Article ziah hi a har a, inzir tir mai ka ni. Vei zawng ka nei ve thin a, mahse, ka ngaihtuahna ha hi tuai hriam a la ni lo in ‘ha hlam’ ang chauh a la ni. Chu ha hlam ziau deuh chang chuan ka phone-a notepad ah hian ka thai ka thai a, Biakin-ah te, Office ah te, Mitthi vuinaah te, inneih lawmpui tura kalnaah te…zanlaia ka thangharh te pawhin ka thai zel a. Chu notepad chhungthu chu tuna ka rawn post pawh hi a ni. Hmun hrang, hun hranga thuziak belhkhawm chu a thu, ‘a flow’ pawh a inmillo teuh ani tih i hmu thei ang.
Sorkar hnathawk kan nih ve hma atang daih tawh pawh khan pay a danglam dawn apiangin media lamah pawh sawrkar hnathawk pay chungchang thuziak leh sawi a tam. Thil, kei aia chhut chiang lo/chhut bing lutuk ho hian Sawrkar hnathawk ho hlawh hi a tam lutuk tih lam hawia an thu ziak hmuh tur tunhnai pawh hian a tam malh malh hle mai. Sawrkar hnathawk ve ka nih takna tlang atang ni lovin, Mizoram economic dinhmun ka lo thlir ve na atang zawkin ka hmuh dan kan sawi ve dawn chhin teh ang.
Kum hnih khat dawrkai tawh chin chuan an hrechiang a ni. Sawrkar hnathawk ho tamzawk hlawh lak har thla, April hian inhralh a har a, tin, thla tir lam Sawrkar hnathawk ho hlawh lak hlim leh thla tawp lam a ‘sale’ hi a tlangpuiin a inthlau tih hi. Hei hian chiang taka a tarlan chu, Mizoram economy chu Sawrkar hnathawk ho hlawh hian a hril a ni (directly proportional) tih hi.
Chuti anih si chuan, kan ram hruaitu ho hian kalphung thar min chuan chhuahpui hma si chuan engatinge sawrkar hnathawk ho hlawh pung tur leh hlawha lungawilo thawm vel hian a mimir hi min tihbuaiin kan va itsik em em? A tak takah chuan sawrkar hnathawk hlawh a pun a, hlawh an lak that chuan a sawrkar hnathawk lo, nitin inhlawhfa chawp te hlei hlei pawh hian kan hlawk pui a ni tih lam hi kan chhut tlem a ni lo maw?
Sawrkar hna thawk section thenkhat ten kan economy leh kan ram inrelbawlna mil lovin hlawh sang an phut/hlawha lungawilo tih hi chu phat chi a ni e ka ti lo. Mahse, dawr-a (essential comodities dawr ni lo) a thla tir leh thla tawp ‘sale’ a inthlauh dan em em-ah hian, sawrkar hnathawkin hlawh an lak tam chuan an hman a tam a, chu chu a sawrkar hnathawklo te pawh hian kan hlawkpui a ni tih hi a chiang a ni lawm ni? Chumi man pha lo leh sawrkar hnathawk ho er em em hi kan va tamin chumi lam hawi thuziak hi a tam em?
Mihring chu MAHNI HMASIAL saa piang kan ni. Sawrkar hnathawk pawh, thawklo pawh mahni hmasial kan ni. Mahse, sawrkar hnathawk ho hian mahni hma an sial a, hlawh tam an phut a, an hlawh a tam hian, tun Mizoram dinhmunah chuan, a thawk ve lo te hma min sialpui a ni tih hmu thiam hi kan tam lo niin ka hria. Misual ho hian hei hi kan lo ngaihtuah ve ngai em le?
Similar Posts:
- Mizoram a sorkar hnathawk hlawh hi a tam lutuk em, Tax pe ve dawn ta ila
- Mizoram a sawrkar hnathawk – 2005
- Hlawha lungawi lo sorkar hnathawk pung zel
- Zoram siamtha tur pawl thar i din ang u hmiang
- Engvangin nge in lo lawmpui?
