Global Financial Crisis vanga khawvelin sum leh paia chhiat rupna a tawh hnu ah a zualpui a over tawh emaw tih laiin Greek ho corrupt vang te, thatchhiat vang te in khawvel stock market leh sumdawnna tunlaiin a chi ai hle tih kan hria ang chu, news te i thlir a , i chhiar ve thin chuan. He thil thlen dan hi tawite in kan sawifiah anga, Mizoram nen rawn thlun zawm kan tum ange.
Greek sorkar hian leiba angah hle a an budget deficit pawh 13% vel ania, an Sawrkar leibat zawng zawng hi kumkhata Greece in a thawhchhuah ai pawn a tam zawk. Ba an ngahna chhan te chu an neih bak an chen a, khawvel ram hrang hrangah pawisa an puk lawra (sawrkar in pawisa a puk hi Treasury Bonds an ti), tunah hian an pawisa puk nasa lutuk leh a pung nena rulh ngai bawk si Greek Sawrkar hi a chakawt ani ber. An interest pe tur pawh in pawisa an puk leh a ngai a, chumi interest pe tur chuan pawisa an puk leh a ngai bawk a, an puk a, an puk belh a, an puk belhchhah leh ani ber.
Hei vang hian Greek sawrkar in pawisa a pukna te (bond holder) an chi ai hle a, an pawisa Greek sorkarin a puk hi a rul theilo ang tih an hlauh vangin Greek sorkar hnenah hian Interest (Yield an ti) ah phut sang hle. Entirnan German Sawrkar leh US Sawrkar hian $ 100 kum 2 a tan puk ta se interest an pek zat chu $ 2 vel lek anih laiin Greek Sawrkarin interest a pek zat vethung chu $ 30 daih ani. hemi awmzia chu Credit Card tam tak ai pawn interest an pe sang zawk anih ber chu.
Chubakah Greek ho hian tax pek loh ruk an hrat hle a, Chubakah an sawrkar hnathawk ho hi early retirement neih an hrat hle a, ai kal lak te, hnathawktu lem hlawhpek (corruption etc) a hluar hle ani ber. Europe ram tam takah kum 65 ah an retire laiin Greece ah chuan kum 61 an nih in an retire a, an sawrkar hian vote duh vangin a thlawna sum sem emaw hamthatna siam an hrat hle bawk. Entirnan Christmas laiin thlakhat hlawh tawp hi sawrkarin bonus atan sawrkar hnathawk zawng zawng a pe a, thla chanve hlawh hi Easter leh Summer holiday laiin a pe thin bawk.
Hengte vang hian sawrkarin a neih aia tam a hman dur dur avangin tunah hian EU leh IMF ah kut an dawh mek a, EU ram dang te pawn Greek ho tanpui hi an phur lo hle, a chhan chu ramdangin taima taka hna an thawh a, an neih phaka in renchem taka an chen laiin Greek ho in insum miah lova ba chunga sum an hmang dur dur hi eng vangin nge kan thawhchhuah a kan tanpui ang an ti ani, a bikin German ho an thinrim hle.
German sawrkar hian Greece hian tanpui a duh anih chuan in renchem takin an khawsa phawt tur ani ati ve tlat a, Chutih laiin Greek Sawrkar hnathawk te, pension ho te, hnathawk peihlo thalai ho sawrkar thil sem ring ho ten Greek sawrkarin an hlawh leh an bonus te cut a tum chu duh lovin kawng an zawh a, kar hmasa mai pawh khan Bank pakhat halin mi 3, nu 1 raipuar lai telin an thih phah anih kha.
Mizoram nen a inang tawh i ti em? Mizoram sawrkarin budget tight em em a neia, leiba tun chungin, chutihlaiin khawia tangin nge pawisa a rawn kal dawn tih pawh ngaihtuah miah lovin sawrkar hnathawk hovin hlawh san ngiatin an han nuar leh ta nghal a. Midangin retheih phah mahse, Mizoram in development lamah than muan phah mahse pawi ti miah lo, an mahni hlawh a punna anih phawt chuan nuar reng mai ho hi Mizoram hmelma ani mai lo maw?
