Tunlai Mizorama zu kan buaipui dan en hian engtik niah emaw chuan MLTP Act hi kan hlip nge nge ang tih pawh a rinhlelhawm ta lo e. MLTP Act hlih mai duhtute hian an sawi fo chu “Zu in dan kan inzirtir ang a,” “Sorkarin Excise Force thuam chak se,” “Hnam dangte pawhin zu hi an nei ve a, an buaipui viau lo, kan thei ve” tihte hi a lar pawl tak a niin ka hria. Hlawhtling bik tak ang i maw? Kan khap emaw kan hlip emaw, in dan leh ruih dan inzirtir hi chu a tul.
Survey mumal tak kan la nei lo na a, Mizote zinga zu in ṭhinte zingah hian a tam ber chu ruih tuma in kan ni ngeiin a lang a. A lo berah 70% vel hi chu mimawl kan ni ngei bawkin ka ring. Khawpui chauh ni lo, thingtlang thlengin thlir ila, zu in rui ṭhinte zingah hian kar khat chhunga chanchinbu pawh chhiar miah lo, TV News pawh en miah lo, lungawi em em tho tam tak an awm tih ka chiang a, chu’ngho chu Zu in dan leh ruih dante kan han zirtir dawn chu a ni ang a, eng tak zir chhuak ang i maw?
Hman ata tawh tun thlenga newsmaker langsar tak pakhat chu zu rui hote hi an la ni. Chanchintharah kan hmu fo – “…thah a ni a, a titute hi an rui nia hriat a ni…”, “…motor accident…a chhan hi driver ruih vang niin an sawi…”, “…buaina a chhuak a, zu rui inhnialbuaina atanga intan a ni…”, “…a nupui a sawisa hrep a,…a thi, a sawisatu hi zu a rui niin an sawi…”, etc. etc. Heng zawng zawng hi a bul chu zu a ni. Kan ramah hian pawikhawihna lian tak tak (crime) a thleng ve ta fo va. Henga inhnamhnawihho hi mi harhfim an tlem khawp mai.
Zu rui thiam kan awm lo
Khawvel huapa thlir pawhin zu hi rui thiam tak an vâng khawp mai. Zu in thiam tia sawi tur erawh an awm teuh a, chunghote lah chu rui pha lova in thinte an ni bawk si. Sap, Vai, Mizo, tute pawh hi zu an ruih lai chuan mawl fia fia tak an ni. Zah nachang hre si lo, an zu ruih miin an hre lovang tih hlau niawm tak, tih-awm leh awm loh thliar thiam bawk si lo, hawihhawm lo em em si kan ni (rui polite kan tihte hi chu polite a chhiar tlak a ni lo, tih-ata kan awm vang mai a ni).
Mifing hmingthang Seneca chuan “Zu ruih hi mahni duhthu ngeia mi â nihna a ni” tiin a sawi a. Joseph Penn-a phei chuan “Zu rui chu mihring ena en chi a ni lova, ramsa nen inang chiah an ni” a ti. Thufing pakhat phei chuan “Mihringin a taksaah zu a thun luh chuan finna chu a pawnah a chhuak daih ṭhin” tiin a sawi. Chu thil chu inti fing pui puiten kan han tan em em chu a nia(h)! Hetiang taka mihring ti â thei chu Middle School pawh chhuak mang lote’n kan han in ve a, M.A. zu rui mah an zahpuiawm thin a ni a, khai khai, sawi tlak kan awm tawh lo.
Zu hi mi mawl apiangah a thawk nâ a. Mifing tak chuan a ruih deuh chuan inthiar fihlim a thlang mai a, mi mawl chu a lu a kai tan tihah huai ber emaw a inti a, khawlaiah te a au a, a harhfim laia a tih duh loh a ti tan thin. Hmun falah ni lo, thelh theitu turte awm laia insual châk tlatte hian kan dawihzepzia kan show tih hriat tur.
Zu rui, a ruih lai ngeia mawl miah tawh lo tur te, huai ber emaw inti miah tawh lo turte, zah nachang hre thei tawh tur te, tih-awm leh awm loh thliar thiam tawh tur te, buaina siam tawh ngai lo turtea zirtir hlawhtling theitu nia kan inhre tawh a nih chuan zu khap burna dan chu i hlip ang u hmiang.
