Corruption hi a hlawkin mitin tan hian a tangkai em em mai a. Amaherawhchu a hmang tangkaitu te hian kan hausak pui hauh si lo va. Mi tlemte in an lo hausak pui lai hian mi tam tak erawh chuan kan lo hlawkpui ve em em thung a ni.
I in hmun i LSC dawn a, Revenue office (entirnan) i dawr tluk tluk mai a. File a tang tlat mai bawk si a. Mi dik tak i ni a, sum pek lah chu i tum der si lo va. Dan ang tak pawhin mail luh chhung, distribution chhung, pu in note a lo siam chhung, verify chhung, type hun chhung, Pu thingpui in chhung leh meeting neih chhungte chhut chuan office kalphung ve mai a ni a. Mahse, i thenawmpa chuan a tuk thum tuk velah a rawn hum lut ve a, thingpui an theh ham ham a, dan aia rang zawkin a in hmun a LSC ta daih mai a.
Nang chuan nitin kar khat chhung i kal hah man, i bus fare, i thingpui man leh hun khawhral chhut a i sen teuh lai khan i thenawm pa chuan reilo te chhungin i bus fare sen ral ang vel khan a ti fel ta mai a. Hlawk tak a ni.
Driving Licence i siam tir dawn a. Form i va la chhuak a, i theh lut ta a. Dan ang thlapin an lo check a, tih sual a awm avangin ni thum hnu velah an pe kir leh che a, in thehlut tha leh a. Zirlai Licence an lo pe che a. Chutih chhung chuan police ah file thawnin i address te verify turin an va ngen a. An nin lehkha dang te zingah a indawtin an lo sem zat zat a. A tawp ah constable pakhat an rawn tir ta a. I address a lo dik ngei a. A pute hnenah a va thlen leh ta a.
A ni chuan a chhanna an ziak a, LDC/UDC hnenah peon a pek tir a. A ni chuan a lo type rang khawp mai a. Tichuan pu ber chuan a lo sign a, dakah an thawn chhuak leh ta a. Ni rei vak lo ah RTO lam in an lo hmu ve leh mai a. Angai te bawkin an han sem kual leh dan dan a. A tawpah chuan an peih fel ve ta. Driving test a lo ngai ta a.
Hetih chhung hian thlakhat chu a lo pel a, pakka a licence neih ve tawh i duh si, ofiice i va thleng a an lo in tlar put reng bawk si. A tawp a tawpah chuan thlansa phul kaiin licence i hmu chhuak ve ta a. Kha tih lai khan i thianpa ve thung chuan khawilai driving sikul ah emaw tlem a zawng a pe a, ni 2/1 ah a leh lan mai lawi bawk si a. In va han in hlawk hleih em! A hna dang thulh hauh lo in driving test pawh pe lem lo in biometric/ retina scan vel turin darkar chanve vel office a va hmu ve zuai ringawt dawn tihna a nih chu! I thianpa chuan a eiru lo, driving sikul pawhin service charge an la mai a ni. A va han in awlsam hleih tak em!
Ti hian ti leh teh ang, vai ram ah lehkha i zir a, rel ticket la turin zing tawkah i in tlar ve a, thlansa phul kaiin nilengin tlai lamah waiting list ticket i chang ve tawk a. I piah a vaipa chu a tho thurh a, a chuan man bakah 50/100 vel a pek belh a awlsam tak maiin seat confirmed lehnghal a rawn hum chhuak va va thung a. A ni khat hlawh tur kha ti buai miah lo in a kal nal nal mai a. In in hlawk hleih leh ta.
Chutiang zelin college admission ah te, gas bur la tura in tlarna ah te, dawrkai CST registration ti tur te, way bill siam tir tur te leh BPL card siam tir tur thleng hian kan hlawk em em vek mai zawk a lo ni a.