Similar Posts:
- Euro Pawisa an hluihlawn dawn em?
- Zoram siamtha tur pawl thar i din ang u hmiang
- Mizoram a sorkar hnathawk hlawh hi a tam lutuk em, Tax pe ve dawn ta ila
- Mizoram Economy leh Sorkar hnathawk
- Bike Khalh Training Pe Dawn!
May 9th, 2010 at 9:46 pm
1st,ziak tha leh hle mai,mahse athui deuh
Report this comment
May 9th, 2010 at 9:49 pm
Greece leh Mizoram chu a compare diak diak theih nang,Independent kan la ni lo tlat a… :lol: Chuan Chelsea an champ hmel ta khups mai… Score 4-0 a ni mek tlat :!:
Report this comment
May 9th, 2010 at 9:52 pm
Aryan nge nge.. i rawn sawi zau a, a tha e.
An ram khi chu nawm hmel phian asin.. Mamma Mia(movie) vel atanga a landan atang khan.
Report this comment
May 9th, 2010 at 10:17 pm
@XaiA: chelsea kan cham ta. Tin, Grees leh Mizoram chu kan inang viau alawm. Kan thiltih duh danah hian. Aryan hian a ziak tha lutuk tlat. Mipui tam zawk chiar tura News Paper a chhuah atan ka it ngei mai.
Pu Hv, hairehai.
Report this comment
May 9th, 2010 at 10:22 pm
Mahni ro inrel leh state pakhat chu a in ang thei ngai nang :lol: Mizoram te chuan sorkar laipui kan kawk leh zaih mai dawn a sin :lol:
Chelsea 8-0 Wigan He,he :lol:
Report this comment
May 9th, 2010 at 10:31 pm
Mahni thawhchhuah phutawka sum hman kan inzir angai.Mizoramah chuan kan thawhchhuah let tamtakin kan chetlat alawm, tuna kan awmdan ah chuan greek ram aia dinhmun chhe tur kan ni,mahse india sawrkar hnuaiah kan milian nuih ve ham ham ,kan in hmuhchhuah vatloh chuan vaiho hian minla hmusit ngawt ang mawle…
Report this comment
May 9th, 2010 at 10:31 pm
Mizoram chu an thatchhia pawh ani mahna Mizote erawh kan thatchhelo hrim hrim.
Chelsea kan champ ta der mai :lol; :lol: :lol:
Report this comment
May 9th, 2010 at 10:34 pm
Aryna, misual.com special corespondent thuziah chu ngaihnawm khawp mai
Report this comment
May 9th, 2010 at 10:40 pm
Last para hi ka duh lutuk. Way to go Aryan
Report this comment
May 9th, 2010 at 10:51 pm
Puk puk chu pukpui an nih ngawt chu.Lei rem rap leh turin hmabak a ko hle mai.mizoram hi sorkar hnathawk tihtlem vat a ngai.education,health,security bak ho hi privatise tan a hun hle
Report this comment
May 9th, 2010 at 11:16 pm
@@@@10 panuamsa i sawi dik lutuk agri leh a kaihhnawih te khi thiah hmak chi maw le.Helam ah chuan agri leh a alied dept an awm pawh ka hre ve lo .agri center ah chuan thai an thar teuh ringawt.Engkim mai khi privatise vek se tha tur ani a.Babutea khan han sawi ve pawng oawng tak nangin a thawktu ho kha a hlau leh deuh si a ti ngam ta ngang lo anih kha maw.
Keini te pawh hahthikur in kawla ni chhuak pawh chhiar ve hman lovin kan thawk a kan ei tawk anih hi.Greece ho chu an che che ve zel ang chu an thawhrah an seng anih kha.