Lu hai chungin a ropui theih loh
BP sâng vang emaw, zu vang emaw, vuak chawrh vang emaw, eng vang pawh ni rawh se, luhai chuai chuai a ropui theih loh. Lu kan tihhai zin poh leh kan mawl zing a ni mai. Khawvela mi fing leh mi ropui tia kan sawi thinte hi thlir ila, rui luhai chi an awm a nih chuan an luhai lai chuan eng ruai an ni bik hauh lovang. Kan Mizo miril pakhat, fing tak nia kan hriat, lehkhabu pawh engemawzat ziak tawh pawh kha a ruihlai titi chu “Mi nu, raipuar dulah perh pawp ila, Rs.10,000/- pe nghal ila” tih mai maite a nia! A nep lutuk. Vawikhat pian ve mana mi-nepa insiamna tha ber chu ruihtheih thil avanga lu tihhai hi a niin ka hria. I duh leh zu chu tan zel la, a thlavang pawh hauh zel rawh. Kei leh ka anpuite chuan kan ngainep zual zel ang che.
Dan kengkawhtute in mawng a put
Dan ṭha chu kan nei, a kengkawhtu tha erawh kan nei tel lo. Chuvang chuan mawhpuh tur kan dap a, dan ṭha a awm theih nana ngenna siamtu Kohhran te kan mawh a, YMA te kan ngei a, VDP te kan khing a, dan anga hmalatu turte lahin dan chu an lo bawhchhe ve zel lehnghal a, engtinnge kan dan chu a hlawhtlin reng ang. Hman zana Zonet-a MLTP Act chungchang Kohhran hruaitu ni lo, zu in duh si lote’n an sawihona kha ka lo en ve a, Excise leh Police thenkhatte tan chuan kha Video CD kha hal hluah hluah tham a ni, lo zak tak hlawm maw? Dik taka sawi chuan MLTP Act hlawhtlin lohzia te sawi sawi a, hlih law law mai ngiattute hi chu engemaw changa in ve zeuh zeuh duhho kan ni tlangpuiin a lang a, rui hnepa in thinho hi chuan aw an nei vak pawhin a lang lo.
‘Excise, Police, IR te thuam chak ni se’ te kan ti a, dan siamtu sorkar ber hian hei chen a thuam chak duh thlawt lo a ni si a, dan khauh tha tak a awm tawh loh phei chuan eng vang mahin a thuam that a rinawm loh.
Zu tel lovin i hlim thei
Zu kan in/ruih chhan hi hlim/nuam dawna kan inrin vang a ni ber a, rei lote atan chuan kan hlawhtling maithei. Mahse, chu chuan rilru hah zualna a thlen fo. Chuti a nih chuan mi pangngai chuan engvanginnge zu chu a la ngaihhlut viau ang le?
Ui sa ei dawn apianga zu tel lova ei tum tlat lo te, thih champha pawh nise chaw hlui kil ho dawn chuan ruih tum tlat mai te, sum neih hlek changa zu lei tum tlat mai te kan ramah hian kan la tam lutuk. Rui lo hai lova sa ei te, rilru fim taka sum han hman ham ham maite hi a nawm tehluh nen, zu rui ṭhin ho khan nawmna in zawn dan a fuh lo deuh a ni. Tih-âtin in awm a, a hlu lo zawk hluin in ngai a ni. Zu tel lovin mi tam tak hlim takin an awm mek a, zu vangin mi tam tak lungngaihnaah an tlu lut mek a, i duh leh hlim la, i duh leh lungngai rawh le.
Zu ngawlvei dam leh ta te, hun rei tak chhung lo in ve tawh sim tate tawngkam lar tak chu “Khatih hun lai khan kan lo mawl mang e aw!” tih a ni fo. “Khatih hun lai” an tihah chuan mi tam tak kan la tâng a nih hi. Chutiang mite zalen lehzualna tur kawng hawn phet han tum mai chu(h)! Fing inti, zu khap burna dan hlih duh em emte khan han ngaihtuah chiang teh u.
- M.S.Dawngliana
Similar Posts:
- MLTP Act leh ka suangtuahna..!!
- Combined post: wolfpower & Keipoh
- Ka chiang lo!… Ka chiang!
- Chawhmeh ten/ei duhloh ngah hi!
- Min ti harh tu atan Zu!!!
....
June 21st, 2011 at 6:35 pm
Zu chungchang post a tam ta hle mai
Comment ka hawng e 😛
June 21st, 2011 at 6:37 pm
Zet U zu.. bawk… !!
