Kum 1991 khan Mizoram sawrkar sponsored hmasak ber Thar thlaler kal tur zingah thlan tel ka ni ve hlauh mai. Sawi ve reng reng ah tiin kan leader, Pu. Lalneihsanga Fanai (fam) chuan Silchar atangin relin (train) Guwahati thleng min chhuanthlak pui ta a.
Haflong kan thlen dawn chuan leitan (tunnel) hi an tam nalaileng khawp ah, kan thim lut leh hmuk thin. Kan chuanna rel kha a te bawk si, tlan muang bawk nen chuan khawlum ati zual ngei mai. Tichuan, Haflong kan lut dawn ta tihah chuan pa ho chuan rel bangah chuan an Mau tel chu Hnangin an rawn hmerh bei mawlh mawlh ta mai a.
Kan tlan zel a, rel kal muanna lai apiangah Zu tuitling eng tha pep pawp tak mai hi rel tlan pah chuan lei tur a awm phei zel bawk a. Haflong kan chawlh lai hian hel (underground mi) an man lai a lo ni nghe nghe a, kan thlir ve thap mai.
Tichuan, Guwahati atang chuan Delhi kan pan leh ta a, Delhi kan panna kawngah hian Assamese pa, Mizoram a sawrkar hotu hlui Pilai! te nen kan chuangthla ho nghe nghe. Delhi atang chuan Bus in Jodpur, Rajasthan lam kan pan leh ta a. Jodpur ah kan chaw ei kha ka dam chhungin ka theihnghilh tawh lovang. Kan ril atam tawh si, pawisa tam bawk silo chu kawngsir dawrah chaw ei kan tum ta a.
Kan thu thap tih chuan kan hmaa mi te chaw eina thleng chu a neitu chuan pawnah a dah tawp mai a, chumi chu Bawngpui hian a rawn liak fai a, chu chu Ui (dog) hian a rawn tlip sak leh a. Chumi thleng chuan balu suakin a nuai thial thual a min rawn chhawp dit diat ta mai a nih chu.
Midang te kha chu an uak deuh dawn a, u Ruattea (Kulikawn) nen chuan riltam tawh nen kan ei hnan bawrh bawrh mai a ni. Tui avan vang pawh ani anga, midang lo tih than engemaw kan tih ve mai lovang le!
Jaisalmer kan thleng ta a, hetah hian kan vanneih asiamin, Mizoram a Home Guard commandant hmasa ber te nupa an lo awm a, an nu pawh chuan, “fakat, fanih, fatum,” tiin pakhat pahnih, pathum chu inti thei takin a lo la sawi thei, a lawmawm duh hle mai. A ni chuan kan kaldan tur program te min duan puiin min pui nasa hle nghe nghe.
Chutia kan backpack/rucksack te nen inak tuaiha kan tei kual vel lai chuan Hotel Moonshine an tih atang chuan min rawn ko ta nawlh mai a! “Kan hotel atang hian Jaisalmer palace leh hmun dang, TV lamin shooting an nei dawn a, chaw pawh free vekin kan pe ang che u,” an rawn ti a, keini lah chu riltam hle e tilo chuan kan han inrawn der vel te te a, kan “aw” ta a, kan inzui lut ta a ni.
Tichuan, an hotel chungzawl nuam tak maiah chuan min hruai chhoin kan chaw duh zawng te chu min rawn zawt dan dan a, kan lo sawi zel bawk a. TV lamin an la zo ta a, kan ei zo ta bawk tihah chuan kan chhuak leh tur chu, khawi ram atanga lo kal nge kan nih tih min zawt a, India kan tih erawh kha chuan an ner nasa nei nawi viau a ni, nge a hmain min zawh loh teh ei.
Jaisalmer atang chuan Sam sand dune lam pan chuan kan chhuak ta a, kan kiang maiah chuan Australian nula pahnih kum 18 ve ve leh Japanese mi 8 an kal ve a, keini Mizo pawh pariat tho kan ni.