Aryan i ti tha hle mai.Nachin mai pawh khan SKY tv in a la puang dum dum mai.
Report this comment
May 9th, 2010 at 11:33 pm
Aryan chu ziak tha hle mai. Mahse Mizoram nen i khaikhinna khi ka duh aiin a tawi deuh, i dim lutuk emaw ni zawk ni.
Report this comment
May 10th, 2010 at 12:15 am
Kei Alpha leh Omega, A bul leh a tawp han ti phawt mai dawn em ni?
Khawnge a source kan ti ve mai dawn em ni aw????
Tak tak a, Alexander dang an lo chhuak mai ang!!!!
Report this comment
May 10th, 2010 at 12:18 am
Aryan a ngaihnawm hle mai,a leh pek ah chuan swimming pool type deuh kha rawn ti leh tawh la ka van ti.
Report this comment
May 10th, 2010 at 12:19 am
BMW hi jewel emaw ka lo ti ve char char a! Hawihlo eeee…
Report this comment
May 10th, 2010 at 12:30 am
Amen.. ziak tha khawp mai.. Sum dehchhuah mil zela khawsa thiam apiangte hi mi fing leh hmabak awhawm te chu an ni mai awm e..
Mizo thalai tam zawk hi kan thlatin sum lakluh aiin kan hman chhuah hi a tam zawk hlawm mai thei. Saving leh in renchem hi zir kan ngai khawp mai.
Report this comment
May 10th, 2010 at 12:34 am
Aryan buddy ziak tha thei ve a, tunlai i post tha thei riau mai
Report this comment
May 10th, 2010 at 1:02 am
swimming pool kha rawn ti tha leh mai la aw :))
Report this comment
May 10th, 2010 at 1:23 am
Mizoram nen chuan tehkhin chi tak a lo nih tak hi! Abikin sorkar hna an pek danah ngat phei hi chuan. An party lian pahnih te hi an in lal chhawk reng a, party pakhat a lal veleh an mi leh sa te sorkar hna an pe vak vak zel a, sorkar hnathawk a tul ai a an tam turu zia an sawi fo. Mahse sorkar hna thawk an nih miau avangin ban theih an ni bawk si lo. Kum 16 a tang a hnathawh tan phei chuan kum 53 ah a pension theih an ti
Greece hi khawvel a shipping business len berna ram a nih a vang leh an ram a mawi em avang a tourist an tam em hian an tlakchhiat tur hi a veng rei zawk. Mahse tax an pek that duh loh avangin leh an thatchhiat em avangin mi ram pawisa an puk reng a, hetiang a an awmna hi kum 30 chuang zet ni tawh a sawi a ni. Kan Greek hmelhriat pakhat chuan hmanniah hetiang a party induhsakna leh corruption hi a nin lutuk avangin tun a khawvel a a mualpho chhuak ta tak tak hi a lawm zia a sawi.A sawi zel dan chuan doctor a an inentirna te hian cash ken a ngai a, tax pek pumpelh nan. Restaurant tam berah pawh chaw an ei hma a a zu, coffee etc.inna te chauh hi receipt an siam a, an chaw ei tak takna chu cash in an la zel a ni awm e. Shipping company lian pui pui nei ho te hian Greek sorkar hi an rin lohna a rei tawh a, tun kum tirvel atang phei kha chuan ramdangah an pawisa an dah bo deuh vek tawh. A hausa deuh leh thiltithei deuh ho chu ram dangah an pem sup sup a rinawm, abikin europe ram hmar lamah leh Aryan te ram lamah. Melbourne hi Athens tihlohvah chuan khawvel a greek tamberna a ni awm e. An pun belh tual tual bawk in a rinawm.
