Playing For Change

April 13th, 2010 12:30 pm by Loo_Booka

Mi dang in an lo post tawh em chu ka hre chiah lova, kei aiin in lo hre daih zawk tawh pawh a ni thei mahse kan post ve re re teh ang. Khawvel hian remna leh muanna a mamawh em em a, hemi chungchang hi mi hrang hrangte chuan an vei em em, kawng hrang hrangah mahni theih ang tawk tawk in remna leh muanna a awm theihna turin an theih ang chin chin in an bei thin tih chu kan hre awm e.

“Playing for Change” project hi a bul tantu chu Sound Engineer, Producer Mark Johnson a ni a, khawvel ram leh hnam hrang hrang te fuih, zawm leh rimawi kal tlanga khawvel a remna leh muanna thuchah chu an tumber ni in an sawi. Palying For Change Foundation te pawh din in khawvel hmun hrang hrangah naupangte tan music school din a ni tawh bawk. Mark Johnson hian a Timeless Media Group hmang in video engemawzat an siam tawha, Hamara Desh lam thleng thleng pawh in musician hi an rawn khawn khawm tawh a, street performer leh musician hrang hrangte a hmunah kal chilh in an perform chu a hmunah an record a, chutianga hmun hrang hranga an kal kual hnu ah sound te hi an mix ta mai thin ni awm tak a ni.
Playing for Change hi 2004 atanga tan kha ni in, Mark Johnson leh Enzo Buono te chuan he project hnuaiah hian khawvel hmun hrang hrang an fangkual a ni ber mai. Nikum October thla khan documentary DVD “Peace Through Music” Mark Johnson leh Jonathan Walls te direct an tichhuak tawh bawk.

Han en ve chhin teh mah!!! A ropui dangdai viau a sin.

YouTube Preview Image

Similar Posts:

Recent Posts:

14 Responses to “Playing For Change”

  1. 1
    XaiA Says:

    Mizo te hian sound engineer puitling hi kan va mamawh ve,kan nei tawh em aw?Daih mai a.

    Report this comment

  2. 2
    zuala12 Says:

    Kei chu ka hre der lo mai aaa.. XaiA

    Report this comment

  3. 3
    mi_sual Says:

    Kan tui lo tlang a ni maw? Comment han pe ve hram teh u…. :-)
    Music lam hi kei chu ka hre vak lova…..!!!

    Report this comment

  4. 4
    blackmagicwoman Says:

    Ropui dangdai tak a nih hi!

    Report this comment

  5. 5
    lianchhiara Says:

    Mahni theihna kawng kawngah remna leh muanna kawng kan zawn hi chu ngai tak a ni.

    Report this comment

  6. 6
    chiangrenga Says:

    Ka la hrelo a tha thin e…

    Report this comment

  7. 7
    chikus Says:

    music hi ka hriat tlem na lampang tak mai ani..chuvang chuan a chung a post pawh khi ka vawikhat hriatna chiah a ni…..hmuhnawm mai2 reuh khoooops….an tum a tha chumai bakah an thawk tha bawk a nih khi…..heheheh

    Report this comment

  8. 8
    lalrihema Says:

    John Lennon a sak nen khan ka ngaihnawm tih dan a in ang reng mai a. A va han ngaihnawm em.

    Report this comment

  9. 9
    Tetea Says:

    November 2006 khan Chennai-ah an lo kal tawh reng anih hi! A hriat loh theih hle mai…

    Report this comment

  10. 10
    Sony Says:

    Tuman an la post lo. Lungngai suh. An hil tum chu a tha viau.

    Report this comment

  11. 11
    Taikhery Says:

    skimi a ngaihom hle mai :D :D :D

    Report this comment

  12. 12
    dr_feelgood Says:

    Mawi khawp mai, TV ah ka hmu tawh in ka hria. Zoram te rawn thleng ve se Hnah ham in lo tum ve ila tha tur. Mi hang ho zai hi an thiam hrim hrim, zai mawi tum lam ni lovin, thinlung atangin an zai thei tlat a, a raw tha tlat.

    Report this comment

  13. 13
    H.Vangchhia Says:

    Play rau rauah chuan hetiang hi an vannei. https://wtop.com/?nid=500&sid=1933064

    Report this comment

  14. 14
    shailendra Says:

    A va han nalh in a dangdai tha hle mai. dr_feelgood sawi khi ka tawmpui e. Mihang ho zai hi a ril tha thei khawp in kei pawn ka hria.

    Report this comment

Leave a Reply

You must be logged in to post a comment.