India ramah hian mipui hi kan han tam lai leng khawp a, hna i dil a ni emaw, bill i pe dawn emaw, dawr hawn i tum emaw pawh ni se in line put put ngai khawp zel hian mihring kan indaih zai tawh si a. Tunlai ah hun a hlu tawh bawk si a. Tlem sen belh a hun hek miah loh a tih dan kawng zawng te hi kan indang zo ang em?
Chuti a nih loh chuan kan pisa pui te hi automated, paperless a kan siam hun nghah a la ngai ngei ang. Chutih hun thleng tur chuan computer literacy za ah 80 tal kan nih ve a ngai ang a. Zirna lamah lah hma kan sawn rih si lo.
A eiru kan tih leh diklo ni a kan hriat faten thiamna sang tak tak sum nen an lei tawh laiin keini ramah ve chuan sikul kaikim lo hi rethei berh ve tak tak te zingah kan la tam zawk bawk si.
Chuvangin corruption hian meter a neih a ngai a ni. Tehna (Unit) hi a pawimawh em em a. Buhfai rih zawngte, hlam sei zawng te chu kan sawi nalh nalh thei a. Chutih laiin hlemhletna/eirukna/diklohna erawh kan nei si lo. Eiru-to-meter hi siam i la, 1-10 in kan daidang ang a.5 hnuai lam a nih chuan kan pawm ang a, panga a pelh vaih chuan meter kha rawn sen vat vat se la. Tichuan eirukna hi kan do thei deuh lo maw?
Kei chuan ka eiru ngai lo vang ti, midangte eiruk erawh tha ti viau zawng ban phar ru le! 
Similar Posts:
- Man drives drunk to protest drink-drive charge
- Mizoram Drivers Licence?
- ZOO hi ransa te tan Jail chikhat a ni
- Mau
- Driving License Lem tih kiam nan
Happy Birth Day… 
August 29th, 2011 at 2:32 pm
1st emaw!
August 29th, 2011 at 2:33 pm
chhiar phawt ang…!!
August 29th, 2011 at 2:36 pm
(Y)
August 29th, 2011 at 2:43 pm
(Y)
August 29th, 2011 at 2:44 pm
(Y)
August 29th, 2011 at 2:46 pm
(Y)
August 29th, 2011 at 2:56 pm
(Y) hi ban pharah kan pawm dawn em? 🙂
August 29th, 2011 at 2:57 pm
(Y) (Y) (Y)
August 29th, 2011 at 3:00 pm
Eiru lo tlang ila, thil a awlsam zawk lo maw? Tuna India “system” kalhmang kan en chuan corruption, corrupt-tu-per te hi dem theih pawh an ni lo anih hi. Eiru mahse hremna an tawk thei lo anih ber hi.
An suspend a, Govt Vs Corrup-tu-per tiin Court a thubuai rei tak a kal a. A tawpah chuan Govt hi a tlawm zawkah a tang leh lawi si a.
fact pakhat an sawilang mai mai anga, PHE dept a thawk Labour pakhat chuan an EE te Qtr tual a PVC pipe chu truck ah a load hmak2 mai a.. EE zing morning walk tur chuan a man ta a. Thubuai siamsakin an suspend nghal ta a, Court ah thubuai a kal ta a..Kum 12 chu suspend in a awm a, hlawh chanve a la a, mahse thubuai a la kal avang chuan hnathawkin a kal thei lova, Thuthlukna a awmloh avangin Jail ah a tang chuang lo. Hnadang thawkin kum 12 chhung a inchhung a enkawl ve mai a.
Mahse kum 12 a liam hnu chuan he pa hian court ah govt a hneh tlat mai le. Arrears chi hrang2 a la a, in te a sak phah ta anih kha. Nepotism leh influence vang te pawh ani thei ang. A chhan chu hepa hi an veng Political Party pakhat President a nia. Thil a ti thei viau ani mai thei. A dang chu ngaihtuah zui atan..
@posttupa: midang te eiru tha ka ti tihna ni miah lovin, Tun system ah chuan Sorkar lute leh Minister te hmelhriat hi a pawimah tlat. Mahse mi tamtak chuan hmelhria an neive lova, an tuar phah thin ani.