June 14th, 2010 at 7:42 pm
Keichu mahni hmasial saa piang ka nilo 1st..
Report this comment
June 14th, 2010 at 7:48 pm
Sorkhar hna hi eng nge ni ang le?
Mizoram sorkhar tluk a sorkhar hausa hi ka hre lo tawp mai.Thu nileng mai mai ho te hlawh tam tak 2 pe in chenna hmiun tur in lam nen an nupui te bazar na tur motot nen.
Mizoram sorkhar hnathawk 8 thawh zat vel hi helam ah chuan pakhat thawh tawk vel anih ka ring.Chutah hlawhah ka lungawilo ek e bal le ka de de dei te an la ti thul.
Mizoram sorkhar in Agriculture dept a mi a chhawr zat oh Agri Division khat office a mihring an chhor zat hi helam sorkhar hian chhawr ve ta se chuan Agri product ah khawvel hi an chawm theih hial ka ring.
Report this comment
June 14th, 2010 at 8:14 pm
A va turu lo tak ve
Sorkar hnathawk te hian an hna aiin an hlawh an buaipui zawk.. tih ka’n sawi ve mai2 teh ang.
Report this comment
June 14th, 2010 at 8:40 pm
Revenue sawi vak tur neilo state kan ni, ni e, sawrkar hnathawkho hlawh lak hi kan sumdawng tam zawkte innghahna a la ni a, hlawh an lak tam leh sumdawnghoin thil man an lo san ve mai a, a tuartu tak chu nitin inhlawhho te an ni leh dawn khawp mai. mahse Inkhawm lai a notepad tih vel khi chu ka hrethiam lo le!!!!
Report this comment
June 14th, 2010 at 8:41 pm
Mizoram budget 70% vel hi sorkar hnathawk hlawhah a kal ral a nia. Sorkar hnathawk chu Mizoram population a\anga chhutin 8% vel lek an nia.
An hlawh chu thuhran an la eiru zui a, Sorkar hnathawk lo tan chuan tih ngaihna a awm lo reng reng. Pu R. Thangkanglova’n hlawh nei lovin EE ka ni duh a tih hian a kawk thui viau.
Sorkar hnathawk hlawh lak har vanga inhralh a har te tak hi a zahthlak. He ram hian thawhchhuah a nei lo tihna mai a ni.
Report this comment
June 14th, 2010 at 8:45 pm
dik khawp mai, sorkar hnathawk hlawh hi tam semipui mimir hian kan chhawr zawk thin reng a ni.Tin, sorkar hna thawk te an hlawh a lungawi lo kan tih te hi han chhut chiang teh u…..an hlawh ah chauh chuan an lungawi reng, kei pawh ka hlawh hi a tlem ka ti hranpa hauh lo, tun dinhmun ah mahni hlawh tlem ti(Ka hna thawh leh ka hlawh a in hen lo a tlem lutuk ti)a vui an awm ka ring lo. Nimahsela pay siam thar a nih hian tunhma a an hlawh zat hlawh ve tho thin midang te kha pay siam tute hian an hlawh an tihsan sak thin a chu chu a lawm an duh loha a nawrh thin le..Pay siam tha tute hian hlawh an ti sang a nih chuan in rual takin ti sang mai se, tunhma a hlawh inzat ho kha inzat tlang dial se a fel mai tur, tu tu te hian emaw tu tute emawni an lo duhsak thin a, hei hian a lawm hlawh chungchang sawi ti tam tuchu…..
