White House East Wing gate hmasa ber chu kan lut ve ta reng mai a. Gate kan lut chiah tih chuan Union general William Tecumseh Sherman-a lim chu veilamah chuan lian zet maiin alo ding luah mai a. Sherman hi American civil war a general lar tak niin Atlanta a lak khan Abraham Lincoln a tlin nawn leh phah nghe nghe a ni. A lim hi sakawr chunga a chuanglai, lungrem sangtak a dintir anih bakah, ama lim tho lungrem kiangah hian ke a dingin pali dang a awm bawk. President a thlan an tum pawh a hnial tu a ni.
Tichuan Secret Service lam chuan hlim hmel pu tak chungin kan kalna tur lam minlo kawhhmuh zel a. Check gate dang pan chuan thlur hnihin kan inzui phei ta hlawm a. Chutah chuan kan identity card min phawrh tir ta a, an lehkhabuah chuan kan hming a chuang em tih an en ta a ni. Kan hming an hmuh hnu chuan kan hming zawnah chuan an thai hang zauh a, kalna tur lam min kawhhmuh leh ta a. Phul nuam tak karah chuan kawng kan kan a, gate dang alo awm leh a. Hetah pawh angai ang deuh thoin kan thil ken leh ID min en sak leh a, kal dan tur min hrilh leh ta zel a. A chhawng nasa nek nawk hle mai, fimkhur loh theih ni heklo le! Mobile home ang deuhah hian ‘ngil, ding, vei, vei’ kalin kawngkharah kan lut leh ta phawt mai. Hetah thung chuan thlawhna tumhmun ang maiin uluk takin X-ray na te nen kan thuam leh paipawn te min en thlithlai sak leh ta a. Zah taka chibai bukin kan kalna tur lam min kawhhmuh ta zel a.
Kan kal dan hriat awlsam nan:
Gate dang mawi angreng tak mai veilam luhna atang chuan kan chhoh kal zel a. Kawngkhar lian zet mai, a hlui tawh hle tih hriat tak, uluk taka enkawl tih hriat ngawih ngawih lawi si chu kan lut ve ta. Hemi pindan hi leidap kan ti dawn nge, ground floor a ni. bang lehlam tawn ve ve chu American mi-un ho thlalak leh an lem kual mawi (framed) taka dahin an tar tlar put mai a. Pindan hmasa berah chuan pasarih chiah ka hmu thung. Step tlem kan lawn chho a, kalna zau tak (Hallway) ah chuan kan phei zel a. Dinglamah chuan “Library” a awm a, chumi veilam chiahah chuan “Vermeil room” an tih chu a awm bawk a. Vermeil room dawt chiahah hian “China room” an tih chu a awm bawk a. Hemi hmalam erawh kal an remti lova!
Chuta tang chuan step zau nuam tak, thlur hniha kal theihna dinglama awmah chuan kan chho ta a. Step tawpah chuan dinglam panga pindan zau tak mai “East Room” an tihah chuan kan lut ta a ni. He room ah hian chhuatphah (Rug) lianpui mai phah anih bakah Meichhitenna (chandeliers) lian pui pui, Crystal mawi tak taka siam, pathum a inkhai lurh lurh hlawm bawk a. He pindan ka luh hian an thil tar chuan min khawih ve hle mai. A chhan chu kha pindan kha President JFK leh President Aby te ruang an lo zalh tawhna anih vang a ni.
East Room atang kil tawp atang chuan “Green Room” an tih chu kan lut phei leh a. Hetah pawh hian pindan leh hmun dang ang bawkin secret service ho chu midang thlithlai awmlo takin an ding ngawi reng bawk a; India pulit ho anglo takin an nelawm phian lawi a! Green Room piah chiah hi “Blue Room” tih ani a, an chhuat phah pawh rawng pawl a ni a, an room hming chawi takin an chhuatphah rawng pawh a dang zel a ni. Red room an tih chu kan lut leh a chhungah hian meichhemna (fireplace) a awm a, mahse a danglamna chu 1818 ami Empire mantel a awm a. Tin, an meichhemna chu sailungvar nalh tak maia chei a ni bawk. Hemi pindanah ngei mai hian ani ka fanu chau deuh tawh chuan “Apa ka chau” tiin “Ladies Chairs” an tihah chuan an thu thuak hman nang a, secret service te an phe rang kher mai. Nuisangin ka fanu Janis hlauh loh turin “Miss khatah chuan thut an phal lova,” tiin an hrilh a ni. Hemi room hi President te pawhin party an lo neih na thin a ni awm e.