Train Ticket example i rawn pek ah pawh khian chuan man baka 50/100 vel extra i pek vanga awlsam taka confirmed ticket la thei i lo ni ta a. 50/100 khi nei ta lo la, a tuartu i ni dawn a, midang te eiru tha tilo tu i ni daih dawn ani. Hnathawk eiru duh awm ta lo se, 50/100 extra pek tihvel khi a awm thei dawn lo..
Chuvang chuan keichuan perspective tam tak a awm thei ka ti ang. “System’ hi a diklo a ni ber ang chu… “Eiruk theihloh in siam ta se, Train ticket la tuur khian optiondang nei miahlovin mi tupawh (hausa/rethei etc) pawh nise kan in tlar vek mai dawn a.
Chumi hnu a, kan buaina tur zawk chu Intlar kan tam thei si a, sorkar hian Ticket window dang a siambelh a ngai anih hi tih lampang zawk a ni tawh dawn a ni…
August 29th, 2011 at 3:05 pm
uaii.. tumloh deuhva ka comment teuh chu… lolzzz…
August 29th, 2011 at 3:14 pm
Ban phar ngam kan va tlem duh awm ve, mahse, phar tur awm tak tak kan ni fur bawk si.
Post awmze nei tak, kan nihna tarlanna tha tak a nih hi maw le.
Ka like mawlh mawlh e.
August 29th, 2011 at 3:37 pm
Ngaia KAN NEIH hlawm avangin mi tih khalh theihna tur anih chuan thamna (bribe) pawh kan pawi tilo fo reng alawm.
Dik leh zahawm ho angreng tak si kan sawi mai mai ange:
*Kan awmna state Maryland ah hian drivers license (driving license an ti velo) lak theih hmain learners license neih phawt angai a. Learners license nei tura dilna i thehluhin i address pek kha a dik chiah ani tihna (proof of address) 2 pek luh angai a. Passport emaw state pek ID chidang pek angai. Chumi leh a dang neuh2 hnuah traffic law ah written test neih angai. Chumi pass chuan learners license an pe thin.
Learners ilicense neih hnu hian ngei ngeiin (mandatory) recognized driving school kal leh angai.I thiam ta nia an hriatah MVA (Motor Vehicle Administration) an hriattir anga, drivers license nei thei turin driving test nei tura dilna i thehlut thei tawh ang.
DIlna thehluh atanga test neih hun hi thlakhat vel emaw nghah angai. Driving school kal chhung pawh thla chuang a ni bawk. Test hi a khirh angreng viau, motor khalh thiam sa Mizoram atanga lo chhuk pawh vawi 10 fail pawh ka hria. Traffic law ah ngat phei chuan vawikhat naa pass hi an tam vakin ka ringlo.
Driving test a fail chuan kar 2 nghah leh emaw angai a. Chumi a la fail leh chuan thlakhat nghah zel angai tawh thin.
Thamna (bribe) pek tumin awmzia a neilo aniang. Tum an sawi pawh kala hre heklo. Anih ang tur thlap hian mitin ten an ti a, thil dik chu ngaiah an nei a, inline pawhin buai niai nuai a awm ngai heklo. Hahdam thlak ta a ni.
Ho te anga langah pawh dan leh dun a awm chuan zawm tum ila, kan hahdamin khua leh tui tha kan ni mai.
August 29th, 2011 at 3:40 pm
Mahni ngaihdan sawi theih hi misual.com nuam ka tih ve na chhan pakhat anih ka ring. Mizoram hian corruption tha kan tih zia hetiang zawng hian kan sawi ve daih ange..
1. Korean movie ngaisang tu zingah chuan mizo te hi kan tam berin a rinawm. Tunah phei chuan Mizo tawnga leh loh chu kan en thra peih tawh manglo. Korean Movie (Copyrighted material) Mizo tawnga leh theihna right hi a lettu te hian an neilo tlangpui(neilo vek). Mahse dan lova lehlin movie thra titu ber chu keimahni(mipui) tho kan ni.
