Archive for the ‘Adventure’ Category

Hliappui

Monday, August 20th, 2012

hp1

Sakawrhmuituai kawng,a sang laiah khian Soil dept chuan vei vak te tan chawlhna an siam thar a.Ni sa leh ruah sur lak a in hliahkhuh nan a hmingah ‘Hliappui’ an ti.

(more…)

Mizote hi Indian kan ni tak tak em?

Monday, August 20th, 2012

Nikum tun ang hun velah khan Mizote hi Indian kan ni…..em?” tih ka ziak tawh a. Tun tum chu tunlai boruak nen a inhmeh bawk a, thenkhat “Indian kan ni reng reng lo, min awp bet (by force)” ti te kan kat nuk bawk nen… Thil thleng thin, keimahni chungah emaw hmelhriatte hmelhriat lehchhawng te hnena thil thleng te kan chhuanlam in hahip in kan sawi thin a. Keima mimal thil tawn kan zep hmasa lawk ang e.

Inrinni kal ta (18.08.12) khan Mumbai Mizo Association in Fresher Social kan hmang a (a tawpah Bonus pic link a awm khu!). Kei pawh kan awmna atangin ka thianpa nen kan chhuak ve a. Harbour line ah relin kan chuang a, a hmun awmna line nen a inhlat deuh avangin Wadala station ah chhuka taxi lak kan tum a. Station kan chhuk tur hi vai rawlthar rual paruk vel (naupang pakhat a tel bawk a) kan bulah an ding ve a. Min en duh khawp mai a. A tawpa kan chhuk tur chu pakhat chuan, “Where are you from?” a rawn ti a. Kei chuan tha takin “Mizoram” ka ti mai a. An hawi deuh ha a. “North East India” han tih leh kher ka tum lai tak khan kan chhukna tur kan thleng ta a. Kan rualin anni ho pawh chu an rawn chhuk ve a.

Platform ah chuan min en ang he haw a, “You are lucky, if you are from Burma, I’ll kill you” min han ti teh reng mai a nih kha. Mizo tlangval, pate thin in a tuar zo ta ngang lo a, station ah khan eng ang mihring nge phu nuai nuaih pawh ka ngaihtuah chang hman tawh lo. An lam hawi a tlan phei pahin “Kiya bola, kiya bola ?? Dobara HINDI mein bol…” tih kan rual mai a….. maa*** bahein*** gaali a va chhuak teuh em! Khatia han tih takah chuan leh midangin min en tak deuh thap ah chuan “Sorry sir” ti meuhin min kal liam san ta a. Station pawn a taxi a kan lut tur te chu min la rawn bye bye ta vel a. Mood a off rei duh phian!

Ti hian ka ngaihtuah ka ngaihtuah zui ta a. Mi tam takin vai (Indian) in min hmuhdan an sawi thin hian mak ka lo ti thin a. Tun dinhmunah pawh mak ka la ti tho tho mai a. Indian kan ni tak tak em tih zawhna kan neih fo thin hi kan duhdan mai mai nge kan ngaihdan tak tak le?

Bonus : Mumbai Mizo Fresher Social 2012 Thlalak Bawm

Kan khaw Wall Cup

Monday, July 30th, 2012

THE FINAL MATCH

Hun chu a tlem tawh si a, kan inkhel lah chu kan inhneh tawk em em mai bawk a. Lehlam si-nghak kan han en a, Penalty-ah chuan kan dinhmun a chhe zawk tlat! Tan patawp kan chhuah pawhin Vawi thum ‘gawnar’ Penalty kan tichung pawhin pet goal-na hun hlu reng reng lehlam chuan min pe duh bik tlat si lo.

Fans lam an phur a, thawm a thain boruak pawh a sang ngei mai. Fans kan han tih hian nu leh pa ramchhuah hlana nau lo awm pi tar putar te an ni ber a, an tang ve thin khawp mai!

Chhuah lam leh tlak lama kan rin rawl, kan bat (Striker/forward kan tih te) te lah chuan leh lam ‘full back’ te an paltlang zo bawk si lo!