June 21st, 2011 at 6:40 pm
He post chu leh! Zu rui kan tam leh dawn a ni maw? (D)
June 21st, 2011 at 6:41 pm
ZerO hairehai 😉
June 21st, 2011 at 6:43 pm
Zu in mai ang
June 21st, 2011 at 6:45 pm
Kan pi leh pu, pawl 5 te chu sawi loh, a zir a zir maplo te pawhin zu in dan tawk an inzirtir thiam theih chuan anni aia changkang te chuan engah nge kan thiam theihloh bik ang?
June 21st, 2011 at 7:07 pm
Rui lutuk ang e 😛
June 21st, 2011 at 7:22 pm
Zu…zu…. Ka sawi na hian ka hmui a zum zo tawh..kan venga lo kal rawh u..a in duh ho chu,cheng 10 in irui zo hrim2..
June 21st, 2011 at 7:24 pm
Zu rui te an thiltih thalo tak tak ‘zu rui’ an nih avanga hriatthiamna kan pe thin hi sim a tha khop mai. Eng ang pon rui se, awmdan diklo leh midang tana hnawk a a an awm chuan khinglet nghal zel tur.
”zu a rui a, engmah a hre lo a ni” tih te, ”an rui atin ni” ”an rui bok a, an hlim hap2 khop mai, an pawr khop mai” tih ang te a kan lo thlir thin hian zuruite rilru ah zalenna kan pe a, chance ah an la thin.
Ruih chhiat ber lai pawn rilru chhungril a chhia leh tha hriatna hi a bo ngai lo
June 21st, 2011 at 7:25 pm
ZU in hi a ZIR a thiam chi rual ani lo, TUM vanga thiam chi ani zawk e.. Kum 1 chhung nitin zu in mah la, zu in I thiam phah ka ring lo, Zu in thiam nih a hnekin ZU HEH I ni mai zawk dawn ani..
Zu ruih tuma in chu a rui leh nge2 thin… an tih kha?
June 21st, 2011 at 7:26 pm
rempy (Y)
June 21st, 2011 at 7:27 pm
@Sangpuiipa #6 (Y)
June 21st, 2011 at 7:35 pm
Zu khuahkhirhna dan hlih emaw dan hnuaia tih zalen hian zu a tlawm phah emaw, a that phah sawt emaw a tlem phah ka’n ring lo ve ngawt a.
June 21st, 2011 at 7:36 pm
@Sisen….. Congrats…lolzzzzzzz 😀 😀
Tlai zu in pawh a hun leh ta …… 😀 😀
June 21st, 2011 at 7:46 pm
Zu hi ti nge mawni kan sawi chhen mai le tih hi ka ngaihtuah a mahse he zawhna hi trick question leh theology zawhna te pawh ani pah zualbonez an tun mai khan phone in alo ti bawk sia chuvang chuan Theban-i phung a chanchin hi kan sawi lawk, ka hriat thiam dan chuan theban hi thil thiam ngah em em loh mahse trick question pakhat hi mi a zawt chhen thung thin a, a zawhna chu “zingah ke pali nei a kal,chhun a ke pahnih in chuan tlai a ke pathum in?” tih hi ani a. A zawhna chhang thei lo apiang lah chu a that zel mai thin ani awm a, chuti chuan mahse a changtupa mr. bigchin-a a chu alo kal a, a chhan na pawh chu a rawn hre nghe nghe a..a chhan na chu “naute nih lai a ke pali a bawk vak, puitling hnuah ke pahnih a kal chuan upat hnu a tiang hawl”.
He thawnthu hi a ho in a awihawm pawh ka ti lo a mahse phung kha chu an awm ve ngei an ti bawk si, mi pawh a that thin ngei chu anih awm kha. Mahse phung pakhat myth ropui deuh nisi nitin zawhna pakhat zawt ringawt mai chu ti in research kan ti ta a, chuan zawhna pakhat chiah nei lo in a dang pakhat pawh alo nei reng ani awm a..”unau hmeichhe 2, pakhat in pakhat hring chuan pakhat chuan a hmasa zawk a hring” tih zawhna hi a awm an tia mahse riddle ho leh awmzia awmlo ani in ka hre bawk si a, chuvang in phung dang zawhna pawh anih ka ring deuh. Research chu ka la nei mek a hei chuan Zu hi tinge mawni kan sawi chhen mai le tih zawhna nen hian a inkungkaih tlatin ka hria ani.
