India ram khawpui Delhi hi zirna hmunpui a nih avang leh eizawnna hna thawh tur a tam avangin Mizo zirlai leh hnathawk kan pung chak hle a. Hmasawnna lawmawm tak a ni. Kan zirna leh hnathawhna theuhah ram leh hnam chawimawitu, Mizo zirlai leh hnathawk lo la awm zel turte tana hmasialtu kan nih a pawimawh hle mai.
Hnam dang zinga awm hian taimak leh invawn uluk a pawimawh viau thin a. Tunlai hian zirna leh hnathawhna kawngah phairam atanga Mizo hlawhchham a haw kan awm ta zauh zauh a. Hun lokal zel tura fate Delhi lama kaltir tumte tan fimkhur tulna leh thil dang pawimawh kan invenpui tlan tur kan han tarlang e:
Zirna / Zirlai chungchangah:
Delhi University-a zir tur hian ST tan ‘centralized admission’ tih thin a ni a. Pawl 12 a mark hmuh, college leh course duhthlan azirin admission pek thin a ni. Mark hmuthalo emaw dil tlai emaw avanga college duh ang hmuh loh avanga lunghnura zirna-a tui loh phah an awm thin. A hun taka dil tur a ni. Mark hmu thalo tan beisei tihsan vak a fuhlo thei bawk. College admission chungchanga chiang zawka hre duh tan DMZP hruaitute zawh chian emaw an website http://dmzp.org a en mai tur a ni e.
Mahni duhthlan college adt. ah Admission hmulo, diploma emaw correspondence course la a Delhi a awm tepawh kan awm a. Institution thalo leh lem (recognised loh), admission hmuh awl tak tak thahnem tak a awm avangin, nu leh pa ten kan fate zir leh tih kan hriatpui ngei a tul hle a ni.
Attendance mamawh ang kal tlin phak loh avanga exam phalsak loh leh internal assignment atana thahnemngaih tawk loh avanga mark mamawh ang hmu phaklo an awm thin. Class kal tha tur leh assignment uluk taka ti tura kan fate fuih a pawimawh hle.
Hostel indaihlohna a nasat thin avangin, mark tha tak hmuh loh chuan inluah emaw paying guest anga awm a ngai tla. Inluah tur leh paying guest a awmna tur thlan thuah te, in luahpui tur emaw room mate tur emaw thlan thuah fimkhur em em tur a ni. Mifel tak pawh awmpuite khawloh vanga hmingchhiat mai theih ani tih hriat a tha.
Hna / Hnathawk chungchangah:
Delhi-ah hian taima leh tuarchhel tan chuan hnathawh tur a awm reng ti ila a sual awm love. Amaherawhchu, Delhi-a khawsak a hautak avangin, hna tam tak hian mahni inchawm zawhna khawp hlawh a keng zolo thin a ni. Hnathawhtur thlan thuah fimkhur a tul tak meuh ani.
Tunlai hna kautet tam ber hi mimal dawr, company leh firm-ah te a ni deuh ber. Hna zawn laiin min ruaitu tur uluk tak leh chik taka hriatchian thin tur a ni. Ruaitu fuhlo avanga chesual leh hmingchhiat theih a ni tih hriat reng a pawimawh. Hmeichhe tan phei chuan fimkhur a tul zual hle ani.
Achunga tarlan angin hna tam zawk hi private company te a nih thin avangin hna hnuai lam phei chu a nghetlo thei viau mai a. In ban leh hlawh tihhniam/pek kimloh te a awm theih thin avangin security atan sum engemaw zat dahthat tur neih reng thin a pawimawh. Ruaitute pawhin hetiang hi suahsual bawlnan leh hmeichhe thlem nan an hman duh mai thin avangin fimkhur tluk a awmlo.
Tunhnaiah hian zirlai exam fail leh attendance that tawk loh avanga exam phalsak loh, nu leh pate hriatpui si lova tha taka lehkhazir anga Delhi a awm zui hriat tur an awm leh thin. Chutiang bawkin hnathawk tura kal, harsatna engemaw avanga hna bansana hna dang thawkzui lemlo, thiante in-a awm khawmuang ta mai mai sawi tur an awm bawk. Nu leh paten kan fate chinchang leh thiltih kan chikpuia kan hriatpui a tul tak meuh a ni. Midangte atang pawha kan fate chanchin kan ngaihven fo a tha.
Heng bakah hian ruihtheihthil leh mibum hmang lakah fimkhur turin kan inchah duh bawk. Kan fate ruihtheihthil timi annih chuan kan hmuh phak lohva dah a him lo. Ruihtheihthil avanga ram pawna boral an awm ta fo mai. Heng hi nu leh pa hmuh phak lova awm anni deuh ber. Tin, sum leh pai leh hmeichhiat mipatna lama mibum hmang hnamdang thurualpui duh mai sawi tur Mizo nula leh tlangval zingah an awm ta nual mai. Mizo leh Mizo inkarah pawh fimkhur a tul thu kan inhrilh nawn duh bawk ani e.