2. Lokal channel-ah hian Hollywood movie thar apiang, original DVD etc., Aizawl market-a awm hma hian a awm hmain kan en ta zut zut mai ani a. HBO leh Star Movies etc. lamah hi chuan movie an release hnu kum 1 dawnah te an ti chhuak loi si a.. hetiang te te ah te hian keimahni(mipuite) hian mi in dan lova thil an tih thin hi thra kan tih pui zawk chu a ang.. (H)
August 29th, 2011 at 3:57 pm
#13 (N)
August 29th, 2011 at 3:59 pm
kaya, Korean movie producer etc. te min lo hrilh la 😉
August 29th, 2011 at 4:00 pm
A tu a te pawh hi fel fai tak hian kal thei ila chu a tha ber mai mawle.
he post chu dik ve tho anga lang dik silo niin ka hria, a post tupa hian a ziak thiam khawp mai.
August 29th, 2011 at 4:09 pm
korean movie maw? mizote aia ngaisangtu chu korean te tho. lol
August 29th, 2011 at 4:10 pm
ngaihtuah chian chuan dik fu reuh sia a… (Y)
#13 dik khop mai..tunah poh hian k thian ten 350 chawia an en film thar a thlawnin k download zo trep toh..ka va hlawk em 😛
August 29th, 2011 at 4:22 pm
Chhiar hi ka lo duh tawk vio thin a, commend ve ka tum pawhin ka peih lo leh thin. Tun tum chu kan thai ve mai mai teh ang.
Chhuaklinga ziah khi ka thlawp khawp mai. Dik hmel viau a lang si dih silo a ni tlat. A tawi zawng a sawi chuan Mizoram ah hi chuan kan pawisa tam (riltam) hi kan la na bik niin a lang. Thil thalo tih rau rau ah kan lungawina hi a tlem tham thei em a ni. Rs 50 vang lek te pawhin thil thalo kan ti duh zel mai a.
Ni e he khawvel ah hian mi thianghlim famkim hi chu an awm bik hauh lovang, mahse Mizoram ah hi chuan kan zahawmna hi a man a tlawm thin em a ni. Pathian tihna + kan zahawmna hi ngai hlu deuh i la chuan heng neuh neuh hi chu kan pumpelh theih a tam viau ang. A sei palh ang
August 29th, 2011 at 4:23 pm
Thil hi chu sawi a awl tak mai, a taka chan tor har tak tak hi a awm a. no_nick a te meuh pawhin ticket counter siam belh an rawt nawk nawk mai a. HV a pawhin an ram changkan tawh zia leh population density lamah min rawn uan khum bawk a. Social security number an neih thlap tawh a, citizen te database an hmeh chhuah zeuh zeuh tawh hnu, mipuite RFID chips nen a thlumzawm an tum mek laiin police ten physical in an la verify ve lauh lauh tho mai a. Kolkata leh Mumbai slum chanve hi thawnvthla i la an buai ve ang chu aw … 😛
Thil tha duhlo kan awm lo, mahse kan hmaa dik lohna awm hi hnunglam atangin kan ngam tawk tawk a ni rih si a. A sawi hi chu a awl a nia aw…
Vai pakhat sawi ka la hriat reng chu.. “Har koi Bhagat Singh jaisa aadmi se garv ve, parantu Ye koi nahin chahta hain ki apna ghar mein Bhagat Singh paidha ho!”
Kei chuan lungawi takin “Ro min rel sak ang che” tih hi ka sa phawt mai teh ang 😉
August 29th, 2011 at 4:24 pm
Kar hmasa Inrinni chawhnu dar 3:28 (EDT) vel khan The Honorable Secretary of Transportation, United States of America, Mr. Ray Lahood te nupa bazar haw nen garage ah kan intawka kan inbe luam.
