Mizawn Inchuh Ropui

September 23rd, 2011 7:30 pm by lushai_er

[Hei hi Pu F.Lallawma sawi ka hriat chhawn a ni a. Pu Roy-a tawngkam ka hre lo... by Dr. Zokhuma Vety]

Aizawl (kum 1936 hma lam anih hmel) Dawrpui Veng lam an la chau hle a, Mission Veng leh Thakthing lam anni leh mai awm e.

Luangmual, Tanhril leh Sakawrtuichhun intiamrualin ‘Ruang’ an rawn kal pui a, zualko Dawrpui-ah tirin, Dawrpui chuan ruang chuh tham awmin an in hre lova. Thakthing lamah hlan chhawngin an lal Pu Paliana hnen an va thleng a. Pu Paliana chuan tih ngaihna a hre mai lova, kan In-ah lo tlan chhovin, “Pu Roy, hei Ronela te unau pawh an kim lai ani a, han tlawm bik em chu a zahthlak dawn si a, kanlo dawng mai dawn lawm ni?” a rawn ti a. Ka pa hovin huanah kan awm lai tak ani a, ani chuan “Ni e, anni unau ho hi an kim lai tak ani a, tlawm bik lah lo ve”, a lo ti a. Chutiang chuan mizawn inchuh tur chu a lo ni ta ani.

Pu Roy-a chuan heti hian a sawi a: Km 2 bulah (Luangmual leh Aizawl inrina-ah)kan han intawk ta mai chu, a pet hian a pe duai duai mai a, ka va en phei chuan Ronela chuan pa 20 rual zet mai chu a lo bawh bet a. Elisa-an chutiang vel zet bawk chu a bawh bet a. Kei chu pa pakhat hian min rawn pan ve a, “E….kei zawng tih chi ka ni ve lo”, ka tih pawhin min rawn pan lui zel si a. A chhip samah ka han tham kang a, tahngai mit ang maiin a meng sawl pawr mai a, a sam chu thizil bu tiat zet tur ka tham phawng ta hlawl mai a. A dam hnu-ah Bazar-ah te chuan a chhip kawlh te chu, “Roy-a min thamna alawm”, a la ti chhen leh nghal a.

Mi dang pakhat hian min rawn pan leh a, “Aw…. tih mi ka ni lo, lo kal duh suh”, ka tih pawhin min rawn pan zel vei a. Ka bula khiang tuai chu ka han kuai kur a, a chhip ka elh tliak a, ka han perh tir mai chu……. a piah fe-ah chuan a tla zi thal thal mai a le. A lo kal nawn leh tawh lo zet a sin.

Chutih lai vel chuan kil tin maiah chuan an inbei mur mur mai a, ka awmna hnahkiah kung bulah chuan tupa til ber nge, a lo bei thlawrh mai a. Ka han en chiang a, khuavang chhinchhiah lian deuh hi a lo awm leh nghal a” a ti.

Mizawn inchuhah chuan a ropui ber pawl a ni mai thei a ni.

[Hman deuh khan min request tawh a, ka post ta mai lova, source dang ka zawng hman bawk si lo, ka hmuh ang ang ka rawn post ve leh thawr mai. A dang kan hmuh belh leh kan post zel a niang chu]

41 Responses to “Mizawn Inchuh Ropui”

1
sisen Says:
September 23rd, 2011 at 7:34 pm
Ngaihnawm e
Report this comment
2
chemtatrawta Says:
September 23rd, 2011 at 7:40 pm
Pu lushai_er,..Ka ngaihnawm tih zawng chi tak a ni..mahse nizan ka hmu tlat lo mai che..
Report this comment
3
H.Vangchhia Says:
September 23rd, 2011 at 7:42 pm
A ngaihnawm khawp mai..a huau huau viau a ni

