Phunchawng verandah chuan pa pakhat ti ti kan ngaithla thap a, ..a sawitu pa chuan a sawi chhun zawm zel a.“…chutih lai chuan tunlai angin mobile ala awm vaklo a, excise anlo lan chiah hian naupang lo intualchai (infiam) mek te chuan, awmze nei takin thirhrui ban an han vaw-ri a, ramhnuai/dai ah zu sa ho chuan an hnathawhlai chu an thuk ru sang sang thin. Signal an inpek that thin avangin Excise ho pawh an hlawh chham fo a, mahse ‘a tre a tre-ning’ na na chuan ‘tak-tik’ hran hmang in an hlawh tling ve leh tho thin.
Excise hovin an man, zu siamtu (a neitu pa) chuan a hnathawktu Balma pa chu a ai-ah, hlawh neiin a tan tir a. Balma pa, Balma ram a hnathawh tur neilo, mi harsa ve tak tan chuan, chu chu hna (Job) tha tak a ni. “Mizoramah e nge I tih thin”, tia zawhna chu “ ka tang thin” tiin an chhang mai thin. Hlawh neiin, pu te ai an tang a, Jailah lah chaw tha a hun takah an ei bawk a, riahna chawi ngai lo bawk nen, hlawh an la nei zui…zu case a vanga tan chhung lah a reilo bawk si.
Excise hovin zu an han man a, an han sua sam a, an leih bua a…mahse ‘reeem’ a hnek in, an hloh te hmu chhuak leh turin an bei nasa sauh thin. Dai a tanga an rawn lak chhuah hian, Rs 300/- RV in Rs 500 in an rawn la a, Aizawl lamin Rs 800/- in an la chhawng ve leh a.
A vawikhatna chu buh leh chini a siam a nih avangin a la tha, chu chu ‘K’ -1 an ti a. A buh chhum ngai kha alo dak tawh avangin, kha buhti chak leh turin, buh ah khan, a thawh that nan china yeast leh “bee-yi” (khawchhak lam damdawi) an pawlh ta a, chu chu ‘K-2’ an ti a,chu chu a tha lo hle, chutiang in chu an damrei lo khawp …..” a ti a.
Mahse, ruih hlo lo ngai tawh ho khan an intur hmuh theih chhun a nih ve miau avangin, thalai rual tamtak, Scooty, Bike leh Taxi etc nen an liam thla chum chum reng a ni. Bike chak tak tak a tlan avangin, accident a tam phah in, nunna chan ta pawh an tam ta malh malh hle, ruang an chharleh nawlh thin bawk a. Chutih laiin, officer thil ti thei chin deuh chuan, mobile in an han dial a, an duh zat zat an rawn supply mai thei bawk a.
Total prohibition hian enge maw awmzia a neih tak le? Zu in mi, tu te mahin zu an nghei chuang lova, nghei an tum phah chuang lova, a tuina pawh tawh an nih avangin, an rawp ting mai a, thalai rual zu tha intur nei ve pha lo ten dai-pawnah zu chhia in in, an accident phah a, nunna an chan a, an zu chhe in avangin thalai tamtak an damrei ta lo a ni. Kan Total prohibition hi mi rethei te nek chepna leh thalai nun suatna mai a ni lo maw? Zu khap avangin, thalaiin zu tha in tur an hmu-lo va, zu an rawp a, engemaw thil tih ni khuaah pawh ‘in’ duh ve siin, a tha chi hmu ve zo ta si lo chuan, a chhe chi an in ta vak thin.
Hnam fing zawk te chuan, zu hi a chewing gum zawrh mai mai a, alo tam na na chuan, demand alo tlem a nga, demand a tlem chuan a hlutna tlahniamin, a man a lo tlawm chho a nga, man tlawm na na chu tumahin, sumdawnnan ram hnuaiah an sa an sa peih lovang. Thil tam hlui nana chu, kan ngaihlu vak lo a, khawchhungah man tlawm zawk a zu changkang leh tha, man tlawma lei tur awm na na chu zu chhia daikil kara mi an zawng an zawng peih lovang. Mamawh hun hun ah, khawi hmunah pawh man tlawm te te a lei tur a awm ve phawt chuan, RV lama zu chhia in turin kan thalai tamtak an liamthla ngai tawh lo vang a, accident a awm tawh lo a nga, zu in tur an awm miau loh chuan RV lam pawhin zu a siam buai fo tawh lo a nga, excise ho pawhin zu siam na zuk vai fo a ngai tawh lovang.
Wineshop hi ualau takin siam zawk se, leithei tur chin kum bi thliah ni se, zu rui reng reng dim map lo vin, man leh pawisa Rs. 5,000/- vel chawitir thung se, zu rui chung a motor khalh te phei chu Rs 10,000/-chawi tir se, mi naran an ni emaw, officer leh politician te pawh in angkhatin hrem hmak hmak se, dan hi lal ber thei se a that ber ka ring.
He mi chungchangah hian Kohhran lo in rawlh lo bawk se, Kohhran ‘LU’ Lal Isua pawh khan a tul hunah chuan wine tih rem lam aiin, ‘a ti pung’ zawk a nih kha. Amaherawh chu, Kohhran tih tur chu, mihring te hi Zu laka fihlim turin inzirtir tha zawk tai la. Kohhran ho te hian zu chungchang te Sunday Schholah te hian zir hona, te neiin, zu hnathawh dan hi in zirtir ngun ta zawk ila a tha hle ang.