An nupa hian an chawhmeh lei vel an inkhaibawr hle a ni. Annu zawk chhawk ka tum chuan, “A rit love, ka lawm e,” tiin hlim hmel pu takin min chhang a. An nupa chuan an chenna lamah an inkhai chho ta zel a.
An kalliam hnu chuan, “Mizoram state tereuhte a mipui aiawh kan thlan te aiin an inngaitlawm daih mai a,” tih alo lang hmasa ber a. Kan ngaihtuah thui deuh a; intih zahawm tum chawp aiin khawsa zia atang hian mi zahawm leh zahawm loh hi an lo awm zawk ani tih ka hre nawn leh ta bawk a…
Kan thlantlin, kan aiawh ve te chu an bazar pawh MRP uniform halo an khai tir zel em ni kha? :-S
August 29th, 2011 at 4:25 pm
Ram dang la dai lo tan chuan hriat thiam a har maithei. Driving/driver licence pawh online a apply theih (in tlar ngai lovin) hun kan thleng tep. Mizoram ah chuan mobile phone voucher man pe tura an intlar thin kha. Ram dangah Online payment theihna hi a tam tawh asin. Shopping turin pen chhuah a ngai lo tep. http://www.quicker.com commercial pawh in lo hmu em?
Gas cylinder pawh ram dangah chuan an hmang tawh hlei nem. Pipe in kitchen leh room dangah an pipe lut mai. Thamna pek hlauhawm na ram hi a tam asin. Driving test pawh automated test ala ni anga, police hmelhriat neih a sawt lo vang. Dan lalna ram awm te, dan lal lohna ram (Mizoram) a awmte kan nih naih hi. Thamna meter te chu sawi lo mai teh ang. Chu ai chuan YouTube hmanga corruption beih ve ania chakawm.
Mizoram ah chuan sorkar atanga service kan dawn hi a chhe lulai em mai a. Ram dangah chuan thingpui in vangin office hna an bahlah phah lo. Officer pawn an type vek. Typist an awm ngai lo.
August 29th, 2011 at 4:25 pm
First em aw…… 😀 😀 😀
August 29th, 2011 at 4:26 pm
CORRUPTION ….. Corruption…… (N) A chang changin… (Y) hahaaa lolzzzzzzzzzzz
August 29th, 2011 at 4:45 pm
@HV, keipawhin ka hriat dan chuan Hawla-a nupui Ri-i pawh hi a bazar na dawr te an khar (midang luh phal lo) a ni awm e.
Ka thiante bazar in an rawn report tlat mai!!mak thin ngei mai!
August 29th, 2011 at 4:45 pm
20 VaiVa Says : “Har koi Bhagat Singh jaisa aadmi se garv ve, parantu Ye koi nahin chahta hain ki apna ghar mein Bhagat Singh paidha ho”
Lolzz… 🙂 dik ve reng…!! hahaha..
Kei chu “system’ hi ka puh tho tho.. effective system a awmloh avang hian sorkhar hian awmzia a nei lo ani ber.. chutiang system sorkar hian a siam thei lo anih chuan “Government” hi awmlo ta law law se.. rules and regulation hi awmlo se..!! Tunah min rule ta sa sa, tha tak le effective system ngaihtuah zawk tur a ni..
“parliamentarian 545 kan nei a, population 1.2 billion ah.. region, language, culture chi hrang hrang a awm bawk a. Chung chu Govt hian a enkawl zo lo anih chuan state tin hi independence pe vek se ” tih vel hi nimin khan ka thiante nen kan sawi teuh a… A tawpah chuan Anarchist ni vek ila, kan hlim tlang thei ber ang kan ti ta…
August 29th, 2011 at 5:19 pm
HV: Mizoramah chuan a sang chin chu an inla mi tak deuh lurh zel alawm, intih zahawm an tumna lamah hian an nel awmloh vek zel alawm.
