Vawiin ka sermon changthlan erawh a tawpah khuan ka dah a! 
Social Networking Sites hi Mizoten a Internet kan hmelhriat tanna a ni fur in ka ring a. MIRC hunlai atang tawhin leh tunhnu 2G kan lo hman ve theih hnuah frenzo tih vel hi internet hming hre tan tir chuan INTERNET emaw kan ti furin a lang. (Kan generalize lawk!) Tin, hemi piah lamah pawh news kan lak khawmna hnai ber ti mai i la, kan tlawh zin leh keimahni tawng ngei a interact theihna hmun chu blog (personal emaw community blog/ journalism blog) a ni leh thei bawk ang.
Google leh Wiki hmang thiam kan tam em em rualin kan source of information erawh chu heng kan sawi Mizo community blog hrang hrang leh website (web 2.0/ blog based) a nih mai bakah Mizoram kan vei zia kan thailan theihna chu heng sites ho te hi an ni awm e. Keima mimal erawh Orkut, FB leh Twitter bak ka khawih loh avangin ka sawi tum hi a dik vek kher ka tihna ni lo in, Mizoten a information share nana kan medium hman lar te an nih avangin hemi based a SNS kan hman dan kan sawi ve mai mai teh ang!
Rotekawlasepa (Mizote) : “Mizote hi chi bil/ hnam bil la na tak kan nih loh pawhin in tih hran nuam ti tak kan ni” tih hi kan internet khawvel kan vawrh vir danah hian a lang. Hotu nih nuam ti tak, hruaitu awmzia hre si lo kan kat nuk niin a lang. Lal an an bang a, thuneihna chu District council leh Kohhran kutah a awm a. Political Party leh kohhran hrang tam zia hi. Hemi tuh rah chu SNS ah group leh community vel a lo siam theih ngei a. A hman hmanin kan siam mai a. Goal mumal nei lem lo ah kan hmelhriat te kan telh nawk nawk a. Internet ah chuan va hmin emaw va counselling emaw a ngai tawh lo bawk nen hrat lak lah kan mizia a lo ni bawk si a. Group hrang hrang kan kat nghal nuk mai a. Heng group leh sites hrang hrangah hian lobby tum tlat/ hre ber/ thiam ber nih tum tlat Rotekawlasepa ang an tam duh phian a. In zirna platform tha tak a nih dawn hi te ka ti ta mai mai a.
Dik ber leh Fel ber a in hria (Mizote) : Kan kohhran a dik ber a, kan party in an eiru lo ber a, kan veng kan fai ber a, thenawmte an thatchhe ber fo thin ang hian heng SNS ah te hian mi tih hmingchhiat tum chuang hauh si lo va rilru tha pu chungin hate group/ activism chi hrang hrang kan pung zawt zawt mai a. Amaherawhchu, phalna lak hmasak pawh ngai lemlo in mi thlalak te kan han pho chhuak ang nawk nawk bawk a. Event/ public platform leh news in a ken tel ni em em lem lo, mi bedroom chhunga thlalak te, toilet chhunga thlalak te kan in post sak nawk nawk mai a. Society hi kan lo va hmangaih tak em! Mahse, mahni kan in en kan leh thin si. Mahni chauh dik ber leh fel ber a in ngai Mizote hian engtikah tak inhmuchhuak ang i maw?
Pathian thu awih mi (Mizote) : Mizote hi Pathian thu awih em em hnam kan lo ni a. Mi tana tawngtai pui in huam em em group te, Isua hi min chhandamtu dik tak a ni tih han like ngawih ngawih ngai te phektinah hian pakhat tal hmuh tur hi a awm deuh ziah a. A ropui hi ka ti em em mai a. Kei misual hi min han vei tawk lah an tam, notification ah a rawn lang zawk zawk reng mai a. Pathian thu lah chu kan han hre tlang phian lehnghal a. Counsellor puitling thah awm khawm ang mai kan ni. Amaherawhchu, heng sakhaw group a active em em leh thu tha tak tak sawi thin te hian eng eng group ah emaw chuan maksak tak tak an lo sawi leh bawl bawl tho mai bawk si a. Eng dang a ni lo, a Pathian thu deuh te, thu lo deuh te hi bawm tinah hian kan inkhung tlang vek tihna a lo ni. Kan inpawlh nuaih nuaih mai tihna a nih awm chu maw!