Sam sand dune thlen hma hian Moolsagar khua an tih, khua chiah pawh nilo, in panga lek awmna a awm a, a kiangah chuan fort chhia/ram tawh a awm bawk a, chu hmun chu a hrang (haunted) tih thu sawi mahse, Mizo bai te siamin kan ei a, riahnan kan hmang ta tho a.
He hmun ramah hian hmanlai a an lo chin, Henna kung a tamin kan kal lai hian arah hnem hle mai a, kan lo teuh nghe nghe a ni. Mak ka tih em em mai pakhat chu Moolsagar ah hian electric current a awm miah lova mahse, cold drinks lei tur an nei reng, lei hnuai tuiah an chiah nge mawni dawn ni! ….
chhunzawm zel tur.
July 23rd, 2011 at 4:04 pm
chhiar tran ang
July 23rd, 2011 at 4:05 pm
Comment ka hawng e.. 😀
ka 1st maw k tia:
July 23rd, 2011 at 4:08 pm
Comment a inhawng tawh bawk a, comment teh ang.
Pu Hva chu sulhnu i lo ngah hle mai. A ngaihnawm e.
July 23rd, 2011 at 4:19 pm
A ngaihnawm tan hle mai. Hmanlai Pasaltha Sazu ek leh buhfai inzat deuh reng tui ti taka bar hmiah hmiah an sawi thin kha min ti hre chhuak. Survival temparament i neih that hmel. Thlaler hi ka thil ngainat loh ber pawl a ni. Han chhunzawm thuai teh.
July 23rd, 2011 at 4:53 pm
A ngaihnawm e, real deuh hi chhiar a nuam bik..chhunzawmna kan lo nghak e.
July 23rd, 2011 at 5:06 pm
Han ti zel teh, ngaihnawm phian mai (Y)
July 23rd, 2011 at 5:10 pm
‘Ram fan bu’ ziak thei khawpin i ti ngaihnawm thiam tlat mai … part-2 ka lo nghak leh e
July 23rd, 2011 at 5:25 pm
Aww a, hanti zo nghal law law la maw le,
Mizoram lamah nise tlawhloh a ram pawh neilo, vawikhat pian man rau rauah chuan awhawm pawl tak a ni. Kan Pua hi.
July 23rd, 2011 at 5:32 pm
fakuana 😛
July 23rd, 2011 at 5:40 pm
hetia i ti fo dawn a nih chuan.. keizawng ‘JUDY NU’ ka nghak e.. Ka hnuk zu ti ulh thei deuh a maw le. Judy nu (fam) khan..
July 23rd, 2011 at 5:43 pm
ku HV engtik hunlai velin nge in kal khi(nipui nge thlasik)?
ka kal hrep ve tawh tho a i sawi ngaihnawm thiam bik hle mai..temple bulah tumbu a lo rah a kan lo ru a zanah kan han bai ve tak kha..lol
winter lai hian tourist an tam theih em a helai ah hi chuan. (Y)
Rajasthan ram hi chu mawi tak hi a ni ringawt in ka hria.
July 23rd, 2011 at 5:52 pm
ziak ngaihnawm leh dawn mange… (Y)
July 23rd, 2011 at 6:18 pm
Pu Hv # I thu ziah chuan lung a ti leng e….Silchar leh Guwahati inkar Halflong tlang dungah khan leiverh 38 or 39 vel a awm in ka hria…a dik em aw? 😀
July 23rd, 2011 at 6:28 pm
Chhiar anuam, thu ziak i thiam khawp mai, i thuziakah min chen tir tlat. Part 2 chhiar a chakawm tawh
July 23rd, 2011 at 6:42 pm
In 1st bawk a last teh ang, part 2 nghah hlelhawm tawh khawp mai.. Tun thlengin jodhpur chu thing ka la ti tlat..kha hei hi inla chhunzawm leh dawn nia… (D) (D)
July 23rd, 2011 at 6:45 pm
@Pluto, Nevember 1990 ani e. Khitah khian ka ziak sual palh tlat mai. Rawn tidik sela a lawmawm ngawt ang.
maawma leh midang, in ti lawmawm e. Infuihna tha tak niin ka hria. Thang khiu (Y)
July 23rd, 2011 at 7:00 pm
Chhiar a nuam e.