Report this comment
June 14th, 2010 at 9:37 pm
An thawh phu tawk hi hmu se, state danga an level puite hlawh zat an hlawh chuan lungawi se, iak iak lo se, kan ram economic dinhmun an thlir ve phak a nih phei chuan an hlawhah hian lawm hliah hliah awm an ni zawk. Mahni tanghma hai an tihnat luatah kan economic dinhmun tlabal mek hi an hmu phak lo emaw kan lo tia. Income tax pawh pek lohna hmuna thawk an ni tih hi theihnghilh ngai lo se, kan hlim tlang ang. An zar kan zo leh zo loh lam ai chuan, mahni phu tawk aia tam hmu chuan sel pawh pawisa lo se a fuh ka ring
Report this comment
June 14th, 2010 at 9:46 pm
Dik reng mai turu^lo. Kan economy chu sorkar hnathawk ho ah hian a innghat tlat reng ani. Kan state hi mi kan la tlem em a Central pawh hian min chawm hi phurrit teh chiam ah pawh a ngai lo ang. A chhan chu kan lak luh zat hi tam eng ang mahse, a tam zawk chu khu lamah luang lut leh zel tur kha a ni sa ani. Chuvangin kei chuan hlawh pung tur hi tha ka tiin pawi tihna ka nei miah lo.
MAHSE, ZAHTHLAK VE TAK CHU ANI!
Report this comment
June 14th, 2010 at 9:57 pm
Hlawh pung hi a zahthlakna tur zuk hre ve hauh lo ia! Thil man sang zel, sum hlutna tlahniam zel leh khawsak phung hmasawnna milin thawktu hlawh pawh hi a pung ngei tur a ni.
@Hmingtea, i awmna ram leh kan ram inthlauhna chu hmuchiang thiam tak i ni ngei ang. Kan sorkar hnathawkte hi mamawh ai chuan an tam ngei mai. Kha lama an level awm vel hlawh nen khan han khaikhin mai mai teh, tu hlawh nge tam zawk ang le?
@frost: I fiamthu a niang a. Hlawh chauh buaipuia puh ngawt mai chu hah tak leh thahnemngai taka thawkte tan a rilrunatthlak mai lovang maw?
Report this comment
June 14th, 2010 at 9:58 pm
hlawh lam ai mah chuan i post hmasa ber(?) hi thil sawisel ringot lam hawi a ni lo va tha ka ti ve hrim2 mai.
Report this comment
June 14th, 2010 at 10:01 pm
Ti hian kan tive ange aww..
Nangni sorkar hnathawk te hian, in hlawh phu ngei hian hna thawk ve ula (???) In thawhchhuah (Mizoram tan) hmuh tur tlem si, in hlawh erawh-in hma a sawn zel si. a soisel duh tan chuan sawisel theih khawp ang.
Anih kan Budget (Central atanga lo kal hi) sorkar hnathawk te kaltang chauhin em ni keini ak zathnih hnuai lam ten kan dawn ve dawn ?
Kan hmasawn ve na atana in hman tur (Plan Budget) te hian hma min sawn tir ve ula chuan kan thik ngawih ngawih miah lovang che u.
Report this comment
June 14th, 2010 at 10:06 pm
Mahni hmasial leh sialloh lamah chuan sawi vak tur ka hre hauh lo mahse sorkar hnathawh hausak pui kan tum hi kan buaina bul ber niin ka hre ve tlatzzz….te ka tia…huhuhu…
Report this comment
June 14th, 2010 at 10:07 pm
Sorkar hnathawk hlawh buaipui aiin Sorkar hmathawk lo sorkar hnathawk hlawh buaipui an tam zawk!!
Report this comment
June 14th, 2010 at 10:09 pm
Muante Helam a an level han tih mai chu!!!! an thawh tam leh tam loh ah a in nghat ang chu.Tin helam a an level awm a ka ngaih eg factories vel a manager, work Maneger , tam zawk hi degree engeneer te an ni deuh fur a heng ho te hi a tul dan a zir in labour ho thawh ang chiah in an thawk bawrh 2 zel. Darkar bi a hlawh vek anih avangin kal pawh an kal hma thin bawk. Thu lam ah chuan thawktu lak thu ah te ban thu chen in thu tawp neitu an ni bawk.
