Idol, Icon leh eng eng emaw contest te kan nei chho ta nawk nawk mai. Hmasawnna duhawm tak a ni a, Mizo mipui ten a ruala buaipui theih kan neihte an ni chho ta a, a lawmawm khawp mai.
Tichuan hmani khan Mizo Idol top 5 thleng phak lovin TBC-a chu a tla a, an khua Thenzawl khan ropui rapthlak eltiang khan an lo hmuak a nih kha. Zonet-ah ka lo en a, inkheng khawng chite pawh kha an intlar thui ve khawp mai. Chief Minister Pu Hawla pawh kal se khatiang aia ropui khan an hmuah ka ring bik lem lo.
Khatia ka en mawlh mawlh lai khan ka rilruah thil dang a lo lut ta daih mai a. Hun reilote chhungin khawkhat hming a ti tha a, a khaw nawtin an lo hmuak a, chutih laiin Mizo vawi tam tak India rama lo tihmingtha tawhtu Magdelene leh Boomarang te hnehna nena an lo haw tum te hian hmuaktu pawh an nei ngai lo kha a ni a, khangte kha ka ngaihtuah chhova.
Idol leh Icon te, khaw nawta kan ngaihven leh duhsakna sang ber ber kan hlan mek lai hian Fak hlawh miah lo, mahse kan tana tangkai em em tu tute emaw chu an awm dawn chiang a nih hi ka ti chho ta nauh nauhva.
Ka rilruah chuan ruh khawih thiamte leh mi zut dam theite an rawn lang ta nawlh mai. E he..a lo ni tak maw.. Kha leh chen kha harsatna ka tawhin ka pan thin a, mahse lawmman enge ka pek ? tih te ka ngaihtuah ta a. Lawmman atan artui te leh pawisate kan keng ve thin kha a ni a, mahse an la duh ngai lo. Rawngbawlnaah an ngai a, tlawmngaih chhuahin mi chitin chitang an lo zut thin a lo ni a, kei chuan fak an phu ka ti tlat mai.
Doctor te chu mipui tan thawk mahse an hlawh kan pe zel thova. Anni erawh chuan engmah an la duh ngai lo a ni. kan vengah hian mi zut thiam hi pathum an awm a, Pu Zaduna, Pu Dawla leh Pi Rothangi te an ni. Veng dang te pawh hian nasa takin an rawn pan thin. Nimin mai khan Pu Zaduna chuan mual min liamsan ta a, ala dam chhun pahnih zinga pakhat pawh hi cancer a ni a, a pawi khawp mai.
Kan inkhelh ve laite khan kan keruhte kan ti ulh a, min lo khawih sak a, “Inkhel tawh hrih suh aw..”.. min ti lawm lawm chung pawh khan kan inkhel lui a, kan inti na leh a. Tichuan na takin kan tlan lut leh rawih a, phun miahlo leh hlim sang hian min lo khawih leh thin. A chang chuan pan hi kan tam thei khawp a, kan in tlar vel thin bawk. Eizawnna lam ngaihtuah a ngai ve thova, mahse an hun tam tak kha tanpui ngaite tanpui nan an hmang thin.
Pu Zaduna ngat phei hi chu ka fak khawp mai. Pawl 12 ka zirlaiin inkhelhnaah ka khup hi ka ti kauva, a na kher mai. Hliam ka tawh tawhah chuan a la na ber hial maithei a ni. A rang a rangin kan pan nghal a, a ni chuan a lo herh bawp a, a ri bup, “A tha e”, a ti a, kan kal leh ta a. Thla 5 dawn chu ka kal tha thei lo.
Kan chhungte zinga pakhat hian,”Tual chher mai mai an ni a, chuvang chuan Damdawi inah ngei X-ray tir leh rawh u”, a ti tlat a, kei chuan ka hnial tlat. Mahse chhungte chuan min hruai ta a, kan han enchian chuan a rem dik thlap thlap tih a lang.
Khawtlangin kan mamawh a, harsatna kan neih apianga kan pan thin te an ni. Hun reilote chhunga kan khaw ti hmingthatu idol leh Icon te hian chawimawi an phu em em a, hetih lai hian hlawh pawh nei lova khawtlang tana inpe ruh khawih thiam leh mi zut thiamte hi kei chuan fak an phu ngawih ngawih ka ti a ni.
Similar Posts:
- Reality Show ka hmuh dan
- Mizo Idol leh American Idol
- Lelte “2007 News Maker Of The Year”
- Pafa ka ngaihsan Saiawi pafa
- Ka ti leh pek thin ang
post leh comment dang...
November 2nd, 2011 at 3:35 pm
chhiar zut ila.