Greece hma lam tur hi bright lo hle mahse Mizoram ngaihtuah chuan a let tamtakin a beiseiawm zawk. an ram chei sa leh an island mawi tak takah te hian tourist an awm reng dawn a, europe a awm a nih avangin an buaina hi khirh hle mahse ram dang tanpuina azarah Mizoram buaina ai chuan solve a har loh hmel deuh ka ti ve mai mai
Corruption tamna ram apiang ah ram in hma a sawn theih loh zia a chiang khawp mai,Europeah rau rau pawh corruption hluarna ram a piang a backward zel. Mizoram pawh hi tun a kan dinhmun chiah chiahah hian ding mah i la, corruption awm ta miah lo se chu tun a kan dinhmun nen chuan a in thlau khawp ang.
Report this comment
May 10th, 2010 at 7:11 am
Central Sorkar in MIP, Peace Bonus emaw NLUP emaw sum sem tur Mizoram a rawn pe ve leh mai ang bawkin IMF(International Monetary Fund) pawhin Greece chu 30 billion euro ($38.6 billion) loan a pek ve leh tho dawn hi a. Insiamthatnan an hmanglo anih chuan hei ai hian an tuarna tawh ngei ang.
Report this comment
May 10th, 2010 at 10:56 am
Ziak tha hle mai Aryan. Greece leh Mizoram hi kan sawrkar dan dinhmun inang lo mahse kan mizia leh kan Problem chu a inang reng. India chawmhlawm pawh ni mah ila kan insiam that thuai loh chuan Greek ho ang tho hian kan la mualpho ve ang. Min chawm hlawmtuten min chawm peih loh hun hun chu mawng sawh dawta kan tlak chhiat hun a ni mai. Mahni thawhchhuah aia tam hmang thin reng reng hi mimal, chhungkua emaw sawrkar pawh CHAWMHLAWM an ni tihna a ni zel. He zia hi sim ang u. Bible pawhin, “Thawk lo chuan ei pawh ei suh se” a ti hmiah!
Report this comment
May 10th, 2010 at 12:13 pm
Debt Trap ah an tang tihna. Underdeveloped leh Developing Country tam tak hi Greece dinhmun ang khian an awm fur tawh zawk. IMF leh World Bank in Structural Adjusment Programme an impose na chhan pawh khitiang dinhmun atanga lo irh chhuak tho hi a ni e.
Report this comment
May 10th, 2010 at 12:38 pm
Greece hi chu an lunch break te hi a rei bik. Thil an la easy ve thei. Hmanah teleconference appointment ka siam dawnin, 1 hr lunch break kan nei an tia….ka chak ve raps! Chuan, ba an ngaihsak lo em em bawk ( ka company tawn ve tawh chian ah…an ni vek tihna ni lovin).
Report this comment
May 10th, 2010 at 1:09 pm
A khai a! Thil tha lo zawng zawng hi Mizoram nen hmehbel vek kher teh su u, Kan rahbi a la tleu rih anih hi. Sorkar hnathawk hlawh te pawh hi kan ram a retheih em avang hian tam kan ti mai ani, Foreign a awm ho te kha, in hlawh chanve pawh kan hlawh lo ania,( sorkar ah kum 20 chuang ka thawk tawh)Kan policy siam te hian eizawnna tur hi an la dap chhuak fuh thei si lova, mirethei an la tap anih hi.Tin, privatise te pawh hi sawi mai chu a awl khawp mai, mahse tun ah chuan thil har tak ani rih.Agriculture te pawh hi privatise sa vek ania lawm, sorkar dept in engmah an thar hlei nem, an tih ber chu agri policy siam te, pest control te seeds distribution te leh irrigation te ani mai, chu lo chu extension services an provide leh ani mai.
Heath care te pawh tun dinhmun ah chuan private hospitals te an to em em a, mirethei tan pan ngaihna awm lo, a theih dan ber chu chhungte sorkar hnathawk hmanga re imburse hi ani mai, an service pawh sorkar nen adang chuan em em lo.
Greek ho chanchin ka hre vak lo, restaurant siam an thiam hle a, hmeichhe hmeltha deuhhian greek putar hausa pasal atan an duh phian!!
Report this comment