A palian awm rem rem hle mai, mi 20 zet han bawhbeh theih mai chu
Report this comment
4
rohlupuia chalrang Says:
September 23rd, 2011 at 7:43 pm
Angaihnawm khawp mai… Mahse, A sawi UAR deuh anih hi.. MI ZAWN INCHUH hi chu thil NAMAILO chu ania sin. Mahse mipakhatin mi 20 chuang bawhbeh thu awm suh…
Report this comment
5
stan marsh Says:
September 23rd, 2011 at 7:44 pm
pu ROy hi sap tihna mi?
Report this comment
6
Chhuaklinga Says:
September 23rd, 2011 at 7:46 pm
Pa sawmhnih zet han bawhbeh chuh an va’n chak awm riap riap ve le. Hairehai
Report this comment
7
PKfanai Says:
September 23rd, 2011 at 7:47 pm
Lushai-er, ka request i rawn ti hlawhtling ta a, ka Lawm khawp mai. Mahse, a kham awm loh kher mai. A hlimthla chu a lang riai ruai tho ve. Rambuai hmalam Sawikhawm hma khan, Hnahthiala sawikhawm tak ho, Tarpho, Khawhri, Chawngtui, Aithur,Thiltlang leh Hnahthial ho te kha an inchuh fo awm e.Tumkhat Tarpho leh Chawngtui ho an inchuh a, chumi tum chuan, Ka Nu Nuta te ho hi an lianin an awmkhauh a, Tin, Hnahthial MLA hlui Pu F.Lalthanzuala te unau ho te an pumrua a lianin an awmkhauh em mai a, Chawngtui ho chuan an hnehlo hle awm e. Mahse le, tumkhat Tlangval tam zawk Ram lama an chhuah bo tawh hnuin Tarpho hovin Chawngtui lamah an va zawn leh a. Chawngtui ho khan Phuba lak an lo tum ran mai si a, an lo inko khawm vek a, an lo chang ta a. Hemi tum hi chuan, Chawngtui hovin an tamhneh bawk a, Tarpho ho chuan an hnehlo ngial awm e. U Thanzuala pawh 10 rual velin an beih rawn a, ani atang nasa bawk si a,a thawmhnaw zawng zawng thler hnuang a a lokal chu a lainat awm viau awm e. Good Post.
Report this comment
8
lushai_er Says:
September 23rd, 2011 at 7:47 pm
Pu Roya hi thil sawi uar chi a ni ve hrim hrim a……a ruahbing hriat pawh kha a dar leh lam chauh a huh veka, leh lam chu a hul phak ani an ti
Report this comment
9
pinkstarz Says:
September 23rd, 2011 at 7:50 pm
#8 ..pui hlawm rem2 ve aw…….
Report this comment
10
rohlupuia chalrang Says:
September 23rd, 2011 at 7:51 pm
#8 ava bing mai mai awm tak ve..
Report this comment
11
lushai_er Says:
September 23rd, 2011 at 7:53 pm
Pu Roy-a bawk hian tlai thim dawnah Koro rual kawng kan a hmu a. Kawng thlang thing bukah an lut leh thin a. An lang tha thei tawh lova, musep no. 6 in a han rin kah vak mai a, “Faisa kan puah khova han bun var uar ang hian an lo tla var suau mai” a tih chu. Uar ve tak chu a ni.
Report this comment
12
lushai_er Says:
September 23rd, 2011 at 7:56 pm
A thu hrimah Mizote hian thu kan uar zia entirnan pakhat : Lo an vah lai hian ‘Ar-hmai tiat’ an vat a, an mak meuh hi chuan, ‘Van phel tiat’ an ma leh si a…..lolz
Report this comment
13
lushai_er Says:
September 23rd, 2011 at 8:01 pm
#2, @Chtr : Ka lo tlai hret a, hunserh an lo tan tawh si a, 206 lamah ka leng chhova. Hunserh zawh khan ka rawn chhuk leh a, nula-ho khan kuhva hring min dil luai luai kha…..lolz. Raldawna i zawt mai dawn nia
Report this comment
14
rohlupuia chalrang Says:
September 23rd, 2011 at 8:02 pm
#11 ava uar tak ve aw… KORO hi chutiangin an var hleine`m, KORO LUPAR [anlu chiah var] chu an awm. #12
Report this comment
15
hmingtea Says:
September 23rd, 2011 at 8:12 pm
ka inchuh ve hman chiah lo
Report this comment
16
lushai_er Says:
September 23rd, 2011 at 8:17 pm
#14 : Faisa pawh a var vek bik hlei nem…..a uarna ve mai anih ka ring.
Report this comment
17
chemtatrawta Says:
September 23rd, 2011 at 8:18 pm
pu lushai, inchhunga mizoram kuhva hring nula hovin an inchuh nak2 kha i ta a ni tak ang a…