August 29th, 2011 at 5:29 pm
Mite dinhmunah hian ding ta ila engruai ka ang bik angem le. Zirlai an nih laia fel tak tak EU hruaitu te, ram leh hnam vei tak tak te, mihring mihrinnaa mitha em em te, an nu leh pa pawh Pathian trih mi tak tak te. Financial power an neih meuh chuan pressure hrang hrang dawl zo lo ti ve ta mai hi ka hre hnem ve em mai a. An dinhmunah hian ding ve ila eng ka ni bik hian ka ring lo :thlasikmaupuahvepawp:
August 29th, 2011 at 5:59 pm
Chaw ei khamah uluk takin ka chhiarchhuak dap ang a, chuan ka lo comment ve ang…
August 29th, 2011 at 6:07 pm
#28 A dik lutuk. Lehlamah zirlai an nih laia examna a entawn ruk ching, tuna kohhran hruaitu pawh an awm mai thei a sin….
August 29th, 2011 at 6:18 pm
(Y) .. Eiru ho (N) (N) (N)
August 29th, 2011 at 6:21 pm
Comment tawh ang lem.. Post tupa, i post hi tha ka ti. Corruption tehna hi a awm chu a ngai ani. Corruption huanga telh theih, mahse han palzam maia tu te tan pawha pawi lemlo kan hlawkpui chin si hi chu a awm ani tiraw? Mahse kha thil khan tuemaw tan harsatna leh hekna or rilru natna thlen lo se. Mahse, buaithlak ta chu engtinnge EIRU-TO-METER chu kan siam tak ang?..Hehe :-O
August 29th, 2011 at 6:35 pm
Aizawlah hian, mi thenkhat chuan motor lei tumna rilru an neih tan ek ek, Bank ah loan a buaipui tan atang hian, Driving Licence a la neihloh chuan awlsam taka dan hnuaichhiah a neih theih dan a zawng kual a, ka chumi-khami hmelhriat/laina a awm, ka biak tir dawn an ti zel. Ka mi hriatchian em em te pawn. Corruption ni chiahlo mahse kan sawi tel ve lawk, mizo te hian queue kan zahlo. Chaw eikhawm emaw engemaw intlar tulna thilah zak miahlo va mi kara inzeh ching hmuh tur kan la tam. Kan intih changkan hlawm nen, kan la che nawi thei khawp e, thenkhat chu..
August 29th, 2011 at 6:39 pm
20 VaiVa Says : “Har koi Bhagat Singh jaisa aadmi se garv ve, parantu Ye koi nahin chahta hain ki apna ghar mein Bhagat Singh paidha ho”
Vaiva chu hming mai lo pon lo vai tak2 ani mawww
August 29th, 2011 at 6:51 pm
niah! Vai ho hi an tam khawp a, an zavai hian vaw thlu ta la, nuai 10 an la cham bang tho ang!
August 29th, 2011 at 6:52 pm
Three most important words in corruption:
Don’t Get Caught 😀
Mihring perfect lo zingah hian corruption tenau eng eng emaw hi chu a awm reng ang. Reh bun na chin tawk hi nei ila a hahdam thlak mai. 😀
August 29th, 2011 at 6:59 pm
Comment zawng zawng Ka khaikhawm e. (Y)
Vote hralh te hi a hlawk, hlep hlang hlep hlang. (N)
August 29th, 2011 at 7:01 pm
He post hian kan dinhmun a sawi chiang a, a á¹ha tho mai. Mahse corruption a hluar tawh lutuk tih vanga pawmzam emaw, mahni in-adjust mai lam emaw hi chu ka support lo khawp mai.
Thamna pek vanga thil tih a awlsam phah dawn a nih pawhin kawng dik zawha harsatna tam tak paltlang kan thlang zawk tur a ni dawn lo’m ni?!
August 29th, 2011 at 7:14 pm
#funny I philosophy chu tha hle mai..”Don’t get caught” 😀 He khawvelah hian tumah perfect kan awm silo a, nia, a lutuk lo chin hi chu ngaidam ang u. Misual ho hi chu corrupt thei dinhmunah pawh ding ila corrupt loh tur.
