Mizo Idol kha helam atangin ka lo thlir ve a. Ka thlir zan tak kha “Zo zan” an hman zan a lo ni kher lah tak a. Ka rilruah chuan ‘Enge Zo kan tih hian kan ngaihpawimawh ber ni ta ang aw?” tih hi a lo lut ve mai mai a. Ziak tura ka inkau lai chuan kha Lenghermawii khan sawi tur a rawn nei pawimawh ta em a, tun thlengin kan pamtul leh ta hrih a. Amaherawhchu, ka rilruah a thi thei ngang lova, ka rawn thlasik maupuah pui ve leh phawng mai teh ang.
Kan tunlai hunah hian hun leh hmun hrang hrangah “ZO-zia” vawn nun tumna hi a lang lian hle mai a. Tunhnai deuhah pawh Veng thenkhatte, pawl thenkhatte chuan mipuite hnenah Mizo thawmhnawa inchei an sawi mawiin, karkhata nikhat tal hak ni se ti te pawhin an rel hial a. A tha in a ropui hle mai. An thahnemngaihna a ropui e.
Amaherawhchu, kan ti ve khanglang teh ang. He zawhna mawlte mai hi ka’n zawt ve khanglang teh ang. Zo kan tih hian kan pawnlam zo-zia nge kan chhunglam zo-zia hi kan ngaih pawimawh ang aw??
Kan pawnlam landan, hmeichhe puan bihte, kan hnampuan leh incheina chawinun te hi thil tha tak chu a ni nameuh mai. Chu aia Mizote min ti “ZO” a hnamdangte laka min chawimawitu leh danglamna min petu heng- Tlawmngaihna, huaisenna, thian chhan thihngam nun, intodelh tum tlat mi, mi taima kan nihna te hi kei chuan “ZO-zia” diktak, chhawm nun zel tlak leh, chawi nun reng tlakin ka ngai.
Chuvangin, Zonunmawi leh zemawi te inhrilh a, inzirtir tum si lo hian, kan hnampuan te hi a nei nalh nalh kan ni ang tih chu ka hlauhlel love. Thinlung leh rilruah Mizo-zia pakhatmah nei tawh lo hian thangchhuah puante kan sinin, diar te kan la khim ngam chu a ni dawn si!
Tin, Mipain hmeichhe pual thawmhnaw kan neih thinte khawih danglama mipa thawmhnaw atana an inbel ve ngawt thin te pawh hi, kei Mizopa hian ka lo helh deuh thin.. Puanchei te hi kei ka veng ve duh thak thin lova…..
Similar Posts:
- Mipa leh hmeichhe mize maksak
- Bangkok?
- Pastor atan Hmeichhia ?
- Ka ngai che- Lasi note II
- Sam ve thung hi le..
November 9th, 2011 at 9:55 am
Incheina bakah kan nuna Mizo nun tihlanfiah in zirtirna ni ber in a hria.
Report this comment
November 9th, 2011 at 9:57 am
Tha lutuk tatte. Engngatinge a bikin thangtharteah thing sawi nan a ‘zo’ tih an hman le. ‘zo’ tih kan intuh dan hi a fuhlo emaw ni aw ka ti fo thin. ‘zo’-a mawi asin!
Report this comment
November 9th, 2011 at 10:07 am
“ka rawn thlasik maupuah pui ve leh phawng mai teh ang.” Post-tu pa, i tawngkam hman leh i ziah hun (season) hi a inhmeh riau…
(In khawlam pawh a vawt tek tawk tawh ah ka ngai ngawt a…)
Nia, kan titi ho reng reng a, a ‘zo’ tiah tiah, a ‘zo’ theng theng kan tih hi chuan a thing kan sawina a ni tlangpui nia!
A ‘zo’ veh vawh tih te hi hriat a nawm nen. Thlak thut zawng a har ang, mahse thu leh hla lam hian min han fah tak tak leh se la, kan thlak theih chin a la awm ngei ang.
Zonunmawi par ang vul zel se…
Report this comment
November 9th, 2011 at 10:16 am
chhung lam leh pawn lamah ‘zo zia’ vawng nung zel ila… (comment duh ve si, han comment vak ngaihna hre lo comment a van ang em…
)
Report this comment
November 9th, 2011 at 10:16 am
Kar khata Mizo thumahnaw vawi khat tal hak ni se, tih chu enge a ropuina vak le? A duh in ha se ani mai lawm ni? Taliban hi ianga midang inthuamna suggest vak vak hi a “Zo’ deuh lo maw?