Englekhawle, “China Room” bul atanga kailawn (step) kan chhoh khan chhawng khatna (first floor) kan thleng a ni a. Tichuan, Red Room dawtah chuan “State Dining Room” a awm leh a. Hemi pindan hi a lianin adar zau kher mai. Chawei mi za chuang an leng niin a inziak nghe nghe. A pindan luh chiah hian kan hma zawnah Aby lim, a lu chin chauh lianpui lo inhung kan hmu a. Kan dinglamah chuan mu (Bald eagle) in bang rinchhan dawhkan chu a chhipin a dokang a; dawhkan keah an hmang anih chu. Mu lem hi mawi taka thinga ker ani a, feet 3 emaw laia sang ani maithei. Chutiang chu hmun thuma inhung ka hmu a. Tin, he pindan meichhemna chungah hian President Aby lem lianpui tar ani nghe nghe. Hemi pindan ah hian alawm ram hruaitu pawimawh tak tak te President in chawhlui alo kilpui thinna chu. Kan hawi hu hu bik miahlo ania, chik takin ka thlir kual ve nasa mai.
State dining room dinglam atang chuan “Cross Hall” an tihah chuan kan lut leh ta zel a. Hemi pindan hi alian ber maithei!. Meichhitna lian pui pui a inkhai a, han phei zel chuan “Entrance hall” an tih luh leh dawn chiahin chhuatah chuan, an sak kum/a kan chhiat kum leh sak that anih kum te chu uluk taka kerin a awm a. Entrance hall atang hi chuan pawnlam chhuah ani tawh mai. Pawn ka han dak chhuak a, hmana White House pal hunga pawna thla kan lo lak ve zak zak na thin, mikhual kan lo hruai ve na thin te chu ka zuk hmu a, lung a tilengin, tuna ka chan,a chhunga luh ngei nen chuan a danglam hle tih ka hrechhuak zui a. Pawn kan chhuak ve ta nge nge a, mi lah chuan an cell phone hmangin thla an lo la sup sup mai a. Kei lah chu camera phone neive mah ila USB nei chuang heklo i, thla chu kan la ve nial nual a han dah chhuah theih lah ka nei ta chuang der lova!
White house kan fang ve ta chu ani reng mai a, khawvel ram ropui ber hruaitu chenna chu. Mahse, ka’n ngaihtuah let hian a ram ropuina leh hausakna te aia ka ngaihsan chhan a awm ta tlat mai! Chumi chu heihi a ni: Khawvel ram ropui ber hruaitu chenna e tilo chuan, mi pangai neih baka chei uchuak ka hmu hauhlo ti ila ka sawi sualin ka ringlo. Thil hlu awm te chu an hlui tawh vanga hlu emaw, ramdangin an pek (present) te anni daih mai. Kan hriat lova invenhimna ropui leh nasat dan tur zia chu rinthiam ngaihna pawh a awm lova, chu erawh chu venhimna thil ani daih thung si. “An chapona hi avan tlawm tak em,” ka ti ta ber a, ka ngaihsanna a zual sauh bawk.
Similar Posts:
- White House ah sawm loh!
- Inneih Zan
- White House tlawh chungchang! -1
- Ka thlâ a hrâng!
- Pu RS Rosangluaia Mizoram House Compound-ah thia chhar a ni.
July 22nd, 2011 at 2:03 pm
Chhiar ang aw…
Report this comment
July 22nd, 2011 at 2:04 pm
ka chunga mi ve ziah hi! kal ve chak e!
Report this comment
July 22nd, 2011 at 2:16 pm
white house hi la fanglo mah ilang, cod 7, p.c games ah amawni khan a chhung awmdan zawng2 an rawn tilang a. rauthla chuan a fang ve theih
Report this comment
July 22nd, 2011 at 2:20 pm
Zaninah ka zin chhuak dawn a, comment äm deuh teh ang. General Sherman chu sipai dik tak ani maw. Ka va han ngaisang em. Pic. Khian a tih chian phah hle mai. Unconditional Grant min hriat chhuah tir bawk.
Report this comment
July 22nd, 2011 at 2:21 pm
Kei chu a blog lamah ka lo chhiar hmasa tawh a :inti thei:
Report this comment
July 22nd, 2011 at 2:31 pm
A ngaihnawmin a bengvarthlak hle mai.
Report this comment
July 22nd, 2011 at 2:55 pm
Kal ve chak eee….luh an phallohna hmunah khan enge awm ang o..te ka ti mai mai..suangtuahna in k fang ziak ngaihnawm bawk a
Report this comment
July 22nd, 2011 at 2:57 pm
Green house pawh a var vek tawh..!