An dinhmun ah chuan Mizoram officer te tluk pha hi an vang khawp mai .Minister te hi a tluk pha tu awm chhun an ni ang chu.Driver leh car te an dawng ve.
Report this comment
June 14th, 2010 at 10:12 pm
13th Finance Commission chairman Vijay Kelkar khan ‘Indian ram pum puiah per capita atanga chhutin sum in dawng hnem ber’ min ti a ni.
Kan sum dawn te hi production-ah kan hmang si lo. Plan leh Non-plan kan neih hmangte hian production kan siam der si lo.
Supply of money a sang a, supply of goods & services a tlem si a. A awmzia ber chu pawisa lo lut tam hi kan hmang tangkai lo a, thil hlu siamnan kan hmang lo, tu te emaw inah te, huanah te, an fate lehkhazir nan te a kal ral zel.
Sorkar hnathawkin hlawh a la bawk a, a eiru bawk a, mipui chan tur a awm hleinem.
Report this comment
June 14th, 2010 at 10:13 pm
@muantea, hlawh pun tak hi chu a zahthlak hauh lo, dik reng mai. Mahse, ka lo sawi chiang lo ve bawk ani. #4 khian thil awmzia tlem chu min lo sawi sak in ka hria.
Tuna kan ram ‘circulatatory system’ kal tluang zel hi dan chah in awm ta se……
Thawh tak tak hi kan nei em?
Kan department tam zawk hian thil tih tak tak an nei em?
Mainland ah contribute tur hi sawi tur kan nei em?
Report this comment
June 14th, 2010 at 10:13 pm
hmingte, sorkar hnathawk an awm ve lo em ni? Ka sawi awmzia chu Helama Assistant/ Superintendent/SDO te hi kha lama Sorkar hnathawk an level awm vel nen khan an hlawh han compare chhin teh- ka tihna a ni e. An nature of works chu hmun hrang hrangah a danglam thei ang.
Report this comment
June 14th, 2010 at 10:19 pm
mr.hyde, a dik khawp mai. Ka ngaihdanah chuan an hlawh tam lam ai chuan tuna hnathawk hi 2/3 vel hian titlem ta se, an buai phah lo tawp ang. Tin, an thawk tlem kan tih pawh hi a dik rualin thawh tur nei mang lova awm hi tam tak chu an awm thei bawk a ni. Chu chuan mamawh aia tam thawktu kan neihzia a tilang.
Report this comment
June 14th, 2010 at 10:21 pm
Leh lawksss….Seniority nilovin performance based in promotion hi kalpui ta zawk se….kan input leh productivity hi chu tun aia a let tam tak hian a that zawk ka beisei ve tlatzzz….te ka tia…hohoho
Report this comment
June 14th, 2010 at 10:26 pm
HARSATNA NAMEN LO CHUAN MIN TI HARH ZO LOVANG!
Report this comment
June 14th, 2010 at 10:32 pm
Sawrkar hnathawk zingah hian an hlawk phu tawka hnathawk nasa an awm tlem ngawt ang. A hlawh phu ve tawka hnathawk nasa awm kan hriat chuan an hming pawh sawi lang ru, kei chu ka hre mai lo. Hlawh tam, hna thawk tlem si, work output nei mang lo, hlawh buaipui ringawt mai kan ang ka ti. Sawrkar hnathawk ve lo tan chuan thikawm tak kan ni eeeee, chutah kawng hrang hrangin hamthatna kan dawng, eiru lehzel bawk nen. A rundal mai mai a thawk.
Report this comment
June 14th, 2010 at 10:34 pm
@sunshine..#19.Performance based promotion chu a that hmel khawp mai, MAHSE performance teh fung chiang kuang tak a awm loh chuan induhsakna a hluar khawp ang.Officer lian te chhungkhat laina leh politics lama mi chal lang te an promote zung zung mai ang.