(B) (B) ..fiamthu ho deuh hotunu jewel in ngaihnawm atia. 😛 😉
June 21st, 2011 at 7:46 pm
Zu ruih ve lawk tum chu a! Ve lawk, ve lawk……… (C)
ReMpY_BakCheH: An rui bawk a, an hlim hap hap khawp mai… 😛
June 21st, 2011 at 7:48 pm
Fing inti, Zu khap bur duh hauh lo pawh an awm ve tho va. Inti tih a zawnga hmawr bawk teh tlat chu va mak awm ve 😛
June 21st, 2011 at 7:48 pm
@ 15 fonz..lolzzzzz
June 21st, 2011 at 7:58 pm
Fonz, a ngawl an vei mawle
June 21st, 2011 at 7:59 pm
Zanin chu Hmangaihna leh Zu tih hi a lang tlat 😛
June 21st, 2011 at 8:00 pm
Mizo hnam hmusit tu dang an inlar leh ta. “A lo berah 70% vel hi chu mimawl kan ni ngei bawkin ka ring”
June 21st, 2011 at 8:01 pm
Sangpuiapa, Pi leh Pu te khan zu in dan kha an thiam hmel em em vak biklo teh a nia aw, tunhnuah hian an sawimawi vel mai mai a lawm. Lalputar zuruih ching hrawn hrehawm zia te pawh an sawi ve nawk tho a nia. An thiam nia a lanna chu thalaiin an in ve zen zen lo kha a ni mai. Thalai in zu in an chin hnuah phei chuan kawi tak buainak hi a ni ringawt.
Pu Mvision, Chawnghilh te tlangval lai chuan, khawhar in ah thuttlenga ke khang ngat ngam, mi nula hruai chhuhsak phet tum an kat nuk a sin.
June 21st, 2011 at 8:02 pm
Duh leh khap se, duh loh leh khap lo se…a tawk..ka sawi peih tawh lo. Khap bur ka duh lo a, ka dik chuang lo a. Khap bur duh an awm a, an dik bik chuang lo a.
Khap bur duh ho hi an hmelchhe deuh tlangpui a, an hnar kua pawh a in zau hleih deuh vek.. 😀
June 21st, 2011 at 8:02 pm
Kum 2011 chhunga ni(chhun) rei ni ber, Upa ten, “Lalmanga nu Lawm rawih ni”, an lo tih thin pawh a ral ta ruai ruai mai. Naktuk atang chuan Nì a kir tan dawn ta. ¤ Misual.com a rawn lut thin chinte hi chu ‘mawl lutuk, zu in thiam lo, rui buai thin, kan awm em dawn em ni’?.
June 21st, 2011 at 8:08 pm
@pc-a, pipu te kha tunlai ang em em a zu in thiamlo an awm ngai hleinem. Tlangval zurui lo awm sela an chil mai a. A til ah phung in a pen a an tia, inah an dah mai thin. An ni hun ah kha chuan zu a zalen a, mahse rui lo tura an inzirtir na avang khan an rui lo mai zawk chauh a ni.
June 21st, 2011 at 8:13 pm
rui loa in te chu a, guitar hrui awmlo zut ang vel ani e :-O anti
June 21st, 2011 at 8:17 pm
Zualbonez, ruih te chu an rui ve tho ang. Mahse an in control thiam a, an rui lo mai. Hrethiams…
June 21st, 2011 at 8:18 pm
zualbonez: lolz……rui duh lo chuan bawng hnute in mai rawh se (C) 😛
June 21st, 2011 at 8:27 pm
Post tupa ruih ang hi a tawk ka ti viau.
June 21st, 2011 at 8:31 pm
Z & Z, Kan chuti dawn anih chuan, khap chhun zawm zel ala ngai a nih chu.
June 21st, 2011 at 8:35 pm
sangpuiipa sawi # 27 ang khian…..in man a awmlo awm e mai… (Y) 😀 (D) (B)
June 21st, 2011 at 8:40 pm
a ti ve ziah. . . Zu chhiar na lamah ka mit a rûi zo dawn.