Chawngtui vrs tarpho khi…chawngtui lam chhuak ka ni sia, chawngtui lamah khian kan coach teh ang..
Report this comment
18
mach3 Says:
September 23rd, 2011 at 8:23 pm
Tiang ah hian hmanrua an hmang em? Mithi chhungte tan a mangan thlak phian ang.
Report this comment
19
chemtatrawta Says:
September 23rd, 2011 at 8:27 pm
mach3, la naupang awm ve aw.. ..hmanrua hmang lovin an inbuan/inchai thin…phal loh te pawh a awm alawm..
Report this comment
20
chhangteval Says:
September 23rd, 2011 at 8:28 pm
Khuavang chhinchhiah lang vek khawp a han thal chu(h)
Report this comment
21
lushai_er Says:
September 23rd, 2011 at 8:38 pm
Hei site pakhat (la tlawh lo in awm takin) interesting deuh link ka rawn dah e….https://learnfrommyfail.failblog.org/page/440/

Kei pawh mizawn inchuhnaah ka tel ve hman bik hlei nem?
Report this comment
22
lushai_er Says:
September 23rd, 2011 at 8:41 pm
#18 : Mitthi chauh lovah pawh damlo zawnah pawh an inchuh tho thin. An mi zawn a nat viau phei chuan hlang kha a ruakin an zawn a, an lo chuh thin. Mitthi/Damlo chhungte tan chuan rilru a na duh ngawt ang le
Report this comment
23
century child Says:
September 23rd, 2011 at 9:04 pm
Nakin deuhah chhiar ang.
Report this comment
24
mach3 Says:
September 23rd, 2011 at 9:05 pm
@chemtatrawta & lushai_er thanks alot. Hmanlai thil hi nulehpa leh upa te sawi hi chu ka hre ve fova, chhinchhiah pawh ka chhinchhiah nasa, mahse mizawn in chuh hi chu ka hre bel em em vak lo ani.
Report this comment
25
doc_lib Says:
September 23rd, 2011 at 9:21 pm
Nuam thin deuh ania, thangthar ho chuan in hre pha lo vanga, tlangval tuaitir deuh kha kan han zawn tir a, keini a phan chang ho in an kawng tur sial in kan han nuai phei mai thin a, tlema kungfu lo thiam deuh chinin hma kan han tawn chuan, zupawl tuam’ ang mai hian a leh hian an let phung zel mai nia maw le…te han ti vel ila, in hmu chak awm
Report this comment
26
ReMpY_ScisSoR Says:
September 23rd, 2011 at 9:33 pm
pipu te thil chin kan paih ngai tam tak te zinga mi a ni..chi loh lutuk, an zawn damlo dinhmun aiin khaw/veng feeling an dah lian zawk a.
pu H.V chuan pu Roy-a hlir 20 a bawh bet thei, kha daih kha sin
Report this comment
27
doc_lib Says:
September 23rd, 2011 at 9:42 pm
Mizawn in chuh leh hunah chuan ReMpY hi nia ka bawh beh dawn ni
Report this comment
28
CFL Says:
September 23rd, 2011 at 9:43 pm
Lungdup ( Tuna Kelkang khua) hmuna mizawn inchuh kha Mizo history-a mizawn inchuhah chuan a la ropui bera sawi a nih tak kha a. Pu lushai_er, la rawn post teh a.
Report this comment
29
flying Says:
September 23rd, 2011 at 10:59 pm
Pu Pkfanai: In hunlai pawn Tarpho chu in lo dual lo hle tihna anih chu mawle kan naupan lai hian Ruang in chuh hi a awm fo ve a, Tarpho hi kawnglai li a lo ni ve bawknen kum 1993 chho vel pawn ruangchuh chu a la awm chhen mai kan hriat ve chinah. Tarpho, Kan Inn hi Nula tlangval awmkhawmna ani bawka, a hmingte a Dawr nei kha kan ni vea, Ruang Hnahthial lam in Tuichang thleng an rawn dah thi’n, tah chuan, Khawhri nen hian an in chuh chhen zela, tlangval takah chuan Tarpho hi an tlemzawk nge mai, an in nor buaihi kan lo en thla/ru thina, ka u te ho te pawh an tel ve thin a vangin. An khua thenawmte hian Ruangin chuh ah chuan an er ngam hoh lo zuk nia. Chawngtui, Khawhri, Cherhlun, Thingsai lamte nen pawh an in nawr nasa thei khawp. Kan tet deuh lai tho in, Thingsai piah Bualpui khuapa in kan khua”, Tarpho”, khuatlangval chemte in a vit ve awr reuha, naupang horual in kan uma , tah a hruaitu pawltak ka ni, kan sawisa hrepa, Bualpui thinrim in an khuain an lo pawk chhuakta, kan hlau vin kan khua lamah kan tlanchhoa tlangval ho hnenah kan hrilha, Khawhri ah insam tum chuan an in er ta’n. Tih ngaihna awmtawhsi lo va, Valupa te chuan a mal mal in In buantur in an ti ta a, a chak lo zawk zawk kha tlawm mai kha ania. Tlangval chak chak tihchu an in buanta hlawma, Tarpho chuan an hneh daih maia, a tamzawk Bualpui tlangval ho chu, meikhup in an kir ve leh ta hne hne a lawm. Ngaih awm ve tak ani!!!..
Report this comment
30
Maya Says:
September 23rd, 2011 at 11:29 pm
A va ngaihnawm ve zan lam a Mizawn inchuh na ah eng awm tha nghal lo , in hriathran a lo har tawh sia , Pafa lo inbin ta chiam te pawh an awm tak kha mawle .
Report this comment
31
saint sammoo Says:
September 24th, 2011 at 12:53 am
tlangval lai han ni se tel ve a chakawm hle mai. @Rempy : pu HV-a ang hlir 20 ka bawhbet thei ang..haha..
Report this comment
32
H.Vangchhia Says:
September 24th, 2011 at 12:55 am
Hmanlaia an inchuh ang chiahlo deuh, mahse ruangzawn/ruang inchuh ah tho hian ka tel ve tawh tlat. Karkhat vel ka silawng. Ka dar leh kawng nat rei zia kha aw