August 29th, 2011 at 7:19 pm
Corruption te chu saum nen bawl phuan ila, tui lutuk…akekekek…mi ramah pawh an do theih chuan engvagin nge kn theih loh bik ang, hmahruaitu tur hruaitu tha tak kan mamwh, huaisen taka hma la ngam, mipui chuan kn zui mai ang…
August 29th, 2011 at 8:28 pm
Sorkar hna kan han hmu ve hlauh mai a, chhungte leh thenrual tha ten min lawmpui ve nangiang mai a, mahni lah kan lawm em em a. Mizoramah chuan hei bak duhthusam tur a tam bik lo bawk a, a hlimawm em em a. Mahse kum 20 zet kan han thawh tawh hnuah pawh eiru thei dinhmuna dinloh chuan kan ngheilo hram hram a ni reng mai a. Eiruk theih ve te hi chakawm deuh a sin. A nih loh vek pawhin USA te ang ram changkang a hnathawk ve pha nih te hi a chakawm a ni. Pathian hian thluak tha deuh te min lo pe ve hlauh se IAS te han ni ve ila chuan Rs Nuai khat chuang te han hlawh ve ila eiruk hi ka chak em em ka ring hauh lo. Tunah erawh chuan Chrismass dawn te hi ka eiruk ve theih chak vanglai a ni si. :-S
August 29th, 2011 at 10:32 pm
YMA hian chung mi ti khawtlai lui ho chu ZU a do ang in han do phawt mai se a dik ber ang. Corruption Do hi kumpuan ah nei phawt se. Kristian za a za awmna State kan in ti si a.
August 29th, 2011 at 11:25 pm
Comment hmaih ngailo te comment hmuh a va har ve! Ka lo chang ve char char a 😛
August 30th, 2011 at 6:55 am
@25 (N) , Mizoramah hel an awmlo an ti zo chauh a, anlo om a niang.. 😛
August 30th, 2011 at 7:15 am
1980 chho khan eirukna abikin PARENT DEPARATMENT PWD ah anasa tih mite sawi thin ka hria a, eiruk duhlo ve tak ka nih avangin “Khai aw !!” tiin “Engineering zirin luh chilh ila, theih tawpin DO teh ang” ka ti a, kan zir zawh chuan A nghet pawh nilovin MR in kan bung ve lauh lauh va, a hmuna han awm chilh phei chuan a lo rapthalk hle mai lah tak a, kum 6 PWD a ka thawh chhung khan a RAPTHLAK zia chu hre ve hmanin ka inhria…. tin, DO hneh pawh a har hle tih atakin ka hre bawk. Tunah erawh eiruk ve duh pawha eiruk tur awmlohna hmunah nupui fanau te chawmin ka thawk a, NUAM TAK a ni….Zoram ah ni lo a nia..
August 30th, 2011 at 9:43 am
VaiVa post a ni bawk a, tihian ka comment ni mai teh se. Comment-te hi ka khawr tut tawhin ka hria, ka inthlahrung dûk mai a. A ngam te pawh ka ngam thathum lo. Khawnge hmui thianghlim pu dog_lip kha? Tun tum chu ‘Mahni khelh loh game’ a va rawn ti lo ve. 😛
August 30th, 2011 at 10:05 am
Kan chenna khawvel hi, “Corrupted World” a nia. Diabola chithlahte thinlung, “Corrupted heart” atang hian, ngaìhtuahna sual leh tenawm a lo luang chhuak zut zut bawk si a. Midikte tan chet a har em em mai a ni. I thil han sawi lah hì a dik hlawm riau bawk si. Mahse, pawmzam ta ngawt ila, a aia thalo zawk a hring zel dawn bawk si a, midikte kan hnawt chep telh telh dawn bawk si a ni. “A spark neglected burns the house”.