June 21st, 2011 at 8:59 pm
Hmanlai hmanlai tive ziah mai. . . Thalai ten hmanlai in zu an in ngai zen zen hleinem mawle a. . A in thang kan hriat chian chin chu Lal khawnbawl leh upa te ho deuhchauh kha an ni lawm mawni le? Nu ho zu in kan hre ve zauh bawk a!! tawng thar “chawng khum dan tlang huat loh” tih tepawh a lo pian kha le!!
June 21st, 2011 at 9:04 pm
Zu hi a tha a,zu hi a thalo bawk.Zu in ka duh a,ka in a ka rui a naktuka chuan ka la in chhir ang a,ka zu in hman pawisa kha ka la ui em em bawk ang a,mase tlai lama chuan in le ka la duh tho ang.Chu vang chuan zu hi atha a zu hi athalo bawk.
June 21st, 2011 at 9:14 pm
Sangpuiipa, Phungin a til ah pet kan tive tawh mai dawn a mawn le. Mahse, atan pawl kha an awm leh awm bawk si.
(@)
June 21st, 2011 at 9:28 pm
Zu hi kan hnam in kan chhiatpui ang tih ringtu in a fate zu khaplohna hmun ah lehkhazir leh hnathawk a an awm leh inbenbel a phal a, an chhiatpui a ring leh chuang silo hi a chhan ka hrethiam thei nganglo, mizo hnam hi rin thilthu in a sub-conscious mind ah a hmusit ru ngawih ngawih tihna ah ka ngai hmiah. Amah inpawmlo mahse ka ngai tho tho. 😉
Zawlnei chu ka ni lo, mahse zu vang hian kan hnam hi kan chhe lovang, thatchhiatna, moral corruption leh a der nun kan chan nasat em vang erawh chuan kan chhe mek zawk a nih hi. 😉
June 21st, 2011 at 9:32 pm
Thufingte bu ah kha chuan rilru hah tan a tha a ti ve mauh mai asin 🙂 Keipawh hian ka rilru hah lai chuan ka in, mahse tumahin an hre lo keuh 😀
June 21st, 2011 at 9:36 pm
Zu khap bur hi sim a hun leh tawh khawp mai.
June 21st, 2011 at 9:37 pm
Zu hi sual a nih leh nihloh sawi ka tum lo, intu zawk hi a ni – A nu’n suala a pai, felna reng nei lo, chhe lailet der a ni lawm ni. Chutiang khawpa misual chu lemchang turin khawvelah a lo piang a, a dam rei deuh leh lem a chang rei deuh tihna a ni mai. Tichuan le, chutianga lemchang chuan zu a in in a hriatrengna thazam te chu.. chu a zu tur chuan a fan a, a bual a a, mi insumthei deuh leh a harhfim lai a mifel tak ni thin pawh khan a lemchan lai chu theihnghilhin a ze diktak zawk Eden mizia chu a rawn chhuah thin a, chutah chiah chuan a ni chapona te, initsikna te, inhnialbuaina te, insualna te a lo chhuah thin ni. Chuvang tak chuan a ni, he ka ze diktak tenawm bawk si thlemchhuak a, min phawrh mualpho thin tu hi kei chuan ka hnaih ngam tawh lo.
June 21st, 2011 at 9:54 pm
zu chu ka in ngai chuanglo nangin,mltp act hi hlip se kati, a chhanchu tlangval senior zu nei changkang thei deuh an luck lutuk a. a fair lo. Duhtawka lei tur han awm se athat ka ring.. 😀
June 21st, 2011 at 9:55 pm
@#10 NotGood, motor hi khalh zir lovin khalh tum ila, kan thiam tho mai tehi. Mahse kan khalh thiam meuh chuan kan motor chu a chhe tawh hle ang. 😀 Chutiang deuh chiah chuan zu in a awmdan mawi te, ruih dan mawi te hi zir loh chuan, tum ringawt mah ila awmzia vak a awmlo thin. Engpawh nise hmasawn loh ai chuan tum hrim hrim pawh a tha e.
June 21st, 2011 at 9:56 pm
Zoho, Zu hian thatchhiatna leh dawngdahna ah min hruai lut thei a sin. I dawn tawi lua a ni valmawi.
