Euro Pawisa an hluihlawn dawn em?

May 17th, 2010 7:43 pm by Aryan

Hmani a Greek ho thatchhiat leh corrupt zia kan ziah tawh kha, hei hian nghawng nasa tak a nei mek a, Euro zone (Euro Currency hmang) an nih si avangin Euro hmang ve ram dang a nghawng lo thei si lo. Kar hmasa khan European Union leh IMF tangkawpin Greece leh economy tlachhe ram Spain, Portugal leh Ireland te an bankrupt tur ven thawnna tur $ 1 trillion an theh chhuah kha, mahse hei hian stock market a ti lungawi zo chuang lo. Vawiin chu Euro pawisa a tlahniam leh ta duai duai mai. Vawiinah hian Euro 1 hian US $ 1.22 a lei thei mek ani.

Nikum hmasa a US a recession nasa tak an neih lai khan Euro 1 hian US $ 1.55 vel a lei thei hial a, European ho in inti thei deuhin kan pawisa US Dollar aiin ahlu zawk, kan economy a tha zawk, kum tawpah chuan US $ 2 in Euro 1 a tluk ang te an ti eu vela, tunah chuan European ho an nui tawh miah lo. An mangang a, tih vak ngaihna an hre silo.

Europe a ram hausa ber Germany in Greek thatchhe ho vanga an pawisa hlutna tlahniam hi an thinrim hle a, an tanpui loh chuan Euro pawisa ati keh darh vek ang tih an hlau bawksi, an tanpui chuan an nundan pangai in thatchhe takin Mizoram anga mi thawhchhuah sa (vaiho thawhchhuah) a nung der der a in renchem tum lek lovin, an awm ang tih an hlau bawk si. Chutih laiin Greek sawrkar hnathawk ho in an ram in sum a neilo tih hre reng chung hlawh leh bonus sawrkarin cut a tum duhlovin an lo nuar ting tang bawk nen.

Kar hmasa khan Spain leh Portugal chuan inremchem policy an puanga, hlawh cut te, midang hire belh loh te, pension tih tlem te an rel a, hei hian tlemin khawvel stock market a ti lungawi deuh hreta, mahse an buaina bulpui ber ram thatchhia leh kutdawh mek Greek ho berin an leiba an rulh theih loh palh ala hlauh awm reng avangin vawiin ringawtah pawh Asia/Australia ram stock market a tlahniam leh ta duai mai. Euro pawisa hmanna rama awm mizo te pawn pawisa thlengna a chhiat tak em avangin chhungte an thawn tam theih hmel loh khawp mai. Nikum September thla khan Euro 1= Rs 70 ania tunah chuan Euro 1= Rs 55 lek ani tawh :D

Similar Posts:

Recent Posts:

17 Responses to “Euro Pawisa an hluihlawn dawn em?”

  1. 1
    Johnroyte Says:

    Ava tla hniam tak ve..

    Report this comment

  2. 2
    zualbonez Says:

    Aryan…ziak tha e

    Report this comment

  3. 3
    Lersia Says:

    Kei chu kan ram ani ka vei ni….

    Report this comment

  4. 4
    Zephenath Says:

    Aryan, i ziak ngaihnawm thiamin a bengvarthlak e.
    Australian dollar hlutna te pawh han thailang tel zauh la mo le :)

    Report this comment

  5. 5
    Teleptuama Says:

    Chuti chu UK vela zuk intheh thil vel ava tihchi dawn ve tunlai chu,..Haha,

    Report this comment

  6. 6
    PvsNP Says:

    the failure of supra-national institutions :)

    Report this comment

  7. 7
    chhangte_ll Says:

    Down Greece, Up with the Turks (Sick man of Europe) an ti thin ani lawmi :lol:

    Report this comment

  8. 8
    XaiA Says:

    Greek ho hi khawvel hnam upa,’history’ nei an ni a,an corrupt te kan ti a,an hnam ang a upa hi ni ve ta ila kan corrupt ve viau ang a :?: :lol:

    Report this comment

  9. 9
    Lemonvale Says:

    Europe economy buai chung chang hi political background atanga chhut deuh a ngai a, Euro currency hian European Union a khalh kal ve tlat avangin, ram lian leh hausa pahnih Germany leh France hian hreh tak chung pawhin, Greece, Spain leh Portugal te hi an pui lo thei lo. Eng pawh nise, Euro hman tan tirh khan Dollar (USD)1.17 chauh a nia a tluk ni. Tunah mai hian Bloomberg forcast ah chuan tlem in Euro hlutna hi a chho hret hret.Tun hnaiah chak lutuk a, a hlutna a hloh ta mai hi erawh chu, mang a ti ang deuh a ni.

    Report this comment

  10. 10
    Teatak2 Says:

    Aryan leh Lemonvale te hi in va hriat hmel ve mawle? In sawi ngaihnawm thiam dawn tlat mai a…

    Report this comment

  11. 11
    van damme Says:

    India rama India pawisa Euro a thleng lai vel ni se ka va ti ve,nikum a kan thleng lai kha chuan 1Euro kha 70 in kan thleng a,Euro chuan a tam duhlo khawp mai. :lol:

    Report this comment

  12. 12
    maawma Says:

    EUR/USD hi engtin nge a awm zel ang? Euro in USD lei tawh tur nge? EURO hi USD a hralh hem hem mai tur? La nghah rih zawk tur em niang??? A hre duh tan hetah hian click keuh mai, a lan vek kha :-)
    https://www.actionforex.com/act.....517113372/

    https://www.ibtimes.com/article.....may-17.htm

    Report this comment

  13. 13
    ms10a Says:

    Greece sorkar leh mipui hrim2 hi rin phak bak an awm..!

    Report this comment

  14. 14
    hmingtea Says:

    Greece ho chu duh tawk in tla chhe vek ang hmiang thatche si in rentum bawk si lo te chu.
    US$ leh Aust$ hi an in tluk vel chiah niin ka hria.
    Zanin chu Mizo chawhmeh (mizo food)kan ei chuh changkha,dal,thingthupui rep,etc.tui fu mai.

    Report this comment

  15. 15
    H.Vangchhia Says:

    Euro kha 1.24 ah a kai chho leh tawh e :D

    Report this comment

  16. 16
    D_auachwgthu Says:

    Aryan, i hriatzauna ka lo hlawkpui leh ta lawih mai. Euro- leh Rs in hlut hleihna te pawh ka lo hre reng reng hleinem maw le,chutin an lo tlachhia ani maw….hna hi ka thok tluk tluk ringwt a, ka bengvar lo teh anih hi maw….lolzzzzzzz

    Report this comment

  17. 17
    andrewkls Says:

    zia lo khop mai, euro currency ka nghah lutuk

    Report this comment

Leave a Reply

You must be logged in to post a comment.