Report this comment
November 9th, 2011 at 10:20 am
Zo nula/tlangval dik tak te hi chu, an bula awm a hahdam thlak thin ngawt mai.
Report this comment
November 9th, 2011 at 10:27 am
Keipawh midang incheina tur va hrilh hi a Taliban riau ka ti. Chu ai chuan Zonunmawi hi inzirtir ila. Karkhatah ni khat tal Zonunmawi hi inzirtir ila, thawmhnaw hak ai chuan kan sawtpui zawk lawng maw. Rel garage hi kan sa reng mai thin lah tak a.
Report this comment
November 9th, 2011 at 10:30 am
Chhiar a van kham awmloh thin ve, kan nun chhungril ZO hi a van pawimawh zawk tehlul em, kei misual hian ka lo thlir ve dan chuan, MIZO thuam chikim in thuam si in, Bus ah ai a upa thutna ken nachang hre chuang silo Lanu Chhuihthangval rual kan van han tam tawh tak em! Tlawmngaihna hlu kha khawiah nge maw an bo zawk tak le..
K vei pakhat chu i van zo rem2 tak an tih hian minvan hmusit tak an ti thin a, kei chu i van zo rem2 tak min ti se ka lawm a zual ang…Ka nuleh pa mizo an nia, mizoram ah ka awm miau a, ka zo lo theilo a ni.
Hnam changkang nitur chuan kan hnam zia kan hriatchian a pawimawh a ni, Hnamdang zia kan pulut a, kan zawm in kan nunpui kim zo leh mang silo a, A chhe lai ah kan tawp leh si.
Aw ZO zia kan thinlung ah lo ZO thar leh rawh.
Report this comment
November 9th, 2011 at 10:52 am
5 @Sony, ‘Zo’ deuh lo maw? i tih khi enge a awm zia ka va’n hre chiang chak ve?
KTP leh YMA branch thenkhat pawhin ‘Zo zan’ hi an huaihawt nual hlawm lo maw?
Engpawh nise Mizote hi khawchhak lam atanga tla thla zel a, tuna kan luah tak tlangram hi inbenbel nana hmang ta kan ni a. Kan hnam hian khawvel eng a dak chhuak ve dawn ek ek chauh a ni tih hi hria ila, intih changkan duh luat avanga mahni hnam zahpui emaw, hmuhsit emaw phei chu thil zahthlak tawpkhawk a ni tih hi kan hriat a tul takmeuh a ni. ‘Zo’ hi thil thing leh hmanlai sawina atana lo hmang thin kan awm palh a nih pawhin, sim hmanhmawh chi a ni ang.
Report this comment
November 9th, 2011 at 10:56 am
Dr. Mahninga Sailo comment ka han hawh lawk ani. Mahse Alfred an “kei chu i van zo rem2 tak min ti se ka lawm a zual ang” a ti lawi si a. Zotlang veng atang hian Zo veng veng mai ang u. Taliban kan sawina pawh Rev. Chuauthuama ziah (Vanglaini ah) ka hawh lawks.
Report this comment
November 9th, 2011 at 10:57 am
Ka fate hming bulah chuan ZO tih chu kan chawi sak vek phawt mai a. An nun kal zel a ZO ang em tih erawh chu ka enkawl danin a zir a ngai ngei ang tih ka hria.
tren tren.
Report this comment
November 9th, 2011 at 11:03 am
Tuipuiral hmin pu nawk te pawh kan awm hi maw.. Sap hming leh a hnam hming lawng ziak a, a mizo hming/ a lai ah hming ziak lang duh lo Mizo thalai kan pung tulh tulh bawk si. Huihamz..
Report this comment
November 9th, 2011 at 11:07 am
Kan incheina hian chhunglam thui takin a khawih pha tlat reng asin. Leather jacket hak a bullet han khalh vut2 te hi chuan ‘MAN’ ta riau a an inhria ang hian. Kei,tih loh aiah ka la duh tho2.
Chutih rualin chhungtin te,a bikin nu leh pa ni tawh te’n kan fate kan mizo ze leh awmdan tur kan hrilh ngun lehzual angai ani.