Inhnial hrat (Mizote) : Rotekawlasepa character kan neih vang nge ni inhnial cho at thei reng mai za rual ah chuan sawm rual kan awm tel tlang pui a. Ho ka tih deuh mai chu (huat awih loh, in huat pawhin ka haw ve chuang lau) “facebook ah chumi khami chungchang ah an inhnial luai luai mai, lo en ve teh” tih ang chi sawmna hi hnar nuam ka tih zawng tak a ni a. (In sawm lemlo a group vela in add ngawt ai chuan 
) Misual ah ngei pawh hian tul em em lem lo a inhnial peih at kan awm reng thin a a nia 
Hmalam thlir mi (Mizote) : Mi ka sawisel a ni ringawt dawn a lawm. A tha lam hawi zawngin kan tlip ang e aw. Mizote hi Aryan-a te ai chuan hmalam thlir thiam leh inhmakhawsuih thiam tak kan ni tih kan SNS hman dan atang hian a lang thei awm e. Hmalam kan thlir a, kan Zoram duhaisam lohna te siam tha tur leh kan thalai te zinga thu tha fahna a tan atangkai zia hria leh hmang tangkai/ hman tangkai tum upa zawk te pawhin an luh chilh ve tak tak ta. Kan sakhaw lam mite pawh rawn tur khawi hmunah pawh an kat nawk tawh mai. Hmalam a eng e ti mai ang a tawi zawng in.
Amaherawhchu, ti leh hram ang, Mizote hi thil hre rei lo tak tak kan nih avangin hnunglama awm te theihnghilh a hmalam pan kan tum a nih si chuan…. hei hian tlip ang aw…
3:13 Unaute u, manah ka inngai lo. Amaherawhchu he thil pakhat hi ka ti thin – hnung lama thil awmte chu theihnghilha, hma lama thil awmte chu banin,
3:14 Krista Isuaa Pathian chung lam koh chhan lawman hmu turin, tiam chin lam chu ka pan talh talh a ni.
Phil 3:13-14
Similar Posts:
- Thu leh hla inruksak (Plagiarism)
- blogger.com (blogspot) comment problem
- Media-in rawngbawlna a nghawng dan
- Meet up group!
- Internet leh Mizo Identity
October 9th, 2011 at 4:40 pm
Pu Vaiva-an kan hmaah darthlalang a rawn húng e. In en theuh teh ang u. Mit ek, hnap khir, hnarhmul lawr te a lo awm palh ang e. Tlip tha khawp mai.
Report this comment
October 9th, 2011 at 4:46 pm
tunge mi toilet chhunga thlalak te lo post a, ka va en ve chak ee. lolz
Report this comment
October 9th, 2011 at 4:50 pm
“Inhnial hrat” ka chhiar laiin ka nui nasa, a dik ka ti. Midangte lan mawiloh na leh an hmingchhiat theihna tur lam thlalak hi chu in pho chhuah sak loh hi keipawhin tha ka ti, a pho chhuaktu tan lah hlawkna pakhatmah awm chuang silo.
Report this comment
October 9th, 2011 at 5:04 pm
pathian thu awih khi….like e
Report this comment
October 9th, 2011 at 5:19 pm
tha reuh e… ‘Khap, khap, khap’-na ramah hian enjoy tur dang an khap vek si a.. he lamah hian kan ta luai2 mai a nih hi.
Report this comment
October 9th, 2011 at 5:23 pm
Posty tha tak a ni
Report this comment
October 9th, 2011 at 5:28 pm
Amen
Report this comment
October 9th, 2011 at 5:38 pm
inhnial kan hrat amaw ni le…heh…
Report this comment
October 9th, 2011 at 5:39 pm
^——-ka pawm e
Report this comment
October 9th, 2011 at 5:57 pm
INHNIALHRAT tih tak khi ka la fuhh ltkk haha! hrat tak kan ni a bikin eng kohhran emawni lolz(biru nghal)
Report this comment
October 9th, 2011 at 6:02 pm
Facebook a CHANCHINTHAR group ah tun lawk khan hei hi post a ni a…
Courtesy – Lalramhlupuia Bawitlung
In ngaihdan han thawh belh zel teh u. Part II a khel belh ah
Report this comment
October 9th, 2011 at 6:11 pm
haha khing ho khi khoi group ah poh an chimawm vel vek mawle
Report this comment
October 9th, 2011 at 6:11 pm
Wanted ang deuhin i rawn dah ami.