August 30th, 2011 at 1:26 pm
Pu Vaiva nge nge, ziak tha hle mai. Telegraph ah hian article kalo chhiar a, ka lo chep thla chiah a, kan ram ah chuan ‘tradition’ ah kan nei thuk tawh lutuk a, chhung te, thian te, veng/khua te duhsak te hi dan kalh pawh nise dik tlat in kan hre tawh anih thu an ziak. Kan Zoram ah phei chuan a dik lutuk leh zual.Nimin zing mai khan ka office kalpui ten Gas chu han harsat vakloh thu an sawi, an nau MIZOFED ah a thawk a, an ti. An awlsam viau lai khan intlar te chuan an chang lo fo bawk, mahse tithei tu nih chu zah pawh kan zak chuang lo.
August 30th, 2011 at 5:48 pm
Post ngaihnawm tak ani.
Corruption i tan tihna ni pawhin ka hre lova, i nin viau vang zawka ziak inih ka ring thung. Ani renga, India ramah hi chuan mi hi kan corrupt lutuk a, mi pangngai tan pawh thil hi a dan tur anga tih mai a theihloh lek lek zo ta anih hi.
Anna Hazare te ho hian theihtawpin an bei a, kan support lo rilru viau anih pawhin mipui awareness a chawk tho leh tuna young generation hi chu engemawti tak chuan a nghawng ngei ang.
August 30th, 2011 at 6:17 pm
‘tehna dik siam ni se’ tih lo sawi mawi ta ila. Dan leh dun chu a awmsa teuh a lawm tih ani leh ang..mahni responsibility leh nihna hrechiang apiang hnamte hi an lo ding chhuak tawh a. Tehna dik hre tur chuan mahni threuh kan inen a ngai ngei ang, hruaitu ropui tak2 ten an hlawh pawh la lo a, sawrkar hna an thawh laia, thawk mangloa a mawm lai lo sawh phet tum kan awm hmur chhung chu hma khua avar lo khawp ang.
August 30th, 2011 at 6:31 pm
Corruption leh zu chungchang sawi hi chuan tawp ni a nei dawn in a lang lo. Corruption hi kan hua a, kan duhlo a, mahse, corruption haw tak tak tute hi a bo theihna tura hmala theitu kan ni lo tlat thin hi ani. Mipui nawlpui hi chuan kan hua, kan control phak bak ho hian an haw ve tak tak lova, chuvangin corruption hi a nasa tulh tulh ni maiin ka hria. Sorkar ah chuan beiseibo, YMA te hian Corruption do kum han puang se kan ziaawm mahna
August 30th, 2011 at 6:32 pm
Corruption leh zu chungchang sawi hi chuan tawp ni a nei dawn in a lang lo. Corruption hi kan hua a, kan duhlo a, mahse, corruption haw tak tak tute hi a bo theihna tura hmala theitu kan ni lo tlat thin hi ani. Mipui nawlpui hi chuan kan hua, kan control phak bak ho hian an haw ve tak tak lova, chuvangin corruption hi a nasa tulh tulh ni maiin ka hria. Sorkar ah chuan beiseibo, YMA te hian Corruption do kum han puang se kan ziaawm mahna.
August 30th, 2011 at 6:34 pm
Lo submit nawn nih khi…sorry..
August 30th, 2011 at 6:37 pm
Ti daih teh ang, mawilo a ni em lo ang a, kei chu tribal scholarship kha la turin ka qualified a, ka la.
Mahse, tunah rih chuan ka fate hian income/annum-ah an tling lo a, dil tur awm ang chi pawh ka dil tir ngai lo, a chhan chu nakinah an pride tur ka lo tih chhiat sak daih thei.
corruption hi inchhung khur atanga kan do a ngai a ni. Kan fate hi kan naktuk an ni tih hre reng ang u.
August 30th, 2011 at 6:46 pm
#54:
I fate chuan income diklo hmanga anlo la lo kha nakinah nuam an la ti zawk ang.