Chhei le! Kan lama out chu kan ‘full back’ chuan a rawn thlawh haw ta nal nal mai a. Kan thlir thap a, a leng phei nul nul a, lehlam si-nghak chuan a ban pha lo mawi lutuk. A goal e!! Kan au nghal dar dar a.
(more…)

Purse bo thu

Monday, July 30th, 2012

Hnathawh peihloh manah hmanni a ka purse tihbo chungchang hi thairang mai mai teh ang.

Hmeichhe tamtak ang a bawkin bag-a thil tinreng ak mi hi ka ni ve a. Niminpiah Inrinni, July 28 2012 pawh khan ka ak tlem lo leh khawp mai a. Purse, nihliap, rawmawl, pen, note bu te, tui bottle, purse dang chahbi leh pendrive vel ka dahna, heti zawng hi ka hriatchhuah theih chin chu a ni.

Tichuan Big Bazar ah ka kal ta a, scarf hi ka lei a ni. A man kha pek nghal a ngaih avang khan ka purse chu ka phawrh a, a man chu ka pe a. A man dawngtunu kha a rilru a buai nge ka hre lo min kir dik lo a, receipt nen kan han entawn leh he haw a, kan inkir dik leh ta. Ka purse chu ka la keng ngei tih ka hria chutih lai chuan. Mahse ka bag ah khan ka thun leh em, ka bag kha ka zip em tih kha ka hre chiang tawh hauhlo.

Bag zip lova teihawi hrat tak mai hi ka ni a, ka vanneih a siamin engmah hi ka la tibo tak tak lo va. Ka phone leh wallet tihbo tawh te chu ka kalsan an ni chawk a. Hemi ni pawh hian ka bag inhawng chu engvakah mah ka ngai lo.

Chuan, Big Bazar hi lian ve tak mai a nia, floor 4 (?) lai an luah a. Ka tei ka tei a, eng engemaw ka en kual a, lei tur te chu ka hmu zel a. Ka inkhai bawr ta fe tihah chuan a man pek tumin cash counter lam ka pan a, ka thlen hmain ka bag chhung ka zuk dap chu ka purse reng a awm lo. Thil dangin an hliah aniang, ka tia, ka han hai chiam, ka phawrh ruak vek, a awm chuang lo. Ehe, a bo ngei a nih hi, ka ti a. Ka rilru a rawn awm hmasa ber chu hah taka ka lo vahna kha a thlawn mai a ni tih hi.
(more…)

Lak aiin pekin Lukhawng a nei.

Sunday, July 29th, 2012

“Englo lak aiin pekin lukhawng a nei zawk” (Tirhkohte 20:35)

Europe a University hmingthang tak pakhatah hian, Professor thiam tak mai hi a awm a. A thiam mai pawh nilovin, engtiklai pawha Zirlaite harsatna hrilhfiah sak tur leh zirtir tura inpeih reng mai anih avang chuan ngainat pawh a hlawh hle a ni.

Tukkhatchu, chu Professor leh zirlai pakhat hi in lam pana an hawdun laiin, kawngsir deuhvah hian pheikhawk hlui chhetawh tak mai bunkhat lo awm hi an hmu a. Chumi kawng bul lawka Leileta hnathawk loneitu, rethei tak mai leh tar tawh tak mai pheikhawk chu anih an ring thiam nghal mai a. Tlai lam anih tawh avangin, a rawn bang dawn tep tawhang tih pawh an hrethiam a ni.

Zirlai tlangval chuan, an Professor hnenah chuan, “Sir, He Loneitupa hi I fiam teh ang khai; a pheikhawk hi sawlai hnimbuk karah sawn thukru ila, sawlai thingkung phen atang sawn lo bihthla ila, ahan zawngbuai tur vel leh, a han mangang vel tur kha hmuh a chakawm alawm maw le” a ti a.

Professor chuan, “Valte, miretheite mangang taka siamin kan intihlim tur ani lovang; Chhungkaw awmthei tak inni tih ka hria a, I nu leh ipate pawhin pocket money tam tawk tak an paitir reng thin che tih pawh ka hria e. I pawisa thir (coin) kha hepa pheikhawk chhungah hian dah ve ve la, he loneitu rethei takin a pheikhawk a rawn bun dawn huna a pheikhawk chhunga tangka alo awm reng ahan hmuchhuak lai tur vel chu kan lo bihthla zawk dawn nia” a ti ta a.