Silchar atanga rel a ka kal hmasak ber chuan rel chuan kha nuam hi kan ti khawp a. Min then hliau hliau a, a changin min chhawk nghelh nghelh bawk a. Lumding kan thleng chiah chu ngal hi khawlum bawlin a rawn bawm tan tak tak mai a, hrehawm ve e.
July 23rd, 2011 at 7:01 pm
Mawia Pachuau #17, Thang khiu.
Keipawh rel chuan hi nuam ka ti riau asin. Chutah pawh 1st class nilo, 2nd class ngei mai hi. 🙂
July 23rd, 2011 at 7:26 pm
Pu,HV-a, bei ngaihnawm thei viau zel mai a, kan hriat phak lo ram dang chanchin ai chuan sawi zawnga mit thla ve theih hi kei chu ngaihnawm ka ti zawk fe. ……Good Job……
July 23rd, 2011 at 7:33 pm
ziak ngaihnom thiam dup2 hle mai….kan chhiar don chauh a atop daih lom. Ron ziak leh vat teh khai. Zu,isua hi setana…etc tiang ho vel aichuan chiar nuam deuh alom.
Vaiho hotel man to lo tak a chaw ei hi chu riltram loh chuan eihnem chu a har duh thin khop mai. An sahdah hmuam an han thuai chhuak nawk a,an kut kekor a nuai thuak2 pahin an mongthak an han kom leh nok2 a chutah kan chaw ei tur an kut lawng ngei mai khan an han tham leh tawn2 mai hi chu…hmeichhe rai no ang hrimin kan uak lo chauh zel mai ni
July 23rd, 2011 at 8:41 pm
Tawnhriat ngah tak Pu HVa misual hovin kan nei hi chu kan vannei teh e.
July 23rd, 2011 at 9:09 pm
Va ngaihnawm mai mai reuh e. A chhunzawmna chhiar zawm zat a va chakawm ve maw le. Zin chhuah vel hi i eng lo thenna a nih duh hmel riau a, a chanchin ziah lam hi i chemkalna a nih tel hmel riau bawk..hairehai.. 😀
@11, “temple bulah tumbu a lo rah a, kan lo ru a”..he he..”temple bulah tumbu a lo vui a, kan khawrh ru a” tih ni zawk ta se… 😀
July 23rd, 2011 at 9:10 pm
A va ngaihnawm tan em! A chhunzawmna i rawn post leh vat a ngai a nih hi. Adventure sports lamah hi chuan i insawi pawh ngai lovin i tui tih hi a chiang nghal hliah hliah mai a nih hi.
In riahna in hrang hi in riah zan hian a hrang peih ta lo a ni ngei ang 🙂
July 23rd, 2011 at 9:15 pm
Mizoram khaw hming tih lohah chuan Jaisalmer leh Casablanca tih hi mawi ka va ti tak em!
July 23rd, 2011 at 9:19 pm
@terem: i inti hre viau nanga i dik famkim bik hauh lo. I in bulah khan tumbu vui pakhat awm se, chu chu va la ta la, ‘khawrh’ i ni miah lo. Khawrh chu a dang leh daih si…haha..
July 23rd, 2011 at 9:29 pm
@25, ka number duh ber hi 25 ni mah se ka tluang i tai tlat mai a.. 🙂
Tumbu pakhat chauh pawh ni se la lo chu a dikhlel deuh a ni! Khawrh tih kan hmang lo rau rau a nih chuan kan lo ru tih ni lovin kan ru tih a la mawi zawk tho tho lo’ng maw.. 🙂
July 23rd, 2011 at 9:34 pm
@terema ..lol..thangkhiu
kan ei chak lutuk khan khawrh lovin ka lo lo thawt thawt atin nih khi.. 🙂
July 23rd, 2011 at 9:38 pm
Thianpa muantea, nang meuhin i chhiar peih chu ka tan lawmna leh chona/fuihna tha tak avan ni chiang tehlul em!
