- via user Vahte
April 11 khan Siata(saiha atanga KM 60 bawr vel ) ah Vawngtu tawnga lehlin Thuthlung thar hlanna(Dedication service) neih a ni a. Sial leh Vawk talhin hlim takin hun hman a ni. He hunah hian Saiha District-a Vawngtu tawng hmangte an kim tha hleh a. Rev.Dr.J.Re Bui(Chief Translator) leh a thiannu tenhe hun hi an rawn hmanpui bawk. Rev. Re Bui hi Siata khawchhuak niin a tleirawl chhuah tira Myanmar a UPC missionary ni turin a chho a.
Tun thlengin a nupui fanaute nen Rangoon-ah an khawhsah hlen ta a ni. Tunah hian Myanmar ram pumpuiah UPC General superintendant nihna a chel mek bawk. Myanmar Zo nula zaithiam Sung Tingpari pa Pu J.Sangnawna hi Rev.Re Buia nau a ni nghe nghe. Vawngtute hi Mara hnam chinga te zinga tlem ber an ni a.Mizoram lama chuanVawngtu tawng hlang hmanna chu Siata leh Ainak chau an ni. Khawchhak lama chuan Vawngtu tawng hmangte hi Zophei tiha hriat an ni a, khaw 15 vel chu Zophei tawng hlang hmanna an ni.
Similar Posts:
- Vawngtu-Mara ten Bible an nei ve ta
- Mara hnam chungchang
- Vulmawi Award sem dawn ta
- Routmoi in pasal nei dawn?
- Saihaah hmaituam hrang
a tha lutuk ka chhiar chhuak dap e
April 13th, 2010 at 2:31 pm
Vawngtu hi khawi lam ah nge an awm aw?
Report this comment
April 13th, 2010 at 2:37 pm
Information tha tak a ni. Eng tawng pawh nise Bible han lehlin zawh pap mai hi chu hna hautak tak chu a ni ve reng reng awm e.
Vawngtu chu eng ang nge tih hre lo, a tawng a awm tih pawh hre lo kei ka tan chuan chanchin thar dik tak a ni.
Report this comment
April 13th, 2010 at 2:41 pm
Hetiang thil vawng rengtu nih chu a har khawp ang!
Report this comment
April 13th, 2010 at 3:08 pm
An lawm ve ngawt ang chu,mahni tawng ngei a Bible han chhiar theih hi a hlu a ni.
Report this comment
April 13th, 2010 at 3:25 pm
Keipoh ka hnarkua aiin ka knowledge a zau leh ta e…vawngtu hi ka voikhat hriatna a ni e
Report this comment
April 13th, 2010 at 3:57 pm
Vuangtu emaw ka lo ti deuh a! Mahni tawng ngeia Bible neih hi a hlu em em a, kan hnam tawng ngei maia Isua a han tawngte hian Pathian hi min hnaihtir sawtin a hriat thin a nih hi!
Report this comment
April 13th, 2010 at 4:22 pm
MARA=Tlosai, Chapui, Zawngling, hawthai leh vuangtu.
Report this comment
April 13th, 2010 at 5:25 pm
Siata khua luh hma hian daihnai hi a kaw rel rul mai a; se rual an tlat chhuah vang a ni pakhat! March thla tawpah pawh an dai hnai luite chu vawt tak a la ni thin.
An khua saw luh thut a ni a, lung a tileng. An khaw rawn eptu khawchhak lam tlangte saw Burma ram vek a ni tawh thung. VUANGTU an ni a, VAWNGTU an tih pawh ka lo hre ngai bik hauh lo.
Tuk khat chu HRIAK (Oil) ka mamawh a, Vuangtu nu pakhat ka va dil a, “Hriak i nei em?” tiin. Ka thil va dil hming berkher kha a lo hrethiam lo va, “i nei em?” tih chin kha chu a hrethiam ve ni ngei tur a ni – “Zema HRIAK?” tiin min zawt let a. Ka bo der tawh zawk. ZEMA tih chu Vuangtu tawng chuan “Engnge?” tihna a ni tih ka chhinchhiah ta vang vang a, kum 1996-a ka thil va tawn a ni.