(more…)

Ka Zak ve thin Part-1

Sunday, July 29th, 2012

Zu hi kan in ve karh karh reng thin a min ti mualpho ngun ve khawp mai bawk a, engmah hre lo khawp pawh in min siam ngun ve ta khawp mai.

Vawi khat pawh High School a kan zirtirtu pakhat in ka lo show ang che a ti a, duh ve tho si zah tak chungin ka zui a, kan tlak deuh pap pap mai a, titi a tui tan ka no chhuata awm chu kan chhuih baw vek mai a, inti polite takin chhuat huh chu kan hru ve bawk a, inthlahrun ngailo tih pahin no dang an thli leh nghal a, chhuat hrukna ka dah tha a, let pahin khaw hmuh chiang tawh lo nen no dang chu kan pal baw leh hram a, luhai pawh reh vek………zak chem chem tak chu ka ni.

Chawlhni tlaiah kan kal leh a thian te ho nen, titi tui tawk vel kan ni tawh, tawngpawh kan in chuh tan tihah ka patea kohhran thawhlawm khawnin a rawn lut leh thut mai, min melh hrek hrek a, inti pa tan vai velh chak tawk vel nih lain, Sunday school naupang fel ber ang mai, nungchang chu tha duh hle hle tak chu ni.

Kan khaw zaithiam DDK Artist kan neih chhun thih zan mawlh kha ni, amah a la thalai nen tlaivar ngai in a boral a, lengkhawm pawh kan tam In a te hlauh zawka kan leng tlem mai mai zawk a, kan in lem phur vet vet bawk a, zan rei deuh ta tihah khuangpui kan chuh ve tlat mai a, phur tawh lutuk, englai maha khuang vaw ngai hlei lo kha, mi zai tui lai takin khuangpui kha ka vaw bai ve tlauh tlauh mai chuh……….. min melh thup tawh mai…awi awi awi sawizawm tawh lo ang.
(more…)

Kan thatna tur?

Sunday, July 15th, 2012

“Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria” (Rom 8:28)

He bible chang hi a lar viau mai a, kan hre theuh awm e. Amaherawhchu, a thlamuan thlak viau lai hian, kan nuna han tawng chiah erawh hi chuan, Engti kawngin nge kan thatna tur anih theih ang? Tih hi hriatthiam erawh chu a har thin si a ni. Thawnthu awmsa ka hmang tam ta a, tun tum chu keima nuna ka tawng ngeite zinga pakhat chauh I han thai lang dawn teh ang.

Kum 2003 khan, Kan hotuten Itanagar dai North Eastern Regional Institute of Science and Technology(NERIST) awmna Nirjuli khhua a, daipawn deuhva Leilet hmun zau takah Sikul din turin min tir a; kan chhungkuain chhangchhe takin kan chhuk ve a ni. Kan Sikul dinna tur hi aram alo zau hle mai a, NERIST leh kawngpui sial thar inkar metres 350 vel zet mai, avang lam metres 150 vel lai azau hi alo ni a. Leilet hmun anih avangin, In leh Thingkung pakhat mah a awm lo. Chu aia la zau mah kawng leh a thlanga Lui pakhat inkar ram zau takah chuan In lian tak room pawh 6 zet nei, ding fal nalh mai chu kan luah a, kan thenawm hnai ber pawh mel chanve dawn laia hlaah an awm a ni.
Chutiang chuan theih ang angin hma kan han la ve tan ta a. Zankhat chu Ruah asur nasa hle mai a, Power supply pawh a awmlova, a thim mup ringawt mai a. Kei zan ruahsur hnuaia muttui thin tih takah ka mut a tui kher mai. Zing kan han tho ta a, kan choka hi inpui nena inkalpawhna a chung zarzawm siin, a hranpa nalha awm a ni a. Choka ka han hawng chu, kan Gas Cylynder, Stove leh Fridge a kan hman Automatic Stabilizer chu alo awm tareng reng lo mai hi alo ni a. Tala kha a inkalh tha thlap si a, amak kan ti hle. Mahse, kawngkhar pakhat zawk, a chhunglama kan kalh chu a chung chiaha Ventilator atanga zenin an lo hawng chu niin. A hrilhhai thlak duh kher mai. A ram neitu Naharlagun(kan awmna atanga km 7 vel a hla) a awm chuan an gas chu min hmanhawhtir a, chumi zing atan chuan eirawng kan bawl ta a. (more…)

Keipawh ka lawm e.