Misualho…enge in ngaih dan?
Similar Posts:
- DRUG ABUSE – The Second Coming?
- Prism leh thalai pawl thawkho dawn
- Mizoramah Zu a vang em?
- Kohhran leh Zu
- A zu tur an mansak vangin Magistrate-in Excise duty vau
June 28th, 2011 at 12:22 pm
ka nuih a 100 Plus …
Report this comment
June 28th, 2011 at 2:49 pm
Zu hi kan khap a vangin a rem thei chuang lo va, Khap rem theih ni se chuan kan ai a Ram tha leh chang kang zawk te pawn an tih rem na a rei tawh ang, Ni e I ngaih dan hi ka tawmpui che khawpmai, Zu hi tha takin siam se! Tin a in tu te lam tan khauh takin dan siam se la, kan thalai ten nun tam tak kan chan phah loh zawk ang tih hi kei pawn ka ring a ni.
Report this comment
June 28th, 2011 at 9:55 pm
Vemaimaia ve mai mai chuH…
Rukruk hi a rem chuang lova, zu hi a rem chuang bawk dawn lo. Khap ve ve erawh kan that pui tih hi hrethiam teh u.
A ‘big picture’ in man lo lam ani. Generation lo la awm tur te nun tur ngaihtuah mai teh u. Nangni in duh ringawt kha in ngaihtuah suh u.
Report this comment
June 28th, 2011 at 11:27 pm
@103jesuslovesme, In ti teh chawka han ti bawl ila, Mizo christian te hian engvangin nge midangte liberty hi kan rilrem loh zawng a nih avanga rahbeh kan tumsak fo thin le? Kohhran a ni emaw piangthar tha nia in hria emaw, midang vei tlat rilru kan neih tlat le. Piangthar tha em nia in hre si hian midangte nun kan chhiarsak ang bawk hian kan nun min chhiar ve reng tih hi hre ve thin ila aw.
Zu hi a chhia ka ti lova tha ka ti na hek lo; thil pakhat intihlim nana hman ve mai chi niin ka hria. Kan family member ten an lo nam avanga sual hlawm niawm taka treat ching kan tam avang hian a ni lo maw Mizoramah hian zuin si lo zuin avanga lo rui buai kan tam em em? Thalaiten hna kan thawk tam telh telha, in tih hahdam nana zu han inve zawk te pawh hi kan thlahlel ve tho tih hriat a tha. Kan zosapte pawh fakawm viauvin thil tam takah kawng min lo sialsak mah se; zu chungchang kher hi chu an tisual ve chuan ka hria.
Report this comment
June 28th, 2011 at 11:36 pm
@chalkima, Zu an khap avanga liberty rahbehsaka i inngai a nih chuan i ngai sual a nih chu. A liberty for some ni lovin a liberty for all a ni e.
Piangtharten mi dang an vei lohvin tunge vei ang. mitdel leh mitdel an inhruai thei em ni? Bible-in a ti. Nia, mite chhiartlaka awm kan tum reng tur a ni.Nehemia angin.
Thawk lo rui nileng an tam leh awm em mai. Kan buai nuaih nuaih leh reng ang a, a rui lote kan kimki leh zawk dawn tunah chuan tam tho mahse phuartu a awm tlat a. a tha.
Report this comment
June 29th, 2011 at 12:32 am
@Vakul, MLTP Act ang chuan i ti dik chiah. Mahse kan ti leh hram teh ang – zu thil (substance) pakhat ve mai, hman sual duh chuan hman sual theih tak a ni. Tha taka hmang duh tan chuan taksa tana thatpui theih thil ve tho a ni. Chumi lo inkhapsak chu liberty for some inkhapsak tho a ni lovem ni?
Zu-in avanga piangthar lova in-ngaihna hi Mizo christiante concept chauh a ni mah lo maw le. Zu-in ruibuai kher lo Pathian nena inlaichin tha tak an awm ringtu zinga mi ka nit tlat. Ka in ve zeuh va, mah se pathian hlat phat nana ka hman ka hre lo tlat. Kan chhung leh khatte’(n) a rim an nam vanga sual ta luaa ngaihna rilru kan neih hi kan Zosapte zirtirna ‘fever’ vang mai mai a ni.
“Thawk lo rui nileng an tam leh awm em mai. Kan buai nuaih nuaih leh reng ang a, a rui lote kan kimki leh zawk dawn tunah chuan tam tho mahse phuartu a awm tlat a. a tha.” Hei tak hi alawm vei-awm chu! Mahse hma kan sawn ve zel anga, kan sawrkar administration leh policy ten a zir chhoh tak hunah chuan hnathawhin lukhawng a neihzia kan hre chho ve anga a kiam ve mai ang. Ei duhtui loh luat avangtea thau ‘over’, zunthlum etc avangin chumi khami chu ei i khap ang u kan tih ngaih loh hi maw le.
Report this comment
June 29th, 2011 at 6:58 am
102
104
Report this comment