana tih hi zawhna a awm ta a ni. An intawm tih ngawt chi chu a ni si lovang.
Helai a Varparh tih hi Fist para ami nen khian a danglam daih a ni. A thu ziak khi chhiar chiang teh post tu, Lucifer-a hi Davida bulpui anih si chuan, engvangin nge Israel te hi Pathian hnam thlan an nih ang??? Eden bawhchhiatna atanga chhanchhuak turin A paihthlak hnu hi Pathian hian Khawvel ah a rawn tir ang maw????
June 22nd, 2011 at 1:15 am
Zoho i ngaihtuahna hi a tha khawp mai. Thil hi a ngil zawngin thlir thiam deuh deuh la, a la herh zawng leh dangdai deuh hleka i thil thlirna hian a hruaisual palh hlauh che hi ka hlauhpui ve em em che a ni.
June 22nd, 2011 at 1:20 am
Venus(evening/morning star) an tih thin hi varparh arsi kan tih a hi a ni chiah a maw ni le? ka hre thiam map lo. Arsi soi dawn chuan venus chauh lo poh hi a tam mai ah.
Mahse venus an tih a thin erawh hi chu lucifer a nen a teh khin chu a ni thin fo, Vedas/greek ho hun lai a an ngaihdan ah chuan Pathian chi hrang2 an neih te siamtu leh lo chhuah na hi venus hi ni in an ring.
Mahse varparh leh venus a hi a inlaichinna lai awm chiang tak a sawi fiah theih chu ni se hriat a chakom khop mai…….Varparh kan tih a hi venus kher hi a ni em? Lal Isua leh Venus hi chu soi zom na lai awm hi mytholgy ah ka la hre miah lo…..translation fuh loh vang chauh a ni thei a ngem? An Pathian a te kha kan bible atang chuan lucifer a thlahte an ni daih tihna.
June 22nd, 2011 at 1:23 am
Venus(evening/morning star) an tih thin hi varparh arsi kan tih a hi a ni chiah a maw ni le? ka hre thiam map lo. Arsi soi dawn chuan venus chauh lo poh hi a tam mai ah.
Mahse venus an tih a thin erawh hi chu lucifer a nen a teh khin chu a ni thin fo, Vedas/greek ho hun lai a an ngaihdan ah chuan Pathian chi hrang2 an neih te siamtu leh lo chhuah na hi venus hi ni in an ring. An pathian a te kha kan Bible atanga teh chuan lucifera thlahte an ni daih.
Mahse varparh leh venus a hi a inlaichinna lai awm chiang tak a sawi fiah theih chu ni se hriat a chakom khop mai…….Varparh kan tih a hi venus kher hi a ni em? Lal Isua leh Venus hi chu soi zom na lai awm hi mythology ah ka la hre miah lo…..translation fuh loh vang chauh a ni thei a ngem?
June 22nd, 2011 at 7:05 am
Ka thil sawi hi, ‘Missiological approach’ a nia. Missionary leh Pastor te tan a pawi mawh em em a ni. Missionary patuai pakhat pawhin thahnem ngai takin Juda Iskriot an, a master Isua tangka 30 a a hralh thu kha a sawi ve a. An ri ta mam mam mai a. A thusawiin a hneh hle amaw a ti a. Engvanga ri mam mam nge an nih a han zawh nak chuan, “Ka pu, Isua ai chuan Juda Iskariota chu a ngaihsan awmin a ropui kan ti hle zawk mai a, mahni pu te pawh a hralh thei a nia” tiin an chhang ta daih mai a ni. Anni hnamah chuan, mi dangte bum thei kha an mi ngaih sante an lo ni a, mahni pute bum mai pawh nilo, hralh thei hial kha chu an lo ngai sang hle mai kha a lo ni awm e. “Tui leh leilung reng an din chhuah hmain, Hriat phak loh Pathian i lo ni: NI leh THLA leh ARSITE(Lucifer telin) zawng khian, I zarah ènna ropui an nei ve. Tih hian Mizoten Pathian kan dah san, ropui leh chung nun zia a hril chiang e.