June 21st, 2011 at 9:58 pm
@PC, phung in a keuh kan ti thin hmanlai chuan. 😀
June 21st, 2011 at 9:59 pm
zu zu zuuuu…zu zong zong zing a zing zu zet zong.hehehee.. ka tran lem lo zu hi, ka ngaisang lo bok, an khap lem loh pon poi ka ti lo, kei chu ka buai phah lo, campus pon lok ah poh a intlar tlep tuarh, ka la pan hruau hruau lo, zu ai a buaipui tur kan ngah emm…zu hi khap lo se,a lo mol fal deuh an om pon xcise/police lam hi chak leh thung se,zu khap buai ai chuan kan ram hmasawntheilo hi kan buaina tur xok feee chu a ni e,a chhan ah i buai xok ang u..ka lom e 😛
June 21st, 2011 at 10:18 pm
Buaina tel lo a zuin hi a va nuam tak em!
June 21st, 2011 at 10:21 pm
@45 (Y) , mahse zu rui buai hmuh hi a nuam miah lo 😛
June 21st, 2011 at 10:23 pm
Kei chu zu ka in ve chuan rui buai tur ka awm ngai lo. 😛
June 21st, 2011 at 10:26 pm
Society functions because we differentiate between intent, capability, and motivation for the same basic action. It is a basic building block for progress. Welcome to Mizoram.
June 21st, 2011 at 10:41 pm
MLTP Act. Kan hman hmaa Pu Hawla thusawi ka la hriat reng chu. ‘Kan thalai te zuin min ei chhe zo tal ngial dawn e, kan infiammi te phaiah kan han tir thla ve a, a lawmnan ZU kan tulha, kan tulh chau der a, zungawlvei ah kan inchhuah leh thin. Zirna lamah te hma kan sawn theihnan zu hi kan khap bur a ngai a ni,’ a ti.
Khang hunlai han thlirkir chang hi chuan, MLTP Act hlawhchham hul huala sawi thinte hi, an daw tìh loh rual a ni lo. Kan hmasawnna te hi sawibo theih ani lo. An chhui kimlo a ni zawk.
(Y)
June 21st, 2011 at 10:47 pm
i post a zu in thin i rawn depict ang chi ho hi chu, zurui an nih dawn hi, zu in zawng zawng hi hetiang hian an awm ka ring lem lo ve..
June 21st, 2011 at 10:53 pm
Kan la rui tluang zel a ni maw…
June 21st, 2011 at 11:18 pm
Post tupa, I thil sawiho khi a dik e, mahse, khap a nih chhung chuan hmasawnna a awm dawnlo a,khap hneh ani chuang silo hi kan buaina ani.Aizawl pa hausa ve tak cc ka hrilh ang che, a fapa neihchhun a thih a hlauh vangin Motor awt em em mahse a khawih a remti miahlo a, mahse, a thiante motor a lo khawih tho a accidentin a thi a sin.Puitlinna lam hawi chu ngaihtuah vang vang la i hriat mai ka ring e.Khap ringawt hi a remedy a nilo.
June 21st, 2011 at 11:27 pm
Kawmen ka chhiar a ka hul deuh der mai..! 70% mimawl tih pawh a dik tho..
Zurui ngeiawm em em chi ho chu, enge maw thiltha lo an tih a ka hre lo reng2 an ti tlat thrn hi.
Emergency thila thisen pek a ngai a damdawiin lam kan tlan khawm a, hrisel hmel tak2 tisen suah ho chu zu tlem kai sek an nih vangin an thisen a lak tlak loh…Zu in lo ho chauhin thisen an pe zel dawn a niang a..
June 21st, 2011 at 11:37 pm
Rui ve lo zawk mai ta che, i buai mai mai ang.
June 21st, 2011 at 11:48 pm
Hmm, kan lam.
June 22nd, 2011 at 12:05 am
#42 @ Pc-a says
“Zoho, Zu hian thatchhiatna leh dawngdahna ah min hruai lut thei a sin. I dawn tawi lua a ni valmawi.”
I thaw dik, choka chemte pawn an invit thin asin, toboh pawn an inchhuhlum thin bawk asin, a thluk ah i buai a ni e,PC.
Mizo tlangvalte hi zu avanga thatchhia leh dawngdah an ni lo, good governance leh civil society tha ah mi an thatchhe ngawt lo,taihmak in awmzia a neih loh a, hleihlenna avanga kan chanvo tur kan chanphaklohna hi kan do leh kan huat hun ah kan dam chauh ang. Hnahlan tlangval ten zu an dawt e, an taihmakzai pawh tlang a thang ngei chhap e. Zanin chu kan punch cocktail mai mai teh ang, mahse ka rui lovang, ka rilru a hah miau silo.