A chhunzawmna bei tham tak chu ka thehlut leh tawh e.
July 23rd, 2011 at 11:32 pm
A va ngaihnawm tan nghal ve le. Part 2 kan ngai nghal ngawih2 mai lawm le
July 23rd, 2011 at 11:37 pm
cold drinks awm reng nachhan ni a ka rin chu, an ti vawt a ni ang Pu H.V 😉
July 24th, 2011 at 12:15 am
Ka comment ve hma in a lo tlar thla leh dul tawh a lawm maw le. Pu Hv ka pian hma thil daih ani ka ti i kal leh dawn ah min hruai ve rawh aw? I ziak dan hian a nawm hmel dawn in ka hria. Mahse a tawi lutuk a…
July 24th, 2011 at 2:01 am
HV a nge nge i lo hawlkim ngei mai hawlkimas i ni ringawt a lom.
Rel chuan hi a rel a zirin a nuam.Helam rel te phei chu nuam tak ani Indian Air line a chuan aiin nuam ka ti zawk chuan khat mai bok a
July 24th, 2011 at 2:45 am
hmingte, vairam rel tawt tak kara reserved seat neia chuan kha kei nuam kalo tia sin. Chana-badam-chana-badam…narial narialll an rawn ti a, zing dar 3 vel bawr atangin Chaeee, chaeeee tiin thingpui an rawn keng khu vat vat lo dawr te kha nuam ka ti ve tlat thung.
A nawmloh na ka tih erawh chu tuai palian pui pui an rawn luh chiah hi a ni. Ka muhil der daih zel, an pawisa ngen an ngenngawl thei ropui mai lehnghal a hairehai. 😛
July 24th, 2011 at 3:43 am
U HV: va ziak ngeihnawm tak em, Rajasthan hi chu ka seilen ve na ram ani ve tlat a ti mai ang Class 7 to 10 hi Kotta ah ka zira. Delhi ah ka in sawn leh a class 12 pass ve leh in Jaipur ah ka in sawn ve leh a College te ka kal chho ve na ram te kha ania ngaih awm thei khawp mai.
Tih rual in hengthla ler ram te te hi ka kal ve nel nuala a hreawm ka tihna ber chu Pali thlaler kha ani kei ka tan chuan. U.S Missionary ho nen kan kal a, crusade te nei chho in zingthawh ah Tui vawttak Motor in mi an rawn supply thina zingdar 5:00 am hian kan in bual pawnah. Aw thlasik lai ni bawk nen a van hre awm tak em. Pali thlaler kan han thlir chuan Hindu Temple lian tak tak hi Tlangcu’ng ah an sa trhep trup hlawma, zing tak tak ah Bell Ring in mi a kai tho leh thin. Pali tang kan kir phei Raipura U.S missionary ho Din Emmanuel Orphan home ah kan chawlphei a Nule pa nei lo tam zawk an lo chawmte hi Kuki, Manipur lam mi deuh hlir lo ni in vai an tam zawk nan an nikhan rilru an la hle. An hmelpui mi an hmu chu an nu leh pa te ang mai in mi an ngai a ei tur mumal nei lo in an lo khawsa a en kawltu Vai staff ho vin U.S tanga puihna kha tam lutuk an lo eiru in naupang ho eitur mumal an lo pek loh thu te mi an fha hlawm. An eikhawp chaw an hmuh loh thu mizo tawng thiam ten mi anhrilh a ti chuan Team of U.S lam chu ka ti ti pui a Vai enkawltu te chu nasa tak in hauh an tawk ve leh; kha’ng naupang te kha engti’n tak la awm zel ang emaw. Nu leh pa nei lo enkawl te hi mi 1000 chuang daih kha an nisia eng tak ang zel ang emaw ti hian ka suang tuah noh noh zel. : (E)
July 24th, 2011 at 4:07 am
#34 thang khiu 🙂
July 24th, 2011 at 6:59 am
Ngaihnawm thin ve aw (Y)