June 22nd, 2011 at 7:11 am
Sunday School a kan zir thin dan ka la hriat reng chu bible a Lucifer-a chu vantirhkoh. Pathian lakah a hel a van atangin a pawl te nen paih thlak an ni. Vantirhkoh nihna hlih sak a nih hnuah Setana/Diabola tih a lo ni ta. (Abrama chu Abrahama a lo ni ta, Saula thin pawh Paula a lo ni ta tih nen a danglam lem lo a nih chu!)
I bible bung leh chang dah atang pawh khian a chiang thawkhat mai alawm
June 22nd, 2011 at 8:07 am
Babulon sawina an ti deuh tlangpui lo maw? Duh dan a kawhtir chuan thil hi a buar chuar thin!
A ngaihnawm e.
June 22nd, 2011 at 11:21 am
Post ka vil lova, ngaihdam ka dil e. A tui zual leh Post helh zual deuh te’n in rawn keu leh peih tak mialin, kam hnih khat aw….
Ka hawng a, ka nupui a lo la meng a, thingpui min lum a, “Lal Hmeltha nu” ka han ti chiam a. Chuti ang chiah chuan Babulon lal ropuina kha “O’ Lucifer (Venus),son of the morning” tiin an ko (sawi) mai a ni.’A phenah Setana sawina a ni e’ tiho chuan Setana hming pakhatah an ngai zui ta a ni zawk. Chulai debate ngaihnawm chu ka rawn chhawpchhuak ve anih kha (kimlo takin).
Dik tak chuan kei pawh hian ‘Isua kha Lucifer a ni zawk e’ han tih dawt hi chu ka ngam ngang rih lo a ni. Kan rilru, thlarau mai ni lovin thling thleng pawhin Lucifer han tih hian hming (proper noun) ni turah kan dah nghet tawh a, Setana ah kan ruat bur tawh bawk si nen.
Pastor senior pakhat sawi ka hrereng thin. “Kan kohhran hruaitu hmasa te’n a him china ngai a, Pathian thu mipui hriat tawk awm min lo hlui thin kha tun hnuah hian kan tifuh ta lo zawk em aw..” tiin Zoram kristianna in Pathian thutak a kal khum nasatzia a sawinaah a sawichhuak hial a ni. Ka ngaihdan chuan Pathian thu chu a dik anih phawt chuan a him chin a awm thei chuang lova, uar lutuk leh chang lakbing, a phen ami tihte, a entir tih kual velte (entir nei chu a awm tehmeuh va), Pathian min pek hriatna fim hmusita engtin emaw danglam deuhva hriatfiahna hmuh tum hi a hrisel lo ka ti bawk. Thutak hai chhuak turin tan ila ho zawk teh ang u a.
June 22nd, 2011 at 12:22 pm
Hmmm…Mi(sual) ah hian theology zirlai/zir zo tawh an lo tam mai tih hi ka hmu chhuak…1998-99 vel daih tawh khan night bus in Shillong atangin ka haw a,ka hnungah BD nge BTh zirlai chawl hmang tur ni tain ka hria a thu a,a bula thu nen an titi tui khawp mai a,a titi atang chuan a in zir bo thak ni berin ka hria,tirhkoh Paula lehkhathawn mai mai te Pathian Thu ah kan lo ngai thin a,nakinah chuan Billy Grahama thusawi te pawh hi Bible a telh duh pawl te pawh kan la awm ang tih vel a sawi kha ka la hre reng mai
June 22nd, 2011 at 12:35 pm
Zovel, kan mi hmasate khan, Pathian thudik an hriat zirtir ngamloh an neih ka hre lo. Kan tun lai Liberal Theologian hovin, tu tu scholar theory, bible a inziak bak, ‘Mosian tui thisena a chantir kha, lui hnara lei sen a rawn len a niang’, ‘Isuan mi 5000 a hraina kha, chhangper 5 leh sangha 2 mai ani lovang, mitin khan an lo pai ru sa theuh a niang?’ tih vel, thu lawilo leh belhchian dawl lo, kohhran nawlpui zirtir hi a tha ka tìh loh piah lamah ka haw tak zet zet a ni. “Isuan Varparh eng tak ka ni” a tih chuan, ani ani mai a, Setana koh nana kan lo hman kumkhua tawh Lucifera hi Isua alo ni reng a lawm tih thar leh vel hi ala hun rìh love kan ti anìh hi.