An nick ava stylish hlawm ve.
Report this comment
October 9th, 2011 at 6:25 pm
@funny, group thenkhat tih dan ang in, tih mualpho ka tumna ni lo in Mizoram tan a ni e
A post tu phalna ka la thlap e, ka rawn paste dawn hian. An ni ho khi chu an Hey den rial overr lai loh hmel a nih hi in sawi hmang in
Report this comment
October 9th, 2011 at 6:29 pm
Inhnial hi keichu ka thiam lo. FB pawh nuam ka ti lo. Misual.com-a OT hi nuam ka ti ber.
Report this comment
October 9th, 2011 at 6:56 pm
frenzo ah kha chuan eng dang vak a lenglo a, a feature tlem bok nen, flirting tunlai trong takin ck na hmun leh thian insiamna kha a ni deuh maia. Local channel ho in “ka vei zawng” ang chi programme te an han siam leh a, society vei zual leh tawt fal deuhin an chhawr tangkai leh a. tunah facebook group te a lo awm tak ah hi chuan vei nei lo tawp chu kan lo awmlo anih hi ka ti mai a, a tha phian ka ti mai sin. Inhnial te hi discussion forum ang chi in a ken tel a ni ve a, bengvarna a thlen loh vek pawn mi rilru mawl deuh te lanchhuah tir na thra lutuk a ni leh bok a. tun ang lai ah thla te duhdah lutuk a lak mai2 chi a ni lo tih te, media leh internet a security lam ngaih poimoh a trul toh zia te min hriat that tir turin chesual leh thlalak inthehdarh sak victim te an om nual ta bok a, a thra lam vekin ka lo thlir mai sin.
Report this comment
October 9th, 2011 at 7:12 pm
#16 Rempy
Report this comment
October 9th, 2011 at 7:36 pm
Group khat chu fb ah chuan ka siam ve ngei mai, mahse ka rotekawl vang nilo in pawl pakhat ah online a information kan pek awlsam zawk theih nana siam ka nia!
Mahse i sawi khi a dik fur hlawm bawk si. Chuan mIRC a ck kha a nuam thin reuh!
Report this comment
October 9th, 2011 at 7:42 pm
VaiVa, zawhna ka nei. Group pakhat, “Mizo NuLa Inti tHa deuh Vai Zang hmuam Puk pUk Ching ho hi kA nGei a niA.” tih group atanga i ngaihtuah chhuah ani hial lo maw?
Inhnial hrat: hei hi site hrang2, hnam hrang2, forum hrang2, thu comment theihnaah chuan a ni vekin ka hria.
Post tha a ni e
Report this comment
October 9th, 2011 at 8:02 pm
rotekawlasepa kha a awmzia han sawifiah thei em awww a post tu hian? Mi ti deuh kher kher, mahni thu duh deuh tihna emi kha? :chiang tawh lo:
Report this comment
October 9th, 2011 at 8:11 pm
@aduhi, mahni a ho/pawl hran din tum tlat sawina.
Report this comment
October 9th, 2011 at 8:15 pm
thanks Saitawk.
Report this comment
October 9th, 2011 at 8:40 pm
HV @19, I zawhna khi ‘aih’ tihin kan chhang teh ang che. I group rawn sawi khi publish a nih dawnah post pending review tihah ka hmu ve chiah. Ka check a, chuan i lo ‘like’ vûng sia. Ka rawn thairan i lo hmu ta a nih kha…
Han sawi belh zel teh u
Report this comment
October 10th, 2011 at 4:23 am
@ Like vung si a..tih lai tak khi..lol
Report this comment
October 10th, 2011 at 8:18 am
Ngawirengin sermon part II nghak ang. Rempy ka thlawp e!
Report this comment