Report this comment
November 2nd, 2011 at 3:36 pm
mi zut chu ka thiam a, nula mal zut phei chu…kek3…mahse an dam ve kher lo ha9…
Report this comment
November 2nd, 2011 at 3:38 pm
Pu Zaduna….mamawh tu kan la tam asin le, a uiawm ngawt mai
Report this comment
November 2nd, 2011 at 3:41 pm
@2
Report this comment
November 2nd, 2011 at 3:44 pm
Zut a han dam ngot mai chu, power dangdai tak ani….scientific taka ka han ngaihtuah hian sipai bang ka bo map,,, hmanah poh malaria tai kher hmangin tidam thei an om toh tak kha,
Report this comment
November 2nd, 2011 at 3:44 pm
Mi zut dam thei zaithiam bawk si nita ila min lo hmuak tho ang ka ring
Report this comment
November 2nd, 2011 at 3:48 pm
Tawngtai damthei, mar dek thiam, etc. …. tun a tanga kum 50 ah chuan an om ka ring toh lo
Report this comment
November 2nd, 2011 at 3:57 pm
Zut dam hi scientific tak pawhin a dik thei thlap,Physiotherapy chi khat ani ve mai a..bakah body heat hi therapy chi khat tha tak ani..hetiang ho hi talent chi khat ani ve a,an mak ve khop mai,Anatomy te hi an mahni hriat thiam danin an hre zek..hmana mi pawh ka ke ka ulhin vurin a dep a, tuilumin a dep leh a..cold therapy leh heat therapy scientific deuha kan zir kha anlo hre tlat,tawngtai dam thei hi chu ka ring thaklo..
Report this comment
November 2nd, 2011 at 4:12 pm
Mi zut dam thei leh ruh khawih thiamte hian lawmman an phut ngai mang lo. Anmahnia Pathian thilthlawnpek awm hi ui miah lovin malsawmnaah an chantir hiau hiau thin zawk a. Hetiang mi hi chawimawia parthi awrhtir hluai chi ni lo mah sela, mipui thinlungah an reh ngai lo. Hei hi khawvela an lawmman dawn ve a ni.
Report this comment
November 2nd, 2011 at 4:17 pm
A letling zawnga piangte hian ruh na hi an khawih thiam bik tlat a, an kut pawh a dam bik. An chil hi damdawi tha tak a ni an tia.
Report this comment
November 2nd, 2011 at 4:20 pm
Magdelene leh Boomarang ten vairampur lamah lawmman anlo la thin tawh a ni maw. Chhiar turin an chanchin an chhuah lemlo ani em, ka chhiar awm ka hriat der loh chu mawle!? Chutiang chu chawimawi tlak anni a sin.
Kut dam thlup inzut thiam tak hi pianphung thiamna atanga nei an awm nual. An zut rei pauh leh an thiam ve tulh2 niin ka hre thin. Massage therapy han zir phei sela chuan an thiam dan tur zia chu pui tak a ni. An hawihhawmna te, an tlawmngaihna te hi ka rilru tak atangin ka chhuang fo thin.
A letling zawnga piang ka nih vangin kawng-herh etc. te hian min inzut tir ve thin (tun hma); ka thiam erawh ka hrelo. Mahse ka chil (saliva) damdawi anga hnawih tura min tih erawh chuan ka duh thaklo, chil a inzut kher kha ka ti thei thaklo, ka chil a haw dawn mai. Englo atan a hnawm zeuh2 chu thuhran ania hairehai
Report this comment
November 2nd, 2011 at 4:22 pm
Pathian tana mi rinawm leh chawimawi tlak tak tak te hian he khawvel ah hian an dam lai aiin an thih hnu ah chawimawina an dawng nasa zawk thin.
Report this comment
November 2nd, 2011 at 4:26 pm
Pu Hv, a letling zawnga piang ho chuan zut dam theihna in pianpui ani maw? An sawi chu ka hre tawh thin a, ka lo awih em em hleinem. .
Report this comment
November 2nd, 2011 at 4:31 pm
Ka thiannu(nupui) hian a thiam ve tlat mai a, mahse ka tlangzarh phal lo a ni. Mi-pa leh Tlangval käwngna ten inzùttir an tum sek ang tih ka hlau deuh a.hehe
Report this comment
November 2nd, 2011 at 4:33 pm
Keichu a khamphei zawngin ka pianga engmah ka thiam chuang lo…
Report this comment
November 2nd, 2011 at 4:35 pm
hlimthla #13 ka awih biklo. Ka kut erawh a dam an ti phian zel a an ngaihbel te pawh ani mahna. Inzut hrim2 hi a nuam kan ti hlawm si hairehai.
Report this comment
November 2nd, 2011 at 4:48 pm
I rawn tehkhin dan atang khi chuan thil nithei tak chu a nih khi mawle.
Mi zut dam thiam, ruh pelh leh tliak hmet rem thiam, nauchhar thiam te hi khawtinah hian zirna avang ni lem lova thiam hi an awm tlat zel hi thil mak ve tak chu a ni. An hawihhawm thei hlawm em em lehnghal a, an fakawm thin khawp mai.
tren tren.