Phak ang tawk hian mi(sual) ila kan zo in hnam hmangaih nachang kan hria ani maaaai.
Report this comment
November 9th, 2011 at 11:23 am
Zoram pawn a awm tak ah chuan, ka tawng ta fo mai. Mipa, hnamdang nupui a nei, Mizo tawng bahlah ka la hmu lo a (ka hmu tlem pawh a ni mahna..); hmeichhia, hnamdang pasal a nei (an vaiin an ni chuang lo) chiah hian Mizo tawng an bahlah (nge tawngtial a tawng kha changkang ta viau ah an ngai zawk??) nia
Enge a chhan niang aw? kei misual hian ka va hrethiam lo tak em! Pasal an neih hnu hian an chhungte nen an inbe ngailo nge?
Report this comment
November 9th, 2011 at 11:27 am
Mizo mipa vai hmeichhe zui ruk ruk te pawh hi an tam lo. Kan khuaa veng pakhat, Mizo tamlohnaah pawh hian building pakhat chu Negro hovin an luah a, Mizo nula an khawi thin a ni awm e.. Tak tak ni maw???
Report this comment
November 9th, 2011 at 11:29 am
Ka ngaihdan chiah ani ,
Report this comment
November 9th, 2011 at 11:39 am
Pathianni khan; Mizo nu, zaithiam lar tak pakhat chu kan Biakin ah a zai a. Ralkhat atang a ka ngaihsan em em thin a ni a. A zaithiam ka ti.
Mahse…, ka helh tak deuh chu, a zai dawn ah: “Mizo tawng ka bahlah tawh a (Mizo tawng dik tak in), I’m going to sing ‘it is well with my soul’ a ti hram!
(Ka thusawi a chian zawk na’n ka’n tarlang a, amah ngeina ka nei lo..)
‘Ka hla sak tur hi, It is well with my soul a ni’ emaw ‘ It is well with may soul kha ka’n sa ang e’ tih mai tur niin ka lo ngai pek a
Report this comment
November 9th, 2011 at 11:42 am
Chhung ril nun a pawimawh ang chiahin pawn lam lan dan hi a pawimawh tih kan hriat tlan ngei ka ring. Amaherawhchu tuten emaw ‘Zo zan’ an huaihawt hian, kan pi leh pu, kan nu leh pate hun lai inthuam dan thing leh nuihzatthlak lam kha pho chhuah tur emaw an ti tlat hi chuan lung a tizing thin. Heti ang hunah hian enge an buatsaih chhan tih leh, thangtharte nunah eng ang impression nge pek an tum tih hi ngaihtuah tham a awm.
Dik tak chuan Mizote hian dress dik tak (traditional dress) hi kan nei chiah em tih pawh hi kan history han chhui chian tak tak chuan ngaihtuhna tithui tham a awm tlat. Kan changkan dan mil zel hian kan dress pawh hi a inthlak chho ve zel a ni thei mai ang em? Hmeichhe puan bih pawh hi engtik lai atanga kan hmeichhiate hian ching tan nge an nih a, engtik lai atang khan nge an kalsan tan tak deuh tih pawh hi khel fe tham chu a ni ve hrim hrim. Mizo mipa pawh hian hrenpereng kha engtik laia kalsan a, puan veng tan leh ta a, chu pawh kalsan leha kekawr ha leh ta nge tih pawh hi ngaihthah luih bik tlat chi a ni bik chuang dawn em ni? Pheikhawk phei chu original emaw, traditional dress ang emawa sawi tur kan nei mumal meuh dawn em ni? Ke lawnga awm a va peihawm tawh lo rua em! HV-a te tleirawl laia high hill boot (chartin tuk chawp a ni zawk mah) te phei phei kha bun reng chi ni nghal lo chuan hahahahahaha
Report this comment
November 9th, 2011 at 1:00 pm
Zo hi incheina lampang ringawt chu a ni lo phawt. ‘Zo’ chu tlawmngaihna, aia upa te zahthiamna, rinawmna, huaisenna (thian chhan thih ngam!) te han ti ngawt ila,hnamdangah pawh hetiang hi chu an awm teuh awm sia…Trawt,i post chuan min ti confuse huih
Report this comment
November 9th, 2011 at 1:16 pm
Jacka pi, tlawmngaihna tak hi chu vang deuh mai asin. Phut let nei miah lova mahni inhlan ral thakna hi a vang khawpin ka hria. Hnamdanga kan hmuh ve chin hi chu hmingthat beisei vang te, sum pai beisei leh, midangte zinga tlaktlum beisei ran hian ania an chet fo..