Midang tana phurrit nih loh hram hram tum theuh tur a ni a. Kan awmna hmun theuvah khua leh tui tha, ram leh hnam tihmelmawitu nih kan tum theuh dawn nia. Nu leh pa ten kan fate kan hmuhphakloh a sum leh pai tam tak senga beiseina sang tak neia kan thawn chhuahte a thlawn mai a nih loh nan thahnemngai takin heng thil hi kan rawn tarlang a ni e. Mizoram house helpline (011-26153571), emergency a Welfare / Zirlai hruaitu leh Mizoram House thuneitu te atanga puina mamawh te tan bika line hranpa ruahman, eng lai pawha biak pawh theih a ni bawk e.
Sd/- Sd/-
(C.Vanlalramsanga) (C.L. Ruala)
Secretary President
May 13th, 2011 at 1:35 am
first hi in in chuh luai luai zel a, ka test chhin teh an (haha)! a lo hlu bik em em nge..a lo pawimawh teh chiam lo..post hi ka chhiar hman miah lo, ka typing a muan vang in.. :-O
May 13th, 2011 at 1:36 am
tha khop mai
May 13th, 2011 at 1:38 am
saw lamah ka comment tawh a @lrpa ka kian mai a nih khi 😛
May 13th, 2011 at 1:40 am
1, 2, 3..ozima the great!
ka la chhiar miah lo..!!
May 13th, 2011 at 1:45 am
Very very good post anih hi!
Machemtatrawta kan ti hial teh ang!! (Y)
May 13th, 2011 at 1:45 am
Delhi zirlai leh hnathawk te 2004 a min puihna kha ka la hre reng. Ka lawm e :sawi nawn fo dawn: 🙂
May 13th, 2011 at 1:45 am
comment hmasa tute hi an va chhiar uluk hlawm emm… 🙂
May 13th, 2011 at 1:46 am
A tha khawp mai. Nu leh pate’n hriat a pawimawh. Nu leh pa ho tak tak leh ngaihsam tak tak hi an tam khawp mai.
May 13th, 2011 at 1:52 am
@lrp…k lawm lutuk..kei pawn kan chhiar ve tran ange..ka rawn paste tawp a…lo post teh min tia..hotuten.. 🙂
Pu HV…keini pawh kan lawm e..ka la awm ve lo na a. 🙂
May 13th, 2011 at 1:54 am
Post tha tak a nie, mizoram lam chhanchinbu ah te chhuah sela, tangkai pui kan van han tam dawn em? Ka chhiar chhuak dap e, thumps up
May 13th, 2011 at 1:59 am
A post-tu aiin ka chhiarchhuak hmasa zawk tihna 😛
May 13th, 2011 at 2:09 am
Tuaite…ka la chhiar mekk..ck pah chuan chhiar joh har khawp mai.. 🙂
May 13th, 2011 at 2:15 am
@K’u Trawt, Par hmeltha-i i chhai zãwrh zãwrh a niang chu!
May 13th, 2011 at 2:21 am
@tuaite..sunday chu ka lo chibai khalh dawn che lawm..a nung chung ngeiin…i thlalak hi kan lo en dun ang. 😉
May 13th, 2011 at 2:35 am
Hei pawh mi kaihhruaina lampang chi bawk a ni e. In ti tha thin e. Han tang zel teh u.
Good Post. (Y) (Y)
May 13th, 2011 at 2:54 am
India ram tih apianga inbumna tih fo mai.Hna a inchhorna dan felfai tak neih lohna hmunah chuan thawh fo lo mai tur.
May 13th, 2011 at 2:59 am
@hmingtea…”beggars cant be choosers” an lo tih tak kha mawle.. 😉
May 13th, 2011 at 3:14 am
trawta: I thil post atang chuan delhi velah chuan iva pawimawh hmel ve. 😀
Kei hi ka awmna apiangah ka pawimawh lo. Lolz
May 13th, 2011 at 3:21 am
@funny..comments khi chhiar ta che…. 😉
May 13th, 2011 at 6:57 am
Post tha leh tangkai tak a nih hi, kan chhinchhiah kar teh ang, ka fate ka kaltir ve duh takin 🙂
May 13th, 2011 at 7:04 am
in va’n mengrei hlawm XD
May 13th, 2011 at 7:31 am
Post tangkai tak a nih hmel e. Mizo zawng zawng chhiar theih tura thehdarh chi a nih hi.
May 13th, 2011 at 11:00 am
Post tha tak a ni e
Chennai lampang hian rawn post ve se ka va ti ve.
May 13th, 2011 at 11:18 am
Khitiang post khi tangkai nia.. ti zel rawh u
May 13th, 2011 at 11:26 am
Post tangkai tak a ni. Delhi mai ni lo India ram khawpui danga zirna avang leh hnathawhna avanga kal tum te tan he thuchhuah hi chhiar ngei ngei chi a ni e.
May 13th, 2011 at 2:08 pm
chemtatrawta, an pawl hming khi an thlak ta em ni le? Delhi Mizo Welfare Association (DMWA) tih kha a ni thin a.
Thuchhuah pawimawh tak a ni.
May 13th, 2011 at 2:36 pm
@hlatekhua..in register dawn chuan delhi tih telh kha phalloh antiin ka hria..
May 13th, 2011 at 2:46 pm
trawta, fb ah ***a biak che kha en teh, pawimawh ania
May 13th, 2011 at 3:18 pm
chemtatrawta@27, Hets, ngati nge min rawn lo-a an lo thlak ngawt??? 😛