Tûn hnaiah mi{sual}.com lamah thlahrâng kan uar ta riau mai a, a mak khawp mai. Hei, ka thlahrâng tawn hi ka’n ziak ve rawih a ni. Nikum lam khân Aizawlah thlahrâng sawi a tam hle a, video eng eng emaw pawh a awm kha. Kha’ngte kha awih lo viau mah ila, he ka thil tawn atang hian thlahrâng hi a awm lo a ni tiin ka tang ngam tawh lo a ni.
College zirlai ka ni a, mi in luahin ka khawsa a. Ka in luah hi RCC building chhâwng thum niin a hnuai ber ka luah a, a thlang lam chu khâmpang awih vut hi a ni. He thil rawn thlen hmasak ber chuan zâna ka mut hnuin kawngka a rawn ri rak a, ka thiante an nih ringin ka va hawng mai a; mahse, tumah hmuh tur an awm lo va, ka mu leh mai a.
Ka muhil dâwn ta maw tihah chuan kawngka kik thâwm ka hre leh ta a. Ka thiante hi fiamthu duh tak tak an nih avângin min rawn fiam mai mai a nih ka ring a, ngaih thatlohna nei lêm lovin, “In va ninawm mai mai e..” tih pahin ka va hawng leh a. Kawtah chuan mihring êk leh bawng êk hi a lo awm teuh mai a. ‘An mi fiam dân mai mai chuh!’ ka ti rilru nghe nghe.
A tûka thenfai atan tiin ka mutsan leh mai a, hemi zân hian thâwm dang ka hre tawh lo. A tûk zîngah thenfai tuma ka va chhuah nâk chuan bawng êk leh mihring êk rêng rêng a lo awm tawh lo, pânhnah hlîr mai a lo awm a nih chu! Tihngaihna ka hre lo kher mai. In chung leh thenawmte ka zawh kual ngial pawhin tuman ka tà an tih loh avângin ka hralh ta daih a.
Ka hlâwk ta phian a. Chhûnah chuan class ka kal ta a ni. Tlaia ina ka haw leh chuan pânhnah awmnaah khân nihawichi chipna kâwr hi a lo awm teuh a, ka nui chhuak hak nghe nghe. Zîng lama thil thleng hre rânin zânah ka mu a. Current ka off hma chuan thlang lam tukverh atangin pâwna sazuk lo ding reng chu ka va hmu ta a. Mak ka tih êm avângin ka mit ka’n nuai thîn, a la ding reng bawk si. Tukverh ka va hawng a, a tlânchhe chuang miah lo va, a mit te chu a khap fuk fuk lehnghâl.
Hralh atana man leh mai ka tum lai tak chuan thlang lam khâmah a zuangthla ta daih a. A hnu lawk, tukverha ka la dahchhuah reng laiin sazuk awmnaah tak chuan kêl a rawn bê ta êl êl a! A tak ka hmu bawk si lo va, ka hlau rilru kher mai. Reh a hnêkin a bê uar telh telh a, a tâwpah phei chuan a bê uar lutuk hi a nui chhuak hawk hawk ni berin ka hria a. Ka uang mai mai emaw tiin inchungnu chuan tukverha dâk meuhvin mi rawn hau nghe nghe a ni.
Tukverh chu ka khâr a, kêl be pawh a reh ve mai a. Ka’n hawng leh chhin a, ka hawn rual chiahin a rawn bê leh ta a nih chu! “Awi! Lalpa leh!” tih pahin ka khâr leh nghal a, khumah puanin ka inlukhûp ta vat a. Nakin deuhvah chuan ka tho va, ka tawngtai a. Ka tawngtai lai chuan ka hmaiah thlî hian a rawn chhêm a, tukverh ka khâr theihnghilh a nih ringin hlau chung chungin ka’n meng chhin a, a inkhâr phui khap si. A ni tawh êm êm love tiin tawngtai chhunzawm ta lo chuan in chungah ka chho va, inkhêl en chhuanlamin an inah ka riak ta a.
Dik tak chuan hemi zân hian Burma inkhêl takngial pawh a awm lo a ni. A tûk zîngah chuan eirawngbâwl turin ka hawthla a, in chhûng ka’n luh nâk chuan chhuat laiah ka bungbêl zawng zawng chu a lo awmkhâwm rum mai a! Kawngka ka kalh vek si, mak nge tak pawh ka hre tawh lo. In chungah tlân chhovin thil awmzia ka han sawi a, inchungpa chuan a rawn en a, mak a ti ve kher mai. Pindan lamah a va lût phei a, a rawn chhuak leh vat a, pindan lama ka luh tawh leh luh tawh loh min rawn zâwt a. Lu ka’n thin chuan, “Va en ve chhin teh,” min ti a, ka va lût ta a..
(chhunzawm tur…)
Similar Posts:
- Ka thlâ a hrâng (chhunzawmna)
- Thil nawi thenkhat-1
- Facebook hrâng!
- I thinlung hawng la
- Thlawhtheihna
(Y)
September 9th, 2010 at 9:42 pm
@BMW, thanks.