Report this comment
June 14th, 2010 at 10:35 pm
India leh ramdang lo compare vel su aw. Kan hna kalphung a inang lo. Sorkara luh ve a, security tha tak hnuaia thawh ve ka chak khawp mai. 6th pay kan hman hma hian Sa man vawi 3 an pisang tawh a, chaw leh a hmeh man a pung tawh a, bus, sumo fare a to tawh bok. Manipur pawhin a hnuaia thawkte hlawh a tisang a, a zahthlak an tih awm pawh ka hre lo, an state in a buai phah pawh ka hre lo.
Duhlo mah ila sorkar hnathawk hlawh hi a pung dawn tho tho
Report this comment
June 14th, 2010 at 10:40 pm
kan lo tel ve leh lawks economy leh hlawh pung sawi takah chuan: hlawh pung ngawr ngawr hi a huatthlala awm lo va,mahse, sorkar hnathawk hlawha budget proportion lian lutuk hi chu ngaimawh awm ka ti ngawt mai. kan ram chu agriculture lamah kan pachhe bawk, industry lamah kan pachhe bawk,service lamah quality aiin quantity lamah kan tha zui bawk si.
Here i ask you all what is development? From where it start?
Report this comment
June 14th, 2010 at 11:00 pm
Down to the basics, BUHFAI leh A HMEH tur hi kan kham khawp han thar thei phawt ila development tanna tur hmasa ber chu a ni mai. Next chumi aia tam han thar leh i la chuang deuh hnur thei turin. A chuang a chu han hralh chhawng vel ta ila.
Ti chuain, ran han vulh leh i la. Kan ei peih loh khawp tur hi vawk sa te, sangha te, bawng sa te hi han nei mai ila. Chungte chu han thawn chhuak leh i la. Tanna tur chu ni mai.
Report this comment
June 14th, 2010 at 11:24 pm
Sorkar hnathawk chuti zat percent thawklo chuti zat percent hi kan ti ngawt zel bawk a. Kei chiahin kan chhungkuaah Sorkar hna ka thawk a, ka chhungkaw member dang 6 hi ka hlawh ring tho an ni. Hlawh hi la lo ila chaw nghei mai hmabak kei bakah mi 6 chu chiangsa ani.Chhungkaw dangah pawh chuti tho chu. Sorkar hnathawk hlawh hi a tam lamah hrim hrim chuan a tam lo khawp mai. Kumkhata kan hlawh hi khawl vek pawh ni ila Car pakhat pawh kan lei pha meuh lo chu anih hi. Amaherawhchu Central Sorkar hnathawk kan level pui te aia hlawh sang lak hi chu tha ka ti lo khawp mai thung.
Report this comment
June 14th, 2010 at 11:54 pm
@awmawmpuia says
“Hlawh hi la lo ila chaw nghei mai hmabak kei bakah mi 6 chu chiangsa ani”
Hlawh nei lova chhungkaw member 5 chawm thingtlangah an tam khawp ang. an hmasawnna ve tur an hijack sak daih bok si (?)
Report this comment
June 15th, 2010 at 12:01 am
awmpuia@ Chu chu system tha lo tho a ni. Engtik hunah emaw chuan i chawm theihloh hun a awm ang. System tha se, midang ho khan hna thawk ve se sorkar hna kher lovah security nei ve se i hahdam ngawt ang.
India ram pum ngaihtuahin sorkar hnathawk hi an tam lo. 13% vel sorkar laipui budget an hlawhah a kal a, chu pawh Man Mohan Singh chuan sorkar hnathawk an tam a ti. Mizoram-ah chuan 8% vel an awm a, budget an ei ral hi 50% chung a ni. Hmasawnna hi a kal thui thei lo hrim hrim.