Saturday, July 7th, 2012

Saint samoo leh mahminga keipawh ka lawm e .

 

Lallianmawia – Nghilh bik suh aw Rinpui.

 

Thil rapthlak ka tawng

Saturday, June 23rd, 2012

Hman zan chu ka thil tawn ve tawh zinga rapthlak ka la tih ber pakhat ka tawng a. June 20 zan kha a ni.

Euro football khel en tur a awm loh zan tak a ni bawk a, MOS (Urban Development) Prof. Saugata Roy-a te nupa leh an official á¹­huihruai te, an vaiin mi 15 vel zanriah ei-ah kan sawm a. Turkish nu valai pakhat a rawn tel bawk.

Zanriah ei khama kan titi mam mam laiin Minister chuan mi dang zawng chu ngawi turin a ti a, amah a lo ding chhuak a, thu á¹­ha tlem min fah hlawm dawn a niang chu tia kan lo thlir á¹­hap lai chuan chutiang lam reng a lo ni lo. Tihtak te-in zai turin min han sawm ta tlat mai a nih chu maw le! A nupui lah chuan ‘zai la, kei ka lo lam ang’ a lo ti mauh mai bawk si. A va’n manganthlak tehlul ngai em!

Chhun lama kan inzuinaah Minister-in Mizo mipa chuan á¹­ingá¹­ang an perh thiam deuh vek tih a hriat thu a sawi te khan chhuang fein ka lo ‘amen’-pui vel tawh kha a nia. Ṭingá¹­ang ka neih leh neih loh min zawh lah khan ka neih thu te, mahse thiam vak lo chunga electronic piano ka khawih tam tak zawk mah thu te ka lo sawi liam vel mai mai kha a nia. Chutiang lam sawi zui thui lo-in politics lamah te kan pakai a, president thlan lo awm tura an party dinhmun te kan sawi ta zel kha a nia….Mahse mihring hian kan hma lam hun hi kan lo va hre lo-in, ka thil sawi te kha a lo va han á¹­ul lo tak! Chawhreh leh theih a ni tawh si lo.

(more…)

Lunghlu ka chhar

Saturday, June 16th, 2012

Kristian chhungkaw á¹­ha tak (ti mai ang, chaklo teh mah ila) aá¹­anga seilian ka ni a; ka nu leh pate hnung zuiin inkhawm ka á¹­hulh khat khawp mai. Inkhawm ka á¹­hulh chuan setana beihna ang hiala ngai á¹­hin ka nih avang in ka tan chuan ruihhlo ngai piangtharin ruihhlo an tih leha an da nghal thuak ang deuh mai hian rinna kawngah chaklo ta deuh leh in siamá¹­hat ngai hle in ka inhre á¹­hin.

Chutiang mi chu ka ni a; Chawlhni zan á¹­umkhat chu ka nu leh pate chuan inkhawm an remchang lo tlat mai. Inkhawm ngei ka duh avangin kan á¹­henawm hnai a Kohhran upa chu ka zui ve tawp mai. Tichuan, ka inkhawm ta a; kan ban hnu chuan kan upate ho chuan tihtur an neih avangin hawnsan mai a ngai, engemawchen kawtah ka’n nghak zet na a; nghah chhuah tih a awm theilo.

Inkhawm bang leh kawng kal vel nen chulai velah chuan mi kan zi deuh luai luai a; chutah tak chuan a ni khawvela thil hlu ber mai leh suangtuah pawh ka la suangtuah phak ngai loh chu ka hmuh tak ni.

Hmanhmawh takin ka tlan hawng a; ka á¹­hianpa hnenah ka thil hmuh chungchang chu sawiin ro kan rel ta. Zan a rei mai dawn avangin haw in ka mu ta a; thil ka suangtuah nasat em avangin ka mu tlem kher mai.
(more…)