June 22nd, 2011 at 1:11 pm
Sawi dawtah chuan keipawh PKfanai sawi ang hian theology, higher critical view anga sawifiah tum hi ka hua. Pathian pawhin a huat ka ring. Mi zahawm leh chhuanawm tak ni mahse Rev Zairema’n Isua’n mipui 5000 a hrai chungchang a hrilhfiah a, ‘an tifin an insem’ ti zawnga a sawi kha chu pai daih hi a har ka ti. Rev Chuauthuama lah hian a idol em em a, a hniakhnung a rawn zui chho ve zel te hi a pawi ka ti takzet a ni. Thu leh hla hi a ngah ve phian bawk si a.
June 22nd, 2011 at 2:39 pm
In thlirna hi ka hrethiam khawp mai. Mahse…(ti talh teh ang)Aids(HIV) awareness campaign kan neih hian thudik kan sawi ngai lem lo. (sex atanga inkai chhawn dan bikah hian)A hlauhawm thei ang bera sawi kha mipui tan a him tih a ni thin. Khawvel thilah chuan a dik pawh a ni mahna, Pathian thu-ah chuan paih then deuh emaw belh deuh emaw a thiang lova, a him lo bawk.
Evangelist pakhat pawhin “Mihring fapa a lo kal a, a eiin a in a, chaw heh mi, uain heh mi ….” tih lai a chhiar khan ‘uain heh mi’ tih lai kha a chhiar kan daih mawle. A hma lama a thu kalpui dan nen a inmil tawh si lova.
Hmanni lawk pawh khan a thlarau vanram kaitir tum Kohhran rawngbawltu pakhat chu Bible keu meuhin Isua tholeh taksa chanchin Luka ziak kha ka chhiar khum pek alawm! “Min en rawh u, thlarau ka ni love…” tih vel kha. Chuvang chuan Zoram Kristiante hi kan ‘rau’(nia kan hriat) lutuk ta deuhva, taksa te pawh kan ngainep tan ta a, chung ho lakah chuan fimkhur a ngai a nia, Lu, Krista chu an vuan tawh lo, Paula’n a ti. Mitthi thawhlehna thu pawh kan sawi ta mang lo,mi azawnga mi khawngaihthlak ber kan ni tep tawh. Ka phak tawkah ka vei a ni, hei hi.
Engpawhnise, han keu let ula, ‘Nunna thing vs a chhia leh a tha hriatna thing’tih ka post ve kha han chhiar chiang leh deuh teh u a, pliz
June 22nd, 2011 at 2:48 pm
Bible-a hming lang ve tingah chuan kan inputtir loh pawl tak a ni.
Kan nau Peter-a kan tih chu kan ko duat khawp a, “Terte” kan ti a, a eih lauh lauh mai.
Johny-a ka hriat Champhai-a mi pawh, an ko duat lutuk a, “Anite (aNYte)” an ti daih. Ka bangbo khawp mai lehnghal!
Cathy pawh, Serkhan-a mi a ni a. A chhungten a leng an ko va, “Kethi…” an ti a. Pitar pakhat chuan, “Pu Ngura reng reng pawh hi, a fanu hming atana KE THI a ti hi mak ka ti,” a ti.
Sawi zel lo mai ang.
June 22nd, 2011 at 3:25 pm
Saula chu a pianthar hnuah Paula a nia. Lucifera chu a bawhchhiat hnuah Setana.
zovel leh zoho danglamna hria kan awm
June 22nd, 2011 at 4:13 pm
zoho hi science background nei tha tak anih hmel a, Zovel hi Literature lam a tui hmel in tihna emaw ni le
June 22nd, 2011 at 4:30 pm
June 22nd, 2011 at 4:36 pm
Ka rin danin mi pakhat account 2 nei anih ka ring deuh.
Chutiang anih loh chuan zoho hian french a thiam nual anga, zovela’n a thiam velo ang.
muahaha