Report this comment
November 9th, 2011 at 1:22 pm
Jacka Pi a dik. Hman dangah pawh tlawmngaihna hmuh tur a awm tho. An tih dan style a danglam chauh ani. Ram hrang hranga chhiatrupna (disaster} awm hnu hian a lang. Anne Frank kha a tlawmngai lo in ti thei em ni?
Report this comment
November 9th, 2011 at 1:37 pm
aWII… hmaram, siap suap, etc vela inthuam khan kan nula nalh tak tak ho te hi khawlaiah han vei suau suau mai se… an hmuhnawm awm..
Pa ho hian puanven kan sawi tha sek mai ang a
Report this comment
November 9th, 2011 at 1:42 pm
James bond., lo nei ve pawh ni se kan zia anihna a bo chuang em ni? Nu hmangaihna hi khawvel nu zawng zawnga a awm avanga a hlutna a tlahniam a, kan hlutlo anih chuan kan hmabak chu a ko hle ta ve ang..
Report this comment
November 9th, 2011 at 1:51 pm
Chhungril ‘zo’ phawt mai se pawnlam landan chuan a zui mai ang chu te ka ti mai2 a.
Report this comment
November 9th, 2011 at 1:55 pm
trawt @20, Delhi ka awm laiin vai tlawmngai full thak, engmah beisei let nei miahlo tum 2 ka tawng ve tawh
Report this comment
November 9th, 2011 at 2:19 pm
Tlema spelling dang deuh: Zu lam sawi teh ang.
Governor berin “Zu khapna a hlawhtling lo” tiin ama ngaihdan a sawi ta hial a. Chhiar zui peih tan:
https://lawrkhawm.com/index.php?page=53062
Report this comment
November 9th, 2011 at 2:28 pm
century child@24,
Chhungrila kan ngaihtuah leh nihna hi thil tihin a zui a, pawn lamah a lo lang chhuak thin. Kan chhungrilah hian ZO phawt mai ila, kan nihna dik tak chu a lo par chhuak ngei ang.
tren tren.
Report this comment
November 9th, 2011 at 4:35 pm
Jacka pi,kum engzat chhungin???
Report this comment
November 9th, 2011 at 6:38 pm
Report this comment
November 9th, 2011 at 6:48 pm
Zo sawi takah chuan, vawikhat chu ka thianpa in ‘nula rim ang’ tiin min sawm a, kan len haw hnuah fiamthuin ‘i chhass chu a ‘bar’ hle mai a’ ka tih sak a. Thianpa pek chuan a lo sawi leh niin! Nidanga kan leng leh kha nula u khan ‘tunge bar titu’ a ti ta mai, hnar a lian duh nasa
Report this comment
November 9th, 2011 at 7:02 pm
Kan ‘zo’ na chu rilru ah a ni. Puanchei sin in, kawrchei nen pawh inthuam mahila, ka rilru ah ka Mizo nihna a nun loh chuan awmzia a awmlo. Khawthlang ram incheina kan copy, a pawina ka hrelo, kan pi leh pute inthuam dan kha zawng a remchang teh tut lo, a hun leh a hmun a zira inchei dan tur hre rual vek kan niin ka hria.