Misual.com ah hian tawngtheilo leh bengngawng ang mai kan nia. Chu chu helen keller-i sign ‘i love you’ all misual.commers hi avatar a ka hman chhan central idea a nia. Setana lampang chu rilru ah pawh lang lo hrim hrim.
Report this comment
September 9th, 2010 at 10:11 pm
Mr. TSA chu a… Ka lo nghahhlelh tawh tiah tiah nen. Danger lo thei em mai. Kha, thlahrang i hmuh tak tak chanchin kha rawn ziak tawh teh.
Chuan, i thu ziah hi a flow a dik. ‘A hoh hmel e’ ti chungin uluk takin ka chhiar tluan ta parh :D.
I tih tawp dan mai mai hi a kontinew na chhiar a chakawm reuh.
An va OT nasa reng reng ve, OT zawng zawng te thu pha ka rawn chawisak nghal e aw.
:lalmifeLpa:
Report this comment
September 9th, 2010 at 10:24 pm
Ka hlau tep lawm le
Report this comment
September 9th, 2010 at 10:30 pm
Kei chu ka OT ve lo… THLAHRANG…
Report this comment
September 9th, 2010 at 10:31 pm
Midang pawh khi an OT vak loh khi, Thlahrang leh Setanic te chi inmil deuh ania :lol:
Report this comment
September 9th, 2010 at 10:32 pm
hehe ..Sidney Sheldon min ti se chhuak i thil ziah chuan.MPD(Multiple Personality Disorder)I neih tir duh hmel..
I bei tawp lak lawh e..i sual..
Report this comment
September 9th, 2010 at 10:32 pm
ChhawnBur, mu rawh
Report this comment
September 9th, 2010 at 10:33 pm
Avatar a mahni thlalak hmang ngam awm chhun ka ni mai awm mange
Report this comment
September 9th, 2010 at 10:36 pm
ThaiBoy congrats
Report this comment
September 9th, 2010 at 10:45 pm
Mahni thlalak chiah chu ka hmang lova, mahse kan Avatar nen hian kan in ang tlang vek chuan ka ring…
THLALHRANGGG……!!!
Report this comment
September 9th, 2010 at 10:50 pm
Engtin nge in neih a! Avatar hi ka duh ve nia,Admin te hian phal chin in nei ami?Mahni thlalak tar tur in tih phei chuan,ka chhe lo ania!
Report this comment
September 9th, 2010 at 11:02 pm
@ Mr TS, a va ngaìhnawm ve. Thil thleng tak tak a ni em ? Chhiar chhunzawm thuai a va chakawm ve.
Report this comment
September 9th, 2010 at 11:05 pm
@Thai-tlangval, i thlalak hi midang khawlah ka hmuhna a rei tawh mai!
Report this comment
September 9th, 2010 at 11:07 pm
#61 ben, gravatar.com ah kal la.
In sign in na alo awm ang a.
Misual.com sign in nana i hman email id hmang khan i in register dawnnia.
A bak chu i hrethiam vek mai ang.
A hnuaia link hi lut rawh. Tah hian a in pe chiang-
https://misual.life/2009/11/.....duh-ve-em/
OT lawks @ post tupa
Report this comment
September 9th, 2010 at 11:11 pm
@Devil18 Says:
September 9th, 2010 at 9:02 pm
ha ha ha. Tukverhah a zai a, kel a be a. Oh, :tihpalh:
He he
@LalTS dawt phuahchawp ringawt a ni maw ilo post vel a. Devila sawi ag khia nangmah ngei hi tukverh i hawn rual a kel lo be kha a ni chiang, hlauhawm lo raps……
:lol:
Report this comment
September 10th, 2010 at 12:33 am
misual ho advise pakhat:avatar satanic not satanic chungchang
thil hriat dan in ang lo thei……………comment leh peih lo…..(ti leh hram ang) mahse thian ho te …thil hriat loh vang…a little knowledge..tih vel hi chu hmang lo ila tha in ka hria..hriat lam hi in ang lo si a…please…
Report this comment
September 10th, 2010 at 1:24 am
@lalmi5ualpa ty ty…sorry AOE ka lo in khel tui ltk a ka rawn en vat hman lo …AVATAR kan hmang ve hnap a nge!! Next Hrang khi ka chiar chak tawh ltkkkkk..
Report this comment
September 10th, 2010 at 2:57 am
@ben, AOE-ah min cho em?
Report this comment
September 10th, 2010 at 3:05 am
@kawnga….ava chak awm ve,misual ah hian khel an awm ve lo mawni le te ka lo tia…
Report this comment
September 10th, 2010 at 3:19 am
@ben, engtinnge i biak theih? ym-ah emaw, gmail-ah emaw i biak theih em? Khel chhin dawn teh ang.
OT loh nan….I thla a hrang em lo’ng chu maw?
Report this comment
September 10th, 2010 at 11:09 am
Post ka vil hman lo teh tlat a! Comment zawng zawngte chungah lawmthu ka sawi tak meuh meuh e.
Ka lawm em em e.
Report this comment
September 24th, 2010 at 2:21 pm
Lawkin khi laia Banner pakhat-a Reward inziak kulh khi lakthlak hun ka titawh hle mai!
Ka thih hunah keichu min duh lova min lo kalsan tawhtute lakah ka HRANG DAWN chiang….
Report this comment