Report this comment
July 22nd, 2011 at 3:23 pm
Report this comment
July 22nd, 2011 at 3:49 pm
Ot mobile ka hmang a, mobile site ah a lo awm ve ziah mai, engvangnge niang aw,
Report this comment
July 22nd, 2011 at 4:17 pm
Ngaihnawm lutuk tlat. ka kal ve duh chak
Report this comment
July 22nd, 2011 at 4:36 pm
A hmun a kal ve ang mai in kan chhiar tui chu le.. Manhla thin e.
Report this comment
July 22nd, 2011 at 4:58 pm
A ngaihnawm viau mai a.
Moscow-ah pawh White House an nei tlatin ka hria. Chaltlang (Aizawl)-ah pawh khan White House a awm thin kha, ka hmelhriat te in lehnghal.
Report this comment
July 22nd, 2011 at 4:59 pm
Tihian white House chu kalve ah ka inngai ta mai.
Report this comment
July 22nd, 2011 at 5:05 pm
lewisnky leh clinton in kherawlai deuh reuh kha record nei an awm a ngem le?
Report this comment
July 22nd, 2011 at 6:12 pm
A ngaihnawm e.
He post ka chhiar laia ka rilrua rawn awm chu- He khawvela kan Lal te hi chu an lal poh leh an chunga inthlahrun a nain, mi nazawng tan hmuh an har thin a. Venhimna pawh a rip zual thin a ni. Mahse lei leh van Lalber erawh keini mi naran tan pawh duh hun huna pan theih a ni thung si. A va ropui tehlul em.
Report this comment
July 22nd, 2011 at 6:21 pm
CFL:
1). Lei lal te chuan secret service venghimtu atan an hmang. Pathian chuan vantirhkoh te a hmang.
2). Khawvel lal ramah chuan midik famkim lo pawh an lut thei. Pathian lalramah erawh chuan sual themte pawh a lut ngailo/dawnlo.
3). Ram roreltute chenna lut turin, a thawk te emaw keimahni aiawh ten min dilsak angai thin. Vanramah erawh chuan sakhaw rindan tam tak a danglam thung!
4). Ram roreltute chenna lut turin dilna thehluh angai. Vanram kalnan erawh Lal Isua in phalna min siam sak. A khawia ve ve pawh hi kan chenna hmun anih loh avangin kan kalkawngah tawhsual tawk leh thei kan la ni fo!
Min chhiar saka ka lawm e
Report this comment
July 22nd, 2011 at 6:41 pm
Kalo nghah hlelh tak chu, pu HV zar ah kan fang ve leh ta– nuam thei thin mange!
Report this comment
July 22nd, 2011 at 6:42 pm
Zephyruss #18
lawm takin kan zing mut hiah ange 
Report this comment
July 22nd, 2011 at 7:05 pm
Ngaihnawm thin mang e aw… HV-a zarah hian ka beng a var phah zing tawh asin.
Report this comment
July 22nd, 2011 at 7:33 pm
Ziak ngaihnawm hle mai… A pawn lam lan dan ah chuan Buckingham Palace aiin a nalh zawk maithei a, a chhung lam en erawh chuan Buckingham palace a ropui zawk hial ang. White House chhung chu president lakluh te, press conference neih te, correspondent dinner hmanni lawk a an neih ang te leh thil dang (thlalak etc.) te atanga hmuh chhun ah hian a simple viau chuan ka ring a. Mipui sawrkar In dik tak a nih ka ring i ziah hmang ah conference/dinning hall a tam hmel emai, Bangla chhuahsan hunah carpet te an hik ve vak in ka ring lo
America chu an President te leh an hruaitu hmasa te an zau in a dinchhuahna bul tantu te lek phei chu Pathian rawngbawltu tha tak tak te vek annia. Vawiin ni a an hausakna zawng zawng te hi an mi hmasa te Pathian trih rah zar an zo a ni ka ti lo thei lo. President hmasa ten “Kan ram hi Pathian ah chauh kan in nghat” ‘One Nation Under GOD’ an tih te, eiruk na awm thei tho mahse he lehkhaa i rinawmna hian i Pathian chunga i rinawmna a ti lang a ni tih entirnan “IN GOD WE TRUST” tih dollar a an han ziak kuau mai te, “America ram President ni tur hian Pathian thil tih theihna ringlo mi chu an tling lovang” tih president hmasa ten an lo aupui na zar kha vawiin ni thlengin Pathianin mal ala sawm zel niin ka hria.