June 22nd, 2011 at 12:48 am
‘zu ka in, mahse ka rui lo’,
Rui lo tur chu in loh mai awm ka ti thin.
June 22nd, 2011 at 2:41 am
Zoho, Zawlaidi te chu khap a nireng hleinem.
June 22nd, 2011 at 3:03 am
tuman xu in an fak lo, mahse khap bur hian kan that phah ami? Zu ngaihsanna ah min hruai lut mai2 xok lo maw? MLTP Act hlih cu BRTF hoin an hlau ber
June 22nd, 2011 at 3:05 am
MLTP Act hlih cu BRTF hoin an hlau ber
June 22nd, 2011 at 9:18 am
Rui chiah ila… A sen chi mi i neih a?
June 22nd, 2011 at 11:37 am
@ 57 Dik chiah, rui chuanglo tura in te chu enge trangkai na tiro.. Tuiloh2 nena,to bok si,poisa hek mai2.
Keichu ka in chuan tlem tal kai loh chu ka duhlo.rui lo tur chuan ka in ve ngai meuhlo,ka in lo law2 mai.
June 22nd, 2011 at 12:44 pm
Ka ruia ta hauh lo mai kei chu
June 22nd, 2011 at 3:43 pm
Comment ka chhiar hmanlo, zu a vanglo khap pon awm zia a neilo, kawtkaiah an sem cher cher zawk mawle. Khap lo se zu dawr or Bar pan vang2 angai zawk ang.
June 22nd, 2011 at 3:56 pm
Zu hi thil tha anilo tih tichiangtu pakhat chu “Ani chu zu a in thin a,a fel tawh lutuk” tih hriattur awmlo te hi..
Sap ho an in thiam tih te hi chu tih mai mai ani..an celeb zingah pawh an zu ruih avanga buaina an tawh vel chhiar tur a awm reng hi..ami nawlpui ho phei chuan buaina an tawh nasat tur zia chu!
Zu khaplohna hmunah ka awm a,an buai ngailo an ti ve ziah a..in la hmu tlem mai mai anih chu..vai pawh,sap pawh,korean pawh..an buai nasa lutuk..a hmun ngei ah ka hmu vek tawh.
Nupui pasal emaw,makpa,monu etc atan zu in mi nge in duh in lo mi? a in mi kan duh pawhin in pui atan bak kan duhlo ang?
Zu khap hlip duh ho hi chu..a tlangpuiin..zu in mi,zu to ti si ho an ni tlangpui.
Zu in thiam kan tih tam tak te pawh hi,anmahni in a ruk in an in an in a,a hnuah chuan kal(kidney),thin etc problems an nei leh tho zel.
Chubakah a tlangpuiin Zu in mi changkang tak hi ka hrelo,Mizoram ah chuan. inla Changkang an ni thin zawk. Changkang leh Inla Changkang hi a in anglo ania.
Tuna Zu rawn sawimawi ho te kha..an chhungte emaw,an thiante emaw,an awmpuiho chuan Rinlohna rilruk, mawl tihna rilruk, nin na rilruk an neih deuh vek ka ring.. Tawngkam in pha pha mahse ani tho tho ang.
Criminal case, Accident case ang chi te hi Mizoramah ngat chuan 80% vel tal chu Zu vang ani e.Police records ah in duh leh en ru.kei chuan ka check tawh e. a la tang ngam chu a ruih duh vang ka ti lo theilo..
June 22nd, 2011 at 6:39 pm
ramdang ah chuan Zu hi thian zaho in kawm hlim nan te, party hun ah te, weekend-a hah chawlh pah in kan in maia, threnawm pa pawh in a in tho a, kan buai ve ngai lo…. Zu in tur te in kan in ko khawm a, pub ah kan kal a..Kan hlim lang dar dar thei khawp mai.
Mahse, ngatinge Zoram ah hian Zu in ho hi an au vak vak, zu ka in tih thenawm ten hria se ti ni awm tak in, buaina tinreng an siam a.. enge a chhan? NGAIHTUAH PEIH TE TAN ??????…
Hnamdang ho zing ah– naga leh Mizo ho bul ah zu ka in leh toh ngai reng reng lo ang tih ka hre nual.. Buaina an zhawk chhuak zih– tih comments ka dawng bok– WHy????