“Tum khat chu Vengpui lama ka len laiin,Tlangau a rawn au a, ruang zawn angaih thu a rawn au a. Keipawh chu ramhnuai lam pan chuan ka tlan chhuak ve ta nghal a. Thawk chhuak hmasa kan nih avangin mau hmun chu kan vai kiang thla pah zel a, a hnu chuan mi 100 tel fe kan ni ta nghe nghe awm e. Ngawpui chhung chu ruang pana tlan thawm chuan a thum hian a thum chur chur a ni ber e, a van ropui tak em. Rawn zualko tu chuan sain a seh loh nan a thianpa ruang chu sang takah alo dah kang a, tichuan Hlang tha siamin Phulraw zawnna rit tak chuan kan zawn tan ta a….”

Chhunzawmna a hnuai linkah:
https://henryvangchhia.blogspot.....ife-4.html
Report this comment
33
sheldon170 Says:
September 24th, 2011 at 1:01 am
@HV, kan naupan lai a ka hriat riai ruai dan pawh tlangval hrisel vaklo te kha chu ruang inchuh ah khan an kal ve ngai lo. Khawtin ah ruang inchuh a chak fal bikte hming te kha a lar thin. Chindan tha lo tak alo ni, mitthi chhungte tan khan ruang dai tawh pawh kha a lainatawm duh thin ngawt ang.
Report this comment
34
H.Vangchhia Says:
September 24th, 2011 at 1:29 am
sheldon170 #33 ani maithei ni e. Mahse, khimi ka telve tum (hmanlai ang ni tawhlo mahse!) khi chuan mitthi chhungte han lawmthiam dan zia kha aw, thinlung takin an lawm tih a hriat theih.
Report this comment
35
sheldon170 Says:
September 24th, 2011 at 1:43 am
@HV, a chunga ka comment khi ka ngaidan mai mai, mitthi chhung ten rilru nat thu an sawi thin em tih pawh ka hre chuang lova. Keiman an lainatawm ka ti ve hrim hrim.