Report this comment
November 2nd, 2011 at 4:56 pm
HV #16 i dim lutuk aniang chu.. A nalai kha han hmet deuh bawrh bawrh la, i kut a dam anti phian tawh lo mai ang…hahaha
Report this comment
November 2nd, 2011 at 5:35 pm
Pu HV, a sawi ang deuh khian tunlai-ah chuan, puanzarh chak anih loh chuan chawimawina dawng awm tak tak hian an dawn dawn lo mai niin alang.
Report this comment
November 2nd, 2011 at 5:37 pm
Post tha hle mai. Ka lo sawi ve fo thin a, idol/icon chawimawi pawh ka thlawp lutuk, an ni bak chawimawi phu te hlamchhiah chuanglo in.
Report this comment
November 2nd, 2011 at 5:48 pm
kei pawh hetiang ruhlam khawih thiam Pu Buaia Chawnpui veng ami kha ka hria, ani pawh khan lawmman a la duh miah lo nia
Report this comment
November 2nd, 2011 at 6:35 pm
A dik zongin ka piang a,ka thiam miah lo.hihi…
Report this comment
November 2nd, 2011 at 6:55 pm
Ka hriat ve – Kan thenawmah hian nu pakhat ruhna/tha na zut dam thiam a awm a, vawikhat zutah Rs. 200 a la a, kan ina min rawn pan chuan Rs.300. Session khat kha an reilo khawp ah, keipawh ka pan ve a, vawi 20 vel khawih i ngai ang min tia, an in ah ka pan ziah anih paw’n Rs.4000 chu sen a ngai hrim hrim. Ka kal zawm ta lo. Amah hi a tawng a pai deuh
Report this comment
November 2nd, 2011 at 7:19 pm
lawmawm viau na a, an zut dam loh hi tam deuh a nia aw.. tin an zut nat zual pawh tam tak an awm..heng ho hian an risk nasa khawp mai.
Report this comment
November 2nd, 2011 at 7:44 pm
Mizo idol top 5 pawh tling phak lo khati em em a an lo buaipui/hmuak kha chu mak ka ti, tul lo ka ti ve khawp mai, chaw a haw lo emai, an khua in tih engemaw duhna mai mai a ang ka ti. Mi zutdam thiam chu ka sawipha lo, mahse Ruh khawih/hmet thiam hi chu ka ei lo, an hmet sual fo, ka tawng fo tawh. Xray lak/ Ruh dr pan vat a him ber.
Report this comment
November 2nd, 2011 at 8:21 pm
Ka expi ve thung. Vawi khat chu ka bialah in in zut dam thiam leh damlo khawih thiam in ti nupa, zemabawk mi in ti bawk an lo kal a. Ka hriat veleh VC ho in kan thawk phei a lawm maw le. Ka bial chhungah hetiang hi tih ka phal lo va, pawisa te in la leh nghal ka tia. A tirah chuan pawisa la lovin an in sawi a, mahse rs 500 an lo lak sak kha ka ko chat thei sia. An nin Pathian thlarau vin a tirh an nih thu an tan chhan, bible chang an tlawh chhan. Keiin Bible chang ka tlawh chhan bawk. Kan in hnial nasa khawp mai a. A tawpah chuan ” hmm Pathian thu kan tan chhan ve ve a. Eng pawh si se, in tih luih chuan kei chuan ka man tir dawn che u a, lungin a in tanna turin ka bei ang. In tanna a dik anih chuan Pathianin a chhan em em ang che u. Kei ka dik a, in tanna hi a dik lo thung a nih chuan lunginah in nupa in in tang thung ang. Kei ka dik lo anih thung chuan ka tanna zawkna turin thil a lo in her mai ang” kan ti ta a le. An in en dun nupa kar mai a. A tuk zingah ka bial chu an chhuah san ta anih kha
Report this comment
November 2nd, 2011 at 9:21 pm
Hetianga inhmuah luai luai hi sahawk culture zia ka ti mai.
Vawilehkhata lar phut kan value phahin a lang.
Post erawh a tha e.
Report this comment
November 2nd, 2011 at 10:09 pm
Ka nu in Tawngtai damthei lampang hi a pan ve a,engtin nge a lo tih che ti a ka zawh chuan,”I kal nasat in i hah thin” min ti a ti.
Report this comment
November 2nd, 2011 at 10:21 pm
Mi ngaihsan leh chawimawi kan intihhmuh a, a tha e, mahse ngaihsan tur leh chawimawi tur inzirtir hmasak hi Mizo mipui hian kan mamawh thlawt a ni.
Good Post.
Report this comment
November 3rd, 2011 at 11:51 am
#29 dik ltk.muah muah…
Report this comment
November 3rd, 2011 at 3:04 pm
Pathianin a tih dam che khoi lai speaker ker emo in an tia a, tumah an dam tak tak lo, ka awih toh lo reng reng,, dam tak tak hria in om chuan ka kumkhat hloh ka lo pe ang che uu. Pathian tan cancer leh kebai na vak lo tih dam a ol sam dan a in ang reng,,, IN BUMNA VEK ALO NI EEE
Report this comment