Camera, sneaker shoes, cowboy Jeans & Jacket nen chauhva va kal, Niawhtlang atanga kea va ban ka ni a.
Pathian Thu chu an ngaina khawp a, an tawng ngeia Bible an han nei thei chu ka lawmpui hle mai.
Bible thu min zawh an peih a; mahse, Pathian Thu min sawitir emaw, zawh dawn emaw chuan ka inthuamna min hlihtir vek kher a. Kamis var an hawhchawp min haktir a, Suit dum an hawhchawpin min thuam a, sneaker pheikhawk min hlihtir a, mangai pheikhawk savun dum gents chi an hawhchawp min buntir bawk. Cowboy jeans nena thu ka sawi an remti miah lo.
Ka hawn lehna turin sakawr an buatsaih bawk a. Mahse, keimah chauhva ka chuan kha ka duh bik si lo va, Niawhtlang thleng kein min va thlah thleng.
Ka hawn dawn hnaihah chhangban an deng ta tlut tlut mai a, an chhum a. Min eipui a. Kha Zochhang (chhangban) kha a significant hle. Ei lai mek khan an zinga upa ber khan, “He chhang kan ei chhan hi … ‘I lokal leh loh takin,’ tihna a ni e,” tiin min hrilh a. Ka rilru a khawih ril thar hle.
LALPA Zanriah kil hian Vuangtu-hovin min thlahna chhangban ruai chanchin hi ka sawi tel ve ziah thin a. Puala erawh chuan LALPA Zanriah hi “A lokal leh hma zawng Krista thihna in entir …” a ti thung a.
LALPA Zanriah kan kil hian Krista Lokal lehna ANTICIPATE pahin, KRISTA THIHNA (Kalvary) min THLIKIRTIR pah a. Paula’n in ENTIR a tih, ENTIR hi Grik tawng chuan KATAGGELLO an ti a, chumi awmzia chu PUANGCHHUAK, PUANGZAR tihna a ni bawk.
Ka’n tih tak chiam chu … Vuangtu-ho ka lawmpui hle mai! An Bible hmang tangkai mawlh rawh se.
Report this comment
April 13th, 2010 at 5:57 pm
kei mi vanduai mahni tawng pawh thiamlo hi chuan hman tangkaina ka neih vakloh hmel. Btw, a soft copy a awm theih chuan aramavt@gmail.com ah mi thawn thei ula a lawmawm khawp ang…
Report this comment
April 13th, 2010 at 5:57 pm
ka lawmpui hle mai!mahni tawng Bible hi a hlu a ni.
Report this comment
April 13th, 2010 at 6:23 pm
Pu chawnghilh chuh hlap leh ta hrep mai le. i comment chhiar a manhla thei ngeei mai.. a ngaihnawm thei lutuk tlat!
Bible hi chu tawng chi hrang hrang hian awm se, mi zawng zawng hian chhiar thei ila tha tur hi nia. Ka lawmpui ve e.
Report this comment
April 13th, 2010 at 11:21 pm
Vuangtu ni zawk lo maw? nge ka hre sual zawk
Report this comment
April 14th, 2010 at 1:27 am
vuangtu, vytu or vawngtu same…
Report this comment
April 14th, 2010 at 1:34 am
Spelling mumal leh fumfe tak an la nei lo a nih ber zawk chu! Hrethiam mai teh ang.
Report this comment
April 14th, 2010 at 1:51 am
Lai (Pawi) leh Mara (Lakher) hi an puanzeh dan leh an hnam hmingah hian an in zul bik khawp mai eg: Chinzah/chozah, Vuangtu/Vawngtu or vytu etc
Report this comment
April 15th, 2010 at 11:32 am
Misual ringtu tha tak2 te kawmen na ah k puar leh swt in k hria Amen.
Report this comment
May 12th, 2010 at 9:33 pm
Sungtinpar Pa chu Pu Ralbuai (Rebui) u zawk a ni.Pu Ralbuai chu Siata khawchhuak a nia, Fanu Fapa a nei hnu a,an chhungkua a Burma ram a Missionary kal a ni.
Report this comment