Polite hi hausak leh chung en nih avanga polite hi a awm theih a, rethei em em chung pawha polite hi an ngaihsan awm ka ti bawk.
Report this comment
July 22nd, 2011 at 7:47 pm
Daju chu dek ngaihnawm fu mai…..
lo zin hun chu min hruai ve a niang chu.
Report this comment
July 22nd, 2011 at 7:48 pm
a ropui hle mai a… Keini tan zawng damchhung tawi te ah hian engtikah mah kan tlawh ve thei dawnlo a ang! Pu Hv-a te chu in ni hlawh bik mang e
A ngaihnawm bawk
Report this comment
July 22nd, 2011 at 8:13 pm
Asteric #21 Aby-a thleng leh no etc tih vel atanga, JFK … Bush te no hman thlengin ala awm far mai mawle.
mr.Duhlova, a pawnah chuan lutuk e
Report this comment
July 22nd, 2011 at 9:00 pm
A ngaihnawm hle mai ! Tunah rih hi chuan Tuikuk pa thlawhna thlawk thlirin kan thlir mai mai chu ani tak si a. History lamah te, Political Science lamah te a vir tawk lekin kan lo chhiar sil ve nial nual a,an Civil War hunlai te, an President hmasa ber President anih hma a, a chanchin nen lam khan ALaibu atang daih tawh khan kan chhiar a. An constitution draft dante… President Grant-a cowboy ziate, zu aheh zia te, ka mi ngaihsan Abraham Lincoln,etc etc mizo tawng nei pawhin hmanah tuemaw ni khan a lehlin pek kha …a hmun ngeia han kal ve chu chakawm khawp mai… Pu HV a te in vannei e…
Report this comment
July 22nd, 2011 at 9:27 pm
loneeagle26016 #25 ni e kan vannei takzet niin ka hria. Kum 10+ te kha chuan luh mai2 pawh an hawn ni chuan a awl viau awm e. 9/11 hnu chuan ka thu ziak ang hian alo khirh erh mai a. Tih tak vekah dap dan hrang2 ka dap kual a, vanneih asiamin hmelhriat thawk kalo nei hlauh a ni. A tawngkam tha ka umzui man ani ber awm e. Kan lawm ve khawp mai
Report this comment
July 22nd, 2011 at 10:27 pm
Bengvar thak e. Maipawl kan pu leh ta.
China room khi engtia ‘china room’ ti nge an nih aw?
Conclusion ka chhiar lai a ka rilrua awm chu, americd ramropuia hotu hi pathian ruat chu an ni ngei ang. Mahse, atanghma a hai lutuk hian a la vuaklet nat ka ring tlat. A tana hamthatna tur leh a super power dal turah hi chuan tih hreh a nei vak pawn ka hre lo.
Sadam hussein avang a thi aiin Bush-a vanga thi an tam zawk daih ang.
Report this comment
July 22nd, 2011 at 10:36 pm
Chhiar a nuam e, i ziak thiam bawk. A ropui e.
Report this comment
July 22nd, 2011 at 11:07 pm
Rumtea #27 Tlakleia siam ceramic thleng, no leh belthleng mawi tak tak te hi Chinese ho chuan kum 100 tam liamta atang khan siam anlo thiam tawh a. Europe lamah chuan kum zabi 18na vel khan an thiam ve chauh a ni. Htiang tlaklei atanga thilsiam ceramic te hi porcelain emaw, china emaw anih loh chuan pottery tiin koh/sawi anni.
Chuvangin “China room” han tih chuan chutiang ang chi ho dah khawmna pindan tihna anih tak ber chu. Engpawh nise, “China room” ah hian President hrang hrang ten china an lo lak khawm te dah a ni.
Post ah khian kalo sawi chianglo deuh anih khi, ka tihpalh a ni e.
I hriat chian duh chuan link hi click mai ta che:
https://www.whitehousemuseum.or.....a-room.htm
Report this comment
July 22nd, 2011 at 11:07 pm
21@
Report this comment
July 22nd, 2011 at 11:49 pm
Mumang ah tak ngial pawh kan la mang ngaih loh, i lo zuk chil phul leh der ta bik a! Avan ngaihnawm em!
Report this comment
July 23rd, 2011 at 3:02 am
seki #31 ty em em.
Mak ka tih deuh chu khita ka ziah ang khian, thil thar ropui tak tak han inhung bengbung ka hmulo kha a ni.
Report this comment