India sana ah chuan a tlai ta… mutthilh mai theihloh hrehawm dan te hi hreve hlawm tak che u maw.
Report this comment
36
mate ainawn Says:
September 24th, 2011 at 10:32 am
Mitthi Ruang inchuh hi ka Big bro. tel ve thin tih ka hria.Tlangval leh Val Upa chak deuh chu an kal vek tih ka hre ve.

Post Tupa
Report this comment
37
PKfanai Says:
September 24th, 2011 at 10:49 am
@29.Flying, kei chu ka tel ve phak lo(Sawikhawm hnu lama piang ka nia). Kan naupan laia Tlangval ho ti ti ka hriat thin a ni. A thuhrimah Hmanlai khuate kha chu an Lal a zirin an huaiin an dawih thei khawp mai an ti thin a. Khawhri Lal Lalchhuma fapa Liannawla kha Tarphoah a Lal lai khan, Palian leh huaisen a ni a, Tin, a tu leh fate ho an lian khual hlawm bawk a, an tlem aiin an huai tlat a ni.Sawikhawm hmaa Tarphoa piang leh seilian hman ho kha chu an kawlh hra hlawmin ka hria. Mahse Lehkhathiam khua anni a, Khawpui lamah an darh ta vek a ni.Keini hunah chuan, kan vela khua ho tan khan han cho chi rual kan ni lova, kan inchuh tawh ngai lo (Min chuhbuai ngam ngai lo).
Report this comment
38
flying Says:
September 24th, 2011 at 12:38 pm
37PU@Pkfanai:, A ni nge ang, keini naupang zawkte pawn u te zawk te thiltih tuhrah kan seng chho ni hian kan lo in hria a, a hminga kan teichhuahna velah chuan at least we got some respect”, tih kha’n leh Proud na rilru rio kha kan lo neihphah ve hngial tak asin. Mah erawh chu, Hmanlai deuh leh tun hnu kan thlir chuan Tarpho khuatlak chhiattawhna te chu hriat ngamchi pawh hi a lo ni tawh lo hle mai. Thangthar te or keimah ni rualpui tak te ngialpawh zirnaah an thlakchhiat tawhzia te ngaihtuah chuan rilru hi a na vawng2 thei khawp mai. Kum 2009 ka zin/hawn tum hian kan naupan lai deuh leh tun an situation hi a in thlakdang lam chak khawp maia, chu chu hmasawnna te te awm mahse Human Resource ah kan tlakchham tawhzia leh hma kan sawn tawh lo zia hi rualu zawkte hi chang chuan han mawh puh ta vio mah i la thangthar zawkten tumruhna nei miah loa an khawsa ta mai hi ka vei khawp mai le. Ka theihthawkte chuan 2009 kum khan mizoram thingtlang/zokhua leh Chin Hills Burma ram khuathen khat te world vision leh Vision of Canada programme in puihna te te kan pek tum in ka fangve chu chu ka vawikhathmuna ka chhuahsan a tang in ania, ngaihtuah a ti thui khawp mai.:)
Report this comment
39
H.Vangchhia Says:
September 24th, 2011 at 12:41 pm
flying, in kawmcharah satellite them alo tlak maitheih kha aw
Report this comment
40
chemtatrawta Says:
September 24th, 2011 at 12:50 pm
Mizawn inchuh hi an tlawmngaihzia lantirnaah ka ngai tlat keichu. Lehlamin an ramchin pelin zawn an tum a, lehlamin an ramchin a thlen hma ngeiin lak an lo tum a. Mitthi chhungte tan pawh chuti khawpa an hlut chu a lawmawm phian hian ka ring zawk tlat a ni.
Report this comment
41
flying Says:
September 24th, 2011 at 12:51 pm
U H.V chu chu a lawm naktuk hi ka thlirreng a ka mut ngam rih loh ni ha ha ha!!!
Report this comment