Report this comment
June 15th, 2010 at 12:16 am
Thil reng reng hi a tah tawl in a kal chho tur ani.
Kan mamawh a bulpui ber atanga chhut hi a ngai tlat. Chu chu ei leh bar chung chang hi ani. Kan ei khawp buh leh thlai te hi kan thar phawt lo chuan thil dang han vei em em tur hi kan nei lem lo.
Sum hnuk central atangin han chat ta se kan tam deuh der chu ni mai si.
He problem hi kan solve phawt anga tichuan thil dang te pawh kan vei thei chauh ang. not AIDS. Entirnan, infrastructural development te hi kan ei leh bar (in the literal sense of the phrase)kan intodelh tak tak huna chauh kan buaipui thei ang. Chu mi hnuah chuan power and electricity in a chhawm tel zawng zawng chu kan hmangin kan changkan pui thei ang.
The problem is: Thil tul hmasa kan tihfel turte tihfel lo va hmasawnna kawng ah shortcut kan neih tlat, tun modern age in a ken tel chi hrang hrang hian min ti laklawh zo vek in ka hria. heng thil hian min puih ai mahin min ti khawlo zawk ta chu ani hi.
Report this comment
June 15th, 2010 at 1:00 am
Sorkhar hna a awm bik lo Babutean puamtal a PRIVATISATION a tih ang kha ani ber e.
A sorkhar ber ho pawh bank post office damdawiin chu pawh semi govt kan tih pawh an pha lo.
Report this comment
June 15th, 2010 at 5:10 am
Sawrkar hnathawk inti te hi tu te nge in nih, English chuan government servant in ni lawm ni? Servant in hlawh pun an ngiat anngiat ngam em ni, an phu tawk chu an hotu ten an siam sak mai thin zawk ngai e. Thawk tha peih silo hlawh pun beisei hi ka ning, thawk erawh in a thawh ang ngeiin hlawh la se, pun pawh pun rawh se (ka ngaihdan).
Tichuan, hlawh in lak phu tawkin hna in thawk chiah em tih mimal theuhin in chhut chiang ula, in ngaihtuah thiam chapo lovin, in outcome atang zawkin! Chumi hnuah, i sawi ang khian kan state economy milin kan hlawh te siam a ni em tih te, sawrkar/mipui chhiahhlawh zawk eiruk inrenlo (ziah bo theih vangin) lutuk hian a ni lawm ni thil man ti to vek zawk che u?
Sumdawng ten pawisa an hlep that avangin emaw, chhan dang vangin hnathawh outcome chhuantlak awm si lovin, hlawh pun ve ngawt emaw, eiruk emaw tumna/chakna hial in nei em, tih te han ngaihtuah chiang teh u. Cheng 50,000.00 pawh hlawh pha lo turin engti chiah in nge in ro sum, in leh lo in neih te hi chhut chiang rawh u. Thangthar te hi an a tawh lo, an dahtha mai ang che u tih ka hlau (eiru ho leh thatchhe sum duh ho tan).
Chhiahhlawh (servant) chapo in tam lutuk hi ka hne che u. NOI
Report this comment
June 15th, 2010 at 7:07 am
@HV: They are voters, not servants
Sorkar hnathawk hlawh hian Mizoram economy chu a hril teh meuh mai. A chhan chu budget atanga 50% vel hlawh ah an sem zo a. 10% vel chauh ni ta se, economy a tibuai pha lem law.
Report this comment
June 15th, 2010 at 7:13 am
Government servant = sawrkar tirhkah.
Report this comment
June 15th, 2010 at 7:20 am
Mizoramah chuan govt servant’ tih a ni ve lo. Government Service tih daih a ni :lol:
Report this comment
June 15th, 2010 at 10:49 am
Aizawlah hian khawi vengah pawh kal ula, In ropui leh nalh tak tak sa ho hi chu Sawrkar hna, eiru phak chin deuh sak vek a niang a…
Report this comment