Report this comment
November 9th, 2011 at 8:06 pm
boihapa comment khi ka like e
tunlai thangthar te zing ah mizo incheina hre mumal tawh lo te hi an awm thei angem.khawvel thang zel in a her chhuahpui hi dan tum mah ila kan dang thei chuang lo.zo zan buatsaih na chang an hria te chu rem an va hre teh reng em 
Report this comment
November 9th, 2011 at 8:23 pm
Valupa in, khaile tlangvalte u- Mizo takin aw… an tih tawh chuan tumah hrilhnawn kan ngai ngai lo, mawng vawm ba ang maiin kan phe suau zel. Tunlaiah erawh tlemchuan atla hniam deuh tih hretu vek kan ni. Zo nun chawisang tur chuan, ahmasa ber tur pahnih dah hmasak ka nei_ 1) kan moral (kan chhungril ‘ZO- ZIA’ thatna ze dik??) chawkthova din thar. 2) kan value system (ngaihhlut zawng) siamthat. Hemi pahnih mipuite hnenah kan tuh tiah hmasak loh chuan,,, A NILO LAMAH AN PENG TAVEK A >>
Report this comment
November 9th, 2011 at 8:35 pm
Report this comment
November 9th, 2011 at 8:44 pm
Zoram hmun hrang hrangah, Zo incheina ngaihhlut duh na athar hle.Thangcchuah kawr hi vairam atanga chah Ijol lama an thui 350 atanga 500 chunglam, 350 man chu chhe tak ani.Thenzawl lama Mizo tah (thawktu thahnem takchu Burmese) apuan a chhah,hak a nuam lo ato deuh bawk. Hmeichhe puan bih tlak mizo tah/zeh/chei bawksi chu 1000-4000+. Tunlai chhuak aphei zawnga zeh/chei hi tlemin tlawm deuh. Kamis, Waist coat adt ah Mizo colour deuh an telh chuan to viau zel.Mi nawlpui ten kanla tlin lo deuhin alang.
Report this comment
November 9th, 2011 at 8:50 pm
Chhung lam leh pawn lam lan dan a pawimawh ve ve.Mizo nihna tilangtu pakhat chu kan incheina leh khawsak dan phung hi a ni.Hei hi hnamdang mit hmuha kan danglamna pho chhuahna a ni ve tlat.chutiang chiah chuan Mizo rilru dik tak pu tur chuan kan chhung lam ngaihtuahna hi a pawimawh ve leh bawk.Kan pawnlam khawsa zia thununtu chu rilru tho hi a ni.A rilrua tlawmngaihna thinlung nei chuan pawn lamah chu a ngaihtuahna chu a takin a tilang thin.Chutih laiin riru ti Mizo tuk siin,salwar leh saree kaih ta tlat si se a Mizo nihna kha hmuh tur a awm dawn lo a ni.Kawngka lu chunga”SINLUNG CHHUAK LALRAJU-A” tih inziak ang vel a ni.Kan hming ziah dan hi Mizo nihna(identity)tilangtu pawimawh ber a ni bawk.
Report this comment
November 9th, 2011 at 9:13 pm
ngawi teh u, Zo tih hi enge a awmzia min han hrilh fiah te u, min thlahtupa hming nge, kan chenna hmun hming, nge ni a kan zia? zohnahthlak, zofate ka tih hian mihring hming a ang bok sia, zoram han tih hian tlangram tihna ang leh bawk sia zo zia han tih hian keimahni ho, kan hming a ang leh bawk si…ka buai vek
Report this comment
November 10th, 2011 at 12:06 am
Mizo thuam a kan inchei avang khan Zo ta viau turah an inngai a ni ang.
Report this comment
November 10th, 2011 at 1:43 am
Pawnlam landanah hi chuan kan hmel leh kephah hian kan zo zia a tilang chiang thawkhat alawm le..;-)
Report this comment
November 10th, 2011 at 2:11 am
@ 37, Dear dokulh, Zo (tuna kan sawi lai mek hi) tih ringawt hi chuan awmzia a nei lo! A grammar zawng chuan ..ka hre lo. connective word ti mai ang
. Heta kan sawi Zo tih hi chu mihring nen sawi fin angai. A lan dan chuan tlangsang, hmun thengthaw nuam tihna lam rawngkai ani, khata chengte sawi fiah nan slang ang deuhin kan hmang ani. ‘A zo hle mai’ tih chuan a awmzia ber chu a thing, a tunlai lo tihna ani. Heihi huat chi pawh ani lem lo, a chhan chu tumah a va kawk nalh chuang lo a. ‘A Mizo hle/lo hle mai tihna lam aiin a barbaric, a tribal hle mai tihna ang ani. Thingtlang lam deuh zawk te sawina pawh ani chuang lo.
Engpawhnise, Mizo kan nite, kan ta bil ram ‘Mizoram’ kan neite hi lawm em em phawt mai teh ang u.
Report this comment
November 10th, 2011 at 11:50 am
Lrpa..’a zo hle mai’ tih chu a thing/barbaric ai chuan ‘a van tlawmngai/fel/rinawm tih nan pawh a hman theih lawng maw??
Report this comment